𑌦𑍇𑌵𑍀 𑌮𑌾𑌹𑌾𑌤𑍍𑌮𑍍𑌯𑌂 𑌦𑍁𑌰𑍍𑌗𑌾 𑌸𑌪𑍍𑌤𑌶𑌤𑌿 𑌦𑌶𑌮𑍋𑌽𑌧𑍍𑌯𑌾𑌯𑌃

𑌶𑍁𑌂𑌭𑍋𑌵𑌧𑍋 𑌨𑌾𑌮 𑌦𑌶𑌮𑍋𑌽𑌧𑍍𑌯𑌾𑌯𑌃 ॥

𑌋𑌷𑌿𑌰𑍁𑌵𑌾𑌚॥1॥

𑌨𑌿𑌶𑍁𑌂𑌭𑌂 𑌨𑌿𑌹𑌤𑌂 𑌦𑍃𑌷𑍍𑌟𑍍𑌵𑌾 𑌭𑍍𑌰𑌾𑌤𑌰𑌂𑌪𑍍𑌰𑌾𑌣𑌸𑌮𑍍𑌮𑌿𑌤𑌂।
𑌹𑌨𑍍𑌯𑌮𑌾𑌨𑌂 𑌬𑌲𑌂 𑌚𑍈𑌵 𑌶𑍁𑌂𑌬𑌃 𑌕𑍃𑌦𑍍𑌧𑍋𑌽𑌬𑍍𑌰𑌵𑍀𑌦𑍍𑌵𑌚𑌃 ॥ 2 ॥

𑌬𑌲𑌾𑌵𑌲𑍇𑌪𑌦𑍁𑌷𑍍𑌟𑍇 𑌤𑍍𑌵𑌂 𑌮𑌾 𑌦𑍁𑌰𑍍𑌗𑍇 𑌗𑌰𑍍𑌵 𑌮𑌾𑌵𑌹।
𑌅𑌨𑍍𑌯𑌾𑌸𑌾𑌂 𑌬𑌲𑌮𑌾𑌶𑍍𑌰𑌿𑌤𑍍𑌯 𑌯𑍁𑌦𑍍𑌦𑍍𑌯𑌸𑍇 𑌚𑌾𑌤𑌿𑌮𑌾𑌨𑌿𑌨𑍀 ॥3॥

𑌦𑍇𑌵𑍍𑌯𑍁𑌵𑌾𑌚 ॥4॥

𑌏𑌕𑍈𑌵𑌾𑌹𑌂 𑌜𑌗𑌤𑍍𑌯𑌤𑍍𑌰 𑌦𑍍𑌵𑌿𑌤𑍀𑌯𑌾 𑌕𑌾 𑌮𑌮𑌾𑌪𑌰𑌾।
𑌪𑌶𑍍𑌯𑍈𑌤𑌾 𑌦𑍁𑌷𑍍𑌟 𑌮𑌯𑍍𑌯𑍇𑌵 𑌵𑌿𑌶𑌂𑌤𑍍𑌯𑍋 𑌮𑌦𑍍𑌵𑌿𑌭𑍂𑌤𑌯𑌃 ॥5॥

𑌤𑌤𑌃 𑌸𑌮𑌸𑍍𑌤𑌾𑌸𑍍𑌤𑌾 𑌦𑍇𑌵𑍍𑌯𑍋 𑌬𑍍𑌰𑌹𑍍𑌮𑌾𑌣𑍀 𑌪𑍍𑌰𑌮𑍁𑌖𑌾𑌲𑌯𑌮𑍍।
𑌤𑌸𑍍𑌯𑌾 𑌦𑍇𑌵𑍍𑌯𑌾𑌸𑍍𑌤𑌨𑍌 𑌜𑌗𑍍𑌮𑍁𑌰𑍇𑌕𑍈𑌵𑌾𑌸𑍀𑌤𑍍𑌤𑌦𑌾𑌂𑌬𑌿𑌕𑌾 ॥6॥

