𑌪𑌂𑌚𑌮𑍁𑌖 𑌹𑌨𑍁𑌮𑌤𑍍𑌕𑌵𑌚𑌮𑍍

॥ 𑌪𑌂𑌚𑌮𑍁𑌖 𑌹𑌨𑍁𑌮𑌤𑍍𑌕𑌵𑌚𑌮𑍍 ॥

𑌅𑌸𑍍𑌯 𑌶𑍍𑌰𑍀 𑌪𑌂𑌚𑌮𑍁𑌖𑌹𑌨𑍁𑌮𑌨𑍍𑌮𑌂𑌤𑍍𑌰𑌸𑍍𑌯 𑌬𑍍𑌰𑌹𑍍𑌮𑌾 𑌋𑌷𑌿𑌃 𑌗𑌾𑌯𑌤𑍍𑌰𑍀𑌛𑌂𑌦𑌃 𑌪𑌂𑌚𑌮𑍁𑌖𑌵𑌿𑌰𑌾𑌟𑍍 𑌹𑌨𑍁𑌮𑌾𑌨𑍍 𑌦𑍇𑌵𑌤𑌾 𑌹𑍍𑌰𑍀𑌂 𑌬𑍀𑌜𑌂 𑌶𑍍𑌰𑍀𑌂 𑌶𑌕𑍍𑌤𑌿𑌃 𑌕𑍍𑌰𑍌𑌂 𑌕𑍀𑌲𑌕𑌂 𑌕𑍍𑌰𑍂𑌂 𑌕𑌵𑌚𑌂 𑌕𑍍𑌰𑍈𑌂 𑌅𑌸𑍍𑌤𑍍𑌰𑌾𑌯 𑌫𑌟𑍍 𑌇𑌤𑌿 𑌦𑌿𑌗𑍍𑌬𑌂𑌧𑌃 ।

𑌶𑍍𑌰𑍀 𑌗𑌰𑍁𑌡 𑌉𑌵𑌾𑌚 ।
𑌅𑌥 𑌧𑍍𑌯𑌾𑌨𑌂 𑌪𑍍𑌰𑌵𑌕𑍍𑌷𑍍𑌯𑌾𑌮𑌿 𑌶𑍃𑌣𑍁 𑌸𑌰𑍍𑌵𑌾𑌂𑌗𑌸𑍁𑌂𑌦𑌰𑌿 ।
𑌯𑌤𑍍𑌕𑍃𑌤𑌂 𑌦𑍇𑌵𑌦𑍇𑌵𑍇𑌨 𑌧𑍍𑌯𑌾𑌨𑌂 𑌹𑌨𑍁𑌮𑌤𑌃 𑌪𑍍𑌰𑌿𑌯𑌮𑍍 ॥ 1 ॥

𑌪𑌂𑌚𑌵𑌕𑍍𑌤𑍍𑌰𑌂 𑌮𑌹𑌾𑌭𑍀𑌮𑌂 𑌤𑍍𑌰𑌿𑌪𑌂𑌚𑌨𑌯𑌨𑍈𑌰𑍍𑌯𑍁𑌤𑌮𑍍 ।
𑌬𑌾𑌹𑍁𑌭𑌿𑌰𑍍𑌦𑌶𑌭𑌿𑌰𑍍𑌯𑍁𑌕𑍍𑌤𑌂 𑌸𑌰𑍍𑌵𑌕𑌾𑌮𑌾𑌰𑍍𑌥𑌸𑌿𑌦𑍍𑌧𑌿𑌦𑌮𑍍 ॥ 2 ॥

𑌪𑍂𑌰𑍍𑌵𑌂 𑌤𑍁 𑌵𑌾𑌨𑌰𑌂 𑌵𑌕𑍍𑌤𑍍𑌰𑌂 𑌕𑍋𑌟𑌿𑌸𑍂𑌰𑍍𑌯𑌸𑌮𑌪𑍍𑌰𑌭𑌮𑍍 ।
𑌦𑌂𑌷𑍍𑌟𑍍𑌰𑌾𑌕𑌰𑌾𑌳𑌵𑌦𑌨𑌂 𑌭𑍃𑌕𑍁𑌟𑍀𑌕𑍁𑌟𑌿𑌲𑍇𑌕𑍍𑌷𑌣𑌮𑍍 ॥ 3 ॥

𑌅𑌸𑍍𑌯𑍈𑌵 𑌦𑌕𑍍𑌷𑌿𑌣𑌂 𑌵𑌕𑍍𑌤𑍍𑌰𑌂 𑌨𑌾𑌰𑌸𑌿𑌂𑌹𑌂 𑌮𑌹𑌾𑌦𑍍𑌭𑍁𑌤𑌮𑍍 ।
𑌅𑌤𑍍𑌯𑍁𑌗𑍍𑌰𑌤𑍇𑌜𑍋𑌵𑌪𑍁𑌷𑌂 𑌭𑍀𑌷𑌣𑌂 𑌭𑌯𑌨𑌾𑌶𑌨𑌮𑍍 ॥ 4 ॥

