𑌦𑍇𑌵𑍀 𑌮𑌾𑌹𑌾𑌤𑍍𑌮𑍍𑌯𑌂 𑌦𑍁𑌰𑍍𑌗𑌾 𑌸𑌪𑍍𑌤𑌶𑌤𑌿 𑌨𑌵𑌮𑍋𑌽𑌧𑍍𑌯𑌾𑌯𑌃

𑌨𑌿𑌶𑍁𑌂𑌭𑌵𑌧𑍋𑌨𑌾𑌮 𑌨𑌵𑌮𑍋𑌧𑍍𑌯𑌾𑌯𑌃 ॥

𑌧𑍍𑌯𑌾𑌨𑌂
𑌓𑌂 𑌬𑌂𑌧𑍂𑌕 𑌕𑌾𑌂𑌚𑌨𑌨𑌿𑌭𑌂 𑌰𑍁𑌚𑌿𑌰𑌾𑌕𑍍𑌷𑌮𑌾𑌲𑌾𑌂
𑌪𑌾𑌶𑌾𑌂𑌕𑍁𑌶𑍌 𑌚 𑌵𑌰𑌦𑌾𑌂 𑌨𑌿𑌜𑌬𑌾𑌹𑍁𑌦𑌂𑌡𑍈𑌃 ।
𑌬𑌿𑌭𑍍𑌰𑌾𑌣𑌮𑌿𑌂𑌦𑍁 𑌶𑌕𑌲𑌾𑌭𑌰𑌣𑌾𑌂 𑌤𑍍𑌰𑌿𑌨𑍇𑌤𑍍𑌰𑌾𑌂-
𑌅𑌰𑍍𑌧𑌾𑌂𑌬𑌿𑌕𑍇𑌶𑌮𑌨𑌿𑌶𑌂 𑌵𑌪𑍁𑌰𑌾𑌶𑍍𑌰𑌯𑌾𑌮𑌿 ॥

𑌰𑌾𑌜𑍌𑌵𑌾𑌚॥1॥

𑌵𑌿𑌚𑌿𑌤𑍍𑌰𑌮𑌿𑌦𑌮𑌾𑌖𑍍𑌯𑌾𑌤𑌂 𑌭𑌗𑌵𑌨𑍍 𑌭𑌵𑌤𑌾 𑌮𑌮 ।
𑌦𑍇𑌵𑍍𑌯𑌾𑌶𑍍𑌚𑌰𑌿𑌤𑌮𑌾𑌹𑌾𑌤𑍍𑌮𑍍𑌯𑌂 𑌰𑌕𑍍𑌤 𑌬𑍀𑌜𑌵𑌧𑌾𑌶𑍍𑌰𑌿𑌤𑌮𑍍 ॥ 2॥

𑌭𑍂𑌯𑌶𑍍𑌚𑍇𑌚𑍍𑌛𑌾𑌮𑍍𑌯𑌹𑌂 𑌶𑍍𑌰𑍋𑌤𑍁𑌂 𑌰𑌕𑍍𑌤𑌬𑍀𑌜𑍇 𑌨𑌿𑌪𑌾𑌤𑌿𑌤𑍇 ।
𑌚𑌕𑌾𑌰 𑌶𑍁𑌂𑌭𑍋 𑌯𑌤𑍍𑌕𑌰𑍍𑌮 𑌨𑌿𑌶𑍁𑌂𑌭𑌶𑍍𑌚𑌾𑌤𑌿𑌕𑍋𑌪𑌨𑌃 ॥3॥

