ශ්රී සත්යනාරායණ ස්වාමි ව්රත කථා

॥ ශ්රී ගණේශාය නමඃ ॥
॥ ශ්රීපරමාත්මනේ නමඃ ॥
අථ කථා ප්රාරංභඃ ।

අථ ප්රථමෝऽධ්යායඃ

ශ්රීව්යාස උවාච ।
ඒකදා නෛමිෂාරණ්යේ ඍෂයඃ ශෞනකාදයඃ ।
පප්රච්ඡුර්මුනයඃ සර්වේ සූතං පෞරාණිකං ඛලු ॥ 1॥

ඍෂය ඌචුඃ ।
ව්රතේන තපසා කිං-වාඁ ප්රාප්යතේ වාංඡිතං ඵලම් ।
තත්සර්වං ශ්රෝතුමිච්ඡාමඃ කථයස්ව මහාමුනේ ॥ 2॥

සූත උවාච ।
නාරදේනෛව සංපෘෂ්ටෝ භගවාන් කමලාපතිඃ ।
සුරර්​ෂයේ යථෛවාහ තච්ඡෘණුධ්වං සමාහිතාඃ ॥ 3॥

ඒකදා නාරදෝ යෝගී පරානුග්රහකාංක්ෂයා ।
පර්යටන් විවිධාන් ලෝකාන් මර්ත්යලෝකමුපාගතඃ ॥ 4॥

තතෝදෘෂ්ට්වා ජනාන්සර්වාන් නානාක්ලේශසමන්විතාන් ।
නානායෝනිසමුත්පන්නාන් ක්ලිශ්යමානාන් ස්වකර්මභිඃ ॥ 5॥

කේනෝපායේන චෛතේෂාං දුඃඛනාශෝ භවේද් ධ්රුවම් ।
ඉති සංචිංත්ය මනසා විෂ්ණුලෝකං ගතස්තදා ॥ 6॥

තත්ර නාරායණං දේවං ශුක්ලවර්ණං චතුර්භුජම් ।
ශංඛ-චක්ර-ගදා-පද්ම-වනමාලා-විභූෂිතම් ॥ 7॥

දෘෂ්ට්වා තං දේවදේවේශං ස්තෝතුං සමුපචක්රමේ ।
නාරද උවාච ।
නමෝ වාංගමනසාතීතරූපායානංතශක්තයේ ।
ආදිමධ්යාංතහීනාය නිර්ගුණාය ගුණාත්මනේ ॥ 8॥

සර්වේෂාමාදිභූතාය භක්තානාමාර්තිනාශිනේ ।
ශ්රුත්වා ස්තෝත්රං තතෝ විෂ්ණුර්නාරදං ප්රත්යභාෂත ॥ 9॥

ශ්රීභගවානුවාච ।
කිමර්ථමාගතෝऽසි ත්වං කිං තේ මනසි වර්තතේ ।
කථයස්ව මහාභාග තත්සර්වං කථායාමි තේ ॥ 10॥

නාරද උවාච ।
මර්ත්යලෝකේ ජනාඃ සර්වේ නානාක්ලේශසමන්විතාඃ ।
නනායෝනිසමුත්පන්නාඃ පච්යංතේ පාපකර්මභිඃ ॥ 11॥

තත්කථං ශමයේන්නාථ ලඝූපායේන තද්වද ।
ශ්රෝතුමිච්ඡාමි තත්සර්වං කෘපාස්ති යදි තේ මයි ॥ 12॥

ශ්රීභගවානුවාච ।
සාධු පෘෂ්ටං ත්වයා වත්ස ලෝකානුග්රහකාංක්ෂයා ।
යත්කෘත්වා මුච්යතේ මෝහත් තච්ඡෘණුෂ්ව වදාමි තේ ॥ 13॥

ව්රතමස්ති මහත්පුණ්යං ස්වර්ගේ මර්ත්යේ ච දුර්ලභම් ।
තව ස්නේහාන්මයා වත්ස ප්රකාශඃ ක්රියතේऽධුනා ॥ 14॥

සත්යනාරායණස්යෛව ව්රතං සම්යග්විධානතඃ । (සත්යනාරායණස්යෛවං)
කෘත්වා සද්යඃ සුඛං භුක්ත්වා පරත්ර මෝක්ෂමාප්නුයාත් ।
තච්ඡ්රුත්වා භගවද්වාක්යං නාරදෝ මුනිරබ්රවීත් ॥ 15॥

නාරද උවාච ।
කිං ඵලං කිං-විඁධානං ච කෘතං කේනෛව තද් ව්රතම් ।
තත්සර්වං-විඁස්තරාද් බ්රූහි කදා කාර්යං-ව්රඁතං ප්රභෝ ॥ 16॥ (කාර්යංහිතද්ව්රතම්)

ශ්රීභගවානුවාච ।
දුඃඛශෝකාදිශමනං ධනධාන්යප්රවර්ධනම් ॥ 17॥

සෞභාග්යසංතතිකරං සර්වත්ර විජයප්රදම් ।
යස්මින් කස්මින් දිනේ මර්ත්යෝ භක්තිශ්රද්ධාසමන්විතඃ ॥ 18॥

සත්යනාරායණං දේවං-යඁජේච්චෛව නිශාමුඛේ ।
බ්රාහ්මණෛර්බාංධවෛශ්චෛව සහිතෝ ධර්මතත්පරඃ ॥ 19॥