𑌪𑌶𑍍𑌚𑌿𑌮𑌂 𑌗𑌾𑌰𑍁𑌡𑌂 𑌵𑌕𑍍𑌤𑍍𑌰𑌂 𑌵𑌕𑍍𑌰𑌤𑍁𑌂𑌡𑌂 𑌮𑌹𑌾𑌬𑌲𑌮𑍍 ।
𑌸𑌰𑍍𑌵𑌨𑌾𑌗𑌪𑍍𑌰𑌶𑌮𑌨𑌂 𑌵𑌿𑌷𑌭𑍂𑌤𑌾𑌦𑌿𑌕𑍃𑌂𑌤𑌨𑌮𑍍 ॥ 5 ॥

𑌉𑌤𑍍𑌤𑌰𑌂 𑌸𑍌𑌕𑌰𑌂 𑌵𑌕𑍍𑌤𑍍𑌰𑌂 𑌕𑍃𑌷𑍍𑌣𑌂 𑌦𑍀𑌪𑍍𑌤𑌂 𑌨𑌭𑍋𑌪𑌮𑌮𑍍 ।
𑌪𑌾𑌤𑌾𑌳𑌸𑌿𑌂𑌹𑌵𑍇𑌤𑌾𑌲𑌜𑍍𑌵𑌰𑌰𑍋𑌗𑌾𑌦𑌿𑌕𑍃𑌂𑌤𑌨𑌮𑍍 ॥ 6 ॥

𑌊𑌰𑍍𑌧𑍍𑌵𑌂 𑌹𑌯𑌾𑌨𑌨𑌂 𑌘𑍋𑌰𑌂 𑌦𑌾𑌨𑌵𑌾𑌂𑌤𑌕𑌰𑌂 𑌪𑌰𑌮𑍍 ।
𑌯𑍇𑌨 𑌵𑌕𑍍𑌤𑍍𑌰𑍇𑌣 𑌵𑌿𑌪𑍍𑌰𑍇𑌂𑌦𑍍𑌰 𑌤𑌾𑌰𑌕𑌾𑌖𑍍𑌯𑌂 𑌮𑌹𑌾𑌸𑍁𑌰𑌮𑍍 ॥ 𑍭 ॥

𑌜𑌘𑌾𑌨 𑌶𑌰𑌣𑌂 𑌤𑌤𑍍𑌸𑍍𑌯𑌾𑌤𑍍𑌸𑌰𑍍𑌵𑌶𑌤𑍍𑌰𑍁𑌹𑌰𑌂 𑌪𑌰𑌮𑍍 ।
𑌧𑍍𑌯𑌾𑌤𑍍𑌵𑌾 𑌪𑌂𑌚𑌮𑍁𑌖𑌂 𑌰𑍁𑌦𑍍𑌰𑌂 𑌹𑌨𑍂𑌮𑌂𑌤𑌂 𑌦𑌯𑌾𑌨𑌿𑌧𑌿𑌮𑍍 ॥ 𑍮 ॥

𑌖𑌡𑍍𑌗𑌂 𑌤𑍍𑌰𑌿𑌶𑍂𑌲𑌂 𑌖𑌟𑍍𑌵𑌾𑌂𑌗𑌂 𑌪𑌾𑌶𑌮𑌂𑌕𑍁𑌶𑌪𑌰𑍍𑌵𑌤𑌮𑍍 ।
𑌮𑍁𑌷𑍍𑌟𑌿𑌂 𑌕𑍌𑌮𑍋𑌦𑌕𑍀𑌂 𑌵𑍃𑌕𑍍𑌷𑌂 𑌧𑌾𑌰𑌯𑌂𑌤𑌂 𑌕𑌮𑌂𑌡𑌲𑍁𑌮𑍍 ॥ 𑍯 ॥

𑌭𑌿𑌂𑌦𑌿𑌪𑌾𑌲𑌂 𑌜𑍍𑌞𑌾𑌨𑌮𑍁𑌦𑍍𑌰𑌾𑌂 𑌦𑌶𑌭𑌿𑌰𑍍𑌮𑍁𑌨𑌿𑌪𑍁𑌂𑌗𑌵𑌮𑍍 ।
𑌏𑌤𑌾𑌨𑍍𑌯𑌾𑌯𑍁𑌧𑌜𑌾𑌲𑌾𑌨𑌿 𑌧𑌾𑌰𑌯𑌂𑌤𑌂 𑌭𑌜𑌾𑌮𑍍𑌯𑌹𑌮𑍍 ॥ 10 ॥

𑌪𑍍𑌰𑍇𑌤𑌾𑌸𑌨𑍋𑌪𑌵𑌿𑌷𑍍𑌟𑌂 𑌤𑌂 𑌸𑌰𑍍𑌵𑌾𑌭𑌰𑌣𑌭𑍂𑌷𑌿𑌤𑌮𑍍 ।
𑌦𑌿𑌵𑍍𑌯𑌮𑌾𑌲𑍍𑌯𑌾𑌂𑌬𑌰𑌧𑌰𑌂 𑌦𑌿𑌵𑍍𑌯𑌗𑌂𑌧𑌾𑌨𑍁𑌲𑍇𑌪𑌨𑌮𑍍 ।
𑌸𑌰𑍍𑌵𑌾𑌶𑍍𑌚𑌰𑍍𑌯𑌮𑌯𑌂 𑌦𑍇𑌵𑌂 𑌹𑌨𑍁𑌮𑌦𑍍𑌵𑌿𑌶𑍍𑌵𑌤𑍋𑌮𑍁𑌖𑌮𑍍 ॥ 11 ॥

