𑌮𑌣𑌿𑌦𑍍𑌵𑍀𑌪 𑌵𑌰𑍍𑌣𑌨 – 2 (𑌦𑍇𑌵𑍀 𑌭𑌾𑌗𑌵𑌤𑌮𑍍)

This Bhakti Granth document is presented in Grantha script, with the original script marks preserved.

(𑌶𑍍𑌰𑍀𑌦𑍇𑌵𑍀𑌭𑌾𑌗𑌵𑌤𑌂, 𑌦𑍍𑌵𑌾𑌦𑌶 𑌸𑍍𑌕𑌂𑌧𑌂, 𑌏𑌕𑌾𑌦𑌶𑍋𑌽𑌧𑍍𑌯𑌾𑌯𑌃, 𑌮𑌣𑌿𑌦𑍍𑌵𑍀𑌪 𑌵𑌰𑍍𑌣𑌨 – 2)

𑌵𑍍𑌯𑌾𑌸 𑌉𑌵𑌾𑌚 ।
𑌪𑍁𑌷𑍍𑌪𑌰𑌾𑌗𑌮𑌯𑌾𑌦𑌗𑍍𑌰𑍇 𑌕𑍁𑌂𑌕𑍁𑌮𑌾𑌰𑍁𑌣𑌵𑌿𑌗𑍍𑌰𑌹𑌃 ।
𑌪𑌦𑍍𑌮𑌰𑌾𑌗𑌮𑌯𑌃 𑌸𑌾𑌲𑍋 𑌮𑌧𑍍𑌯𑍇 𑌭𑍂𑌶𑍍𑌚𑍈𑌵𑌤𑌾𑌦𑍃𑌶𑍀 ॥ 1 ॥

𑌦𑌶𑌯𑍋𑌜𑌨𑌵𑌾𑌂𑌦𑍈𑌰𑍍𑌘𑍍𑌯𑍇 𑌗𑍋𑌪𑍁𑌰𑌦𑍍𑌵𑌾𑌰𑌸𑌂𑌯𑍁𑌤𑌃 ।
𑌤𑌨𑍍𑌮𑌣𑌿𑌸𑍍𑌤𑌂𑌭𑌸𑌂𑌯𑍁𑌕𑍍𑌤𑌾 𑌮𑌂𑌡𑌪𑌾𑌃 𑌶𑌤𑌶𑍋 𑌨𑍃𑌪 ॥ 2 ॥

𑌮𑌧𑍍𑌯𑍇 𑌭𑍁𑌵𑌿𑌸𑌮𑌾𑌸𑍀𑌨𑌾𑌶𑍍𑌚𑌤𑍁𑌃𑌷𑌷𑍍𑌟𑌿𑌮𑌿𑌤𑌾𑌃 𑌕𑌲𑌾𑌃 ।
𑌨𑌾𑌨𑌾𑌯𑍁𑌧𑌧𑌰𑌾𑌵𑍀𑌰𑌾 𑌰𑌤𑍍𑌨𑌭𑍂𑌷𑌣𑌭𑍂𑌷𑌿𑌤𑌾𑌃 ॥ 3 ॥

𑌪𑍍𑌰𑌤𑍍𑌯𑍇𑌕𑌲𑍋𑌕𑌸𑍍𑌤𑌾𑌸𑌾𑌂 𑌤𑍁 𑌤𑌤𑍍𑌤𑌲𑍍𑌲𑍋𑌕𑌸𑍍𑌯𑌨𑌾𑌯𑌕𑌾𑌃 ।
𑌸𑌮𑌂𑌤𑌾𑌤𑍍𑌪𑌦𑍍𑌮𑌰𑌾𑌗𑌸𑍍𑌯 𑌪𑌰𑌿𑌵𑌾𑌰𑍍𑌯𑌸𑍍𑌥𑌿𑌤𑌾𑌃 𑌸𑌦𑌾 ॥ 4 ॥

𑌸𑍍𑌵𑌸𑍍𑌵𑌲𑍋𑌕𑌜𑌨𑍈𑌰𑍍𑌜𑍁𑌷𑍍𑌟𑌾𑌃 𑌸𑍍𑌵𑌸𑍍𑌵𑌵𑌾𑌹𑌨𑌹𑍇𑌤𑌿𑌭𑌿𑌃 ।
𑌤𑌾𑌸𑌾𑌂 𑌨𑌾𑌮𑌾𑌨𑌿 𑌵𑌕𑍍𑌷𑍍𑌯𑌾𑌮𑌿 𑌶𑍃𑌣𑍁 𑌤𑍍𑌵𑌂 𑌜𑌨𑌮𑍇𑌜𑌯 ॥ 5 ॥

𑌪𑌿𑌂𑌗𑌳𑌾𑌕𑍍𑌷𑍀 𑌵𑌿𑌶𑌾𑌲𑌾𑌕𑍍𑌷𑍀 𑌸𑌮𑍃𑌦𑍍𑌧𑌿 𑌵𑍃𑌦𑍍𑌧𑌿𑌰𑍇𑌵 𑌚 ।
𑌶𑍍𑌰𑌦𑍍𑌧𑌾 𑌸𑍍𑌵𑌾𑌹𑌾 𑌸𑍍𑌵𑌧𑌾𑌭𑌿𑌖𑍍𑌯𑌾 𑌮𑌾𑌯𑌾 𑌸𑌂𑌜𑍍𑌞𑌾 𑌵𑌸𑍁𑌂𑌧𑌰𑌾 ॥ 6 ॥

𑌤𑍍𑌰𑌿𑌲𑍋𑌕𑌧𑌾𑌤𑍍𑌰𑍀 𑌸𑌾𑌵𑌿𑌤𑍍𑌰𑍀 𑌗𑌾𑌯𑌤𑍍𑌰𑍀 𑌤𑍍𑌰𑌿𑌦𑌶𑍇𑌶𑍍𑌵𑌰𑍀 ।
𑌸𑍁𑌰𑍂𑌪𑌾 𑌬𑌹𑍁𑌰𑍂𑌪𑌾 𑌚 𑌸𑍍𑌕𑌂𑌦𑌮𑌾𑌤𑌾𑌽𑌚𑍍𑌯𑍁𑌤𑌪𑍍𑌰𑌿𑌯𑌾 ॥ 𑍭 ॥

𑌵𑌿𑌮𑌲𑌾 𑌚𑌾𑌮𑌲𑌾 𑌤𑌦𑍍𑌵𑌦𑌰𑍁𑌣𑍀 𑌪𑍁𑌨𑌰𑌾𑌰𑍁𑌣𑍀 ।
𑌪𑍍𑌰𑌕𑍃𑌤𑌿𑌰𑍍𑌵𑌿𑌕𑍃𑌤𑌿𑌃 𑌸𑍃𑌷𑍍𑌟𑌿𑌃 𑌸𑍍𑌥𑌿𑌤𑌿𑌃 𑌸𑌂𑌹𑍃𑌤𑌿𑌰𑍇𑌵 𑌚 ॥ 𑍮 ॥

𑌸𑌂𑌧𑍍𑌯𑌾𑌮𑌾𑌤𑌾 𑌸𑌤𑍀 𑌹𑌂𑌸𑍀 𑌮𑌰𑍍𑌦𑌿𑌕𑌾 𑌵𑌜𑍍𑌰𑌿𑌕𑌾 𑌪𑌰𑌾 ।
𑌦𑍇𑌵𑌮𑌾𑌤𑌾 𑌭𑌗𑌵𑌤𑍀 𑌦𑍇𑌵𑌕𑍀 𑌕𑌮𑌲𑌾𑌸𑌨𑌾 ॥ 𑍯 ॥

𑌤𑍍𑌰𑌿𑌮𑍁𑌖𑍀 𑌸𑌪𑍍𑌤𑌮𑍁𑌖𑍍𑌯𑌨𑍍𑌯𑌾 𑌸𑍁𑌰𑌾𑌸𑍁𑌰𑌵𑌿𑌮𑌰𑍍𑌦𑌿𑌨𑍀 ।
𑌲𑌂𑌬𑍋𑌷𑍍𑌟𑍀 𑌚𑍋𑌰𑍍𑌧𑍍𑌵𑌕𑍇𑌶𑍀 𑌚 𑌬𑌹𑍁𑌶𑍀𑌰𑍍𑌷𑌾 𑌵𑍃𑌕𑍋𑌦𑌰𑍀 ॥ 10 ॥

𑌰𑌥𑌰𑍇𑌖𑌾𑌹𑍍𑌵𑌯𑌾 𑌪𑌶𑍍𑌚𑌾𑌚𑍍𑌛𑌶𑌿𑌰𑍇𑌖𑌾 𑌤𑌥𑌾 𑌪𑌰𑌾 ।
𑌗𑌗𑌨𑌵𑍇𑌗𑌾 𑌪𑌵𑌨𑌵𑍇𑌗𑌾 𑌚𑍈𑌵 𑌤𑌤𑌃 𑌪𑌰𑌮𑍍 ॥ 11 ॥

𑌅𑌗𑍍𑌰𑍇 𑌭𑍁𑌵𑌨𑌪𑌾𑌲𑌾 𑌸𑍍𑌯𑌾𑌤𑍍𑌤𑌤𑍍𑌪𑌶𑍍𑌚𑌾𑌨𑍍𑌮𑌦𑌨𑌾𑌤𑍁𑌰𑌾 ।
𑌅𑌨𑌂𑌗𑌾𑌨𑌂𑌗𑌮𑌥𑌨𑌾 𑌤𑌥𑍈𑌵𑌾𑌨𑌂𑌗𑌮𑍇𑌖𑌲𑌾 ॥ 12 ॥

𑌅𑌨𑌂𑌗𑌕𑍁𑌸𑍁𑌮𑌾 𑌪𑌶𑍍𑌚𑌾𑌦𑍍𑌵𑌿𑌶𑍍𑌵𑌰𑍂𑌪𑌾 𑌸𑍁𑌰𑌾𑌦𑌿𑌕𑌾 ।
𑌕𑍍𑌷𑌯𑌂𑌕𑌰𑍀 𑌭𑌵𑍇𑌚𑍍𑌛𑌕𑍍𑌤𑌿 𑌰𑌕𑍍𑌷𑍋𑌭𑍍𑌯𑌾 𑌚 𑌤𑌤𑌃 𑌪𑌰𑌮𑍍 ॥ 13 ॥

