𑌗𑍋𑌦𑌾 𑌦𑍇𑌵𑍀 𑌅𑌷𑍍𑌟𑍋𑌤𑍍𑌤𑌰 𑌶𑌤 𑌸𑍍𑌤𑍋𑌤𑍍𑌰𑌮𑍍

𑌧𑍍𑌯𑌾𑌨𑌮𑍍 ।
𑌶𑌤𑌮𑌖𑌮𑌣𑌿 𑌨𑍀𑌲𑌾 𑌚𑌾𑌰𑍁𑌕𑌲𑍍𑌹𑌾𑌰𑌹𑌸𑍍𑌤𑌾
𑌸𑍍𑌤𑌨𑌭𑌰𑌨𑌮𑌿𑌤𑌾𑌂𑌗𑍀 𑌸𑌾𑌂𑌦𑍍𑌰𑌵𑌾𑌤𑍍𑌸𑌲𑍍𑌯𑌸𑌿𑌂𑌧𑍁𑌃 ।
𑌅𑌲𑌕𑌵𑌿𑌨𑌿𑌹𑌿𑌤𑌾𑌭𑌿𑌃 𑌸𑍍𑌰𑌗𑍍𑌭𑌿𑌰𑌾𑌕𑍃𑌷𑍍𑌟𑌨𑌾𑌥𑌾
𑌵𑌿𑌲𑌸𑌤𑍁 𑌹𑍃𑌦𑌿 𑌗𑍋𑌦𑌾 𑌵𑌿𑌷𑍍𑌣𑍁𑌚𑌿𑌤𑍍𑌤𑌾𑌤𑍍𑌮𑌜𑌾 𑌨𑌃 ॥

𑌅𑌥 𑌸𑍍𑌤𑍋𑌤𑍍𑌰𑌮𑍍 ।
𑌶𑍍𑌰𑍀𑌰𑌂𑌗𑌨𑌾𑌯𑌕𑍀 𑌗𑍋𑌦𑌾 𑌵𑌿𑌷𑍍𑌣𑍁𑌚𑌿𑌤𑍍𑌤𑌾𑌤𑍍𑌮𑌜𑌾 𑌸𑌤𑍀 ।
𑌗𑍋𑌪𑍀𑌵𑍇𑌷𑌧𑌰𑌾 𑌦𑍇𑌵𑍀 𑌭𑍂𑌸𑍁𑌤𑌾 𑌭𑍋𑌗𑌶𑌾𑌲𑌿𑌨𑍀 ॥ 1 ॥

𑌤𑍁𑌲𑌸𑍀𑌕𑌾𑌨𑌨𑍋𑌦𑍍𑌭𑍂𑌤𑌾 𑌶𑍍𑌰𑍀𑌧𑌨𑍍𑌵𑌿𑌪𑍁𑌰𑌵𑌾𑌸𑌿𑌨𑍀 ।
𑌭𑌟𑍍𑌟𑌨𑌾𑌥𑌪𑍍𑌰𑌿𑌯𑌕𑌰𑍀 𑌶𑍍𑌰𑍀𑌕𑍃𑌷𑍍𑌣𑌹𑌿𑌤𑌭𑍋𑌗𑌿𑌨𑍀 ॥ 2 ॥

𑌆𑌮𑍁𑌕𑍍𑌤𑌮𑌾𑌲𑍍𑌯𑌦𑌾 𑌬𑌾𑌲𑌾 𑌰𑌂𑌗𑌨𑌾𑌥𑌪𑍍𑌰𑌿𑌯𑌾 𑌪𑌰𑌾 ।
𑌵𑌿𑌶𑍍𑌵𑌂𑌭𑌰𑌾 𑌕𑌲𑌾𑌲𑌾𑌪𑌾 𑌯𑌤𑌿𑌰𑌾𑌜𑌸𑌹𑍋𑌦𑌰𑍀 ॥ 3 ॥

𑌕𑍃𑌷𑍍𑌣𑌾𑌨𑍁𑌰𑌕𑍍𑌤𑌾 𑌸𑍁𑌭𑌗𑌾 𑌸𑍁𑌲𑌭𑌶𑍍𑌰𑍀𑌃 𑌸𑍁𑌲𑌕𑍍𑌷𑌣𑌾 ।
𑌲𑌕𑍍𑌷𑍍𑌮𑍀𑌪𑍍𑌰𑌿𑌯𑌸𑌖𑍀 𑌶𑍍𑌯𑌾𑌮𑌾 𑌦𑌯𑌾𑌂𑌚𑌿𑌤𑌦𑍃𑌗𑌂𑌚𑌲𑌾 ॥ 4 ॥

