𑌦𑍇𑌵𑍀 𑌅𑌶𑍍𑌵𑌧𑌾𑌟𑍀 (𑌅𑌂𑌬𑌾 𑌸𑍍𑌤𑍁𑌤𑌿)

(𑌕𑌾𑌳𑌿𑌦𑌾𑌸 𑌕𑍃𑌤𑌮𑍍)

𑌚𑍇𑌟𑍀 𑌭𑌵𑌨𑍍𑌨𑌿𑌖𑌿𑌲 𑌖𑍇𑌟𑍀 𑌕𑌦𑌂𑌬𑌵𑌨 𑌵𑌾𑌟𑍀𑌷𑍁 𑌨𑌾𑌕𑌿 𑌪𑌟𑌲𑍀
𑌕𑍋𑌟𑍀𑌰 𑌚𑌾𑌰𑍁𑌤𑌰 𑌕𑍋𑌟𑍀 𑌮𑌣𑍀𑌕𑌿𑌰𑌣 𑌕𑍋𑌟𑍀 𑌕𑌰𑌂𑌬𑌿𑌤 𑌪𑌦𑌾 ।
𑌪𑌾𑌟𑍀𑌰𑌗𑌂𑌧𑌿 𑌕𑍁𑌚𑌶𑌾𑌟𑍀 𑌕𑌵𑌿𑌤𑍍𑌵 𑌪𑌰𑌿𑌪𑌾𑌟𑍀𑌮𑌗𑌾𑌧𑌿𑌪 𑌸𑍁𑌤𑌾
𑌘𑍋𑌟𑍀𑌖𑍁𑌰𑌾𑌦𑌧𑌿𑌕 𑌧𑌾𑌟𑍀𑌮𑍁𑌦𑌾𑌰 𑌮𑍁𑌖 𑌵𑍀𑌟𑍀𑌰𑌸𑍇𑌨 𑌤𑌨𑍁𑌤𑌾𑌮𑍍 ॥ 1 ॥ 𑌶𑌾 ॥

𑌦𑍍𑌵𑍈𑌪𑌾𑌯𑌨 𑌪𑍍𑌰𑌭𑍃𑌤𑌿 𑌶𑌾𑌪𑌾𑌯𑍁𑌧 𑌤𑍍𑌰𑌿𑌦𑌿𑌵 𑌸𑍋𑌪𑌾𑌨 𑌧𑍂𑌳𑌿 𑌚𑌰𑌣𑌾
𑌪𑌾𑌪𑌾𑌪𑌹 𑌸𑍍𑌵𑌮𑌨𑍁 𑌜𑌾𑌪𑌾𑌨𑍁𑌲𑍀𑌨 𑌜𑌨 𑌤𑌾𑌪𑌾𑌪𑌨𑍋𑌦 𑌨𑌿𑌪𑍁𑌣𑌾 ।
𑌨𑍀𑌪𑌾𑌲𑌯𑌾 𑌸𑍁𑌰𑌭𑌿 𑌧𑍂𑌪𑌾𑌲𑌕𑌾 𑌦𑍁𑌰𑌿𑌤𑌕𑍂𑌪𑌾𑌦𑍁𑌦𑌨𑍍𑌚𑌯𑌤𑍁𑌮𑌾𑌮𑍍
𑌰𑍂𑌪𑌾𑌧𑌿𑌕𑌾 𑌶𑌿𑌖𑌰𑌿 𑌭𑍂𑌪𑌾𑌲 𑌵𑌂𑌶𑌮𑌣𑌿 𑌦𑍀𑌪𑌾𑌯𑌿𑌤𑌾 𑌭𑌗𑌵𑌤𑍀 ॥ 2 ॥ 𑌶𑌾 ॥