𑌋𑌷𑌿𑌰𑍁𑌵𑌾𑌚 ॥4॥

𑌚𑌕𑌾𑌰 𑌕𑍋𑌪𑌮𑌤𑍁𑌲𑌂 𑌰𑌕𑍍𑌤𑌬𑍀𑌜𑍇 𑌨𑌿𑌪𑌾𑌤𑌿𑌤𑍇।
𑌶𑍁𑌂𑌭𑌾𑌸𑍁𑌰𑍋 𑌨𑌿𑌶𑍁𑌂𑌭𑌶𑍍𑌚 𑌹𑌤𑍇𑌷𑍍𑌵𑌨𑍍𑌯𑍇𑌷𑍁 𑌚𑌾𑌹𑌵𑍇 ॥5॥

𑌹𑌨𑍍𑌯𑌮𑌾𑌨𑌂 𑌮𑌹𑌾𑌸𑍈𑌨𑍍𑌯𑌂 𑌵𑌿𑌲𑍋𑌕𑍍𑌯𑌾𑌮𑌰𑍍𑌷𑌮𑍁𑌦𑍍𑌵𑌹𑌨𑍍।
𑌅𑌭𑍍𑌯𑌦𑌾𑌵𑌨𑍍𑌨𑌿𑌶𑍁𑌂𑌬𑍋𑌽𑌥 𑌮𑍁𑌖𑍍𑌯𑌯𑌾𑌸𑍁𑌰 𑌸𑍇𑌨𑌯𑌾 ॥6॥

𑌤𑌸𑍍𑌯𑌾𑌗𑍍𑌰𑌤𑌸𑍍𑌤𑌥𑌾 𑌪𑍃𑌷𑍍𑌠𑍇 𑌪𑌾𑌰𑍍𑌶𑍍𑌵𑌯𑍋𑌶𑍍𑌚 𑌮𑌹𑌾𑌸𑍁𑌰𑌾𑌃
𑌸𑌂𑌦𑌷𑍍𑌟𑍌𑌷𑍍𑌠𑌪𑍁𑌟𑌾𑌃 𑌕𑍍𑌰𑍁𑌦𑍍𑌧𑌾 𑌹𑌂𑌤𑍁𑌂 𑌦𑍇𑌵𑍀𑌮𑍁𑌪𑌾𑌯𑌯𑍁𑌃 ॥𑍭॥

𑌆𑌜𑌗𑌾𑌮 𑌮𑌹𑌾𑌵𑍀𑌰𑍍𑌯𑌃 𑌶𑍁𑌂𑌭𑍋𑌽𑌪𑌿 𑌸𑍍𑌵𑌬𑌲𑍈𑌰𑍍𑌵𑍃𑌤𑌃।
𑌨𑌿𑌹𑌂𑌤𑍁𑌂 𑌚𑌂𑌡𑌿𑌕𑌾𑌂 𑌕𑍋𑌪𑌾𑌤𑍍𑌕𑍃𑌤𑍍𑌵𑌾 𑌯𑍁𑌦𑍍𑌦𑌂 𑌤𑍁 𑌮𑌾𑌤𑍃𑌭𑌿𑌃 ॥𑍮॥

𑌤𑌤𑍋 𑌯𑍁𑌦𑍍𑌧𑌮𑌤𑍀𑌵𑌾𑌸𑍀𑌦𑍍𑌦𑍇𑌵𑍍𑌯𑌾 𑌶𑍁𑌂𑌭𑌨𑌿𑌶𑍁𑌂𑌭𑌯𑍋𑌃।
𑌶𑌰𑌵𑌰𑍍𑌷𑌮𑌤𑍀𑌵𑍋𑌗𑍍𑌰𑌂 𑌮𑍇𑌘𑌯𑍋𑌰𑌿𑌵 𑌵𑌰𑍍𑌷𑌤𑍋𑌃 ॥𑍯॥

𑌚𑌿𑌚𑍍𑌛𑍇𑌦𑌾𑌸𑍍𑌤𑌾𑌂𑌛𑌰𑌾𑌂𑌸𑍍𑌤𑌾𑌭𑍍𑌯𑌾𑌂 𑌚𑌂𑌡𑌿𑌕𑌾 𑌸𑍍𑌵𑌶𑌰𑍋𑌤𑍍𑌕𑌰𑍈𑌃।
𑌤𑌾𑌡𑌯𑌾𑌮𑌾𑌸 𑌚𑌾𑌂𑌗𑍇𑌷𑍁 𑌶𑌸𑍍𑌤𑍍𑌰𑍌𑌘𑍈𑌰𑌸𑍁𑌰𑍇𑌶𑍍𑌵𑌰𑍌 ॥10॥

