സരസ്വതീ നിത്യ പൂജാ വിധാനമ്

ആവശ്യകാനി വസ്തൂനി
– ആസനം
– ദീപഃ
– ഗംധഃ
– കുംകുമം
– അക്ഷതാഃ
– പുഷ്പാണി
– ധൂപഃ
– നൈവേദ്യം
– താംബൂലം
– ആചമനീയം
– പൂജാ പാത്രം
– കലശഃ
– ശംഖഃ [optional]
– സരസ്വതീ ദേവീ പ്രതിമാ വാ ചിത്രപടഃ വാ

പൂർവാംഗ പൂജാ
ശ്രീമഹാഗണാധിപതയേ നമഃ ।
ശ്രീ ഗുരുഭ്യോ നമഃ ।
ഹരിഃ ഓമ് ।

ശുചിഃ
അപവിത്രഃ പവിത്രോ വാ സർവാവസ്ഥാം ഗതോഽപി വാ ।
യഃ സ്മരേത് പുംഡരീകാക്ഷം സ ബാഹ്യാഭ്യംതരഃ ശുചിഃ ॥
പുംഡരീകാക്ഷ പുംഡരീകാക്ഷ പുംഡരീകാക്ഷായ നമഃ ॥

പ്രാര്ഥനാ
ശുക്ലാംബരധരം വിഷ്ണും ശശിവര്ണം ചതുര്ഭുജമ് ।
പ്രസന്നവദനം ധ്യായേത് സർവവിഘ്നോപശാംതയേ ॥

അഗജാനന പദ്മാര്കം ഗജാനനമഹര്നിശമ് ।
അനേകദം തം ഭക്താനാം ഏകദംതമുപാസ്മഹേ ॥

തദേവ ലഗ്നം സുദിനം തദേവ
താരാബലം ചംദ്രബലം തദേവ ।
വിദ്യാബലം ദൈവബലം തദേവ
ലക്ഷ്മീപതേ തേഽംഘ്രിയുഗം സ്മരാമി ॥

ഗുരുര്ബ്രഹ്മാ ഗുരുർവിഷ്ണുഃ ഗുരുര്ദേവോ മഹേശ്വരഃ ।
ഗുരുഃ സാക്ഷാത് പരബ്രഹ്മ തസ്മൈ ശ്രീഗുരവേ നമഃ ॥

സർവമംഗള മാംഗള്യേ ശിവേ സർവാര്ഥസാധികേ ।
ശരണ്യേ ത്ര്യംബകേ ഗൌരീ നാരായണി നമോഽസ്തു തേ ॥

ശ്രീലക്ഷ്മീനാരായണാഭ്യാം നമഃ ।
ഉമാമഹേശ്വരാഭ്യാം നമഃ ।
വാണീഹിരണ്യഗര്ഭാഭ്യാം നമഃ ।
ശചീപുരംദരാഭ്യാം നമഃ ।
അരുംധതീവസിഷ്ഠാഭ്യാം നമഃ ।
ശ്രീസീതാരാമാഭ്യാം നമഃ ।
മാതാപിതൃഭ്യോ നമഃ ।
സർവേഭ്യോ മഹാജനേഭ്യോ നമഃ ।

ആചമനം
ഓം കേശവായ സ്വാഹാ ।
ഓം നാരായണായ സ്വാഹാ ।
ഓം മാധവായ സ്വാഹാ ।
ഓം ഗോവിംദായ നമഃ ।
ഓം വിഷ്ണവേ നമഃ ।
ഓം മധുസൂദനായ നമഃ ।
ഓം ത്രിവിക്രമായ നമഃ ।
ഓം വാമനായ നമഃ ।
ഓം ശ്രീധരായ നമഃ ।
ഓം ഹൃഷീകേശായ നമഃ ।
ഓം പദ്മനാഭായ നമഃ ।
ഓം ദാമോദരായ നമഃ ।
ഓം സംകര്ഷണായ നമഃ ।
ഓം വാസുദേവായ നമഃ ।
ഓം പ്രദ്യുമ്നായ നമഃ ।
ഓം അനിരുദ്ധായ നമഃ ।
ഓം പുരുഷോത്തമായ നമഃ ।
ഓം അധോക്ഷജായ നമഃ ।
ഓം നാരസിംഹായ നമഃ ।
ഓം അച്യുതായ നമഃ ।
ഓം ജനാര്ദനായ നമഃ ।
ഓം ഉപേംദ്രായ നമഃ ।
ഓം ഹരയേ നമഃ ।
ഓം ശ്രീകൃഷ്ണായ നമഃ ।

