𑌶𑍍𑌰𑍀 𑌆𑌂𑌜𑌨𑍇𑌯 𑌨𑌵𑌰𑌤𑍍𑌨 𑌮𑌾𑌲𑌾 𑌸𑍍𑌤𑍋𑌤𑍍𑌰𑌮𑍍

𑌮𑌾𑌣𑌿𑌕𑍍𑌯𑌂 –
𑌤𑌤𑍋 𑌰𑌾𑌵𑌣𑌨𑍀𑌤𑌾𑌯𑌾𑌃 𑌸𑍀𑌤𑌾𑌯𑌾𑌃 𑌶𑌤𑍍𑌰𑍁𑌕𑌰𑍍𑌶𑌨𑌃 ।
𑌇𑌯𑍇𑌷 𑌪𑌦𑌮𑌨𑍍𑌵𑍇𑌷𑍍𑌟𑍁𑌂 𑌚𑌾𑌰𑌣𑌾𑌚𑌰𑌿𑌤𑍇 𑌪𑌥𑌿 ॥ 1 ॥

𑌮𑍁𑌤𑍍𑌯𑌂 –
𑌯𑌸𑍍𑌯 𑌤𑍍𑌵𑍇𑌤𑌾𑌨𑌿 𑌚𑌤𑍍𑌵𑌾𑌰𑌿 𑌵𑌾𑌨𑌰𑍇𑌂𑌦𑍍𑌰 𑌯𑌥𑌾 𑌤𑌵 ।
𑌸𑍍𑌮𑍃𑌤𑌿𑌰𑍍𑌮𑌤𑌿𑌰𑍍𑌧𑍃𑌤𑌿𑌰𑍍𑌦𑌾𑌕𑍍𑌷𑍍𑌯𑌂 𑌸 𑌕𑌰𑍍𑌮𑌸𑍁 𑌨 𑌸𑍀𑌦𑌤𑌿 ॥ 2 ॥

𑌪𑍍𑌰𑌵𑌾𑌲𑌂 –
𑌅𑌨𑌿𑌰𑍍𑌵𑍇𑌦𑌃 𑌶𑍍𑌰𑌿𑌯𑍋 𑌮𑍂𑌲𑌂 𑌅𑌨𑌿𑌰𑍍𑌵𑍇𑌦𑌃 𑌪𑌰𑌂 𑌸𑍁𑌖𑌮𑍍 ।
𑌅𑌨𑌿𑌰𑍍𑌵𑍇𑌦𑍋 𑌹𑌿 𑌸𑌤𑌤𑌂 𑌸𑌰𑍍𑌵𑌾𑌰𑍍𑌥𑍇𑌷𑍁 𑌪𑍍𑌰𑌵𑌰𑍍𑌤𑌕𑌃 ॥ 3 ॥

𑌮𑌰𑌕𑌤𑌂 –
𑌨𑌮𑍋𑌽𑌸𑍍𑌤𑍁 𑌰𑌾𑌮𑌾𑌯 𑌸𑌲𑌕𑍍𑌷𑍍𑌮𑌣𑌾𑌯
𑌦𑍇𑌵𑍍𑌯𑍈 𑌚 𑌤𑌸𑍍𑌯𑍈 𑌜𑌨𑌕𑌾𑌤𑍍𑌮𑌜𑌾𑌯𑍈 ।
𑌨𑌮𑍋𑌽𑌸𑍍𑌤𑍁 𑌰𑍁𑌦𑍍𑌰𑍇𑌂𑌦𑍍𑌰𑌯𑌮𑌾𑌨𑌿𑌲𑍇𑌭𑍍𑌯𑌃
𑌨𑌮𑍋𑌽𑌸𑍍𑌤𑍁 𑌚𑌂𑌦𑍍𑌰𑌾𑌰𑍍𑌕𑌮𑌰𑍁𑌦𑍍𑌗𑌣𑍇𑌭𑍍𑌯𑌃 ॥ 4 ॥

𑌪𑍁𑌷𑍍𑌯𑌰𑌾𑌗𑌂 –
𑌪𑍍𑌰𑌿𑌯𑌾𑌨𑍍𑌨 𑌸𑌂𑌭𑌵𑍇𑌦𑍍𑌦𑍁𑌃𑌖𑌂 𑌅𑌪𑍍𑌰𑌿𑌯𑌾𑌦𑌧𑌿𑌕𑌂 𑌭𑌯𑌮𑍍 ।
𑌤𑌾𑌭𑍍𑌯𑌾𑌂 𑌹𑌿 𑌯𑍇 𑌵𑌿𑌯𑍁𑌜𑍍𑌯𑌂𑌤𑍇 𑌨𑌮𑌸𑍍𑌤𑍇𑌷𑌾𑌂 𑌮𑌹𑌾𑌤𑍍𑌮𑌨𑌾𑌮𑍍 ॥ 5 ॥

