𑌆𑌪𑌦𑍁𑌦𑍍𑌧𑌾𑌰𑌕 𑌹𑌨𑍁𑌮𑌤𑍍𑌸𑍍𑌤𑍋𑌤𑍍𑌰𑌮𑍍

𑌓𑌂 𑌅𑌸𑍍𑌯 𑌶𑍍𑌰𑍀 𑌆𑌪𑌦𑍁𑌦𑍍𑌧𑌾𑌰𑌕 𑌹𑌨𑍁𑌮𑌤𑍍 𑌸𑍍𑌤𑍋𑌤𑍍𑌰 𑌮𑌹𑌾𑌮𑌂𑌤𑍍𑌰 𑌕𑌵𑌚𑌸𑍍𑌯, 𑌵𑌿𑌭𑍀𑌷𑌣 𑌋𑌷𑌿𑌃, 𑌹𑌨𑍁𑌮𑌾𑌨𑍍 𑌦𑍇𑌵𑌤𑌾, 𑌸𑌰𑍍𑌵𑌾𑌪𑌦𑍁𑌦𑍍𑌧𑌾𑌰𑌕 𑌶𑍍𑌰𑍀𑌹𑌨𑍁𑌮𑌤𑍍𑌪𑍍𑌰𑌸𑌾𑌦𑍇𑌨 𑌮𑌮 𑌸𑌰𑍍𑌵𑌾𑌪𑌨𑍍𑌨𑌿𑌵𑍃𑌤𑍍𑌤𑍍𑌯𑌰𑍍𑌥𑍇, 𑌸𑌰𑍍𑌵𑌕𑌾𑌰𑍍𑌯𑌾𑌨𑍁𑌕𑍂𑌲𑍍𑌯 𑌸𑌿𑌦𑍍𑌧𑍍𑌯𑌰𑍍𑌥𑍇 𑌜𑌪𑍇 𑌵𑌿𑌨𑌿𑌯𑍋𑌗𑌃 ।

𑌧𑍍𑌯𑌾𑌨𑌮𑍍 ।
𑌵𑌾𑌮𑍇 𑌕𑌰𑍇 𑌵𑍈𑌰𑌿𑌭𑌿𑌦𑌂 𑌵𑌹𑌂𑌤𑌂
𑌶𑍈𑌲𑌂 𑌪𑌰𑍇 𑌶𑍃𑌂𑌖𑌲𑌹𑌾𑌰𑌿𑌟𑌂𑌕𑌮𑍍 ।
𑌦𑌧𑌾𑌨𑌮𑌚𑍍𑌛𑌚𑍍𑌛𑌵𑌿𑌯𑌜𑍍𑌞𑌸𑍂𑌤𑍍𑌰𑌂
𑌭𑌜𑍇 𑌜𑍍𑌵𑌲𑌤𑍍𑌕𑍁𑌂𑌡𑌲𑌮𑌾𑌂𑌜𑌨𑍇𑌯𑌮𑍍 ॥ 1 ॥

𑌸𑌂𑌵𑍀𑌤𑌕𑍌𑌪𑍀𑌨 𑌮𑍁𑌦𑌂𑌚𑌿𑌤𑌾𑌂𑌗𑍁𑌳𑌿𑌂
𑌸𑌮𑍁𑌜𑍍𑌜𑍍𑌵𑌲𑌨𑍍𑌮𑍌𑌂𑌜𑌿𑌮𑌥𑍋𑌪𑌵𑍀𑌤𑌿𑌨𑌮𑍍 ।
𑌸𑌕𑍁𑌂𑌡𑌲𑌂 𑌲𑌂𑌬𑌿𑌶𑌿𑌖𑌾𑌸𑌮𑌾𑌵𑍃𑌤𑌂
𑌤𑌮𑌾𑌂𑌜𑌨𑍇𑌯𑌂 𑌶𑌰𑌣𑌂 𑌪𑍍𑌰𑌪𑌦𑍍𑌯𑍇 ॥ 2 ॥

