සූර්ය කවචම්

ශ්රීභෛරව උවාච

යෝ දේවදේවෝ භගවාන් භාස්කරෝ මහසාං නිධිඃ ।
ගයත්රීනායකෝ භාස්වාන් සවිතේති ප්රගීයතේ ॥ 1 ॥

තස්යාහං කවචං දිව්යං වජ්රපංජරකාභිධම් ।
සර්වමංත්රමයං ගුහ්යං මූලවිද්යාරහස්යකම් ॥ 2 ॥

සර්වපාපාපහං දේවි දුඃඛදාරිද්ර්යනාශනම් ।
මහාකුෂ්ඨහරං පුණ්යං සර්වරෝගනිවර්හණම් ॥ 3 ॥

සර්වශත්රුසමූහඝ්නං සම්ග්රාමේ විජයප්රදම් ।
සර්වතේජෝමයං සර්වදේවදානවපූජිතම් ॥ 4 ॥

රණේ රාජභයේ ඝෝරේ සර්වෝපද්රවනාශනම් ।
මාතෘකාවේෂ්ටිතං වර්ම භෛරවානනනිර්ගතම් ॥ 5 ॥

ග්රහපීඩාහරං දේවි සර්වසංකටනාශනම් ।
ධාරණාදස්ය දේවේශි බ්රහ්මා ලෝකපිතාමහඃ ॥ 6 ॥

විෂ්ණුර්නාරායණෝ දේවි රණේ දෛත්යාංජිෂ්යති ।
ශංකරඃ සර්වලෝකේශෝ වාසවෝऽපි දිවස්පතිඃ ॥ 7 ॥

ඕෂධීශඃ ශශී දේවි ශිවෝऽහං භෛරවේශ්වරඃ ।
මංත්රාත්මකං පරං වර්ම සවිතුඃ සාරමුත්තමම් ॥ 8 ॥

යෝ ධාරයේද් භුජේ මූර්ධ්නි රවිවාරේ මහේශ්වරි ।
ස රාජවල්ලභෝ ලෝකේ තේජස්වී වෛරිමර්දනඃ ॥ 9 ॥

බහුනෝක්තේන කිං දේවි කවචස්යාස්ය ධාරණාත් ।
ඉහ ලක්ෂ්මීධනාරෝග්ය-වෘද්ධිර්භවති නාන්යථා ॥ 10 ॥

පරත්ර පරමා මුක්තිර්දේවානාමපි දුර්ලභා ।
කවචස්යාස්ය දේවේශි මූලවිද්යාමයස්ය ච ॥ 11 ॥

වජ්රපංජරකාඛ්යස්ය මුනිර්බ්රහ්මා සමීරිතඃ ।
ගායත්ර්යං ඡංද ඉත්යුක්තං දේවතා සවිතා ස්මෘතඃ ॥ 12 ॥

මායා බීජං ශරත් ශක්තිර්නමඃ කීලකමීශ්වරි ।
සර්වාර්ථසාධනේ දේවි විනියෝගඃ ප්රකීර්තිතඃ ॥ 13 ॥

අථ සූර්ය කවචං

ඕං අං ආං ඉං ඊං ශිරඃ පාතු ඕං සූර්යෝ මංත්රවිග්රහඃ ।
උං ඌං ඍං ॠං ලලාටං මේ හ්රාං රවිඃ පාතු චින්මයඃ ॥ 14 ॥

~ළුං ~ළූං ඒං ඓං පාතු නේත්රේ හ්රීං මමාරුණසාරථිඃ ।
ඕං ඖං අං අඃ ශ්රුතී පාතු සඃ සර්වජගදීශ්වරඃ ॥ 15 ॥

කං ඛං ගං ඝං පාතු ගංඩෞ සූං සූරඃ සුරපූජිතඃ ।
චං ඡං ජං ඣං ච නාසාං මේ පාතු යාරං අර්යමා ප්රභුඃ ॥ 16 ॥