𑌦𑍇𑌵𑍍𑌯𑍁𑌵𑌾𑌚 ॥6॥

𑌅𑌹𑌂 𑌵𑌿𑌭𑍂𑌤𑍍𑌯𑌾 𑌬𑌹𑍁𑌭𑌿𑌰𑌿𑌹 𑌰𑍂𑌪𑍈𑌰𑍍𑌯𑌦𑌾𑌸𑍍𑌥𑌿𑌤𑌾।
𑌤𑌤𑍍𑌸𑌂𑌹𑍃𑌤𑌂 𑌮𑌯𑍈𑌕𑍈𑌵 𑌤𑌿𑌷𑍍𑌟𑌾𑌮𑍍𑌯𑌾𑌜𑍌 𑌸𑍍𑌥𑌿𑌰𑍋 𑌭𑌵 ॥𑍮॥

𑌋𑌷𑌿𑌰𑍁𑌵𑌾𑌚 ॥𑍯॥

𑌤𑌤𑌃 𑌪𑍍𑌰𑌵𑌵𑍃𑌤𑍇 𑌯𑍁𑌦𑍍𑌧𑌂 𑌦𑍇𑌵𑍍𑌯𑌾𑌃 𑌶𑍁𑌂𑌭𑌸𑍍𑌯 𑌚𑍋𑌭𑌯𑍋𑌃।
𑌪𑌶𑍍𑌯𑌤𑌾𑌂 𑌸𑌰𑍍𑌵𑌦𑍇𑌵𑌾𑌨𑌾𑌂 𑌅𑌸𑍁𑌰𑌾𑌣𑌾𑌂 𑌚 𑌦𑌾𑌰𑍁𑌣𑌮𑍍 ॥10॥

𑌶𑌰 𑌵𑌰𑍍𑌷𑍈𑌃 𑌶𑌿𑌤𑍈𑌃 𑌶𑌸𑍍𑌤𑍍𑌰𑍈𑌸𑍍𑌤𑌥𑌾 𑌚𑌾𑌸𑍍𑌤𑍍𑌰𑍈𑌃 𑌸𑍁𑌦𑌾𑌰𑍁𑌣𑍈𑌃।
𑌤𑌯𑍋𑌰𑍍𑌯𑍁𑌦𑍍𑌦𑌮𑌭𑍂𑌦𑍍𑌭𑍂𑌯𑌃 𑌸𑌰𑍍𑌵𑌲𑍋𑌕𑌭𑌯𑌜𑍍𑌞𑍍𑌕𑌰𑌮𑍍 ॥11॥

𑌦𑌿𑌵𑍍𑌯𑌾𑌨𑍍𑌯𑌶𑍍𑌤𑍍𑌰𑌾𑌣𑌿 𑌶𑌤𑌶𑍋 𑌮𑍁𑌮𑍁𑌚𑍇 𑌯𑌾𑌨𑍍𑌯𑌥𑌾𑌂𑌬𑌿𑌕𑌾।
𑌬𑌭𑌜𑍍𑌞 𑌤𑌾𑌨𑌿 𑌦𑍈𑌤𑍍𑌯𑍇𑌂𑌦𑍍𑌰𑌸𑍍𑌤𑌤𑍍𑌪𑍍𑌰𑌤𑍀𑌘𑌾𑌤𑌕𑌰𑍍𑌤𑍃𑌭𑌿𑌃 ॥12॥

𑌮𑍁𑌕𑍍𑌤𑌾𑌨𑌿 𑌤𑍇𑌨 𑌚𑌾𑌸𑍍𑌤𑍍𑌰𑌾𑌣𑌿 𑌦𑌿𑌵𑍍𑌯𑌾𑌨𑌿 𑌪𑌰𑌮𑍇𑌶𑍍𑌵𑌰𑍀।
𑌬𑌭𑌂𑌜 𑌲𑍀𑌲𑌯𑍈𑌵𑍋𑌗𑍍𑌰 𑌹𑍂𑌜𑍍𑌕𑌾𑌰𑍋𑌚𑍍𑌚𑌾𑌰𑌣𑌾𑌦𑌿𑌭𑌿𑌃॥13॥