𑌨𑌿𑌶𑍁𑌂𑌭𑍋 𑌨𑌿𑌶𑌿𑌤𑌂 𑌖𑌡𑍍𑌗𑌂 𑌚𑌰𑍍𑌮 𑌚𑌾𑌦𑌾𑌯 𑌸𑍁𑌪𑍍𑌰𑌭𑌮𑍍।
𑌅𑌤𑌾𑌡𑌯𑌨𑍍𑌮𑍂𑌰𑍍𑌧𑍍𑌨𑌿 𑌸𑌿𑌂𑌹𑌂 𑌦𑍇𑌵𑍍𑌯𑌾 𑌵𑌾𑌹𑌨𑌮𑍁𑌤𑍍𑌤𑌮𑌮𑍍॥11॥

𑌤𑌾𑌡𑌿𑌤𑍇 𑌵𑌾𑌹𑌨𑍇 𑌦𑍇𑌵𑍀 𑌕𑍍𑌷𑍁𑌰 𑌪𑍍𑌰𑍇𑌣𑌾𑌸𑌿𑌮𑍁𑌤𑍍𑌤𑌮𑌮𑍍।
𑌶𑍁𑌂𑌭𑌸𑍍𑌯𑌾𑌶𑍁 𑌚𑌿𑌚𑍍𑌛𑍇𑌦 𑌚𑌰𑍍𑌮 𑌚𑌾𑌪𑍍𑌯𑌷𑍍𑌟 𑌚𑌂𑌦𑍍𑌰𑌕𑌮𑍍 ॥12॥

𑌛𑌿𑌨𑍍𑌨𑍇 𑌚𑌰𑍍𑌮𑌣𑌿 𑌖𑌡𑍍𑌗𑍇 𑌚 𑌶𑌕𑍍𑌤𑌿𑌂 𑌚𑌿𑌕𑍍𑌷𑍇𑌪 𑌸𑍋𑌽𑌸𑍁𑌰𑌃।
𑌤𑌾𑌮𑌪𑍍𑌯𑌸𑍍𑌯 𑌦𑍍𑌵𑌿𑌧𑌾 𑌚𑌕𑍍𑌰𑍇 𑌚𑌕𑍍𑌰𑍇𑌣𑌾𑌭𑌿𑌮𑍁𑌖𑌾𑌗𑌤𑌾𑌮𑍍॥13॥

𑌕𑍋𑌪𑌾𑌧𑍍𑌮𑌾𑌤𑍋 𑌨𑌿𑌶𑍁𑌂𑌭𑍋𑌽𑌥 𑌶𑍂𑌲𑌂 𑌜𑌗𑍍𑌰𑌾𑌹 𑌦𑌾𑌨𑌵𑌃।
𑌆𑌯𑌾𑌤𑌂 𑌮𑍁𑌷𑍍𑌠𑌿𑌪𑌾𑌤𑍇𑌨 𑌦𑍇𑌵𑍀 𑌤𑌚𑍍𑌚𑌾𑌪𑍍𑌯𑌚𑍂𑌰𑍍𑌣𑌯𑌤𑍍॥14॥

𑌆𑌵𑌿𑌦𑍍𑌧𑍍𑌯𑌾𑌥 𑌗𑌦𑌾𑌂 𑌸𑍋𑌽𑌪𑌿 𑌚𑌿𑌕𑍍𑌷𑍇𑌪 𑌚𑌂𑌡𑌿𑌕𑌾𑌂 𑌪𑍍𑌰𑌤𑌿।
𑌸𑌾𑌪𑌿 𑌦𑍇𑌵𑍍𑌯𑌾𑌸𑍍 𑌤𑍍𑌰𑌿𑌶𑍂𑌲𑍇𑌨 𑌭𑌿𑌨𑍍𑌨𑌾 𑌭𑌸𑍍𑌮𑌤𑍍𑌵𑌮𑌾𑌗𑌤𑌾॥15॥

