ଦତ୍ତାତ୍ରେୟ ଅଷ୍ଟୋତ୍ତରଶତନାମ ସ୍ତୋତ୍ରମ୍

ଓଂକାରତତ୍ତ୍ଵରୂପାୟ ଦିଵ୍ୟଜ୍ଞାନାତ୍ମନେ ନମଃ ।
ନଭୋତୀତମହାଧାମ୍ନ ଐଂଦ୍ର୍ୟୃଧ୍ୟା ଓଜସେ ନମଃ ॥ 1॥

ନଷ୍ଟମତ୍ସରଗମ୍ୟାୟାଗମ୍ୟାଚାରାତ୍ମଵର୍ତ୍ମନେ ।
ମୋଚିତାମେଧ୍ୟକୃତୟେ ଱୍ହୀଂବୀଜଶ୍ରାଣିତଶ୍ରିୟେ ॥ 2॥

ମୋହାଦିଵିଭ୍ରମାଂତାୟ ବହୁକାୟଧରାୟ ଚ ।
ଭତ୍ତଦୁର୍ଵୈଭଵଛେତ୍ରେ କ୍ଲୀଂବୀଜଵରଜାପିନେ ॥ 3॥

ଭଵହେ-ତୁଵିନାଶାୟ ରାଜଚ୍ଛୋଣାଧରାୟ ଚ ।
ଗତିପ୍ରକଂପିତାଂଡାୟ ଚାରୁଵ୍ୟହତବାହଵେ ॥ 4॥

ଗତଗ-ର୍ଵପ୍ରିୟାୟାସ୍ତୁ ୟମାଦିୟତଚେତସେ ।
ଵଶିତାଜାତଵଶ୍ୟାୟ ମୁଂଡିନେ ଅନସୂୟଵେ ॥ 5॥

ଵଦଦ୍ଵ-ରେଣ୍ୟଵାଗ୍ଜାଲା-ଵିସ୍ପୃଷ୍ଟଵିଵିଧାତ୍ମନେ ।
ତପୋଧନପ୍ରସନ୍ନାୟେ-ଡାପତିସ୍ତୁତକୀର୍ତୟେ ॥ 6॥

ତେଜୋମଣ୍ୟଂତରଂଗାୟା-ଦ୍ମରସଦ୍ମଵିହାପନେ ।
ଆଂତରସ୍ଥାନସଂସ୍ଥାୟାୟୈଶ୍ଵର୍ୟଶ୍ରୌତଗୀତୟେ ॥ 7॥

ଵାତାଦିଭୟୟୁଗ୍ଭାଵ-ହେତଵେ ହେତୁବେତଵେ ।
ଜଗଦାତ୍ମାତ୍ମଭୂତାୟ ଵିଦ୍ଵିଷତ୍ଷଟ୍କଘାତିନେ ॥ 8॥

ସୁରଵ-ର୍ଗୋଦ୍ଧୃତେ ଭୃତ୍ୟା ଅସୁରାଵାସଭେଦିନେ ।
ନେତ୍ରେ ଚ ନୟନାକ୍ଷ୍ଣେ ଚିଚ୍ଚେତନାୟ ମହାତ୍ମନେ ॥ 9॥