𑌤𑌤𑌃 𑌶𑌰𑌶𑌤𑍈𑌰𑍍𑌦𑍇𑌵𑍀𑌂 𑌆𑌚𑍍𑌚𑌾𑌦𑌯𑌤 𑌸𑍋𑌽𑌸𑍁𑌰𑌃।
𑌸𑌾𑌪𑌿 𑌤𑌤𑍍𑌕𑍁𑌪𑌿𑌤𑌾 𑌦𑍇𑌵𑍀 𑌧𑌨𑍁𑌶𑍍𑌚𑌿𑌛𑍍𑌚𑍇𑌦 𑌚𑍇𑌷𑍁𑌭𑌿𑌃॥14॥

𑌚𑌿𑌨𑍍𑌨𑍇 𑌧𑌨𑍁𑌷𑌿 𑌦𑍈𑌤𑍍𑌯𑍇𑌂𑌦𑍍𑌰𑌸𑍍𑌤𑌥𑌾 𑌶𑌕𑍍𑌤𑌿𑌮𑌥𑌾𑌦𑌦𑍇।
𑌚𑌿𑌛𑍍𑌚𑍇𑌦 𑌦𑍇𑌵𑍀 𑌚𑌕𑍍𑌰𑍇𑌣 𑌤𑌾𑌮𑌪𑍍𑌯𑌸𑍍𑌯 𑌕𑌰𑍇𑌸𑍍𑌥𑌿𑌤𑌾𑌮𑍍॥15॥

𑌤𑌤𑌃 𑌖𑌡𑍍𑌗 𑌮𑍁𑌪𑌾𑌦𑌾𑌯 𑌶𑌤 𑌚𑌂𑌦𑍍𑌰𑌂 𑌚 𑌭𑌾𑌨𑍁𑌮𑌤𑍍।
𑌅𑌭𑍍𑌯𑌧𑌾𑌵𑌤𑍍𑌤𑌦𑌾 𑌦𑍇𑌵𑍀𑌂 𑌦𑍈𑌤𑍍𑌯𑌾𑌨𑌾𑌮𑌧𑌿𑌪𑍇𑌶𑍍𑌵𑌰𑌃॥16॥

𑌤𑌸𑍍𑌯𑌾𑌪𑌤𑌤 𑌏𑌵𑌾𑌶𑍁 𑌖𑌡𑍍𑌗𑌂 𑌚𑌿𑌚𑍍𑌛𑍇𑌦 𑌚𑌂𑌡𑌿𑌕𑌾।
𑌧𑌨𑍁𑌰𑍍𑌮𑍁𑌕𑍍𑌤𑍈𑌃 𑌶𑌿𑌤𑍈𑌰𑍍𑌬𑌾𑌣𑍈𑌶𑍍𑌚𑌰𑍍𑌮 𑌚𑌾𑌰𑍍𑌕𑌕𑌰𑌾𑌮𑌲𑌮𑍍॥1𑍭॥

