ଶ୍ରୀ କମଲା ଅଷ୍ଟୋତ୍ତର ଶତ ନାମା ସ୍ତୋତ୍ରଂ

ଶ୍ରୀ ଶିଵ ଉଵାଚ
ଶତମଷ୍ଟୋତ୍ତରଂ ନାମ୍ନାଂ କମଲାୟା ଵରାନନେ ।
ପ୍ରଵକ୍ଷ୍ୟାମ୍ୟତିଗୁହ୍ୟଂ ହି ନ କଦାପି ପ୍ରକାଶୟେତ୍ ॥ 1 ॥

ଓଂ ମହାମାୟା ମହାଲକ୍ଷ୍ମୀର୍ମହାଵାଣୀ ମହେଶ୍ଵରୀ ।
ମହାଦେଵୀ ମହାରାତ୍ରିର୍ମହିଷାସୁରମର୍ଦିନୀ ॥ 2 ॥

କାଲରାତ୍ରିଃ କୁହୂଃ ପୂର୍ଣାନଂଦାଦ୍ୟା ଭଦ୍ରିକା ନିଶା ।
ଜୟା ରିକ୍ତା ମହାଶକ୍ତିର୍ଦେଵମାତା କୃଶୋଦରୀ ॥ 3 ॥

ଶଚୀଂଦ୍ରାଣୀ ଶକ୍ରନୁତା ଶଂକରପ୍ରିୟଵଲ୍ଲଭା ।
ମହାଵରାହଜନନୀ ମଦନୋନ୍ମଥିନୀ ମହୀ ॥ 4 ॥

ଵୈକୁଂଠନାଥରମଣୀ ଵିଷ୍ଣୁଵକ୍ଷଃସ୍ଥଲସ୍ଥିତା ।
ଵିଶ୍ଵେଶ୍ଵରୀ ଵିଶ୍ଵମାତା ଵରଦାଽଭୟଦା ଶିଵା ॥ 5 ॥

ଶୂଲିନୀ ଚକ୍ରିଣୀ ମା ଚ ପାଶିନୀ ଶଂଖଧାରିଣୀ ।
ଗଦିନୀ ମୁଂଡମାଲା ଚ କମଲା କରୁଣାଲୟା ॥ 6 ॥

ପଦ୍ମାକ୍ଷଧାରିଣୀ ହ୍ୟଂବା ମହାଵିଷ୍ଣୁପ୍ରିୟଂକରୀ ।
ଗୋଲୋକନାଥରମଣୀ ଗୋଲୋକେଶ୍ଵରପୂଜିତା ॥ 7 ॥

ଗୟା ଗଂଗା ଚ ୟମୁନା ଗୋମତୀ ଗରୁଡାସନା ।
ଗଂଡକୀ ସରୟୂସ୍ତାପୀ ରେଵା ଚୈଵ ପୟସ୍ଵିନୀ ॥ 8 ॥

ନର୍ମଦା ଚୈଵ କାଵେରୀ କେଦାରସ୍ଥଲଵାସିନୀ ।
କିଶୋରୀ କେଶଵନୁତା ମହେଂଦ୍ରପରିଵଂଦିତା ॥ 9 ॥

ବ୍ରହ୍ମାଦିଦେଵନିର୍ମାଣକାରିଣୀ ଵେଦପୂଜିତା ।
କୋଟିବ୍ରହ୍ମାଂଡମଧ୍ୟସ୍ଥା କୋଟିବ୍ରହ୍ମାଂଡକାରିଣୀ ॥ 10 ॥

ଶ୍ରୁତିରୂପା ଶ୍ରୁତିକରୀ ଶ୍ରୁତିସ୍ମୃତିପରାୟଣା ।
ଇଂଦିରା ସିଂଧୁତନୟା ମାତଂଗୀ ଲୋକମାତୃକା ॥ 11 ॥

ତ୍ରିଲୋକଜନନୀ ତଂତ୍ରା ତଂତ୍ରମଂତ୍ରସ୍ଵରୂପିଣୀ ।
ତରୁଣୀ ଚ ତମୋହଂତ୍ରୀ ମଂଗଳା ମଂଗଳାୟନା ॥ 12 ॥

ମଧୁକୈଟଭମଥନୀ ଶୁଂଭାସୁରଵିନାଶିନୀ ।
ନିଶୁଂଭାଦିହରା ମାତା ହରିଶଂକରପୂଜିତା ॥ 13 ॥

ସର୍ଵଦେଵମୟୀ ସର୍ଵା ଶରଣାଗତପାଲିନୀ ।
ଶରଣ୍ୟା ଶଂଭୁଵନିତା ସିଂଧୁତୀରନିଵାସିନୀ ॥ 14 ॥

ଗଂଧର୍ଵଗାନରସିକା ଗୀତା ଗୋଵିଂଦଵଲ୍ଲଭା ।
ତ୍ରୈଲୋକ୍ୟପାଲିନୀ ତତ୍ତ୍ଵରୂପା ତାରୁଣ୍ୟପୂରିତା ॥ 15 ॥

ଚଂଦ୍ରାଵଲୀ ଚଂଦ୍ରମୁଖୀ ଚଂଦ୍ରିକା ଚଂଦ୍ରପୂଜିତା ।
ଚଂଦ୍ରା ଶଶାଂକଭଗିନୀ ଗୀତଵାଦ୍ୟପରାୟଣା ॥ 16 ॥

ସୃଷ୍ଟିରୂପା ସୃଷ୍ଟିକରୀ ସୃଷ୍ଟିସଂହାରକାରିଣୀ ।
ଇତି ତେ କଥିତଂ ଦେଵି ରମାନାମଶତାଷ୍ଟକମ୍ ॥ 17 ॥

ତ୍ରିସଂଧ୍ୟଂ ପ୍ରୟତୋ ଭୂତ୍ଵା ପଠେଦେତତ୍ସମାହିତଃ ।
ୟଂ ୟଂ କାମୟତେ କାମଂ ତଂ ତଂ ପ୍ରାପ୍ନୋତ୍ୟସଂଶୟମ୍ ॥ 18 ॥

ଇମଂ ସ୍ତଵଂ ୟଃ ପଠତୀହ ମର୍ତ୍ୟୋ
ଵୈକୁଂଠପତ୍ନ୍ୟାଃ ପରମାଦରେଣ ।
ଧନାଧିପାଦ୍ୟୈଃ ପରିଵଂଦିତଃ ସ୍ୟାତ୍
ପ୍ରୟାସ୍ୟତି ଶ୍ରୀପଦମଂତକାଲେ ॥ 19 ॥

ଇତି ଶ୍ରୀ କମଲାଷ୍ଟୋତ୍ତରଶତନାମସ୍ତୋତ୍ରମ୍ ।