නෛවේද්යං භක්තිතෝ දද්යාත් සපාදං භක්ෂ්යමුත්තමම් ।
රංභාඵලං ඝෘතං ක්ෂීරං ගෝධූමස්ය ච චූර්ණකම් ॥ 20॥

අභාවේ ශාලිචූර්ණං-වාඁ ශර්කරා වා ගුඩස්තථා ।
සපාදං සර්වභක්ෂ්යාණි චෛකීකෘත්ය නිවේදයේත් ॥ 21॥

විප්රාය දක්ෂිණාං දද්යාත් කථාං ශ්රුත්වා ජනෛඃ සහ ।
තතශ්ච බංධුභිඃ සාර්ධං-විඁප්රාංශ්ච ප්රතිභෝජයේත් ॥ 22॥

ප්රසාදං භක්ෂයේද් භක්ත්යා නෘත්යගීතාදිකං චරේත් ।
තතශ්ච ස්වගෘහං ගච්ඡේත් සත්යනාරායණං ස්මරන්න් ॥ 23॥

ඒවං කෘතේ මනුෂ්යාණාං-වාංඁඡාසිද්ධිර්භවේද් ධ්රුවම් ।
විශේෂතඃ කලියුගේ ලඝූපායෝऽස්ති භූතලේ ॥ 24॥ (ලඝූපායෝස්ති)

॥ ඉති ශ්රීස්කාංදපුරාණේ රේවාඛංඩේ ශ්රීසත්යනාරායණ ව්රතකථායාං ප්රථමෝऽධ්යායඃ ॥ 1 ॥

අථ ද්විතීයෝऽධ්යායඃ

සූත උවාච ।
අථාන්යත් සංප්රවක්ෂ්යාමි කෘතං-යේඁන පුරා ද්විජාඃ ।
කශ්චිත් කාශීපුරේ රම්යේ හ්යාසීද්විප්රෝऽතිනිර්ධනඃ ॥ 1॥ (හ්යාසීද්විප්රෝතිනිර්ධනඃ)

ක්ෂුත්තෘඩ්භ්යාං-ව්යාඁකුලෝභූත්වා නිත්යං බභ්රාම භූතලේ ।
දුඃඛිතං බ්රාහ්මණං දෘෂ්ට්වා භගවාන් බ්රාහ්මණප්රියඃ ॥ 2॥

වෘද්ධබ්රාහ්මණ රූපස්තං පප්රච්ඡ ද්විජමාදරාත් ।
කිමර්ථං භ්රමසේ විප්ර මහීං නිත්යං සුදුඃඛිතඃ ।
තත්සර්වං ශ්රෝතුමිච්ඡාමි කථ්යතාං ද්විජ සත්තම ॥ 3॥

බ්රාහ්මණ උවාච ।
බ්රාහ්මණෝऽති දරිද්රෝऽහං භික්ෂාර්ථං-වෛඁ භ්රමේ මහීම් ॥ 4॥ (බ්රාහ්මණෝති)

උපායං-යඁදි ජානාසි කෘපයා කථය ප්රභෝ ।
වෘද්ධබ්රාහ්මණ උවාච ।
සත්යනාරායණෝ විෂ්ණුර්වාංඡිතාර්ථඵලප්රදඃ ॥ 5॥

තස්ය ත්වං පූජනං-විඁප්ර කුරුෂ්ව ව්රතමුත්තමම । (ව්රතමුත්තමම්)
යත්කෘත්වා සර්වදුඃඛේභ්යෝ මුක්තෝ භවති මානවඃ ॥ 6॥

විධානං ච ව්රතස්යාපි විප්රායාභාෂ්ය යත්නතඃ ।
සත්යනාරායණෝ වෘද්ධස්තත්රෛවාංතරධීයත ॥ 7॥

තද් ව්රතං සංකරිෂ්යාමි යදුක්තං බ්රාහ්මණේන වෛ ।
ඉති සංචිංත්ය විප්රෝऽසෞ රාත්රෞ නිද්රා න ලබ්ධවාන් ॥ 8॥ (නිද්රාං)

තතඃ ප්රාතඃ සමුත්ථාය සත්යනාරායණව්රතම් ।
කරිෂ්ය ඉති සංකල්ප්ය භික්ෂාර්ථමගමද්විජඃ ॥ 9॥ (භික්ෂාර්ථමගමද්ද්විජඃ)

තස්මින්නේව දිනේ විප්රඃ ප්රචුරං ද්රව්යමාප්තවාන් ।
තේනෛව බංධුභිඃ සාර්ධං සත්යස්යව්රතමාචරත් ॥ 10॥

සර්වදුඃඛවිනිර්මුක්තඃ සර්වසංපත්සමන්විතඃ ।
බභූව ස ද්විජශ්රේෂ්ඨෝ ව්රතස්යාස්ය ප්රභාවතඃ ॥ 11॥

තතඃ ප්රභෘති කාලං ච මාසි මාසි ව්රතං කෘතම් ।
ඒවං නාරායණස්යේදං-ව්රඁතං කෘත්වා ද්විජෝත්තමඃ ॥ 12॥

සර්වපාපවිනිර්මුක්තෝ දුර්ලභං මෝක්ෂමාප්තවාන් ।
ව්රතමස්ය යදා විප්ර පෘථිව්යාං සංකරිෂ්යති ॥ 13॥ (විප්රාඃ)

තදෛව සර්වදුඃඛං තු මනුජස්ය විනශ්යති । (ච මනුජස්ය)
ඒවං නාරායණේනෝක්තං නාරදාය මහාත්මනේ ॥ 14॥

