නාරායණ කවචම්

න්යාසඃ

අංගන්යාසඃ
ඕං ඕං පාදයෝඃ නමඃ ।
ඕං නං ජානුනෝඃ නමඃ ।
ඕං මෝං ඌර්වෝඃ නමඃ ।
ඕං නාං උදරේ නමඃ ।
ඕං රාං හෘදි නමඃ ।
ඕං යං උරසි නමඃ ।
ඕං ණාං මුඛේ නමඃ ।
ඕං යං ශිරසි නමඃ ।

කරන්යාසඃ
ඕං ඕං දක්ෂිණතර්ජන්යාං නමඃ ।
ඕං නං දක්ෂිණමධ්යමායාං නමඃ ।
ඕං මෝං දක්ෂිණානාමිකායාං නමඃ ।
ඕං භං දක්ෂිණකනිෂ්ඨිකායාං නමඃ ।
ඕං ගං වාමකනිෂ්ඨිකායාං නමඃ ।
ඕං වං වාමානිකායාං නමඃ ।
ඕං තේං වාමමධ්යමායාං නමඃ ।
ඕං වාං වාමතර්ජන්යාං නමඃ ।
ඕං සුං දක්ෂිණාංගුෂ්ඨෝර්ධ්වපර්වණි නමඃ ।
ඕං දේං දක්ෂිණාංගුෂ්ඨාධඃ පර්වණි නමඃ ।
ඕං වාං වාමාංගුෂ්ඨෝර්ධ්වපර්වණි නමඃ ।
ඕං යං වාමාංගුෂ්ඨාධඃ පර්වණි නමඃ ।

විෂ්ණුෂඩක්ෂරන්යාසඃ
ඕං ඕං හෘදයේ නමඃ ।
ඕං විං මූර්ධ්නෛ නමඃ ।
ඕං ෂං භ්රුර්වෝර්මධ්යේ නමඃ ।
ඕං ණං ශිඛායාං නමඃ ।
ඕං වේං නේත්රයෝඃ නමඃ ।
ඕං නං සර්වසංධිෂු නමඃ ।
ඕං මඃ ප්රාච්යාං අස්ත්රාය ඵට් ।
ඕං මඃ ආග්නේය්යාං අස්ත්රාය ඵට් ।
ඕං මඃ දක්ෂිණස්යාං අස්ත්රාය ඵට් ।
ඕං මඃ නෛඍත්යේ අස්ත්රාය ඵට් ।
ඕං මඃ ප්රතීච්යාං අස්ත්රාය ඵට් ।
ඕං මඃ වායව්යේ අස්ත්රාය ඵට් ।
ඕං මඃ උදීච්යාං අස්ත්රාය ඵට් ।
ඕං මඃ ඓශාන්යාං අස්ත්රාය ඵට් ।
ඕං මඃ ඌර්ධ්වායාං අස්ත්රාය ඵට් ।
ඕං මඃ අධරායාං අස්ත්රාය ඵට් ।

ශ්රී හරිඃ

අථ ශ්රීනාරායණකවච

රාජෝවාච
යයා ගුප්තඃ සහස්රාක්ෂඃ සවාහාන් රිපුසෛනිකාන් ।
ක්රීඩන්නිව විනිර්ජිත්ය ත්රිලෝක්යා බුභුජේ ශ්රියම් ॥ 1 ॥

භගවංස්තන්මමාඛ්යාහි වර්ම නාරායණාත්මකම් ।
යථාऽऽතතායිනඃ ශත්රූන් යේන ගුප්තෝऽජයන්මෘධේ ॥ 2 ॥

ශ්රී ශුක උවාච
වෘතඃ පුරෝහිතස්ත්වාෂ්ට්රෝ මහේංද්රායානුපෘච්ඡතේ ।
නාරායණාඛ්යං වර්මාහ තදිහෛකමනාඃ ශෘණු ॥ 3 ॥

