ദത്താത്രേയ അഷ്ടോത്തരശതനാമ സ്തോത്രമ്

ഓംകാരതത്ത്വരൂപായ ദിവ്യജ്ഞാനാത്മനേ നമഃ ।
നഭോതീതമഹാധാമ്ന ഐംദ്ര്യൃധ്യാ ഓജസേ നമഃ ॥ 1॥

നഷ്ടമത്സരഗമ്യായാഗമ്യാചാരാത്മവര്ത്മനേ ।
മോചിതാമേധ്യകൃതയേ റ്ഹീംബീജശ്രാണിതശ്രിയേ ॥ 2॥

മോഹാദിവിഭ്രമാംതായ ബഹുകായധരായ ച ।
ഭത്തദുർവൈഭവഛേത്രേ ക്ലീംബീജവരജാപിനേ ॥ 3॥

ഭവഹേ-തുവിനാശായ രാജച്ഛോണാധരായ ച ।
ഗതിപ്രകംപിതാംഡായ ചാരുവ്യഹതബാഹവേ ॥ 4॥

ഗതഗ-ർവപ്രിയായാസ്തു യമാദിയതചേതസേ ।
വശിതാജാതവശ്യായ മുംഡിനേ അനസൂയവേ ॥ 5॥

വദദ്വ-രേണ്യവാഗ്ജാലാ-വിസ്പൃഷ്ടവിവിധാത്മനേ ।
തപോധനപ്രസന്നായേ-ഡാപതിസ്തുതകീര്തയേ ॥ 6॥

തേജോമണ്യംതരംഗായാ-ദ്മരസദ്മവിഹാപനേ ।
ആംതരസ്ഥാനസംസ്ഥായായൈശ്വര്യശ്രൌതഗീതയേ ॥ 7॥

വാതാദിഭയയുഗ്ഭാവ-ഹേതവേ ഹേതുബേതവേ ।
ജഗദാത്മാത്മഭൂതായ വിദ്വിഷത്ഷട്കഘാതിനേ ॥ 8॥

സുരവ-ര്ഗോദ്ധൃതേ ഭൃത്യാ അസുരാവാസഭേദിനേ ।
നേത്രേ ച നയനാക്ഷ്ണേ ചിച്ചേതനായ മഹാത്മനേ ॥ 9॥

ദേവാധിദേവദേവായ വസുധാസുരപാലിനേ ।
യാജിനാമഗ്രഗണ്യായ ദ്രാംബീജജപതുഷ്ടയേ ॥ 10॥

വാസനാവനദാവായ ധൂലിയുഗ്ദേഹമാലിനേ ।
യതിസംന്യാസിഗതയേ ദത്താത്രേയേതി സംവിദേ ॥ 11॥

യജനാസ്യഭുജേജായ താരകാവാസഗാമിനേ ।
മഹാജവാസ്പൃഗ്രൂപായാ-ത്താകാരായ വിരൂപിണേ ॥ 12॥

നരായ ധീപ്രദീപായ യശസ്വിയശസേ നമഃ ।
ഹാരിണേ ചോജ്വലാംഗായാത്രേസ്തനൂജായ സംഭവേ ॥ 13॥

മോചിതാമരസംഘായ ധീമതാം ധീരകായ ച ।
ബലിഷ്ഠവിപ്രലഭ്യായ യാഗഹോമപ്രിയായ ച ॥ 14॥

ഭജന്മഹിമവിഖ഼യാത്രേഽമരാരിമഹിമച്ഛിദേ ।
ലാഭായ മുംഡിപൂജ്യായ യമിനേ ഹേമമാലിനേ ॥ 15॥

ഗതോപാധിവ്യാധയേ ച ഹിരണ്യാഹിതകാംതയേ ।
യതീംദ്രചര്യാം ദധതേ നരഭാവൌഷധായ ച ॥ 16॥

വരിഷ്ഠയോഗിപൂജ്യായ തംതുസംതന്വതേ നമഃ ।
സ്വാത്മഗാഥാസുതീര്ഥായ മഃശ്രിയേ ഷട്കരായ ച ॥ 17॥

തേജോമയോത്തമാംഗായ നോദനാനോദ്യകര്മണേ ।
ഹാന്യാപ്തിമൃതിവിജ്ഞാത്ര ഓംകാരിതസുഭക്തയേ ॥ 18॥

രുക്ഷുങ്മനഃഖേദഹൃതേ ദര്ശനാവിഷയാത്മനേ ।
രാംകവാതതവസ്ത്രായ നരതത്ത്വപ്രകാശിനേ ॥ 19॥

ദ്രാവിതപ്രണതാഘായാ-ത്തഃസ്വജിഷ്ണുഃസ്വരാശയേ ।
രാജംത്ര്യാസ്യൈകരൂപായ മഃസ്ഥായമസുബമ്ധവേ ॥ 20॥

യതയേ ചോദനാതീത- പ്രചാരപ്രഭവേ നമഃ ।
മാനരോഷവിഹീനായ ശിഷ്യസംസിദ്ധികാരിണേ ॥ 21॥

ഗംഗേ പാദവിഹീനായ ചോദനാചോദിതാത്മനേ ।
യവീയസേഽലര്കദുഃഖ-വാരിണേഽഖംഡിതാത്മനേ ॥ 22॥

ഹ്രീംബീജായാര്ജുനജ്യേഷ്ഠായ ദര്ശനാദര്ശിതാത്മനേ ।
നതിസംതുഷ്ടചിത്തായ യതിനേ ബ്രഹ്മചാരിണേ ॥ 23॥

ഇത്യേഷ സത്സ്തവോ വൃത്തോയാത് കം ദേയാത്പ്രജാപിനേ ।
മസ്കരീശോ മനുസ്യൂതഃ പരബ്രഹ്മപദപ്രദഃ ॥ 24॥

॥ ഇതി ശ്രീ. പ. പ. ശ്രീവാസുദേവാനംദ സരസ്വതീ വിരചിതം
മംത്രഗര്ഭ ശ്രീ ദത്താത്രേയാഷ്ടോത്തരശതനാമ സ്തോത്രം സംപൂര്ണമ്॥