ସରସ୍ଵତୀ କଵଚମ୍
(ବ୍ରହ୍ମଵୈଵର୍ତ ମହାପୁରାଣାଂତର୍ଗତଂ)
ଭୃଗୁରୁଵାଚ ।
ବ୍ରହ୍ମନ୍ବ୍ରହ୍ମଵିଦାଂଶ୍ରେଷ୍ଠ ବ୍ରହ୍ମଜ୍ଞାନଵିଶାରଦ ।
ସର୍ଵଜ୍ଞ ସର୍ଵଜନକ ସର୍ଵପୂଜକପୂଜିତ ॥ 60
ସରସ୍ଵତ୍ୟାଶ୍ଚ କଵଚଂ ବ୍ରୂହି ଵିଶ୍ଵଜୟଂ ପ୍ରଭୋ ।
ଅୟାତୟାମମଂତ୍ରାଣାଂ ସମୂହୋ ୟତ୍ର ସଂୟୁତଃ ॥ 61 ॥
ବ୍ରହ୍ମୋଵାଚ ।
ଶୃଣୁ ଵତ୍ସ ପ୍ରଵକ୍ଷ୍ୟାମି କଵଚଂ ସର୍ଵକାମଦମ୍ ।
ଶ୍ରୁତିସାରଂ ଶ୍ରୁତିସୁଖଂ ଶ୍ରୁତ୍ୟୁକ୍ତଂ ଶ୍ରୁତିପୂଜିତମ୍ ॥ 62 ॥
ଉକ୍ତଂ କୃଷ୍ଣେନ ଗୋଲୋକେ ମହ୍ୟଂ ଵୃଂଦାଵନେ ଵନେ ।
ରାସେଶ୍ଵରେଣ ଵିଭୁନା ରାସେ ଵୈ ରାସମଂଡଲେ ॥ 63 ॥
ଅତୀଵ ଗୋପନୀୟଂଚ କଲ୍ପଵୃକ୍ଷସମଂ ପରମ୍ ।
ଅଶ୍ରୁତାଦ୍ଭୁତମଂତ୍ରାଣାଂ ସମୂହୈଶ୍ଚ ସମନ୍ଵିତମ୍ ॥ 64 ॥
ୟଦ୍ଧୃତ୍ଵା ପଠନାଦ୍ବ୍ରହ୍ମନ୍ବୁଦ୍ଧିମାଂଶ୍ଚ ବୃହସ୍ପତିଃ ।
ୟଦ୍ଧୃତ୍ଵା ଭଗଵାଂଛୁକ୍ରଃ ସର୍ଵଦୈତ୍ୟେଷୁ ପୂଜିତଃ ॥ 65 ॥
ପଠନାଦ୍ଧାରଣାଦ୍ଵାଗ୍ମୀ କଵୀଂଦ୍ରୋ ଵାଲ୍ମିକୀ ମୁନିଃ ।
ସ୍ଵାୟଂଭୁଵୋ ମନୁଶ୍ଚୈଵ ୟଦ୍ଧୃତ୍ଵା ସର୍ଵପୂଜିତାଃ ॥ 66 ॥
କଣାଦୋ ଗୌତମଃ କଣ୍ଵଃ ପାଣିନିଃ ଶାକଟାୟନଃ ।
ଗ୍ରଂଥଂ ଚକାର ୟଦ୍ଧୃତ୍ଵା ଦକ୍ଷଃ କାତ୍ୟାୟନଃ ସ୍ଵୟମ୍ ॥ 67 ॥
ଧୃତ୍ଵା ଵେଦଵିଭାଗଂଚ ପୁରାଣାନ୍ୟଖିଲାନି ଚ ।
ଚକାର ଲୀଲାମାତ୍ରେଣ କୃଷ୍ଣଦ୍ଵୈପାୟନଃ ସ୍ଵୟମ୍ ॥ 68 ॥
ଶାତାତପଶ୍ଚ ସଂଵର୍ତୋ ଵସିଷ୍ଠଶ୍ଚ ପରାଶରଃ ।
ୟଦ୍ଧୃତ୍ଵା ପଠନାଦ୍ଗ୍ରଂଥଂ ୟାଜ୍ଞଵଲ୍କ୍ୟଶ୍ଚକାର ସଃ ॥ 69 ॥
ଋଷ୍ୟଶୃଂଗୋ ଭରଦ୍ଵାଜଶ୍ଚାସ୍ତୀକୋ ଦେଵଲସ୍ତଥା ।
ଜୈଗୀଷଵ୍ୟୋଽଥ ଜାବାଲିର୍ୟଦ୍ଧୃତ୍ଵା ସର୍ଵପୂଜିତଃ ॥ 70 ॥
କଵଚସ୍ୟାସ୍ୟ ଵିପ୍ରେଂଦ୍ର ଋଷିରେଷ ପ୍ରଜାପତିଃ ।
ସ୍ଵୟଂ ବୃହସ୍ପତିଶ୍ଛଂଦୋ ଦେଵୋ ରାସେଶ୍ଵରଃ ପ୍ରଭୁଃ ॥ 71 ॥
ସର୍ଵତତ୍ତ୍ଵପରିଜ୍ଞାନେ ସର୍ଵାର୍ଥେଽପି ଚ ସାଧନେ ।
କଵିତାସୁ ଚ ସର୍ଵାସୁ ଵିନିୟୋଗଃ ପ୍ରକୀର୍ତିତଃ ॥ 72 ॥
( କଵଚଂ )
ଓଂ ହ୍ରୀଂ ସରସ୍ଵତ୍ୟୈ ସ୍ଵାହା ଶିରୋ ମେ ପାତୁ ସର୍ଵତଃ ।
ଶ୍ରୀଂ ଵାଗ୍ଦେଵତାୟୈ ସ୍ଵାହା ଭାଲଂ ମେ ସର୍ଵଦାଽଵତୁ ॥ 73 ॥
