ଶ୍ରୀ ଗୁରୁଗୀତା ତୃତୀୟୋଧ୍ୟାୟଃ
ଅଥ ତୃତୀୟୋଽଧ୍ୟାୟଃ ॥
ଅଥ କାମ୍ୟଜପସ୍ଥାନଂ କଥୟାମି ଵରାନନେ ।
ସାଗରାଂତେ ସରିତ୍ତୀରେ ତୀର୍ଥେ ହରିହରାଲୟେ ॥ 236 ॥
ଶକ୍ତିଦେଵାଲୟେ ଗୋଷ୍ଠେ ସର୍ଵଦେଵାଲୟେ ଶୁଭେ ।
ଵଟସ୍ୟ ଧାତ୍ର୍ୟା ମୂଲେ ଵା ମଠେ ବୃଂଦାଵନେ ତଥା ॥ 237 ॥
ପଵିତ୍ରେ ନିର୍ମଲେ ଦେଶେ ନିତ୍ୟାନୁଷ୍ଠାନତୋଽପି ଵା ।
ନିର୍ଵେଦନେନ ମୌନେନ ଜପମେତତ୍ ସମାରଭେତ୍ ॥ 238 ॥
ଜାପ୍ୟେନ ଜୟମାପ୍ନୋତି ଜପସିଦ୍ଧିଂ ଫଲଂ ତଥା ।
ହୀନଂ କର୍ମ ତ୍ୟଜେତ୍ସର୍ଵଂ ଗର୍ହିତସ୍ଥାନମେଵ ଚ ॥ 239 ॥
ଶ୍ମଶାନେ ବିଲ୍ଵମୂଲେ ଵା ଵଟମୂଲାଂତିକେ ତଥା ।
ସିଦ୍ଧ୍ୟଂତି କାନକେ ମୂଲେ ଚୂତଵୃକ୍ଷସ୍ୟ ସନ୍ନିଧୌ ॥ 240 ॥
ପୀତାସନଂ ମୋହନେ ତୁ ହ୍ୟସିତଂ ଚାଭିଚାରିକେ ।
ଜ୍ଞେୟଂ ଶୁକ୍ଲଂ ଚ ଶାଂତ୍ୟର୍ଥଂ ଵଶ୍ୟେ ରକ୍ତଂ ପ୍ରକୀର୍ତିତମ୍ ॥ 241 ॥
ଜପଂ ହୀନାସନଂ କୁର୍ଵନ୍ ହୀନକର୍ମଫଲପ୍ରଦମ୍ ।
ଗୁରୁଗୀତାଂ ପ୍ରୟାଣେ ଵା ସଂଗ୍ରାମେ ରିପୁସଂକଟେ ॥ 242 ॥
ଜପନ୍ ଜୟମଵାପ୍ନୋତି ମରଣେ ମୁକ୍ତିଦାୟିକା ।
ସର୍ଵକର୍ମାଣି ସିଦ୍ଧ୍ୟଂତି ଗୁରୁପୁତ୍ରେ ନ ସଂଶୟଃ ॥ 243 ॥
ଗୁରୁମଂତ୍ରୋ ମୁଖେ ୟସ୍ୟ ତସ୍ୟ ସିଦ୍ଧ୍ୟଂତି ନାଽନ୍ୟଥା ।
ଦୀକ୍ଷୟା ସର୍ଵକର୍ମାଣି ସିଦ୍ଧ୍ୟଂତି ଗୁରୁପୁତ୍ରକେ ॥ 244 ॥
ଭଵମୂଲଵିନାଶାୟ ଚାଷ୍ଟପାଶନିଵୃତ୍ତୟେ ।
ଗୁରୁଗୀତାଂଭସି ସ୍ନାନଂ ତତ୍ତ୍ଵଜ୍ଞଃ କୁରୁତେ ସଦା ॥ 245 ॥
ସ ଏଵଂ ସଦ୍ଗୁରୁଃ ସାକ୍ଷାତ୍ ସଦସଦ୍ବ୍ରହ୍ମଵିତ୍ତମଃ ।
ତସ୍ୟ ସ୍ଥାନାନି ସର୍ଵାଣି ପଵିତ୍ରାଣି ନ ସଂଶୟଃ ॥ 246 ॥
ସର୍ଵଶୁଦ୍ଧଃ ପଵିତ୍ରୋଽସୌ ସ୍ଵଭାଵାଦ୍ୟତ୍ର ତିଷ୍ଠତି ।
ତତ୍ର ଦେଵଗଣାଃ ସର୍ଵେ କ୍ଷେତ୍ରପୀଠେ ଚରଂତି ଚ ॥ 247 ॥
ଆସନସ୍ଥାଃ ଶୟାନା ଵା ଗଚ୍ଛଂତସ୍ତିଷ୍ଠତୋଽପି ଵା ।
ଅଶ୍ଵାରୂଢା ଗଜାରୂଢାଃ ସୁଷୁପ୍ତା ଜାଗ୍ରତୋଽପି ଵା ॥ 248 ॥
ଶୁଚିର୍ଭୂତା ଜ୍ଞାନଵଂତୋ ଗୁରୁଗୀତାଂ ଜପଂତି ୟେ ।
ତେଷାଂ ଦର୍ଶନସଂସ୍ପର୍ଶାତ୍ ଦିଵ୍ୟଜ୍ଞାନଂ ପ୍ରଜାୟତେ ॥ 249 ॥
ସମୁଦ୍ରେ ଵୈ ୟଥା ତୋୟଂ କ୍ଷୀରେ କ୍ଷୀରଂ ଜଲେ ଜଲମ୍ ।
ଭିନ୍ନେ କୁଂଭେ ୟଥାଽଽକାଶଂ ତଥାଽଽତ୍ମା ପରମାତ୍ମନି ॥ 250 ॥
ତଥୈଵ ଜ୍ଞାନଵାନ୍ ଜୀଵଃ ପରମାତ୍ମନି ସର୍ଵଦା ।
ଐକ୍ୟେନ ରମତେ ଜ୍ଞାନୀ ୟତ୍ର କୁତ୍ର ଦିଵାନିଶମ୍ ॥ 251 ॥