𑌆𑌪𑌨𑍍𑌨𑌾𑌖𑌿𑌲𑌲𑍋𑌕𑌾𑌰𑍍𑌤𑌿𑌹𑌾𑌰𑌿𑌣𑍇 𑌶𑍍𑌰𑍀𑌹𑌨𑍂𑌮𑌤𑍇 ।
𑌅𑌕𑌸𑍍𑌮𑌾𑌦𑌾𑌗𑌤𑍋𑌤𑍍𑌪𑌾𑌤 𑌨𑌾𑌶𑌨𑌾𑌯 𑌨𑌮𑍋 𑌨𑌮𑌃 ॥ 3 ॥

𑌸𑍀𑌤𑌾𑌵𑌿𑌯𑍁𑌕𑍍𑌤𑌶𑍍𑌰𑍀𑌰𑌾𑌮𑌶𑍋𑌕𑌦𑍁𑌃𑌖𑌭𑌯𑌾𑌪𑌹 ।
𑌤𑌾𑌪𑌤𑍍𑌰𑌿𑌤𑌯𑌸𑌂𑌹𑌾𑌰𑌿𑌨𑍍 𑌆𑌂𑌜𑌨𑍇𑌯 𑌨𑌮𑍋𑌽𑌸𑍍𑌤𑍁 𑌤𑍇 ॥ 4 ॥

𑌆𑌧𑌿𑌵𑍍𑌯𑌾𑌧𑌿 𑌮𑌹𑌾𑌮𑌾𑌰𑍀 𑌗𑍍𑌰𑌹𑌪𑍀𑌡𑌾𑌪𑌹𑌾𑌰𑌿𑌣𑍇 ।
𑌪𑍍𑌰𑌾𑌣𑌾𑌪𑌹𑌰𑍍𑌤𑍍𑌰𑍇𑌦𑍈𑌤𑍍𑌯𑌾𑌨𑌾𑌂 𑌰𑌾𑌮𑌪𑍍𑌰𑌾𑌣𑌾𑌤𑍍𑌮𑌨𑍇 𑌨𑌮𑌃 ॥ 5 ॥

𑌸𑌂𑌸𑌾𑌰𑌸𑌾𑌗𑌰𑌾𑌵𑌰𑍍𑌤 𑌕𑌰𑍍𑌤𑌵𑍍𑌯𑌭𑍍𑌰𑌾𑌂𑌤𑌚𑍇𑌤𑌸𑌾𑌮𑍍 ।
𑌶𑌰𑌣𑌾𑌗𑌤𑌮𑌰𑍍𑌤𑍍𑌯𑌾𑌨𑌾𑌂 𑌶𑌰𑌣𑍍𑌯𑌾𑌯 𑌨𑌮𑍋𑌽𑌸𑍍𑌤𑍁 𑌤𑍇 ॥ 6 ॥

𑌵𑌜𑍍𑌰𑌦𑍇𑌹𑌾𑌯 𑌕𑌾𑌲𑌾𑌗𑍍𑌨𑌿𑌰𑍁𑌦𑍍𑌰𑌾𑌯𑌾𑌽𑌮𑌿𑌤𑌤𑍇𑌜𑌸𑍇 ।
𑌬𑍍𑌰𑌹𑍍𑌮𑌾𑌸𑍍𑌤𑍍𑌰𑌸𑍍𑌤𑌂𑌭𑌨𑌾𑌯𑌾𑌸𑍍𑌮𑍈 𑌨𑌮𑌃 𑌶𑍍𑌰𑍀𑌰𑍁𑌦𑍍𑌰𑌮𑍂𑌰𑍍𑌤𑌯𑍇 ॥ 𑍭 ॥

𑌰𑌾𑌮𑍇𑌷𑍍𑌟𑌂 𑌕𑌰𑍁𑌣𑌾𑌪𑍂𑌰𑍍𑌣𑌂 𑌹𑌨𑍂𑌮𑌂𑌤𑌂 𑌭𑌯𑌾𑌪𑌹𑌮𑍍 ।
𑌶𑌤𑍍𑌰𑍁𑌨𑌾𑌶𑌕𑌰𑌂 𑌭𑍀𑌮𑌂 𑌸𑌰𑍍𑌵𑌾𑌭𑍀𑌷𑍍𑌟𑌪𑍍𑌰𑌦𑌾𑌯𑌕𑌮𑍍 ॥ 𑍮 ॥

𑌕𑌾𑌰𑌾𑌗𑍃𑌹𑍇 𑌪𑍍𑌰𑌯𑌾𑌣𑍇 𑌵𑌾 𑌸𑌂𑌗𑍍𑌰𑌾𑌮𑍇 𑌶𑌤𑍍𑌰𑍁𑌸𑌂𑌕𑌟𑍇 ।
𑌜𑌲𑍇 𑌸𑍍𑌥𑌲𑍇 𑌤𑌥𑌾𑌽𑌽𑌕𑌾𑌶𑍇 𑌵𑌾𑌹𑌨𑍇𑌷𑍁 𑌚𑌤𑍁𑌷𑍍𑌪𑌥𑍇 ॥ 𑍯 ॥

𑌗𑌜𑌸𑌿𑌂𑌹 𑌮𑌹𑌾𑌵𑍍𑌯𑌾𑌘𑍍𑌰 𑌚𑍋𑌰 𑌭𑍀𑌷𑌣 𑌕𑌾𑌨𑌨𑍇 ।
𑌯𑍇 𑌸𑍍𑌮𑌰𑌂𑌤𑌿 𑌹𑌨𑍂𑌮𑌂𑌤𑌂 𑌤𑍇𑌷𑌾𑌂 𑌨𑌾𑌸𑍍𑌤𑌿 𑌵𑌿𑌪𑌤𑍍 𑌕𑍍𑌵𑌚𑌿𑌤𑍍 ॥ 10 ॥