ദീപാരാധനമ്
ദീപസ്ത്വം ബ്രഹ്മരൂപോഽസി ജ്യോതിഷാം പ്രഭുരവ്യയഃ ।
സൌഭാഗ്യം ദേഹി പുത്രാംശ്ച സർവാന്കാമാംശ്ച ദേഹി മേ ॥
ഭോ ദീപ ദേവി രൂപസ്ത്വം കര്മസാക്ഷീ ഹ്യവിഘ്നകൃത് ।
യാവത്പൂജാം കരിഷ്യാമി താവത്ത്വം സുസ്ഥിരോ ഭവ ॥
ദീപാരാധന മുഹൂര്തഃ സുമുഹൂര്തോഽസ്തു ॥

ഭൂതോച്ചാടനമ്
ഉത്തിഷ്ഠംതു ഭൂതപിശാചാഃ യ ഏതേ ഭൂമിഭാരകാഃ ।
ഏതേഷാമവിരോധേന ബ്രഹ്മകര്മ സമാരഭേ ॥
അപസര്പംതു തേ ഭൂതാ യേ ഭൂതാ ഭൂമിസംസ്ഥിതാഃ ।
യേ ഭൂതാ വിഘ്നകര്താരസ്തേ ഗച്ഛംതു ശിവാഽജ്ഞയാ ॥

പ്രാണായാമഃ

ഓം ഭൂഃ । ഓം ഭുവഃ॑ । ഓഗ്​മ് സുവഃ॑ । ഓം മഹഃ॑ । ഓം ജനഃ॑ । ഓം തപഃ॑ । ഓഗ്​മ് സത്യമ് ।
ഓം തത്സ॑വി॒തുർവരേ᳚ണ്യം॒ ഭര്ഗോ॑ ദേ॒വസ്യ॑ ധീമഹി ।
ധിയോ॒ യോ നഃ॑ പ്രചോ॒ദയാ᳚ത് ॥
ഓമാപോ॒ ജ്യോതീ॒ രസോ॒ഽമൃതം॒ ബ്രഹ്മ॒ ഭൂര്ഭുവ॒സ്സുവ॒രോമ് ॥

സംകല്പഃ
മമ ഉപാത്ത സമസ്ത ദുരിതക്ഷയ ദ്വാരാ ശ്രീപരമേശ്വര പ്രീത്യര്ഥം, മമ/അസ്മാകം സഹകുടുംബസ്യ ക്ഷേമ-സ്ഥൈര്യ-ധൈര്യ-വീര്യ-വിജയ-അഭയ-ആയുഃ-ആരോഗ്യ-ഐശ്വര്യ-അഭിവൃദ്ധ്യര്ഥം, പ്രജ്ഞാ-മേധാ-വിദ്യാ-വിവേക-വാഗ്വിലാസ-സിദ്ധ്യര്ഥം, ധര്മാര്ഥ-കാമ-മോക്ഷ-ചതുർവിധ-പുരുഷാര്ഥ-ഫല-സിദ്ധ്യര്ഥം, ശ്രീസരസ്വതീ ദേവീ-പ്രീത്യര്ഥം, യാവച്ഛക്തി ധ്യാന-ആവാഹനാദി-ഷോഡശോപചാര-പൂജാം കരിഷ്യേ ॥

തദംഗ കലശാരാധനം കരിഷ്യേ ॥

കലശാരാധനമ്
കലശേ ഗംധ പുഷ്പാക്ഷതൈരഭ്യര്ച്യ ।
കലശേ ഉദകം പൂരയിത്വാ ।
കലശസ്യോപരി ഹസ്തം നിധായ ।