𑌸𑌤𑍍𑌯𑌵𑌾𑌦𑌿𑌨𑍍𑌯𑌥 𑌪𑍍𑌰𑍋𑌕𑍍𑌤𑌾 𑌬𑌹𑍁𑌰𑍂𑌪𑌾 𑌶𑍁𑌚𑌿𑌵𑍍𑌰𑌤𑌾 ।
𑌉𑌦𑌾𑌰𑌾𑌖𑍍𑌯𑌾 𑌚 𑌵𑌾𑌗𑍀𑌶𑍀 𑌚𑌤𑍁𑌷𑍍𑌷𑌷𑍍𑌟𑌿𑌮𑌿𑌤𑌾𑌃 𑌸𑍍𑌮𑍃𑌤𑌾𑌃 ॥ 14 ॥

𑌜𑍍𑌵𑌲𑌜𑍍𑌜𑌿𑌹𑍍𑌵𑌾𑌨𑌨𑌾𑌃 𑌸𑌰𑍍𑌵𑌾𑌵𑌮𑌂𑌤𑍍𑌯𑍋 𑌵𑌹𑍍𑌨𑌿𑌮𑍁𑌲𑍍𑌬𑌣𑌮𑍍 ।
𑌜𑌲𑌂 𑌪𑌿𑌬𑌾𑌮𑌃 𑌸𑌕𑌲𑌂 𑌸𑌂𑌹𑌰𑌾𑌮𑍋𑌵𑌿𑌭𑌾𑌵𑌸𑍁𑌮𑍍 ॥ 15 ॥

𑌪𑌵𑌨𑌂 𑌸𑍍𑌤𑌂𑌭𑌯𑌾𑌮𑍋𑌦𑍍𑌯 𑌭𑌕𑍍𑌷𑌯𑌾𑌮𑍋𑌽𑌖𑌿𑌲𑌂 𑌜𑌗𑌤𑍍 ।
𑌇𑌤𑌿 𑌵𑌾𑌚𑌂 𑌸𑌂𑌗𑌿𑌰𑌤𑍇 𑌕𑍍𑌰𑍋𑌧 𑌸𑌂𑌰𑌕𑍍𑌤𑌲𑍋𑌚𑌨𑌾𑌃 ॥ 16 ॥

𑌚𑌾𑌪𑌬𑌾𑌣𑌧𑌰𑌾𑌃 𑌸𑌰𑍍𑌵𑌾𑌯𑍁𑌦𑍍𑌧𑌾𑌯𑍈𑌵𑍋𑌤𑍍𑌸𑍁𑌕𑌾𑌃 𑌸𑌦𑌾 ।
𑌦𑌂𑌷𑍍𑌟𑍍𑌰𑌾 𑌕𑌟𑌕𑌟𑌾𑌰𑌾𑌵𑍈𑌰𑍍𑌬𑌧𑌿𑌰𑍀𑌕𑍃𑌤 𑌦𑌿𑌙𑍍𑌮𑍁𑌖𑌾𑌃 ॥ 1𑍭 ॥

𑌪𑌿𑌂𑌗𑍋𑌰𑍍𑌧𑍍𑌵𑌕𑍇𑌶𑍍𑌯𑌃 𑌸𑌂𑌪𑍍𑌰𑍋𑌕𑍍𑌤𑌾𑌶𑍍𑌚𑌾𑌪𑌬𑌾𑌣𑌕𑌰𑌾𑌃 𑌸𑌦𑌾 ।
𑌶𑌤𑌾𑌕𑍍𑌷𑍌𑌹𑌿𑌣𑌿𑌕𑌾 𑌸𑍇𑌨𑌾𑌪𑍍𑌯𑍇𑌕𑍈𑌕𑌸𑍍𑌯𑌾𑌃 𑌪𑍍𑌰𑌕𑍀𑌰𑍍𑌤𑌿𑌤𑌾 ॥ 1𑍮 ॥

𑌏𑌕𑍈𑌕 𑌶𑌕𑍍𑌤𑍇𑌃 𑌸𑌾𑌮𑌰𑍍𑌥𑍍𑌯𑌂 𑌲𑌕𑍍𑌷𑌬𑍍𑌰𑌹𑍍𑌮𑌾𑌂𑌡𑌨𑌾𑌶𑌨𑍇 ।
𑌶𑌤𑌾𑌕𑍍𑌷𑍌𑌹𑌿𑌣𑌿𑌕𑌾𑌸𑍇𑌨𑌾 𑌤𑌾𑌦𑍃𑌶𑍀 𑌨𑍃𑌪 𑌸𑌤𑍍𑌤𑌮 ॥ 1𑍯 ॥

𑌕𑌿𑌂 𑌨 𑌕𑍁𑌰𑍍𑌯𑌾𑌜𑍍𑌜𑌗𑌤𑍍𑌯𑌸𑍍𑌮𑌿𑌨𑍍𑌨𑌶𑌕𑍍𑌯𑌂 𑌵𑌕𑍍𑌤𑍁𑌮𑍇𑌵 𑌤𑌤𑍍 ।
𑌸𑌰𑍍𑌵𑌾𑌪𑌿 𑌯𑍁𑌦𑍍𑌧𑌸𑌾𑌮𑌗𑍍𑌰𑍀 𑌤𑌸𑍍𑌮𑌿𑌨𑍍𑌸𑌾𑌲𑍇 𑌸𑍍𑌥𑌿𑌤𑌾 𑌮𑍁𑌨𑍇 ॥ 20 ॥

𑌰𑌥𑌾𑌨𑌾𑌂 𑌗𑌣𑌨𑌾 𑌨𑌾𑌸𑍍𑌤𑌿 𑌹𑌯𑌾𑌨𑌾𑌂 𑌕𑌰𑌿𑌣𑌾𑌂 𑌤𑌥𑌾 ॥
𑌶𑌸𑍍𑌤𑍍𑌰𑌾𑌣𑌾𑌂 𑌗𑌣𑌨𑌾 𑌤𑌦𑍍𑌵𑌦𑍍𑌗𑌣𑌾𑌨𑌾𑌂 𑌗𑌣𑌨𑌾 𑌤𑌥𑌾 ॥ 21 ॥

𑌪𑌦𑍍𑌮𑌰𑌾𑌗𑌮𑌯𑌾𑌦𑌗𑍍𑌰𑍇 𑌗𑍋𑌮𑍇𑌦𑌮𑌣𑌿𑌨𑌿𑌰𑍍𑌮𑌿𑌤𑌃 ।
𑌦𑌶𑌯𑍋𑌜𑌨𑌦𑍈𑌰𑍍𑌘𑍍𑌯𑍇𑌣 𑌪𑍍𑌰𑌾𑌕𑌾𑌰𑍋 𑌵𑌰𑍍𑌤𑌤𑍇 𑌮𑌹𑌾𑌨𑍍 ॥ 22 ॥

𑌭𑌾𑌸𑍍𑌵𑌜𑍍𑌜𑌪𑌾𑌪𑍍𑌰𑌸𑍂𑌨𑌾𑌭𑍋 𑌮𑌧𑍍𑌯𑌭𑍂𑌸𑍍𑌤𑌸𑍍𑌯 𑌤𑌾𑌦𑍃𑌶𑍀 ।
𑌗𑍋𑌮𑍇𑌦𑌕𑌲𑍍𑌪𑌿𑌤𑌾𑌨𑍍𑌯𑍇𑌵 𑌤𑌦𑍍𑌵𑌾𑌸𑌿 𑌸𑌦𑌨𑌾𑌨𑌿 𑌚 ॥ 23 ॥

𑌪𑌕𑍍𑌷𑌿𑌣𑌃 𑌸𑍍𑌤𑌂𑌭𑌵𑌰𑍍𑌯𑌾𑌶𑍍𑌚 𑌵𑍃𑌕𑍍𑌷𑌾𑌵𑌾𑌪𑍍𑌯𑌃 𑌸𑌰𑌾𑌂𑌸𑌿 𑌚 ।
𑌗𑍋𑌮𑍇𑌦𑌕𑌲𑍍𑌪𑌿𑌤𑌾 𑌏𑌵 𑌕𑍁𑌂𑌕𑍁𑌮𑌾𑌰𑍁𑌣𑌵𑌿𑌗𑍍𑌰𑌹𑌾𑌃 ॥ 24 ॥

𑌤𑌨𑍍𑌮𑌧𑍍𑌯𑌸𑍍𑌥𑌾 𑌮𑌹𑌾𑌦𑍇𑌵𑍍𑌯𑍋 𑌦𑍍𑌵𑌾𑌤𑍍𑌰𑌿𑌂𑌶𑌚𑍍𑌛𑌕𑍍𑌤𑌯𑌃 𑌸𑍍𑌮𑍃𑌤𑌾𑌃 ।
𑌨𑌾𑌨𑌾 𑌶𑌸𑍍𑌤𑍍𑌰𑌪𑍍𑌰𑌹𑌰𑌣𑌾 𑌗𑍋𑌮𑍇𑌦𑌮𑌣𑌿𑌭𑍂𑌷𑌿𑌤𑌾𑌃 ॥ 25 ॥

𑌪𑍍𑌰𑌤𑍍𑌯𑍇𑌕 𑌲𑍋𑌕 𑌵𑌾𑌸𑌿𑌨𑍍𑌯𑌃 𑌪𑌰𑌿𑌵𑌾𑌰𑍍𑌯 𑌸𑌮𑌂𑌤𑌤𑌃 ।
𑌗𑍋𑌮𑍇𑌦𑌸𑌾𑌲𑍇 𑌸𑌨𑍍𑌨𑌦𑍍𑌧𑌾 𑌪𑌿𑌶𑌾𑌚𑌵𑌦𑌨𑌾 𑌨𑍃𑌪 ॥ 26 ॥

𑌸𑍍𑌵𑌰𑍍𑌲𑍋𑌕𑌵𑌾𑌸𑌿𑌭𑌿𑌰𑍍𑌨𑌿𑌤𑍍𑌯𑌂 𑌪𑍂𑌜𑌿𑌤𑌾𑌶𑍍𑌚𑌕𑍍𑌰𑌬𑌾𑌹𑌵𑌃 ।
𑌕𑍍𑌰𑍋𑌧𑌰𑌕𑍍𑌤𑍇𑌕𑍍𑌷𑌣𑌾 𑌭𑌿𑌂𑌧𑌿 𑌪𑌚 𑌚𑍍𑌛𑌿𑌂𑌧𑌿 𑌦𑌹𑍇𑌤𑌿 𑌚 ॥ 2𑍭 ॥

𑌵𑌦𑌂𑌤𑌿 𑌸𑌤𑌤𑌂 𑌵𑌾𑌚𑌂 𑌯𑍁𑌦𑍍𑌧𑍋𑌤𑍍𑌸𑍁𑌕𑌹𑍃𑌦𑌂𑌤𑌰𑌾𑌃 ।
𑌏𑌕𑍈𑌕𑌸𑍍𑌯𑌾 𑌮𑌹𑌾𑌶𑌕𑍍𑌤𑍇𑌰𑍍𑌦𑌶𑌾𑌕𑍍𑌷𑍌𑌹𑌿𑌣𑌿𑌕𑌾 𑌮𑌤𑌾 ॥ 2𑍮 ॥

