ආද්ය කාළිකා අෂ්ටෝත්තර ශත නාමාවළිඃ

ශ්රීසදාශිව උවාච
ශෘණු දේවි ජගද්වංද්යේ ස්තෝත්රමේතදනුත්තමම් ।
පඨනාච්ඡ්රවණාද්යස්ය සර්වසිද්ධීශ්වරෝ භවේත් ॥ 1 ॥

අසෞභාග්යප්රශමනං සුඛසංපද්විවර්ධනම් ।
අකාලමෘත්යුහරණං සර්වාපද්විනිවාරණම් ॥ 2 ॥

ශ්රීමදාද්යාකාළිකායාඃ සුඛසාන්නිධ්යකාරණම් ।
ස්තවස්යාස්ය ප්රසීදේන ත්රිපුරාරිරහං ප්රියේ ॥ 3 ॥

ස්තෝත්රස්යාස්ය ඍෂිර්දේවි සදාශිව උදාහෘතඃ ।
ඡංදෝऽනුෂ්ටුබ්දේවතාද්යා කාළිකා පරිකීර්තිතා ।
ධර්මකාමාර්ථමෝක්ෂේෂු විනියෝගඃ ප්රකීර්තිතඃ ॥ 4 ॥

අථ ස්තෝත්රම්
හ්රීං කාළී ශ්රීං කරාළී ච ක්රීං කළ්යාණී කළාවතී ।
කමලා කලිදර්පඝ්නී කපර්දීශකෘපාන්විතා ॥ 5 ॥

කාළිකා කාලමාතා ච කාලානලසමද්යුතිඃ ।
කපර්දිනී කරාළාස්යා කරුණාමෘතසාගරා ॥ 6 ॥

කෘපාමයී කෘපාධාරා කෘපාපාරා කෘපාගමා ।
කෘශානුඃ කපිලා කෘෂ්ණා කෘෂ්ණානංදවිවර්ධිනී ॥ 7 ॥

කාලරාත්රිඃ කාමරූපා කාමපාශවිමෝචිනී ।
කාදංබිනී කළාධාරා කලිකල්මෂනාශිනී ॥ 8 ॥

කුමාරීපූජනප්රීතා කුමාරීපූජකාලයා ।
කුමාරීභෝජනානංදා කුමාරීරූපධාරිණී ॥ 9 ॥

කදංබවනසංචාරා කදංබවනවාසිනී ।
කදංබපුෂ්පසංතෝෂා කදංබපුෂ්පමාලිනී ॥ 10 ॥

කිශෝරී කලකංඨා ච කලනාදනිනාදිනී ।
කාදංබරීපානරතා තථා කාදංබරීප්රියා ॥ 11 ॥

කපාලපාත්රනිරතා කංකාලමාල්යධාරිණී ।
කමලාසනසංතුෂ්ටා කමලාසනවාසිනී ॥ 12 ॥

කමලාලයමධ්යස්ථා කමලාමෝදමෝදිනී ।
කලහංසගතිඃ ක්ලෛබ්යනාශිනී කාමරූපිණී ॥ 13 ॥

කාමරූපකෘතාවාසා කාමපීඨවිලාසිනී ।
කමනීයා කල්පලතා කමනීයවිභූෂණා ॥ 14 ॥

කමනීයගුණාරාධ්යා කෝමලාංගී කෘශෝදරී ।
කාරණාමෘතසංතෝෂා කාරණානංදසිද්ධිදා ॥ 15 ॥

කාරණානංදජාපේෂ්ටා කාරණාර්චනහර්ෂිතා ।
කාරණාර්ණවසම්මග්නා කාරණව්රතපාලිනී ॥ 16 ॥

කස්තූරීසෞරභාමෝදා කස්තූරීතිලකෝජ්ජ්වලා ।
කස්තූරීපූජනරතා කස්තූරීපූජකප්රියා ॥ 17 ॥

කස්තූරීදාහජනනී කස්තූරීමෘගතෝෂිණී ।
කස්තූරීභෝජනප්රීතා කර්පූරාමෝදමෝදිතා ॥ 18 ॥

කර්පූරමාලාභරණා කර්පූරචංදනෝක්ෂිතා ।
කර්පූරකාරණාහ්ලාදා කර්පූරාමෘතපායිනී ॥ 19 ॥

කර්පූරසාගරස්නාතා කර්පූරසාගරාලයා ।
කූර්චබීජජපප්රීතා කූර්චජාපපරායණා ॥ 20 ॥

කුලීනා කෞලිකාරාධ්යා කෞලිකප්රියකාරිණී ।
කුලාචාරා කෞතුකිනී කුලමාර්ගප්රදර්ශිනී ॥ 21 ॥

කාශීශ්වරී කෂ්ටහර්ත්රී කාශීශවරදායිනී ।
කාශීශ්වරකෘතාමෝදා කාශීශ්වරමනෝරමා ॥ 22 ॥

කලමංජීරචරණා ක්වණත්කාංචීවිභූෂණා ।
කාංචනාද්රිකෘතාගාරා කාංචනාචලකෞමුදී ॥ 23 ॥

කාමබීජජපානංදා කාමබීජස්වරූපිණී ।
කුමතිඝ්නී කුලීනාර්තිනාශිනී කුලකාමිනී ॥ 24 ॥

ක්රීං හ්රීං ශ්රීං මංත්රවර්ණේන කාලකංටකඝාතිනී ।
ඉත්යාද්යාකාළිකාදේව්යාඃ ශතනාම ප්රකීර්තිතම් ॥ 25 ॥

