𑌦𑍇𑌵𑍀 𑌮𑌾𑌹𑌾𑌤𑍍𑌮𑍍𑌯𑌂 𑌦𑍁𑌰𑍍𑌗𑌾 𑌸𑌪𑍍𑌤𑌶𑌤𑌿 𑌸𑌪𑍍𑌤𑌮𑍋𑌽𑌧𑍍𑌯𑌾𑌯𑌃

𑌚𑌂𑌡𑌮𑍁𑌂𑌡 𑌵𑌧𑍋 𑌨𑌾𑌮 𑌸𑌪𑍍𑌤𑌮𑍋𑌧𑍍𑌯𑌾𑌯𑌃 ॥

𑌧𑍍𑌯𑌾𑌨𑌂
𑌧𑍍𑌯𑌾𑌯𑍇𑌂 𑌰𑌤𑍍𑌨 𑌪𑍀𑌠𑍇 𑌶𑍁𑌕𑌕𑌲 𑌪𑌠𑌿𑌤𑌂 𑌶𑍍𑌰𑍁𑌣𑍍𑌵𑌤𑍀𑌂 𑌶𑍍𑌯𑌾𑌮𑌲𑌾𑌂𑌗𑍀𑌂।
𑌨𑍍𑌯𑌸𑍍𑌤𑍈𑌕𑌾𑌂𑌘𑍍𑌰𑌿𑌂 𑌸𑌰𑍋𑌜𑍇 𑌶𑌶𑌿 𑌶𑌕𑌲 𑌧𑌰𑌾𑌂 𑌵𑌲𑍍𑌲𑌕𑍀𑌂 𑌵𑌾𑌦 𑌯𑌂𑌤𑍀𑌂
𑌕𑌹𑌲𑌾𑌰𑌾𑌬𑌦𑍍𑌧 𑌮𑌾𑌲𑌾𑌂 𑌨𑌿𑌯𑌮𑌿𑌤 𑌵𑌿𑌲𑌸𑌚𑍍𑌚𑍋𑌲𑌿𑌕𑌾𑌂 𑌰𑌕𑍍𑌤 𑌵𑌸𑍍𑌤𑍍𑌰𑌾𑌂।
𑌮𑌾𑌤𑌂𑌗𑍀𑌂 𑌶𑌂𑌖 𑌪𑌾𑌤𑍍𑌰𑌾𑌂 𑌮𑌧𑍁𑌰 𑌮𑌧𑍁𑌮𑌦𑌾𑌂 𑌚𑌿𑌤𑍍𑌰𑌕𑍋𑌦𑍍𑌭𑌾𑌸𑌿 𑌭𑌾𑌲𑌾𑌂।

𑌋𑌷𑌿𑌰𑍁𑌵𑌾𑌚।

𑌆𑌜𑍍𑌞𑌪𑍍𑌤𑌾𑌸𑍍𑌤𑍇 𑌤𑌤𑍋𑌦𑍈𑌤𑍍𑌯𑌾-𑌶𑍍𑌚𑌂𑌡𑌮𑍁𑌂𑌡𑌪𑍁𑌰𑍋𑌗𑌮𑌾𑌃।
𑌚𑌤𑍁𑌰𑌂𑌗𑌬𑌲𑍋𑌪𑍇𑌤𑌾 𑌯𑌯𑍁𑌰𑌭𑍍𑌯𑍁𑌦𑍍𑌯𑌤𑌾𑌯𑍁𑌧𑌾𑌃॥1॥

𑌦𑌦𑍃𑌶𑍁𑌸𑍍𑌤𑍇 𑌤𑌤𑍋 𑌦𑍇𑌵𑍀-𑌮𑍀𑌷𑌦𑍍𑌧𑌾𑌸𑌾𑌂 𑌵𑍍𑌯𑌵𑌸𑍍𑌥𑌿𑌤𑌾𑌮𑍍।
𑌸𑌿𑌂𑌹𑌸𑍍𑌯𑍋𑌪𑌰𑌿 𑌶𑍈𑌲𑍇𑌂𑌦𑍍𑌰-𑌶𑍃𑌂𑌗𑍇 𑌮𑌹𑌤𑌿𑌕𑌾𑌂𑌚𑌨𑍇॥2॥