ଏଵଂଵିଧୋ ମହାୟୁକ୍ତଃ ସର୍ଵତ୍ର ଵର୍ତତେ ସଦା ।
ତସ୍ମାତ୍ସର୍ଵପ୍ରକାରେଣ ଗୁରୁଭକ୍ତିଂ ସମାଚରେତ୍ ॥ 252 ॥
ଗୁରୁସଂତୋଷଣାଦେଵ ମୁକ୍ତୋ ଭଵତି ପାର୍ଵତି ।
ଅଣିମାଦିଷୁ ଭୋକ୍ତୃତ୍ଵଂ କୃପୟା ଦେଵି ଜାୟତେ ॥ 253 ॥
ସାମ୍ୟେନ ରମତେ ଜ୍ଞାନୀ ଦିଵା ଵା ୟଦି ଵା ନିଶି ।
ଏଵଂଵିଧୋ ମହାମୌନୀ ତ୍ରୈଲୋକ୍ୟସମତାଂ ଵ୍ରଜେତ୍ ॥ 254 ॥
ଅଥ ସଂସାରିଣଃ ସର୍ଵେ ଗୁରୁଗୀତା ଜପେନ ତୁ ।
ସର୍ଵାନ୍ କାମାଂସ୍ତୁ ଭୁଂଜଂତି ତ୍ରିସତ୍ୟଂ ମମ ଭାଷିତମ୍ ॥ 255 ॥
ସତ୍ୟଂ ସତ୍ୟଂ ପୁନଃ ସତ୍ୟଂ ଧର୍ମସାରଂ ମୟୋଦିତମ୍ ।
ଗୁରୁଗୀତାସମଂ ସ୍ତୋତ୍ରଂ ନାସ୍ତି ତତ୍ତ୍ଵଂ ଗୁରୋଃ ପରମ୍ ॥ 256 ॥
ଗୁରୁର୍ଦେଵୋ ଗୁରୁର୍ଧର୍ମୋ ଗୁରୌ ନିଷ୍ଠା ପରଂ ତପଃ ।
ଗୁରୋଃ ପରତରଂ ନାସ୍ତି ତ୍ରିଵାରଂ କଥୟାମି ତେ ॥ 257 ॥
ଧନ୍ୟା ମାତା ପିତା ଧନ୍ୟୋ ଗୋତ୍ରଂ ଧନ୍ୟଂ କୁଲୋଦ୍ଭଵଃ ।
ଧନ୍ୟା ଚ ଵସୁଧା ଦେଵି ୟତ୍ର ସ୍ୟାଦ୍ଗୁରୁଭକ୍ତତା ॥ 258 ॥
ଆକଲ୍ପଜନ୍ମ କୋଟୀନାଂ ୟଜ୍ଞଵ୍ରତତପଃ କ୍ରିୟାଃ ।
ତାଃ ସର୍ଵାଃ ସଫଲା ଦେଵି ଗୁରୂସଂତୋଷମାତ୍ରତଃ ॥ 259 ॥
ଶରୀରମିଂଦ୍ରିୟଂ ପ୍ରାଣମର୍ଥଂ ସ୍ଵଜନବଂଧୁତା ।
ମାତୃକୁଲଂ ପିତୃକୁଲଂ ଗୁରୁରେଵ ନ ସଂଶୟଃ ॥ 260 ॥
ମଂଦଭାଗ୍ୟା ହ୍ୟଶକ୍ତାଶ୍ଚ ୟେ ଜନା ନାନୁମନ୍ଵତେ ।
ଗୁରୁସେଵାସୁ ଵିମୁଖାଃ ପଚ୍ୟଂତେ ନରକେଽଶୁଚୌ ॥ 261 ॥
ଵିଦ୍ୟା ଧନଂ ବଲଂ ଚୈଵ ତେଷାଂ ଭାଗ୍ୟଂ ନିରର୍ଥକମ୍ ।
ୟେଷାଂ ଗୁରୂକୃପା ନାସ୍ତି ଅଧୋ ଗଚ୍ଛଂତି ପାର୍ଵତି ॥ 262 ॥
ବ୍ରହ୍ମା ଵିଷ୍ଣୁଶ୍ଚ ରୁଦ୍ରଶ୍ଚ ଦେଵାଶ୍ଚ ପିତୃକିନ୍ନରାଃ ।
ସିଦ୍ଧଚାରଣୟକ୍ଷାଶ୍ଚ ଅନ୍ୟେ ଚ ମୁନୟୋ ଜନାଃ ॥ 263 ॥
ଗୁରୁଭାଵଃ ପରଂ ତୀର୍ଥମନ୍ୟତୀର୍ଥଂ ନିରର୍ଥକମ୍ ।
ସର୍ଵତୀର୍ଥମୟଂ ଦେଵି ଶ୍ରୀଗୁରୋଶ୍ଚରଣାଂବୁଜମ୍ ॥ 264 ॥
କନ୍ୟାଭୋଗରତା ମଂଦାଃ ସ୍ଵକାଂତାୟାଃ ପରାଙ୍ମୁଖାଃ ।
ଅତଃ ପରଂ ମୟା ଦେଵି କଥିତଂ ନ ମମ ପ୍ରିୟେ ॥ 265 ॥
ଇଦଂ ରହସ୍ୟମସ୍ପଷ୍ଟଂ ଵକ୍ତଵ୍ୟଂ ଚ ଵରାନନେ ।
ସୁଗୋପ୍ୟଂ ଚ ତଵାଗ୍ରେ ତୁ ମମାତ୍ମପ୍ରୀତୟେ ସତି ॥ 266 ॥
ସ୍ଵାମିମୁଖ୍ୟଗଣେଶାଦ୍ୟାନ୍ ଵୈଷ୍ଣଵାଦୀଂଶ୍ଚ ପାର୍ଵତି ।
ନ ଵକ୍ତଵ୍ୟଂ ମହାମାୟେ ପାଦସ୍ପର୍ଶଂ କୁରୁଷ୍ଵ ମେ ॥ 267 ॥
ଅଭକ୍ତେ ଵଂଚକେ ଧୂର୍ତେ ପାଷଂଡେ ନାସ୍ତିକାଦିଷୁ ।
