ଶିଵସଂକଲ୍ପୋପନିଷତ୍ (ଶିଵ ସଂକଲ୍ପମସ୍ତୁ)
ୟେନେଦଂ ଭୂତଂ ଭୁଵନଂ ଭଵିଷ୍ୟତ୍ ପରିଗୃହୀତମମୃତେନ ସର୍ଵମ୍ ।
ୟେନ ୟଜ୍ଞସ୍ତାୟତେ ସପ୍ତହୋତା ତନ୍ମେ ମନଃ ଶିଵସଂକଲ୍ପମସ୍ତୁ ॥ 1॥
ୟେନ କର୍ମାଣି ପ୍ରଚରଂତି ଧୀରା ୟତୋ ଵାଚା ମନସା ଚାରୁ ୟଂତି ।
ୟତ୍ସମ୍ମିତମନୁ ସଂୟଂତି ପ୍ରାଣିନସ୍ତନ୍ମେ ମନଃ ଶିଵସଂକଲ୍ପମସ୍ତୁ ॥ 2॥
ୟେନ କର୍ମାଣ୍ୟପସୋ ମନୀଷିଣୋ ୟଜ୍ଞେ କୃଣ୍ଵଂତି ଵିଦଥେଷୁ ଧୀରାଃ ।
ୟଦପୂର୍ଵଂ ୟକ୍ଷମଂତଃ ପ୍ରଜାନାଂ ତନ୍ମେ ମନଃ ଶିଵସଂକଲ୍ପମସ୍ତୁ ॥ 3॥
ୟତ୍ପ୍ରଜ୍ଞାନମୁତ ଚେତୋ ଧୃତିଶ୍ଚ ୟଜ୍ଜ୍ୟୋତିରଂତରମୃତଂ ପ୍ରଜାସୁ ।
ୟସ୍ମାନ୍ନ ଋତେ କିଂଚନ କର୍ମ କ୍ରିୟତେ ତନ୍ମେ ମନଃ ଶିଵସଂକଲ୍ପମସ୍ତୁ ॥ 4॥
ସୁଷାରଥିରଶ୍ଵାନିଵ ୟନ୍ମନୁଷ୍ୟାନ୍ନେନୀୟତେଽଭୀଶୁଭିର୍ଵାଜିନ ଇଵ ।
ହୃତ୍ପ୍ରତିଷ୍ଠଂ ୟଦଜିରଂ ଜଵିଷ୍ଠଂ ତନ୍ମେ ମନଃ ଶିଵସଂକଲ୍ପମସ୍ତୁ ॥ 5॥
ୟସ୍ମିନ୍ନୃଚଃ ସାମ ୟଜୂଷି ୟସ୍ମିନ୍ ପ୍ରତିଷ୍ଠିତା ରଥନାଭାଵିଵାରାଃ ।
ୟସ୍ମିଂଶ୍ଚିତ୍ତଂ ସର୍ଵମୋତଂ ପ୍ରଜାନାଂ ତନ୍ମେ ମନଃ ଶିଵସଂକଲ୍ପମସ୍ତୁ ॥ 6॥
ୟଦତ୍ର ଷଷ୍ଠଂ ତ୍ରିଶତଂ ସୁଵୀରଂ ୟଜ୍ଞସ୍ୟ ଗୁହ୍ୟଂ ନଵନାଵମାୟ୍ୟଂ (?) ।
ଦଶ ପଂଚ ତ୍ରିଂଶତଂ ୟତ୍ପରଂ ଚ ତନ୍ମେ ମନଃ ଶିଵସଂକଲ୍ପମସ୍ତୁ ॥ 7॥
ୟଜ୍ଜାଗ୍ରତୋ ଦୂରମୁଦୈତି ଦୈଵଂ ତଦୁ ସୁପ୍ତସ୍ୟ ତଥୈଵୈତି ।
ଦୂରଂଗମଂ ଜ୍ୟୋତିଷାଂ ଜ୍ୟୋତିରେକଂ ତନ୍ମେ ମନଃ ଶିଵସଂକଲ୍ପମସ୍ତୁ ॥ 8॥
ୟେନ ଦ୍ୟୌଃ ପୃଥିଵୀ ଚାଂତରିକ୍ଷଂ ଚ ୟେ ପର୍ଵତାଃ ପ୍ରଦିଶୋ ଦିଶଶ୍ଚ ।
ୟେନେଦଂ ଜଗଦ୍ଵ୍ୟାପ୍ତଂ ପ୍ରଜାନାଂ ତନ୍ମେ ମନଃ ଶିଵସଂକଲ୍ପମସ୍ତୁ ॥ 9॥