මයා තත්කථිතං-විඁප්රාඃ කිමන්යත් කථයාමි වඃ ।
ඍෂය ඌචුඃ ।
තස්මාද් විප්රාච්ඡ්රුතං කේන පෘථිව්යාං චරිතං මුනේ ।
තත්සර්වං ශ්රෝතුමිච්ඡාමඃ ශ්රද්ධාऽස්මාකං ප්රජායතේ ॥ 15॥ (ශ්රද්ධාස්මාකං)

සූත උවාච ।
ශෘණුධ්වං මුනයඃ සර්වේ ව්රතං-යේඁන කෘතං භුවි ।
ඒකදා ස ද්විජවරෝ යථාවිභව විස්තරෛඃ ॥ 16॥

බංධුභිඃ ස්වජනෛඃ සාර්ධං-ව්රඁතං කර්තුං සමුද්යතඃ ।
ඒතස්මින්නංතරේ කාලේ කාෂ්ඨක්රේතා සමාගමත් ॥ 17॥

බහිඃ කාෂ්ඨං ච සංස්ථාප්ය විප්රස්ය ගෘහමායයෞ ।
තෘෂ්ණායා පීඩිතාත්මා ච දෘෂ්ට්වා විප්රං කෘතං-ව්රඁතම් ॥ 18॥ (කෘත)

ප්රණිපත්ය ද්විජං ප්රාහ කිමිදං ක්රියතේ ත්වයා ।
කෘතේ කිං ඵලමාප්නෝති විස්තරාද් වද මේ ප්රභෝ ॥ 19॥ (විස්තාරාද්)

විප්ර උවාච ।
සත්යනාරායණේස්යේදං-ව්රඁතං සර්වේප්සිතප්රදම් ।
තස්ය ප්රසාදාන්මේ සර්වං ධනධාන්යාදිකං මහත් ॥ 20॥

තස්මාදේතද් ව්රතං ජ්ඤාත්වා කාෂ්ඨක්රේතාऽතිහර්​ෂිතඃ ।
පපෞ ජලං ප්රසාදං ච භුක්ත්වා ස නගරං-යඁයෞ ॥ 21॥

සත්යනාරායණං දේවං මනසා ඉත්යචිංතයත් ।
කාෂ්ඨං-විඁක්රයතෝ ග්රාමේ ප්රාප්යතේ චාද්ය යද් ධනම් ॥ 22॥ (ප්රාප්යතේමේऽද්ය)

තේනෛව සත්යදේවස්ය කරිෂ්යේ ව්රතමුත්තමම් ।
ඉති සංචිංත්ය මනසා කාෂ්ඨං ධෘත්වා තු මස්තකේ ॥ 23॥

ජගාම නගරේ රම්යේ ධනිනාං-යඁත්ර සංස්ථිතිඃ ।
තද්දිනේ කාෂ්ඨමූල්යං ච ද්විගුණං ප්රාප්තවානසෞ ॥ 24॥

තතඃ ප්රසන්නහෘදයඃ සුපක්වං කදලී ඵලම් ।
ශර්කරාඝෘතදුග්ධං ච ගෝධූමස්ය ච චූර්ණකම් ॥ 25॥

කෘත්වෛකත්ර සපාදං ච ගෘහීත්වා ස්වගෘහං-යඁයෞ ।
තතෝ බංධූන් සමාහූය චකාර විධිනා ව්රතම් ॥ 26॥

තද් ව්රතස්ය ප්රභාවේණ ධනපුත්රාන්විතෝऽභවත් । (ධනපුත්රාන්විතෝභවත්)
ඉහලෝකේ සුඛං භුක්ත්වා චාංතේ සත්යපුරං-යඁයෞ ॥ 27॥

॥ ඉති ශ්රීස්කාංදපුරාණේ රේවාඛංඩේ ශ්රීසත්යනාරායණ ව්රතකථායාං ද්විතීයෝऽධ්යායඃ ॥ 2 ॥

අථ තෘතීයෝऽධ්යායඃ

සූත උවාච ।
පුනරග්රේ ප්රවක්ෂ්යාමි ශෘණුධ්වං මුනි සත්තමාඃ ।
පුරා චෝල්කාමුඛෝ නාම නෘපශ්චාසීන්මහාමතිඃ ॥ 1॥

ජිතේංද්රියඃ සත්යවාදී යයෞ දේවාලයං ප්රති ।
දිනේ දිනේ ධනං දත්ත්වා ද්විජාන් සංතෝෂයත් සුධීඃ ॥ 2॥

භාර්යා තස්ය ප්රමුග්ධා ච සරෝජවදනා සතී ।
භද්රශීලානදී තීරේ සත්යස්යව්රතමාචරත් ॥ 3॥

ඒතස්මින්නංතරේ තත්ර සාධුරේකඃ සමාගතඃ ।
වාණිජ්යාර්ථං බහුධනෛරනේකෛඃ පරිපූරිතඃ ॥ 4॥

නාවං සංස්ථාප්ය තත්තීරේ ජගාම නෘපතිං ප්රති ।
දෘෂ්ට්වා ස ව්රතිනං භූපං ප්රපච්ඡ විනයාන්විතඃ ॥ 5॥

සාධුරුවාච ।
කිමිදං කුරුෂේ රාජන් භක්තියුක්තේන චේතසා ।
ප්රකාශං කුරු තත්සර්වං ශ්රෝතුමිච්ඡාමි සාංප්රතම් ॥ 6॥