ମନସାଽପି ନ ଵକ୍ତଵ୍ୟା ଗୁରୁଗୀତା କଦାଚନ ॥ 268 ॥
ଗୁରଵୋ ବହଵଃ ସଂତି ଶିଷ୍ୟଵିତ୍ତାପହାରକାଃ ।
ତମେକଂ ଦୁର୍ଲଭଂ ମନ୍ୟେ ଶିଷ୍ୟହୃତ୍ତାପହାରକମ୍ ॥ 269 ॥
ଚାତୁର୍ୟଵାନ୍ ଵିଵେକୀ ଚ ଅଧ୍ୟାତ୍ମଜ୍ଞାନଵାନ୍ ଶୁଚିଃ ।
ମାନସଂ ନିର୍ମଲଂ ୟସ୍ୟ ଗୁରୁତ୍ଵଂ ତସ୍ୟ ଶୋଭତେ ॥ 270 ॥
ଗୁରଵୋ ନିର୍ମଲାଃ ଶାଂତାଃ ସାଧଵୋ ମିତଭାଷିଣଃ ।
କାମକ୍ରୋଧଵିନିର୍ମୁକ୍ତାଃ ସଦାଚାରାଃ ଜିତେଂଦ୍ରିୟାଃ ॥ 271 ॥
ସୂଚକାଦିପ୍ରଭେଦେନ ଗୁରଵୋ ବହୁଧା ସ୍ମୃତାଃ ।
ସ୍ଵୟଂ ସମ୍ୟକ୍ ପରୀକ୍ଷ୍ୟାଥ ତତ୍ତ୍ଵନିଷ୍ଠଂ ଭଜେତ୍ସୁଧୀଃ ॥ 272 ॥
ଵର୍ଣଜାଲମିଦଂ ତଦ୍ଵଦ୍ବାହ୍ୟଶାସ୍ତ୍ରଂ ତୁ ଲୌକିକମ୍ ।
ୟସ୍ମିନ୍ ଦେଵି ସମଭ୍ୟସ୍ତଂ ସ ଗୁରୁଃ ସୁଚକଃ ସ୍ମୃତଃ ॥ 273 ॥
ଵର୍ଣାଶ୍ରମୋଚିତାଂ ଵିଦ୍ୟାଂ ଧର୍ମାଧର୍ମଵିଧାୟିନୀମ୍ ।
ପ୍ରଵକ୍ତାରଂ ଗୁରୁଂ ଵିଦ୍ଧି ଵାଚକଂ ତ୍ଵିତି ପାର୍ଵତି ॥ 274 ॥
ପଂଚାକ୍ଷର୍ୟାଦିମଂତ୍ରାଣାମୁପଦେଷ୍ଟା ତୁ ପାର୍ଵତି ।
ସ ଗୁରୁର୍ବୋଧକୋ ଭୂୟାଦୁଭୟୋରୟମୁତ୍ତମଃ ॥ 275 ॥
ମୋହମାରଣଵଶ୍ୟାଦିତୁଚ୍ଛମଂତ୍ରୋପଦେଶିନମ୍ ।
ନିଷିଦ୍ଧଗୁରୁରିତ୍ୟାହୁଃ ପଂଡିତାସ୍ତତ୍ତ୍ଵଦର୍ଶିନଃ ॥ 276 ॥
ଅନିତ୍ୟମିତି ନିର୍ଦିଶ୍ୟ ସଂସାରଂ ସଂକଟାଲୟମ୍ ।
ଵୈରାଗ୍ୟପଥଦର୍ଶୀ ୟଃ ସ ଗୁରୁର୍ଵିହିତଃ ପ୍ରିୟେ ॥ 277 ॥
ତତ୍ତ୍ଵମସ୍ୟାଦିଵାକ୍ୟାନାମୁପଦେଷ୍ଟା ତୁ ପାର୍ଵତି ।
କାରଣାଖ୍ୟୋ ଗୁରୁଃ ପ୍ରୋକ୍ତୋ ଭଵରୋଗନିଵାରକଃ ॥ 278 ॥
ସର୍ଵସଂଦେହସଂଦୋହନିର୍ମୂଲନଵିଚକ୍ଷଣଃ ।
ଜନ୍ମମୃତ୍ୟୁଭୟଘ୍ନୋ ୟଃ ସ ଗୁରୁଃ ପରମୋ ମତଃ ॥ 279 ॥
ବହୁଜନ୍ମକୃତାତ୍ ପୁଣ୍ୟାଲ୍ଲଭ୍ୟତେଽସୌ ମହାଗୁରୁଃ ।
ଲବ୍ଧ୍ଵାଽମୁଂ ନ ପୁନର୍ୟାତି ଶିଷ୍ୟଃ ସଂସାରବଂଧନମ୍ ॥ 280 ॥
ଏଵଂ ବହୁଵିଧା ଲୋକେ ଗୁରଵଃ ସଂତି ପାର୍ଵତି ।
ତେଷୁ ସର୍ଵପ୍ରୟତ୍ନେନ ସେଵ୍ୟୋ ହି ପରମୋ ଗୁରୁଃ ॥ 281 ॥
ନିଷିଦ୍ଧଗୁରୁଶିଷ୍ୟସ୍ତୁ ଦୁଷ୍ଟସଂକଲ୍ପଦୂଷିତଃ ।
ବ୍ରହ୍ମପ୍ରଳୟପର୍ୟଂତଂ ନ ପୁନର୍ୟାତି ମର୍ତ୍ୟତାମ୍ ॥ 282 ॥
ଏଵଂ ଶ୍ରୁତ୍ଵା ମହାଦେଵୀ ମହାଦେଵଵଚସ୍ତଥା ।
ଅତ୍ୟଂତଵିହ୍ଵଲମନାଃ ଶଂକରଂ ପରିପୃଚ୍ଛତି ॥ 283 ॥
ପାର୍ଵତ୍ୟୁଵାଚ ।
ନମସ୍ତେ ଦେଵଦେଵାତ୍ର ଶ୍ରୋତଵ୍ୟଂ କିଂଚିଦସ୍ତି ମେ ।
ଶ୍ରୁତ୍ଵା ତ୍ଵଦ୍ଵାକ୍ୟମଧୁନା ଭୃଶଂ ସ୍ୟାଦ୍ଵିହ୍ଵଲଂ ମନଃ ॥ 284 ॥
