සුබ්රහ්මණ්යෂ්ටෝත්තරශත නාමස්තෝත්රම්

ශක්තිහස්තං විරූපාක්ෂං ශිඛිවාහං ෂඩානනම් ।
දාරුණං රිපුරෝගඝ්නං භාවයේ කුක්කුටධ්වජම් ॥

ඉති ධ්යානම්

ස්කංදෝ ගුහඃ ෂණ්මුඛශ්ච ඵාලනේත්රසුතඃ ප්රභුඃ ।
පිංගළඃ කෘත්තිකාසූනුඃ ශිඛිවාහෝ ද්විෂඩ්භුජඃ ॥ 1 ॥

ද්විෂණ්ණේත්ර-ශ්ශක්තිධරඃ පිශිතාශ ප්රභංජනඃ ।
තාරකාසුරසංහාරී රක්ෂෝබලවිමර්දනඃ ॥ 2 ॥

මත්තඃ ප්රමත්ත උන්මත්තඃ සුරසෛන්යසුරක්ෂකඃ ।
දේවසේනාපතිඃ ප්රාජ්ඤඃ කෘපාළු ර්භක්තවත්සලඃ ॥ 3 ॥

උමාසුත-ශ්ශක්තිධරඃ කුමාරඃ ක්රෞංචධාරණඃ ।
සේනානී-රග්නිජන්මා ච විශාඛඃ ශංකරාත්මජඃ ॥ 4 ॥

ශිවස්වාමී ගණස්වාමී සර්වස්වාමී සනාතනඃ ।
අනංතමූර්ති රක්ෂෝභ්යඃ පාර්වතීප්රියනංදනඃ ॥ 5 ॥

ගංගාසුත-ශ්ශරෝද්භූත ආහූතඃ පාවකාත්මජඃ ।
ජෘංභඃ ප්රජෘංභ උජ්ජෘංභඃ කමලාසනසංස්තුතඃ ॥ 6 ॥

ඒකවර්ණෝ ද්විවර්ණශ්ච ත්රිවර්ණඃ සුමනෝහරඃ ।
චතුර්වර්ණඃ පංචවර්ණඃ ප්රජාපති-රහස්පතිඃ ॥ 7 ॥

අග්නිගර්භ-ශ්ශමීගර්භෝ විශ්වරේතා-ස්සුරාරිහා ।
හරිද්වර්ණ-ශ්ශුභකරෝ පටුශ්ච වටුවේෂභෘත් ॥ 8 ॥

පූෂා ගභස්ති-ර්ගහන ශ්චංද්රවර්ණඃ කළාධරඃ ।
මායාධරෝ මහාමායී කෛවල්ය-ශ්ශංකරාත්මජඃ ॥ 9 ॥

විශ්වයෝනි-රමේයාත්මා තේජෝනිධි-රනාමයඃ ।
පරමේෂ්ඨී පරංබ්රහ්ම වේදගර්භෝ විරාට්සුතඃ ॥ 10 ॥

පුළිංදකන්යාභර්තා ච මහාසාරස්වතාවෘතඃ ।
අශ්රිතෝඛිලදාතා ච චෝරඝ්නෝ රෝගනාශනඃ ॥ 11 ॥

අනංතමූර්ති-රානංද-ශ්ශිඛංඩීකෘතකේතනඃ ।
ඩංභඃ පරමඩංභශ්ච මහාඩංභෝ වෘෂාකපිඃ ॥ 12 ॥

කාරණෝපාත්තදේහශ්ච කාරණාතීතවිග්රහඃ ।
අනීශ්වරෝऽමෘතඃ ප්රාණඃ ප්රාණායාමපරායණඃ ॥ 13 ॥

විරුද්ධහංතා වීරඝ්නෝ රක්තශ්යාමගළෝऽපි ච ।
සුබ්රහ්මණ්යෝ ගුහඃ ප්රීතෝ බ්රහ්මණ්යෝ බ්රාහ්මණප්රියඃ ॥ 14 ॥

වංශවෘද්ධිකරෝ වේදෝ වේද්යෝऽක්ෂයඵලප්රදඃ ॥ 15 ॥

ඉති ශ්රී සුබ්රහ්මණ්යාෂ්ටෝත්තර ශතනාමස්තෝත්රං සංපූර්ණම් ।