ශ්රී වේංකටේශ්වර ශරණාගති ගද්යම්

යෝ නිත්යමච්යුතපදාංබුජයුග්මරුක්ම
ව්යාමෝහතස්තදිතරාණි තෘණාය මේනේ ।
අස්මද්ගුරෝර්භගවතෝऽස්ය දයෛකසිංධෝඃ
රාමානුජස්ය චරණෞ ශරණං ප්රපද්යේ ॥

වංදේ වේදාංතකර්පූරචාමීකර කරංඩකම් ।
රාමානුජාර්යමාර්යාණාං චූඩාමණිමහර්නිශම් ॥

ඕම් ॥ භගවන්නාරායණාභිමතානුරූප ස්වරූපරූප ගුණවිභවෛශ්වර්ය ශීලාද්යනවධිකාතිශය අසංඛ්යේය කල්යාණගුණගණාං පද්මවනාලයාං භගවතීං ශ්රියං දේවීං නිත්යානපායිනීං නිරවද්යාං දේවදේවදිව්යමහිෂීං අඛිලජගන්මාතරං අස්මන්මාතරං අශරණ්යශරණ්යාං අනන්යශරණඃ ශරණමහං ප්රපද්යේ ॥

පාරමාර්ථික භගවච්චරණාරවිංද යුගළෛකාංතිකාත්යංතික පරභක්ති පරජ්ඤාන පරමභක්තිකෘත පරිපූර්ණානවරත නිත්යවිශදතමානන්ය ප්රයෝජනානවධිකාතිශය ප්රිය භගවදනුභවජනිතානවධිකාතිශය ප්රීතිකාරිතාශේෂාවස්ථෝචිත අශේෂශේෂතෛකරතිරූප නිත්යකෛංකර්යප්රාප්ත්යපේක්ෂයා පාරමාර්ථිකී භගවච්චරණාරවිංද ශරණාගතිඃ යථාවස්ථිතා අවිරතාऽස්තු මේ ॥

අස්තු තේ । තයෛව සර්වං සංපත්ස්යතේ ॥

අඛිලහේයප්රත්යනීක කල්යාණෛකතාන, ස්වේතර සමස්තවස්තුවිලක්ෂණානංත ජ්ඤානානංදෛකස්වරූප, ස්වාභිමතානුරූපෛකරූපාචිංත්ය දිව්යාද්භුත නිත්යනිරවද්ය නිරතිශයෞජ්ජ්වල්ය සෞංදර්ය සෞගංධ්ය සෞකුමාර්ය ලාවණ්ය යෞවනාද්යනංතගුණනිධි දිව්යරූප, ස්වාභාවිකානවධිකාතිශය ජ්ඤාන බලෛශ්වර්ය වීර්ය ශක්ති තේජස්සෞශීල්ය වාත්සල්ය මාර්දවාර්ජව සෞහාර්ද සාම්ය කාරුණ්ය මාධුර්ය ගාංභීර්යෞදාර්ය චාතුර්ය ස්ථෛර්ය ධෛර්ය ශෞර්ය පරාක්රම සත්යකාම සත්යසංකල්ප කෘතිත්ව කෘතජ්ඤතාද්යසංඛ්යේය කල්යාණගුණගණෞඝ මහාර්ණව,
ස්වෝචිත විවිධ විචිත්රානංතාශ්චර්ය නිත්ය නිරවද්ය නිරතිශය සුගංධ නිරතිශය සුඛස්පර්ශ නිරතිශයෞජ්ජ්වල්ය කිරීට මකුට චූඩාවතංස මකරකුංඩල ග්රෛවේයක හාර කේයූර කටක ශ්රීවත්ස කෞස්තුභ මුක්තාදාමෝදරබංධන පීතාංබර කාංචීගුණ නූපුරාද්යපරිමිත දිව්යභූෂණ, ස්වානුරූපාචිංත්යශක්ති ශංඛචක්රගදාऽසි ශාරංගාද්යසංඛ්යේය
නිත්යනිරවද්ය නිරතිශය කල්යාණදිව්යායුධ,
ස්වාභිමත නිත්යනිරවද්යානුරූප ස්වරූපරූපගුණ විභවෛශ්වර්ය ශීලාද්යනවධිකාතිශයාසංඛ්යේය කල්යාණගුණගණශ්රීවල්ලභ, ඒවංභූත භූමිනීළානායක, ස්වච්ඡංදානුවර්ති ස්වරූපස්ථිති ප්රවෘත්තිභේදාශේෂ ශේෂතෛකරතිරූප
නිත්යනිරවද්යනිරතිශය ජ්ඤාන ක්රියෛශ්වර්යාද්යනංත කල්යාණගුණගණ ශේෂ ශේෂාශන
ගරුඩප්රමුඛ නානාවිධානංත පරිජන පරිචාරිකා පරිචරිත චරණයුගළ, පරමයෝගි වාඞ්මනසාऽපරිච්ඡේද්ය ස්වරූප ස්වභාව ස්වාභිමත විවිධවිචිත්රානංතභෝග්ය භෝගෝපකරණ භෝගස්ථාන සමෘද්ධානංතාශ්චර්යානංත මහාවිභවානංත පරිමාණ නිත්ය නිරවද්ය නිරතිශය ශ්රීවෛකුංඨනාථ, ස්වසංකල්පානුවිධායි ස්වරූපස්ථිති ප්රවෘත්ති ස්වශේෂතෛකස්වභාව ප්රකෘති පුරුෂ කාලාත්මක විවිධ විචිත්රානංත භෝග්ය භෝක්තෘවර්ග භෝගෝපකරණ භෝගස්ථානරූප
නිඛිලජගදුදය විභව ලයලීල, සත්යකාම, සත්යසංකල්ප, පරබ්රහ්මභූත, පුරුෂෝත්තම,මහාවිභූතේ,