𑌹𑌤𑌾𑌶𑍍𑌵𑌃 𑌪𑌤𑌤 𑌏𑌵𑌾𑌶𑍁 𑌖𑌡𑍍𑌗𑌂 𑌚𑌿𑌛𑍍𑌚𑍇𑌦 𑌚𑌂𑌡𑌿𑌕𑌾।
𑌜𑌗𑍍𑌰𑌾𑌹 𑌮𑍁𑌦𑍍𑌗𑌰𑌂 𑌘𑍋𑌰𑌂 𑌅𑌂𑌬𑌿𑌕𑌾𑌨𑌿𑌧𑌨𑍋𑌦𑍍𑌯𑌤𑌃॥1𑍮॥

𑌚𑌿𑌚𑍍𑌛𑍇𑌦𑌾𑌪𑌤𑌤𑌸𑍍𑌤𑌸𑍍𑌯 𑌮𑍁𑌦𑍍𑌗𑌰𑌂 𑌨𑌿𑌶𑌿𑌤𑍈𑌃 𑌶𑌰𑍈𑌃।
𑌤𑌥𑌾𑌪𑌿 𑌸𑍋𑌽𑌭𑍍𑌯𑌧𑌾𑌵𑌤𑍍𑌤𑌂 𑌮𑍁𑌷𑍍𑌟𑌿𑌮𑍁𑌦𑍍𑌯𑌮𑍍𑌯𑌵𑍇𑌗𑌵𑌾𑌨𑍍॥1𑍯॥

𑌸 𑌮𑍁𑌷𑍍𑌟𑌿𑌂 𑌪𑌾𑌤𑌯𑌾𑌮𑌾𑌸 𑌹𑍃𑌦𑌯𑍇 𑌦𑍈𑌤𑍍𑌯 𑌪𑍁𑌂𑌗𑌵𑌃।
𑌦𑍇𑌵𑍍𑌯𑌾𑌸𑍍𑌤𑌂 𑌚𑌾𑌪𑌿 𑌸𑌾 𑌦𑍇𑌵𑍀 𑌤𑌲𑍇 𑌨𑍋 𑌰𑌸𑍍𑌯 𑌤𑌾𑌡𑌯𑌤𑍍॥20॥

𑌤𑌲𑌪𑍍𑌰𑌹𑌾𑌰𑌾𑌭𑌿𑌹𑌤𑍋 𑌨𑌿𑌪𑌪𑌾𑌤 𑌮𑌹𑍀𑌤𑌲𑍇।
𑌸 𑌦𑍈𑌤𑍍𑌯𑌰𑌾𑌜𑌃 𑌸𑌹𑌸𑌾 𑌪𑍁𑌨𑌰𑍇𑌵 𑌤𑌥𑍋𑌤𑍍𑌥𑌿𑌤𑌃॥21॥

𑌉𑌤𑍍𑌪𑌤𑍍𑌯 𑌚 𑌪𑍍𑌰𑌗𑍃𑌹𑍍𑌯𑍋𑌚𑍍𑌚𑍈𑌰𑍍 𑌦𑍇𑌵𑍀𑌂 𑌗𑌗𑌨𑌮𑌾𑌸𑍍𑌥𑌿𑌤𑌃।
𑌤𑌤𑍍𑌰𑌾𑌪𑌿 𑌸𑌾 𑌨𑌿𑌰𑌾𑌧𑌾𑌰𑌾 𑌯𑍁𑌯𑍁𑌧𑍇 𑌤𑍇𑌨 𑌚𑌂𑌡𑌿𑌕𑌾॥22॥

𑌨𑌿𑌯𑍁𑌦𑍍𑌧𑌂 𑌖𑍇 𑌤𑌦𑌾 𑌦𑍈𑌤𑍍𑌯 𑌶𑍍𑌚𑌂𑌡𑌿𑌕𑌾 𑌚 𑌪𑌰𑌸𑍍𑌪𑌰𑌮𑍍।
𑌚𑌕𑍍𑌰𑌤𑍁𑌃 𑌪𑍍𑌰𑌧𑌮𑌂 𑌸𑌿𑌦𑍍𑌧 𑌮𑍁𑌨𑌿𑌵𑌿𑌸𑍍𑌮𑌯𑌕𑌾𑌰𑌕𑌮𑍍॥23॥