රාජෝවාච ।
පූජනං ක්රියතේ සාධෝ විෂ්ණෝරතුලතේජසඃ ।
ව්රතං ච ස්වජනෛඃ සාර්ධං පුත්රාද්යාවාප්ති කාම්යයා ॥ 7॥

භූපස්ය වචනං ශ්රුත්වා සාධුඃ ප්රෝවාච සාදරම් ।
සර්වං කථය මේ රාජන් කරිෂ්යේऽහං තවෝදිතම් ॥ 8॥

මමාපි සංතතිර්නාස්ති හ්යේතස්මාජ්ජායතේ ධ්රුවම් ।
තතෝ නිවෘත්ත්ය වාණිජ්යාත් සානංදෝ ගෘහමාගතඃ ॥ 9॥

භාර්යායෛ කථිතං සර්වං-ව්රඁතං සංතති දායකම් ।
තදා ව්රතං කරිෂ්යාමි යදා මේ සංතතිර්භවේත් ॥ 10॥

ඉති ලීලාවතීං ප්රාහ පත්නීං සාධුඃ ස සත්තමඃ ।
ඒකස්මින් දිවසේ තස්ය භාර්යා ලීලාවතී සතී ॥ 11॥ (භාර්යාං)

භර්තෘයුක්තානංදචිත්තාऽභවද් ධර්මපරායණා ।
ර්ගභිණී සාऽභවත් තස්ය භාර්යා සත්යප්රසාදතඃ ॥ 12॥ (සාභවත්)

දශමේ මාසි වෛ තස්යාඃ කන්යාරත්නමජායත ।
දිනේ දිනේ සා වවෘධේ ශුක්ලපක්ෂේ යථා ශශී ॥ 13॥

නාම්නා කලාවතී චේති තන්නාමකරණං කෘතම් ।
තතෝ ලීලාවතී ප්රාහ ස්වාමිනං මධුරං-වඁචඃ ॥ 14॥

න කරෝෂි කිමර්ථං-වෛඁ පුරා සංකල්පිතං-ව්රඁතම් ।
සාධුරුවාච ।
විවාහ සමයේ ත්වස්යාඃ කරිෂ්යාමි ව්රතං ප්රියේ ॥ 15॥

ඉති භාර්යාං සමාශ්වාස්ය ජගාම නගරං ප්රති ।
තතඃ කලාවතී කන්යා වවෘධේ පිතෘවේශ්මනි ॥ 16॥

දෘෂ්ට්වා කන්යාං තතඃ සාධුර්නගරේ සඛිභිඃ සහ ।
මංත්රයිත්වා ද්රුතං දූතං ප්රේෂයාමාස ධර්මවිත් ॥ 17॥

විවාහාර්ථං ච කන්යායා වරං ශ්රේෂ්ඨං-විඁචාරය ।
තේනාජ්ඤප්තශ්ච දූතෝऽසෞ කාංචනං නගරං-යඁයෞ ॥ 18॥

තස්මාදේකං-වඁණික්පුත්රං සමාදායාගතෝ හි සඃ ।
දෘෂ්ට්වා තු සුංදරං බාලං-වඁණික්පුත්රං ගුණාන්විතම් ॥ 19॥

ජ්ඤාතිභිර්බංධුභිඃ සාර්ධං පරිතුෂ්ටේන චේතසා ।
දත්තාවාන් සාධුපුත්රාය කන්යාං-විඁධිවිධානතඃ ॥ 20॥ (සාධුඃපුත්රාය)

තතෝऽභාග්යවශාත් තේන විස්මෘතං-ව්රඁතමුත්තමම් । (තතෝභාග්යවශාත්)
විවාහසමයේ තස්යාස්තේන රුෂ්ටෝ භවත් ප්රභුඃ ॥ 21॥ (රුෂ්ටෝऽභවත්)

තතඃ කාලේන නියතෝ නිජකර්ම විශාරදඃ ।
වාණිජ්යාර්ථං තතඃ ශීඝ්රං ජාමාතෘ සහිතෝ වණික් ॥ 22॥

රත්නසාරපුරේ රම්යේ ගත්වා සිංධු සමීපතඃ ।
වාණිජ්යමකරෝත් සාධුර්ජාමාත්රා ශ්රීමතා සහ ॥ 23॥

තෞ ගතෞ නගරේ රම්යේ චංද්රකේතෝර්නෘපස්ය ච । (නගරේතස්ය)
ඒතස්මින්නේව කාලේ තු සත්යනාරායණඃ ප්රභුඃ ॥ 24॥

භ්රෂ්ටප්රතිජ්ඤමාලෝක්ය ශාපං තස්මෛ ප්රදත්තවාන් ।
දාරුණං කඨිනං චාස්ය මහද් දුඃඛං භවිෂ්යති ॥ 25॥

ඒකස්මිංදිවසේ රාජ්ඤෝ ධනමාදාය තස්කරඃ ।
තත්රෛව චාගත ශ්චෞරෝ වණිජෞ යත්ර සංස්ථිතෞ ॥ 26॥

තත්පශ්චාද් ධාවකාන් දූතාන් දෘෂ්ටවා භීතේන චේතසා ।
ධනං සංස්ථාප්ය තත්රෛව ස තු ශීඝ්රමලක්ෂිතඃ ॥ 27॥

තතෝ දූතාඃසමායාතා යත්රාස්තේ සජ්ජනෝ වණික් ।
දෘෂ්ට්වා නෘපධනං තත්ර බද්ධ්වාऽऽනීතෞ වණික්සුතෞ ॥ 28॥ (බද්ධ්වානීතෞ)

