𑌦𑍁𑌰𑍍𑌗𑌾 𑌕𑌵𑌚𑌮𑍍 (𑌬𑍍𑌰𑌹𑍍𑌮𑌾𑌂𑌡 𑌪𑍁𑌰𑌾𑌣𑌮𑍍)

𑌨𑌾𑌰𑌾𑌯𑌣 𑌉𑌵𑌾𑌚 ।
𑌓𑌂 𑌦𑍁𑌰𑍍𑌗𑍇𑌤𑌿 𑌚𑌤𑍁𑌰𑍍𑌥𑍍𑌯𑌂𑌤𑌃 𑌸𑍍𑌵𑌾𑌹𑌾𑌂𑌤𑍋 𑌮𑍇 𑌶𑌿𑌰𑍋𑌽𑌵𑌤𑍁 ।
𑌮𑌂𑌤𑍍𑌰𑌃 𑌷𑌡𑌕𑍍𑌷𑌰𑍋𑌽𑌯𑌂 𑌚 𑌭𑌕𑍍𑌤𑌾𑌨𑌾𑌂 𑌕𑌲𑍍𑌪𑌪𑌾𑌦𑌪𑌃 ॥ 1 ॥

𑌵𑌿𑌚𑌾𑌰𑍋 𑌨𑌾𑌸𑍍𑌤𑌿 𑌵𑍇𑌦𑍇𑌷𑍁 𑌗𑍍𑌰𑌹𑌣𑍇𑌽𑌸𑍍𑌯 𑌮𑌨𑍋𑌰𑍍𑌮𑍁𑌨𑍇 ।
𑌮𑌂𑌤𑍍𑌰𑌗𑍍𑌰𑌹𑌣𑌮𑌾𑌤𑍍𑌰𑍇𑌣 𑌵𑌿𑌷𑍍𑌣𑍁𑌤𑍁𑌲𑍍𑌯𑍋 𑌭𑌵𑍇𑌨𑍍𑌨𑌰𑌃 ॥ 2 ॥

𑌮𑌮 𑌵𑌕𑍍𑌤𑍍𑌰𑌂 𑌸𑌦𑌾 𑌪𑌾𑌤𑍁 𑌓𑌂 𑌦𑍁𑌰𑍍𑌗𑌾𑌯𑍈 𑌨𑌮𑍋𑌽𑌂𑌤𑌤𑌃 ।
𑌓𑌂 𑌦𑍁𑌰𑍍𑌗𑍇 𑌰𑌕𑍍𑌷𑌯𑌤𑌿 𑌚 𑌕𑌂𑌠𑌂 𑌪𑌾𑌤𑍁 𑌸𑌦𑌾 𑌮𑌮 ॥ 3 ॥

𑌓𑌂 𑌹𑍍𑌰𑍀𑌂 𑌶𑍍𑌰𑍀𑌮𑌿𑌤𑌿 𑌮𑌂𑌤𑍍𑌰𑍋𑌽𑌯𑌂 𑌸𑍍𑌕𑌂𑌧𑌂 𑌪𑌾𑌤𑍁 𑌨𑌿𑌰𑌂𑌤𑌰𑌮𑍍 ।
𑌹𑍍𑌰𑍀𑌂 𑌶𑍍𑌰𑍀𑌂 𑌕𑍍𑌲𑍀𑌮𑌿𑌤𑌿 𑌪𑍃𑌷𑍍𑌠𑌂 𑌚 𑌪𑌾𑌤𑍁 𑌮𑍇 𑌸𑌰𑍍𑌵𑌤𑌃 𑌸𑌦𑌾 ॥ 4 ॥

𑌹𑍍𑌰𑍀𑌂 𑌮𑍇 𑌵𑌕𑍍𑌷𑌃𑌸𑍍𑌥𑌲𑌂 𑌪𑌾𑌤𑍁 𑌹𑌸𑍍𑌤𑌂 𑌶𑍍𑌰𑍀𑌮𑌿𑌤𑌿 𑌸𑌂𑌤𑌤𑌮𑍍 ।
𑌶𑍍𑌰𑍀𑌂 𑌹𑍍𑌰𑍀𑌂 𑌕𑍍𑌲𑍀𑌂 𑌪𑌾𑌤𑍁 𑌸𑌰𑍍𑌵𑌾𑌂𑌗𑌂 𑌸𑍍𑌵𑌪𑍍𑌨𑍇 𑌜𑌾𑌗𑌰𑌣𑍇 𑌤𑌥𑌾 ॥ 5 ॥