කකාරකූටඝටිතං කාළීරූපස්වරූපකම් ।
පූජාකාලේ පඨේද්යස්තු කාළිකාකෘතමානසඃ ॥ 26 ॥

මංත්රසිද්ධිර්භවේදාශු තස්ය කාළී ප්රසීදති ।
බුද්ධිං විද්යාං ච ලභතේ ගුරෝරාදේශමාත්රතඃ ॥ 27 ॥

ධනවාන් කීර්තිමාන් භූයාද්දානශීලෝ දයාන්විතඃ ।
පුත්රපෞත්රසුඛෛශ්වර්යෛර්මෝදතේ සාධකෝ භුවි ॥ 28 ॥

භෞමාවාස්යානිශාභාගේ මපංචකසමන්විතඃ ।
පූජයිත්වා මහාකාළීමාද්යාං ත්රිභුවනේශ්වරීම් ॥ 29 ॥

පඨිත්වා ශතනාමානි සාක්ෂාත්කාළීමයෝ භවේත් ।
නාසාධ්යං විද්යතේ තස්ය ත්රිෂු ලෝකේෂු කිංචන ॥ 30 ॥

විද්යායාං වාක්පතිඃ සාක්ෂාත් ධනේ ධනපතිර්භවේත් ।
සමුද්ර ඉව ගාංභීර්යේ බලේ ච පවනෝපමඃ ॥ 31 ॥

තිග්මාංශුරිව දුෂ්ප්රේක්ෂ්යඃ ශශිවච්ඡුභදර්ශනඃ ।
රූපේ මූර්තිධරඃ කාමෝ යෝෂිතාං හෘදයංගමඃ ॥ 32 ॥

සර්වත්ර ජයමාප්නෝති ස්තවස්යාස්ය ප්රසාදතඃ ।
යං යං කාමං පුරස්කෘත්ය ස්තෝත්රමේතදුදීරයේත් ॥ 33 ॥

තං තං කාමමවාප්නෝති ශ්රීමදාද්යාප්රසාදතඃ ।
රණේ රාජකුලේ ද්යූතේ විවාදේ ප්රාණසංකටේ ॥ 34 ॥

දස්යුග්රස්තේ ග්රාමදාහේ සිංහව්යාඝ්රාවෘතේ තථා ।
අරණ්යේ ප්රාංතරේ දුර්ගේ ග්රහරාජභයේऽපි වා ॥ 35 ॥

ජ්වරදාහේ චිරව්යාධෞ මහාරෝගාදිසංකුලේ ।
බාලග්රහාදි රෝගේ ච තථා දුඃස්වප්නදර්ශනේ ॥ 36 ॥

දුස්තරේ සලිලේ වාපි පෝතේ වාතවිපද්ගතේ ।
විචිංත්ය පරමාං මායාමාද්යාං කාළීං පරාත්පරාම් ॥ 37 ॥

යඃ පඨේච්ඡතනාමානි දෘඪභක්තිසමන්විතඃ ।
සර්වාපද්භ්යෝ විමුච්යේත දේවි සත්යං න සංශයඃ ॥ 38 ॥

න පාපේභ්යෝ භයං තස්ය න රෝගෝභ්යෝ භයං ක්වචිත් ।
සර්වත්ර විජයස්තස්ය න කුත්රාපි පරාභවඃ ॥ 39 ॥

තස්ය දර්ශනමාත්රේණ පලායංතේ විපද්ගණාඃ ।
ස වක්තා සර්වශාස්ත්රාණාං ස භෝක්තා සර්වසංපදාම් ॥ 40 ॥

ස කර්තා ජාතිධර්මාණාං ජ්ඤාතීනාං ප්රභුරේව සඃ ।
වාණී තස්ය වසේද්වක්ත්රේ කමලා නිශ්චලා ගෘහේ ॥ 41 ॥

තන්නාම්නා මානවාඃ සර්වේ ප්රණමංති සසංභ්රමාඃ ।
දෘෂ්ට්යා තස්ය තෘණායංතේ හ්යණිමාද්යෂ්ටසිද්ධයඃ ॥ 42 ॥

ආද්යාකාළීස්වරූපාඛ්යං ශතනාම ප්රකීර්තිතම් ।
අෂ්ටෝත්තරශතාවෘත්යා පුරශ්චර්යාऽස්ය ගීයතේ ॥ 43 ॥

පුරස්ක්රියාන්විතං ස්තෝත්රං සර්වාභීෂ්ටඵලප්රදම් ।
ශතනාමස්තුතිමිමාමාද්යාකාළීස්වරූපිණීම් ॥ 44 ॥

පඨේද්වා පාඨයේද්වාපි ශෘණුයාච්ඡ්රාවයේදපි ।
සර්වපාපවිනිර්මුක්තෝ බ්රහ්මසායුජ්යමාප්නුයාත් ॥ 45 ॥

ඉති මහානිර්වාණතංත්රේ සප්තමෝල්ලාසාංතර්ගතං ශ්රී ආද්යා කාළිකා ශතනාම ස්තෝත්රම් ॥