സൂര്യ നിത്യ പൂജാ വിധാനമ്

ആവശ്യകാനി വസ്തൂനി
– ആസനം
– ദീപഃ
– ഗംധഃ
– കുംകുമം
– അക്ഷതാഃ
– പുഷ്പാണി
– ധൂപഃ
– നൈവേദ്യം
– താംബൂലം
– ആചമനീയം
– പൂജാ പാത്രം
– കലശഃ
– ശംഖഃ [optional]
– സൂര്യനാരായണ സ്വാമി പ്രതിമാ വാ ചിത്രപടഃ വാ

പൂർവാംഗ പൂജാ
ശ്രീമഹാഗണാധിപതയേ നമഃ ।
ശ്രീ ഗുരുഭ്യോ നമഃ ।
ഹരിഃ ഓമ് ।

ശുചിഃ
അപവിത്രഃ പവിത്രോ വാ സർവാവസ്ഥാം ഗതോഽപി വാ ।
യഃ സ്മരേത് പുംഡരീകാക്ഷം സ ബാഹ്യാഭ്യംതരഃ ശുചിഃ ॥
പുംഡരീകാക്ഷ പുംഡരീകാക്ഷ പുംഡരീകാക്ഷായ നമഃ ॥

പ്രാര്ഥനാ
ശുക്ലാംബരധരം വിഷ്ണും ശശിവര്ണം ചതുര്ഭുജമ് ।
പ്രസന്നവദനം ധ്യായേത് സർവവിഘ്നോപശാംതയേ ॥

അഗജാനന പദ്മാര്കം ഗജാനനമഹര്നിശമ് ।
അനേകദം തം ഭക്താനാം ഏകദംതമുപാസ്മഹേ ॥

തദേവ ലഗ്നം സുദിനം തദേവ
താരാബലം ചംദ്രബലം തദേവ ।
വിദ്യാബലം ദൈവബലം തദേവ
ലക്ഷ്മീപതേ തേഽംഘ്രിയുഗം സ്മരാമി ॥

ഗുരുര്ബ്രഹ്മാ ഗുരുർവിഷ്ണുഃ ഗുരുര്ദേവോ മഹേശ്വരഃ ।
ഗുരുഃ സാക്ഷാത് പരബ്രഹ്മ തസ്മൈ ശ്രീഗുരവേ നമഃ ॥

സർവമംഗള മാംഗള്യേ ശിവേ സർവാര്ഥസാധികേ ।
ശരണ്യേ ത്ര്യംബകേ ഗൌരീ നാരായണി നമോഽസ്തു തേ ॥

ശ്രീലക്ഷ്മീനാരായണാഭ്യാം നമഃ ।
ഉമാമഹേശ്വരാഭ്യാം നമഃ ।
വാണീഹിരണ്യഗര്ഭാഭ്യാം നമഃ ।
ശചീപുരംദരാഭ്യാം നമഃ ।
അരുംധതീവസിഷ്ഠാഭ്യാം നമഃ ।
ശ്രീസീതാരാമാഭ്യാം നമഃ ।
മാതാപിതൃഭ്യോ നമഃ ।
സർവേഭ്യോ മഹാജനേഭ്യോ നമഃ ।

ആചമനം
ഓം കേശവായ സ്വാഹാ ।
ഓം നാരായണായ സ്വാഹാ ।
ഓം മാധവായ സ്വാഹാ ।
ഓം ഗോവിംദായ നമഃ ।
ഓം വിഷ്ണവേ നമഃ ।
ഓം മധുസൂദനായ നമഃ ।
ഓം ത്രിവിക്രമായ നമഃ ।
ഓം വാമനായ നമഃ ।
ഓം ശ്രീധരായ നമഃ ।
ഓം ഹൃഷീകേശായ നമഃ ।
ഓം പദ്മനാഭായ നമഃ ।
ഓം ദാമോദരായ നമഃ ।
ഓം സംകര്ഷണായ നമഃ ।
ഓം വാസുദേവായ നമഃ ।
ഓം പ്രദ്യുമ്നായ നമഃ ।
ഓം അനിരുദ്ധായ നമഃ ।
ഓം പുരുഷോത്തമായ നമഃ ।
ഓം അധോക്ഷജായ നമഃ ।
ഓം നാരസിംഹായ നമഃ ।
ഓം അച്യുതായ നമഃ ।
ഓം ജനാര്ദനായ നമഃ ।
ഓം ഉപേംദ്രായ നമഃ ।
ഓം ഹരയേ നമഃ ।
ഓം ശ്രീകൃഷ്ണായ നമഃ ।