ශ්රීමන් නාරායණ, වෛකුංඨනාථ, අපාර කාරුණ්ය සෞශීල්ය වාත්සල්යෞදාර්යෛශ්වර්ය සෞංදර්ය මහෝදධේ, අනාලෝචිතවිශේෂාශේෂලෝක ශරණ්ය, ප්රණතාර්තිහර, ආශ්රිත වාත්සල්යෛකජලධේ, අනවරතවිදිත නිඛිලභූතජාතයාථාත්ම්ය, අශේෂචරාචරභූත නිඛිලනියමන නිරත, අශේෂචිදචිද්වස්තු ශේෂිභූත, නිඛිලජගදාධාර, අඛිලජගත්ස්වාමින්, අස්මත්ස්වාමින්, සත්යකාම,
සත්යසංකල්ප, සකලේතරවිලක්ෂණ, අර්ථිකල්පක, ආපත්සඛ, ශ්රීමන්, නාරායණ, අශරණ්යශරණ්ය, අනන්යශරණස්ත්වත්පාදාරවිංද යුගළං ශරණමහං ප්රපද්යේ ॥

අත්ර ද්වයම් ।

පිතරං මාතරං දාරාන් පුත්රාන් බංධූන් සඛීන් ගුරූන් ।
රත්නානි ධනධාන්යානි ක්ෂේත්රාණි ච ගෘහාණි ච ॥ 1

සර්වධර්මාංශ්ච සංත්යජ්ය සර්වකාමාංශ්ච සාක්ෂරාන් ।
ලෝකවික්රාංතචරණෞ ශරණං තේऽව්රජං විභෝ ॥ 2

ත්වමේව මාතා ච පිතා ත්වමේව
ත්වමේව බංධුශ්ච ගුරුස්ත්වමේව ।
ත්වමේව විද්යා ද්රවිණං ත්වමේව
ත්වමේව සර්වං මම දේවදේව ॥ 3

පිතාऽසි ලෝකස්ය චරාචරස්ය
ත්වමස්ය පූජ්යශ්ච ගුරුර්ගරීයාන් ।
න ත්වත්සමෝऽස්ත්යභ්යධිකඃ කුතෝऽන්යෝ
ලෝකත්රයේऽප්යප්රතිමප්රභාව ॥ 4

තස්මාත්ප්රණම්ය ප්රණිධාය කායං
ප්රසාදයේ ත්වාමහමීශමීඩ්යම් ।
පිතේව පුත්රස්ය සඛේව සඛ්යුඃ
ප්රියඃ ප්රියායාර්හසි දේව සෝඪුම් ॥