𑌸𑍇𑌨𑌾 𑌤𑌤𑍍𑌰𑌾𑌪𑍍𑌯𑍇𑌕𑌶𑌕𑍍𑌤𑌿𑌰𑍍𑌲𑌕𑍍𑌷𑌬𑍍𑌰𑌹𑍍𑌮𑌾𑌂𑌡𑌨𑌾𑌶𑌿𑌨𑍀 ।
𑌤𑌾𑌦𑍃𑌶𑍀𑌨𑌾𑌂 𑌮𑌹𑌾𑌸𑍇𑌨𑌾 𑌵𑌰𑍍𑌣𑌨𑍀𑌯𑌾 𑌕𑌥𑌂 𑌨𑍃𑌪 ॥ 2𑍯 ॥

𑌰𑌥𑌾𑌨𑌾𑌂 𑌨𑍈𑌵 𑌗𑌣𑌾𑌨𑌾 𑌵𑌾𑌹𑌨𑌾𑌨𑌾𑌂 𑌤𑌥𑍈𑌵 𑌚 ।
𑌸𑌰𑍍𑌵𑌯𑍁𑌦𑍍𑌧𑌸𑌮𑌾𑌰𑌂𑌭𑌸𑍍𑌤𑌤𑍍𑌰 𑌦𑍇𑌵𑍍𑌯𑌾 𑌵𑌿𑌰𑌾𑌜𑌤𑍇 ॥ 30 ॥

𑌤𑌾𑌸𑌾𑌂 𑌨𑌾𑌮𑌾𑌨𑌿 𑌵𑌕𑍍𑌷𑍍𑌯𑌾𑌮𑌿 𑌪𑌾𑌪𑌨𑌾𑌶𑌕𑌰𑌾𑌣𑌿 𑌚 ।
𑌵𑌿𑌦𑍍𑌯𑌾 𑌹𑍍𑌰𑍀 𑌪𑍁𑌷𑍍𑌟 𑌯𑌃 𑌪𑍍𑌰𑌜𑍍𑌞𑌾 𑌸𑌿𑌨𑍀𑌵𑌾𑌲𑍀 𑌕𑍁𑌹𑍂𑌸𑍍𑌤𑌥𑌾 ॥ 31 ॥

𑌰𑍁𑌦𑍍𑌰𑌾𑌵𑍀𑌰𑍍𑌯𑌾 𑌪𑍍𑌰𑌭𑌾𑌨𑌂𑌦𑌾 𑌪𑍋𑌷𑌿𑌣𑍀 𑌋𑌦𑍍𑌧𑌿𑌦𑌾 𑌶𑍁𑌭𑌾 ।
𑌕𑌾𑌲𑌰𑌾𑌤𑍍𑌰𑌿𑌰𑍍𑌮𑌹𑌾𑌰𑌾𑌤𑍍𑌰𑌿𑌰𑍍𑌭𑌦𑍍𑌰𑌕𑌾𑌲𑍀 𑌕𑌪𑌰𑍍𑌦𑌿𑌨𑍀 ॥ 32 ॥

𑌵𑌿𑌕𑍃𑌤𑌿𑌰𑍍𑌦𑌂𑌡𑌿𑌮𑍁𑌂𑌡𑌿𑌨𑍍𑌯𑍌 𑌸𑍇𑌂𑌦𑍁𑌖𑌂𑌡𑌾 𑌶𑌿𑌖𑌂𑌡𑌿𑌨𑍀 ।
𑌨𑌿𑌶𑍁𑌂𑌭𑌶𑍁𑌂𑌭𑌮𑌥𑌿𑌨𑍀 𑌮𑌹𑌿𑌷𑌾𑌸𑍁𑌰𑌮𑌰𑍍𑌦𑌿𑌨𑍀 ॥ 33 ॥

𑌇𑌂𑌦𑍍𑌰𑌾𑌣𑍀 𑌚𑍈𑌵 𑌰𑍁𑌦𑍍𑌰𑌾𑌣𑍀 𑌶𑌂𑌕𑌰𑌾𑌰𑍍𑌧𑌶𑌰𑍀𑌰𑌿𑌣𑍀 ।
𑌨𑌾𑌰𑍀 𑌨𑌾𑌰𑌾𑌯𑌣𑍀 𑌚𑍈𑌵 𑌤𑍍𑌰𑌿𑌶𑍂𑌲𑌿𑌨𑍍𑌯𑌪𑌿 𑌪𑌾𑌲𑌿𑌨𑍀 ॥ 34 ॥

𑌅𑌂𑌬𑌿𑌕𑌾𑌹𑍍𑌲𑌾𑌦𑌿𑌨𑍀 𑌪𑌶𑍍𑌚𑌾𑌦𑌿𑌤𑍍𑌯𑍇𑌵𑌂 𑌶𑌕𑍍𑌤𑌯𑌃 𑌸𑍍𑌮𑍃𑌤𑌾𑌃 ।
𑌯𑌦𑍍𑌯𑍇𑌤𑌾𑌃 𑌕𑍁𑌪𑌿𑌤𑌾 𑌦𑍇𑌵𑍍𑌯𑌸𑍍𑌤𑌦𑌾 𑌬𑍍𑌰𑌹𑍍𑌮𑌾𑌂𑌡𑌨𑌾𑌶𑌨𑌮𑍍 ॥ 35 ॥

𑌪𑌰𑌾𑌜𑌯𑍋 𑌨 𑌚𑍈𑌤𑌾𑌸𑌾𑌂 𑌕𑌦𑌾𑌚𑌿𑌤𑍍𑌕𑍍𑌵𑌚𑌿𑌦𑌸𑍍𑌤𑌿 𑌹𑌿 ।
𑌗𑍋𑌮𑍇𑌦𑌕𑌮𑌯𑌾𑌦𑌗𑍍𑌰𑍇 𑌸𑌦𑍍𑌵𑌜𑍍𑌰𑌮𑌣𑌿𑌨𑌿𑌰𑍍𑌮𑌿𑌤𑌃 ॥ 36 ॥

𑌦𑌶𑌯𑍋𑌜𑌨 𑌤𑍁𑌂𑌗𑍋𑌽𑌸𑍌 𑌗𑍋𑌪𑍁𑌰𑌦𑍍𑌵𑌾𑌰𑌸𑌂𑌯𑍁𑌤𑌃 ।
𑌕𑌪𑌾𑌟𑌶𑍃𑌂𑌖𑌲𑌾𑌬𑌦𑍍𑌧𑍋 𑌨𑌵𑌵𑍃𑌕𑍍𑌷 𑌸𑌮𑍁𑌜𑍍𑌜𑍍𑌵𑌲𑌃 ॥ 3𑍭 ॥

𑌸𑌾𑌲𑌸𑍍𑌤𑌨𑍍𑌮𑌧𑍍𑌯𑌭𑍂𑌮𑍍𑌯𑌾𑌦𑌿 𑌸𑌰𑍍𑌵𑌂 𑌹𑍀𑌰𑌮𑌯𑌂 𑌸𑍍𑌮𑍃𑌤𑌮𑍍 ।
𑌗𑍃𑌹𑌾𑌣𑌿𑌵𑍀𑌥𑌯𑍋 𑌰𑌥𑍍𑌯𑌾 𑌮𑌹𑌾𑌮𑌾𑌰𑍍𑌗𑌾𑌂 𑌗𑌣𑌾𑌨𑌿 𑌚 ॥ 3𑍮 ॥

𑌵𑍃𑌕𑍍𑌷𑌾𑌲𑌵𑌾𑌲 𑌤𑌰𑌵𑌃 𑌸𑌾𑌰𑌂𑌗𑌾 𑌅𑌪𑌿 𑌤𑌾𑌦𑍃𑌶𑌾𑌃 ।
𑌦𑍀𑌰𑍍𑌘𑌿𑌕𑌾𑌶𑍍𑌰𑍇𑌣𑌯𑍋𑌵𑌾𑌪𑍍𑌯𑌸𑍍𑌤𑌡𑌾𑌗𑌾𑌃 𑌕𑍂𑌪 𑌸𑌂𑌯𑍁𑌤𑌾𑌃 ॥ 3𑍯 ॥

𑌤𑌤𑍍𑌰 𑌶𑍍𑌰𑍀𑌭𑍁𑌵𑌨𑍇𑌶𑍍𑌵𑌰𑍍𑌯𑌾 𑌵𑌸𑌂𑌤𑌿 𑌪𑌰𑌿𑌚𑌾𑌰𑌿𑌕𑌾𑌃 ।
𑌏𑌕𑍈𑌕𑌾 𑌲𑌕𑍍𑌷𑌦𑌾𑌸𑍀𑌭𑌿𑌃 𑌸𑍇𑌵𑌿𑌤𑌾 𑌮𑌦𑌗𑌰𑍍𑌵𑌿𑌤𑌾𑌃 ॥ 40 ॥

𑌤𑌾𑌲𑌵𑍃𑌂𑌤𑌧𑌰𑌾𑌃 𑌕𑌾𑌶𑍍𑌚𑌿𑌚𑍍𑌚𑌷𑌕𑌾𑌢𑍍𑌯 𑌕𑌰𑌾𑌂𑌬𑍁𑌜𑌾𑌃 ।
𑌕𑌾𑌶𑍍𑌚𑌿𑌤𑍍𑌤𑌾𑌂𑌬𑍂𑌲𑌪𑌾𑌤𑍍𑌰𑌾𑌣𑌿 𑌧𑌾𑌰𑌯𑌂𑌤𑍍𑌯𑍋𑌽𑌤𑌿𑌗𑌰𑍍𑌵𑌿𑌤𑌾𑌃 ॥ 41 ॥

𑌕𑌾𑌶𑍍𑌚𑌿𑌤𑍍𑌤𑌚𑍍𑌛𑌤𑍍𑌰𑌧𑌾𑌰𑌿𑌣𑍍𑌯𑌶𑍍𑌚𑌾𑌮𑌰𑌾𑌣𑌾𑌂 𑌵𑌿𑌧𑌾𑌰𑌿𑌕𑌾𑌃 ।
𑌨𑌾𑌨𑌾 𑌵𑌸𑍍𑌤𑍍𑌰𑌧𑌰𑌾𑌃 𑌕𑌾𑌶𑍍𑌚𑌿𑌤𑍍𑌕𑌾𑌶𑍍𑌚𑌿𑌤𑍍𑌪𑍁𑌷𑍍𑌪 𑌕𑌰𑌾𑌂𑌬𑍁𑌜𑌾𑌃 ॥ 42 ॥