ସ୍ଵୟଂ ମୂଢା ମୃତ୍ୟୁଭୀତାଃ ସୁକୃତାଦ୍ଵିରତିଂ ଗତାଃ ।
ଦୈଵାନ୍ନିଷିଦ୍ଧଗୁରୁଗା ୟଦି ତେଷାଂ ତୁ କା ଗତିଃ ॥ 285 ॥
ଶ୍ରୀ ମହାଦେଵ ଉଵାଚ ।
ଶୃଣୁ ତତ୍ତ୍ଵମିଦଂ ଦେଵି ୟଦା ସ୍ୟାଦ୍ଵିରତୋ ନରଃ ।
ତଦାଽସାଵଧିକାରୀତି ପ୍ରୋଚ୍ୟତେ ଶ୍ରୁତିମସ୍ତକୈଃ ॥ 286 ॥
ଅଖଂଡୈକରସଂ ବ୍ରହ୍ମ ନିତ୍ୟମୁକ୍ତଂ ନିରାମୟମ୍ ।
ସ୍ଵସ୍ମିନ୍ ସଂଦର୍ଶିତଂ ୟେନ ସ ଭଵେଦସ୍ୟଂ ଦେଶିକଃ ॥ 287 ॥
ଜଲାନାଂ ସାଗରୋ ରାଜା ୟଥା ଭଵତି ପାର୍ଵତି ।
ଗୁରୂଣାଂ ତତ୍ର ସର୍ଵେଷାଂ ରାଜାଽୟଂ ପରମୋ ଗୁରୁଃ ॥ 288 ॥
ମୋହାଦିରହିତଃ ଶାଂତୋ ନିତ୍ୟତୃପ୍ତୋ ନିରାଶ୍ରୟଃ ।
ତୃଣୀକୃତବ୍ରହ୍ମଵିଷ୍ଣୁଵୈଭଵଃ ପରମୋ ଗୁରୁଃ ॥ 289 ॥
ସର୍ଵକାଲଵିଦେଶେଷୁ ସ୍ଵତଂତ୍ରୋ ନିଶ୍ଚଲସ୍ସୁଖୀ ।
ଅଖଂଡୈକରସାସ୍ଵାଦତୃପ୍ତୋ ହି ପରମୋ ଗୁରୁଃ ॥ 290 ॥
ଦ୍ଵୈତାଦ୍ଵୈତଵିନିର୍ମୁକ୍ତଃ ସ୍ଵାନୁଭୂତିପ୍ରକାଶଵାନ୍ ।
ଅଜ୍ଞାନାଂଧତମଶ୍ଛେତ୍ତା ସର୍ଵଜ୍ଞଃ ପରମୋ ଗୁରୁଃ ॥ 291 ॥
ୟସ୍ୟ ଦର୍ଶନମାତ୍ରେଣ ମନସଃ ସ୍ୟାତ୍ ପ୍ରସନ୍ନତା ।
ସ୍ଵୟଂ ଭୂୟାତ୍ ଧୃତିଶ୍ଶାଂତିଃ ସ ଭଵେତ୍ ପରମୋ ଗୁରୁଃ ॥ 292 ॥
ସିଦ୍ଧିଜାଲଂ ସମାଲୋକ୍ୟ ୟୋଗିନାଂ ମଂତ୍ରଵାଦିନାମ୍ ।
ତୁଚ୍ଛାକାରମନୋଵୃତ୍ତିଃ ୟସ୍ୟାସୌ ପରମୋ ଗୁରୁଃ ॥ 293 ॥
ସ୍ଵଶରୀରଂ ଶଵଂ ପଶ୍ୟନ୍ ତଥା ସ୍ଵାତ୍ମାନମଦ୍ଵୟମ୍ ।
ୟଃ ସ୍ତ୍ରୀକନକମୋହଘ୍ନଃ ସ ଭଵେତ୍ ପରମୋ ଗୁରୁଃ ॥ 294 ॥
ମୌନୀ ଵାଗ୍ମୀତି ତତ୍ତ୍ଵଜ୍ଞୋ ଦ୍ଵିଧାଽଭୂଚ୍ଛୃଣୁ ପାର୍ଵତି ।
ନ କଶ୍ଚିନ୍ମୌନିନାଂ ଲୋଭୋ ଲୋକେଽସ୍ମିନ୍ଭଵତି ପ୍ରିୟେ ॥ 295 ॥
ଵାଗ୍ମୀ ତୂତ୍କଟସଂସାରସାଗରୋତ୍ତାରଣକ୍ଷମଃ ।
ୟତୋଽସୌ ସଂଶୟଚ୍ଛେତ୍ତା ଶାସ୍ତ୍ରୟୁକ୍ତ୍ୟନୁଭୂତିଭିଃ ॥ 296 ॥
ଗୁରୁନାମଜପାଦ୍ଦେଵି ବହୁଜନ୍ମାର୍ଜିତାନ୍ୟପି ।
ପାପାନି ଵିଲୟଂ ୟାଂତି ନାସ୍ତି ସଂଦେହମଣ୍ଵପି ॥ 297 ॥
ଶ୍ରୀଗୁରୋସ୍ସଦୃଶଂ ଦୈଵଂ ଶ୍ରୀଗୁରୋସଦୃଶଃ ପିତା ।
ଗୁରୁଧ୍ୟାନସମଂ କର୍ମ ନାସ୍ତି ନାସ୍ତି ମହୀତଲେ ॥ 298 ॥
କୁଲଂ ଧନଂ ବଲଂ ଶାସ୍ତ୍ରଂ ବାଂଧଵାସ୍ସୋଦରା ଇମେ ।
ମରଣେ ନୋପୟୁଜ୍ୟଂତେ ଗୁରୁରେକୋ ହି ତାରକଃ ॥ 299 ॥
କୁଲମେଵ ପଵିତ୍ରଂ ସ୍ୟାତ୍ ସତ୍ୟଂ ସ୍ଵଗୁରୁସେଵୟା ।
ତୃପ୍ତାଃ ସ୍ୟୁସ୍ସକଲା ଦେଵା ବ୍ରହ୍ମାଦ୍ୟା ଗୁରୁତର୍ପଣାତ୍ ॥ 300 ॥
