കേതു അഷ്ടോത്തര ശത നാമ സ്തോത്രമ്

ശൃണു നാമാനി ജപ്യാനി കേതോ രഥ മഹാമതേ ।
കേതുഃ സ്ഥൂലശിരാശ്ചൈവ ശിരോമാത്രോ ധ്വജാകൃതിഃ ॥ 1 ॥

നവഗ്രഹയുതഃ സിംഹികാസുരീഗര്ഭസംഭവഃ ।
മഹാഭീതികരശ്ചിത്രവര്ണോ വൈ പിംഗളാക്ഷകഃ ॥ 2 ॥

സ ഫലോധൂമ്രസംകാശഃ തീക്ഷ്ണദംഷ്ട്രോ മഹോരഗഃ ।
രക്തനേത്രശ്ചിത്രകാരീ തീവ്രകോപോ മഹാസുരഃ ॥ 3 ॥

ക്രൂരകംഠഃ ക്രോധനിധിശ്ഛായാഗ്രഹവിശേഷകഃ ।
അംത്യഗ്രഹോ മഹാശീര്ഷോ സൂര്യാരിഃ പുഷ്പവദ്ഗ്രഹീ ॥ 4 ॥

വരഹസ്തോ ഗദാപാണിശ്ചിത്രവസ്ത്രധരസ്തഥാ ।
ചിത്രധ്വജപതാകശ്ച ഘോരശ്ചിത്രരഥഃ ശിഖീ ॥ 5 ॥

കുളുത്ഥഭക്ഷകശ്ചൈവ വൈഡൂര്യാഭരണസ്തഥാ ।
ഉത്പാതജനകഃ ശുക്രമിത്രം മംദസഖസ്തഥാ ॥ 6 ॥

ഗദാധരഃ നാകപതിഃ അംതർവേദീശ്വരസ്തഥാ ।
ജൈമിനീഗോത്രജശ്ചിത്രഗുപ്താത്മാ ദക്ഷിണാമുഖഃ ॥ 7 ॥

മുകുംദവരപാത്രം ച മഹാസുരകുലോദ്ഭവഃ ।
ഘനവര്ണോ ലംബദേഹോ മൃത്യുപുത്രസ്തഥൈവ ച ॥ 8 ॥

ഉത്പാതരൂപധാരീ ചാഽദൃശ്യഃ കാലാഗ്നിസന്നിഭഃ ।
നൃപീഡോ ഗ്രഹകാരീ ച സർവോപദ്രവകാരകഃ ॥ 9 ॥

ചിത്രപ്രസൂതോ ഹ്യനലഃ സർവവ്യാധിവിനാശകഃ ।
അപസവ്യപ്രചാരീ ച നവമേ പാപദായകഃ ॥ 10 ॥

പംചമേ ശോകദശ്ചോപരാഗഖേചര ഏവ ച ।
അതിപുരുഷകര്മാ ച തുരീയേ (തു) സുഖപ്രദഃ ॥ 11 ॥

തൃതീയേ വൈരദഃ പാപഗ്രഹശ്ച സ്ഫോടകാരകഃ ।
പ്രാണനാഥഃ പംചമേ തു ശ്രമകാരക ഏവ ച ॥ 12 ॥

ദ്വിതീയേഽസ്ഫുടവാഗ്ദാതാ വിഷാകുലിതവക്ത്രകഃ ।
കാമരൂപീ സിംഹദംതഃ സത്യേപ്യനൃതവാനപി ॥ 13 ॥

ചതുര്ഥേ മാതൃനാശശ്ച നവമേ പിതൃനാശകഃ ।
അംത്യേ വൈരപ്രദശ്ചൈവ സുതാനംദനബംധകഃ ॥ 14 ॥

സര്പാക്ഷിജാതോഽനംഗശ്ച കര്മരാശ്യുദ്ഭവസ്തഥാ ।
ഉപാംതേ കീര്തിദശ്ചൈവ സപ്തമേ കലഹപ്രദഃ ॥ 15 ॥

അഷ്ടമേ വ്യാധികര്താ ച ധനേ ബഹുസുഖപ്രദഃ ।
ജനനേ രോഗദശ്ചോര്ധ്വമൂര്ധജോ ഗ്രഹനായകഃ ॥ 16 ॥

പാപദൃഷ്ടിഃ ഖേചരശ്ച ശാംഭവോഽശേഷപൂജിതഃ ।
ശാശ്വതശ്ച നടശ്ചൈവ ശുഭാഽശുഭഫലപ്രദഃ ॥ 17 ॥

ധൂമ്രശ്ചൈവ സുധാപായീ ഹ്യജിതോ ഭക്തവത്സലഃ ।
സിംഹാസനഃ കേതുമൂര്തീ രവീംദുദ്യുതിനാശകഃ ॥ 18 ॥

അമരഃ പീഡകോഽമര്ത്യോ വിഷ്ണുദൃഷ്ടോഽസുരേശ്വരഃ ।
ഭക്തരക്ഷോഽഥ വൈചിത്ര്യകപടസ്യംദനസ്തഥാ ॥ 19 ॥

വിചിത്രഫലദായീ ച ഭക്താഭീഷ്ടഫലപ്രദഃ ।
ഏതത്കേതുഗ്രഹസ്യോക്തം നാമ്നാമഷ്ടോത്തരം ശതമ് ॥ 20 ॥

യോ ഭക്ത്യേദം ജപേത്കേതുര്നാമ്നാമഷ്ടോത്തരം ശതമ് ।
സ തു കേതോഃ പ്രസാദേന സർവാഭീഷ്ടം സമാപ്നുയാത് ॥ 21 ॥

ഇതി ശ്രീ കേതു അഷ്ടോത്തരശതനാമ സ്തോത്രമ് ।