𑌤𑌤𑌃 𑌪𑌰𑌶𑍁𑌹𑌸𑍍𑌤𑌂 𑌤𑌮𑌾𑌯𑌾𑌂𑌤𑌂 𑌦𑍈𑌤𑍍𑌯𑌪𑍁𑌂𑌗𑌵𑌂।
𑌆𑌹𑌤𑍍𑌯 𑌦𑍇𑌵𑍀 𑌬𑌾𑌣𑍌𑌘𑍈𑌰𑌪𑌾𑌤𑌯𑌤 𑌭𑍂𑌤𑌲𑍇॥16॥

𑌤𑌸𑍍𑌮𑌿𑌨𑍍𑌨𑌿 𑌪𑌤𑌿𑌤𑍇 𑌭𑍂𑌮𑍌 𑌨𑌿𑌶𑍁𑌂𑌭𑍇 𑌭𑍀𑌮𑌵𑌿𑌕𑍍𑌰𑌮𑍇।
𑌭𑍍𑌰𑌾𑌤𑌰𑍍𑌯𑌤𑍀𑌵 𑌸𑌂𑌕𑍍𑌰𑍁𑌦𑍍𑌧𑌃 𑌪𑍍𑌰𑌯𑌯𑍌 𑌹𑌂𑌤𑍁𑌮𑌂𑌬𑌿𑌕𑌾𑌮𑍍॥1𑍭॥

𑌸 𑌰𑌥𑌸𑍍𑌥𑌸𑍍𑌤𑌥𑌾𑌤𑍍𑌯𑍁𑌚𑍍𑌛𑍈 𑌰𑍍𑌗𑍃𑌹𑍀𑌤𑌪𑌰𑌮𑌾𑌯𑍁𑌧𑍈𑌃।
𑌭𑍁𑌜𑍈𑌰𑌷𑍍𑌟𑌾𑌭𑌿𑌰𑌤𑍁𑌲𑍈 𑌰𑍍𑌵𑍍𑌯𑌾𑌪𑍍𑌯𑌾 𑌶𑍇𑌷𑌂 𑌬𑌭𑍌 𑌨𑌭𑌃॥1𑍮॥