ଗୁରୁରେକୋ ହି ଜାନାତି ସ୍ଵରୂପଂ ଦେଵମଵ୍ୟୟମ୍ ।
ତଦ୍ଜ୍ଞାନଂ ୟତ୍ପ୍ରସାଦେନ ନାନ୍ୟଥା ଶାସ୍ତ୍ରକୋଟିଭିଃ ॥ 301 ॥
ସ୍ଵରୂପଜ୍ଞାନଶୂନ୍ୟେନ କୃତମପ୍ୟକୃତଂ ଭଵେତ୍ ।
ତପୋଜପାଦିକଂ ଦେଵି ସକଲଂ ବାଲଜଲ୍ପଵତ୍ ॥ 302 ॥
ଶିଵଂ କେଚିଦ୍ଧରିଂ କେଚିଦ୍ଵିଧିଂ କେଚିତ୍ତୁ କେଚନ ।
ଶକ୍ତିଂ ଦୈଵମିତି ଜ୍ଞାତ୍ଵା ଵିଵଦଂତି ଵୃଥା ନରାଃ ॥ 303 ॥
ନ ଜାନଂତି ପରଂ ତତ୍ତ୍ଵଂ ଗୁରୁଦୀକ୍ଷାପରାଙ୍ମୁଖାଃ ।
ଭ୍ରାଂତାଃ ପଶୁସମା ହ୍ୟେତେ ସ୍ଵପରିଜ୍ଞାନଵର୍ଜିତାଃ ॥ 304 ॥
ତସ୍ମାତ୍କୈଵଲ୍ୟସିଦ୍ଧ୍ୟର୍ଥଂ ଗୁରୁମେଵ ଭଜେତ୍ପ୍ରିୟେ ।
ଗୁରୁଂ ଵିନା ନ ଜାନଂତି ମୂଢାସ୍ତତ୍ପରମଂ ପଦମ୍ ॥ 305 ॥
ଭିଦ୍ୟତେ ହୃଦୟଗ୍ରଂଥିଶ୍ଛିଦ୍ୟଂତେ ସର୍ଵସଂଶୟାଃ ।
କ୍ଷୀୟଂତେ ସର୍ଵକର୍ମାଣି ଗୁରୋଃ କରୁଣୟା ଶିଵେ ॥ 306 ॥
କୃତାୟା ଗୁରୁଭକ୍ତେସ୍ତୁ ଵେଦଶାସ୍ତ୍ରାନୁସାରତଃ ।
ମୁଚ୍ୟତେ ପାତକାଦ୍ଘୋରାତ୍ ଗୁରୁଭକ୍ତୋ ଵିଶେଷତଃ ॥ 307 ॥
ଦୁସ୍ସଂଗଂ ଚ ପରିତ୍ୟଜ୍ୟ ପାପକର୍ମ ପରିତ୍ୟଜେତ୍ ।
ଚିତ୍ତଚିହ୍ନମିଦଂ ୟସ୍ୟ ତସ୍ୟ ଦୀକ୍ଷା ଵିଧୀୟତେ ॥ 308 ॥
ଚିତ୍ତତ୍ୟାଗନିୟୁକ୍ତଶ୍ଚ କ୍ରୋଧଗର୍ଵଵିଵର୍ଜିତଃ ।
ଦ୍ଵୈତଭାଵପରିତ୍ୟାଗୀ ତସ୍ୟ ଦୀକ୍ଷା ଵିଧୀୟତେ ॥ 309 ॥
ଏତଲ୍ଲକ୍ଷଣୟୁକ୍ତତ୍ଵଂ ସର୍ଵଭୂତହିତେ ରତମ୍ ।
ନିର୍ମଲଂ ଜୀଵିତଂ ୟସ୍ୟ ତସ୍ୟ ଦୀକ୍ଷା ଵିଧୀୟତେ ॥ 310 ॥
କ୍ରିୟୟା ଚାନ୍ଵିତଂ ପୂର୍ଵଂ ଦୀକ୍ଷାଜାଲଂ ନିରୂପିତମ୍ ।
ମଂତ୍ରଦୀକ୍ଷାଭିଧଂ ସାଂଗୋପାଂଗଂ ସର୍ଵଂ ଶିଵୋଦିତମ୍ ॥ 311 ॥
କ୍ରିୟୟା ସ୍ୟାଦ୍ଵିରହିତାଂ ଗୁରୁସାୟୁଜ୍ୟଦାୟିନୀମ୍ ।
ଗୁରୁଦୀକ୍ଷାଂ ଵିନା କୋ ଵା ଗୁରୁତ୍ଵାଚାରପାଲକଃ ॥ 312 ॥
ଶକ୍ତୋ ନ ଚାପି ଶକ୍ତୋ ଵା ଦୈଶିକାଂଘ୍ରି ସମାଶ୍ରୟେତ୍ ।
ତସ୍ୟ ଜନ୍ମାସ୍ତି ସଫଲଂ ଭୋଗମୋକ୍ଷଫଲପ୍ରଦମ୍ ॥ 313 ॥
ଅତ୍ୟଂତଚିତ୍ତପକ୍ଵସ୍ୟ ଶ୍ରଦ୍ଧାଭକ୍ତିୟୁତସ୍ୟ ଚ ।
ପ୍ରଵକ୍ତଵ୍ୟମିଦଂ ଦେଵି ମମାତ୍ମପ୍ରୀତୟେ ସଦା ॥ 314 ॥
ରହସ୍ୟଂ ସର୍ଵଶାସ୍ତ୍ରେଷୁ ଗୀତାଶାସ୍ତ୍ରମିଦଂ ଶିଵେ ।
ସମ୍ୟକ୍ପରୀକ୍ଷ୍ୟ ଵକ୍ତଵ୍ୟଂ ସାଧକସ୍ୟ ମହାତ୍ମନଃ ॥ 315 ॥
ସତ୍କର୍ମପରିପାକାଚ୍ଚ ଚିତ୍ତଶୁଦ୍ଧିଶ୍ଚ ଧୀମତଃ ।
ସାଧକସ୍ୟୈଵ ଵକ୍ତଵ୍ୟା ଗୁରୁଗୀତା ପ୍ରୟତ୍ନତଃ ॥ 316 ॥
ନାସ୍ତିକାୟ କୃତଘ୍ନାୟ ଦାଂଭିକାୟ ଶଠାୟ ଚ ।