ଓଂ ହ୍ରୀଂ ସରସ୍ଵତ୍ୟୈ ସ୍ଵାହେତି ଶ୍ରୋତ୍ରେ ପାତୁ ନିରଂତରମ୍ ।
ଓଂ ଶ୍ରୀଂ ହ୍ରୀଂ ଭଗଵତ୍ୟୈ ସରସ୍ଵତ୍ୟୈ ସ୍ଵାହା ନେତ୍ରୟୁଗ୍ମଂ ସଦାଽଵତୁ ॥ 74 ॥
ଐଂ ହ୍ରୀଂ ଵାଗ୍ଵାଦିନ୍ୟୈ ସ୍ଵାହା ନାସାଂ ମେ ସର୍ଵଦାଽଵତୁ ।
ହ୍ରୀଂ ଵିଦ୍ୟାଧିଷ୍ଠାତୃଦେଵ୍ୟୈ ସ୍ଵାହା ଚୋଂଷ୍ଠ ସଦାଽଵତୁ ॥ 75 ॥
ଓଂ ଶ୍ରୀଂ ହ୍ରୀଂ ବ୍ରାହ୍ମ୍ୟୈ ସ୍ଵାହେତି ଦଂତପଂକ୍ତିଂ ସଦାଽଵତୁ ।
ଐମିତ୍ୟେକାକ୍ଷରୋ ମଂତ୍ରୋ ମମ କଂଠଂ ସଦାଽଵତୁ ॥ 76 ॥
ଓଂ ଶ୍ରୀଂ ହ୍ରୀଂ ପାତୁ ମେ ଗ୍ରୀଵାଂ ସ୍କଂଧଂ ମେ ଶ୍ରୀଂ ସଦାଽଵତୁ ।
ଓଂ ହ୍ରୀଂ ଵିଦ୍ୟାଧିଷ୍ଠାତୃଦେଵ୍ୟୈ ସ୍ଵାହା ଵକ୍ଷଃ ସଦାଽଵତୁ ॥ 77 ॥
ଓଂ ହ୍ରୀଂ ଵିଦ୍ୟାସ୍ଵରୂପାୟୈ ସ୍ଵାହା ମେ ପାତୁ ନାଭିକାମ୍ ।
ଓଂ ହ୍ରୀଂ କ୍ଲୀଂ ଵାଣ୍ୟୈ ସ୍ଵାହେତି ମମ ପୃଷ୍ଠଂ ସଦାଽଵତୁ ॥ 78 ॥
ଓଂ ସର୍ଵଵର୍ଣାତ୍ମିକାୟୈ ପାଦୟୁଗ୍ମଂ ସଦାଽଵତୁ ।
ଓଂ ରାଗାଧିଷ୍ଠାତୃଦେଵ୍ୟୈ ସର୍ଵାଂଗଂ ମେ ସଦାଽଵତୁ ॥ 79 ॥
ଓଂ ସର୍ଵକଂଠଵାସିନ୍ୟୈ ସ୍ଵାହା ପ୍ରଚ୍ୟାଂ ସଦାଽଵତୁ ।
ଓଂ ହ୍ରୀଂ ଜିହ୍ଵାଗ୍ରଵାସିନ୍ୟୈ ସ୍ଵାହାଽଗ୍ନିଦିଶି ରକ୍ଷତୁ ॥ 80 ॥
ଓଂ ଐଂ ହ୍ରୀଂ ଶ୍ରୀଂ ସରସ୍ଵତ୍ୟୈ ବୁଧଜନନ୍ୟୈ ସ୍ଵାହା ।
ସତତଂ ମଂତ୍ରରାଜୋଽୟଂ ଦକ୍ଷିଣେ ମାଂ ସଦାଽଵତୁ ॥ 81 ॥
ଓଂ ହ୍ରୀଂ ଶ୍ରୀଂ ତ୍ର୍ୟକ୍ଷରୋ ମଂତ୍ରୋ ନୈରୃତ୍ୟାଂ ମେ ସଦାଽଵତୁ ।
କଵିଜିହ୍ଵାଗ୍ରଵାସିନ୍ୟୈ ସ୍ଵାହା ମାଂ ଵାରୁଣେଽଵତୁ ॥ 82 ॥
ଓଂ ସଦଂବିକାୟୈ ସ୍ଵାହା ଵାୟଵ୍ୟେ ମାଂ ସଦାଽଵତୁ ।
ଓଂ ଗଦ୍ୟପଦ୍ୟଵାସିନ୍ୟୈ ସ୍ଵାହା ମାମୁତ୍ତରେଽଵତୁ ॥ 83 ॥
ଓଂ ସର୍ଵଶାସ୍ତ୍ରଵାସିନ୍ୟୈ ସ୍ଵାହୈଶାନ୍ୟାଂ ସଦାଽଵତୁ ।
ଓଂ ହ୍ରୀଂ ସର୍ଵପୂଜିତାୟୈ ସ୍ଵାହା ଚୋର୍ଧ୍ଵଂ ସଦାଽଵତୁ ॥ 84 ॥
ଐଂ ହ୍ରୀଂ ପୁସ୍ତକଵାସିନ୍ୟୈ ସ୍ଵାହାଽଧୋ ମାଂ ସଦାଵତୁ ।
ଓଂ ଗ୍ରଂଥବୀଜରୂପାୟୈ ସ୍ଵାହା ମାଂ ସର୍ଵତୋଽଵତୁ ॥ 85 ॥
ଇତି ତେ କଥିତଂ ଵିପ୍ର ସର୍ଵମଂତ୍ରୌଘଵିଗ୍ରହମ୍ ।
ଇଦଂ ଵିଶ୍ଵଜୟଂ ନାମ କଵଚଂ ବ୍ରହ୍ମାରୂପକମ୍ ॥ 86 ॥
ପୁରା ଶ୍ରୁତଂ ଧର୍ମଵକ୍ତ୍ରାତ୍ପର୍ଵତେ ଗଂଧମାଦନେ ।
ତଵ ସ୍ନେହାନ୍ମୟାଽଽଖ୍ୟାତଂ ପ୍ରଵକ୍ତଵ୍ୟଂ ନ କସ୍ୟଚିତ୍ ॥ 87 ॥