හර්​ෂේණ ධාවමානාශ්ච ප්රෝචුර්නෘපසමීපතඃ ।
තස්කරෞ ද්වෞ සමානීතෞ විලෝක්යාජ්ඤාපය ප්රභෝ ॥ 29॥

රාජ්ඤාऽऽජ්ඤප්තාස්තතඃ ශීඝ්රං දෘඪං බද්ධ්වා තු තා වුභෞ ।
ස්ථාපිතෞ ද්වෞ මහාදුර්ගේ කාරාගාරේऽවිචාරතඃ ॥ 30॥

මායයා සත්යදේවස්ය න ශ්රුතං කෛස්තයෝර්වචඃ ।
අතස්තයෝර්ධනං රාජ්ඤා ගෘහීතං චංද්රකේතුනා ॥ 31॥

තච්ඡාපාච්ච තයෝර්ගේහේ භාර්යා චෛවාති දුඃඛිතා ।
චෞරේණාපහෘතං සර්වං ගෘහේ යච්ච ස්ථිතං ධනම් ॥ 32॥

ආධිව්යාධිසමායුක්තා ක්ෂුත්පිපාශාති දුඃඛිතා । (ක්ෂුත්පිපාසාති)
අන්නචිංතාපරා භූත්වා බභ්රාම ච ගෘහේ ගෘහේ ।
කලාවතී තු කන්යාපි බභ්රාම ප්රතිවාසරම් ॥ 33॥

ඒකස්මින් දිවසේ යාතා ක්ෂුධාර්තා ද්විජමංදිරම් । (දිවසේ ජාතා)
ගත්වාऽපශ්යද් ව්රතං තත්ර සත්යනාරායණස්ය ච ॥ 34॥ (ගත්වාපශ්යද්)

උපවිශ්ය කථාං ශ්රුත්වා වරං ර්ප්රාථිතවත්යපි ।
ප්රසාද භක්ෂණං කෘත්වා යයෞ රාත්රෞ ගෘහං ප්රති ॥ 35॥

මාතා කලාවතීං කන්යාං කථයාමාස ප්රේමතඃ ।
පුත්රි රාත්රෞ ස්ථිතා කුත්ර කිං තේ මනසි වර්තතේ ॥ 36॥

කන්යා කලාවතී ප්රාහ මාතරං ප්රති සත්වරම් ।
ද්විජාලයේ ව්රතං මාතර්දෘෂ්ටං-වාංඁඡිතසිද්ධිදම් ॥ 37॥

තච්ඡ්රුත්වා කන්යකා වාක්යං-ව්රඁතං කර්තුං සමුද්යතා ।
සා මුදා තු වණිග්භාර්යා සත්යනාරායණස්ය ච ॥ 38॥

ව්රතං චක්රේ සෛව සාධ්වී බංධුභිඃ ස්වජනෛඃ සහ ।
භර්තෘජාමාතරෞ ක්ෂිප්රමාගච්ඡේතාං ස්වමාශ්රමම් ॥ 39॥

අපරාධං ච මේ භර්තුර්ජාමාතුඃ ක්ෂංතුමර්​හසි ।
ව්රතේනානේන තුෂ්ටෝऽසෞ සත්යනාරායණඃ පුනඃ ॥ 40॥ (තුෂ්ටෝසෞ)

දර්​ශයාමාස ස්වප්නං හී චංද්රකේතුං නෘපෝත්තමම් ।
බංදිනෞ මෝචය ප්රාතර්වණිජෞ නෘපසත්තම ॥ 41॥

දේයං ධනං ච තත්සර්වං ගෘහීතං-යඁත් ත්වයාऽධුනා । (ත්වයාධුනා)
නෝ චේත් ත්වාං නාශයිෂ්යාමි සරාජ්යධනපුත්රකම් ॥ 42॥

ඒවමාභාෂ්ය රාජානං ධ්යානගම්යෝऽභවත් ප්රභුඃ । (ධ්යානගම්යෝභවත්)
තතඃ ප්රභාතසමයේ රාජා ච ස්වජනෛඃ සහ ॥ 43॥

උපවිශ්ය සභාමධ්යේ ප්රාහ ස්වප්නං ජනං ප්රති ।
බද්ධෞ මහාජනෞ ශීඝ්රං මෝචය ද්වෞ වණික්සුතෞ ॥ 44॥

ඉති රාජ්ඤෝ වචඃ ශ්රුත්වා මෝචයිත්වා මහාජනෞ ।
සමානීය නෘපස්යාග්රේ ප්රාහුස්තේ විනයාන්විතාඃ ॥ 45॥

ආනීතෞ ද්වෞ වණික්පුත්රෞ මුක්තෞ නිගඩබංධනාත් ।
තතෝ මහාජනෞ නත්වා චංද්රකේතුං නෘපෝත්තමම් ॥ 46॥

ස්මරංතෞ පූර්ව වෘත්තාංතං නෝචතුර්භයවිහ්වලෞ ।
රාජා වණික්සුතෞ වීක්ෂ්ය වචඃ ප්රෝවාච සාදරම් ॥ 47॥

දේවාත් ප්රාප්තං මහද්දුඃඛමිදානීං නාස්ති වෛ භයම් ।
තදා නිගඩසංත්යාගං ක්ෂෞරකර්මාද්යකාරයත් ॥ 48॥

වස්ත්රාලංකාරකං දත්ත්වා පරිතෝෂ්ය නෘපශ්ච තෞ ।
පුරස්කෘත්ය වණික්පුත්රෞ වචසාऽතෝෂයද් භෘශම් ॥ 49॥ (වචසාතෝෂයද්භෘශම්)