ଅଭକ୍ତାୟ ଵିଭକ୍ତାୟ ନ ଵାଚ୍ୟେୟଂ କଦାଚନ ॥ 317 ॥
ସ୍ତ୍ରୀଲୋଲୁପାୟ ମୂର୍ଖାୟ କାମୋପହତଚେତସେ ।
ନିଂଦକାୟ ନ ଵକ୍ତଵ୍ୟା ଗୁରୁଗୀତା ସ୍ଵଭାଵତଃ ॥ 318 ॥
ସର୍ଵପାପପ୍ରଶମନଂ ସର୍ଵୋପଦ୍ରଵଵାରକମ୍ ।
ଜନ୍ମମୃତ୍ୟୁହରଂ ଦେଵି ଗୀତାଶାସ୍ତ୍ରମିଦଂ ଶିଵେ ॥ 319 ॥
ଶ୍ରୁତିସାରମିଦଂ ଦେଵି ସର୍ଵମୁକ୍ତଂ ସମାସତଃ ।
ନାନ୍ୟଥା ସଦ୍ଗତିଃ ପୁଂସାଂ ଵିନା ଗୁରୁପଦଂ ଶିଵେ ॥ 320 ॥
ବହୁଜନ୍ମକୃତାତ୍ପାପାଦୟମର୍ଥୋ ନ ରୋଚତେ ।
ଜନ୍ମବଂଧନିଵୃତ୍ତ୍ୟର୍ଥଂ ଗୁରୁମେଵ ଭଜେତ୍ସଦା ॥ 321 ॥
ଅହମେଵ ଜଗତ୍ସର୍ଵମହମେଵ ପରଂ ପଦମ୍ ।
ଏତଦ୍ଜ୍ଞାନଂ ୟତୋ ଭୂୟାତ୍ତଂ ଗୁରୁଂ ପ୍ରଣମାମ୍ୟହମ୍ ॥ 322 ॥
ଅଲଂ ଵିକଲ୍ପୈରହମେଵ କେଵଲଂ
ମୟି ସ୍ଥିତଂ ଵିଶ୍ଵମିଦଂ ଚରାଚରମ୍ ।
ଇଦଂ ରହସ୍ୟଂ ମମ ୟେନ ଦର୍ଶିତଂ
ସ ଵଂଦନୀୟୋ ଗୁରୁରେଵ କେଵଲମ୍ ॥ 323 ॥
ୟସ୍ୟାଂତଂ ନାଦିମଧ୍ୟଂ ନ ହି କରଚରଣଂ ନାମଗୋତ୍ରଂ ନ ସୂତ୍ରମ୍ ।
ନୋ ଜାତିର୍ନୈଵ ଵର୍ଣୋ ନ ଭଵତି ପୁରୁଷୋ ନୋ ନପୁଂସୋ ନ ଚ ସ୍ତ୍ରୀ ॥ 324 ॥
ନାକାରଂ ନୋ ଵିକାରଂ ନ ହି ଜନିମରଣଂ ନାସ୍ତି ପୁଣ୍ୟଂ ନ ପାପମ୍ ।
ନୋଽତତ୍ତ୍ଵଂ ତତ୍ତ୍ଵମେକଂ ସହଜସମରସଂ ସଦ୍ଗୁରୁଂ ତଂ ନମାମି ॥ 325 ॥
ନିତ୍ୟାୟ ସତ୍ୟାୟ ଚିଦାତ୍ମକାୟ
ନଵ୍ୟାୟ ଭଵ୍ୟାୟ ପରାତ୍ପରାୟ ।
ଶୁଦ୍ଧାୟ ବୁଦ୍ଧାୟ ନିରଂଜନାୟ
ନମୋଽସ୍ତୁ ନିତ୍ୟଂ ଗୁରୁଶେଖରାୟ ॥ 326 ॥
ସଚ୍ଚିଦାନଂଦରୂପାୟ ଵ୍ୟାପିନେ ପରମାତ୍ମନେ ।
ନମଃ ଶ୍ରୀଗୁରୁନାଥାୟ ପ୍ରକାଶାନଂଦମୂର୍ତୟେ ॥ 327 ॥
ସତ୍ୟାନଂଦସ୍ଵରୂପାୟ ବୋଧୈକସୁଖକାରିଣେ ।
ନମୋ ଵେଦାଂତଵେଦ୍ୟାୟ ଗୁରଵେ ବୁଦ୍ଧିସାକ୍ଷିଣେ ॥ 328 ॥
ନମସ୍ତେ ନାଥ ଭଗଵନ୍ ଶିଵାୟ ଗୁରୁରୂପିଣେ ।
ଵିଦ୍ୟାଵତାରସଂସିଦ୍ଧ୍ୟୈ ସ୍ଵୀକୃତାନେକଵିଗ୍ରହ ॥ 329 ॥
ନଵାୟ ନଵରୂପାୟ ପରମାର୍ଥୈକରୂପିଣେ ।
ସର୍ଵାଜ୍ଞାନତମୋଭେଦଭାନଵେ ଚିଦ୍ଘନାୟ ତେ ॥ 330 ॥
ସ୍ଵତଂତ୍ରାୟ ଦୟାକ୍ଲୁପ୍ତଵିଗ୍ରହାୟ ଶିଵାତ୍ମନେ ।
ପରତଂତ୍ରାୟ ଭକ୍ତାନାଂ ଭଵ୍ୟାନାଂ ଭଵ୍ୟରୂପିଣେ ॥ 331 ॥
ଵିଵେକିନାଂ ଵିଵେକାୟ ଵିମର୍ଶାୟ ଵିମର୍ଶିନାମ୍ ।
ପ୍ରକାଶିନାଂ ପ୍ରକାଶାୟ ଜ୍ଞାନିନାଂ ଜ୍ଞାନରୂପିଣେ ॥ 332 ॥
ପୁରସ୍ତାତ୍ପାର୍ଶ୍ଵୟୋଃ ପୃଷ୍ଠେ ନମସ୍କୁର୍ୟାଦୁପର୍ୟଧଃ ।
