ଶ୍ରୀ ରାମାଷ୍ଟୋତ୍ତର ଶତନାମ ସ୍ତୋତ୍ରମ୍

ଶ୍ରୀରାମୋ ରାମଭଦ୍ରଶ୍ଚ ରାମଚଂଦ୍ରଶ୍ଚ ଶାଶ୍ଵତଃ ।
ରାଜୀଵଲୋଚନଃ ଶ୍ରୀମାନ୍ରାଜେଂଦ୍ରୋ ରଘୁପୁଂଗଵଃ ॥ 1 ॥

ଜାନକୀଵଲ୍ଲଭୋ ଜୈତ୍ରୋ ଜିତାମିତ୍ରୋ ଜନାର୍ଦନଃ ।
ଵିଶ୍ଵାମିତ୍ରପ୍ରିୟୋ ଦାଂତଃ ଶରଣତ୍ରାଣତତ୍ପରଃ ॥ 2 ॥

ଵାଲିପ୍ରମଥନୋ ଵାଗ୍ମୀ ସତ୍ୟଵାକ୍ସତ୍ୟଵିକ୍ରମଃ ।
ସତ୍ୟଵ୍ରତୋ ଵ୍ରତଧରଃ ସଦାହନୁମଦାଶ୍ରିତଃ ॥ 3 ॥

କୌସଲେୟଃ ଖରଧ୍ଵଂସୀ ଵିରାଧଵଧପଂଡିତଃ ।
ଵିଭୀଷଣପରିତ୍ରାତା ହରକୋଦଂଡଖଂଡନଃ ॥ 4 ॥

ସପ୍ତତାଲପ୍ରଭେତ୍ତା ଚ ଦଶଗ୍ରୀଵଶିରୋହରଃ ।
ଜାମଦଗ୍ନ୍ୟମହାଦର୍ପଦଲନସ୍ତାଟକାଂତକଃ ॥ 5 ॥

ଵେଦାଂତସାରୋ ଵେଦାତ୍ମା ଭଵରୋଗସ୍ୟ ଭେଷଜମ୍ ।
ଦୂଷଣତ୍ରିଶିରୋହଂତା ତ୍ରିମୂର୍ତିସ୍ତ୍ରିଗୁଣାତ୍ମକଃ ॥ 6 ॥

ତ୍ରିଵିକ୍ରମସ୍ତ୍ରିଲୋକାତ୍ମା ପୁଣ୍ୟଚାରିତ୍ରକୀର୍ତନଃ ।
ତ୍ରିଲୋକରକ୍ଷକୋ ଧନ୍ଵୀ ଦଂଡକାରଣ୍ୟକର୍ତନଃ ॥ 7 ॥

ଅହଲ୍ୟାଶାପଶମନଃ ପିତୃଭକ୍ତୋ ଵରପ୍ରଦଃ ।
ଜିତେଂଦ୍ରିୟୋ ଜିତକ୍ରୋଧୋ ଜିତାମିତ୍ରୋ ଜଗଦ୍ଗୁରୁଃ ॥ 8 ॥

ଋକ୍ଷଵାନରସଂଘାତୀ ଚିତ୍ରକୂଟସମାଶ୍ରୟଃ ।
ଜୟଂତତ୍ରାଣଵରଦଃ ସୁମିତ୍ରାପୁତ୍ରସେଵିତଃ ॥ 9 ॥

ସର୍ଵଦେଵାଦିଦେଵଶ୍ଚ ମୃତଵାନରଜୀଵନଃ ।
ମାୟାମାରୀଚହଂତା ଚ ମହାଦେଵୋ ମହାଭୁଜଃ ॥ 10 ॥

ସର୍ଵଦେଵସ୍ତୁତଃ ସୌମ୍ୟୋ ବ୍ରହ୍ମଣ୍ୟୋ ମୁନିସଂସ୍ତୁତଃ ।
ମହାୟୋଗୀ ମହୋଦାରଃ ସୁଗ୍ରୀଵେପ୍ସିତରାଜ୍ୟଦଃ ॥ 11 ॥

ସର୍ଵପୁଣ୍ୟାଧିକଫଲଃ ସ୍ମୃତସର୍ଵାଘନାଶନଃ ।
ଆଦିପୁରୁଷଃ ପରମପୁରୁଷୋ ମହାପୂରୁଷ ଏଵ ଚ ॥ 12 ॥

ପୁଣ୍ୟୋଦୟୋ ଦୟାସାରଃ ପୁରାଣପୁରୁଷୋତ୍ତମଃ ।
ସ୍ମିତଵକ୍ତ୍ରୋ ମିତାଭାଷୀ ପୂର୍ଵଭାଷୀ ଚ ରାଘଵଃ ॥ 13 ॥

ଅନଂତଗୁଣଗଂଭୀରୋ ଧୀରୋଦାତ୍ତଗୁଣୋତ୍ତମଃ ।
ମାୟାମାନୁଷଚାରିତ୍ରୋ ମହାଦେଵାଦିପୂଜିତଃ ॥ 14 ॥

ସେତୁକୃଜ୍ଜିତଵାରାଶିଃ ସର୍ଵତୀର୍ଥମୟୋ ହରିଃ ।
ଶ୍ୟାମାଂଗଃ ସୁଂଦରଃ ଶୂରଃ ପୀତଵାସା ଧନୁର୍ଧରଃ ॥ 15 ॥

ସର୍ଵୟଜ୍ଞାଧିପୋ ୟଜ୍ଵା ଜରାମରଣଵର୍ଜିତଃ ।
ଶିଵଲିଂଗପ୍ରତିଷ୍ଠାତା ସର୍ଵାଵଗୁଣଵର୍ଜିତଃ ॥ 16 ॥

ପରମାତ୍ମା ପରଂ ବ୍ରହ୍ମ ସଚ୍ଚିଦାନଂଦଵିଗ୍ରହଃ ।
ପରଂଜ୍ୟୋତିଃ ପରଂଧାମ ପରାକାଶଃ ପରାତ୍ପରଃ ॥ 17 ॥

ପରେଶଃ ପାରଗଃ ପାରଃ ସର୍ଵଦେଵାତ୍ମକଃ ପରଃ ॥

ଏଵଂ ଶ୍ରୀରାମଚଂଦ୍ରସ୍ୟ ନାମ୍ନାମଷ୍ଟୋତ୍ତରଂ ଶତମ୍

ଇତି ଶ୍ରୀ ରାମାଷ୍ଟୋତ୍ତର ଶତନାମସ୍ତୋତ୍ରଂ ସଂପୂର୍ଣମ୍