𑌤𑍇𑌦𑍃𑌷𑍍𑌟𑍍𑌵𑌾𑌤𑌾𑌂𑌸𑌮𑌾𑌦𑌾𑌤𑍁-𑌮𑍁𑌦𑍍𑌯𑌮𑌂𑌂𑌚𑌕𑍍𑌰𑍁𑌰𑍁𑌦𑍍𑌯𑌤𑌾𑌃
𑌆𑌕𑍃𑌷𑍍𑌟𑌚𑌾𑌪𑌾𑌸𑌿𑌧𑌰𑌾-𑌸𑍍𑌤𑌥𑌾𑌽𑌨𑍍𑌯𑍇 𑌤𑌤𑍍𑌸𑌮𑍀𑌪𑌗𑌾𑌃॥3॥

𑌤𑌤𑌃 𑌕𑍋𑌪𑌂 𑌚𑌕𑌾𑌰𑍋𑌚𑍍𑌚𑍈-𑌰𑌂𑌬𑌿𑌕𑌾 𑌤𑌾𑌨𑌰𑍀𑌨𑍍𑌪𑍍𑌰𑌤𑌿।
𑌕𑍋𑌪𑍇𑌨 𑌚𑌾𑌸𑍍𑌯𑌾 𑌵𑌦𑌨𑌂 𑌮𑌷𑍀𑌵𑌰𑍍𑌣𑌮𑌭𑍂𑌤𑍍𑌤𑌦𑌾॥4॥

𑌭𑍍𑌰𑍁𑌕𑍁𑌟𑍀𑌕𑍁𑌟𑌿𑌲𑌾𑌤𑍍𑌤𑌸𑍍𑌯𑌾 𑌲𑌲𑌾𑌟𑌫𑌲𑌕𑌾𑌦𑍍𑌦𑍍𑌰𑍁𑌤𑌮𑍍।
𑌕𑌾𑌳𑍀 𑌕𑌰𑌾𑌳 𑌵𑌦𑌨𑌾 𑌵𑌿𑌨𑌿𑌷𑍍𑌕𑍍𑌰𑌾𑌂𑌤𑌾𑌽𑌸𑌿𑌪𑌾𑌶𑌿𑌨𑍀 ॥5॥

𑌵𑌿𑌚𑌿𑌤𑍍𑌰𑌖𑌟𑍍𑌵𑌾𑌂𑌗𑌧𑌰𑌾 𑌨𑌰𑌮𑌾𑌲𑌾𑌵𑌿𑌭𑍂𑌷𑌣𑌾।
𑌦𑍍𑌵𑍀𑌪𑌿𑌚𑌰𑍍𑌮𑌪𑌰𑍀𑌧𑌾𑌨𑌾 𑌶𑍁𑌷𑍍𑌕𑌮𑌾𑌂𑌸𑌾𑌽𑌤𑌿𑌭𑍈𑌰𑌵𑌾॥6॥

𑌅𑌤𑌿𑌵𑌿𑌸𑍍𑌤𑌾𑌰𑌵𑌦𑌨𑌾 𑌜𑌿𑌹𑍍𑌵𑌾𑌲𑌲𑌨𑌭𑍀𑌷𑌣𑌾।
𑌨𑌿𑌮𑌗𑍍𑌨𑌾𑌰𑌕𑍍𑌤𑌨𑌯𑌨𑌾 𑌨𑌾𑌦𑌾𑌪𑍂𑌰𑌿𑌤𑌦𑌿𑌙𑍍𑌮𑍁𑌖𑌾 ॥6॥

𑌸𑌾 𑌵𑍇𑌗𑍇𑌨𑌾𑌽𑌭𑌿𑌪𑌤𑌿𑌤𑌾 𑌘𑍂𑌤𑌯𑌂𑌤𑍀 𑌮𑌹𑌾𑌸𑍁𑌰𑌾𑌨𑍍।
𑌸𑍈𑌨𑍍𑌯𑍇 𑌤𑌤𑍍𑌰 𑌸𑍁𑌰𑌾𑌰𑍀𑌣𑌾-𑌮𑌭𑌕𑍍𑌷𑌯𑌤 𑌤𑌦𑍍𑌬𑌲𑌮𑍍 ॥𑍮॥

𑌪𑌾𑌰𑍍𑌷𑍍𑌣𑌿𑌗𑍍𑌰𑌾𑌹𑌾𑌂𑌕𑍁𑌶𑌗𑍍𑌰𑌾𑌹𑌿-𑌯𑍋𑌧𑌘𑌂𑌟𑌾𑌸𑌮𑌨𑍍𑌵𑌿𑌤𑌾𑌨𑍍।
𑌸𑌮𑌾𑌦𑌾𑌯𑍈𑌕𑌹𑌸𑍍𑌤𑍇𑌨 𑌮𑍁𑌖𑍇 𑌚𑌿𑌕𑍍𑌷𑍇𑌪 𑌵𑌾𑌰𑌣𑌾𑌨𑍍 ॥𑍯॥