ୟେନେଦଂ ଵିଶ୍ଵଂ ଜଗତୋ ବଭୂଵ ୟେ ଦେଵା ଅପି ମହତୋ ଜାତଵେଦାଃ ।
ତଦେଵାଗ୍ନିସ୍ତମସୋ ଜ୍ୟୋତିରେକଂ ତନ୍ମେ ମନଃ ଶିଵସଂକଲ୍ପମସ୍ତୁ ॥ 10॥
ୟେ ମନୋ ହୃଦୟଂ ୟେ ଚ ଦେଵା ୟେ ଦିଵ୍ୟା ଆପୋ ୟେ ସୂର୍ୟରଶ୍ମିଃ ।
ତେ ଶ୍ରୋତ୍ରେ ଚକ୍ଷୁଷୀ ସଂଚରଂତଂ ତନ୍ମେ ମନଃ ଶିଵସଂକଲ୍ପମସ୍ତୁ ॥ 11॥
ଅଚିଂତ୍ୟଂ ଚାପ୍ରମେୟଂ ଚ ଵ୍ୟକ୍ତାଵ୍ୟକ୍ତପରଂ ଚ ୟତ୍ ।
ସୂକ୍ଷ୍ମାତ୍ସୂକ୍ଷ୍ମତରଂ ଜ୍ଞେୟଂ ତନ୍ମେ ମନଃ ଶିଵସଂକଲ୍ପମସ୍ତୁ ॥ 12॥
ଏକା ଚ ଦଶ ଶତଂ ଚ ସହସ୍ରଂ ଚାୟୁତଂ ଚ
ନିୟୁତଂ ଚ ପ୍ରୟୁତଂ ଚାର୍ବୁଦଂ ଚ ନ୍ୟର୍ବୁଦଂ ଚ ।
ସମୁଦ୍ରଶ୍ଚ ମଧ୍ୟଂ ଚାଂତଶ୍ଚ ପରାର୍ଧଶ୍ଚ
ତନ୍ମେ ମନଃ ଶିଵସଂକଲ୍ପମସ୍ତୁ ॥ 13॥
ୟେ ପଂଚ ପଂଚଦଶ ଶତଂ ସହସ୍ରମୟୁତଂ ନ୍ୟର୍ବୁଦଂ ଚ ।
ତେଽଗ୍ନିଚିତ୍ୟେଷ୍ଟକାସ୍ତଂ ଶରୀରଂ ତନ୍ମେ ମନଃ ଶିଵସଂକଲ୍ପମସ୍ତୁ ॥ 14॥
ଵେଦାହମେତଂ ପୁରୁଷଂ ମହାଂତମାଦିତ୍ୟଵର୍ଣଂ ତମସଃ ପରସ୍ତାତ୍ ।
ୟସ୍ୟ ୟୋନିଂ ପରିପଶ୍ୟଂତି ଧୀରାସ୍ତନ୍ମେ ମନଃ ଶିଵସଂକଲ୍ପମସ୍ତୁ ॥ 15॥
ୟସ୍ୟେଦଂ ଧୀରାଃ ପୁନଂତି କଵୟୋ ବ୍ରହ୍ମାଣମେତଂ ତ୍ଵା ଵୃଣୁତ ଇଂଦୁମ୍ । [ଵୃଣୁତଂ ଇଂଦୁମ୍]
ସ୍ଥାଵରଂ ଜଂଗମଂ ଦ୍ୟୌରାକାଶଂ ତନ୍ମେ ମନଃ ଶିଵସଂକଲ୍ପମସ୍ତୁ ॥ 16॥
ପରାତ୍ ପରତରଂ ଚୈଵ ୟତ୍ପରାଚ୍ଚୈଵ ୟତ୍ପରମ୍ ।
ୟତ୍ପରାତ୍ ପରତୋ ଜ୍ଞେୟଂ ତନ୍ମେ ମନଃ ଶିଵସଂକଲ୍ପମସ୍ତୁ ॥ 17॥
ପରାତ୍ ପରତରୋ ବ୍ରହ୍ମା ତତ୍ପରାତ୍ ପରତୋ ହରିଃ ।
ତତ୍ପରାତ୍ ପରତୋଽଧୀଶସ୍ତନ୍ମେ ମନଃ ଶିଵସଂକଲ୍ପମସ୍ତୁ ॥ 18॥
ୟା ଵେଦାଦିଷୁ ଗାୟତ୍ରୀ ସର୍ଵଵ୍ୟାପୀ ମହେଶ୍ଵରୀ ।
ଋଗ୍ୟଜୁସ୍ସାମାଥର୍ଵୈଶ୍ଚ ତନ୍ମେ ମନଃ ଶିଵସଂକଲ୍ପମସ୍ତୁ ॥ 19॥