𑌤𑌤𑍋 𑌨𑌿𑌯𑍁𑌦𑍍𑌧𑌂 𑌸𑍁𑌚𑌿𑌰𑌂 𑌕𑍃𑌤𑍍𑌵𑌾 𑌤𑍇𑌨𑌾𑌂𑌬𑌿𑌕𑌾 𑌸𑌹।
𑌉𑌤𑍍𑌪𑌾𑌟𑍍𑌯 𑌭𑍍𑌰𑌾𑌮𑌯𑌾𑌮𑌾𑌸 𑌚𑌿𑌕𑍍𑌷𑍇𑌪 𑌧𑌰𑌣𑍀𑌤𑌲𑍇॥24॥

𑌸𑌕𑍍𑌷𑌿𑌪𑍍𑌤𑍋𑌧𑌰𑌣𑍀𑌂 𑌪𑍍𑌰𑌾𑌪𑍍𑌯 𑌮𑍁𑌷𑍍𑌟𑌿𑌮𑍁𑌦𑍍𑌯𑌮𑍍𑌯 𑌵𑍇𑌗𑌵𑌾𑌨𑍍।
𑌅𑌭𑍍𑌯𑌧𑌾𑌵𑌤 𑌦𑍁𑌷𑍍𑌟𑌾𑌤𑍍𑌮𑌾 𑌚𑌂𑌡𑌿𑌕𑌾𑌨𑌿𑌧𑌨𑍇𑌚𑍍𑌛𑌯𑌾॥25॥

𑌤𑌮𑌾𑌯𑌂𑌤𑌂 𑌤𑌤𑍋 𑌦𑍇𑌵𑍀 𑌸𑌰𑍍𑌵𑌦𑍈𑌤𑍍𑌯𑌜𑌨𑍇𑌶𑌰𑍍𑌵𑌮𑍍।
𑌜𑌗𑌤𑍍𑌯𑌾𑌂 𑌪𑌾𑌤𑌯𑌾𑌮𑌾𑌸 𑌭𑌿𑌤𑍍𑌵𑌾 𑌶𑍂𑌲𑍇𑌨 𑌵𑌕𑍍𑌷𑌸𑌿॥26॥

𑌸 𑌗𑌤𑌾𑌸𑍁𑌃 𑌪𑌪𑌾𑌤𑍋𑌰𑍍𑌵𑍍𑌯𑌾𑌂 𑌦𑍇𑌵𑍀𑌶𑍂𑌲𑌾𑌗𑍍𑌰𑌵𑌿𑌕𑍍𑌷𑌤𑌃।
𑌚𑌾𑌲𑌯𑌨𑍍 𑌸𑌕𑌲𑌾𑌂 𑌪𑍃𑌥𑍍𑌵𑍀𑌂 𑌸𑌾𑌬𑍍𑌦𑌿𑌦𑍍𑌵𑍀𑌪𑌾𑌂 𑌸𑌪𑌰𑍍𑌵𑌤𑌾𑌮𑍍 ॥2𑍭॥

𑌤𑌤𑌃 𑌪𑍍𑌰𑌸𑌨𑍍𑌨 𑌮𑌖𑌿𑌲𑌂 𑌹𑌤𑍇 𑌤𑌸𑍍𑌮𑌿𑌨𑍍 𑌦𑍁𑌰𑌾𑌤𑍍𑌮𑌨𑌿।
𑌜𑌗𑌤𑍍𑌸𑍍𑌵𑌾𑌸𑍍𑌥𑍍𑌯𑌮𑌤𑍀𑌵𑌾𑌪 𑌨𑌿𑌰𑍍𑌮𑌲𑌂 𑌚𑌾𑌭𑌵𑌨𑍍𑌨𑌭𑌃 ॥2𑍮॥

𑌉𑌤𑍍𑌪𑌾𑌤𑌮𑍇𑌘𑌾𑌃 𑌸𑍋𑌲𑍍𑌕𑌾 𑌯𑍇𑌪𑍍𑌰𑌾𑌗𑌾𑌸𑌂𑌸𑍍𑌤𑍇 𑌶𑌮𑌂 𑌯𑌯𑍁𑌃।
𑌸𑌰𑌿𑌤𑍋 𑌮𑌾𑌰𑍍𑌗𑌵𑌾𑌹𑌿𑌨𑍍𑌯𑌸𑍍𑌤𑌥𑌾𑌸𑌂𑌸𑍍𑌤𑌤𑍍𑌰 𑌪𑌾𑌤𑌿𑌤𑍇 ॥2𑍯॥