കലശസ്യ മുഖേ വിഷ്ണുഃ കംഠേ രുദ്രഃ സമാശ്രിതഃ ।
മൂലേ ത്വസ്യ സ്ഥിതോ ബ്രഹ്മാ മധ്യേ മാതൃഗണാഃ സ്മൃതാഃ ॥
കുക്ഷൌ തു സാഗരാഃ സർവേ സപ്തദ്വീപാ വസുംധരാ ।
ഋഗ്വേദോഽഥ യജുർവേദോ സാമവേദോ ഹ്യഥർവണഃ ॥
അംഗൈശ്ച സഹിതാഃ സർവേ കലശാംബു സമാശ്രിതാഃ ॥

ഗംഗേ ച യമുനേ ചൈവ ഗോദാവരീ സരസ്വതീ ।
നര്മദേ സിംധു കാവേരീ ജലേഽസ്മിന് സന്നിധിം കുരു ॥
കാവേരീ തുംഗഭദ്രാ ച കൃഷ്ണവേണീ ച ഗൌതമീ ।
ഭാഗീരഥീതി വിഖ്യാതാഃ പംചഗംഗാഃ പ്രകീര്തിതാഃ ॥

ആയാംതു ദേവപൂജാര്ഥം മമ ദുരിതക്ഷയകാരകാഃ ।
കലശോദകേന പൂജാ ദ്രവ്യാണി സംപ്രോക്ഷ്യ, ദേവം സംപ്രോക്ഷ്യ, ആത്മാനം ച സംപ്രോക്ഷ്യ ॥

ശംഖപൂജാ
ശംഖം ചംദ്രാര്ക ദൈവതം മധ്യേ വരുണ ദേവതാമ് ।
പൃഷ്ഠേ പ്രജാപതിം വിംദ്യാദഗ്രേ ഗംഗാ സരസ്വതീമ് ॥
ത്രൈലോക്യേ യാനി തീര്ഥാനി വാസുദേവസ്യ ആജ്ഞയാ ।
ശംഖേ തിഷ്ഠംതു വിപ്രേംദ്രാഃ തസ്മാത് ശംഖം പ്രപൂജയേത് ॥

ഓം ശംഖായ നമഃ ।
ഓം ധവളായ നമഃ ।
ഓം പാംചജന്യായ നമഃ ।
ഓം ശംഖദേവതാഭ്യോ നമഃ ।
സകലപൂജാര്ഥേ അക്ഷതാന് സമര്പയാമി ॥

ഘംടാനാദഃ
ആഗമാര്ഥം തു ദേവാനാം ഗമനാര്ഥം തു രാക്ഷസാമ് ।
ഘംടാരവം കരോമ്യാദൌ ദേവതാഹ്വാന ലാംഛനമ് ॥
ഓം ഘംടാദേവതാഭ്യോ നമഃ ।
സകലോപചാര പൂജാര്ഥേ അക്ഷതാന് സമര്പയാമി ॥

ശ്രീ മഹാഗണപതി പൂജാ

ഓം ഗ॒ണാനാം᳚ ത്വാ ഗ॒ണപ॑തിഗ്​മ് ഹവാമഹേ ക॒വിം ക॑വീ॒നാം ഉപ॒മശ്ര॑വസ്തവമ് ।
ജ്യേ॒ഷ്ഠ॒രാജം॒ ബ്രഹ്മ॑ണാം ബ്രഹ്മണസ്പത॒ ആ നഃ॑ ശൃ॒ണ്വന്നൂ॒തിഭി॑സ്സീദ॒ സാദ॑നമ് ॥

സുമുഖശ്ചൈകദംതശ്ച കപിലോ ഗജകര്ണകഃ ।
ലംബോദരശ്ച വികടോ വിഘ്നരാജോ ഗണാധിപഃ ॥
ധൂമകേതുര്ഗണാധ്യക്ഷഃ ഫാലചംദ്രോ ഗജാനനഃ ।
വക്രതുംഡഃ ശൂര്പകര്ണോ ഹേരംബഃ സ്കംദപൂർവജഃ ॥