𑌪𑌂𑌚𑌾𑌸𑍍𑌯𑌮𑌚𑍍𑌯𑍁𑌤𑌮𑌨𑍇𑌕𑌵𑌿𑌚𑌿𑌤𑍍𑌰𑌵𑌰𑍍𑌣-
-𑌵𑌕𑍍𑌤𑍍𑌰𑌂 𑌶𑌶𑌾𑌂𑌕𑌶𑌿𑌖𑌰𑌂 𑌕𑌪𑌿𑌰𑌾𑌜𑌵𑌰𑍍𑌯𑌮𑍍 ।
𑌪𑍀𑌤𑌾𑌂𑌬𑌰𑌾𑌦𑌿𑌮𑍁𑌕𑍁𑌟𑍈𑌰𑍁𑌪𑌶𑍋𑌭𑌿𑌤𑌾𑌂𑌗𑌂
𑌪𑌿𑌂𑌗𑌾𑌕𑍍𑌷𑌮𑌾𑌦𑍍𑌯𑌮𑌨𑌿𑌶𑌂 𑌮𑌨𑌸𑌾 𑌸𑍍𑌮𑌰𑌾𑌮𑌿 ॥ 12 ॥

𑌮𑌰𑍍𑌕𑌟𑍇𑌶𑌂 𑌮𑌹𑍋𑌤𑍍𑌸𑌾𑌹𑌂 𑌸𑌰𑍍𑌵𑌶𑌤𑍍𑌰𑍁𑌹𑌰𑌂 𑌪𑌰𑌮𑍍 ।
𑌶𑌤𑍍𑌰𑍁𑌂 𑌸𑌂𑌹𑌰 𑌮𑌾𑌂 𑌰𑌕𑍍𑌷 𑌶𑍍𑌰𑍀𑌮𑌨𑍍𑌨𑌾𑌪𑌦𑌮𑍁𑌦𑍍𑌧𑌰 ॥ 13 ॥

𑌹𑌰𑌿𑌮𑌰𑍍𑌕𑌟 𑌮𑌰𑍍𑌕𑌟 𑌮𑌂𑌤𑍍𑌰𑌮𑌿𑌦𑌂
𑌪𑌰𑌿𑌲𑌿𑌖𑍍𑌯𑌤𑌿 𑌲𑌿𑌖𑍍𑌯𑌤𑌿 𑌵𑌾𑌮𑌤𑌲𑍇 ।
𑌯𑌦𑌿 𑌨𑌶𑍍𑌯𑌤𑌿 𑌨𑌶𑍍𑌯𑌤𑌿 𑌶𑌤𑍍𑌰𑍁𑌕𑍁𑌲𑌂
𑌯𑌦𑌿 𑌮𑍁𑌂𑌚𑌤𑌿 𑌮𑍁𑌂𑌚𑌤𑌿 𑌵𑌾𑌮𑌲𑌤𑌾 ॥ 14 ॥

𑌓𑌂 𑌹𑌰𑌿𑌮𑌰𑍍𑌕𑌟𑌾𑌯 𑌸𑍍𑌵𑌾𑌹𑌾 ।

𑌓𑌂 𑌨𑌮𑍋 𑌭𑌗𑌵𑌤𑍇 𑌪𑌂𑌚𑌵𑌦𑌨𑌾𑌯 𑌪𑍂𑌰𑍍𑌵𑌕𑌪𑌿𑌮𑍁𑌖𑌾𑌯 𑌸𑌕𑌲𑌶𑌤𑍍𑌰𑍁𑌸𑌂𑌹𑌾𑌰𑌕𑌾𑌯 𑌸𑍍𑌵𑌾𑌹𑌾 ।
𑌓𑌂 𑌨𑌮𑍋 𑌭𑌗𑌵𑌤𑍇 𑌪𑌂𑌚𑌵𑌦𑌨𑌾𑌯 𑌦𑌕𑍍𑌷𑌿𑌣𑌮𑍁𑌖𑌾𑌯 𑌕𑌰𑌾𑌳𑌵𑌦𑌨𑌾𑌯 𑌨𑌰𑌸𑌿𑌂𑌹𑌾𑌯 𑌸𑌕𑌲𑌭𑍂𑌤𑌪𑍍𑌰𑌮𑌥𑌨𑌾𑌯 𑌸𑍍𑌵𑌾𑌹𑌾 ।
𑌓𑌂 𑌨𑌮𑍋 𑌭𑌗𑌵𑌤𑍇 𑌪𑌂𑌚𑌵𑌦𑌨𑌾𑌯 𑌪𑌶𑍍𑌚𑌿𑌮𑌮𑍁𑌖𑌾𑌯 𑌗𑌰𑍁𑌡𑌾𑌨𑌨𑌾𑌯 𑌸𑌕𑌲𑌵𑌿𑌷𑌹𑌰𑌾𑌯 𑌸𑍍𑌵𑌾𑌹𑌾 ।
𑌓𑌂 𑌨𑌮𑍋 𑌭𑌗𑌵𑌤𑍇 𑌪𑌂𑌚𑌵𑌦𑌨𑌾𑌯 𑌉𑌤𑍍𑌤𑌰𑌮𑍁𑌖𑌾𑌯 𑌆𑌦𑌿𑌵𑌰𑌾𑌹𑌾𑌯 𑌸𑌕𑌲𑌸𑌂𑌪𑌤𑍍𑌕𑌰𑌾𑌯 𑌸𑍍𑌵𑌾𑌹𑌾 ।
𑌓𑌂 𑌨𑌮𑍋 𑌭𑌗𑌵𑌤𑍇 𑌪𑌂𑌚𑌵𑌦𑌨𑌾𑌯 𑌊𑌰𑍍𑌧𑍍𑌵𑌮𑍁𑌖𑌾𑌯 𑌹𑌯𑌗𑍍𑌰𑍀𑌵𑌾𑌯 𑌸𑌕𑌲𑌜𑌨𑌵𑌶𑌂𑌕𑌰𑌾𑌯 𑌸𑍍𑌵𑌾𑌹𑌾 ।

