ഗായത്ര്യഷ്ടോത്തരശത നാമസ്തോത്രമ്

തരുണാദിത്യസംകാശാ സഹസ്രനയനോജ്ജ്വലാ ।
വിചിത്രമാല്യാഭരണാ തുഹിനാചലവാസിനീ ॥ 1 ॥

വരദാഭയഹസ്താബ്ജാ രേവാതീരനിവാസിനീ ।
പ്രണിത്യയവിശേഷജ്ഞാ യംത്രാകൃതവിരാജിത ॥ 2 ॥

ഭദ്രപാദപ്രിയാ ചൈവ ഗോവിംദപഥഗാമിനീ ।
ദേവര്ഷിഗണസംസ്തുത്യാ വനമാലാവിഭൂഷിതാ ॥ 3 ॥

സ്യംദനോത്തമസംസ്ഥാ ച ധീരജീമൂതനിസ്വനാ ।
മത്തമാതംഗഗമനാ ഹിരണ്യകമലാസനാ ॥ 4 ॥

ദീനജനോദ്ധാരനിരതാ യോഗിനീ യോഗധാരിണീ ।
നടനാട്യൈകനിരതാ പ്രണവാദ്യക്ഷരാത്മികാ ॥ 5 ॥

ചോരചാരക്രിയാസക്താ ദാരിദ്ര്യച്ഛേദകാരിണീ ।
യാദവേംദ്രകുലോദ്ഭൂതാ തുരീയപഥഗാമിനീ ॥ 6 ॥

ഗായത്രീ ഗോമതീ ഗംഗാ ഗൌതമീ ഗരുഡാസനാ ।
ഗേയഗാനപ്രിയാ ഗൌരീ ഗോവിംദപദപൂജിതാ ॥ 7 ॥

ഗംധർവനഗരാഗാരാ ഗൌരവര്ണാ ഗണേശ്വരീ ।
ഗദാശ്രയാ ഗുണവതീ ഗഹ്വരീ ഗണപൂജിതാ ॥ 8 ॥

ഗുണത്രയസമായുക്താ ഗുണത്രയവിവര്ജിതാ ।
ഗുഹാവാസാ ഗുണാധാരാ ഗുഹ്യാ ഗംധർവരൂപിണീ ॥ 9 ॥

ഗാര്ഗ്യപ്രിയാ ഗുരുപദാ ഗുഹലിംഗാംഗധാരിണീ ।
സാവിത്രീ സൂര്യതനയാ സുഷുമ്നാനാഡിഭേദിനീ ॥ 10 ॥

സുപ്രകാശാ സുഖാസീനാ സുമതി-സ്സുരപൂജിതാ ।
സുഷുപ്ത്യവസ്ഥാ സുദതീ സുംദരീ സാഗരാംബരാ ॥ 11 ॥

സുധാംശുബിംബവദനാ സുസ്തനീ സുവിലോചനാ ।
സീതാ സത്ത്വാശ്രയാ സംധ്യാ സുഫലാ സുവിധായിനീ ॥ 12 ॥

സുഭ്രൂ-സ്സുവാസാ സുശ്രോണീ സംസാരാര്ണവതാരിണീ ।
സാമഗാനപ്രിയാ സാധ്വീ സർവാഭരണഭൂഷിതാ ॥ 13 ॥

വൈഷ്ണവീ വിമലാകാരാ മഹേംദ്രീ മംത്രരൂപിണീ ।
മഹലക്ഷ്മീ-ര്മഹാസിദ്ധി-ര്മഹാമായാ മഹേശ്വരീ ॥ 14 ॥

മോഹിനീ മദനാകാരാ മധുസൂദനചോദിതാ ।
മീനാക്ഷീ മധുരാവാസാ നഗേംദ്രതനയാ ഉമാ ॥ 15 ॥

ത്രിവിക്രമപദാക്രാംതാ ത്രിസ്വരാ ത്രിവിലോചനാ ।
സൂര്യമംഡലമധ്യസ്ഥാ ചംദ്രമംഡലസംസ്ഥിതാ ॥ 16 ॥

വഹ്നിമംഡലമധ്യസ്ഥാ വായുമംഡലസംസ്ഥിതാ ।
വ്യോമമംഡലമധ്യസ്ഥാ ചക്രിണീ ചക്രരൂപിണീ ॥ 17 ॥

കാലചക്രവിതാനസ്ഥാ ചംദ്രമംഡലദര്പണാ ।
ജ്യോത്സ്നാതപാസുലിപ്താംഗീ മഹാമാരുതവീജിതാ ॥ 18 ॥

സർവമംത്രാശ്രയാ ധേനുഃ പാപഘ്നീ പരമേശ്വരീ ।
നമസ്തേഽസ്തു മഹാലക്ഷ്മീ-ര്മഹാസംപത്തിദായിനി ॥ 19 ॥

നമസ്തേ കരുണാമൂര്തേ നമസ്തേ ഭക്തവത്സലേ ।
ഗായത്ര്യാഃ പ്രജപേദ്യസ്തു നാമ്നാമഷ്ടോത്തരം ശതമ് ॥ 20 ॥

തസ്യ പുണ്യഫലം വക്തും ബ്രഹ്മണാപി ന ശക്യതേ ।

ഇതി ശ്രീഗായത്ര്യഷ്ടോത്തരശതനാമസ്തോത്രം സംപൂര്ണമ് ।