ୟୋ ଵୈ ଦେଵଂ ମହାଦେଵଂ ପ୍ରଣଵଂ ପୁରୁଷୋତ୍ତମମ୍ ।
ୟଃ ସର୍ଵେ ସର୍ଵଵେଦୈଶ୍ଚ ତନ୍ମେ ମନଃ ଶିଵସଂକଲ୍ପମସ୍ତୁ ॥ 20॥
ପ୍ରୟତଃ ପ୍ରଣଵୋଂକାରଂ ପ୍ରଣଵଂ ପୁରୁଷୋତ୍ତମମ୍ ।
ଓଂକାରଂ ପ୍ରଣଵାତ୍ମାନଂ ତନ୍ମେ ମନଃ ଶିଵସଂକଲ୍ପମସ୍ତୁ ॥ 21॥
ୟୋଽସୌ ସର୍ଵେଷୁ ଵେଦେଷୁ ପଠ୍ୟତେ ହ୍ୟଜ ଇଶ୍ଵରଃ ।
ଅକାୟୋ ନିର୍ଗୁଣୋ ହ୍ୟାତ୍ମା ତନ୍ମେ ମନଃ ଶିଵସଂକଲ୍ପମସ୍ତୁ ॥ 22॥
ଗୋଭିର୍ଜୁଷ୍ଟଂ ଧନେନ ହ୍ୟାୟୁଷା ଚ ବଲେନ ଚ ।
ପ୍ରଜୟା ପଶୁଭିଃ ପୁଷ୍କରାକ୍ଷଂ ତନ୍ମେ ମନଃ ଶିଵସଂକଲ୍ପମସ୍ତୁ ॥ 23॥
ତ୍ରିୟଂବକଂ [ତ୍ର୍ୟଂବକଂ] ୟଜାମହେ ସୁଗଂଧିଂ ପୁଷ୍ଟିଵର୍ଧନମ୍ ।
ଉର୍ଵାରୁକମିଵ ବଂଧନାନ୍ମୃତ୍ୟୋର୍ମୁକ୍ଷୀୟ
ମାଽମୃତାତ୍ତନ୍ମେ ମନଃ ଶିଵସଂକଲ୍ପମସ୍ତୁ ॥ 24॥
କୈଲାସଶିଖରେ ରମ୍ୟେ ଶଂକରସ୍ୟ ଶିଵାଲୟେ ।
ଦେଵତାସ୍ତତ୍ର ମୋଦଂତେ ତନ୍ମେ ମନଃ ଶିଵସଂକଲ୍ପମସ୍ତୁ ॥ 25॥
ଵିଶ୍ଵତଶ୍ଚକ୍ଷୁରୁତ ଵିଶ୍ଵତୋମୁଖୋ ଵିଶ୍ଵତୋହସ୍ତ ଉତ ଵିଶ୍ଵତସ୍ପାତ୍ ।
ସଂବାହୁଭ୍ୟାଂ ନମତି ସଂପତତ୍ରୈର୍ଦ୍ୟାଵାପୃଥିଵୀ
ଜନୟନ୍ ଦେଵ ଏକସ୍ତନ୍ମେ ମନଃ ଶିଵସଂକଲ୍ପମସ୍ତୁ ॥ 26॥
ଚତୁରୋ ଵେଦାନଧୀୟୀତ ସର୍ଵଶାସ୍ତ୍ରମୟଂ ଵିଦୁଃ ।
ଇତିହାସପୁରାଣାନାଂ ତନ୍ମେ ମନଃ ଶିଵସଂକଲ୍ପମସ୍ତୁ ॥ 27॥
ମା ନୋ ମହାଂତମୁତ ମା ନୋ ଅର୍ଭକଂ ମା ନ ଉକ୍ଷଂତମୁତ ମା ନ ଉକ୍ଷିତମ୍ ।
ମା ନୋ ଵଧୀଃ ପିତରଂ ମୋତ ମାତରଂ ପ୍ରିୟା ମା ନଃ
ତନୁଵୋ ରୁଦ୍ର ରୀରିଷସ୍ତନ୍ମେ ମନଃ ଶିଵସଂକଲ୍ପମସ୍ତୁ ॥ 28॥
ମା ନସ୍ତୋକେ ତନୟେ ମା ନ ଆୟୁଷି ମା ନୋ ଗୋଷୁ ମା ନୋ ଅଶ୍ଵେଷୁ ରୀରିଷଃ ।