ଦେଵାଧିଦେଵଦେଵାୟ ଵସୁଧାସୁରପାଲିନେ ।
ୟାଜିନାମଗ୍ରଗଣ୍ୟାୟ ଦ୍ରାଂବୀଜଜପତୁଷ୍ଟୟେ ॥ 10॥

ଵାସନାଵନଦାଵାୟ ଧୂଲିୟୁଗ୍ଦେହମାଲିନେ ।
ୟତିସଂନ୍ୟାସିଗତୟେ ଦତ୍ତାତ୍ରେୟେତି ସଂଵିଦେ ॥ 11॥

ୟଜନାସ୍ୟଭୁଜେଜାୟ ତାରକାଵାସଗାମିନେ ।
ମହାଜଵାସ୍ପୃଗ୍ରୂପାୟା-ତ୍ତାକାରାୟ ଵିରୂପିଣେ ॥ 12॥

ନରାୟ ଧୀପ୍ରଦୀପାୟ ୟଶସ୍ଵିୟଶସେ ନମଃ ।
ହାରିଣେ ଚୋଜ୍ଵଲାଂଗାୟାତ୍ରେସ୍ତନୂଜାୟ ସଂଭଵେ ॥ 13॥

ମୋଚିତାମରସଂଘାୟ ଧୀମତାଂ ଧୀରକାୟ ଚ ।
ବଲିଷ୍ଠଵିପ୍ରଲଭ୍ୟାୟ ୟାଗହୋମପ୍ରିୟାୟ ଚ ॥ 14॥

ଭଜନ୍ମହିମଵିଖ଼ୟାତ୍ରେଽମରାରିମହିମଚ୍ଛିଦେ ।
ଲାଭାୟ ମୁଂଡିପୂଜ୍ୟାୟ ୟମିନେ ହେମମାଲିନେ ॥ 15॥

ଗତୋପାଧିଵ୍ୟାଧୟେ ଚ ହିରଣ୍ୟାହିତକାଂତୟେ ।
ୟତୀଂଦ୍ରଚର୍ୟାଂ ଦଧତେ ନରଭାଵୌଷଧାୟ ଚ ॥ 16॥

ଵରିଷ୍ଠୟୋଗିପୂଜ୍ୟାୟ ତଂତୁସଂତନ୍ଵତେ ନମଃ ।
ସ୍ଵାତ୍ମଗାଥାସୁତୀର୍ଥାୟ ମଃଶ୍ରିୟେ ଷଟ୍କରାୟ ଚ ॥ 17॥

ତେଜୋମୟୋତ୍ତମାଂଗାୟ ନୋଦନାନୋଦ୍ୟକର୍ମଣେ ।
ହାନ୍ୟାପ୍ତିମୃତିଵିଜ୍ଞାତ୍ର ଓଂକାରିତସୁଭକ୍ତୟେ ॥ 18॥

ରୁକ୍ଷୁଙ୍ମନଃଖେଦହୃତେ ଦର୍ଶନାଵିଷୟାତ୍ମନେ ।
ରାଂକଵାତତଵସ୍ତ୍ରାୟ ନରତତ୍ତ୍ଵପ୍ରକାଶିନେ ॥ 19॥

ଦ୍ରାଵିତପ୍ରଣତାଘାୟା-ତ୍ତଃସ୍ଵଜିଷ୍ଣୁଃସ୍ଵରାଶୟେ ।
ରାଜଂତ୍ର୍ୟାସ୍ୟୈକରୂପାୟ ମଃସ୍ଥାୟମସୁବମ୍ଧଵେ ॥ 20॥

ୟତୟେ ଚୋଦନାତୀତ- ପ୍ରଚାରପ୍ରଭଵେ ନମଃ ।
ମାନରୋଷଵିହୀନାୟ ଶିଷ୍ୟସଂସିଦ୍ଧିକାରିଣେ ॥ 21॥

ଗଂଗେ ପାଦଵିହୀନାୟ ଚୋଦନାଚୋଦିତାତ୍ମନେ ।
ୟଵୀୟସେଽଲର୍କଦୁଃଖ-ଵାରିଣେଽଖଂଡିତାତ୍ମନେ ॥ 22॥

ହ୍ରୀଂବୀଜାୟାର୍ଜୁନଜ୍ୟେଷ୍ଠାୟ ଦର୍ଶନାଦର୍ଶିତାତ୍ମନେ ।
ନତିସଂତୁଷ୍ଟଚିତ୍ତାୟ ୟତିନେ ବ୍ରହ୍ମଚାରିଣେ ॥ 23॥

ଇତ୍ୟେଷ ସତ୍ସ୍ତଵୋ ଵୃତ୍ତୋୟାତ୍ କଂ ଦେୟାତ୍ପ୍ରଜାପିନେ ।
ମସ୍କରୀଶୋ ମନୁସ୍ୟୂତଃ ପରବ୍ରହ୍ମପଦପ୍ରଦଃ ॥ 24॥

॥ ଇତି ଶ୍ରୀ. ପ. ପ. ଶ୍ରୀଵାସୁଦେଵାନଂଦ ସରସ୍ଵତୀ ଵିରଚିତଂ
ମଂତ୍ରଗର୍ଭ ଶ୍ରୀ ଦତ୍ତାତ୍ରେୟାଷ୍ଟୋତ୍ତରଶତନାମ ସ୍ତୋତ୍ରଂ ସଂପୂର୍ଣମ୍॥