ସଦା ମଚ୍ଚିତ୍ତରୂପେଣ ଵିଧେହି ଭଵଦାସନମ୍ ॥ 333 ॥
ଶ୍ରୀଗୁରୁଂ ପରମାନଂଦଂ ଵଂଦେ ହ୍ୟାନଂଦଵିଗ୍ରହମ୍ ।
ୟସ୍ୟ ସନ୍ନିଧିମାତ୍ରେଣ ଚିଦାନଂଦାୟ ତେ ମନଃ ॥ 334 ॥
ନମୋଽସ୍ତୁ ଗୁରଵେ ତୁଭ୍ୟଂ ସହଜାନଂଦରୂପିଣେ ।
ୟସ୍ୟ ଵାଗମୃତଂ ହଂତି ଵିଷଂ ସଂସାରସଂଜ୍ଞକମ୍ ॥ 335 ॥
ନାନାୟୁକ୍ତୋପଦେଶେନ ତାରିତା ଶିଷ୍ୟସଂତତିଃ ।
ତତ୍କୃପାସାରଵେଦେନ ଗୁରୁଚିତ୍ପଦମଚ୍ୟୁତମ୍ ॥ 336 ॥
[ପାଠଭେଦଃ –
ଅଚ୍ୟୁତାୟ ନମସ୍ତୁଭ୍ୟଂ ଗୁରଵେ ପରମାତ୍ମନେ ।
ସ୍ଵାରାମୋକ୍ତପଦେଚ୍ଛୂନାଂ ଦତ୍ତଂ ୟେନାଚ୍ୟୁତଂ ପଦମ୍ ॥
]
ଅଚ୍ୟୁତାୟ ନମସ୍ତୁଭ୍ୟଂ ଗୁରଵେ ପରମାତ୍ମନେ ।
ସର୍ଵତଂତ୍ରସ୍ଵତଂତ୍ରାୟ ଚିଦ୍ଘନାନଂଦମୂର୍ତୟେ ॥ 337 ॥
ନମୋଽଚ୍ୟୁତାୟ ଗୁରଵେଽଜ୍ଞାନଧ୍ଵାଂତୈକଭାନଵେ ।
ଶିଷ୍ୟସନ୍ମାର୍ଗପଟଵେ କୃପାପୀୟୂଷସିଂଧଵେ ॥ 338 ॥
ଓମଚ୍ୟୁତାୟ ଗୁରଵେ ଶିଷ୍ୟସଂସାରସେତଵେ ।
ଭକ୍ତକାର୍ୟୈକସିଂହାୟ ନମସ୍ତେ ଚିତ୍ସୁଖାତ୍ମନେ ॥ 339 ॥
ଗୁରୁନାମସମଂ ଦୈଵଂ ନ ପିତା ନ ଚ ବାଂଧଵାଃ ।
ଗୁରୁନାମସମଃ ସ୍ଵାମୀ ନେଦୃଶଂ ପରମଂ ପଦମ୍ ॥ 340 ॥
ଏକାକ୍ଷରପ୍ରଦାତାରଂ ୟୋ ଗୁରୁଂ ନୈଵ ମନ୍ୟତେ ।
ଶ୍ଵାନୟୋନିଶତଂ ଗତ୍ଵା ଚାଂଡାଲେଷ୍ଵପି ଜାୟତେ ॥ 341 ॥
ଗୁରୁତ୍ୟାଗାଦ୍ଭଵେନ୍ମୃତ୍ୟୁଃ ମଂତ୍ରତ୍ୟାଗାଦ୍ଦରିଦ୍ରତା ।
ଗୁରୁମଂତ୍ରପରିତ୍ୟାଗୀ ରୌରଵଂ ନରକଂ ଵ୍ରଜେତ୍ ॥ 342 ॥
ଶିଵକ୍ରୋଧାଦ୍ଗୁରୁସ୍ତ୍ରାତା ଗୁରୁକ୍ରୋଧାଚ୍ଛିଵୋ ନ ହି ।
ତସ୍ମାତ୍ସର୍ଵପ୍ରୟତ୍ନେନ ଗୁରୋରାଜ୍ଞାଂ ନ ଲଂଘୟେତ୍ ॥ 343 ॥
ସଂସାରସାଗରସମୁଦ୍ଧରଣୈକମଂତ୍ରଂ
ବ୍ରହ୍ମାଦିଦେଵମୁନିପୂଜିତସିଦ୍ଧମଂତ୍ରମ୍ ।
ଦାରିଦ୍ର୍ୟଦୁଃଖଭଵରୋଗଵିନାଶମଂତ୍ରଂ
ଵଂଦେ ମହାଭୟହରଂ ଗୁରୁରାଜମଂତ୍ରମ୍ ॥ 344 ॥
ସପ୍ତକୋଟିମହାମଂତ୍ରାଶ୍ଚିତ୍ତଵିଭ୍ରମକାରକାଃ ।
ଏକ ଏଵ ମହାମଂତ୍ରୋ ଗୁରୁରିତ୍ୟକ୍ଷରଦ୍ଵୟମ୍ ॥ 345 ॥
ଏଵମୁକ୍ତ୍ଵା ମହାଦେଵଃ ପାର୍ଵତୀଂ ପୁନରବ୍ରଵୀତ୍ ।
ଇଦମେଵ ପରଂ ତତ୍ତ୍ଵଂ ଶୃଣୁ ଦେଵି ସୁଖାଵହମ୍ ॥ 346 ॥
ଗୁରୁତତ୍ତ୍ଵମିଦଂ ଦେଵି ସର୍ଵମୁକ୍ତଂ ସମାସତଃ ।
ରହସ୍ୟମିଦମଵ୍ୟକ୍ତଂ ନ ଵଦେଦ୍ୟସ୍ୟ କସ୍ୟଚିତ୍ ॥ 347 ॥
ନ ମୃଷା ସ୍ୟାଦିୟଂ ଦେଵି ମଦୁକ୍ତିଃ ସତ୍ୟରୂପିଣୀ ।
ଗୁରୁଗୀତାସମଂ ସ୍ତୋତ୍ରଂ ନାସ୍ତି ନାସ୍ତି ମହୀତଲେ ॥ 348 ॥
ଗୁରୁଗୀତାମିମାଂ ଦେଵି ଭଵଦୁଃଖଵିନାଶିନୀମ୍ ।