𑌓𑌂 𑌅𑌸𑍍𑌯 𑌶𑍍𑌰𑍀 𑌪𑌂𑌚𑌮𑍁𑌖𑌹𑌨𑍁𑌮𑌨𑍍𑌮𑌂𑌤𑍍𑌰𑌸𑍍𑌯 𑌶𑍍𑌰𑍀𑌰𑌾𑌮𑌚𑌂𑌦𑍍𑌰 𑌋𑌷𑌿𑌃 𑌅𑌨𑍁𑌷𑍍𑌟𑍁𑌪𑍍𑌛𑌂𑌦𑌃 𑌪𑌂𑌚𑌮𑍁𑌖𑌵𑍀𑌰𑌹𑌨𑍁𑌮𑌾𑌨𑍍 𑌦𑍇𑌵𑌤𑌾 𑌹𑌨𑍁𑌮𑌾𑌨𑍍 𑌇𑌤𑌿 𑌬𑍀𑌜𑌂 𑌵𑌾𑌯𑍁𑌪𑍁𑌤𑍍𑌰 𑌇𑌤𑌿 𑌶𑌕𑍍𑌤𑌿𑌃 𑌅𑌂𑌜𑌨𑍀𑌸𑍁𑌤 𑌇𑌤𑌿 𑌕𑍀𑌲𑌕𑌂 𑌶𑍍𑌰𑍀𑌰𑌾𑌮𑌦𑍂𑌤𑌹𑌨𑍁𑌮𑌤𑍍𑌪𑍍𑌰𑌸𑌾𑌦𑌸𑌿𑌦𑍍𑌧𑍍𑌯𑌰𑍍𑌥𑍇 𑌜𑌪𑍇 𑌵𑌿𑌨𑌿𑌯𑍋𑌗𑌃 ।
𑌇𑌤𑌿 𑌋𑌷𑍍𑌯𑌾𑌦𑌿𑌕𑌂 𑌵𑌿𑌨𑍍𑌯𑌸𑍇𑌤𑍍 ।

𑌅𑌥 𑌕𑌰𑌨𑍍𑌯𑌾𑌸𑌃 ।
𑌓𑌂 𑌅𑌂𑌜𑌨𑍀𑌸𑍁𑌤𑌾𑌯 𑌅𑌂𑌗𑍁𑌷𑍍𑌠𑌾𑌭𑍍𑌯𑌾𑌂 𑌨𑌮𑌃 ।
𑌓𑌂 𑌰𑍁𑌦𑍍𑌰𑌮𑍂𑌰𑍍𑌤𑌯𑍇 𑌤𑌰𑍍𑌜𑌨𑍀𑌭𑍍𑌯𑌾𑌂 𑌨𑌮𑌃 ।
𑌓𑌂 𑌵𑌾𑌯𑍁𑌪𑍁𑌤𑍍𑌰𑌾𑌯 𑌮𑌧𑍍𑌯𑌮𑌾𑌭𑍍𑌯𑌾𑌂 𑌨𑌮𑌃 ।
𑌓𑌂 𑌅𑌗𑍍𑌨𑌿𑌗𑌰𑍍𑌭𑌾𑌯 𑌅𑌨𑌾𑌮𑌿𑌕𑌾𑌭𑍍𑌯𑌾𑌂 𑌨𑌮𑌃 ।
𑌓𑌂 𑌰𑌾𑌮𑌦𑍂𑌤𑌾𑌯 𑌕𑌨𑌿𑌷𑍍𑌠𑌿𑌕𑌾𑌭𑍍𑌯𑌾𑌂 𑌨𑌮𑌃 ।
𑌓𑌂 𑌪𑌂𑌚𑌮𑍁𑌖𑌹𑌨𑍁𑌮𑌤𑍇 𑌕𑌰𑌤𑌲𑌕𑌰𑌪𑍃𑌷𑍍𑌠𑌾𑌭𑍍𑌯𑌾𑌂 𑌨𑌮𑌃 ।

𑌅𑌥 𑌅𑌂𑌗𑌨𑍍𑌯𑌾𑌸𑌃 ।
𑌓𑌂 𑌅𑌂𑌜𑌨𑍀𑌸𑍁𑌤𑌾𑌯 𑌹𑍃𑌦𑌯𑌾𑌯 𑌨𑌮𑌃 ।
𑌓𑌂 𑌰𑍁𑌦𑍍𑌰𑌮𑍂𑌰𑍍𑌤𑌯𑍇 𑌶𑌿𑌰𑌸𑍇 𑌸𑍍𑌵𑌾𑌹𑌾 ।
𑌓𑌂 𑌵𑌾𑌯𑍁𑌪𑍁𑌤𑍍𑌰𑌾𑌯 𑌶𑌿𑌖𑌾𑌯𑍈 𑌵𑌷𑌟𑍍 ।
𑌓𑌂 𑌅𑌗𑍍𑌨𑌿𑌗𑌰𑍍𑌭𑌾𑌯 𑌕𑌵𑌚𑌾𑌯 𑌹𑍁𑌮𑍍 ।
𑌓𑌂 𑌰𑌾𑌮𑌦𑍂𑌤𑌾𑌯 𑌨𑍇𑌤𑍍𑌰𑌤𑍍𑌰𑌯𑌾𑌯 𑌵𑍌𑌷𑌟𑍍 ।
𑌓𑌂 𑌪𑌂𑌚𑌮𑍁𑌖𑌹𑌨𑍁𑌮𑌤𑍇 𑌅𑌸𑍍𑌤𑍍𑌰𑌾𑌯 𑌫𑌟𑍍 ।
𑌪𑌂𑌚𑌮𑍁𑌖𑌹𑌨𑍁𑌮𑌤𑍇 𑌸𑍍𑌵𑌾𑌹𑌾 𑌇𑌤𑌿 𑌦𑌿𑌗𑍍𑌬𑌂𑌧𑌃 ।