𑌤𑌮𑌾𑌯𑌾𑌂𑌤𑌂 𑌸𑌮𑌾𑌲𑍋𑌕𑍍𑌯 𑌦𑍇𑌵𑍀 𑌶𑌂𑌖𑌮𑌵𑌾𑌦𑌯𑌤𑍍।
𑌜𑍍𑌯𑌾𑌶𑌬𑍍𑌦𑌂 𑌚𑌾𑌪𑌿 𑌧𑌨𑍁𑌷 𑌶𑍍𑌚𑌕𑌾𑌰𑌾𑌤𑍀𑌵 𑌦𑍁𑌃𑌸𑌹𑌮𑍍॥1𑍯॥

𑌪𑍂𑌰𑌯𑌾𑌮𑌾𑌸 𑌕𑌕𑍁𑌭𑍋 𑌨𑌿𑌜𑌘𑌂𑌟𑌾 𑌸𑍍𑌵𑌨𑍇𑌨 𑌚।
𑌸𑌮𑌸𑍍𑌤𑌦𑍈𑌤𑍍𑌯𑌸𑍈𑌨𑍍𑌯𑌾𑌨𑌾𑌂 𑌤𑍇𑌜𑍋𑌵𑌧𑌵𑌿𑌧𑌾𑌯𑌿𑌨𑌾॥20॥

𑌤𑌤𑌃 𑌸𑌿𑌂𑌹𑍋 𑌮𑌹𑌾𑌨𑌾𑌦𑍈 𑌸𑍍𑌤𑍍𑌯𑌾𑌜𑌿𑌤𑍇𑌭𑌮𑌹𑌾𑌮𑌦𑍈𑌃।
𑌪𑍁𑌰𑌯𑌾𑌮𑌾𑌸 𑌗𑌗𑌨𑌂 𑌗𑌾𑌂 𑌤𑌥𑍈𑌵 𑌦𑌿𑌶𑍋 𑌦𑌶॥21॥

𑌤𑌤𑌃 𑌕𑌾𑌳𑍀 𑌸𑌮𑍁𑌤𑍍𑌪𑌤𑍍𑌯 𑌗𑌗𑌨𑌂 𑌕𑍍𑌷𑍍𑌮𑌾𑌮𑌤𑌾𑌡𑌯𑌤𑍍।
𑌕𑌰𑌾𑌭𑍍𑌯𑌾𑌂 𑌤𑌨𑍍𑌨𑌿𑌨𑌾𑌦𑍇𑌨 𑌪𑍍𑌰𑌾𑌕𑍍𑌸𑍍𑌵𑌨𑌾𑌸𑍍𑌤𑍇 𑌤𑌿𑌰𑍋𑌹𑌿𑌤𑌾𑌃॥22॥

𑌅𑌟𑍍𑌟𑌾𑌟𑍍𑌟𑌹𑌾𑌸𑌮𑌶𑌿𑌵𑌂 𑌶𑌿𑌵𑌦𑍂𑌤𑍀 𑌚𑌕𑌾𑌰 𑌹।
𑌵𑍈𑌃 𑌶𑌬𑍍𑌦𑍈𑌰𑌸𑍁𑌰𑌾𑌸𑍍𑌤𑍍𑌰𑍇𑌸𑍁𑌃 𑌶𑍁𑌂𑌭𑌃 𑌕𑍋𑌪𑌂 𑌪𑌰𑌂 𑌯𑌯𑍌॥23॥

𑌦𑍁𑌰𑌾𑌤𑍍𑌮𑌂 𑌸𑍍𑌤𑌿𑌷𑍍𑌟 𑌤𑌿𑌷𑍍𑌠𑍇𑌤𑌿 𑌵𑍍𑌯𑌾𑌜 𑌹𑌾𑌰𑌾𑌂𑌬𑌿𑌕𑌾 𑌯𑌦𑌾।
𑌤𑌦𑌾 𑌜𑌯𑍇𑌤𑍍𑌯𑌭𑌿𑌹𑌿𑌤𑌂 𑌦𑍇𑌵𑍈𑌰𑌾𑌕𑌾𑌶 𑌸𑌂𑌸𑍍𑌥𑌿𑌤𑍈𑌃॥24॥

𑌶𑍁𑌂𑌭𑍇𑌨𑌾𑌗𑌤𑍍𑌯 𑌯𑌾 𑌶𑌕𑍍𑌤𑌿𑌰𑍍𑌮𑍁𑌕𑍍𑌤𑌾 𑌜𑍍𑌵𑌾𑌲𑌾𑌤𑌿𑌭𑍀𑌷𑌣𑌾।
𑌆𑌯𑌾𑌂𑌤𑍀 𑌵𑌹𑍍𑌨𑌿𑌕𑍂𑌟𑌾𑌭𑌾 𑌸𑌾 𑌨𑌿𑌰𑌸𑍍𑌤𑌾 𑌮𑌹𑍋𑌲𑍍𑌕𑌯𑌾॥25॥

𑌸𑌿𑌂𑌹𑌨𑌾𑌦𑍇𑌨 𑌶𑍁𑌂𑌭𑌸𑍍𑌯 𑌵𑍍𑌯𑌾𑌪𑍍𑌤𑌂 𑌲𑍋𑌕𑌤𑍍𑌰𑌯𑌾𑌂𑌤𑌰𑌮𑍍।
𑌨𑌿𑌰𑍍𑌘𑌾𑌤𑌨𑌿𑌃𑌸𑍍𑌵𑌨𑍋 𑌘𑍋𑌰𑍋 𑌜𑌿𑌤𑌵𑌾𑌨𑌵𑌨𑍀𑌪𑌤𑍇॥26॥

𑌶𑍁𑌂𑌭𑌮𑍁𑌕𑍍𑌤𑌾𑌂𑌛𑌰𑌾𑌂𑌦𑍇𑌵𑍀 𑌶𑍁𑌂𑌭𑌸𑍍𑌤𑌤𑍍𑌪𑍍𑌰𑌹𑌿𑌤𑌾𑌂𑌛𑌰𑌾𑌨𑍍।
𑌚𑌿𑌚𑍍𑌛𑍇𑌦 𑌸𑍍𑌵𑌶𑌰𑍈𑌰𑍁𑌗𑍍𑌰𑍈𑌃 𑌶𑌤𑌶𑍋𑌽𑌥 𑌸𑌹𑌸𑍍𑌰𑌶𑌃॥2𑍭॥