ദീപാരാധനമ്
ദീപസ്ത്വം ബ്രഹ്മരൂപോഽസി ജ്യോതിഷാം പ്രഭുരവ്യയഃ ।
സൌഭാഗ്യം ദേഹി പുത്രാംശ്ച സർവാന്കാമാംശ്ച ദേഹി മേ ॥
ഭോ ദീപ ദേവി രൂപസ്ത്വം കര്മസാക്ഷീ ഹ്യവിഘ്നകൃത് ।
യാവത്പൂജാം കരിഷ്യാമി താവത്ത്വം സുസ്ഥിരോ ഭവ ॥
ദീപാരാധന മുഹൂര്തഃ സുമുഹൂര്തോഽസ്തു ॥

ഭൂതോച്ചാടനമ്
ഉത്തിഷ്ഠംതു ഭൂതപിശാചാഃ യ ഏതേ ഭൂമിഭാരകാഃ ।
ഏതേഷാമവിരോധേന ബ്രഹ്മകര്മ സമാരഭേ ॥
അപസര്പംതു തേ ഭൂതാ യേ ഭൂതാ ഭൂമിസംസ്ഥിതാഃ ।
യേ ഭൂതാ വിഘ്നകര്താരസ്തേ ഗച്ഛംതു ശിവാഽജ്ഞയാ ॥

പ്രാണായാമഃ

ഓം ഭൂഃ । ഓം ഭുവഃ॑ । ഓഗ്​മ് സുവഃ॑ । ഓം മഹഃ॑ । ഓം ജനഃ॑ । ഓം തപഃ॑ । ഓഗ്​മ് സത്യമ് ।
ഓം തത്സ॑വി॒തുർവരേ᳚ണ്യം॒ ഭര്ഗോ॑ ദേ॒വസ്യ॑ ധീമഹി ।
ധിയോ॒ യോ നഃ॑ പ്രചോ॒ദയാ᳚ത് ॥
ഓമാപോ॒ ജ്യോതീ॒ രസോ॒ഽമൃതം॒ ബ്രഹ്മ॒ ഭൂര്ഭുവ॒സ്സുവ॒രോമ് ॥

സംകല്പഃ
മമ ഉപാത്ത സമസ്ത ദുരിതക്ഷയ ദ്വാരാ ശ്രീപരമേശ്വര പ്രീത്യര്ഥം, മമ/അസ്മാകം സഹകുടുംബസ്യ ക്ഷേമ-സ്ഥൈര്യ-ധൈര്യ-വീര്യ-വിജയ-അഭയ-ആയുഃ-ആരോഗ്യ-ഐശ്വര്യ-അഭിവൃദ്ധ്യര്ഥം, ആരോഗ്യ-തേജസ്-ബല-പ്രാപ്ത്യര്ഥം, ധര്മാര്ഥ-കാമ-മോക്ഷ-ചതുർവിധ-പുരുഷാര്ഥ-ഫല-സിദ്ധ്യര്ഥം, ശ്രീസൂര്യനാരായണ സ്വാമി-പ്രീത്യര്ഥം, യാവച്ഛക്തി ധ്യാന-ആവാഹനാദി-ഷോഡശോപചാര-പൂജാം കരിഷ്യേ ॥

തദംഗ കലശാരാധനം കരിഷ്യേ ॥

കലശാരാധനമ്
കലശേ ഗംധ പുഷ്പാക്ഷതൈരഭ്യര്ച്യ ।
കലശേ ഉദകം പൂരയിത്വാ ।
കലശസ്യോപരി ഹസ്തം നിധായ ।