ଗୁରୁମଭ୍ୟର୍ଚ୍ୟ ଵିଧିଵଦ୍ଵସ୍ତ୍ରାଲଂକାରଚଂଦନୈଃ ।
ପ୍ରଣମ୍ୟ ଦଂଡଵଦ୍ଭୂମୌ କଵଚଂ ଧାରୟେତ୍ସୁଧୀଃ ॥ 88 ॥
ପଂଚଲକ୍ଷଜପେନୈଵ ସିଦ୍ଧଂ ତୁ କଵଚଂ ଭଵେତ୍ ।
ୟଦି ସ୍ୟାତ୍ସିଦ୍ଧକଵଚୋ ବୃହସ୍ପତି ସମୋ ଭଵେତ୍ ॥ 89 ॥
ମହାଵାଗ୍ମୀ କଵୀଂଦ୍ରଶ୍ଚ ତ୍ରୈଲୋକ୍ୟଵିଜୟୀ ଭଵେତ୍ ।
ଶକ୍ନୋତି ସର୍ଵଂ ଜେତୁଂ ସ କଵଚସ୍ୟ ପ୍ରଭାଵତଃ ॥ 90 ॥
ଇଦଂ ତେ କାଣ୍ଵଶାଖୋକ୍ତଂ କଥିତଂ କଵଚଂ ମୁନେ ।
ସ୍ତୋତ୍ରଂ ପୂଜାଵିଧାନଂ ଚ ଧ୍ୟାନଂ ଵୈ ଵଂଦନଂ ତଥା ॥ 91 ॥
ଇତି ଶ୍ରୀ ବ୍ରହ୍ମଵୈଵର୍ତେ ମହାପୁରାଣେ ପ୍ରକୃତିଖଂଡେ ନାରଦନାରାୟଣସଂଵାଦେ ସରସ୍ଵତୀକଵଚଂ ନାମ ଚତୁର୍ଥୋଽଧ୍ୟାୟଃ ।
ବାରମ୍ବାର ପଚରାଯାଉଥିବା ପ୍ରଶ୍ନ
What is ସରସ୍ଵତୀ କଵଚମ୍?
ସରସ୍ଵତୀ କଵଚମ୍ is a Kavachams available on Bhakti Granth in the selected language or script.
Which language or script is this version in?
This edition is published in Odia. Use the language selector to view another available edition.
Can I read ସରସ୍ଵତୀ କଵଚମ୍ online?
Yes. The imported text is available directly on this page for online reading and recitation.
Can I download ସରସ୍ଵତୀ କଵଚମ୍ as a PDF?
If a verified PDF resource was found on the source page, a PDF download button is automatically connected to this page.
How can I share this page?
Use Copy Link, WhatsApp or Facebook in the sticky sharing bar provided by the Bhakti Granth theme.
Are there related devotional texts on Bhakti Granth?
Yes. The Bhakti Granth theme automatically connects texts through language and topic relationships to strengthen navigation and topical coverage.