𑌤𑌤𑌃 𑌸𑌾 𑌚𑌂𑌡𑌿𑌕𑌾 𑌕𑍍𑌰𑍁𑌦𑍍𑌧𑌾 𑌶𑍂𑌲𑍇𑌨𑌾𑌭𑌿𑌜𑌘𑌾𑌨 𑌤𑌮𑍍।
𑌸 𑌤𑌦𑌾𑌭𑌿 𑌹𑌤𑍋 𑌭𑍂𑌮𑍌 𑌮𑍂𑌰𑍍𑌛𑌿𑌤𑍋 𑌨𑌿𑌪𑌪𑌾𑌤 𑌹॥2𑍮॥

𑌤𑌤𑍋 𑌨𑌿𑌶𑍁𑌂𑌭𑌃 𑌸𑌂𑌪𑍍𑌰𑌾𑌪𑍍𑌯 𑌚𑍇𑌤𑌨𑌾𑌮𑌾𑌤𑍍𑌤𑌕𑌾𑌰𑍍𑌮𑍁𑌕𑌃।
𑌆𑌜𑌘𑌾𑌨 𑌶𑌰𑍈𑌰𑍍𑌦𑍇𑌵𑍀𑌂 𑌕𑌾𑌳𑍀𑌂 𑌕𑍇𑌸𑌰𑌿𑌣𑌂 𑌤𑌥𑌾॥2𑍯॥

𑌪𑍁𑌨𑌶𑍍𑌚 𑌕𑍃𑌤𑍍𑌵𑌾 𑌬𑌾𑌹𑍁𑌨𑌾𑌮𑌯𑍁𑌤𑌂 𑌦𑌨𑍁𑌜𑍇𑌶𑍍𑌵𑌰𑌃।
𑌚𑌕𑍍𑌰𑌾𑌯𑍁𑌧𑍇𑌨 𑌦𑌿𑌤𑌿𑌜𑌶𑍍𑌚𑌾𑌦𑌯𑌾𑌮𑌾𑌸 𑌚𑌂𑌡𑌿𑌕𑌾𑌮𑍍॥30॥

𑌤𑌤𑍋 𑌭𑌗𑌵𑌤𑍀 𑌕𑍍𑌰𑍁𑌦𑍍𑌧𑌾 𑌦𑍁𑌰𑍍𑌗𑌾𑌦𑍁𑌰𑍍𑌗𑌾𑌰𑍍𑌤𑌿 𑌨𑌾𑌶𑌿𑌨𑍀।
𑌚𑌿𑌚𑍍𑌛𑍇𑌦 𑌦𑍇𑌵𑍀 𑌚𑌕𑍍𑌰𑌾𑌣𑌿 𑌸𑍍𑌵𑌶𑌰𑍈𑌃 𑌸𑌾𑌯𑌕𑌾𑌂𑌶𑍍𑌚 𑌤𑌾𑌨𑍍॥31॥