കലശസ്യ മുഖേ വിഷ്ണുഃ കംഠേ രുദ്രഃ സമാശ്രിതഃ ।
മൂലേ ത്വസ്യ സ്ഥിതോ ബ്രഹ്മാ മധ്യേ മാതൃഗണാഃ സ്മൃതാഃ ॥
കുക്ഷൌ തു സാഗരാഃ സർവേ സപ്തദ്വീപാ വസുംധരാ ।
ഋഗ്വേദോഽഥ യജുർവേദോ സാമവേദോ ഹ്യഥർവണഃ ॥
അംഗൈശ്ച സഹിതാഃ സർവേ കലശാംബു സമാശ്രിതാഃ ॥

ഗംഗേ ച യമുനേ ചൈവ ഗോദാവരീ സരസ്വതീ ।
നര്മദേ സിംധു കാവേരീ ജലേഽസ്മിന് സന്നിധിം കുരു ॥
കാവേരീ തുംഗഭദ്രാ ച കൃഷ്ണവേണീ ച ഗൌതമീ ।
ഭാഗീരഥീതി വിഖ്യാതാഃ പംചഗംഗാഃ പ്രകീര്തിതാഃ ॥

ആയാംതു ദേവപൂജാര്ഥം മമ ദുരിതക്ഷയകാരകാഃ ।
കലശോദകേന പൂജാ ദ്രവ്യാണി സംപ്രോക്ഷ്യ, ദേവം സംപ്രോക്ഷ്യ, ആത്മാനം ച സംപ്രോക്ഷ്യ ॥

ശംഖപൂജാ
ശംഖം ചംദ്രാര്ക ദൈവതം മധ്യേ വരുണ ദേവതാമ് ।
പൃഷ്ഠേ പ്രജാപതിം വിംദ്യാദഗ്രേ ഗംഗാ സരസ്വതീമ് ॥
ത്രൈലോക്യേ യാനി തീര്ഥാനി വാസുദേവസ്യ ആജ്ഞയാ ।
ശംഖേ തിഷ്ഠംതു വിപ്രേംദ്രാഃ തസ്മാത് ശംഖം പ്രപൂജയേത് ॥

ഓം ശംഖായ നമഃ ।
ഓം ധവളായ നമഃ ।
ഓം പാംചജന്യായ നമഃ ।
ഓം ശംഖദേവതാഭ്യോ നമഃ ।
സകലപൂജാര്ഥേ അക്ഷതാന് സമര്പയാമി ॥

ഘംടാനാദഃ
ആഗമാര്ഥം തു ദേവാനാം ഗമനാര്ഥം തു രാക്ഷസാമ് ।
ഘംടാരവം കരോമ്യാദൌ ദേവതാഹ്വാന ലാംഛനമ് ॥
ഓം ഘംടാദേവതാഭ്യോ നമഃ ।
സകലോപചാര പൂജാര്ഥേ അക്ഷതാന് സമര്പയാമി ॥

ശ്രീ മഹാഗണപതി പൂജാ

ഓം ഗ॒ണാനാം᳚ ത്വാ ഗ॒ണപ॑തിഗ്​മ് ഹവാമഹേ ക॒വിം ക॑വീ॒നാം ഉപ॒മശ്ര॑വസ്തവമ് ।
ജ്യേ॒ഷ്ഠ॒രാജം॒ ബ്രഹ്മ॑ണാം ബ്രഹ്മണസ്പത॒ ആ നഃ॑ ശൃ॒ണ്വന്നൂ॒തിഭി॑സ്സീദ॒ സാദ॑നമ് ॥

സുമുഖശ്ചൈകദംതശ്ച കപിലോ ഗജകര്ണകഃ ।
ലംബോദരശ്ച വികടോ വിഘ്നരാജോ ഗണാധിപഃ ॥
ധൂമകേതുര്ഗണാധ്യക്ഷഃ ഫാലചംദ്രോ ഗജാനനഃ ।
വക്രതുംഡഃ ശൂര്പകര്ണോ ഹേരംബഃ സ്കംദപൂർവജഃ ॥