𑌅𑌥 𑌧𑍍𑌯𑌾𑌨𑌮𑍍 ।
𑌵𑌂𑌦𑍇 𑌵𑌾𑌨𑌰𑌨𑌾𑌰𑌸𑌿𑌂𑌹𑌖𑌗𑌰𑌾𑌟𑍍𑌕𑍍𑌰𑍋𑌡𑌾𑌶𑍍𑌵𑌵𑌕𑍍𑌤𑍍𑌰𑌾𑌨𑍍𑌵𑌿𑌤𑌂
𑌦𑌿𑌵𑍍𑌯𑌾𑌲𑌂𑌕𑌰𑌣𑌂 𑌤𑍍𑌰𑌿𑌪𑌂𑌚𑌨𑌯𑌨𑌂 𑌦𑍇𑌦𑍀𑌪𑍍𑌯𑌮𑌾𑌨𑌂 𑌰𑍁𑌚𑌾 ।
𑌹𑌸𑍍𑌤𑌾𑌬𑍍𑌜𑍈𑌰𑌸𑌿𑌖𑍇𑌟𑌪𑍁𑌸𑍍𑌤𑌕𑌸𑍁𑌧𑌾𑌕𑍁𑌂𑌭𑌾𑌂𑌕𑍁𑌶𑌾𑌦𑍍𑌰𑌿𑌂 𑌹𑌲𑌂
𑌖𑌟𑍍𑌵𑌾𑌂𑌗𑌂 𑌫𑌣𑌿𑌭𑍂𑌰𑍁𑌹𑌂 𑌦𑌶𑌭𑍁𑌜𑌂 𑌸𑌰𑍍𑌵𑌾𑌰𑌿𑌵𑍀𑌰𑌾𑌪𑌹𑌮𑍍 ।

𑌅𑌥 𑌮𑌂𑌤𑍍𑌰𑌃 ।
𑌓𑌂 𑌶𑍍𑌰𑍀𑌰𑌾𑌮𑌦𑍂𑌤𑌾𑌯 𑌆𑌂𑌜𑌨𑍇𑌯𑌾𑌯 𑌵𑌾𑌯𑍁𑌪𑍁𑌤𑍍𑌰𑌾𑌯 𑌮𑌹𑌾𑌬𑌲𑌪𑌰𑌾𑌕𑍍𑌰𑌮𑌾𑌯 𑌸𑍀𑌤𑌾𑌦𑍁𑌃𑌖𑌨𑌿𑌵𑌾𑌰𑌣𑌾𑌯 𑌲𑌂𑌕𑌾𑌦𑌹𑌨𑌕𑌾𑌰𑌣𑌾𑌯 𑌮𑌹𑌾𑌬𑌲𑌪𑍍𑌰𑌚𑌂𑌡𑌾𑌯 𑌫𑌾𑌲𑍍𑌗𑍁𑌨𑌸𑌖𑌾𑌯 𑌕𑍋𑌲𑌾𑌹𑌲𑌸𑌕𑌲𑌬𑍍𑌰𑌹𑍍𑌮𑌾𑌂𑌡𑌵𑌿𑌶𑍍𑌵𑌰𑍂𑌪𑌾𑌯
𑌸𑌪𑍍𑌤𑌸𑌮𑍁𑌦𑍍𑌰𑌨𑌿𑌰𑍍𑌲𑌂𑌘𑌨𑌾𑌯 𑌪𑌿𑌂𑌗𑌳𑌨𑌯𑌨𑌾𑌯 𑌅𑌮𑌿𑌤𑌵𑌿𑌕𑍍𑌰𑌮𑌾𑌯 𑌸𑍂𑌰𑍍𑌯𑌬𑌿𑌂𑌬𑌫𑌲𑌸𑍇𑌵𑌨𑌾𑌯 𑌦𑍁𑌷𑍍𑌟𑌨𑌿𑌵𑌾𑌰𑌣𑌾𑌯 𑌦𑍃𑌷𑍍𑌟𑌿𑌨𑌿𑌰𑌾𑌲𑌂𑌕𑍃𑌤𑌾𑌯 𑌸𑌂𑌜𑍀𑌵𑌿𑌨𑍀𑌸𑌂𑌜𑍀𑌵𑌿𑌤𑌾𑌂𑌗𑌦-𑌲𑌕𑍍𑌷𑍍𑌮𑌣𑌮𑌹𑌾𑌕𑌪𑌿𑌸𑍈𑌨𑍍𑌯𑌪𑍍𑌰𑌾𑌣𑌦𑌾𑌯
𑌦𑌶𑌕𑌂𑌠𑌵𑌿𑌧𑍍𑌵𑌂𑌸𑌨𑌾𑌯 𑌰𑌾𑌮𑍇𑌷𑍍𑌟𑌾𑌯 𑌮𑌹𑌾𑌫𑌾𑌲𑍍𑌗𑍁𑌨𑌸𑌖𑌾𑌯 𑌸𑍀𑌤𑌾𑌸𑌹𑌿𑌤𑌰𑌾𑌮𑌵𑌰𑌪𑍍𑌰𑌦𑌾𑌯 𑌷𑌟𑍍𑌪𑍍𑌰𑌯𑍋𑌗𑌾𑌗𑌮𑌪𑌂𑌚𑌮𑍁𑌖𑌵𑍀𑌰𑌹𑌨𑍁𑌮𑌨𑍍𑌮𑌂𑌤𑍍𑌰𑌜𑌪𑍇 𑌵𑌿𑌨𑌿𑌯𑍋𑌗𑌃 ।