ටං ඨං ඩං ඪං මුඛං පායාද් යං යෝගීශ්වරපූජිතඃ ।
තං ථං දං ධං ගලං පාතු නං නාරායණවල්ලභඃ ॥ 17 ॥

පං ඵං බං භං මම ස්කංධෞ පාතු මං මහසාං නිධිඃ ।
යං රං ලං වං භුජෞ පාතු මූලං සකනායකඃ ॥ 18 ॥

ශං ෂං සං හං පාතු වක්ෂෝ මූලමංත්රමයෝ ධ්රුවඃ ।
ළං ක්ෂඃ කුක්ෂ්සිං සදා පාතු ග්රහාථෝ දිනේශ්වරඃ ॥ 19 ॥

ඞං ඤං ණං නං මං මේ පාතු පෘෂ්ඨං දිවසනායකඃ ।
අං ආං ඉං ඊං උං ඌං ඍං ॠං නාභිං පාතු තමෝපහඃ ॥ 20 ॥

~ළුං ~ළූං ඒං ඓං ඕං ඖං අං අඃ ලිංගං මේऽව්යාද් ග්රහේශ්වරඃ ।
කං ඛං ගං ඝං චං ඡං ජං ඣං කටිං භානුර්මමාවතු ॥ 21 ॥

ටං ඨං ඩං ඪං තං ථං දං ධං ජානූ භාස්වාන් මමාවතු ।
පං ඵං බං භං යං රං ලං වං ජංඝේ මේऽව්යාද් විභාකරඃ ॥ 22 ॥

ශං ෂං සං හං ළං ක්ෂඃ පාතු මූලං පාදෞ ත්රයිතනුඃ ।
ඞං ඤං ණං නං මං මේ පාතු සවිතා සකලං වපුඃ ॥ 23 ॥

සෝමඃ පූර්වේ ච මාං පාතු භෞමෝऽග්නෞ මාං සදාවතු ।
බුධෝ මාං දක්ෂිණේ පාතු නෛඍත්යා ගුරරේව මාම් ॥ 24 ॥

පශ්චිමේ මාං සිතඃ පාතු වායව්යාං මාං ශනෛශ්චරඃ ।
උත්තරේ මාං තමඃ පායාදෛශාන්යාං මාං ශිඛී තථා ॥ 25 ॥

ඌර්ධ්වං මාං පාතු මිහිරෝ මාමධස්තාංජගත්පතිඃ ।
ප්රභාතේ භාස්කරඃ පාතු මධ්යාහ්නේ මාං දිනේශ්වරඃ ॥ 26 ॥

සායං වේදප්රියඃ පාතු නිශීථේ විස්ඵුරාපතිඃ ।
සර්වත්ර සර්වදා සූර්යඃ පාතු මාං චක්රනායකඃ ॥ 27 ॥

රණේ රාජකුලේ ද්යූතේ විදාදේ ශත්රුසංකටේ ।
සංගාමේ ච ජ්වරේ රෝගේ පාතු මාං සවිතා ප්රභුඃ ॥ 28 ॥

ඕං ඕං ඕං උත ඕංඋඖං හ ස ම යඃ සූරෝऽවතාන්මාං භයාද්
හ්රාං හ්රීං හ්රුං හහහා හසෞඃ හසහසෞඃ හංසෝऽවතාත් සර්වතඃ ।
සඃ සඃ සඃ සසසා නෘපාද්වනචරාච්චෞරාද්රණාත් සංකටාත්
පායාන්මාං කුලනායකෝऽපි සවිතා ඕං හ්රීං හ සෞඃ සර්වදා ॥ 29 ॥

ද්රාං ද්රීං ද්රූං දධනං තථා ච තරණිර්භාංභෛර්භයාද් භාස්කරෝ
රාං රීං රූං රුරුරූං රවිර්ජ්වරභයාත් කුෂ්ඨාච්ච ශූලාමයාත් ।
අං අං ආං විවිවීං මහාමයභයං මාං පාතු මාර්තංඩකෝ
මූලව්යාප්තතනුඃ සදාවතු පරං හංසඃ සහස්රාංශුමාන් ॥ 30॥