ഓം ശ്രീമഹാഗണപതയേ നമഃ ।
ധ്യായാമി । ആവാഹയാമി । ആസനം സമര്പയാമി ।
പാദ്യം സമര്പയാമി । അര്ഘ്യം സമര്പയാമി । ആചമനീയം സമര്പയാമി ।
സ്നാനം സമര്പയാമി । വസ്ത്രം സമര്പയാമി । യജ്ഞോപവീതം സമര്പയാമി ।
ഗംധം സമര്പയാമി । പുഷ്പാണി സമര്പയാമി ।
ധൂപമാഘ്രാപയാമി । ദീപം ദര്ശയാമി ।
നൈവേദ്യം സമര്പയാമി । താംബൂലം സമര്പയാമി ।
നീരാജനം സമര്പയാമി । മംത്രപുഷ്പം സമര്പയാമി ।
പ്രദക്ഷിണ നമസ്കാരാന് സമര്പയാമി ॥

ഷോഡശോപചാര പൂജാ
സൂര്യനാരായണ ധ്യാനമ്
ധ്യേയഃ സദാ സവിതൃമംഡലമധ്യവര്തീ
നാരായണഃ സരസിജാസന സന്നിവിഷ്ടഃ ।
കേയൂരവാന് മകരകുംഡലവാന് കിരീടീ
ഹാരീ ഹിരണ്മയവപുഃ ധൃതശംഖചക്രഃ ॥

അരുണോഽരുണപംകജേ നിഷണ്ണഃ
കമലേഽഭീതിവരൌ കരൈര്ദധാനഃ ।
സ്വരുചാഹിത മംഡലസ്ത്രിനേത്രോ
രവിരാകല്പ ശതാകുലോഽവതാന്നഃ ॥

ഓം ശ്രീസൂര്യനാരായണായ നമഃ ।
ധ്യായാമി । ധ്യാനം സമര്പയാമി ॥

ആവാഹനമ്

സ॒ഹസ്ര॑ശീര്​ഷാ॒ പുരു॑ഷഃ । സ॒ഹ॒സ്രാ॒ക്ഷഃ സ॒ഹസ്ര॑പാത് ।
സ ഭൂമിം॑-വിഁ॒ശ്വതോ॑ വൃ॒ത്വാ । അത്യ॑തിഷ്ഠദ്ദശാംഗു॒ലമ് ॥

ആഗച്ഛ ഭഗവന് സൂര്യ മംഡപേ ച സ്ഥിരോ ഭവ ।
യാവത്പൂജാ സമാപ്യേത താവത്ത്വം സന്നിധൌ ഭവ ॥
ഓം ശ്രീസൂര്യനാരായണായ നമഃ ।
ആവാഹയാമി । സ്ഥാപയാമി । പൂജയാമി ॥

ആസനമ്

പുരു॑ഷ ഏ॒വേദഗ്​മ് സർവമ്᳚ । യദ്ഭൂ॒തം-യഁച്ച॒ ഭവ്യമ്᳚ ।
ഉ॒താമൃ॑ത॒ത്വ സ്യേശാ॑നഃ । യദന്നേ॑നാതി॒രോഹ॑തി ॥

ഹേമാസന മഹദ്ദിവ്യം നാനാരത്നവിഭൂഷിതമ് ।
ദത്തം മേ ഗൃഹ്യതാം ദേവ ദിവാകര നമോഽസ്തു തേ ॥
ഓം ശ്രീസൂര്യനാരായണായ നമഃ ।
ആസനം സമര്പയാമി ॥

പാദ്യമ്
ഗംഗാജല സമാനീതം പരമം പാവനം മഹത് ।
പാദ്യം ഗൃഹാണ ദേവേശ ധാമരൂപ നമോഽസ്തു തേ ॥
ഓം ശ്രീസൂര്യനാരായണായ നമഃ ।
പാദയോഃ പാദ്യം സമര്പയാമി ॥

അര്ഘ്യമ്
ഭോ സൂര്യ മഹാദ്ഭുത ബ്രഹ്മവിഷ്ണു സ്വരൂപദൃക് ।
അര്ഘ്യം അംജലിനാ ദത്തം ഗൃഹാണ പരമേശ്വര ॥
ഓം ശ്രീസൂര്യനാരായണായ നമഃ ।
ഹസ്തയോഃ അര്ഘ്യം സമര്പയാമി ॥