පුරානීතං තු යද් ද්රව්යං ද්විගුණීකෘත්ය දත්තවාන් ।
ප්රෝවාච ච තතෝ රාජා ගච්ඡ සාධෝ නිජාශ්රමම් ॥ 50॥ (ප්රෝවාචතෞ)

රාජානං ප්රණිපත්යාහ ගංතව්යං ත්වත්ප්රසාදතඃ ।
ඉත්යුක්ත්වා තෞ මහාවෛශ්යෞ ජග්මතුඃ ස්වගෘහං ප්රති ॥ 51॥ (මහාවෛශ්යෝ)

॥ ඉති ශ්රීස්කාංද පුරාණේ රේවාඛංඩේ ශ්රීසත්යනාරායණ ව්රතකථායාං තෘතීයෝऽධ්යායඃ ॥ 3 ॥

අථ චතුර්ථෝऽධ්යායඃ

සූත උවාච ।
යාත්රාං තු කෘතවාන් සාධුර්මංගලායනපූර්විකාම් ।
බ්රාහ්මණේභ්යෝ ධනං දත්ත්වා තදා තු නගරං-යඁයෞ ॥ 1॥

කියද් දූරේ ගතේ සාධෝ සත්යනාරායණඃ ප්රභුඃ ।
ජිජ්ඤාසාං කෘතවාන් සාධෞ කිමස්ති තව නෞස්ථිතම් ॥ 2॥

තතෝ මහාජනෞ මත්තෞ හේලයා ච ප්රහස්ය වෛ । (මතෞ)
කථං පෘච්ඡසි භෝ දංඩින් මුද්රාං නේතුං කිමිච්ඡසි ॥ 3॥

ලතාපත්රාදිකං චෛව වර්තතේ තරණෞ මම ।
නිෂ්ඨුරං ච වචඃ ශ්රුත්වා සත්යං භවතු තේ වචඃ ॥ 4॥

ඒවමුක්ත්වා ගතඃ ශීඝ්රං දංඩී තස්ය සමීපතඃ ।
කියද් දූරේ තතෝ ගත්වා ස්ථිතඃ සිංධු සමීපතඃ ॥ 5॥

ගතේ දංඩිනි සාධුශ්ච කෘතනිත්යක්රියස්තදා ।
උත්ථිතාං තරණීං දෘෂ්ට්වා විස්මයං පරමං-යඁයෞ ॥ 6॥

දෘෂ්ට්වා ලතාදිකං චෛව මූර්ච්ඡිතෝ න්යපතද් භුවි ।
ලබ්ධසංජ්ඤෝ වණික්පුත්රස්තතශ්චිංතාන්විතෝऽභවත් ॥ 7॥ (වණික්පුත්රස්තතශ්චිංතාන්විතෝභවත්)

තදා තු දුහිතුඃ කාංතෝ වචනං චේදමබ්රවීත් ।
කිමර්ථං ක්රියතේ ශෝකඃ ශාපෝ දත්තශ්ච දංඩිනා ॥ 8॥

ශක්යතේ තේන සර්වං හි කර්තුං චාත්ර න සංශයඃ । (ශක්යතේනේ න)
අතස්තච්ඡරණං-යාඁමෝ වාංඡතාර්ථෝ භවිෂ්යති ॥ 9॥ (වාංඡිතාර්ථෝ)

ජාමාතුර්වචනං ශ්රුත්වා තත්සකාශං ගතස්තදා ।
දෘෂ්ට්වා ච දංඩිනං භක්ත්යා නත්වා ප්රෝවාච සාදරම් ॥ 10॥

ක්ෂමස්ව චාපරාධං මේ යදුක්තං තව සන්නිධෞ ।
ඒවං පුනඃ පුනර්නත්වා මහාශෝකාකුලෝऽභවත් ॥ 11॥ (මහාශෝකාකුලෝභවත්)

ප්රෝවාච වචනං දංඩී විලපංතං-විඁලෝක්ය ච ।
මා රෝදීඃ ශෘණුමද්වාක්යං මම පූජාබහිර්මුඛඃ ॥ 12॥

මමාජ්ඤයා ච දුර්බුද්ධේ ලබ්ධං දුඃඛං මුහුර්මුහුඃ ।
තච්ඡ්රුත්වා භගවද්වාක්යං ස්තුතිං කර්තුං සමුද්යතඃ ॥ 13॥

සාධුරුවාච ।
ත්වන්මායාමෝහිතාඃ සර්වේ බ්රහ්මාද්යාස්ත්රිදිවෞකසඃ ।
න ජානංති ගුණාන් රූපං තවාශ්චර්යමිදං ප්රභෝ ॥ 14॥

මූඪෝऽහං ත්වාං කථං ජානේ මෝහිතස්තවමායයා । (මූඪෝහං)
ප්රසීද පූජයිෂ්යාමි යථාවිභවවිස්තරෛඃ ॥ 15॥

පුරා විත්තං ච තත් සර්වං ත්රාහි මාං ශරණාගතම් ।
ශ්රුත්වා භක්තියුතං-වාඁක්යං පරිතුෂ්ටෝ ජනාර්දනඃ ॥ 16॥

වරං ච වාංඡිතං දත්ත්වා තත්රෛවාංතර්දධේ හරිඃ ।
තතෝ නාවං සමාරූහ්ය දෘෂ්ට්වා විත්තප්රපූරිතාම් ॥ 17॥