𑌪𑍍𑌰𑌾𑌚𑍍𑌯𑌾𑌂 𑌮𑌾𑌂 𑌪𑍍𑌰𑌕𑍃𑌤𑌿𑌃 𑌪𑌾𑌤𑍁𑌃 𑌪𑌾𑌤𑍁 𑌵𑌹𑍍𑌨𑍌 𑌚 𑌚𑌂𑌡𑌿𑌕𑌾 ।
𑌦𑌕𑍍𑌷𑌿𑌣𑍇 𑌭𑌦𑍍𑌰𑌕𑌾𑌲𑍀 𑌚 𑌨𑍈𑌰𑍃𑌤𑍍𑌯𑌾𑌂 𑌚 𑌮𑌹𑍇𑌶𑍍𑌵𑌰𑍀 ॥ 6 ॥

𑌵𑌾𑌰𑍁𑌣𑍍𑌯𑌾𑌂 𑌪𑌾𑌤𑍁 𑌵𑌾𑌰𑌾𑌹𑍀 𑌵𑌾𑌯𑌵𑍍𑌯𑌾𑌂 𑌸𑌰𑍍𑌵𑌮𑌂𑌗𑌲𑌾 ।
𑌉𑌤𑍍𑌤𑌰𑍇 𑌵𑍈𑌷𑍍𑌣𑌵𑍀 𑌪𑌾𑌤𑍁 𑌤𑌥𑍈𑌶𑌾𑌨𑍍𑌯𑌾𑌂 𑌶𑌿𑌵𑌪𑍍𑌰𑌿𑌯𑌾 ॥ 𑍭 ॥

𑌜𑌲𑍇 𑌸𑍍𑌥𑌲𑍇 𑌚𑌾𑌂𑌤𑌰𑌿𑌕𑍍𑌷𑍇 𑌪𑌾𑌤𑍁 𑌮𑌾𑌂 𑌜𑌗𑌦𑌂𑌬𑌿𑌕𑌾 ।
𑌇𑌤𑌿 𑌤𑍇 𑌕𑌥𑌿𑌤𑌂 𑌵𑌤𑍍𑌸 𑌕𑌵𑌚𑌂 𑌚 𑌸𑍁𑌦𑍁𑌰𑍍𑌲𑌭𑌮𑍍 ॥ 𑍮 ॥

𑌯𑌸𑍍𑌮𑍈 𑌕𑌸𑍍𑌮𑍈 𑌨 𑌦𑌾𑌤𑌵𑍍𑌯𑌂 𑌪𑍍𑌰𑌵𑌕𑍍𑌤𑌵𑍍𑌯𑌂 𑌨 𑌕𑌸𑍍𑌯𑌚𑌿𑌤𑍍 ।
𑌗𑍁𑌰𑍁𑌮𑌭𑍍𑌯𑌰𑍍𑌚𑍍𑌯 𑌵𑌿𑌧𑌿𑌵𑌦𑍍𑌵𑌸𑍍𑌤𑍍𑌰𑌾𑌲𑌂𑌕𑌾𑌰𑌚𑌂𑌦𑌨𑍈𑌃 ।
𑌕𑌵𑌚𑌂 𑌧𑌾𑌰𑌯𑍇𑌦𑍍𑌯𑌸𑍍𑌤𑍁 𑌸𑍋𑌽𑌪𑌿 𑌵𑌿𑌷𑍍𑌣𑍁𑌰𑍍𑌨 𑌸𑌂𑌶𑌯𑌃 ॥ 𑍯 ॥

𑌇𑌤𑌿 𑌶𑍍𑌰𑍀𑌬𑍍𑌰𑌹𑍍𑌮𑌵𑍈𑌵𑌰𑍍𑌤𑍇 𑌮𑌹𑌾𑌪𑍁𑌰𑌾𑌣𑍇 𑌪𑍍𑌰𑌕𑍃𑌤𑌿𑌖𑌂𑌡𑍇 𑌨𑌾𑌰𑌦𑌨𑌾𑌰𑌾𑌯𑌣𑌸𑌂𑌵𑌾𑌦𑍇 𑌦𑍁𑌰𑍍𑌗𑍋𑌪𑌾𑌖𑍍𑌯𑌾𑌨𑍇 𑌸𑌪𑍍𑌤𑌷𑌷𑍍𑌟𑌿𑌤𑌮𑍋𑌽𑌧𑍍𑌯𑌾𑌯𑍇 𑌬𑍍𑌰𑌹𑍍𑌮𑌾𑌂𑌡𑌮𑍋𑌹𑌨𑌂 𑌨𑌾𑌮 𑌶𑍍𑌰𑍀 𑌦𑍁𑌰𑍍𑌗𑌾 𑌕𑌵𑌚𑌮𑍍 ।