ആചമനീയമ്
ഗംഗാദി തീര്ഥജം തോയം ജാതീപുഷ്പൈശ്ച വാസിതമ് ।
താമ്രപാത്രേ സ്ഥിതം ദിവ്യം ഗൃഹാണാചമനീയകമ് ॥
ഓം ശ്രീസൂര്യനാരായണായ നമഃ ।
മുഖേ ആചമനീയം സമര്പയാമി ॥

സ്നാനമ്

ആപോ॒ ഹിഷ്ഠാ മ॑യോ॒ഭുവ॒സ്താ ന॑ ഊ॒ര്ജേ ദ॑ധാതന ।
മ॒ഹേ രണാ॑യ॒ ചക്ഷ॑സേ ॥
യോ വഃ॑ ശി॒വത॑മോ രസ॒സ്തസ്യ॑ ഭാജയതേ॒ഹ നഃ॑ ।
ഉ॒ശ॒തീരി॑വ മാ॒ത॑രഃ ॥
തസ്മാ॒ അരം॑ ഗമാമ വോ॒ യസ്യ॒ ക്ഷയാ॑യ॒ ജിന്വ॑ഥ ।
ആപോ॑ ജ॒നയ॑ഥാ ച നഃ ॥

ഓം ശ്രീസൂര്യനാരായണായ നമഃ ।
ശുദ്ധോദക സ്നാനം സമര്പയാമി ॥
സ്നാനാനംതരം ആചമനീയം സമര്പയാമി ॥

വസ്ത്രമ്
രക്തപട്ടയുഗം ദേവ സൂക്ഷ്മതംതുവിനിര്മിതമ് ।
ശുദ്ധം ചൈവ മയാ ദത്തം ഗൃഹാണ കമലാകര ॥
ഓം ശ്രീസൂര്യനാരായണായ നമഃ ।
വസ്ത്രം സമര്പയാമി ॥

യജ്ഞോപവീതമ്
നമഃ കമലഹസ്തായ വിശ്വരൂപായ തേ നമഃ ।
ഉപവീതം മയാ ദത്തം തദ്ഗൃഹാണ ദിവാകര ॥
ഓം ശ്രീസൂര്യനാരായണായ നമഃ ।
യജ്ഞോപവീതം സമര്പയാമി ॥

ഗംധമ്
കുംകുമാഗരു കസ്തൂരീ സുഗംധൈശ്ചംദനാദിഭിഃ ।
രക്തചംദന സംയുക്തം ഗംധം ഗൃഹ്ണീഷ്വ ഭാസ്കര ॥
ഓം ശ്രീസൂര്യനാരായണായ നമഃ ।
ഗംധം സമര്പയാമി ॥

അര്ചന
ജപാകദംബ കുസുമൈഃ രക്തോത്പല യുതാനി ച ।
പുഷ്പാണി ഗൃഹ്യതാം ദേവ സർവകാമപ്രദോ ഭവ ॥

അംഗ പൂജാ
ഓം മിത്രായ നമഃ – പാദൌ പൂജയാമി ।
ഓം രവയേ നമഃ – ജംഘേ പൂജയാമി ।
ഓം സൂര്യായ നമഃ – ജാനുനീ പൂജയാമി ।
ഓം ഖഗായ നമഃ – ഊരൂ പൂജയാമി ।
ഓം ഹിരണ്യഗര്ഭായ നമഃ – കടിം പൂജയാമി ।
ഓം പൂഷ്ണേ നമഃ – ഗുഹ്യം പൂജയാമി ।
ഓം മരീചയേ നമഃ – നാഭിം പൂജയാമി ।
ഓം ആദിത്യായ നമഃ – ജഠരം പൂജയാമി ।
ഓം സവിത്രേ നമഃ – ഹൃദയം പൂജയാമി ।
ഓം അര്കായ നമഃ – സ്തനൌ പൂജയാമി ।
ഓം ഭാസ്കരായ നമഃ – കംഠം പൂജയാമി ।
ഓം അര്യമ്ണേ നമഃ – സ്കംധൌ പൂജയാമി ।
ഓം ഹംസായ നമഃ – ഹസ്തൌ പൂജയാമി ।
ഓം അഹസ്കരായ നമഃ – മുഖം പൂജയാമി ।
ഓം ബ്രധ്നായ നമഃ – നാസികാം പൂജയാമി ।
ഓം ജഗദേകചക്ഷുഷേ നമഃ – നേത്രാണി പൂജയാമി ।
ഓം ഭാനവേ നമഃ – കര്ണൌ പൂജയാമി ।
ഓം ത്രിഗുണാത്മധാരിണേ നമഃ – ലലാടം പൂജയാമി ।
ഓം വിരിംചിനാരായണായ നമഃ – ശിരഃ പൂജയാമി ।
ഓം തിമിരനാശിനേ നമഃ – സർവാണ്യംഗാനി പൂജയാമി ॥