𑌤𑌥𑍈𑌵 𑌯𑍋𑌧𑌂 𑌤𑍁𑌰𑌗𑍈 𑌰𑌥𑌂 𑌸𑌾𑌰𑌥𑌿𑌨𑌾 𑌸𑌹।
𑌨𑌿𑌕𑍍𑌷𑌿𑌪𑍍𑌯 𑌵𑌕𑍍𑌤𑍍𑌰𑍇 𑌦𑌶𑌨𑍈𑌶𑍍𑌚𑌰𑍍𑌵𑌯𑌤𑍍𑌯𑌤𑌿𑌭𑍈𑌰𑌵𑌂 ॥10॥

𑌏𑌕𑌂 𑌜𑌗𑍍𑌰𑌾𑌹 𑌕𑍇𑌶𑍇𑌷𑍁 𑌗𑍍𑌰𑍀𑌵𑌾𑌯𑌾𑌮𑌥 𑌚𑌾𑌪𑌰𑌂।
𑌪𑌾𑌦𑍇𑌨𑌾𑌕𑍍𑌰𑌮𑍍𑌯𑌚𑍈𑌵𑌾𑌨𑍍𑌯𑌮𑍁𑌰𑌸𑌾𑌨𑍍𑌯𑌮𑌪𑍋𑌥𑌯𑌤𑍍 ॥11॥

𑌤𑍈𑌰𑍍𑌮𑍁𑌕𑍍𑌤𑌾𑌨𑌿𑌚 𑌶𑌸𑍍𑌤𑍍𑌰𑌾𑌣𑌿 𑌮𑌹𑌾𑌸𑍍𑌤𑍍𑌰𑌾𑌣𑌿 𑌤𑌥𑌾𑌸𑍁𑌰𑍈𑌃।
𑌮𑍁𑌖𑍇𑌨 𑌜𑌗𑍍𑌰𑌾𑌹 𑌰𑍁𑌷𑌾 𑌦𑌶𑌨𑍈𑌰𑍍𑌮𑌥𑌿𑌤𑌾𑌨𑍍𑌯𑌪𑌿 ॥12॥

𑌬𑌲𑌿𑌨𑌾𑌂 𑌤𑌦𑍍𑌬𑌲𑌂 𑌸𑌰𑍍𑌵𑌮𑌸𑍁𑌰𑌾𑌣𑌾𑌂 𑌦𑍁𑌰𑌾𑌤𑍍𑌮𑌨𑌾𑌂
𑌮𑌮𑌰𑍍𑌦𑌾𑌭𑌕𑍍𑌷𑌯𑌚𑍍𑌚𑌾𑌨𑍍𑌯𑌾𑌨𑌨𑍍𑌯𑌾𑌂𑌶𑍍𑌚𑌾𑌤𑌾𑌡𑌯𑌤𑍍𑌤𑌥𑌾 ॥13॥

𑌅𑌸𑌿𑌨𑌾 𑌨𑌿𑌹𑌤𑌾𑌃 𑌕𑍇𑌚𑌿𑌤𑍍𑌕𑍇𑌚𑌿𑌤𑍍𑌖𑌟𑍍𑌵𑌾𑌂𑌗𑌤𑌾𑌡𑌿𑌤𑌾𑌃।
𑌜𑌗𑍍𑌮𑍁𑌰𑍍𑌵𑌿𑌨𑌾𑌶𑌮𑌸𑍁𑌰𑌾 𑌦𑌂𑌤𑌾𑌗𑍍𑌰𑌾𑌭𑌿𑌹𑌤𑌾𑌸𑍍𑌤𑌥𑌾 ॥14॥

𑌕𑍍𑌷𑌣𑍇𑌨 𑌤𑌦𑍍𑌭𑌲𑌂 𑌸𑌰𑍍𑌵 𑌮𑌸𑍁𑌰𑌾𑌣𑌾𑌂 𑌨𑌿𑌪𑌾𑌤𑌿𑌤𑌂।
𑌦𑍃𑌷𑍍𑌟𑍍𑌵𑌾 𑌚𑌂𑌡𑍋𑌽𑌭𑌿𑌦𑍁𑌦𑍍𑌰𑌾𑌵 𑌤𑌾𑌂 𑌕𑌾𑌳𑍀𑌮𑌤𑌿𑌭𑍀𑌷𑌣𑌾𑌂 ॥15॥