𑌨𑌾𑌨𑌾𑌦𑌰𑍍𑌶𑌕𑌰𑌾𑌃 𑌕𑌾𑌶𑍍𑌚𑌿𑌤𑍍𑌕𑌾𑌶𑍍𑌚𑌿𑌤𑍍𑌕𑍁𑌂𑌕𑍁𑌮𑌲𑍇𑌪𑌨𑌮𑍍 ।
𑌧𑌾𑌰𑌯𑌂𑌤𑍍𑌯𑌃 𑌕𑌜𑍍𑌜𑌲𑌂 𑌚 𑌸𑌿𑌂𑌦𑍂𑌰 𑌚𑌷𑌕𑌂 𑌪𑌰𑌾𑌃 ॥ 43 ॥

𑌕𑌾𑌶𑍍𑌚𑌿𑌚𑍍𑌚𑌿𑌤𑍍𑌰𑌕 𑌨𑌿𑌰𑍍𑌮𑌾𑌤𑍍𑌰𑍍𑌯𑌃 𑌪𑌾𑌦 𑌸𑌂𑌵𑌾𑌹𑌨𑍇 𑌰𑌤𑌾𑌃 ।
𑌕𑌾𑌶𑍍𑌚𑌿𑌤𑍍𑌤𑍁 𑌭𑍂𑌷𑌾𑌕𑌾𑌰𑌿𑌣𑍍𑌯𑍋 𑌨𑌾𑌨𑌾 𑌭𑍂𑌷𑌾𑌧𑌰𑌾𑌃 𑌪𑌰𑌾𑌃 ॥ 44 ॥

𑌪𑍁𑌷𑍍𑌪𑌭𑍂𑌷𑌣 𑌨𑌿𑌰𑍍𑌮𑌾𑌤𑍍𑌰𑍍𑌯𑌃 𑌪𑍁𑌷𑍍𑌪𑌶𑍃𑌂𑌗𑌾𑌰𑌕𑌾𑌰𑌿𑌕𑌾𑌃 ।
𑌨𑌾𑌨𑌾 𑌵𑌿𑌲𑌾𑌸𑌚𑌤𑍁𑌰𑌾 𑌬𑌹𑍍𑌵𑍍𑌯 𑌏𑌵𑌂 𑌵𑌿𑌧𑌾𑌃 𑌪𑌰𑌾𑌃 ॥ 45 ॥

𑌨𑌿𑌬𑌦𑍍𑌧 𑌪𑌰𑌿𑌧𑌾𑌨𑍀𑌯𑌾 𑌯𑍁𑌵𑌤𑍍𑌯𑌃 𑌸𑌕𑌲𑌾 𑌅𑌪𑌿 ।
𑌦𑍇𑌵𑍀 𑌕𑍃𑌪𑌾 𑌲𑍇𑌶𑌵𑌶𑌾𑌤𑍍𑌤𑍁𑌚𑍍𑌛𑍀𑌕𑍃𑌤 𑌜𑌗𑌤𑍍𑌤𑍍𑌰𑌯𑌾𑌃 ॥ 46 ॥

𑌏𑌤𑌾 𑌦𑍂𑌤𑍍𑌯𑌃 𑌸𑍍𑌮𑍃𑌤𑌾 𑌦𑍇𑌵𑍍𑌯𑌃 𑌶𑍃𑌂𑌗𑌾𑌰𑌮𑌦𑌗𑌰𑍍𑌵𑌿𑌤𑌾𑌃 ।
𑌤𑌾𑌸𑌾𑌂 𑌨𑌾𑌮𑌾𑌨𑌿 𑌵𑌕𑍍𑌷𑍍𑌯𑌾𑌮𑌿 𑌶𑍃𑌣𑍁 𑌮𑍇 𑌨𑍃𑌪𑌸𑌤𑍍𑌤𑌮 ॥ 4𑍭 ॥

𑌅𑌨𑌂𑌗𑌰𑍂𑌪𑌾 𑌪𑍍𑌰𑌥𑌮𑌾𑌪𑍍𑌯𑌨𑌂𑌗𑌮𑌦𑌨𑌾 𑌪𑌰𑌾 ।
𑌤𑍃𑌤𑍀𑌯𑌾𑌤𑍁 𑌤𑌤𑌃 𑌪𑍍𑌰𑍋𑌕𑍍𑌤𑌾 𑌸𑍁𑌂𑌦𑌰𑍀 𑌮𑌦𑌨𑌾𑌤𑍁𑌰𑌾 ॥ 4𑍮 ॥

𑌤𑌤𑍋 𑌭𑍁𑌵𑌨𑌵𑍇𑌗𑌾𑌸𑍍𑌯𑌾𑌤𑍍𑌤𑌥𑌾 𑌭𑍁𑌵𑌨𑌪𑌾𑌲𑌿𑌕𑌾 ।
𑌸𑍍𑌯𑌾𑌤𑍍𑌸𑌰𑍍𑌵𑌶𑌿𑌶𑌿𑌰𑌾𑌨𑌂𑌗𑌵𑍇𑌦𑌨𑌾𑌨𑌂𑌗𑌮𑍇𑌖𑌲𑌾 ॥ 4𑍯 ॥

𑌵𑌿𑌦𑍍𑌯𑍁𑌦𑍍𑌦𑌾𑌮𑌸𑌮𑌾𑌨𑌾𑌂𑌗𑍍𑌯𑌃 𑌕𑍍𑌵𑌣𑌤𑍍𑌕𑌾𑌂𑌚𑍀𑌗𑍁𑌣𑌾𑌨𑍍𑌵𑌿𑌤𑌾𑌃 ।
𑌰𑌣𑌨𑍍𑌮𑌂𑌜𑍀𑌰𑌚𑌰𑌣𑌾 𑌬𑌹𑌿𑌰𑌂𑌤𑌰𑌿𑌤𑌸𑍍𑌤𑌤𑌃 ॥ 50 ॥

𑌧𑌾𑌵𑌮𑌾𑌨𑌾𑌸𑍍𑌤𑍁 𑌶𑍋𑌭𑌂𑌤𑍇 𑌸𑌰𑍍𑌵𑌾 𑌵𑌿𑌦𑍍𑌯𑍁𑌲𑍍𑌲𑌤𑍋𑌪𑌮𑌾𑌃 ।
𑌕𑍁𑌶𑌲𑌾𑌃 𑌸𑌰𑍍𑌵𑌕𑌾𑌰𑍍𑌯𑍇𑌷𑍁 𑌵𑍇𑌤𑍍𑌰𑌹𑌸𑍍𑌤𑌾𑌃 𑌸𑌮𑌂𑌤𑌤𑌃 ॥ 51 ॥

𑌅𑌷𑍍𑌟𑌦𑌿𑌕𑍍𑌷𑍁𑌤𑌥𑍈𑌤𑌾𑌸𑌾𑌂 𑌪𑍍𑌰𑌾𑌕𑌾𑌰𑌾𑌦𑍍𑌬𑌹𑌿𑌰𑍇𑌵 𑌚 ।
𑌸𑌦𑌨𑌾𑌨𑌿 𑌵𑌿𑌰𑌾𑌜𑌂𑌤𑍇 𑌨𑌾𑌨𑌾 𑌵𑌾𑌹𑌨𑌹𑍇𑌤𑌿𑌭𑌿𑌃 ॥ 52 ॥

𑌵𑌜𑍍𑌰𑌸𑌾𑌲𑌾𑌦𑌗𑍍𑌰𑌭𑌾𑌗𑍇 𑌸𑌾𑌲𑍋 𑌵𑍈𑌦𑍂𑌰𑍍𑌯𑌨𑌿𑌰𑍍𑌮𑌿𑌤𑌃 ।
𑌦𑌶𑌯𑍋𑌜𑌨𑌤𑍁𑌂𑌗𑍋𑌽𑌸𑍌 𑌗𑍋𑌪𑍁𑌰𑌦𑍍𑌵𑌾𑌰𑌭𑍂𑌷𑌿𑌤𑌃 ॥ 53 ॥

𑌵𑍈𑌦𑍂𑌰𑍍𑌯𑌭𑍂𑌮𑌿𑌃 𑌸𑌰𑍍𑌵𑌾𑌪𑌿𑌗𑍃𑌹𑌾𑌣𑌿 𑌵𑌿𑌵𑌿𑌧𑌾𑌨𑌿 𑌚 ।
𑌵𑍀𑌥𑍍𑌯𑍋 𑌰𑌥𑍍𑌯𑌾 𑌮𑌹𑌾𑌮𑌾𑌰𑍍𑌗𑌾𑌃 𑌸𑌰𑍍𑌵𑍇 𑌵𑍇𑌦𑍂𑌰𑍍𑌯𑌨𑌿𑌰𑍍𑌮𑌿𑌤𑌾𑌃 ॥ 54 ॥

𑌵𑌾𑌪𑍀 𑌕𑍂𑌪 𑌤𑌡𑌾𑌗𑌾𑌶𑍍𑌚 𑌸𑍍𑌰𑌵𑌂𑌤𑍀𑌨𑌾𑌂 𑌤𑌟𑌾𑌨𑌿 𑌚 ।
𑌵𑌾𑌲𑍁𑌕𑌾 𑌚𑍈𑌵 𑌸𑌰𑍍𑌵𑌾𑌽𑌪𑌿 𑌵𑍈𑌦𑍂𑌰𑍍𑌯𑌮𑌣𑌿𑌨𑌿𑌰𑍍𑌮𑌿𑌤𑌾 ॥ 55 ॥

𑌤𑌤𑍍𑌰𑌾𑌷𑍍𑌟𑌦𑌿𑌕𑍍𑌷𑍁𑌪𑌰𑌿𑌤𑍋 𑌬𑍍𑌰𑌾𑌹𑍍𑌮𑍍𑌯𑌾𑌦𑍀𑌨𑌾𑌂 𑌚 𑌮𑌂𑌡𑌲𑌮𑍍 ।
𑌨𑌿𑌜𑍈𑌰𑍍𑌗𑌣𑍈𑌃 𑌪𑌰𑌿𑌵𑍃𑌤𑌂 𑌭𑍍𑌰𑌾𑌜𑌤𑍇 𑌨𑍃𑌪𑌸𑌤𑍍𑌤𑌮 ॥ 56 ॥

𑌪𑍍𑌰𑌤𑌿𑌬𑍍𑌰𑌹𑍍𑌮𑌾𑌂𑌡𑌮𑌾𑌤𑍃𑌣𑌾𑌂 𑌤𑌾𑌃 𑌸𑌮𑌷𑍍𑌟𑌯 𑌈𑌰𑌿𑌤𑌾𑌃 ।
𑌬𑍍𑌰𑌾𑌹𑍍𑌮𑍀 𑌮𑌾𑌹𑍇𑌶𑍍𑌵𑌰𑍀 𑌚𑍈𑌵 𑌕𑍌𑌮𑌾𑌰𑍀 𑌵𑍈𑌷𑍍𑌣𑌵𑍀 𑌤𑌥𑌾 ॥5𑍭 ॥