ශ්රීවිශ්වරූප උවාච
ධෞතාංඝ්රිපාණිරාචම්ය සපවිත්ර උදඞ්මුඛඃ ।
කෘතස්වාංගකරන්යාසෝ මංත්රාභ්යාං වාග්යතඃ ශුචිඃ ॥ 4 ॥

නාරායණමයං වර්ම සන්නහ්යේද්භය ආගතේ ।
දෛවභූතාත්මකර්මභ්යෝ නාරායණමයඃ පුමාන් ॥ 5 ॥

පාදයෝර්ජානුනෝරූර්වෝරුදරේ හෘද්යථෝරසි ।
මුඛේ ශිරස්යානුපූර්ව්යාදෝංකාරාදීනි වින්යසේත් ॥ 6 ॥

ඕං නමෝ නාරායණායේති විපර්යයමථාපි වා ।
කරන්යාසං තතඃ කුර්යාද්ද්වාදශාක්ෂරවිද්යයා ॥ 7 ॥

ප්රණවාදියකාරාංතමංගුල්යංගුෂ්ඨපර්වසු ।
න්යසේද්ධෘදය ඕංකාරං විකාරමනු මූර්ධනි ॥ 8 ॥

ෂකාරං තු භ්රුවෝර්මධ්යේ ණකාරං ශිඛයා න්යසේත් ।
වේකාරං නේත්රයෝර්යුංජ්යාන්නකාරං සර්වසංධිෂු ॥ 9 ॥

මකාරමස්ත්රමුද්දිශ්ය මංත්රමූර්තිර්භවේද්බුධඃ ।
සවිසර්ගං ඵඩංතං තත්සර්වදික්ෂු විනිර්දිශේත් ॥ 10 ॥

ඕං විෂ්ණවේ නමඃ ॥

ඉත්යාත්මානං පරං ධ්යායේද්ධ්යේයං ෂට්ඡක්තිභිර්යුතම් ।
විද්යාතේජස්තපෝමූර්තිමිමං මංත්රමුදාහරේත් ॥ 11 ॥

ඕං හරිර්විදධ්යාන්මම සර්වරක්ෂාං
න්යස්තාංඝ්රිපද්මඃ පතගේංද්ර පෘෂ්ඨේ ।
දරාරිචර්මාසිගදේෂුචාප-
-පාශාංදධානෝऽෂ්ටගුණෝऽෂ්ටබාහුඃ ॥ 12 ॥

ජලේෂු මාං රක්ෂතු මත්ස්යමූර්ති-
-ර්යාදෝගණේභ්යෝ වරුණස්ය පාශාත් ।
ස්ථලේෂු මායාවටුවාමනෝऽව්යා-
-ත්ත්රිවික්රමඃ ඛේऽවතු විශ්වරූපඃ ॥ 13 ॥

දුර්ගේෂ්වටව්යාජිමුඛාදිෂු ප්රභුඃ
පායාන්නෘසිංහෝऽසුරයූථපාරිඃ ।
විමුංචතෝ යස්ය මහාට්ටහාසං
දිශෝ විනේදුර්න්යපතංශ්ච ගර්භාඃ ॥ 14 ॥

රක්ෂත්වසෞ මාධ්වනි යජ්ඤකල්පඃ
ස්වදංෂ්ට්රයෝන්නීතධරෝ වරාහඃ ।
රාමෝऽද්රිකූටේෂ්වථ විප්රවාසේ
සලක්ෂ්මණෝऽව්යාද්භරතාග්රජෝऽස්මාන් ॥ 15 ॥

මාමුග්රධර්මාදඛිලාත්ප්රමාදා-
-න්නාරායණඃ පාතු නරශ්ච හාසාත් ।
දත්තස්ත්වයෝගාදථ යෝගනාථඃ
පායාද්ගුණේශඃ කපිලඃ කර්මබංධාත් ॥ 16 ॥