𑌤𑌤𑍋 𑌦𑍇𑌵 𑌗𑌣𑌾𑌃 𑌸𑌰𑍍𑌵𑍇 𑌹𑌰𑍍𑌷 𑌨𑌿𑌰𑍍𑌭𑌰𑌮𑌾𑌨𑌸𑌾𑌃।
𑌬𑌭𑍂𑌵𑍁𑌰𑍍𑌨𑌿𑌹𑌤𑍇 𑌤𑌸𑍍𑌮𑌿𑌨𑍍 𑌗𑌂𑌦𑌰𑍍𑌵𑌾 𑌲𑌲𑌿𑌤𑌂 𑌜𑌗𑍁𑌃॥30॥

𑌅𑌵𑌾𑌦𑌯𑌂 𑌸𑍍𑌤𑌥𑍈𑌵𑌾𑌨𑍍𑌯𑍇 𑌨𑌨𑍃𑌤𑍁𑌶𑍍𑌚𑌾𑌪𑍍𑌸𑌰𑍋𑌗𑌣𑌾𑌃।
𑌵𑌵𑍁𑌃 𑌪𑍁𑌣𑍍𑌯𑌾𑌸𑍍𑌤𑌥𑌾 𑌵𑌾𑌤𑌾𑌃 𑌸𑍁𑌪𑍍𑌰𑌭𑍋𑌽 𑌭𑍂𑌦𑍍𑌧𑌿𑌵𑌾𑌕𑌰𑌃॥31॥

𑌜𑌜𑍍𑌵𑌲𑍁𑌶𑍍𑌚𑌾𑌗𑍍𑌨𑌯𑌃 𑌶𑌾𑌂𑌤𑌾𑌃 𑌶𑌾𑌂𑌤𑌦𑌿𑌗𑍍𑌜𑌨𑌿𑌤𑌸𑍍𑌵𑌨𑌾𑌃॥32॥

॥ 𑌸𑍍𑌵𑌸𑍍𑌤𑌿 𑌶𑍍𑌰𑍀 𑌮𑌾𑌰𑍍𑌕𑌂𑌡𑍇𑌯 𑌪𑍁𑌰𑌾𑌣𑍇 𑌸𑌾𑌵𑌰𑍍𑌨𑌿𑌕𑍇𑌮𑌨𑍍𑌵𑌂𑌤𑌰𑍇 𑌦𑍇𑌵𑌿 𑌮𑌹𑌤𑍍𑌮𑍍𑌯𑍇 𑌶𑍁𑌂𑌭𑍋𑌵𑌧𑍋 𑌨𑌾𑌮 𑌦𑌶𑌮𑍋 𑌧𑍍𑌯𑌾𑌯𑌃 𑌸𑌮𑌾𑌪𑍍𑌤𑌮𑍍 ॥

𑌆𑌹𑍁𑌤𑌿
𑌓𑌂 𑌕𑍍𑌲𑍀𑌂 𑌜𑌯𑌂𑌤𑍀 𑌸𑌾𑌂𑌗𑌾𑌯𑍈 𑌸𑌶𑌕𑍍𑌤𑌿𑌕𑌾𑌯𑍈 𑌸𑌪𑌰𑌿𑌵𑌾𑌰𑌾𑌯𑍈 𑌸𑌵𑌾𑌹𑌨𑌾𑌯𑍈 𑌕𑌾𑌮𑍇𑌶𑍍𑌵𑌰𑍍𑌯𑍈 𑌮𑌹𑌾𑌹𑍁𑌤𑌿𑌂 𑌸𑌮𑌰𑍍𑌪𑌯𑌾𑌮𑌿 𑌨𑌮𑌃 𑌸𑍍𑌵𑌾𑌹𑌾 ॥