𑌵𑌾𑌰𑌾𑌹𑍀 𑌚 𑌤𑌥𑍇𑌂𑌦𑍍𑌰𑌾𑌣𑍀 𑌚𑌾𑌮𑍁𑌂𑌡𑌾𑌃 𑌸𑌪𑍍𑌤𑌮𑌾𑌤𑌰𑌃 ।
𑌅𑌷𑍍𑌟𑌮𑍀 𑌤𑍁 𑌮𑌹𑌾𑌲𑌕𑍍𑌷𑍍𑌮𑍀𑌰𑍍𑌨𑌾𑌮𑍍𑌨𑌾 𑌪𑍍𑌰𑍋𑌕𑍍𑌤𑌾𑌸𑍍𑌤𑍁 𑌮𑌾𑌤𑌰𑌃 ॥ 5𑍮 ॥

𑌬𑍍𑌰𑌹𑍍𑌮𑌰𑍁𑌦𑍍𑌰𑌾𑌦𑌿𑌦𑍇𑌵𑌾𑌨𑌾𑌂 𑌸𑌮𑌾𑌕𑌾𑌰𑌾 𑌸𑍍𑌤𑍁𑌤𑌾𑌃 𑌸𑍍𑌮𑍃𑌤𑌾𑌃 ।
𑌜𑌗𑌤𑍍𑌕𑌳𑍍𑌯𑌾𑌣𑌕𑌾𑌰𑌿𑌣𑍍𑌯𑌃 𑌸𑍍𑌵𑌸𑍍𑌵𑌸𑍇𑌨𑌾𑌸𑌮𑌾𑌵𑍃𑌤𑌾𑌃 ॥ 5𑍯 ॥

𑌤𑌤𑍍𑌸𑌾𑌲𑌸𑍍𑌯 𑌚𑌤𑍁𑌰𑍍𑌦𑍍𑌵𑌾𑌰𑍍𑌷𑍁 𑌵𑌾𑌹𑌨𑌾𑌨𑌿 𑌮𑌹𑍇𑌶𑌿𑌤𑍁𑌃 ।
𑌸𑌜𑍍𑌜𑌾𑌨𑌿 𑌨𑍃𑌪𑌤𑍇 𑌸𑌂𑌤𑌿 𑌸𑌾𑌲𑌂𑌕𑌾𑌰𑌾𑌣𑌿 𑌨𑌿𑌤𑍍𑌯𑌶𑌃 ॥ 60 ॥

𑌦𑌂𑌤𑌿𑌨𑌃 𑌕𑍋𑌟𑌿𑌶𑍋 𑌵𑌾𑌹𑌾𑌃 𑌕𑍋𑌟𑌿𑌶𑌃 𑌶𑌿𑌬𑌿𑌕𑌾𑌸𑍍𑌤𑌥𑌾 ।
𑌹𑌂𑌸𑌾𑌃 𑌸𑌿𑌂𑌹𑌾𑌶𑍍𑌚 𑌗𑌰𑍁𑌡𑌾 𑌮𑌯𑍂𑌰𑌾 𑌵𑍃𑌷𑌭𑌾𑌸𑍍𑌤𑌥𑌾 ॥ 61 ॥

𑌤𑍈𑌰𑍍𑌯𑍁𑌕𑍍𑌤𑌾𑌃 𑌸𑍍𑌯𑌂𑌦𑌨𑌾𑌸𑍍𑌤𑌦𑍍𑌵𑌤𑍍𑌕𑍋𑌟𑌿𑌶𑍋 𑌨𑍃𑌪𑌨𑌂𑌦𑌨 ।
𑌪𑌾𑌰𑍍𑌷𑍍𑌣𑌿𑌗𑍍𑌰𑌾𑌹𑌸𑌮𑌾𑌯𑍁𑌕𑍍𑌤𑌾 𑌧𑍍𑌵𑌜𑍈𑌰𑌾𑌕𑌾𑌶𑌚𑍁𑌂𑌬𑌿𑌨𑌃 ॥ 62 ॥

𑌕𑍋𑌟𑌿𑌶𑌸𑍍𑌤𑍁 𑌵𑌿𑌮𑌾𑌨𑌾𑌨𑌿 𑌨𑌾𑌨𑌾 𑌚𑌿𑌹𑍍𑌨𑌾𑌨𑍍𑌵𑌿𑌤𑌾𑌨𑌿 𑌚 ।
𑌨𑌾𑌨𑌾 𑌵𑌾𑌦𑌿𑌤𑍍𑌰𑌯𑍁𑌕𑍍𑌤𑌾𑌨𑌿 𑌮𑌹𑌾𑌧𑍍𑌵𑌜𑌯𑍁𑌤𑌾𑌨𑌿 𑌚 ॥ 63 ॥

𑌵𑍈𑌦𑍂𑌰𑍍𑌯𑌮𑌣𑌿 𑌸𑌾𑌲𑌸𑍍𑌯𑌾𑌪𑍍𑌯𑌗𑍍𑌰𑍇 𑌸𑌾𑌲𑌃 𑌪𑌰𑌃 𑌸𑍍𑌮𑍃𑌤𑌃 ।
𑌦𑌶𑌯𑍋𑌜𑌨 𑌤𑍁𑌂𑌗𑍋𑌽𑌸𑌾𑌵𑌿𑌂𑌦𑍍𑌰𑌨𑍀𑌲𑌾𑌶𑍍𑌮𑌨𑌿𑌰𑍍𑌮𑌿𑌤𑌃 ॥ 64 ॥

𑌤𑌨𑍍𑌮𑌧𑍍𑌯 𑌭𑍂𑌸𑍍𑌤𑌥𑌾 𑌵𑍀𑌥𑍍𑌯𑍋 𑌮𑌹𑌾𑌮𑌾𑌰𑍍𑌗𑌾 𑌗𑍃𑌹𑌾𑌣𑌿 𑌚 ।
𑌵𑌾𑌪𑍀 𑌕𑍂𑌪 𑌤𑌡𑌾𑌗𑌾𑌶𑍍𑌚 𑌸𑌰𑍍𑌵𑍇 𑌤𑌨𑍍𑌮𑌣𑌿𑌨𑌿𑌰𑍍𑌮𑌿𑌤𑌾𑌃 ॥ 65 ॥

𑌤𑌤𑍍𑌰 𑌪𑌦𑍍𑌮 𑌤𑍁 𑌸𑌂𑌪𑍍𑌰𑍋𑌕𑍍𑌤𑌂 𑌬𑌹𑍁𑌯𑍋𑌜𑌨 𑌵𑌿𑌸𑍍𑌤𑍃𑌤𑌮𑍍 ।
𑌷𑍋𑌡𑌶𑌾𑌰𑌂 𑌦𑍀𑌪𑍍𑌯𑌮𑌾𑌨𑌂 𑌸𑍁𑌦𑌰𑍍𑌶𑌨𑌮𑌿𑌵𑌾𑌪𑌰𑌮𑍍 ॥ 66 ॥

𑌤𑌤𑍍𑌰 𑌷𑍋𑌡𑌶𑌶𑌕𑍍𑌤𑍀𑌨𑌾𑌂 𑌸𑍍𑌥𑌾𑌨𑌾𑌨𑌿 𑌵𑌿𑌵𑌿𑌧𑌾𑌨𑌿 𑌚 ।
𑌸𑌰𑍍𑌵𑍋𑌪𑌸𑍍𑌕𑌰𑌯𑍁𑌕𑍍𑌤𑌾𑌨𑌿 𑌸𑌮𑍃𑌦𑍍𑌧𑌾𑌨𑌿 𑌵𑌸𑌂𑌤𑌿 𑌹𑌿 ॥ 6𑍭 ॥

𑌤𑌾𑌸𑌾𑌂 𑌨𑌾𑌮𑌾𑌨𑌿 𑌵𑌕𑍍𑌷𑍍𑌯𑌾𑌮𑌿 𑌶𑍃𑌣𑍁 𑌮𑍇 𑌨𑍃𑌪𑌸𑌤𑍍𑌤𑌮 ।
𑌕𑌰𑌾𑌳𑍀 𑌵𑌿𑌕𑌰𑌾𑌳𑍀 𑌚 𑌤𑌥𑍋𑌮𑌾 𑌚 𑌸𑌰𑌸𑍍𑌵𑌤𑍀 ॥ 6𑍮 ॥

𑌶𑍍𑌰𑍀 𑌦𑍁𑌰𑍍𑌗𑍋𑌷𑌾 𑌤𑌥𑌾 𑌲𑌕𑍍𑌷𑍍𑌮𑍀𑌃 𑌶𑍍𑌰𑍁𑌤𑌿𑌶𑍍𑌚𑍈𑌵 𑌸𑍍𑌮𑍃𑌤𑌿𑌰𑍍𑌧𑍃𑌤𑌿𑌃 ।
𑌶𑍍𑌰𑌦𑍍𑌧𑌾 𑌮𑍇𑌧𑌾 𑌮𑌤𑌿𑌃 𑌕𑌾𑌂𑌤𑌿𑌰𑌾𑌰𑍍𑌯𑌾 𑌷𑍋𑌡𑌶𑌶𑌕𑍍𑌤𑌯𑌃 ॥ 6𑍯 ॥

𑌨𑍀𑌲𑌜𑍀𑌮𑍂𑌤𑌸𑌂𑌕𑌾𑌶𑌾𑌃 𑌕𑌰𑌵𑌾𑌲 𑌕𑌰𑌾𑌂𑌬𑍁𑌜𑌾𑌃 ।
𑌸𑌮𑌾𑌃 𑌖𑍇𑌟𑌕𑌧𑌾𑌰𑌿𑌣𑍍𑌯𑍋 𑌯𑍁𑌦𑍍𑌧𑍋𑌪𑌕𑍍𑌰𑌾𑌂𑌤 𑌮𑌾𑌨𑌸𑌾𑌃 ॥ 𑍭0 ॥

𑌸𑍇𑌨𑌾𑌨𑍍𑌯𑌃 𑌸𑌕𑌲𑌾 𑌏𑌤𑌾𑌃 𑌶𑍍𑌰𑍀𑌦𑍇𑌵𑍍𑌯𑌾 𑌜𑌗𑌦𑍀𑌶𑌿𑌤𑍁𑌃 ।
𑌪𑍍𑌰𑌤𑌿𑌬𑍍𑌰𑌹𑍍𑌮𑌾𑌂𑌡𑌸𑌂𑌸𑍍𑌥𑌾𑌨𑌾𑌂 𑌶𑌕𑍍𑌤𑍀𑌨𑌾𑌂 𑌨𑌾𑌯𑌿𑌕𑌾𑌃 𑌸𑍍𑌮𑍃𑌤𑌾𑌃 ॥ 𑍭1 ॥