𑌫𑌲𑍍𑌗𑍁𑌨𑍍𑌯𑌾𑌵𑌿𑌰𑍍𑌭𑌵𑌾 𑌰𑌮𑍍𑌯𑌾 𑌧𑌨𑍁𑌰𑍍𑌮𑌾𑌸𑌕𑍃𑌤𑌵𑍍𑌰𑌤𑌾 ।
𑌚𑌂𑌪𑌕𑌾𑌶𑍋𑌕𑌪𑍁𑌨𑍍𑌨𑌾𑌗𑌮𑌾𑌲𑌤𑍀𑌵𑌿𑌲𑌸𑌤𑍍𑌕𑌚𑌾 ॥ 5 ॥

𑌆𑌕𑌾𑌰𑌤𑍍𑌰𑌯𑌸𑌂𑌪𑌨𑍍𑌨𑌾 𑌨𑌾𑌰𑌾𑌯𑌣𑌪𑌦𑌾𑌶𑍍𑌰𑌿𑌤𑌾 ।
𑌶𑍍𑌰𑍀𑌮𑌦𑌷𑍍𑌟𑌾𑌕𑍍𑌷𑌰𑍀𑌮𑌂𑌤𑍍𑌰𑌰𑌾𑌜𑌸𑍍𑌥𑌿𑌤𑌮𑌨𑍋𑌰𑌥𑌾 ॥ 6 ॥

𑌮𑍋𑌕𑍍𑌷𑌪𑍍𑌰𑌦𑌾𑌨𑌨𑌿𑌪𑍁𑌣𑌾 𑌮𑌨𑍁𑌰𑌤𑍍𑌨𑌾𑌧𑌿𑌦𑍇𑌵𑌤𑌾 ।
𑌬𑍍𑌰𑌹𑍍𑌮𑌣𑍍𑌯𑌾 𑌲𑍋𑌕𑌜𑌨𑌨𑍀 𑌲𑍀𑌲𑌾𑌮𑌾𑌨𑍁𑌷𑌰𑍂𑌪𑌿𑌣𑍀 ॥ 𑍭 ॥

𑌬𑍍𑌰𑌹𑍍𑌮𑌜𑍍𑌞𑌾𑌨𑌪𑍍𑌰𑌦𑌾 𑌮𑌾𑌯𑌾 𑌸𑌚𑍍𑌚𑌿𑌦𑌾𑌨𑌂𑌦𑌵𑌿𑌗𑍍𑌰𑌹𑌾 ।
𑌮𑌹𑌾𑌪𑌤𑌿𑌵𑍍𑌰𑌤𑌾 𑌵𑌿𑌷𑍍𑌣𑍁𑌗𑍁𑌣𑌕𑍀𑌰𑍍𑌤𑌨𑌲𑍋𑌲𑍁𑌪𑌾 ॥ 𑍮 ॥

𑌪𑍍𑌰𑌪𑌨𑍍𑌨𑌾𑌰𑍍𑌤𑌿𑌹𑌰𑌾 𑌨𑌿𑌤𑍍𑌯𑌾 𑌵𑍇𑌦𑌸𑍌𑌧𑌵𑌿𑌹𑌾𑌰𑌿𑌣𑍀 ।
𑌶𑍍𑌰𑍀𑌰𑌂𑌗𑌨𑌾𑌥𑌮𑌾𑌣𑌿𑌕𑍍𑌯𑌮𑌂𑌜𑌰𑍀 𑌮𑌂𑌜𑍁𑌭𑌾𑌷𑌿𑌣𑍀 ॥ 𑍯 ॥

𑌪𑌦𑍍𑌮𑌪𑍍𑌰𑌿𑌯𑌾 𑌪𑌦𑍍𑌮𑌹𑌸𑍍𑌤𑌾 𑌵𑍇𑌦𑌾𑌂𑌤𑌦𑍍𑌵𑌯𑌬𑍋𑌧𑌿𑌨𑍀 ।
𑌸𑍁𑌪𑍍𑌰𑌸𑌨𑍍𑌨𑌾 𑌭𑌗𑌵𑌤𑍀 𑌶𑍍𑌰𑍀𑌜𑌨𑌾𑌰𑍍𑌦𑌨𑌦𑍀𑌪𑌿𑌕𑌾 ॥ 10 ॥