මනෝවාක්කායෛරනාදිකාල ප්රවෘත්තානංතාකෘත්යකරණ කෘත්යාකරණ භගවදපචාර භාගවතාපචාරාසහ්යාපචාරරූප නානාවිධානංතාපචාරාන් ආරබ්ධකාර්යාන් අනාරබ්ධකාර්යාන් කෘතාන් ක්රියමාණාන් කරිෂ්යමාණාංශ්ච සර්වානශේෂතඃ ක්ෂමස්ව ।

අනාදිකාලප්රවෘත්තවිපරීත ජ්ඤානමාත්මවිෂයං කෘත්ස්න ජගද්විෂයං ච විපරීතවෘත්තං චාශේෂවිෂයමද්යාපි වර්තමානං වර්තිෂ්යමාණං ච සර්වං ක්ෂමස්ව ।

මදීයානාදිකර්ම ප්රවාහප්රවෘත්තාං භගවත්ස්වරූප තිරෝධානකරීං විපරීතජ්ඤානජනනීං ස්වවිෂයායාශ්ච භෝග්යබුද්ධේර්ජනනීං දේහේංද්රියත්වේන භෝග්යත්වේන සූක්ෂ්මරූපේණ චාවස්ථිතාං දෛවීං ගුණමයීං මායාං දාසභූතං ශරණාගතෝऽස්මි තවාස්මි දාසඃ ඉති වක්තාරං මාං තාරය ।

තේෂාං ජ්ඤානී නිත්යයුක්තඃ ඒකභක්තිර්විශිෂ්යතේ ।
ප්රියෝ හි ජ්ඤානිනෝऽත්යර්ථමහං ස ච මම ප්රියඃ ॥

උදාරාඃ සර්ව ඒවෛතේ ජ්ඤානී ත්වාත්මෛව මේ මතම් ।
ආස්ථිතඃ ස හි යුක්තාත්මා මාමේවානුත්තමාං ගතිම් ॥

බහූනාං ජන්මනාමංතේ ජ්ඤානවාන්මාං ප්රපද්යතේ ।
වාසුදේවඃ සර්වමිති ස මහාත්මා සුදුර්ලභඃ ॥

ඉති ශ්ලෝකත්රයෝදිතජ්ඤානිනං මාං කුරුෂ්ව ।

පුරුෂඃ ස පරඃ පාර්ථ භක්ත්යා ලභ්යස්ත්වනන්යයා ।
භක්ත්යා ත්වනන්යයා ශක්යඃ මද්භක්තිං ලභතේ පරාම් ।
ඉති ස්ථානත්රයෝදිත පරභක්තියුක්තං මාං කුරුෂ්ව ।

පරභක්ති පරජ්ඤාන පරමභක්ත්යේකස්වභාවං මාං කුරුෂ්ව ।
පරභක්ති පරජ්ඤාන පරමභක්තිකෘත පරිපූර්ණානවරත නිත්යවිශදතමානන්ය ප්රයෝජනානවධිකාතිශය ප්රිය භගවදනුභවෝऽහං තථාවිධ භගවදනුභව ජනිතානවධිකාතිශය ප්රීතිකාරිතාශේෂාවස්ථෝචිතාශේෂ ශේෂතෛකරතිරූප නිත්යකිංකරෝ භවානි ।