𑌶𑌰𑌵𑌰𑍍𑌷𑍈𑌰𑍍𑌮𑌹𑌾𑌭𑍀𑌮𑍈𑌰𑍍𑌭𑍀𑌮𑌾𑌕𑍍𑌷𑍀𑌂 𑌤𑌾𑌂 𑌮𑌹𑌾𑌸𑍁𑌰𑌃।
𑌛𑌾𑌦𑌯𑌾𑌮𑌾𑌸 𑌚𑌕𑍍𑌰𑍈𑌶𑍍𑌚 𑌮𑍁𑌂𑌡𑌃 𑌕𑍍𑌷𑌿𑌪𑍍𑌤𑍈𑌃 𑌸𑌹𑌸𑍍𑌰𑌶𑌃 ॥16॥

𑌤𑌾𑌨𑌿𑌚𑌕𑍍𑌰𑌾𑌣𑍍𑌯𑌨𑍇𑌕𑌾𑌨𑌿 𑌵𑌿𑌶𑌮𑌾𑌨𑌾𑌨𑌿 𑌤𑌨𑍍𑌮𑍁𑌖𑌮𑍍।
𑌬𑌭𑍁𑌰𑍍𑌯𑌥𑌾𑌰𑍍𑌕𑌬𑌿𑌂𑌬𑌾𑌨𑌿 𑌸𑍁𑌬𑌹𑍂𑌨𑌿 𑌘𑌨𑍋𑌦𑌰𑌂 ॥1𑍭॥

𑌤𑌤𑍋 𑌜𑌹𑌾𑌸𑌾𑌤𑌿𑌰𑍁𑌷𑌾 𑌭𑍀𑌮𑌂 𑌭𑍈𑌰𑌵𑌨𑌾𑌦𑌿𑌨𑍀।
𑌕𑌾𑌳𑍀 𑌕𑌰𑌾𑌳𑌵𑌦𑌨𑌾 𑌦𑍁𑌰𑍍𑌦𑌰𑍍𑌶𑌶𑌨𑍋𑌜𑍍𑌜𑍍𑌵𑌲𑌾 ॥1𑍮॥

𑌉𑌤𑍍𑌥𑌾𑌯 𑌚 𑌮𑌹𑌾𑌸𑌿𑌂𑌹𑌂 𑌦𑍇𑌵𑍀 𑌚𑌂𑌡𑌮𑌧𑌾𑌵𑌤।
𑌗𑍃𑌹𑍀𑌤𑍍𑌵𑌾 𑌚𑌾𑌸𑍍𑌯 𑌕𑍇𑌶𑍇𑌷𑍁 𑌶𑌿𑌰𑌸𑍍𑌤𑍇𑌨𑌾𑌸𑌿𑌨𑌾𑌚𑍍𑌛𑌿𑌨𑌤𑍍 ॥1𑍯॥

𑌅𑌥 𑌮𑍁𑌂𑌡𑍋𑌽𑌭𑍍𑌯𑌧𑌾𑌵𑌤𑍍𑌤𑌾𑌂 𑌦𑍃𑌷𑍍𑌟𑍍𑌵𑌾 𑌚𑌂𑌡𑌂 𑌨𑌿𑌪𑌾𑌤𑌿𑌤𑌮𑍍।
𑌤𑌮𑌪𑍍𑌯𑌪𑌾𑌤 𑌯𑌦𑍍𑌭𑌮𑍌 𑌸𑌾 𑌖𑌡𑍍𑌗𑌾𑌭𑌿𑌹𑌤𑌂𑌰𑍁𑌷𑌾 ॥20॥

𑌹𑌤𑌶𑍇𑌷𑌂 𑌤𑌤𑌃 𑌸𑍈𑌨𑍍𑌯𑌂 𑌦𑍃𑌷𑍍𑌟𑍍𑌵𑌾 𑌚𑌂𑌡𑌂 𑌨𑌿𑌪𑌾𑌤𑌿𑌤𑌮𑍍।
𑌮𑍁𑌂𑌡𑌂𑌚 𑌸𑍁𑌮𑌹𑌾𑌵𑍀𑌰𑍍𑌯𑌂 𑌦𑌿𑌶𑍋 𑌭𑍇𑌜𑍇 𑌭𑌯𑌾𑌤𑍁𑌰𑌮𑍍 ॥21॥

𑌶𑌿𑌰𑌶𑍍𑌚𑌂𑌡𑌸𑍍𑌯 𑌕𑌾𑌳𑍀 𑌚 𑌗𑍃𑌹𑍀𑌤𑍍𑌵𑌾 𑌮𑍁𑌂𑌡 𑌮𑍇𑌵 𑌚।
𑌪𑍍𑌰𑌾𑌹 𑌪𑍍𑌰𑌚𑌂𑌡𑌾𑌟𑍍𑌟𑌹𑌾𑌸𑌮𑌿𑌶𑍍𑌰𑌮𑌭𑍍𑌯𑍇𑌤𑍍𑌯 𑌚𑌂𑌡𑌿𑌕𑌾𑌮𑍍 ॥22॥