𑌸𑍁𑌗𑌂𑌧𑌾𑌵𑌯𑌵𑌾 𑌚𑌾𑌰𑍁𑌰𑌂𑌗𑌮𑌂𑌗𑌲𑌦𑍀𑌪𑌿𑌕𑌾 ।
𑌧𑍍𑌵𑌜𑌵𑌜𑍍𑌰𑌾𑌂𑌕𑍁𑌶𑌾𑌬𑍍𑌜𑌾𑌂𑌕𑌮𑍃𑌦𑍁𑌪𑌾𑌦𑌲𑌤𑌾𑌂𑌚𑌿𑌤𑌾 ॥ 11 ॥

𑌤𑌾𑌰𑌕𑌾𑌕𑌾𑌰𑌨𑌖𑌰𑌾 𑌪𑍍𑌰𑌵𑌾𑌲𑌮𑍃𑌦𑍁𑌲𑌾𑌂𑌗𑍁𑌳𑍀 ।
𑌕𑍂𑌰𑍍𑌮𑍋𑌪𑌮𑍇𑌯𑌪𑌾𑌦𑍋𑌰𑍍𑌧𑍍𑌵𑌭𑌾𑌗𑌾 𑌶𑍋𑌭𑌨𑌪𑌾𑌰𑍍𑌷𑍍𑌣𑌿𑌕𑌾 ॥ 12 ॥

𑌵𑍇𑌦𑌾𑌰𑍍𑌥𑌭𑌾𑌵𑌤𑌤𑍍𑌤𑍍𑌵𑌜𑍍𑌞𑌾 𑌲𑍋𑌕𑌾𑌰𑌾𑌧𑍍𑌯𑌾𑌂𑌘𑍍𑌰𑌿𑌪𑌂𑌕𑌜𑌾 ।
𑌆𑌨𑌂𑌦𑌬𑍁𑌦𑍍𑌬𑍁𑌦𑌾𑌕𑌾𑌰𑌸𑍁𑌗𑍁𑌲𑍍𑌫𑌾 𑌪𑌰𑌮𑌾𑌣𑍁𑌕𑌾 ॥ 13 ॥

𑌤𑍇𑌜𑌃𑌶𑍍𑌰𑌿𑌯𑍋𑌜𑍍𑌜𑍍𑌵𑌲𑌧𑍃𑌤𑌪𑌾𑌦𑌾𑌂𑌗𑍁𑌳𑌿𑌸𑍁𑌭𑍂𑌷𑌿𑌤𑌾 ।
𑌮𑍀𑌨𑌕𑍇𑌤𑌨𑌤𑍂𑌣𑍀𑌰𑌚𑌾𑌰𑍁𑌜𑌂𑌘𑌾𑌵𑌿𑌰𑌾𑌜𑌿𑌤𑌾 ॥ 14 ॥

𑌕𑌕𑍁𑌦𑍍𑌵𑌜𑍍𑌜𑌾𑌨𑍁𑌯𑍁𑌗𑍍𑌮𑌾𑌢𑍍𑌯𑌾 𑌸𑍍𑌵𑌰𑍍𑌣𑌰𑌂𑌭𑌾𑌭𑌸𑌕𑍍𑌥𑌿𑌕𑌾 ।
𑌵𑌿𑌶𑌾𑌲𑌜𑌘𑌨𑌾 𑌪𑍀𑌨𑌸𑍁𑌶𑍍𑌰𑍋𑌣𑍀 𑌮𑌣𑌿𑌮𑍇𑌖𑌲𑌾 ॥ 15 ॥