[Recite the sUrya aShTOttara Sata nAmAvaLI, or at least the dvAdaSa nAmAni of Surya. Offer flowers or akshatas with each name.]

അഥവാ സൂര്യ ദ്വാദശ നാമ പൂജാ ॥

ഓം ആദിത്യായ നമഃ ।
ഓം ദിവാകരായ നമഃ ।
ഓം ഭാസ്കരായ നമഃ ।
ഓം പ്രഭാകരായ നമഃ ।
ഓം സഹസ്രാംശവേ നമഃ ।
ഓം ത്രിലോചനായ നമഃ ।
ഓം ഹരിദശ്വായ നമഃ ।
ഓം വിഭാവസവേ നമഃ ।
ഓം ദിനകരായ നമഃ ।
ഓം ദ്വാദശാത്മകായ നമഃ ।
ഓം ത്രിമൂര്തയേ നമഃ ।
ഓം സൂര്യായ നമഃ ॥

ഓം ശ്രീസൂര്യനാരായണായ നമഃ ।
അഷ്ടോത്തര ശത നാമാവളീ പൂജാം സമര്പയാമി ।
അക്ഷതാന് പുഷ്പാണി ച സമര്പയാമി ॥

ധൂപമ്
ദശാംഗോഗുഗ്ഗുലോദ്ഭൂതഃ കാലാഗരു സമന്വിതഃ ।
ആഘ്രേയഃ സർവദേവാനാം ധൂപോഽയം പ്രതിഗൃഹ്യതാമ് ॥
ഓം ശ്രീസൂര്യനാരായണായ നമഃ ।
ധൂപമാഘ്രാപയാമി ॥

ദീപമ്
കാര്പാസവര്തികായുക്തം ഗോഘൃതേന സമന്വിതമ് ।
ദീപം ഗൃഹാണ ദേവേശ ത്രൈലോക്യ തിമിരാപഹ ॥
ഓം ശ്രീസൂര്യനാരായണായ നമഃ ।
ദീപം ദര്ശയാമി ॥

നൈവേദ്യമ്
പായസം ഘൃതസംയുക്തം നാനാ പക്വാന്ന സംയുതമ് ।
നൈവേദ്യം ച മയാ ദത്തം ശാംതിം കുരു ജഗത്പതേ ॥

ഓം ഭൂര്ഭുവ॒സ്സുവഃ॒ । തത്സ॑വി॒തുർവരേ᳚ണ്യം॒ ഭര്ഗോ॑ ദേ॒വസ്യ॑ ധീമഹി ।
ധി॒യോ യോ നഃ॑ പ്രചോ॒ദയാ᳚ത് ॥

സത്യം ത്വാ ഋതേന പരിഷിംചാമി ।
അമൃതമസ്തു । അമൃതോപസ്തരണമസി ।
ഓം പ്രാണായ സ്വാഹാ । ഓം അപാനായ സ്വാഹാ । ഓം വ്യാനായ സ്വാഹാ ।
ഓം ഉദാനായ സ്വാഹാ । ഓം സമാനായ സ്വാഹാ ।
മധ്യേ മധ്യേ പാനീയം സമര്പയാമി ।
അമൃതാപിധാനമസി ।
ഉത്തരാപോശനം സമര്പയാമി ।
ഹസ്തൌ പ്രക്ഷാളയാമി । പാദൌ പ്രക്ഷാളയാമി ।
ശുദ്ധാചമനീയം സമര്പയാമി ॥