𑌓𑌂 𑌹𑌰𑌿𑌮𑌰𑍍𑌕𑌟𑌮𑌰𑍍𑌕𑌟𑌾𑌯 𑌬𑌂𑌬𑌂𑌬𑌂𑌬𑌂𑌬𑌂 𑌵𑍌𑌷𑌟𑍍 𑌸𑍍𑌵𑌾𑌹𑌾 ।
𑌓𑌂 𑌹𑌰𑌿𑌮𑌰𑍍𑌕𑌟𑌮𑌰𑍍𑌕𑌟𑌾𑌯 𑌫𑌂𑌫𑌂𑌫𑌂𑌫𑌂𑌫𑌂 𑌫𑌟𑍍 𑌸𑍍𑌵𑌾𑌹𑌾 ।
𑌓𑌂 𑌹𑌰𑌿𑌮𑌰𑍍𑌕𑌟𑌮𑌰𑍍𑌕𑌟𑌾𑌯 𑌖𑍇𑌂𑌖𑍇𑌂𑌖𑍇𑌂𑌖𑍇𑌂𑌖𑍇𑌂 𑌮𑌾𑌰𑌣𑌾𑌯 𑌸𑍍𑌵𑌾𑌹𑌾 ।
𑌓𑌂 𑌹𑌰𑌿𑌮𑌰𑍍𑌕𑌟𑌮𑌰𑍍𑌕𑌟𑌾𑌯 𑌲𑍁𑌂𑌲𑍁𑌂𑌲𑍁𑌂𑌲𑍁𑌂𑌲𑍁𑌂 𑌆𑌕𑌰𑍍𑌷𑌿𑌤𑌸𑌕𑌲𑌸𑌂𑌪𑌤𑍍𑌕𑌰𑌾𑌯 𑌸𑍍𑌵𑌾𑌹𑌾 ।
𑌓𑌂 𑌹𑌰𑌿𑌮𑌰𑍍𑌕𑌟𑌮𑌰𑍍𑌕𑌟𑌾𑌯 𑌧𑌂𑌧𑌂𑌧𑌂𑌧𑌂𑌧𑌂 𑌶𑌤𑍍𑌰𑍁𑌸𑍍𑌤𑌂𑌭𑌨𑌾𑌯 𑌸𑍍𑌵𑌾𑌹𑌾 ।

𑌓𑌂 𑌟𑌂𑌟𑌂𑌟𑌂𑌟𑌂𑌟𑌂 𑌕𑍂𑌰𑍍𑌮𑌮𑍂𑌰𑍍𑌤𑌯𑍇 𑌪𑌂𑌚𑌮𑍁𑌖𑌵𑍀𑌰𑌹𑌨𑍁𑌮𑌤𑍇 𑌪𑌰𑌯𑌂𑌤𑍍𑌰 𑌪𑌰𑌤𑌂𑌤𑍍𑌰𑍋𑌚𑍍𑌚𑌾𑌟𑌨𑌾𑌯 𑌸𑍍𑌵𑌾𑌹𑌾 ।
𑌓𑌂 𑌕𑌂𑌖𑌂𑌗𑌂𑌘𑌂𑌙𑌂 𑌚𑌂𑌛𑌂𑌜𑌂𑌝𑌂𑌞𑌂 𑌟𑌂𑌠𑌂𑌡𑌂𑌢𑌂𑌣𑌂 𑌤𑌂𑌥𑌂𑌦𑌂𑌧𑌂𑌨𑌂 𑌪𑌂𑌫𑌂𑌬𑌂𑌭𑌂𑌮𑌂 𑌯𑌂𑌰𑌂𑌲𑌂𑌵𑌂 𑌶𑌂𑌷𑌂𑌸𑌂𑌹𑌂 𑌳𑌂𑌕𑍍𑌷𑌂 𑌸𑍍𑌵𑌾𑌹𑌾 ।
𑌇𑌤𑌿 𑌦𑌿𑌗𑍍𑌬𑌂𑌧𑌃 ।