𑌤𑌤𑍋 𑌨𑌿𑌶𑍁𑌂𑌭𑍋 𑌵𑍇𑌗𑍇𑌨 𑌗𑌦𑌾𑌮𑌾𑌦𑌾𑌯 𑌚𑌂𑌡𑌿𑌕𑌾𑌮𑍍।
𑌅𑌭𑍍𑌯𑌧𑌾𑌵𑌤 𑌵𑍈 𑌹𑌂𑌤𑍁𑌂 𑌦𑍈𑌤𑍍𑌯 𑌸𑍇𑌨𑌾𑌸𑌮𑌾𑌵𑍃𑌤𑌃॥32॥

𑌤𑌸𑍍𑌯𑌾𑌪𑌤𑌤 𑌏𑌵𑌾𑌶𑍁 𑌗𑌦𑌾𑌂 𑌚𑌿𑌚𑍍𑌛𑍇𑌦 𑌚𑌂𑌡𑌿𑌕𑌾।
𑌖𑌡𑍍𑌗𑍇𑌨 𑌶𑌿𑌤𑌧𑌾𑌰𑍇𑌣 𑌸 𑌚 𑌶𑍂𑌲𑌂 𑌸𑌮𑌾𑌦𑌦𑍇॥33॥

𑌶𑍂𑌲𑌹𑌸𑍍𑌤𑌂 𑌸𑌮𑌾𑌯𑌾𑌂𑌤𑌂 𑌨𑌿𑌶𑍁𑌂𑌭𑌮𑌮𑌰𑌾𑌰𑍍𑌦𑌨𑌮𑍍।
𑌹𑍃𑌦𑌿 𑌵𑌿𑌵𑍍𑌯𑌾𑌧 𑌶𑍂𑌲𑍇𑌨 𑌵𑍇𑌗𑌾𑌵𑌿𑌦𑍍𑌧𑍇𑌨 𑌚𑌂𑌡𑌿𑌕𑌾॥34॥

𑌖𑌿𑌨𑍍𑌨𑌸𑍍𑌯 𑌤𑌸𑍍𑌯 𑌶𑍂𑌲𑍇𑌨 𑌹𑍃𑌦𑌯𑌾𑌨𑍍𑌨𑌿𑌃𑌸𑍃𑌤𑍋¶𑌃।
𑌮𑌹𑌾𑌬𑌲𑍋 𑌮𑌹𑌾𑌵𑍀𑌰𑍍𑌯𑌸𑍍𑌤𑌿𑌷𑍍𑌠𑍇𑌤𑌿 𑌪𑍁𑌰𑍁𑌷𑍋 𑌵𑌦𑌨𑍍॥35॥

𑌤𑌸𑍍𑌯 𑌨𑌿𑌷𑍍𑌕𑍍𑌰𑌾𑌮𑌤𑍋 𑌦𑍇𑌵𑍀 𑌪𑍍𑌰𑌹𑌸𑍍𑌯 𑌸𑍍𑌵𑌨𑌵𑌤𑍍𑌤𑌤𑌃।
𑌶𑌿𑌰𑌶𑍍𑌚𑌿𑌚𑍍𑌛𑍇𑌦 𑌖𑌡𑍍𑌗𑍇𑌨 𑌤𑌤𑍋𑌽𑌸𑌾𑌵𑌪𑌤𑌦𑍍𑌭𑍁𑌵𑌿॥36॥

𑌤𑌤𑌃 𑌸𑌿𑌂𑌹𑌶𑍍𑌚 𑌖𑌾𑌦𑍋𑌗𑍍𑌰 𑌦𑌂𑌷𑍍𑌟𑍍𑌰𑌾𑌕𑍍𑌷𑍁𑌣𑍍𑌣𑌶𑌿𑌰𑍋𑌧𑌰𑌾𑌨𑍍।
𑌅𑌸𑍁𑌰𑌾𑌂 𑌸𑍍𑌤𑌾𑌂𑌸𑍍𑌤𑌥𑌾 𑌕𑌾𑌳𑍀 𑌶𑌿𑌵𑌦𑍂𑌤𑍀 𑌤𑌥𑌾𑌪𑌰𑌾𑌨𑍍॥3𑍭॥

𑌕𑍌𑌮𑌾𑌰𑍀 𑌶𑌕𑍍𑌤𑌿𑌨𑌿𑌰𑍍𑌭𑌿𑌨𑍍𑌨𑌾𑌃 𑌕𑍇𑌚𑌿𑌨𑍍𑌨𑍇𑌶𑍁𑌰𑍍𑌮𑌹𑌾𑌸𑍁𑌰𑌾𑌃
𑌬𑍍𑌰𑌹𑍍𑌮𑌾𑌣𑍀 𑌮𑌂𑌤𑍍𑌰𑌪𑍂𑌤𑍇𑌨 𑌤𑍋𑌯𑍇𑌨𑌾𑌨𑍍𑌯𑍇 𑌨𑌿𑌰𑌾𑌕𑍃𑌤𑌾𑌃॥3𑍮॥