ഓം ശ്രീമഹാഗണപതയേ നമഃ ।
ധ്യായാമി । ആവാഹയാമി । ആസനം സമര്പയാമി ।
പാദ്യം സമര്പയാമി । അര്ഘ്യം സമര്പയാമി । ആചമനീയം സമര്പയാമി ।
സ്നാനം സമര്പയാമി । വസ്ത്രം സമര്പയാമി । യജ്ഞോപവീതം സമര്പയാമി ।
ഗംധം സമര്പയാമി । പുഷ്പാണി സമര്പയാമി ।
ധൂപമാഘ്രാപയാമി । ദീപം ദര്ശയാമി ।
നൈവേദ്യം സമര്പയാമി । താംബൂലം സമര്പയാമി ।
നീരാജനം സമര്പയാമി । മംത്രപുഷ്പം സമര്പയാമി ।
പ്രദക്ഷിണ നമസ്കാരാന് സമര്പയാമി ॥

ഷോഡശോപചാര പൂജാ
സരസ്വതീ ദേവീ ധ്യാനമ്
യാ കുംദേംദു തുഷാരഹാരധവലാ യാ ശുഭ്രവസ്ത്രാവൃതാ ।
യാ വീണാവരദംഡമംഡിതകരാ യാ ശ്വേതപദ്മാസനാ ॥
യാ ബ്രഹ്മാച്യുതശംകരപ്രഭൃതിഭിര്ദേവൈഃ സദാ പൂജിതാ ।
സാ മാം പാതു സരസ്വതീ ഭഗവതീ നിശ്ശേഷജാഡ്യാപഹാ ॥

അംകുശം ചാക്ഷസൂത്രം ച പാശം വീണാം ച ധാരിണീമ് ।
മുക്താഹാരസമായുക്താം മോദരൂപാം മനോഹരാമ് ॥

പ്ര ണോ॑ ദേ॒വീ സര॑സ്വതീ॒ വാജേ॑ഭിർവാ॒ജിനീ॑വതീ ।
ധീ॒നാമ॑വി॒ത്ര്യ॑വതു ॥

ഓം ശ്രീസരസ്വത്യൈ നമഃ ।
ധ്യായാമി । ധ്യാനം സമര്പയാമി ॥

ആവാഹനമ്
അത്രാഗച്ഛ ജഗദ്വംദ്യേ സർവലോകൈക പൂജിതേ ।
മയാ കൃതമിമാം പൂജാം ഗൃഹാണ ജഗദീശ്വരി ॥
ഓം ശ്രീസരസ്വത്യൈ നമഃ ।
ആവാഹയാമി । സ്ഥാപയാമി । പൂജയാമി ॥

ആസനമ്
അനേക രത്നസംയുക്തം സുവര്ണേന വിരാജിതമ് ।
മുക്താമണിയുതം ചാരു ചാസനം തേ ദദാമ്യഹമ് ॥
ഓം ശ്രീസരസ്വത്യൈ നമഃ ।
ആസനം സമര്പയാമി ॥

പാദ്യമ്
ഗംധ പുഷ്പാക്ഷതൈഃ സാര്ധം ശുദ്ധ തോയേന സംയുതമ് ।
ശുദ്ധസ്ഫടികതുല്യാംഗി പാദ്യം തേ പ്രതിഗൃഹ്യതാമ് ॥
ഓം ശ്രീസരസ്വത്യൈ നമഃ ।
പാദയോഃ പാദ്യം സമര്പയാമി ॥

അര്ഘ്യമ്
ഭക്താഭീഷ്ടപ്രദേ ദേവി ദേവദേവാദിവംദിതേ ।
ധാതൃപ്രിയേ ജഗദ്ധാത്രി ദദാമ്യര്ഘ്യം ഗൃഹാണ മേ ॥
ഓം ശ്രീസരസ്വത്യൈ നമഃ ।
ഹസ്തയോഃ അര്ഘ്യം സമര്പയാമി ॥

ആചമനീയമ്
പൂര്ണചംദ്രസമാനാഭേ കോടിസൂര്യസമപ്രഭേ ।
ഭക്ത്യാ സമര്പിതം വാണി ഗൃഹാണാചമനീയകമ് ॥
ഓം ശ്രീസരസ്വത്യൈ നമഃ ।
മുഖേ ആചമനീയം സമര്പയാമി ॥