𑌬𑍍𑌰𑌹𑍍𑌮𑌾𑌂𑌡𑌕𑍍𑌷𑍋𑌭𑌕𑌾𑌰𑌿𑌣𑍍𑌯𑍋 𑌦𑍇𑌵𑍀 𑌶𑌕𑍍𑌤𑍍𑌯𑍁𑌪𑌬𑍃𑌂𑌹𑌿𑌤𑌾𑌃 ।
𑌨𑌾𑌨𑌾 𑌰𑌥𑌸𑌮𑌾𑌰𑍂𑌢𑌾 𑌨𑌾𑌨𑌾 𑌶𑌕𑍍𑌤𑌿𑌭𑌿𑌰𑌨𑍍𑌵𑌿𑌤𑌾𑌃 ॥ 𑍭2 ॥

𑌏𑌤𑌤𑍍𑌪𑌰𑌾𑌕𑍍𑌰𑌮𑌂 𑌵𑌕𑍍𑌤𑍁𑌂 𑌸𑌹𑌸𑍍𑌰𑌾𑌸𑍍𑌯𑍋𑌽𑌪𑌿 𑌨 𑌕𑍍𑌷𑌮𑌃 ।
𑌇𑌂𑌦𑍍𑌰𑌨𑍀𑌲𑌮𑌹𑌾𑌸𑌾𑌲𑌾𑌦𑌗𑍍𑌰𑍇 𑌤𑍁 𑌬𑌹𑍁𑌵𑌿𑌸𑍍𑌤𑍃𑌤𑌃 ॥ 𑍭3 ॥

𑌮𑍁𑌕𑍍𑌤𑌾𑌪𑍍𑌰𑌾𑌕𑌾𑌰 𑌉𑌦𑌿𑌤𑍋 𑌦𑌶𑌯𑍋𑌜𑌨 𑌦𑍈𑌰𑍍𑌘𑍍𑌯𑌵𑌾𑌨𑍍 ।
𑌮𑌧𑍍𑌯𑌭𑍂𑌃 𑌪𑍂𑌰𑍍𑌵𑌵𑌤𑍍𑌪𑍍𑌰𑍋𑌕𑍍𑌤𑌾 𑌤𑌨𑍍𑌮𑌧𑍍𑌯𑍇𑌽𑌷𑍍𑌟𑌦𑌳𑌾𑌂𑌬𑍁𑌜𑌮𑍍 ॥ 𑍭4 ॥

𑌮𑍁𑌕𑍍𑌤𑌾𑌮𑌣𑌿𑌗𑌣𑌾𑌕𑍀𑌰𑍍𑌣𑌂 𑌵𑌿𑌸𑍍𑌤𑍃𑌤𑌂 𑌤𑍁 𑌸𑌕𑍇𑌸𑌰𑌮𑍍 ।
𑌤𑌤𑍍𑌰 𑌦𑍇𑌵𑍀𑌸𑌮𑌾𑌕𑌾𑌰𑌾 𑌦𑍇𑌵𑍍𑌯𑌾𑌯𑍁𑌧𑌧𑌰𑌾𑌃 𑌸𑌦𑌾 ॥ 𑍭5 ॥

𑌸𑌂𑌪𑍍𑌰𑍋𑌕𑍍𑌤𑌾 𑌅𑌷𑍍𑌟𑌮𑌂𑌤𑍍𑌰𑌿𑌣𑍍𑌯𑍋 𑌜𑌗𑌦𑍍𑌵𑌾𑌰𑍍𑌤𑌾𑌪𑍍𑌰𑌬𑍋𑌧𑌿𑌕𑌾𑌃 ।
𑌦𑍇𑌵𑍀𑌸𑌮𑌾𑌨𑌭𑍋𑌗𑌾𑌸𑍍𑌤𑌾 𑌇𑌂𑌗𑌿𑌤𑌜𑍍𑌞𑌾𑌸𑍍𑌤𑍁𑌪𑌂𑌡𑌿𑌤𑌾𑌃 ॥ 𑍭6 ॥

𑌕𑍁𑌶𑌲𑌾𑌃 𑌸𑌰𑍍𑌵𑌕𑌾𑌰𑍍𑌯𑍇𑌷𑍁 𑌸𑍍𑌵𑌾𑌮𑌿𑌕𑌾𑌰𑍍𑌯𑌪𑌰𑌾𑌯𑌣𑌾𑌃 ।
𑌦𑍇𑌵𑍍𑌯𑌭𑌿𑌪𑍍𑌰𑌾𑌯 𑌬𑍋𑌧𑍍𑌯𑌸𑍍𑌤𑌾𑌶𑍍𑌚𑌤𑍁𑌰𑌾 𑌅𑌤𑌿𑌸𑍁𑌂𑌦𑌰𑌾𑌃 ॥ 𑍭𑍭 ॥

𑌨𑌾𑌨𑌾 𑌶𑌕𑍍𑌤𑌿𑌸𑌮𑌾𑌯𑍁𑌕𑍍𑌤𑌾𑌃 𑌪𑍍𑌰𑌤𑌿𑌬𑍍𑌰𑌹𑍍𑌮𑌾𑌂𑌡𑌵𑌰𑍍𑌤𑌿𑌨𑌾𑌮𑍍 ।
𑌪𑍍𑌰𑌾𑌣𑌿𑌨𑌾𑌂 𑌤𑌾𑌃 𑌸𑌮𑌾𑌚𑌾𑌰𑌂 𑌜𑍍𑌞𑌾𑌨𑌶𑌕𑍍𑌤𑍍𑌯𑌾𑌵𑌿𑌦𑌂𑌤𑌿 𑌚 ॥ 𑍭𑍮 ॥

𑌤𑌾𑌸𑌾𑌂 𑌨𑌾𑌮𑌾𑌨𑌿 𑌵𑌕𑍍𑌷𑍍𑌯𑌾𑌮𑌿 𑌮𑌤𑍍𑌤𑌃 𑌶𑍃𑌣𑍁 𑌨𑍃𑌪𑍋𑌤𑍍𑌤𑌮 ।
𑌅𑌨𑌂𑌗𑌕𑍁𑌸𑍁𑌮𑌾 𑌪𑍍𑌰𑍋𑌕𑍍𑌤𑌾𑌪𑍍𑌯𑌨𑌂𑌗𑌕𑍁𑌸𑍁𑌮𑌾𑌤𑍁𑌰𑌾 ॥ 𑍭𑍯 ॥

𑌅𑌨𑌂𑌗𑌮𑌦𑌨𑌾 𑌤𑌦𑍍𑌵𑌦𑌨𑌂𑌗𑌮𑌦𑌨𑌾𑌤𑍁𑌰𑌾 ।
𑌭𑍁𑌵𑌨𑌪𑌾𑌲𑌾 𑌗𑌗𑌨𑌵𑍇𑌗𑌾 𑌚𑍈𑌵 𑌤𑌤𑌃 𑌪𑌰𑌮𑍍 ॥ 𑍮0 ॥

𑌶𑌶𑌿𑌰𑍇𑌖𑌾 𑌚 𑌗𑌗𑌨𑌰𑍇𑌖𑌾 𑌚𑍈𑌵 𑌤𑌤𑌃 𑌪𑌰𑌮𑍍 ।
𑌪𑌾𑌶𑌾𑌂𑌕𑍁𑌶𑌵𑌰𑌾𑌭𑍀𑌤𑌿𑌧𑌰𑌾 𑌅𑌰𑍁𑌣𑌵𑌿𑌗𑍍𑌰𑌹𑌾𑌃 ॥ 𑍮1 ॥

𑌵𑌿𑌶𑍍𑌵𑌸𑌂𑌬𑌂𑌧𑌿𑌨𑍀𑌂 𑌵𑌾𑌰𑍍𑌤𑌾𑌂 𑌬𑍋𑌧𑌯𑌂𑌤𑌿 𑌪𑍍𑌰𑌤𑌿𑌕𑍍𑌷𑌣𑌮𑍍 ।
𑌮𑍁𑌕𑍍𑌤𑌾𑌸𑌾𑌲𑌾𑌦𑌗𑍍𑌰𑌭𑌾𑌗𑍇 𑌮𑌹𑌾𑌮𑌾𑌰𑌕𑌤𑍋 𑌪𑌰𑌃 ॥ 𑍮2 ॥

𑌸𑌾𑌲𑍋𑌤𑍍𑌤𑌮𑌃 𑌸𑌮𑍁𑌦𑍍𑌦𑌿𑌷𑍍𑌟𑍋 𑌦𑌶𑌯𑍋𑌜𑌨 𑌦𑍈𑌰𑍍𑌘𑍍𑌯𑌵𑌾𑌨𑍍 ।
𑌨𑌾𑌨𑌾 𑌸𑍌𑌭𑌾𑌗𑍍𑌯𑌸𑌂𑌯𑍁𑌕𑍍𑌤𑍋 𑌨𑌾𑌨𑌾 𑌭𑍋𑌗𑌸𑌮𑌨𑍍𑌵𑌿𑌤𑌃 ॥ 𑍮3 ॥

𑌮𑌧𑍍𑌯𑌭𑍂𑌸𑍍𑌤𑌾𑌦𑍃𑌶𑍀 𑌪𑍍𑌰𑍋𑌕𑍍𑌤𑌾 𑌸𑌦𑌨𑌾𑌨𑌿 𑌤𑌥𑍈𑌵 𑌚 ।
𑌷𑌟𑍍𑌕𑍋𑌣𑌮𑌤𑍍𑌰𑌵𑌿𑌸𑍍𑌤𑍀𑌰𑍍𑌣𑌂 𑌕𑍋𑌣𑌸𑍍𑌥𑌾 𑌦𑍇𑌵𑌤𑌾𑌃 𑌶𑍃𑌣𑍁𑌃 ॥ 𑍮4 ॥

𑌪𑍂𑌰𑍍𑌵𑌕𑍋𑌣𑍇 𑌚𑌤𑍁𑌰𑍍𑌵𑌕𑍍𑌤𑍍𑌰𑍋 𑌗𑌾𑌯𑌤𑍍𑌰𑍀 𑌸𑌹𑌿𑌤𑍋 𑌵𑌿𑌧𑌿𑌃 ।
𑌕𑍁𑌂𑌡𑌿𑌕𑌾𑌕𑍍𑌷𑌗𑍁𑌣𑌾𑌭𑍀𑌤𑌿 𑌦𑌂𑌡𑌾𑌯𑍁𑌧𑌧𑌰𑌃 𑌪𑌰𑌃 ॥ 𑍮5 ॥