ഓം ശ്രീസൂര്യനാരായണായ നമഃ ।
നൈവേദ്യം സമര്പയാമി ॥

താംബൂലമ്
ഏലാലവംഗ കര്പൂര ഖദിരൈശ്ച സപൂഗകൈഃ ।
നാഗവല്ലീദലൈര്യുക്തം താംബൂലം പ്രതിഗൃഹ്യതാമ് ॥
ഓം ശ്രീസൂര്യനാരായണായ നമഃ ।
താംബൂലം സമര്പയാമി ॥

നീരാജനമ്

വേദാ॒ഹമേ॒തം പുരു॑ഷം മ॒ഹാംതമ്᳚ । ആ॒ദി॒ത്യവ॑ര്ണം॒ തമ॑സ॒സ്തു പാ॒രേ ।
സർവാ॑ണി രൂ॒പാണി॑ വി॒ചിത്യ॒ ധീരഃ॑ । നാമാ॑നി കൃ॒ത്വാഽഭി॒വദ॒ന്॒, യദാഽഽസ്തേ᳚ ॥

പംചവര്തി സമായുക്തം സർവമംഗളദായകമ് ।
നീരാജനം ഗൃഹാണേദം സർവസൌഖ്യകരോ ഭവ ॥
ഓം ശ്രീസൂര്യനാരായണായ നമഃ ।
നീരാജനം സമര്പയാമി ॥

മംത്രപുഷ്പമ്

ധാ॒താ പു॒രസ്താ॒ദ്യമു॑ദാജ॒ഹാര॑ । ശ॒ക്രഃ പ്രവി॒ദ്വാ-ന്പ്ര॒ദിശ॒ശ്ചത॑സ്രഃ ।
തമേ॒വം-വിഁ॒ദ്വാന॒മൃത॑ ഇ॒ഹ ഭ॑വതി । നാന്യഃ പംഥാ॒ അയ॑നായ വിദ്യതേ ॥

ഓം ഭാസ്കരായ വിദ്മഹേ മഹാദ്യുതികരായ ധീമഹി ।
തന്നോ ആദിത്യഃ പ്രചോദയാത് ॥
ചംപകൈഃ ശതപത്രൈശ്ച കല്ഹാരൈഃ കരവീരകൈഃ ।
പാടലൈര്ബകുലൈര്യുക്തം ഗൃഹാണ കുസുമാംജലിമ് ॥
ഓം ശ്രീസൂര്യനാരായണായ നമഃ ।
മംത്രപുഷ്പം സമര്പയാമി ॥

പ്രദക്ഷിണമ്
യാനി കാനി ച പാപാനി ജന്മാംതര കൃതാനി ച ।
താനി താനി വിനശ്യംതി പ്രദക്ഷിണ പദേ പദേ ॥
പാപോഽഹം പാപകര്മാഽഹം പാപാത്മാ പാപസംഭവ ।
ത്രാഹി മാം കൃപയാ ദേവ ശരണാഗതവത്സല ॥
അന്യഥാ ശരണം നാസ്തി ത്വമേവ ശരണം മമ ।
തസ്മാത്കാരുണ്യ ഭാവേന രക്ഷ രക്ഷ ജനാര്ദന ॥
ഓം ശ്രീസൂര്യനാരായണായ നമഃ ।
പ്രദക്ഷിണ നമസ്കാരാന് സമര്പയാമി ॥

നമസ്കാരഃ
ഉദ്യന്നദ്യ വിവസ്വാനാരോഹന്നുത്തരാം ദിവമ് ।
ദേവഃ ഹൃദ്രോഗം മമ സൂര്യോ ഹരിമാണം ചാശു നാശയതു ॥
ഓം ശ്രീസൂര്യനാരായണായ നമഃ ।
നമസ്കാരാന് സമര്പയാമി ॥