සනත්කුමාරෝऽවතු කාමදේවා-
-ද්ධයානනෝ මාං පථි දේවහේලනාත් ।
දේවර්ෂිවර්යඃ පුරුෂාර්චනාංතරා-
-ත්කූර්මෝ හරිර්මාං නිරයාදශේෂාත් ॥ 17 ॥

ධන්වංතරිර්භගවාන්පාත්වපථ්යා-
-ද්ද්වංද්වාද්භයාදෘෂභෝ නිර්ජිතාත්මා ।
යජ්ඤශ්ච ලෝකාදවතාජ්ජනාංතා-
-ද්බලෝ ගණාත්ක්රෝධවශාදහීංද්රඃ ॥ 18 ॥

ද්වෛපායනෝ භගවානප්රබෝධා-
-ද්බුද්ධස්තු පාෂංඩගණාත්ප්රමාදාත් ।
කල්කිඃ කලේඃ කාලමලාත්ප්රපාතු
ධර්මාවනායෝරුකෘතාවතාරඃ ॥ 19 ॥

මාං කේශවෝ ගදයා ප්රාතරව්යා-
-ද්ගෝවිංද ආසංගවමාත්තවේණුඃ ।
නාරායණඃ ප්රාහ්ණ උදාත්තශක්ති-
-ර්මධ්යංදිනේ විෂ්ණුරරීංද්රපාණිඃ ॥ 20 ॥

දේවෝऽපරාහ්ණේ මධුහෝග්රධන්වා
සායං ත්රිධාමාවතු මාධවෝ මාම් ।
දෝෂේ හෘෂීකේශ උතාර්ධරාත්රේ
නිශීථ ඒකෝऽවතු පද්මනාභඃ ॥ 21 ॥

ශ්රීවත්සධාමා¶රාත්ර ඊශඃ
ප්රත්යුෂ ඊශෝऽසිධරෝ ජනාර්දනඃ ।
දාමෝදරෝऽව්යාදනුසංධ්යං ප්රභාතේ
විශ්වේශ්වරෝ භගවාන්කාලමූර්තිඃ ॥ 22 ॥

චක්රං යුගාංතානලතිග්මනේමි
භ්රමත්සමංතාද්භගවත්ප්රයුක්තම් ।
දංදග්ධි දංදග්ධ්යරිසෛන්යමාශු
කක්ෂං යථා වාතසඛෝ හුතාශඃ ॥ 23 ॥

ගදේऽශනිස්පර්ශනවිස්ඵුලිංගේ
නිෂ්පිංඪි නිෂ්පිංඪ්යජිතප්රියාසි ।
කූෂ්මාංඩවෛනායකයක්ෂරක්ෂෝ
භූතග්රහාංශ්චූර්ණය චූර්ණයාරීන් ॥ 24 ॥

ත්වං යාතුධානප්රමථප්රේතමාතෘ-
-පිශාචවිප්රග්රහඝෝරදෘෂ්ටීන් ।
දරේංද්ර විද්රාවය කෘෂ්ණපූරිතෝ
භීමස්වනෝऽරේර්හෘදයානි කංපයන් ॥ 25 ॥

ත්වං තිග්මධාරාසිවරාරිසෛන්ය-
-මීශප්රයුක්තෝ මම ඡිංධි ඡිංධි ।
චක්ෂූංෂි චර්මන් ශතචංද්ර ඡාදය
ද්විෂාමඝෝනාං හර පාපචක්ෂුෂාම් ॥ 26 ॥

යන්නෝ භයං ග්රහේභ්යෝऽභූත්කේතුභ්යෝ නෘභ්ය ඒව ච ।
සරීසෘපේභ්යෝ දංෂ්ට්රිභ්යෝ භූතේභ්යෝऽඝේභ්ය ඒව ච ॥ 27 ॥

සර්වාණ්යේතානි භගවන්නාමරූපාස්ත්රකීර්තනාත් ।
ප්රයාංතු සංක්ෂයං සද්යෝ යේ නඃ ශ්රේයඃප්රතීපකාඃ ॥ 28 ॥