𑌤𑌦𑌾𑌯𑍁𑌧𑌧𑌰𑌾 𑌦𑍇𑌵𑍀 𑌗𑌾𑌯𑌤𑍍𑌰𑍀 𑌪𑌰𑌦𑍇𑌵𑌤𑌾 ।
𑌵𑍇𑌦𑌾𑌃 𑌸𑌰𑍍𑌵𑍇 𑌮𑍂𑌰𑍍𑌤𑌿𑌮𑌂𑌤𑌃 𑌶𑌾𑌸𑍍𑌤𑍍𑌰𑌾𑌣𑌿 𑌵𑌿𑌵𑌿𑌧𑌾𑌨𑌿 𑌚 ॥ 𑍮6 ॥

𑌸𑍍𑌮𑍃𑌤𑌯𑌶𑍍𑌚 𑌪𑍁𑌰𑌾𑌣𑌾𑌨𑌿 𑌮𑍂𑌰𑍍𑌤𑌿𑌮𑌂𑌤𑌿 𑌵𑌸𑌂𑌤𑌿 𑌹𑌿 ।
𑌯𑍇 𑌬𑍍𑌰𑌹𑍍𑌮𑌵𑌿𑌗𑍍𑌰𑌹𑌾𑌃 𑌸𑌂𑌤𑌿 𑌗𑌾𑌯𑌤𑍍𑌰𑍀𑌵𑌿𑌗𑍍𑌰𑌹𑌾𑌶𑍍𑌚 𑌯𑍇 ॥ 𑍮𑍭 ॥

𑌵𑍍𑌯𑌾𑌹𑍃𑌤𑍀𑌨𑌾𑌂 𑌵𑌿𑌗𑍍𑌰𑌹𑌾𑌶𑍍𑌚 𑌤𑍇 𑌨𑌿𑌤𑍍𑌯𑌂 𑌤𑌤𑍍𑌰 𑌸𑌂𑌤𑌿 𑌹𑌿 ।
𑌰𑌕𑍍𑌷𑌃 𑌕𑍋𑌣𑍇 𑌶𑌂𑌖𑌚𑌕𑍍𑌰𑌗𑌦𑌾𑌂𑌬𑍁𑌜 𑌕𑌰𑌾𑌂𑌬𑍁𑌜𑌾 ॥ 𑍮𑍮 ॥

𑌸𑌾𑌵𑌿𑌤𑍍𑌰𑍀 𑌵𑌰𑍍𑌤𑌤𑍇 𑌤𑌤𑍍𑌰 𑌮𑌹𑌾𑌵𑌿𑌷𑍍𑌣𑍁𑌶𑍍𑌚 𑌤𑌾𑌦𑍃𑌶𑌃 ।
𑌯𑍇 𑌵𑌿𑌷𑍍𑌣𑍁𑌵𑌿𑌗𑍍𑌰𑌹𑌾𑌃 𑌸𑌂𑌤𑌿 𑌮𑌤𑍍𑌸𑍍𑌯𑌕𑍂𑌰𑍍𑌮𑌾𑌦𑌯𑍋𑌖𑌿𑌲𑌾𑌃 ॥ 𑍮𑍯 ॥

𑌸𑌾𑌵𑌿𑌤𑍍𑌰𑍀 𑌵𑌿𑌗𑍍𑌰𑌹𑌾 𑌯𑍇 𑌚 𑌤𑍇 𑌸𑌰𑍍𑌵𑍇 𑌤𑌤𑍍𑌰 𑌸𑌂𑌤𑌿 𑌹𑌿 ।
𑌵𑌾𑌯𑍁𑌕𑍋𑌣𑍇 𑌪𑌰𑌶𑍍𑌵𑌕𑍍𑌷𑌮𑌾𑌲𑌾𑌭𑌯𑌵𑌰𑌾𑌨𑍍𑌵𑌿𑌤𑌃 ॥ 𑍯0 ॥

𑌮𑌹𑌾𑌰𑍁𑌦𑍍𑌰𑍋 𑌵𑌰𑍍𑌤𑌤𑍇𑌽𑌤𑍍𑌰 𑌸𑌰𑌸𑍍𑌵𑌤𑍍𑌯𑌪𑌿 𑌤𑌾𑌦𑍃𑌶𑍀 ।
𑌯𑍇 𑌯𑍇 𑌤𑍁 𑌰𑍁𑌦𑍍𑌰𑌭𑍇𑌦𑌾𑌃 𑌸𑍍𑌯𑍁𑌰𑍍𑌦𑌕𑍍𑌷𑌿𑌣𑌾𑌸𑍍𑌯𑌾𑌦𑌯𑍋 𑌨𑍃𑌪 ॥ 𑍯1 ॥

𑌗𑍌𑌰𑍀 𑌭𑍇𑌦𑌾𑌶𑍍𑌚 𑌯𑍇 𑌸𑌰𑍍𑌵𑍇 𑌤𑍇 𑌤𑌤𑍍𑌰 𑌨𑌿𑌵𑌸𑌂𑌤𑌿 𑌹𑌿 ।
𑌚𑌤𑍁𑌃𑌷𑌷𑍍𑌟𑍍𑌯𑌾𑌗𑌮𑌾 𑌯𑍇 𑌚 𑌯𑍇 𑌚𑌾𑌨𑍍𑌯𑍇𑌪𑍍𑌯𑌾𑌗𑌮𑌾𑌃 𑌸𑍍𑌮𑍃𑌤𑌾𑌃 ॥ 𑍯2 ॥

𑌤𑍇 𑌸𑌰𑍍𑌵𑍇 𑌮𑍂𑌰𑍍𑌤𑌿𑌮𑌂𑌤𑌶𑍍𑌚 𑌤𑌤𑍍𑌰 𑌵𑍈 𑌨𑌿𑌵𑌸𑌂𑌤𑌿 𑌹𑌿 ।
𑌅𑌗𑍍𑌨𑌿𑌕𑍋𑌣𑍇 𑌰𑌤𑍍𑌨𑌕𑍁𑌂𑌭𑌂 𑌤𑌥𑌾 𑌮𑌣𑌿𑌕𑌰𑌂𑌡𑌕𑌮𑍍 ॥ 𑍯3 ॥

𑌦𑌧𑌾𑌨𑍋 𑌨𑌿𑌜𑌹𑌸𑍍𑌤𑌾𑌭𑍍𑌯𑌾𑌂 𑌕𑍁𑌬𑍇𑌰𑍋 𑌧𑌨𑌦𑌾𑌯𑌕𑌃 ।
𑌨𑌾𑌨𑌾 𑌵𑍀𑌥𑍀 𑌸𑌮𑌾𑌯𑍁𑌕𑍍𑌤𑍋 𑌮𑌹𑌾𑌲𑌕𑍍𑌷𑍍𑌮𑍀𑌸𑌮𑌨𑍍𑌵𑌿𑌤𑌃 ॥ 𑍯4 ॥

𑌦𑍇𑌵𑍍𑌯𑌾 𑌨𑌿𑌧𑌿𑌪𑌤𑌿𑌸𑍍𑌤𑍍𑌵𑌾𑌸𑍍𑌤𑍇 𑌸𑍍𑌵𑌗𑍁𑌣𑍈𑌃 𑌪𑌰𑌿𑌵𑍇𑌷𑍍𑌟𑌿𑌤𑌃 ।
𑌵𑌾𑌰𑍁𑌣𑍇 𑌤𑍁 𑌮𑌹𑌾𑌕𑍋𑌣𑍇 𑌮𑌦𑌨𑍋 𑌰𑌤𑌿𑌸𑌂𑌯𑍁𑌤𑌃 ॥ 𑍯5 ॥

𑌪𑌾𑌶𑌾𑌂𑌕𑍁𑌶𑌧𑌨𑍁𑌰𑍍𑌬𑌾𑌣𑌧𑌰𑍋 𑌨𑌿𑌤𑍍𑌯𑌂 𑌵𑌿𑌰𑌾𑌜𑌤𑍇 ।
𑌶𑍃𑌂𑌗𑌾𑌰𑌮𑍂𑌰𑍍𑌤𑌿𑌮𑌂𑌤𑌸𑍍𑌤𑍁 𑌤𑌤𑍍𑌰 𑌸𑌨𑍍𑌨𑌿𑌹𑌿𑌤𑌾𑌃 𑌸𑌦𑌾 ॥ 𑍯6 ॥

𑌈𑌶𑌾𑌨𑌕𑍋𑌣𑍇 𑌵𑌿𑌘𑍍𑌨𑍇𑌶𑍋 𑌨𑌿𑌤𑍍𑌯𑌂 𑌪𑍁𑌷𑍍𑌟𑌿𑌸𑌮𑌨𑍍𑌵𑌿𑌤𑌃 ।
𑌪𑌾𑌶𑌾𑌂𑌕𑍁𑌶𑌧𑌰𑍋 𑌵𑍀𑌰𑍋 𑌵𑌿𑌘𑍍𑌨𑌹𑌰𑍍𑌤𑌾 𑌵𑌿𑌰𑌾𑌜𑌤𑍇 ॥ 𑍯𑍭 ॥

𑌵𑌿𑌭𑍂𑌤𑌯𑍋 𑌗𑌣𑍇𑌶𑌸𑍍𑌯 𑌯𑌾𑌯𑌾𑌃 𑌸𑌂𑌤𑌿 𑌨𑍃𑌪𑍋𑌤𑍍𑌤𑌮 ।
𑌤𑌾𑌃 𑌸𑌰𑍍𑌵𑌾 𑌨𑌿𑌵𑌸𑌂𑌤𑍍𑌯𑌤𑍍𑌰 𑌮𑌹𑍈𑌶𑍍𑌵𑌰𑍍𑌯𑌸𑌮𑌨𑍍𑌵𑌿𑌤𑌾𑌃 ॥ 𑍯𑍮 ॥

𑌪𑍍𑌰𑌤𑌿𑌬𑍍𑌰𑌹𑍍𑌮𑌾𑌂𑌡𑌸𑌂𑌸𑍍𑌥𑌾𑌨𑌾𑌂 𑌬𑍍𑌰𑌹𑍍𑌮𑌾𑌦𑍀𑌨𑌾𑌂 𑌸𑌮𑌷𑍍𑌟𑌯𑌃 ।
𑌏𑌤𑍇 𑌬𑍍𑌰𑌹𑍍𑌮𑌾𑌦𑌯𑌃 𑌪𑍍𑌰𑍋𑌕𑍍𑌤𑌾𑌃 𑌸𑍇𑌵𑌂𑌤𑍇 𑌜𑌗𑌦𑍀𑌶𑍍𑌵𑌰𑍀𑌮𑍍 ॥ 𑍯𑍯 ॥