ദ്വാദശാര്ഘ്യാണി
ദിവാകര നമസ്തുഭ്യം പാപം നാശയ ഭാസ്കര ।
ത്രയീമയായ വിശ്വാത്മന് ഗൃഹാണാര്ഘ്യം നമോഽസ്തു തേ ॥
ഓം മിത്രായ നമഃ – ഇദമര്ഘ്യം സമര്പയാമി ।
ഓം രവയേ നമഃ – ഇദമര്ഘ്യം സമര്പയാമി ।
ഓം സൂര്യായ നമഃ – ഇദമര്ഘ്യം സമര്പയാമി ।
ഓം ഭാനവേ നമഃ – ഇദമര്ഘ്യം സമര്പയാമി ।
ഓം ഖഗായ നമഃ – ഇദമര്ഘ്യം സമര്പയാമി ।
ഓം പൂഷ്ണേ നമഃ – ഇദമര്ഘ്യം സമര്പയാമി ।
ഓം ഹിരണ്യഗര്ഭായ നമഃ – ഇദമര്ഘ്യം സമര്പയാമി ।
ഓം മരീചയേ നമഃ – ഇദമര്ഘ്യം സമര്പയാമി ।
ഓം ആദിത്യായ നമഃ – ഇദമര്ഘ്യം സമര്പയാമി ।
ഓം സവിത്രേ നമഃ – ഇദമര്ഘ്യം സമര്പയാമി ।
ഓം അര്കായ നമഃ – ഇദമര്ഘ്യം സമര്പയാമി ।
ഓം ഭാസ്കരായ നമഃ – ഇദമര്ഘ്യം സമര്പയാമി ॥

സർവോപചാരാഃ
ഓം ശ്രീസൂര്യനാരായണായ നമഃ ।
ഛത്രം സമര്പയാമി ।
ചാമരം സമര്പയാമി ।
ഗീതം ശ്രാവയാമി ।
നൃത്യം ദര്ശയാമി ।
സമസ്ത രാജോപചാരാന് ദേവോപചാരാന് സമര്പയാമി ॥

സ്തോത്ര/സൂക്ത പഠനമ്

ക്ഷമാപ്രാര്ഥനാ
മംത്രഹീനം ക്രിയാഹീനം ഭക്തിഹീനം ജനാര്ദന ।
യത്പൂജിതം മയാ ദേവ പരിപൂര്ണം തദസ്തു തേ ॥
അജ്ഞാനാദ്വാ പ്രമാദാദ്വാ വൈകല്യാത്സാധനസ്യ വാ ।
യന്ന്യൂനമതിരിക്തം ച തത്സർവം ക്ഷംതുമര്ഹസി ॥

കായേന വാചാ മനസേംദ്രിയൈർവാ
ബുദ്ധ്യാത്മനാ വാ പ്രകൃതേഃ സ്വഭാവാത് ।
കരോമി യദ്യത് സകലം പരസ്മൈ
നാരായണായേതി സമര്പയാമി ॥

അനയാ ധ്യാന-ആവാഹനാദി-ഷോഡശോപചാര പൂജയാ ശ്രീസൂര്യനാരായണ സ്വാമീ സുപ്രീതഃ സുപ്രസന്നഃ വരദോ ഭവതു ॥

ഉദ്വാസനമ്
ഓം ശ്രീസൂര്യനാരായണായ നമഃ ।
യഥാസ്ഥാനം ഉദ്വാസയാമി ।
ശോഭനാര്ഥേ ക്ഷേമായ പുനരാഗമനായ ച ॥

പ്രസാദ ഗ്രഹണമ്
അകാലമൃത്യുഹരണം സർവവ്യാധിനിവാരണമ് ।
സമസ്തപാപക്ഷയകരം ദേവതാ പാദോദകം ശുഭമ് ॥

ശ്രീസൂര്യനാരായണ സ്വാമി പ്രസാദം ശിരസാ ഗൃഹ്ണാമി ॥

ഓം ശാംതിഃ ശാംതിഃ ശാംതിഃ ॥

ഓം തത്സത് ബ്രഹ്മാര്പണമസ്തു ॥