𑌮𑌯𑌾 𑌤𑌵𑌾 𑌤𑍍𑌰𑍋𑌪𑌹𑍃𑌤𑍌 𑌚𑌂𑌡𑌮𑍁𑌂𑌡𑍌 𑌮𑌹𑌾𑌪𑌶𑍂।
𑌯𑍁𑌦𑍍𑌧𑌯𑌜𑍍𑌞𑍇 𑌸𑍍𑌵𑌯𑌂 𑌶𑍁𑌂𑌭𑌂 𑌨𑌿𑌶𑍁𑌂𑌭𑌂 𑌚𑌹𑌨𑌿𑌷𑍍𑌯𑌸𑌿 ॥23॥

𑌋𑌷𑌿𑌰𑍁𑌵𑌾𑌚॥

𑌤𑌾𑌵𑌾𑌨𑍀𑌤𑍌 𑌤𑌤𑍋 𑌦𑍃𑌷𑍍𑌟𑍍𑌵𑌾 𑌚𑌂𑌡 𑌮𑍁𑌂𑌡𑍌 𑌮𑌹𑌾𑌸𑍁𑌰𑍌।
𑌉𑌵𑌾𑌚 𑌕𑌾𑌳𑍀𑌂 𑌕𑌳𑍍𑌯𑌾𑌣𑍀 𑌲𑌲𑌿𑌤𑌂 𑌚𑌂𑌡𑌿𑌕𑌾 𑌵𑌚𑌃 ॥24॥

𑌯𑌸𑍍𑌮𑌾𑌚𑍍𑌚𑌂𑌡𑌂 𑌚 𑌮𑍁𑌂𑌡𑌂 𑌚 𑌗𑍃𑌹𑍀𑌤𑍍𑌵𑌾 𑌤𑍍𑌵𑌮𑍁𑌪𑌾𑌗𑌤𑌾।
𑌚𑌾𑌮𑍁𑌂𑌡𑍇𑌤𑌿 𑌤𑌤𑍋 𑌲𑍋𑌕𑍇 𑌖𑍍𑌯𑌾𑌤𑌾 𑌦𑍇𑌵𑍀 𑌭𑌵𑌿𑌷𑍍𑌯𑌸𑌿 ॥25॥

॥ 𑌜𑌯 𑌜𑌯 𑌶𑍍𑌰𑍀 𑌮𑌾𑌰𑍍𑌕𑌂𑌡𑍇𑌯 𑌪𑍁𑌰𑌾𑌣𑍇 𑌸𑌾𑌵𑌰𑍍𑌨𑌿𑌕𑍇 𑌮𑌨𑍍𑌵𑌂𑌤𑌰𑍇 𑌦𑍇𑌵𑌿 𑌮𑌹𑌤𑍍𑌮𑍍𑌯𑍇 𑌚𑌂𑌡𑌮𑍁𑌂𑌡 𑌵𑌧𑍋 𑌨𑌾𑌮 𑌸𑌪𑍍𑌤𑌮𑍋𑌧𑍍𑌯𑌾𑌯 𑌸𑌮𑌾𑌪𑍍𑌤𑌮𑍍 ॥

𑌆𑌹𑍁𑌤𑌿
𑌓𑌂 𑌕𑍍𑌲𑍀𑌂 𑌜𑌯𑌂𑌤𑍀 𑌸𑌾𑌂𑌗𑌾𑌯𑍈 𑌸𑌶𑌕𑍍𑌤𑌿𑌕𑌾𑌯𑍈 𑌸𑌪𑌰𑌿𑌵𑌾𑌰𑌾𑌯𑍈 𑌸𑌵𑌾𑌹𑌨𑌾𑌯𑍈 𑌕𑌾𑌳𑍀 𑌚𑌾𑌮𑍁𑌂𑌡𑌾 𑌦𑍇𑌵𑍍𑌯𑍈 𑌕𑌰𑍍𑌪𑍂𑌰 𑌬𑍀𑌜𑌾𑌧𑌿𑌷𑍍𑌠𑌾𑌯𑍈 𑌮𑌹𑌾𑌹𑍁𑌤𑌿𑌂 𑌸𑌮𑌰𑍍𑌪𑌯𑌾𑌮𑌿 𑌨𑌮𑌃 𑌸𑍍𑌵𑌾𑌹𑌾 ॥