സ്നാനമ്

ആപോ॒ ഹിഷ്ഠാ മ॑യോ॒ഭുവ॒സ്താ ന॑ ഊ॒ര്ജേ ദ॑ധാതന ।
മ॒ഹേ രണാ॑യ॒ ചക്ഷ॑സേ ॥
യോ വഃ॑ ശി॒വത॑മോ രസ॒സ്തസ്യ॑ ഭാജയതേ॒ഹ നഃ॑ ।
ഉ॒ശ॒തീരി॑വ മാ॒ത॑രഃ ॥
തസ്മാ॒ അരം॑ ഗമാമ വോ॒ യസ്യ॒ ക്ഷയാ॑യ॒ ജിന്വ॑ഥ ।
ആപോ॑ ജ॒നയ॑ഥാ ച നഃ ॥

ഓം ശ്രീസരസ്വത്യൈ നമഃ ।
ശുദ്ധോദക സ്നാനം സമര്പയാമി ॥
സ്നാനാനംതരം ആചമനീയം സമര്പയാമി ॥

വസ്ത്രമ്
ശുക്ലവസ്ത്രദ്വയം ദേവി കോമലം കുടിലാലകേ ।
മയി പ്രീത്യാ ത്വയാ വാണി ബ്രഹ്മാണി പ്രതിഗൃഹ്യതാമ് ॥
ഓം ശ്രീസരസ്വത്യൈ നമഃ ।
വസ്ത്രം സമര്പയാമി ॥

യജ്ഞോപവീതമ്
ശബ്ദബ്രഹ്മാത്മികേ ദേവി ശബ്ദശാസ്ത്ര കൃതാലയേ ।
ബ്രഹ്മസൂത്രം ഗൃഹാണ ത്വം ബ്രഹ്മശക്രാദി പൂജിതേ ॥
ഓം ശ്രീസരസ്വത്യൈ നമഃ ।
യജ്ഞോപവീതം സമര്പയാമി ॥

ഗംധമ്
ചംദനാഗരു കസ്തൂരീ കര്പൂരാദ്യൈശ്ച സംയുതമ് ।
ഗംധം ഗൃഹാണ ത്വം ദേവി വിധിപത്നി നമോഽസ്തു തേ ॥
ഓം ശ്രീസരസ്വത്യൈ നമഃ ।
ഗംധം സമര്പയാമി ॥

അര്ചന
അക്ഷതാന് ധവളാന് ദിവ്യാന് പുഷ്പാണി ച സുഗംധീനി ।
ഭക്ത്യാ ദത്താനി ഗൃഹ്യംതാം സർവദേവാഃ പ്രസീദത ॥

അംഗ പൂജാ
ഓം ബ്രഹ്മണ്യൈ നമഃ – പാദൌ പൂജയാമി ।
ഓം ഭാരത്യൈ നമഃ – ഗുല്ഫൌ പൂജയാമി ।
ഓം ജഗത്സ്വരൂപിണ്യൈ നമഃ – ജംഘേ പൂജയാമി ।
ഓം ജഗദാദ്യായൈ നമഃ – ജാനുനീ പൂജയാമി ।
ഓം ചാരുവിലാസിന്യൈ നമഃ – ഊരൂ പൂജയാമി ।
ഓം കമലഭൂമയേ നമഃ – കടിം പൂജയാമി ।
ഓം ഗംഭീരനാഭയേ നമഃ – നാഭിം പൂജയാമി ।
ഓം ലോകമാത്രേ നമഃ – സ്തനൌ പൂജയാമി ।
ഓം വേദസ്വരൂപായൈ നമഃ – വക്ത്രം പൂജയാമി ।
ഓം പുസ്തകധാരിണ്യൈ നമഃ – ഹസ്തൌ പൂജയാമി ।
ഓം കമലാക്ഷ്യൈ നമഃ – നേത്രേ പൂജയാമി ।
ഓം ശ്രീസരസ്വത്യൈ നമഃ – ശിരഃ പൂജയാമി ।
ഓം ബ്രഹ്മരൂപിണ്യൈ നമഃ – സർവാണ്യംഗാനി പൂജയാമി ॥

[Recite the sarasvatI aShTOttara Sata nAmAvaLI, or at least a few known names of Saraswati. Offer flowers or akshatas with each name.]

