නවග්රහ කවචම්

ශිරෝ මේ පාතු මාර්තාංඩෝ කපාලං රෝහිණීපතිඃ ।
මුඛමංගාරකඃ පාතු කංඨශ්ච ශශිනංදනඃ ॥ 1 ॥

බුද්ධිං ජීවඃ සදා පාතු හෘදයං භෘගුනංදනඃ ।
ජඨරං ච ශනිඃ පාතු ජිහ්වාං මේ දිතිනංදනඃ ॥ 2 ॥

පාදෞ කේතුඃ සදා පාතු වාරාඃ සර්වාංගමේව ච ।
තිථයෝऽෂ්ටෞ දිශඃ පාංතු නක්ෂත්රාණි වපුඃ සදා ॥ 3 ॥

අංසෞ රාශිඃ සදා පාතු යෝගාශ්ච ස්ථෛර්යමේව ච ।
ගුහ්යං ලිංගං සදා පාංතු සර්වේ ග්රහාඃ ශුභප්රදාඃ ॥ 4 ॥

අණිමාදීනි සර්වාණි ලභතේ යඃ පඨේද් ධෘවම් ।
ඒතාං රක්ෂාං පඨේද් යස්තු භක්ත්යා ස ප්රයතඃ සුධීඃ ॥ 5 ॥

ස චිරායුඃ සුඛී පුත්රී රණේ ච විජයී භවේත් ।
අපුත්රෝ ලභතේ පුත්රං ධනාර්ථී ධනමාප්නුයාත් ॥ 6 ॥

දාරාර්ථී ලභතේ භාර්යාං සුරූපාං සුමනෝහරාම් ।
රෝගී රෝගාත්ප්රමුච්යේත බද්ධෝ මුච්යේත බංධනාත් ॥ 7 ॥

ජලේ ස්ථලේ චාංතරික්ෂේ කාරාගාරේ විශේෂතඃ ।
යඃ කරේ ධාරයේන්නිත්යං භයං තස්ය න විද්යතේ ॥ 8 ॥

බ්රහ්මහත්යා සුරාපානං ස්තේයං ගුර්වංගනාගමඃ ।
සර්වපාපෛඃ ප්රමුච්යේත කවචස්ය ච ධාරණාත් ॥ 9 ॥

නාරී වාමභුජේ ධෘත්වා සුඛෛශ්වර්යසමන්විතා ।
කාකවංධ්යා ජන්මවංධ්යා මෘතවත්සා ච යා භවේත් ।
බහ්වපත්යා ජීවවත්සා කවචස්ය ප්රසාදතඃ ॥ 10 ॥

ඉති ග්රහයාමලේ උත්තරඛංඩේ නවග්රහ කවචං සමාප්තම් ।