𑌯𑌾𑌳𑍀𑌭𑌿 𑌰𑌾𑌤𑍍𑌮𑌤𑌨𑍁𑌤𑌾𑌲𑍀𑌨𑌕𑍃𑌤𑍍𑌪𑍍𑌰𑌿𑌯𑌕 𑌪𑌾𑌳𑍀𑌷𑍁 𑌖𑍇𑌲𑌤𑌿 𑌭𑌵𑌾
𑌵𑍍𑌯𑌾𑌳𑍀 𑌨𑌕𑍁𑌲𑍍𑌯𑌸𑌿𑌤 𑌚𑍂𑌳𑍀 𑌭𑌰𑌾 𑌚𑌰𑌣 𑌧𑍂𑌳𑍀 𑌲𑌸𑌨𑍍𑌮𑌣𑌿𑌗𑌣𑌾 ।
𑌯𑌾𑌳𑍀 𑌭𑍃𑌤𑌿 𑌶𑍍𑌰𑌵𑌸𑌿 𑌤𑌾𑌳𑍀 𑌦𑌳𑌂 𑌵𑌹𑌤𑌿 𑌯𑌾𑌳𑍀𑌕 𑌶𑍋𑌭𑌿 𑌤𑌿𑌲𑌕𑌾
𑌸𑌾𑌳𑍀 𑌕𑌰𑍋𑌤𑍁 𑌮𑌮 𑌕𑌾𑌳𑍀 𑌮𑌨𑌃 𑌸𑍍𑌵𑌪𑌦 𑌨𑌾𑌳𑍀𑌕 𑌸𑍇𑌵𑌨 𑌵𑌿𑌧𑍌 ॥ 3 ॥ 𑌶𑌾 ॥

𑌬𑌾𑌲𑌾𑌮𑍃𑌤𑌾𑌂𑌶𑍁 𑌨𑌿𑌭 𑌫𑌾𑌲𑌾𑌮𑌨𑌾 𑌗𑌰𑍁𑌣 𑌚𑍇𑌲𑌾 𑌨𑌿𑌤𑌂𑌬 𑌫𑌲𑌕𑍇
𑌕𑍋𑌲𑌾𑌹𑌲 𑌕𑍍𑌷𑌪𑌿𑌤 𑌕𑌾𑌲𑌾𑌮𑌰𑌾𑌕𑍁𑌶𑌲 𑌕𑍀𑌲𑌾𑌲 𑌶𑍋𑌷𑌣 𑌰𑌵𑌿𑌃 ।
𑌸𑍍𑌥𑍂𑌲𑌾𑌕𑍁𑌚𑍇 𑌜𑌲𑌦 𑌨𑍀𑌲𑌾𑌕𑌚𑍇 𑌕𑌲𑌿𑌤 𑌵𑍀𑌲𑌾 𑌕𑌦𑌂𑌬 𑌵𑌿𑌪𑌿𑌨𑍇
𑌶𑍂𑌲𑌾𑌯𑍁𑌧 𑌪𑍍𑌰𑌣𑌤𑌿 𑌶𑍀𑌲𑌾 𑌦𑌧𑌾𑌤𑍁 𑌹𑍃𑌦𑌿 𑌶𑍈𑌲𑌾𑌧𑌿 𑌰𑌾𑌜 𑌤𑌨𑌯𑌾 ॥ 4 ॥ 𑌶𑌾 ॥

𑌕𑌂𑌬𑌾𑌵𑌤𑍀𑌵 𑌸𑌵𑌿𑌡𑌂𑌬𑌾 𑌗𑌳𑍇𑌨 𑌨𑌵 𑌤𑍁𑌂𑌬𑌾𑌭 𑌵𑍀𑌣 𑌸𑌵𑌿𑌧𑌾
𑌬𑌿𑌂𑌬𑌾𑌧𑌰𑌾 𑌵𑌿𑌨𑌤 𑌶𑌂𑌬𑌾𑌯𑍁𑌧𑌾𑌦𑌿 𑌨𑌿𑌕𑍁𑌰𑍁𑌂𑌬𑌾 𑌕𑌦𑌂𑌬 𑌵𑌿𑌪𑌿𑌨𑍇 ।
𑌅𑌂𑌬𑌾 𑌕𑍁𑌰𑌂𑌗 𑌮𑌦𑌜𑌂𑌬𑌾𑌲 𑌰𑍋𑌚𑌿 𑌰𑌿𑌹 𑌲𑌂𑌬𑌾𑌲𑌕𑌾 𑌦𑌿𑌶𑌤𑍁 𑌮𑍇
𑌶𑌂 𑌬𑌾𑌹𑍁𑌲𑍇𑌯 𑌶𑌶𑌿 𑌬𑌿𑌂𑌬𑌾𑌭𑌿 𑌰𑌾𑌮 𑌮𑍁𑌖 𑌸𑌂𑌬𑌾𑌧𑌿𑌤𑌾 𑌸𑍍𑌤𑌨 𑌭𑌰𑌾 ॥ 5 ॥ 𑌶𑌾 ॥