𑌮𑌾𑌹𑍇𑌶𑍍𑌵𑌰𑍀 𑌤𑍍𑌰𑌿𑌶𑍂𑌲𑍇𑌨 𑌭𑌿𑌨𑍍𑌨𑌾𑌃 𑌪𑍇𑌤𑍁𑌸𑍍𑌤𑌥𑌾𑌪𑌰𑍇।
𑌵𑌾𑌰𑌾𑌹𑍀𑌤𑍁𑌂𑌡𑌘𑌾𑌤𑍇𑌨 𑌕𑍇𑌚𑌿𑌚𑍍𑌚𑍂𑌰𑍍𑌣𑍀 𑌕𑍃𑌤𑌾 𑌭𑍁𑌵𑌿॥3𑍯॥

𑌖𑌂𑌡𑌂 𑌖𑌂𑌡𑌂 𑌚 𑌚𑌕𑍍𑌰𑍇𑌣 𑌵𑍈𑌷𑍍𑌣𑌵𑍍𑌯𑌾 𑌦𑌾𑌨𑌵𑌾𑌃 𑌕𑍃𑌤𑌾𑌃।
𑌵𑌜𑍍𑌰𑍇𑌣 𑌚𑍈𑌂𑌦𑍍𑌰𑍀 𑌹𑌸𑍍𑌤𑌾𑌗𑍍𑌰 𑌵𑌿𑌮𑍁𑌕𑍍𑌤𑍇𑌨 𑌤𑌥𑌾𑌪𑌰𑍇॥40॥

𑌕𑍇𑌚𑌿𑌦𑍍𑌵𑌿𑌨𑍇𑌶𑍁𑌰𑌸𑍁𑌰𑌾𑌃 𑌕𑍇𑌚𑌿𑌨𑍍𑌨𑌷𑍍𑌟𑌾𑌮𑌹𑌾𑌹𑌵𑌾𑌤𑍍।
𑌭𑌕𑍍𑌷𑌿𑌤𑌾𑌶𑍍𑌚𑌾𑌪𑌰𑍇 𑌕𑌾𑌳𑍀𑌶𑌿𑌵𑌧𑍂𑌤𑍀 𑌮𑍃𑌗𑌾𑌧𑌿𑌪𑍈𑌃॥41॥

॥ 𑌸𑍍𑌵𑌸𑍍𑌤𑌿 𑌶𑍍𑌰𑍀 𑌮𑌾𑌰𑍍𑌕𑌂𑌡𑍇𑌯 𑌪𑍁𑌰𑌾𑌣𑍇 𑌸𑌾𑌵𑌰𑍍𑌨𑌿𑌕𑍇 𑌮𑌨𑍍𑌵𑌂𑌤𑌰𑍇 𑌦𑍇𑌵𑌿 𑌮𑌹𑌤𑍍𑌮𑍍𑌯𑍇 𑌨𑌿𑌶𑍁𑌂𑌭𑌵𑌧𑍋𑌨𑌾𑌮 𑌨𑌵𑌮𑍋𑌧𑍍𑌯𑌾𑌯 𑌸𑌮𑌾𑌪𑍍𑌤𑌮𑍍 ॥

𑌆𑌹𑍁𑌤𑌿
𑌓𑌂 𑌕𑍍𑌲𑍀𑌂 𑌜𑌯𑌂𑌤𑍀 𑌸𑌾𑌂𑌗𑌾𑌯𑍈 𑌸𑌶𑌕𑍍𑌤𑌿𑌕𑌾𑌯𑍈 𑌸𑌪𑌰𑌿𑌵𑌾𑌰𑌾𑌯𑍈 𑌸𑌵𑌾𑌹𑌨𑌾𑌯𑍈 𑌮𑌹𑌾𑌹𑍁𑌤𑌿𑌂 𑌸𑌮𑌰𑍍𑌪𑌯𑌾𑌮𑌿 𑌨𑌮𑌃 𑌸𑍍𑌵𑌾𑌹𑌾 ॥