𑌆𑌨𑌂𑌦𑌸𑌾𑌗𑌰𑌾𑌵𑌰𑍍𑌤𑌗𑌂𑌭𑍀𑌰𑌾𑌂𑌭𑍋𑌜𑌨𑌾𑌭𑌿𑌕𑌾 ।
𑌭𑌾𑌸𑍍𑌵𑌦𑍍𑌵𑌲𑌿𑌤𑍍𑌰𑌿𑌕𑌾 𑌚𑌾𑌰𑍁𑌜𑌗𑌤𑍍𑌪𑍂𑌰𑍍𑌣𑌮𑌹𑍋𑌦𑌰𑍀 ॥ 16 ॥

𑌨𑌵𑌵𑌲𑍍𑌲𑍀𑌰𑍋𑌮𑌰𑌾𑌜𑍀 𑌸𑍁𑌧𑌾𑌕𑍁𑌂𑌭𑌾𑌯𑌿𑌤𑌸𑍍𑌤𑌨𑍀 ।
𑌕𑌲𑍍𑌪𑌮𑌾𑌲𑌾𑌨𑌿𑌭𑌭𑍁𑌜𑌾 𑌚𑌂𑌦𑍍𑌰𑌖𑌂𑌡𑌨𑌖𑌾𑌂𑌚𑌿𑌤𑌾 ॥ 1𑍭 ॥

𑌸𑍁𑌪𑍍𑌰𑌵𑌾𑌶𑌾𑌂𑌗𑍁𑌳𑍀𑌨𑍍𑌯𑌸𑍍𑌤𑌮𑌹𑌾𑌰𑌤𑍍𑌨𑌾𑌂𑌗𑍁𑌲𑍀𑌯𑌕𑌾 ।
𑌨𑌵𑌾𑌰𑍁𑌣𑌪𑍍𑌰𑌵𑌾𑌲𑌾𑌭𑌪𑌾𑌣𑌿𑌦𑍇𑌶𑌸𑌮𑌂𑌚𑌿𑌤𑌾 ॥ 1𑍮 ॥

𑌕𑌂𑌬𑍁𑌕𑌂𑌠𑍀 𑌸𑍁𑌚𑍁𑌬𑍁𑌕𑌾 𑌬𑌿𑌂𑌬𑍋𑌷𑍍𑌠𑍀 𑌕𑍁𑌂𑌦𑌦𑌂𑌤𑌯𑍁𑌕𑍍 ।
𑌕𑌾𑌰𑍁𑌣𑍍𑌯𑌰𑌸𑌨𑌿𑌷𑍍𑌯𑌂𑌦𑌨𑍇𑌤𑍍𑌰𑌦𑍍𑌵𑌯𑌸𑍁𑌶𑍋𑌭𑌿𑌤𑌾 ॥ 1𑍯 ॥