ගරුඩෝ භගවාන් ස්තෝත්රස්තෝමශ්ඡංදෝමයඃ ප්රභුඃ ।
රක්ෂත්වශේෂකෘච්ඡ්රේභ්යෝ විෂ්වක්සේනඃ ස්වනාමභිඃ ॥ 29 ॥

සර්වාපද්භ්යෝ හරේර්නාමරූපයානායුධානි නඃ ।
බුද්ධීංද්රියමනඃප්රාණාන්පාංතු පාර්ෂදභූෂණාඃ ॥ 30 ॥

යථා හි භගවානේව වස්තුතඃ සදසච්ච යත් ।
සත්යේනානේන නඃ සර්වේ යාංතු නාශමුපද්රවාඃ ॥ 31 ॥

යථෛකාත්ම්යානුභාවානාං විකල්පරහිතඃ ස්වයම් ।
භූෂණායුධලිංගාඛ්යා ධත්තේ ශක්තීඃ ස්වමායයා ॥ 32 ॥

තේනෛව සත්යමානේන සර්වජ්ඤෝ භගවාන් හරිඃ ।
පාතු සර්වෛඃ ස්වරූපෛර්නඃ සදා සර්වත්ර සර්වගඃ ॥ 33 ॥

විදික්ෂු දික්ෂූර්ධ්වමධඃ සමංතා-
-දංතර්බහිර්භගවාන්නාරසිංහඃ ।
ප්රහාපයංල්ලෝකභයං ස්වනේන
ස්වතේජසා ග්රස්තසමස්තතේජාඃ ॥ 34 ॥

මඝවන්නිදමාඛ්යාතං වර්ම නාරායණාත්මකම් ।
විජේෂ්යස්යංජසා යේන දංශිතෝऽසුරයූථපාන් ॥ 35 ॥

ඒතද්ධාරයමාණස්තු යං යං පශ්යති චක්ෂුෂා ।
පදා වා සංස්පෘශේත්සද්යඃ සාධ්වසාත්ස විමුච්යතේ ॥ 36 ॥

න කුතශ්චිද්භයං තස්ය විද්යාං ධාරයතෝ භවේත් ।
රාජදස්යුග්රහාදිභ්යෝ ව්යාධ්යාදිභ්යශ්ච කර්හිචිත් ॥ 37 ॥

ඉමාං විද්යාං පුරා කශ්චිත්කෞශිකෝ ධාරයන් ද්විජඃ ।
යෝගධාරණයා ස්වාංගං ජහෞ ස මරුධන්වනි ॥ 38 ॥

තස්යෝපරි විමානේන ගංධර්වපතිරේකදා ।
යයෞ චිත්රරථඃ ස්ත්රීභිර්වෘතෝ යත්ර ද්විජක්ෂයඃ ॥ 39 ॥

ගගනාන්න්යපතත්සද්යඃ සවිමානෝ හ්යවාක්ඡිරාඃ ।
ස වාලඛිල්යවචනාදස්ථීන්යාදාය විස්මිතඃ ।
ප්රාප්ය ප්රාච්යාං සරස්වත්යාං ස්නාත්වා ධාම ස්වමන්වගාත් ॥ 40 ॥

ශ්රී ශුක උවාච
ය ඉදං ශෘණුයාත්කාලේ යෝ ධාරයති චාදෘතඃ ।
තං නමස්යංති භූතානි මුච්යතේ සර්වතෝ භයාත් ॥ 41 ॥

ඒතාං විද්යාමධිගතෝ විශ්වරූපාච්ඡතක්රතුඃ ।
ත්රෛලෝක්යලක්ෂ්මීං බුභුජේ විනිර්ජිත්ය මෘධේऽසුරාන් ॥ 42 ॥

ඉති ශ්රීමද්භාගවතේ මහාපුරාණේ ෂෂ්ඨස්කංධේ නාරායණවර්මෝපදේශෝ නාමාෂ්ටමෝऽධ්යායඃ ।