කෘපයා සත්යදේවස්ය සඵලං-වාංඁඡිතං මම ।
ඉත්යුක්ත්වා ස්වජනෛඃ සාර්ධං පූජාං කෘත්වා යථාවිධි ॥ 18॥

හර්​ෂේණ චාභවත් පූර්ණඃසත්යදේවප්රසාදතඃ ।
නාවං සං​යෝඁජ්ය යත්නේන ස්වදේශගමනං කෘතම් ॥ 19॥

සාධුර්ජාමාතරං ප්රාහ පශ්ය රත්නපුරීං මම ।
දූතං ච ප්රේෂයාමාස නිජවිත්තස්ය රක්ෂකම් ॥ 20॥

තතෝऽසෞ නගරං ගත්වා සාධුභාර්යාං-විඁලෝක්ය ච । (දූතෝසෞ)
ප්රෝවාච වාංඡිතං-වාඁක්යං නත්වා බද්ධාංජලිස්තදා ॥ 21॥

නිකටේ නගරස්යෛව ජාමාත්රා සහිතෝ වණික් ।
ආගතෝ බංධුවර්ගෛශ්ච විත්තෛශ්ච බහුභිර්යුතඃ ॥ 22॥

ශ්රුත්වා දූතමුඛාද්වාක්යං මහාහර්​ෂවතී සතී ।
සත්යපූජාං තතඃ කෘත්වා ප්රෝවාච තනුජාං ප්රති ॥ 23॥

ව්රජාමි ශීඝ්රමාගච්ඡ සාධුසංදර්​ශනාය ච ।
ඉති මාතෘවචඃ ශ්රුත්වා ව්රතං කෘත්වා සමාප්ය ච ॥ 24॥

ප්රසාදං ච පරිත්යජ්ය ගතා සාऽපි පතිං ප්රති । (සාපි)
තේන රුෂ්ටාඃ සත්යදේවෝ භර්තාරං තරණිං තථා ॥ 25॥ (රුෂ්ටඃ, තරණීං)

සංහෘත්ය ච ධනෛඃ සාර්ධං ජලේ තස්යාවමජ්ජයත් ।
තතඃ කලාවතී කන්යා න විලෝක්ය නිජං පතිම් ॥ 26॥

ශෝකේන මහතා තත්ර රුදංතී චාපතද් භුවි । (රුදතී)
දෘෂ්ට්වා තථාවිධාං නාවං කන්යාං ච බහුදුඃඛිතාම් ॥ 27॥

භීතේන මනසා සාධුඃ කිමාශ්චර්යමිදං භවේත් ।
චිංත්යමානාශ්ච තේ සර්වේ බභූවුස්තරිවාහකාඃ ॥ 28॥

තතෝ ලීලාවතී කන්යාං දෘෂ්ට්වා සා විහ්වලාऽභවත් ।
විලලාපාතිදුඃඛේන භර්තාරං චේදමබ්රවීත ॥ 29॥

ඉදානීං නෞකයා සාර්ධං කථං සෝऽභූදලක්ෂිතඃ ।
න ජානේ කස්ය දේවස්ය හේලයා චෛව සා හෘතා ॥ 30॥

සත්යදේවස්ය මාහාත්ම්යං ජ්ඤාතුං-වාඁ කේන ශක්යතේ ।
ඉත්යුක්ත්වා විලලාපෛව තතශ්ච ස්වජනෛඃ සහ ॥ 31॥

තතෝ ලීලාවතී කන්යාං ක්රෞඩේ කෘත්වා රුරෝද හ ।
තතඃකලාවතී කන්යා නෂ්ටේ ස්වාමිනි දුඃඛිතා ॥ 32॥

ගෘහීත්වා පාදුකේ තස්යානුගතුං ච මනෝදධේ । (පාදුකාං)
කන්යායාශ්චරිතං දෘෂ්ට්වා සභාර්යඃ සජ්ජනෝ වණික් ॥ 33॥

අතිශෝකේන සංතප්තශ්චිංතයාමාස ධර්මවිත් ।
හෘතං-වාඁ සත්යදේවේන භ්රාංතෝऽහං සත්යමායයා ॥ 34॥

සත්යපූජාං කරිෂ්යාමි යථාවිභවවිස්තරෛඃ ।
ඉති සර්වාන් සමාහූය කථයිත්වා මනෝරථම් ॥ 35॥

නත්වා ච දංඩවද් භූමෞ සත්යදේවං පුනඃ පුනඃ ।
තතස්තුෂ්ටඃ සත්යදේවෝ දීනානාං පරිපාලකඃ ॥ 36॥

ජගාද වචනං චෛනං කෘපයා භක්තවත්සලඃ ।
ත්යක්ත්වා ප්රසාදං තේ කන්යා පතිං ද්රෂ්ටුං සමාගතා ॥ 37॥

අතෝऽදෘෂ්ටෝऽභවත්තස්යාඃ කන්යකායාඃ පතිර්ධ්රුවම් ।
ගෘහං ගත්වා ප්රසාදං ච භුක්ත්වා සාऽऽයාති චේත්පුනඃ ॥ 38॥ (සායාති)

ලබ්ධභර්ත්රී සුතා සාධෝ භවිෂ්යති න සංශයඃ ।
කන්යකා තාදෘශං-වාඁක්යං ශ්රුත්වා ගගනමංඩලාත් ॥ 39॥