ଗୁରୁଦୀକ୍ଷାଵିହୀନସ୍ୟ ପୁରତୋ ନ ପଠେତ୍ କ୍ଵଚିତ୍ ॥ 349 ॥
ରହସ୍ୟମତ୍ୟଂତରହସ୍ୟମେତନ୍ନ ପାପିନା ଲଭ୍ୟମିଦଂ ମହେଶ୍ଵରି ।
ଅନେକଜନ୍ମାର୍ଜିତପୁଣ୍ୟପାକାଦ୍ଗୁରୋସ୍ତୁ ତତ୍ତ୍ଵଂ ଲଭତେ ମନୁଷ୍ୟଃ ॥ 350 ॥
ୟସ୍ୟ ପ୍ରସାଦାଦହମେଵ ସର୍ଵଂ
ମୟ୍ୟେଵ ସର୍ଵଂ ପରିକଲ୍ପିତଂ ଚ ।
ଇତ୍ଥଂ ଵିଜାନାମି ସଦାତ୍ମରୂପଂ
ତସ୍ୟାଂଘ୍ରିପଦ୍ମଂ ପ୍ରଣତୋଽସ୍ମି ନିତ୍ୟମ୍ ॥ 351 ॥
ଅଜ୍ଞାନତିମିରାଂଧସ୍ୟ ଵିଷୟାକ୍ରାଂତଚେତସଃ ।
ଜ୍ଞାନପ୍ରଭାପ୍ରଦାନେନ ପ୍ରସାଦଂ କୁରୁ ମେ ପ୍ରଭୋ ॥ 352 ॥
ଇତି ଶ୍ରୀସ୍କଂଦପୁରାଣେ ଉତ୍ତରଖଂଡେ ଉମାମହେଶ୍ଵର ସଂଵାଦେ ଶ୍ରୀ ଗୁରୁଗୀତା ସମାପ୍ତ ॥
ମଂଗଳଂ
ମଂଗଳଂ ଗୁରୁଦେଵାୟ ମହନୀୟଗୁଣାତ୍ମନେ ।
ସର୍ଵଲୋକଶରଣ୍ୟାୟ ସାଧୁରୂପାୟ ମଂଗଳମ୍ ॥
ବାରମ୍ବାର ପଚରାଯାଉଥିବା ପ୍ରଶ୍ନ
What is ଶ୍ରୀ ଗୁରୁଗୀତା ତୃତୀୟୋଧ୍ୟାୟଃ?
ଶ୍ରୀ ଗୁରୁଗୀତା ତୃତୀୟୋଧ୍ୟାୟଃ is a Bhagavad Gita available on Bhakti Granth in the selected language or script.
Which language or script is this version in?
This edition is published in Odia. Use the language selector to view another available edition.
Can I read ଶ୍ରୀ ଗୁରୁଗୀତା ତୃତୀୟୋଧ୍ୟାୟଃ online?
Yes. The imported text is available directly on this page for online reading and recitation.
Can I download ଶ୍ରୀ ଗୁରୁଗୀତା ତୃତୀୟୋଧ୍ୟାୟଃ as a PDF?
If a verified PDF resource was found on the source page, a PDF download button is automatically connected to this page.
How can I share this page?
Use Copy Link, WhatsApp or Facebook in the sticky sharing bar provided by the Bhakti Granth theme.
Are there related devotional texts on Bhakti Granth?
Yes. The Bhakti Granth theme automatically connects texts through language and topic relationships to strengthen navigation and topical coverage.