ଵୀରାନ୍ମା ନୋ ରୁଦ୍ର ଭାମିତୋ ଵଧୀର୍ହଵିଷ୍ମଂତଃ
ନମସା ଵିଧେମ ତେ ତନ୍ମେ ମନଃ ଶିଵସଂକଲ୍ପମସ୍ତୁ ॥ 29॥
ଋତଂ ସତ୍ୟଂ ପରଂ ବ୍ରହ୍ମ ପୁରୁଷଂ କୃଷ୍ଣପିଂଗଳମ୍ ।
ଊର୍ଧ୍ଵରେତଂ ଵିରୂପାକ୍ଷଂ ଵିଶ୍ଵରୂପାୟ ଵୈ ନମୋ ନମଃ
ତନ୍ମେ ମନଃ ଶିଵସଂକଲ୍ପମସ୍ତୁ ॥ 30॥
କଦ୍ରୁଦ୍ରାୟ ପ୍ରଚେତସେ ମୀଢୁଷ୍ଟମାୟ ତଵ୍ୟସେ ।
ଵୋଚେମ ଶଂତମଂ ହୃଦେ । ସର୍ଵୋ ହ୍ୟେଷ ରୁଦ୍ରସ୍ତସ୍ମୈ ରୁଦ୍ରାୟ
ନମୋ ଅସ୍ତୁ ତନ୍ମେ ମନଃ ଶିଵସଂକଲ୍ପମସ୍ତୁ ॥ 31॥
ବ୍ରହ୍ମ ଜଜ୍ଞାନଂ ପ୍ରଥମଂ ପୁରସ୍ତାତ୍ ଵି ସୀମତଃ ସୁରୁଚୋ ଵେନ ଆଵଃ ।
ସ ବୁଧ୍ନିୟା ଉପମା ଅସ୍ୟ ଵିଷ୍ଠାଃ ସତଶ୍ଚ ୟୋନିଂ
ଅସତଶ୍ଚ ଵିଵସ୍ତନ୍ମେ ମନଃ ଶିଵସଂକଲ୍ପମସ୍ତୁ ॥ 32॥
ୟଃ ପ୍ରାଣତୋ ନିମିଷତୋ ମହିତ୍ଵୈକ ଇଦ୍ରାଜା ଜଗତୋ ବଭୂଵ ।
ୟ ଈଶେ ଅସ୍ୟ ଦ୍ଵିପଦଶ୍ଚତୁଷ୍ପଦଃ କସ୍ମୈ ଦେଵାୟ
ହଵିଷା ଵିଧେମ ତନ୍ମେ ମନଃ ଶିଵସଂକଲ୍ପମସ୍ତୁ ॥ 33॥
ୟ ଆତ୍ମଦା ବଲଦା ୟସ୍ୟ ଵିଶ୍ଵେ ଉପାସତେ ପ୍ରଶିଷଂ ୟସ୍ୟ ଦେଵାଃ ।
ୟସ୍ୟ ଛାୟାଽମୃତଂ ୟସ୍ୟ ମୃତ୍ୟୁଃ କସ୍ମୈ ଦେଵାୟ
ହଵିଷା ଵିଧେମ ତନ୍ମେ ମନଃ ଶିଵସଂକଲ୍ପମସ୍ତୁ ॥ 34॥
ୟୋ ରୁଦ୍ରୋ ଅଗ୍ନୌ ୟୋ ଅପ୍ସୁ ୟ ଓଷଧୀଷୁ ୟୋ ରୁଦ୍ରୋ ଵିଶ୍ଵା ଭୁଵନାଽଽଵିଵେଶ ।
ତସ୍ମୈ ରୁଦ୍ରାୟ ନମୋ ଅସ୍ତୁ ତନ୍ମେ ମନଃ ଶିଵସଂକଲ୍ପମସ୍ତୁ ॥ 35॥
ଗଂଧଦ୍ଵାରାଂ ଦୁରାଧର୍ଷାଂ ନିତ୍ୟପୁଷ୍ଟାଂ କରୀଷିଣୀମ୍ ।
ଈଶ୍ଵରୀଂ ସର୍ଵଭୂତାନାଂ ତାମିହୋପହ୍ଵୟେ ଶ୍ରିୟଂ
ତନ୍ମେ ମନଃ ଶିଵସଂକଲ୍ପମସ୍ତୁ ॥ 36॥
ୟ ଇଦଂ ଶିଵସଂକଲ୍ପଂ ସଦା ଧ୍ୟାୟଂତି ବ୍ରାହ୍ମଣାଃ ।
ତେ ପରଂ ମୋକ୍ଷଂ ଗମିଷ୍ୟଂତି ତନ୍ମେ ମନଃ ଶିଵସଂକଲ୍ପମସ୍ତୁ ॥ 37॥