𑌸𑌰𑍍𑌵𑌵𑌾𑌨𑌰𑌮𑍁𑌖𑍍𑌯𑌾𑌨𑌾𑌂 𑌪𑍍𑌰𑌾𑌣𑌭𑍂𑌤𑌾𑌤𑍍𑌮𑌨𑍇 𑌨𑌮𑌃 ।
𑌶𑌰𑌣𑍍𑌯𑌾𑌯 𑌵𑌰𑍇𑌣𑍍𑌯𑌾𑌯 𑌵𑌾𑌯𑍁𑌪𑍁𑌤𑍍𑌰𑌾𑌯 𑌤𑍇 𑌨𑌮𑌃 ॥ 11 ॥

𑌪𑍍𑌰𑌦𑍋𑌷𑍇 𑌵𑌾 𑌪𑍍𑌰𑌭𑌾𑌤𑍇 𑌵𑌾 𑌯𑍇 𑌸𑍍𑌮𑌰𑌂𑌤𑍍𑌯𑌂𑌜𑌨𑌾𑌸𑍁𑌤𑌮𑍍 ।
𑌅𑌰𑍍𑌥𑌸𑌿𑌦𑍍𑌧𑌿𑌂 𑌜𑌯𑌂 𑌕𑍀𑌰𑍍𑌤𑌿𑌂 𑌪𑍍𑌰𑌾𑌪𑍍𑌨𑍁𑌵𑌂𑌤𑌿 𑌨 𑌸𑌂𑌶𑌯𑌃 ॥ 12 ॥

𑌜𑌪𑍍𑌤𑍍𑌵𑌾 𑌸𑍍𑌤𑍋𑌤𑍍𑌰𑌮𑌿𑌦𑌂 𑌮𑌂𑌤𑍍𑌰𑌂 𑌪𑍍𑌰𑌤𑌿𑌵𑌾𑌰𑌂 𑌪𑌠𑍇𑌨𑍍𑌨𑌰𑌃 ।
𑌰𑌾𑌜𑌸𑍍𑌥𑌾𑌨𑍇 𑌸𑌭𑌾𑌸𑍍𑌥𑌾𑌨𑍇 𑌪𑍍𑌰𑌾𑌪𑍍𑌤𑍇 𑌵𑌾𑌦𑍇 𑌲𑌭𑍇𑌜𑍍𑌜𑌯𑌮𑍍 ॥ 13 ॥

𑌵𑌿𑌭𑍀𑌷𑌣𑌕𑍃𑌤𑌂 𑌸𑍍𑌤𑍋𑌤𑍍𑌰𑌂 𑌯𑌃 𑌪𑌠𑍇𑌤𑍍 𑌪𑍍𑌰𑌯𑌤𑍋 𑌨𑌰𑌃 ।
𑌸𑌰𑍍𑌵𑌾𑌪𑌦𑍍𑌭𑍍𑌯𑍋 𑌵𑌿𑌮𑍁𑌚𑍍𑌯𑍇𑌤 𑌨𑌾𑌽𑌤𑍍𑌰 𑌕𑌾𑌰𑍍𑌯𑌾 𑌵𑌿𑌚𑌾𑌰𑌣𑌾 ॥ 14 ॥

𑌮𑌂𑌤𑍍𑌰𑌃 ।
𑌮𑌰𑍍𑌕𑌟𑍇𑌶 𑌮𑌹𑍋𑌤𑍍𑌸𑌾𑌹 𑌸𑌰𑍍𑌵𑌶𑍋𑌕𑌨𑌿𑌵𑌾𑌰𑌕 ।
𑌶𑌤𑍍𑌰𑍂𑌨𑍍 𑌸𑌂𑌹𑌰 𑌮𑌾𑌂 𑌰𑌕𑍍𑌷 𑌶𑍍𑌰𑌿𑌯𑌂 𑌦𑌾𑌪𑌯 𑌭𑍋 𑌹𑌰𑍇 ॥ 15

𑌇𑌤𑌿 𑌵𑌿𑌭𑍀𑌷𑌣𑌕𑍃𑌤𑌂 𑌸𑌰𑍍𑌵𑌾𑌪𑌦𑍁𑌦𑍍𑌧𑌾𑌰𑌕 𑌶𑍍𑌰𑍀𑌹𑌨𑍁𑌮𑌤𑍍 𑌸𑍍𑌤𑍋𑌤𑍍𑌰𑌮𑍍 ॥