ඒවංභූත මත්කෛංකර්යප්රාප්ත්යුපායතයාऽවක්ලුප්තසමස්ත වස්තුවිහීනෝऽපි, අනංත තද්විරෝධිපාපාක්රාංතෝऽපි, අනංත මදපචාරයුක්තෝऽපි, අනංත මදීයාපචාරයුක්තෝऽපි, අනංතාසහ්යාපචාර යුක්තෝऽපි, ඒතත්කාර්යකාරණ භූතානාදි විපරීතාහංකාර විමූඪාත්ම ස්වභාවෝऽපි, ඒතදුභයකාර්යකාරණභූතානාදි විපරීතවාසනා සංබද්ධෝऽපි, ඒතදනුගුණ ප්රකෘති විශේෂසංබද්ධෝऽපි, ඒතන්මූලාධ්යාත්මිකාධිභෞතිකාධිදෛවික සුඛදුඃඛ තද්ධේතු
තදිතරෝපේක්ෂණීය විෂයානුභව ජ්ඤානසංකෝචරූප මච්චරණාරවිංදයුගළෛකාංතිකාත්යංතික පරභක්ති පරජ්ඤාන පරමභක්ති විඝ්නප්රතිහතෝऽපි, යේන කේනාපි ප්රකාරේණ ද්වයවක්තා ත්වං කේවලං මදීයයෛව දයයා නිශ්ශේෂවිනෂ්ට සහේතුක මච්චරණාරවිංදයුගළෛකාංතිකාත්යංතික පරභක්ති පරජ්ඤාන පරමභක්තිවිඝ්නඃ මත්ප්රසාදලබ්ධ මච්චරණාරවිංදයුගළෛකාංතිකාත්යංතික පරභක්ති පරජ්ඤාන පරමභක්තිඃ මත්ප්රසාදාදේව සාක්ෂාත්කෘත යථාවස්ථිත මත්ස්වරූපරූපගුණවිභූති ලීලෝපකරණවිස්තාරඃ අපරෝක්ෂසිද්ධ මන්නියාම්යතා මද්දාස්යෛක ස්වභාවාත්ම ස්වරූපඃ මදේකානුභවඃ මද්දාස්යෛකප්රියඃ පරිපූර්ණානවරත නිත්යවිශදතමානන්ය ප්රයෝජනානවධිකාතිශයප්රිය මදනුභවස්ත්වං තථාවිධ මදනුභව ජනිතානවධිකාතිශය ප්රීතිකාරිතාශේෂාවස්ථෝචිතාශේෂ ශේෂතෛකරතිරූප නිත්යකිංකරෝ භව ।

ඒවංභූතෝऽසි । ආධ්යාත්මිකාධිභෞතිකාධිදෛවික දුඃඛවිඝ්නගංධරහිතස්ත්වං ද්වයමර්ථානුසංධානේන සහ සදෛවං වක්තා යාවච්ඡරීරපාතමත්රෛව ශ්රීරංගේ සුඛමාස්ව ॥

ශරීරපාතසමයේ තු කේවලං මදීයයෛව දයයාऽතිප්රබුද්ධඃ මාමේවාවලෝකයන් අප්රච්යුත පූර්වසංස්කාරමනෝරථඃ ජීර්ණමිව වස්ත්රං සුඛේනේමාං ප්රකෘතිං ස්ථූලසූක්ෂ්මරූපාං විසෘජ්ය තදානීමේව මත්ප්රසාදලබ්ධ මච්චරණාරවිංද යුගළෛකාංතිකාත්යංතික පරභක්ති පරජ්ඤාන පරමභක්තිකෘත පරිපූර්ණානවරත නිත්යවිශදතමානන්ය ප්රයෝජනානවධිකාතිශය ප්රිය මදනුභවස්ත්වං තථාවිධ මදනුභවජනිතානවධිකාතිශය ප්රීතිකාරිතාශේෂාවස්ථෝචිතාශේෂශේෂතෛක රතිරූප නිත්යකිංකරෝ භවිෂ්යසි । මාතේऽභූදත්ර සංශයඃ ।

අනෘතං නෝක්තපූර්වං මේ න ච වක්ෂ්යේ කදාචන ।
රාමෝ ද්විර්නාභිභාෂතේ ।
සකෘදේව ප්රපන්නාය තවාස්මීති ච යාචතේ ।
අභයං සර්වභූතේභ්යෝ දදාම්යේතද්ව්රතං මම ॥
සර්වධර්මාන් පරිත්යජ්ය මාමේකං ශරණං ව්රජ ।
අහං ත්වා සර්වපාපේභ්යෝ මෝක්ෂයිෂ්යාමි මා ශුචඃ ॥
ඉති මයෛව හ්යුක්තම් ।

අතස්ත්වං තව තත්ත්වතෝ මත් ජ්ඤානදර්ශන ප්රාප්තිෂු නිස්සංශයඃ සුඛමාස්ව ॥

අංත්යකාලේ ස්මෘතිර්යාතු තව කෛංකර්යකාරිතා ।
තාමේනාං භගවන්නද්ය ක්රියමාණාං කුරුෂ්ව මේ ॥

ඉති ශ්රීභගවද්රාමානුජ විරචිතං ශරණාගති ගද්යම් ।