അഥവാ സരസ്വതീ നാമാവളീ പഠനമ് ॥

ഓം ശ്രീസരസ്വത്യൈ നമഃ ।
അഷ്ടോത്തര ശത നാമാവളീ പൂജാം സമര്പയാമി ।
അക്ഷതാന് പുഷ്പാണി ച സമര്പയാമി ॥

ധൂപമ്
ദശാംഗം ഗുഗ്ഗുലോപേതം സുഗംധം ച മനോഹരമ് ।
ധൂപം ഗൃഹാണ കല്യാണി വരദേ പ്രതിഗൃഹ്യതാമ് ॥
ഓം ശ്രീസരസ്വത്യൈ നമഃ ।
ധൂപമാഘ്രാപയാമി ॥

ദീപമ്
ഘൃതത്രിവര്തി സംയുക്തം ദീപിതം ദീപമംബികേ ।
ഗൃഹാണ ചിത്സ്വരൂപേ ത്വം കമലാസനവല്ലഭേ ॥
ഓം ശ്രീസരസ്വത്യൈ നമഃ ।
ദീപം ദര്ശയാമി ॥

നൈവേദ്യമ്
നൈവേദ്യം ഗൃഹ്യതാം ദേവി ഭക്ത്യാ സംപാദിതം മയാ ।
ഇദം ഫലം ച പാനീയം സർവോപചാര സംയുതമ് ॥

ഓം ഭൂര്ഭുവ॒സ്സുവഃ॒ । തത്സ॑വി॒തുർവരേ᳚ണ്യം॒ ഭര്ഗോ॑ ദേ॒വസ്യ॑ ധീമഹി ।
ധി॒യോ യോ നഃ॑ പ്രചോ॒ദയാ᳚ത് ॥

സത്യം ത്വാ ഋതേന പരിഷിംചാമി ।
അമൃതമസ്തു । അമൃതോപസ്തരണമസി ।
ഓം പ്രാണായ സ്വാഹാ । ഓം അപാനായ സ്വാഹാ । ഓം വ്യാനായ സ്വാഹാ ।
ഓം ഉദാനായ സ്വാഹാ । ഓം സമാനായ സ്വാഹാ ।
മധ്യേ മധ്യേ പാനീയം സമര്പയാമി ।
അമൃതാപിധാനമസി ।
ഉത്തരാപോശനം സമര്പയാമി ।
ഹസ്തൌ പ്രക്ഷാളയാമി । പാദൌ പ്രക്ഷാളയാമി ।
ശുദ്ധാചമനീയം സമര്പയാമി ॥

ഓം ശ്രീസരസ്വത്യൈ നമഃ ।
നൈവേദ്യം സമര്പയാമി ॥

താംബൂലമ്
താംബൂലം ച സകര്പൂരം പൂഗനാഗദലൈര്യുതമ് ।
ഗൃഹാണ ദേവദേവേശി തത്ത്വരൂപി നമോഽസ്തു തേ ॥
ഓം ശ്രീസരസ്വത്യൈ നമഃ ।
താംബൂലം സമര്പയാമി ॥

നീരാജനമ്
നീരാജനം ഗൃഹാണ ത്വം ജഗദാനംദദായിനി ।
ജഗത്തിമിരമാര്തംഡമംഡലേ തേ നമോ നമഃ ॥
ഓം ശ്രീസരസ്വത്യൈ നമഃ ।
നീരാജനം സമര്പയാമി ॥

മംത്രപുഷ്പമ്

പ്ര ണോ॑ ദേ॒വീ സര॑സ്വതീ॒ വാജേ॑ഭിർവാ॒ജിനീ॑വതീ ।
ധീ॒നാമ॑വി॒ത്ര്യ॑വതു ॥

യാ കുംദേംദു തുഷാരഹാരധവലാ യാ ശുഭ്രവസ്ത്രാവൃതാ ।
യാ വീണാവരദംഡമംഡിതകരാ യാ ശ്വേതപദ്മാസനാ ॥
യാ ബ്രഹ്മാച്യുതശംകരപ്രഭൃതിഭിര്ദേവൈഃ സദാ പൂജിതാ ।
സാ മാം പാതു സരസ്വതീ ഭഗവതീ നിശ്ശേഷജാഡ്യാപഹാ ॥
ശാരദേ ലോകമാതസ്ത്വമാശ്രിതാഭീഷ്ടദായിനി ।
പുഷ്പാംജലിം ഗൃഹാണ ത്വം മയാ ഭക്ത്യാ സമര്പിതമ് ॥
ഓം ശ്രീസരസ്വത്യൈ നമഃ ।
മംത്രപുഷ്പം സമര്പയാമി ॥