𑌓𑌂 𑌪𑍂𑌰𑍍𑌵𑌕𑌪𑌿𑌮𑍁𑌖𑌾𑌯 𑌪𑌂𑌚𑌮𑍁𑌖𑌹𑌨𑍁𑌮𑌤𑍇 𑌟𑌂𑌟𑌂𑌟𑌂𑌟𑌂𑌟𑌂 𑌸𑌕𑌲𑌶𑌤𑍍𑌰𑍁𑌸𑌂𑌹𑌰𑌣𑌾𑌯 𑌸𑍍𑌵𑌾𑌹𑌾 ।
𑌓𑌂 𑌦𑌕𑍍𑌷𑌿𑌣𑌮𑍁𑌖𑌾𑌯 𑌪𑌂𑌚𑌮𑍁𑌖𑌹𑌨𑍁𑌮𑌤𑍇 𑌕𑌰𑌾𑌳𑌵𑌦𑌨𑌾𑌯 𑌨𑌰𑌸𑌿𑌂𑌹𑌾𑌯 𑌓𑌂 𑌹𑍍𑌰𑌾𑌂 𑌹𑍍𑌰𑍀𑌂 𑌹𑍍𑌰𑍂𑌂 𑌹𑍍𑌰𑍈𑌂 𑌹𑍍𑌰𑍌𑌂 𑌹𑍍𑌰𑌃 𑌸𑌕𑌲𑌭𑍂𑌤𑌪𑍍𑌰𑍇𑌤𑌦𑌮𑌨𑌾𑌯 𑌸𑍍𑌵𑌾𑌹𑌾 ।
𑌓𑌂 𑌪𑌶𑍍𑌚𑌿𑌮𑌮𑍁𑌖𑌾𑌯 𑌗𑌰𑍁𑌡𑌾𑌨𑌨𑌾𑌯 𑌪𑌂𑌚𑌮𑍁𑌖𑌹𑌨𑍁𑌮𑌤𑍇 𑌮𑌂𑌮𑌂𑌮𑌂𑌮𑌂𑌮𑌂 𑌸𑌕𑌲𑌵𑌿𑌷𑌹𑌰𑌾𑌯 𑌸𑍍𑌵𑌾𑌹𑌾 ।
𑌓𑌂 𑌉𑌤𑍍𑌤𑌰𑌮𑍁𑌖𑌾𑌯 𑌆𑌦𑌿𑌵𑌰𑌾𑌹𑌾𑌯 𑌲𑌂𑌲𑌂𑌲𑌂𑌲𑌂𑌲𑌂 𑌨𑍃𑌸𑌿𑌂𑌹𑌾𑌯 𑌨𑍀𑌲𑌕𑌂𑌠𑌮𑍂𑌰𑍍𑌤𑌯𑍇 𑌪𑌂𑌚𑌮𑍁𑌖𑌹𑌨𑍁𑌮𑌤𑍇 𑌸𑍍𑌵𑌾𑌹𑌾 ।
𑌓𑌂 𑌊𑌰𑍍𑌧𑍍𑌵𑌮𑍁𑌖𑌾𑌯 𑌹𑌯𑌗𑍍𑌰𑍀𑌵𑌾𑌯 𑌰𑍁𑌂𑌰𑍁𑌂𑌰𑍁𑌂𑌰𑍁𑌂𑌰𑍁𑌂 𑌰𑍁𑌦𑍍𑌰𑌮𑍂𑌰𑍍𑌤𑌯𑍇 𑌸𑌕𑌲𑌪𑍍𑌰𑌯𑍋𑌜𑌨𑌨𑌿𑌰𑍍𑌵𑌾𑌹𑌕𑌾𑌯 𑌸𑍍𑌵𑌾𑌹𑌾 ।

𑌓𑌂 𑌅𑌂𑌜𑌨𑍀𑌸𑍁𑌤𑌾𑌯 𑌵𑌾𑌯𑍁𑌪𑍁𑌤𑍍𑌰𑌾𑌯 𑌮𑌹𑌾𑌬𑌲𑌾𑌯 𑌸𑍀𑌤𑌾𑌶𑍋𑌕𑌨𑌿𑌵𑌾𑌰𑌣𑌾𑌯 𑌶𑍍𑌰𑍀𑌰𑌾𑌮𑌚𑌂𑌦𑍍𑌰𑌕𑍃𑌪𑌾𑌪𑌾𑌦𑍁𑌕𑌾𑌯 𑌮𑌹𑌾𑌵𑍀𑌰𑍍𑌯𑌪𑍍𑌰𑌮𑌥𑌨𑌾𑌯 𑌬𑍍𑌰𑌹𑍍𑌮𑌾𑌂𑌡𑌨𑌾𑌥𑌾𑌯 𑌕𑌾𑌮𑌦𑌾𑌯 𑌪𑌂𑌚𑌮𑍁𑌖𑌵𑍀𑌰𑌹𑌨𑍁𑌮𑌤𑍇 𑌸𑍍𑌵𑌾𑌹𑌾 ।

𑌭𑍂𑌤𑌪𑍍𑌰𑍇𑌤𑌪𑌿𑌶𑌾𑌚𑌬𑍍𑌰𑌹𑍍𑌮𑌰𑌾𑌕𑍍𑌷𑌸 𑌶𑌾𑌕𑌿𑌨𑍀𑌡𑌾𑌕𑌿𑌨𑍍𑌯𑌂𑌤𑌰𑌿𑌕𑍍𑌷𑌗𑍍𑌰𑌹 𑌪𑌰𑌯𑌂𑌤𑍍𑌰 𑌪𑌰𑌤𑌂𑌤𑍍𑌰𑍋𑌚𑍍𑌚𑌟𑌨𑌾𑌯 𑌸𑍍𑌵𑌾𑌹𑌾 ।
𑌸𑌕𑌲𑌪𑍍𑌰𑌯𑍋𑌜𑌨𑌨𑌿𑌰𑍍𑌵𑌾𑌹𑌕𑌾𑌯 𑌪𑌂𑌚𑌮𑍁𑌖𑌵𑍀𑌰𑌹𑌨𑍁𑌮𑌤𑍇 𑌶𑍍𑌰𑍀𑌰𑌾𑌮𑌚𑌂𑌦𑍍𑌰𑌵𑌰𑌪𑍍𑌰𑌸𑌾𑌦𑌾𑌯 𑌜𑌂𑌜𑌂𑌜𑌂𑌜𑌂𑌜𑌂 𑌸𑍍𑌵𑌾𑌹𑌾 ।

𑌇𑌦𑌂 𑌕𑌵𑌚𑌂 𑌪𑌠𑌿𑌤𑍍𑌵𑌾 𑌤𑍁 𑌮𑌹𑌾𑌕𑌵𑌚𑌂 𑌪𑌠𑍇𑌨𑍍𑌨𑌰𑌃 ।
𑌏𑌕𑌵𑌾𑌰𑌂 𑌜𑌪𑍇𑌤𑍍 𑌸𑍍𑌤𑍋𑌤𑍍𑌰𑌂 𑌸𑌰𑍍𑌵𑌶𑌤𑍍𑌰𑍁𑌨𑌿𑌵𑌾𑌰𑌣𑌮𑍍 ॥ 15 ॥