ଇତି ଶିଵସଂକଲ୍ପମଂତ୍ରାଃ ସମାପ୍ତାଃ ।
(ଶୈଵ-ଉପନିଷଦଃ)
ଇତି ଶିଵସଂକଲ୍ପୋପନିଷତ୍ ସମାପ୍ତା ।
ବାରମ୍ବାର ପଚରାଯାଉଥିବା ପ୍ରଶ୍ନ
What is ଶିଵସଂକଲ୍ପୋପନିଷତ୍ (ଶିଵ ସଂକଲ୍ପମସ୍ତୁ)?
ଶିଵସଂକଲ୍ପୋପନିଷତ୍ (ଶିଵ ସଂକଲ୍ପମସ୍ତୁ) is a Shiva Stotrams available on Bhakti Granth in the selected language or script.
Which language or script is this version in?
This edition is published in Odia. Use the language selector to view another available edition.
Can I read ଶିଵସଂକଲ୍ପୋପନିଷତ୍ (ଶିଵ ସଂକଲ୍ପମସ୍ତୁ) online?
Yes. The imported text is available directly on this page for online reading and recitation.
Can I download ଶିଵସଂକଲ୍ପୋପନିଷତ୍ (ଶିଵ ସଂକଲ୍ପମସ୍ତୁ) as a PDF?
If a verified PDF resource was found on the source page, a PDF download button is automatically connected to this page.
How can I share this page?
Use Copy Link, WhatsApp or Facebook in the sticky sharing bar provided by the Bhakti Granth theme.
Are there related devotional texts on Bhakti Granth?
Yes. The Bhakti Granth theme automatically connects texts through language and topic relationships to strengthen navigation and topical coverage.