𑌦𑌾𑌸𑌾𑌯𑌮𑌾𑌨 𑌸𑍁𑌮𑌹𑌾𑌸𑌾 𑌕𑌦𑌂𑌬𑌵𑌨 𑌵𑌾𑌸𑌾 𑌕𑍁𑌸𑍁𑌂𑌭 𑌸𑍁𑌮𑌨𑍋
𑌵𑌾𑌸𑌾 𑌵𑌿𑌪𑌂𑌚𑌿 𑌕𑍃𑌤 𑌰𑌾𑌸𑌾 𑌵𑌿𑌧𑍂𑌤 𑌮𑌧𑍁 𑌮𑌾𑌸𑌾𑌰𑌵𑌿𑌂𑌦 𑌮𑌧𑍁𑌰𑌾 ।
𑌕𑌾𑌸𑌾𑌰 𑌸𑍂𑌨 𑌤𑌤𑌿 𑌭𑌾𑌸𑌾𑌭𑌿𑌰𑌾𑌮 𑌤𑌨𑍁 𑌰𑌾𑌸𑌾𑌰 𑌶𑍀𑌤 𑌕𑌰𑍁𑌣𑌾
𑌨𑌾𑌸𑌾 𑌮𑌣𑌿 𑌪𑍍𑌰𑌵𑌰 𑌭𑌾𑌸𑌾 𑌶𑌿𑌵𑌾 𑌤𑌿𑌮𑌿𑌰 𑌮𑌾𑌸𑌾𑌯𑍇 𑌦𑍁𑌪𑌰𑌤𑌿𑌮𑍍 ॥ 6 ॥ 𑌶𑌾 ॥

𑌨𑍍𑌯𑌂𑌕𑌾𑌕𑌰𑍇 𑌵𑌪𑍁𑌷𑌿 𑌕𑌂𑌕𑌾𑌳 𑌰𑌕𑍍𑌤 𑌪𑍁𑌷𑌿 𑌕𑌂𑌕𑌾𑌦𑌿 𑌪𑌕𑍍𑌷𑌿 𑌵𑌿𑌷𑌯𑍇
𑌤𑍍𑌵𑌂 𑌕𑌾𑌮𑌨𑌾 𑌮𑌯𑌸𑌿 𑌕𑌿𑌂 𑌕𑌾𑌰𑌣𑌂 𑌹𑍃𑌦𑌯 𑌪𑌂𑌕𑌾𑌰𑌿 𑌮𑍇 𑌹𑌿 𑌗𑌿𑌰𑌿𑌜𑌾𑌮𑍍 ।
𑌶𑌂𑌕𑌾𑌶𑌿𑌲𑌾 𑌨𑌿𑌶𑌿𑌤 𑌟𑌂𑌕𑌾𑌯𑌮𑌾𑌨 𑌪𑌦 𑌸𑌂𑌕𑌾𑌶𑌮𑌾𑌨 𑌸𑍁𑌮𑌨𑍋
𑌝𑌂𑌕𑌾𑌰𑌿 𑌭𑍃𑌂𑌗𑌤𑌤𑌿 𑌮𑌂𑌕𑌾𑌨𑍁𑌪𑍇𑌤 𑌶𑌶𑌿 𑌸𑌂𑌕𑌾𑌶 𑌵𑌕𑍍𑌤𑍍𑌰 𑌕𑌮𑌲𑌾𑌮𑍍 ॥ 𑍭 ॥ 𑌶𑌾 ॥

𑌜𑌂𑌭𑌾𑌰𑌿 𑌕𑍁𑌂𑌭𑌿 𑌪𑍃𑌥𑍁 𑌕𑍁𑌂𑌭𑌾𑌪𑌹𑌾𑌸𑌿 𑌕𑍁𑌚 𑌸𑌂𑌭𑌾𑌵𑍍𑌯 𑌹𑌾𑌰 𑌲𑌤𑌿𑌕𑌾
𑌰𑌂𑌭𑌾 𑌕𑌰𑍀𑌂𑌦𑍍𑌰 𑌕𑌰 𑌦𑌂𑌭𑌾𑌪𑌹𑍋𑌰𑍁𑌗𑌤𑌿 𑌡𑌿𑌂𑌭𑌾𑌨𑍁𑌰𑌂𑌜𑌿𑌤 𑌪𑌦𑌾 ।
𑌶𑌂𑌭𑌾 𑌉𑌦𑌾𑌰 𑌪𑌰𑌿𑌰𑌂𑌭𑌾𑌂𑌕𑍁𑌰𑌤𑍍 𑌪𑍁𑌲𑌕 𑌦𑌂𑌭𑌾𑌨𑍁𑌰𑌾𑌗 𑌪𑌿𑌶𑍁𑌨𑌾
𑌶𑌂 𑌭𑌾𑌸𑍁𑌰𑌾𑌭𑌰𑌣 𑌗𑍁𑌂𑌭𑌾 𑌸𑌦𑌾 𑌦𑌿𑌶𑌤𑍁 𑌶𑍁𑌂𑌭𑌾𑌸𑍁𑌰 𑌪𑍍𑌰𑌹𑌰𑌣𑌾 ॥ 𑍮 ॥ 𑌶𑌾 ॥