𑌮𑌹𑌾𑌮𑌾𑌰𑌕𑌤𑌸𑍍𑌯𑌾𑌗𑍍𑌰𑍇 𑌶𑌤𑌯𑍋𑌜𑌨 𑌦𑍈𑌰𑍍𑌘𑍍𑌯𑌵𑌾𑌨𑍍 ।
𑌪𑍍𑌰𑌵𑌾𑌲𑌶𑌾𑌲𑍋𑌸𑍍𑌤𑍍𑌯𑌪𑌰𑌃 𑌕𑍁𑌂𑌕𑍁𑌮𑌾𑌰𑍁𑌣𑌵𑌿𑌗𑍍𑌰𑌹𑌃 ॥ 100 ॥

𑌮𑌧𑍍𑌯𑌭𑍂𑌸𑍍𑌤𑌾𑌦𑍃𑌶𑍀 𑌪𑍍𑌰𑍋𑌕𑍍𑌤𑌾 𑌸𑌦𑌨𑌾𑌨𑌿 𑌚 𑌪𑍂𑌰𑍍𑌵𑌵𑌤𑍍 ।
𑌤𑌨𑍍𑌮𑌧𑍍𑌯𑍇 𑌪𑌂𑌚𑌭𑍂𑌤𑌾𑌨𑌾𑌂 𑌸𑍍𑌵𑌾𑌮𑌿𑌨𑍍𑌯𑌃 𑌪𑌂𑌚 𑌸𑌂𑌤𑌿 𑌚 ॥ 101 ॥

𑌹𑍃𑌲𑍍𑌲𑍇𑌖𑌾 𑌗𑌗𑌨𑌾 𑌰𑌕𑍍𑌤𑌾 𑌚𑌤𑍁𑌰𑍍𑌥𑍀 𑌤𑍁 𑌕𑌰𑌾𑌳𑌿𑌕𑌾 ।
𑌮𑌹𑍋𑌚𑍍𑌛𑍁𑌷𑍍𑌮𑌾 𑌪𑌂𑌚𑌮𑍀 𑌚 𑌪𑌂𑌚𑌭𑍂𑌤𑌸𑌮𑌪𑍍𑌰𑌭𑌾𑌃 ॥ 102 ॥

𑌪𑌾𑌶𑌾𑌂𑌕𑍁𑌶𑌵𑌰𑌾𑌭𑍀𑌤𑌿𑌧𑌾𑌰𑌿𑌣𑍍𑌯𑍋𑌮𑌿𑌤𑌭𑍂𑌷𑌣𑌾𑌃 ।
𑌦𑍇𑌵𑍀 𑌸𑌮𑌾𑌨𑌵𑍇𑌷𑌾𑌢𑍍𑌯𑌾 𑌨𑌵𑌯𑍌𑌵𑌨𑌗𑌰𑍍𑌵𑌿𑌤𑌾𑌃 ॥ 103 ॥

𑌪𑍍𑌰𑌵𑌾𑌲𑌶𑌾𑌲𑌾𑌦𑌗𑍍𑌰𑍇 𑌤𑍁 𑌨𑌵𑌰𑌤𑍍𑌨 𑌵𑌿𑌨𑌿𑌰𑍍𑌮𑌿𑌤𑌃 ।
𑌬𑌹𑍁𑌯𑍋𑌜𑌨𑌵𑌿𑌸𑍍𑌤𑍀𑌰𑍍𑌣𑍋 𑌮𑌹𑌾𑌶𑌾𑌲𑍋𑌽𑌸𑍍𑌤𑌿 𑌭𑍂𑌮𑌿𑌪 ॥ 104 ॥

𑌤𑌤𑍍𑌰 𑌚𑌾𑌮𑍍𑌨𑌾𑌯𑌦𑍇𑌵𑍀𑌨𑌾𑌂 𑌸𑌦𑌨𑌾𑌨𑌿 𑌬𑌹𑍂𑌨𑍍𑌯𑌪𑌿 ।
𑌨𑌵𑌰𑌤𑍍𑌨𑌮𑌯𑌾𑌨𑍍𑌯𑍇𑌵 𑌤𑌡𑌾𑌗𑌾𑌶𑍍𑌚 𑌸𑌰𑌾𑌂𑌸𑌿 𑌚 ॥ 105 ॥

𑌶𑍍𑌰𑍀𑌦𑍇𑌵𑍍𑌯𑌾 𑌯𑍇𑌽𑌵𑌤𑌾𑌰𑌾𑌃 𑌸𑍍𑌯𑍁𑌸𑍍𑌤𑍇 𑌤𑌤𑍍𑌰 𑌨𑌿𑌵𑌸𑌂𑌤𑌿 𑌹𑌿 ।
𑌮𑌹𑌾𑌵𑌿𑌦𑍍𑌯𑌾 𑌮𑌹𑌾𑌭𑍇𑌦𑌾𑌃 𑌸𑌂𑌤𑌿 𑌤𑌤𑍍𑌰𑍈𑌵 𑌭𑍂𑌮𑌿𑌪 ॥ 106 ॥

𑌨𑌿𑌜𑌾𑌵𑌰𑌣𑌦𑍇𑌵𑍀𑌭𑌿𑌰𑍍𑌨𑌿𑌜𑌭𑍂𑌷𑌣𑌵𑌾𑌹𑌨𑍈𑌃 ।
𑌸𑌰𑍍𑌵𑌦𑍇𑌵𑍍𑌯𑍋 𑌵𑌿𑌰𑌾𑌜𑌂𑌤𑍇 𑌕𑍋𑌟𑌿𑌸𑍂𑌰𑍍𑌯𑌸𑌮𑌪𑍍𑌰𑌭𑌾𑌃 ॥ 10𑍭 ॥

𑌸𑌪𑍍𑌤𑌕𑍋𑌟𑌿 𑌮𑌹𑌾𑌮𑌂𑌤𑍍𑌰𑌦𑍇𑌵𑌤𑌾𑌃 𑌸𑌂𑌤𑌿 𑌤𑌤𑍍𑌰 𑌹𑌿 ।
𑌨𑌵𑌰𑌤𑍍𑌨𑌮𑌯𑌾𑌦𑌗𑍍𑌰𑍇 𑌚𑌿𑌂𑌤𑌾𑌮𑌣𑌿𑌗𑍃𑌹𑌂 𑌮𑌹𑌤𑍍 ॥ 10𑍮 ॥

𑌤𑌤𑍍𑌰 𑌤𑍍𑌯𑌂 𑌵𑌸𑍍𑌤𑍁 𑌮𑌾𑌤𑍍𑌰𑌂 𑌤𑍁 𑌚𑌿𑌂𑌤𑌾𑌮𑌣𑌿 𑌵𑌿𑌨𑌿𑌰𑍍𑌮𑌿𑌤𑌮𑍍 ।
𑌸𑍂𑌰𑍍𑌯𑍋𑌦𑍍𑌗𑌾𑌰𑍋𑌪𑌲𑍈𑌸𑍍𑌤𑌦𑍍𑌵𑌚𑍍𑌚𑌂𑌦𑍍𑌰𑍋𑌦𑍍𑌗𑌾𑌰𑍋𑌪𑌲𑍈𑌸𑍍𑌤𑌥𑌾 ॥ 10𑍯 ॥

𑌵𑌿𑌦𑍍𑌯𑍁𑌤𑍍𑌪𑍍𑌰𑌭𑍋𑌪𑌲𑍈𑌃 𑌸𑍍𑌤𑌂𑌭𑌾𑌃 𑌕𑌲𑍍𑌪𑌿𑌤𑌾𑌸𑍍𑌤𑍁 𑌸𑌹𑌸𑍍𑌰𑌶𑌃 ।
𑌯𑍇𑌷𑌾𑌂 𑌪𑍍𑌰𑌭𑌾𑌭𑌿𑌰𑌂𑌤𑌸𑍍𑌥𑌂 𑌵𑌸𑍍𑌤𑍁 𑌕𑌿𑌂𑌚𑌿𑌨𑍍𑌨 𑌦𑍃𑌶𑍍𑌯𑌤𑍇 ॥ 110 ॥

𑌇𑌤𑌿 𑌶𑍍𑌰𑍀𑌦𑍇𑌵𑍀𑌭𑌾𑌗𑌵𑌤𑍇 𑌮𑌹𑌾𑌪𑍁𑌰𑌾𑌣𑍇 𑌦𑍍𑌵𑌾𑌦𑌶𑌸𑍍𑌕𑌂𑌧𑍇 𑌏𑌕𑌾𑌦𑌶𑍋𑌽𑌧𑍍𑌯𑌾𑌯𑌃 ।

प्रायः पृष्टाः प्रश्नाः

What is 𑌮𑌣𑌿𑌦𑍍𑌵𑍀𑌪 𑌵𑌰𑍍𑌣𑌨 - 2 (𑌦𑍇𑌵𑍀 𑌭𑌾𑌗𑌵𑌤𑌮𑍍)?

𑌮𑌣𑌿𑌦𑍍𑌵𑍀𑌪 𑌵𑌰𑍍𑌣𑌨 - 2 (𑌦𑍇𑌵𑍀 𑌭𑌾𑌗𑌵𑌤𑌮𑍍) is a Devi Stotrams available on Bhakti Granth in the selected language or script.

Which language or script is this version in?

This edition is published in Grantha. Use the language selector to view another available edition.

Can I read 𑌮𑌣𑌿𑌦𑍍𑌵𑍀𑌪 𑌵𑌰𑍍𑌣𑌨 - 2 (𑌦𑍇𑌵𑍀 𑌭𑌾𑌗𑌵𑌤𑌮𑍍) online?

Yes. The imported text is available directly on this page for online reading and recitation.

Can I download 𑌮𑌣𑌿𑌦𑍍𑌵𑍀𑌪 𑌵𑌰𑍍𑌣𑌨 - 2 (𑌦𑍇𑌵𑍀 𑌭𑌾𑌗𑌵𑌤𑌮𑍍) as a PDF?

If a verified PDF resource was found on the source page, a PDF download button is automatically connected to this page.

How can I share this page?

Use Copy Link, WhatsApp or Facebook in the sticky sharing bar provided by the Bhakti Granth theme.

Are there related devotional texts on Bhakti Granth?

Yes. The Bhakti Granth theme automatically connects texts through language and topic relationships to strengthen navigation and topical coverage.

प्रायः पृष्टाः प्रश्नाः

भक्तिग्रन्थं पश्यतु