අථ ඵලශෘතිඃ

ඉති ශ්රීකවචං දිව්යං වජ්රපංජරකාභිධම් ।
සර්වදේවරහස්යං ච මාතෘකාමංත්රවේෂ්ටිතම් ॥ 31 ॥

මහාරෝගභයඝ්නං ච පාපඝ්නං මන්මුඛෝදිතම් ।
ගුහ්යං යශස්කරං පුණ්යං සර්වශ්රේයස්කරං ශිවේ ॥ 32 ॥

ලිඛිත්වා රවිවාරේ තු තිෂ්යේ වා ජන්මභේ ප්රියේ ।
අෂ්ටගංධේන දිව්යේන සුධාක්ෂීරේණ පාර්වති ॥ 33 ॥

අර්කක්ෂීරේණ පුණ්යේන භූර්ජත්වචි මහේශ්වරි ।
කනකීකාෂ්ඨලේඛන්යා කවචං භාස්කරෝදයේ ॥ 34 ॥

ශ්වේතසූත්රේණ රක්තේන ශ්යාමේනාවේෂ්ටයේද් ගුටීම් ।
සෞවර්ණේනාථ සංවේෂ්ඨ්ය ධාරයේන්මූර්ධ්නි වා භුජේ ॥ 35 ॥

රණේ රිපූංජයේද් දේවි වාදේ සදසි ජේෂ්යති ।
රාජමාන්යෝ භවේන්නිත්යං සර්වතේජෝමයෝ භවේත් ॥ 36 ॥

කංඨස්ථා පුත්රදා දේවි කුක්ෂිස්ථා රෝගනාශිනී ।
ශිරඃස්ථා ගුටිකා දිව්යා රාකලෝකවශංකරී ॥ 37 ॥

භුජස්ථා ධනදා නිත්යං තේජෝබුද්ධිවිවර්ධිනී ।
වංධ්යා වා කාකවංධ්යා වා මෘතවත්සා ච යාංගනා ॥ 38 ॥

කංඨේ සා ධාරයේන්නිත්යං බහුපුත්රා ප්රජායයේ ।
යස්ය දේහේ භවේන්නිත්යං ගුටිකෛෂා මහේශ්වරි ॥ 39 ॥

මහාස්ත්රාණීංද්රමුක්තානි බ්රහ්මාස්ත්රාදීනි පාර්වති ।
තද්දේහං ප්රාප්ය ව්යර්ථානි භවිෂ්යංති න සංශයඃ ॥ 40 ॥

ත්රිකාලං යඃ පඨේන්නිත්යං කවචං වජ්රපංජරම් ।
තස්ය සද්යෝ මහාදේවි සවිතා වරදෝ භවේත් ॥ 41 ॥

අජ්ඤාත්වා කවචං දේවි පූජයේද් යස්ත්රයීතනුම් ।
තස්ය පූජාර්ජිතං පුණ්යං ජන්මකෝටිෂු නිෂ්ඵලම් ॥ 42 ॥

ශතාවර්තං පඨේද්වර්ම සප්තම්යාං රවිවාසරේ ।
මහාකුෂ්ඨාර්දිතෝ දේවි මුච්යතේ නාත්ර සංශයඃ ॥ 43 ॥

නිරෝගෝ යඃ පඨේද්වර්ම දරිද්රෝ වජ්රපංජරම් ।
ලක්ෂ්මීවාංජායතේ දේවි සද්යඃ සූර්යප්රසාදතඃ ॥ 44 ॥

භක්ත්යා යඃ ප්රපඨේද් දේවි කවචං ප්රත්යහං ප්රියේ ।
ඉහ ලෝකේ ශ්රියං භුක්ත්වා දේහාංතේ මුක්තිමාප්නුයාත් ॥ 45 ॥

ඉති ශ්රීරුද්රයාමලේ තංත්රේ ශ්රීදේවිරහස්යේ
වජ්රපංජරාඛ්යසූර්යකවචනිරූපණං ත්රයස්ත්රිංශඃ පටලඃ ॥