𑌦𑌾𑌕𑍍𑌷𑌾𑌯𑌣𑍀 𑌦𑌨𑍁𑌜 𑌶𑌿𑌕𑍍𑌷𑌾 𑌵𑌿𑌧𑍌 𑌵𑌿𑌕𑍃𑌤 𑌦𑍀𑌕𑍍𑌷𑌾 𑌮𑌨𑍋𑌹𑌰 𑌗𑍁𑌣𑌾
𑌭𑌿𑌕𑍍𑌷𑌾𑌶𑌿𑌨𑍋 𑌨𑌟𑌨 𑌵𑍀𑌕𑍍𑌷𑌾 𑌵𑌿𑌨𑍋𑌦 𑌮𑍁𑌖𑌿 𑌦𑌕𑍍𑌷𑌾𑌧𑍍𑌵𑌰 𑌪𑍍𑌰𑌹𑌰𑌣𑌾 ।
𑌵𑍀𑌕𑍍𑌷𑌾𑌂 𑌵𑌿𑌧𑍇𑌹𑌿 𑌮𑌯𑌿 𑌦𑌕𑍍𑌷𑌾 𑌸𑍍𑌵𑌕𑍀𑌯 𑌜𑌨 𑌪𑌕𑍍𑌷𑌾 𑌵𑌿𑌪𑌕𑍍𑌷 𑌵𑌿𑌮𑍁𑌖𑍀
𑌯𑌕𑍍𑌷𑍇𑌶 𑌸𑍇𑌵𑌿𑌤 𑌨𑌿𑌰𑌾𑌕𑍍𑌷𑍇𑌪 𑌶𑌕𑍍𑌤𑌿 𑌜𑌯 𑌲𑌕𑍍𑌷𑌾𑌵𑌧𑌾𑌨 𑌕𑌲𑌨𑌾 ॥ 𑍯 ॥ 𑌶𑌾 ॥

𑌵𑌂𑌦𑌾𑌰𑍁 𑌲𑍋𑌕 𑌵𑌰 𑌸𑌂𑌧𑌾𑌯𑌿𑌨𑍀 𑌵𑌿𑌮𑌲 𑌕𑍁𑌂𑌦𑌾𑌵𑌦𑌾𑌤 𑌰𑌦𑌨𑌾
𑌬𑍃𑌂𑌦𑌾𑌰𑍁 𑌬𑍃𑌂𑌦 𑌮𑌣𑌿 𑌬𑍃𑌂𑌦𑌾𑌰𑌵𑌿𑌂𑌦 𑌮𑌕𑌰𑌂𑌦𑌾𑌭𑌿𑌷𑌿𑌕𑍍𑌤 𑌚𑌰𑌣𑌾 ।
𑌮𑌂𑌦𑌾𑌨𑌿𑌲𑌾 𑌕𑌲𑌿𑌤 𑌮𑌂𑌦𑌾𑌰 𑌦𑌾𑌮𑌭𑌿𑌰𑌮𑌂𑌦𑌾𑌭𑌿𑌰𑌾𑌮 𑌮𑌕𑍁𑌟𑌾
𑌮𑌂𑌦𑌾𑌕𑌿𑌨𑍀 𑌜𑌵𑌨 𑌭𑌿𑌂𑌦𑌾𑌨 𑌵𑌾𑌚𑌮𑌰𑌵𑌿𑌂𑌦𑌾𑌨𑌨𑌾 𑌦𑌿𑌶𑌤𑍁 𑌮𑍇 ॥ 10 ॥ 𑌶𑌾 ॥