𑌦𑍍𑌵𑌿𑌵𑌾𑌰𑌂 𑌤𑍁 𑌪𑌠𑍇𑌨𑍍𑌨𑌿𑌤𑍍𑌯𑌂 𑌪𑍁𑌤𑍍𑌰𑌪𑍌𑌤𑍍𑌰𑌪𑍍𑌰𑌵𑌰𑍍𑌧𑌨𑌮𑍍 ।
𑌤𑍍𑌰𑌿𑌵𑌾𑌰𑌂 𑌚 𑌪𑌠𑍇𑌨𑍍𑌨𑌿𑌤𑍍𑌯𑌂 𑌸𑌰𑍍𑌵𑌸𑌂𑌪𑌤𑍍𑌕𑌰𑌂 𑌶𑍁𑌭𑌮𑍍 ॥ 16 ॥

𑌚𑌤𑍁𑌰𑍍𑌵𑌾𑌰𑌂 𑌪𑌠𑍇𑌨𑍍𑌨𑌿𑌤𑍍𑌯𑌂 𑌸𑌰𑍍𑌵𑌰𑍋𑌗𑌨𑌿𑌵𑌾𑌰𑌣𑌮𑍍 ।
𑌪𑌂𑌚𑌵𑌾𑌰𑌂 𑌪𑌠𑍇𑌨𑍍𑌨𑌿𑌤𑍍𑌯𑌂 𑌸𑌰𑍍𑌵𑌲𑍋𑌕𑌵𑌶𑌂𑌕𑌰𑌮𑍍 ॥ 1𑍭 ॥

𑌷𑌡𑍍𑌵𑌾𑌰𑌂 𑌚 𑌪𑌠𑍇𑌨𑍍𑌨𑌿𑌤𑍍𑌯𑌂 𑌸𑌰𑍍𑌵𑌦𑍇𑌵𑌵𑌶𑌂𑌕𑌰𑌮𑍍 ।
𑌸𑌪𑍍𑌤𑌵𑌾𑌰𑌂 𑌪𑌠𑍇𑌨𑍍𑌨𑌿𑌤𑍍𑌯𑌂 𑌸𑌰𑍍𑌵𑌸𑍌𑌭𑌾𑌗𑍍𑌯𑌦𑌾𑌯𑌕𑌮𑍍 ॥ 1𑍮 ॥

𑌅𑌷𑍍𑌟𑌵𑌾𑌰𑌂 𑌪𑌠𑍇𑌨𑍍𑌨𑌿𑌤𑍍𑌯𑌮𑌿𑌷𑍍𑌟𑌕𑌾𑌮𑌾𑌰𑍍𑌥𑌸𑌿𑌦𑍍𑌧𑌿𑌦𑌮𑍍 ।
𑌨𑌵𑌵𑌾𑌰𑌂 𑌪𑌠𑍇𑌨𑍍𑌨𑌿𑌤𑍍𑌯𑌂 𑌰𑌾𑌜𑌭𑍋𑌗𑌮𑌵𑌾𑌪𑍍𑌨𑍁𑌯𑌾𑌤𑍍 ॥ 1𑍯 ॥

𑌦𑌶𑌵𑌾𑌰𑌂 𑌪𑌠𑍇𑌨𑍍𑌨𑌿𑌤𑍍𑌯𑌂 𑌤𑍍𑌰𑍈𑌲𑍋𑌕𑍍𑌯𑌜𑍍𑌞𑌾𑌨𑌦𑌰𑍍𑌶𑌨𑌮𑍍 ।
𑌰𑍁𑌦𑍍𑌰𑌾𑌵𑍃𑌤𑍍𑌤𑌿𑌂 𑌪𑌠𑍇𑌨𑍍𑌨𑌿𑌤𑍍𑌯𑌂 𑌸𑌰𑍍𑌵𑌸𑌿𑌦𑍍𑌧𑌿𑌰𑍍𑌭𑌵𑍇𑌦𑍍𑌧𑍃𑌵𑌮𑍍 ॥ 20 ॥

𑌨𑌿𑌰𑍍𑌬𑌲𑍋 𑌰𑍋𑌗𑌯𑍁𑌕𑍍𑌤𑌶𑍍𑌚 𑌮𑌹𑌾𑌵𑍍𑌯𑌾𑌧𑍍𑌯𑌾𑌦𑌿𑌪𑍀𑌡𑌿𑌤𑌃 ।
𑌕𑌵𑌚𑌸𑍍𑌮𑌰𑌣𑍇𑌨𑍈𑌵 𑌮𑌹𑌾𑌬𑌲𑌮𑌵𑌾𑌪𑍍𑌨𑍁𑌯𑌾𑌤𑍍 ॥ 21 ॥

𑌇𑌤𑌿 𑌸𑍁𑌦𑌰𑍍𑌶𑌨𑌸𑌂𑌹𑌿𑌤𑌾𑌯𑌾𑌂 𑌶𑍍𑌰𑍀𑌰𑌾𑌮𑌚𑌂𑌦𑍍𑌰𑌸𑍀𑌤𑌾𑌪𑍍𑌰𑍋𑌕𑍍𑌤𑌂 𑌶𑍍𑌰𑍀 𑌪𑌂𑌚𑌮𑍁𑌖𑌹𑌨𑍁𑌮𑌤𑍍𑌕𑌵𑌚𑌮𑍍 ।