𑌹𑍀𑌰𑌕𑌂 –
𑌰𑌾𑌮𑌃 𑌕𑌮𑌲𑌪𑌤𑍍𑌰𑌾𑌕𑍍𑌷𑌃 𑌸𑌰𑍍𑌵𑌸𑌤𑍍𑌤𑍍𑌵𑌮𑌨𑍋𑌹𑌰𑌃 ।
𑌰𑍂𑌪𑌦𑌾𑌕𑍍𑌷𑌿𑌣𑍍𑌯𑌸𑌂𑌪𑌨𑍍𑌨𑌃 𑌪𑍍𑌰𑌸𑍂𑌤𑍋 𑌜𑌨𑌕𑌾𑌤𑍍𑌮𑌜𑍇 ॥ 6 ॥

𑌇𑌂𑌦𑍍𑌰𑌨𑍀𑌲𑌂 –
𑌜𑌯𑌤𑍍𑌯𑌤𑌿𑌬𑌲𑍋 𑌰𑌾𑌮𑍋 𑌲𑌕𑍍𑌷𑍍𑌮𑌣𑌶𑍍𑌚 𑌮𑌹𑌾𑌬𑌲𑌃 ।
𑌰𑌾𑌜𑌾 𑌜𑌯𑌤𑌿 𑌸𑍁𑌗𑍍𑌰𑍀𑌵𑍋 𑌰𑌾𑌘𑌵𑍇𑌣𑌾𑌭𑌿𑌪𑌾𑌲𑌿𑌤𑌃 ।
𑌦𑌾𑌸𑍋𑌽𑌹𑌂 𑌕𑍋𑌸𑌲𑍇𑌂𑌦𑍍𑌰𑌸𑍍𑌯 𑌰𑌾𑌮𑌸𑍍𑌯𑌾𑌕𑍍𑌲𑌿𑌷𑍍𑌟𑌕𑌰𑍍𑌮𑌣𑌃 ।
𑌹𑌨𑍁𑌮𑌾𑌨𑍍 𑌶𑌤𑍍𑌰𑍁𑌸𑍈𑌨𑍍𑌯𑌾𑌨𑌾𑌂 𑌨𑌿𑌹𑌂𑌤𑌾 𑌮𑌾𑌰𑍁𑌤𑌾𑌤𑍍𑌮𑌜𑌃 ॥ 𑍭 ॥

𑌗𑍋𑌮𑍇𑌧𑌿𑌕𑌂 –
𑌯𑌦𑍍𑌯𑌸𑍍𑌤𑌿 𑌪𑌤𑌿𑌶𑍁𑌶𑍍𑌰𑍂𑌷𑌾 𑌯𑌦𑍍𑌯𑌸𑍍𑌤𑌿 𑌚𑌰𑌿𑌤𑌂 𑌤𑌪𑌃 ।
𑌯𑌦𑌿 𑌵𑌾𑌸𑍍𑌤𑍍𑌯𑍇𑌕𑌪𑌤𑍍𑌨𑍀𑌤𑍍𑌵𑌂 𑌶𑍀𑌤𑍋 𑌭𑌵 𑌹𑌨𑍂𑌮𑌤𑌃 ॥ 𑍮 ॥

𑌵𑍈𑌡𑍂𑌰𑍍𑌯𑌂 –
𑌨𑌿𑌵𑍃𑌤𑍍𑌤𑌵𑌨𑌵𑌾𑌸𑌂 𑌤𑌂 𑌤𑍍𑌵𑌯𑌾 𑌸𑌾𑌰𑍍𑌧𑌮𑌰𑌿𑌂𑌦𑌮𑌮𑍍 ।
𑌅𑌭𑌿𑌷𑌿𑌕𑍍𑌤𑌮𑌯𑍋𑌧𑍍𑌯𑌾𑌯𑌾𑌂 𑌕𑍍𑌷𑌿𑌪𑍍𑌰𑌂 𑌦𑍍𑌰𑌕𑍍𑌷𑍍𑌯𑌸𑌿 𑌰𑌾𑌘𑌵𑌮𑍍 ॥ 𑍯 ॥

𑌇𑌤𑌿 𑌶𑍍𑌰𑍀 𑌆𑌂𑌜𑌨𑍇𑌯 𑌨𑌵𑌰𑌤𑍍𑌨𑌮𑌾𑌲𑌾 𑌸𑍍𑌤𑍋𑌤𑍍𑌰𑌮𑍍 ।