പ്രദക്ഷിണമ്
യാനി കാനി ച പാപാനി ജന്മാംതര കൃതാനി ച ।
താനി താനി പ്രണശ്യംതി പ്രദക്ഷിണ പദേ പദേ ॥
പാശാംകുശധരാ വാണീ വീണാപുസ്തകധാരിണീ ।
മമ വക്ത്രേ വസേന്നിത്യം ദുഗ്ധകുംദേംദുനിര്മലാ ॥
ചതുര്ദശ സുവിദ്യാസു രമതേ യാ സരസ്വതീ ।
ചതുര്ദശേഷു ലോകേഷു സാ മേ വാചി വസേച്ചിരമ് ॥
ഓം ശ്രീസരസ്വത്യൈ നമഃ ।
പ്രദക്ഷിണ നമസ്കാരാന് സമര്പയാമി ॥

നമസ്കാരഃ
ഉരസാ ശിരസാ ദൃഷ്ട്യാ മനസാ വചസാ തഥാ ।
പദ്ഭ്യാം കരാഭ്യാം കര്ണാഭ്യാം പ്രണാമോഽഷ്ടാംഗ ഉച്യതേ ॥
ഓം ശ്രീസരസ്വത്യൈ നമഃ ।
നമസ്കാരാന് സമര്പയാമി ॥

സർവോപചാരാഃ
ഓം ശ്രീസരസ്വത്യൈ നമഃ ।
ഛത്രം സമര്പയാമി ।
ചാമരം സമര്പയാമി ।
ഗീതം ശ്രാവയാമി ।
നൃത്യം ദര്ശയാമി ।
സമസ്ത രാജോപചാരാന് ദേവോപചാരാന് സമര്പയാമി ॥

സ്തോത്ര/സൂക്ത പഠനമ്

ക്ഷമാപ്രാര്ഥനാ
അപരാധസഹസ്രാണി ക്രിയംതേഽഹര്നിശം മയാ ।
ദാസോഽയമിതി മാം മത്വാ ക്ഷമസ്വ പരമേശ്വരി ॥
മംത്രഹീനം ക്രിയാഹീനം ഭക്തിഹീനം മഹേശ്വരി ।
യത്പൂജിതം മയാ ദേവി പരിപൂര്ണം തദസ്തു തേ ॥

കായേന വാചാ മനസേംദ്രിയൈർവാ
ബുദ്ധ്യാത്മനാ വാ പ്രകൃതേഃ സ്വഭാവാത് ।
കരോമി യദ്യത് സകലം പരസ്മൈ
നാരായണായേതി സമര്പയാമി ॥

അനയാ ധ്യാന-ആവാഹനാദി-ഷോഡശോപചാര പൂജയാ ശ്രീസരസ്വതീ ദേവീ സുപ്രീതാ സുപ്രസന്നാ വരദാ ഭവതു ॥

ഉദ്വാസനമ്
ഓം ശ്രീസരസ്വത്യൈ നമഃ ।
യഥാസ്ഥാനം ഉദ്വാസയാമി ।
ശോഭനാര്ഥേ ക്ഷേമായ പുനരാഗമനായ ച ॥

പ്രസാദ ഗ്രഹണമ്
അകാലമൃത്യുഹരണം സർവവ്യാധിനിവാരണമ് ।
സമസ്തപാപക്ഷയകരം ദേവതാ പാദോദകം ശുഭമ് ॥

ശ്രീസരസ്വതീ ദേവീ പ്രസാദം ശിരസാ ഗൃഹ്ണാമി ॥

ഓം ശാംതിഃ ശാംതിഃ ശാംതിഃ ॥

ഓം തത്സത് ബ്രഹ്മാര്പണമസ്തു ॥