𑌮𑍁𑌕𑍍𑌤𑌾𑌶𑍁𑌚𑌿𑌸𑍍𑌮𑌿𑌤𑌾 𑌚𑌾𑌰𑍁𑌚𑌾𑌂𑌪𑍇𑌯𑌨𑌿𑌭𑌨𑌾𑌸𑌿𑌕𑌾 ।
𑌦𑌰𑍍𑌪𑌣𑌾𑌕𑌾𑌰𑌵𑌿𑌪𑍁𑌲𑌕𑌪𑍋𑌲𑌦𑍍𑌵𑌿𑌤𑌯𑌾𑌂𑌚𑌿𑌤𑌾 ॥ 20 ॥

𑌅𑌨𑌂𑌤𑌾𑌰𑍍𑌕𑌪𑍍𑌰𑌕𑌾𑌶𑍋𑌦𑍍𑌯𑌨𑍍𑌮𑌣𑌿𑌤𑌾𑌟𑌂𑌕𑌶𑍋𑌭𑌿𑌤𑌾 ।
𑌕𑍋𑌟𑌿𑌸𑍂𑌰𑍍𑌯𑌾𑌗𑍍𑌨𑌿𑌸𑌂𑌕𑌾𑌶𑌨𑌾𑌨𑌾𑌭𑍂𑌷𑌣𑌭𑍂𑌷𑌿𑌤𑌾 ॥ 21 ॥

𑌸𑍁𑌗𑌂𑌧𑌵𑌦𑌨𑌾 𑌸𑍁𑌭𑍍𑌰𑍂 𑌅𑌰𑍍𑌧𑌚𑌂𑌦𑍍𑌰𑌲𑌲𑌾𑌟𑌿𑌕𑌾 ।
𑌪𑍂𑌰𑍍𑌣𑌚𑌂𑌦𑍍𑌰𑌾𑌨𑌨𑌾 𑌨𑍀𑌲𑌕𑍁𑌟𑌿𑌲𑌾𑌲𑌕𑌶𑍋𑌭𑌿𑌤𑌾 ॥ 22 ॥

𑌸𑍌𑌂𑌦𑌰𑍍𑌯𑌸𑍀𑌮𑌾 𑌵𑌿𑌲𑌸𑌤𑍍𑌕𑌸𑍍𑌤𑍂𑌰𑍀𑌤𑌿𑌲𑌕𑍋𑌜𑍍𑌜𑍍𑌵𑌲𑌾 ।
𑌧𑌗𑌦𑍍𑌧𑌗𑌾𑌯𑌮𑌾𑌨𑍋𑌦𑍍𑌯𑌨𑍍𑌮𑌣𑌿𑌸𑍀𑌮𑌂𑌤𑌭𑍂𑌷𑌣𑌾 ॥ 23 ॥

𑌜𑌾𑌜𑍍𑌵𑌲𑍍𑌯𑌮𑌾𑌨𑌸𑌦𑍍𑌰𑌤𑍍𑌨𑌦𑌿𑌵𑍍𑌯𑌚𑍂𑌡𑌾𑌵𑌤𑌂𑌸𑌕𑌾 ।
𑌸𑍂𑌰𑍍𑌯𑌾𑌰𑍍𑌧𑌚𑌂𑌦𑍍𑌰𑌵𑌿𑌲𑌸𑌤𑍍 𑌭𑍂𑌷𑌣𑌾𑌂𑌚𑌿𑌤𑌵𑍇𑌣𑌿𑌕𑌾 ॥ 24 ॥

𑌅𑌤𑍍𑌯𑌰𑍍𑌕𑌾𑌨𑌲𑌤𑍇𑌜𑍋𑌧𑌿𑌮𑌣𑌿𑌕𑌂𑌚𑍁𑌕𑌧𑌾𑌰𑌿𑌣𑍀 ।
𑌸𑌦𑍍𑌰𑌤𑍍𑌨𑌾𑌂𑌚𑌿𑌤𑌵𑌿𑌦𑍍𑌯𑍋𑌤𑌵𑌿𑌦𑍍𑌯𑍁𑌤𑍍𑌕𑍁𑌂𑌜𑌾𑌭𑌶𑌾𑌟𑌿𑌕𑌾 ॥ 25 ॥

𑌨𑌾𑌨𑌾𑌮𑌣𑌿𑌗𑌣𑌾𑌕𑍀𑌰𑍍𑌣𑌹𑍇𑌮𑌾𑌂𑌗𑌦𑌸𑍁𑌭𑍂𑌷𑌿𑌤𑌾 ।
𑌕𑍁𑌂𑌕𑍁𑌮𑌾𑌗𑌰𑍁𑌕𑌸𑍍𑌤𑍂𑌰𑍀𑌦𑌿𑌵𑍍𑌯𑌚𑌂𑌦𑌨𑌚𑌰𑍍𑌚𑌿𑌤𑌾 ॥ 26 ॥

𑌸𑍍𑌵𑍋𑌚𑌿𑌤𑍌𑌜𑍍𑌜𑍍𑌵𑌲𑍍𑌯𑌵𑌿𑌵𑌿𑌧𑌵𑌿𑌚𑌿𑌤𑍍𑌰𑌮𑌣𑌿𑌹𑌾𑌰𑌿𑌣𑍀 ।
𑌅𑌸𑌂𑌖𑍍𑌯𑍇𑌯𑌸𑍁𑌖𑌸𑍍𑌪𑌰𑍍𑌶𑌸𑌰𑍍𑌵𑌾𑌤𑌿𑌶𑌯𑌭𑍂𑌷𑌣𑌾 ॥ 2𑍭 ॥

𑌮𑌲𑍍𑌲𑌿𑌕𑌾𑌪𑌾𑌰𑌿𑌜𑌾𑌤𑌾𑌦𑌿𑌦𑌿𑌵𑍍𑌯𑌪𑍁𑌷𑍍𑌪𑌸𑍍𑌰𑌗𑌂𑌚𑌿𑌤𑌾 ।
𑌶𑍍𑌰𑍀𑌰𑌂𑌗𑌨𑌿𑌲𑌯𑌾 𑌪𑍂𑌜𑍍𑌯𑌾 𑌦𑌿𑌵𑍍𑌯𑌦𑍇𑌶𑌸𑍁𑌶𑍋𑌭𑌿𑌤𑌾 ॥ 2𑍮 ॥

𑌇𑌤𑌿 𑌶𑍍𑌰𑍀𑌗𑍋𑌦𑌾𑌷𑍍𑌟𑍋𑌤𑍍𑌤𑌰𑌶𑌤𑌨𑌾𑌮𑌸𑍍𑌤𑍋𑌤𑍍𑌰𑌮𑍍 ।