𑌯𑌤𑍍𑌰𑌾𑌶𑌯𑍋 𑌲𑌗𑌤𑌿 𑌤𑌤𑍍𑌰𑌾𑌗𑌜𑌾 𑌭𑌵𑌤𑍁 𑌕𑍁𑌤𑍍𑌰𑌾𑌪𑌿 𑌨𑌿𑌸𑍍𑌤𑍁𑌲 𑌶𑍁𑌕𑌾
𑌸𑍁𑌤𑍍𑌰𑌾𑌮 𑌕𑌾𑌲 𑌮𑍁𑌖 𑌸𑌤𑍍𑌰𑌾𑌸𑌕𑌪𑍍𑌰𑌕𑌰 𑌸𑍁𑌤𑍍𑌰𑌾𑌣 𑌕𑌾𑌰𑌿 𑌚𑌰𑌣𑌾 ।
𑌛𑌤𑍍𑌰𑌾𑌨𑌿𑌲𑌾𑌤𑌿𑌰𑌯 𑌪𑌤𑍍𑌤𑍍𑌰𑌾𑌭𑌿𑌭𑌿𑌰𑌾𑌮 𑌗𑍁𑌣 𑌮𑌿𑌤𑍍𑌰𑌾𑌮𑌰𑍀 𑌸𑌮 𑌵𑌧𑍂𑌃
𑌕𑍁 𑌤𑍍𑌰𑌾𑌸𑌹𑍀𑌨 𑌮𑌣𑌿 𑌚𑌿𑌤𑍍𑌰𑌾𑌕𑍃𑌤𑌿 𑌸𑍍𑌫𑍁𑌰𑌿𑌤 𑌪𑍁𑌤𑍍𑌰𑌾𑌦𑌿 𑌦𑌾𑌨 𑌨𑌿𑌪𑍁𑌣𑌾 ॥ 11 ॥ 𑌶𑌾 ॥

𑌕𑍂𑌲𑌾𑌤𑌿𑌗𑌾𑌮𑌿 𑌭𑌯 𑌤𑍂𑌲𑌾𑌵𑌳𑌿𑌜𑍍𑌵𑌲𑌨𑌕𑍀𑌲𑌾 𑌨𑌿𑌜𑌸𑍍𑌤𑍁𑌤𑌿 𑌵𑌿𑌧𑌾
𑌕𑍋𑌲𑌾𑌹𑌲𑌕𑍍𑌷𑌪𑌿𑌤 𑌕𑌾𑌲𑌾𑌮𑌰𑍀 𑌕𑍁𑌶𑌲 𑌕𑍀𑌲𑌾𑌲 𑌪𑍋𑌷𑌣 𑌰𑌤𑌾 ।
𑌸𑍍𑌥𑍂𑌲𑌾𑌕𑍁𑌚𑍇 𑌜𑌲𑌦 𑌨𑍀𑌲𑌾𑌕𑌚𑍇 𑌕𑌲𑌿𑌤 𑌲𑍀𑌲𑌾 𑌕𑌦𑌂𑌬 𑌵𑌿𑌪𑌿𑌨𑍇
𑌶𑍂𑌲𑌾𑌯𑍁𑌧 𑌪𑍍𑌰𑌣𑌤𑌿 𑌶𑍀𑌲𑌾 𑌵𑌿𑌭𑌾𑌤𑍁 𑌹𑍃𑌦𑌿 𑌶𑍈𑌲𑌾𑌧𑌿𑌰𑌾𑌜 𑌤𑌨𑌯𑌾 ॥ 12 ॥ 𑌶𑌾 ॥

𑌇𑌂𑌧𑌾𑌨 𑌕𑍀𑌰 𑌮𑌣𑌿𑌬𑌂𑌧𑌾 𑌭𑌵𑍇 𑌹𑍃𑌦𑌯𑌬𑌂𑌧𑌾 𑌵𑌤𑍀𑌵 𑌰𑌸𑌿𑌕𑌾
𑌸𑌂𑌧𑌾𑌵𑌤𑍀 𑌭𑍁𑌵𑌨 𑌸𑌂𑌧𑌾𑌰𑌣𑍇 𑌪𑍍𑌯𑌮𑍃𑌤 𑌸𑌿𑌂𑌧𑌾𑌵𑍁𑌦𑌾𑌰 𑌨𑌿𑌲𑌯𑌾 ।
𑌗𑌂𑌧𑌾𑌨𑍁𑌭𑌾𑌵 𑌮𑍁𑌹𑍁𑌰𑌂𑌧𑌾𑌲𑌿 𑌪𑍀𑌤 𑌕𑌚 𑌬𑌂𑌧𑌾 𑌸𑌮𑌰𑍍𑌪𑌯𑌤𑍁 𑌮𑍇
𑌶𑌂 𑌧𑌾𑌮 𑌭𑌾𑌨𑍁𑌮𑌪𑌿 𑌰𑍁𑌂𑌧𑌾𑌨 𑌮𑌾𑌶𑍁 𑌪𑌦 𑌸𑌂𑌧𑌾𑌨 𑌮𑌪𑍍𑌯𑌨𑍁𑌗𑌤𑌾 ॥ 13 ॥ 𑌶𑌾 ॥