ක්ෂිප්රං තදා ගෘහං ගත්වා ප්රසාදං ච බුභෝජ සා ।
පශ්චාත් සා පුනරාගත්ය දදර්​ශ ස්වජනං පතිම් ॥ 40॥ (සාපශ්චාත්පුනරාගත්ය, සජනං)

තතඃ කලාවතී කන්යා ජගාද පිතරං ප්රති ।
ඉදානීං ච ගෘහං-යාඁහි විලංබං කුරුෂේ කථම් ॥ 41॥

තච්ඡ්රුත්වා කන්යකාවාක්යං සංතුෂ්ටෝऽභූද්වණික්සුතඃ ।
පූජනං සත්යදේවස්ය කෘත්වා විධිවිධානතඃ ॥ 42॥

ධනෛර්බංධුගණෛඃ සාර්ධං ජගාම නිජමංදිරම් ।
පෞර්ණමාස්යාං ච සංක්රාංතෞ කෘතවාන් සත්යස්ය පූජනම් ॥ 43॥ (සත්යපූජනම්)

ඉහලෝකේ සුඛං භුක්ත්වා චාංතේ සත්යපුරං-යඁයෞ ॥ 44॥

॥ ඉති ශ්රීස්කාංද පුරාණේ රේවාඛංඩේ ශ්රීසත්යනාරායණ ව්රතකථායාං චතුර්ථෝऽධ්යායඃ ॥ 4 ॥

අථ පංචමෝऽධ්යායඃ

සූත උවාච ।
අථාන්යච්ච ප්රවක්ෂ්යාමි ශ්රුණුධ්වං මුනිසත්තමාඃ ।
ආසීත් තුංගධ්වජෝ රාජා ප්රජාපාලනතත්පරඃ ॥ 1॥

ප්රසාදං සත්යදේවස්ය ත්යක්ත්වා දුඃඛමවාප සඃ ।
ඒකදා ස වනං ගත්වා හත්වා බහුවිධාන් පශූන් ॥ 2॥

ආගත්ය වටමූලං ච දෘෂ්ට්වා සත්යස්ය පූජනම් । (චාපශ්යත්)
ගෝපාඃ කුර්වංති සංතුෂ්ටා භක්තියුක්තාඃ ස බාංධවාඃ ॥ 3॥

රාජා දෘෂ්ට්වා තු දර්පේණ න ගතෝ න නනාම සඃ ।
තතෝ ගෝපගණාඃ සර්වේ ප්රසාදං නෘපසන්නිධෞ ॥ 4॥

සංස්ථාප්ය පුනරාගත්ය භුක්තත්වා සර්වේ යථේප්සිතම් ।
තතඃ ප්රසාදං සංත්යජ්ය රාජා දුඃඛමවාප සඃ ॥ 5॥

තස්ය පුත්රශතං නෂ්ටං ධනධාන්යාදිකං ච යත් ।
සත්යදේවේන තත්සර්වං නාශිතං මම නිශ්චිතම් ॥ 6॥

අතස්තත්රෛව ගච්ඡාමි යත්ර දේවස්ය පූජනම් ।
මනසා තු විනිශ්චිත්ය යයෞ ගෝපාලසන්නිධෞ ॥ 7॥

තතෝऽසෞ සත්යදේවස්ය පූජාං ගෝපගණෛඃසහ ।
භක්තිශ්රද්ධාන්විතෝ භූත්වා චකාර විධිනා නෘපඃ ॥ 8॥

සත්යදේවප්රසාදේන ධනපුත්රාන්විතෝऽභවත් ।
ඉහලෝකේ සුඛං භුක්තත්වා චාංතේ සත්යපුරං-යඁයෞ ॥ 9॥

ය ඉදං කුරුතේ සත්යව්රතං පරමදුර්ලභම් ।
ශෘණෝති ච කථාං පුණ්යාං භක්තියුක්තඃ ඵලප්රදාම් ॥ 10॥

ධනධාන්යාදිකං තස්ය භවේත් සත්යප්රසාදතඃ ।
දරිද්රෝ ලභතේ විත්තං බද්ධෝ මුච්යේත බංධනාත් ॥ 11॥

භීතෝ භයාත් ප්රමුච්යේත සත්යමේව න සංශයඃ ।
ඊප්සිතං ච ඵලං භුක්ත්වා චාංතේ සත්යපුරං​ව්රඁජේත් ॥ 12॥

ඉති වඃ කථිතං-විඁප්රාඃ සත්යනාරායණව්රතම් ।
යත් කෘත්වා සර්වදුඃඛේභ්යෝ මුක්තෝ භවති මානවඃ ॥ 13॥

විශේෂතඃ කලියුගේ සත්යපූජා ඵලප්රදා ।
කේචිත් කාලං-වඁදිෂ්යංති සත්යමීශං තමේව ච ॥ 14॥

සත්යනාරායණං කේචිත් සත්යදේවං තථාපරේ ।
නානාරූපධරෝ භූත්වා සර්වේෂාමීප්සිතප්රදම් ॥ 15॥ (සර්වේෂාමීප්සිතප්රදඃ)

භවිෂ්යති කලෞ සත්යව්රතරූපී සනාතනඃ ।
ශ්රීවිෂ්ණුනා ධෘතං රූපං සර්වේෂාමීප්සිතප්රදම් ॥ 16॥

ය ඉදං පඨතේ නිත්යං ශෘණෝති මුනිසත්තමාඃ ।
තස්ය නශ්යංති පාපානි සත්යදේවප්රසාදතඃ ॥ 17॥

ව්රතං-යෛඁස්තු කෘතං පූර්වං සත්යනාරායණස්ය ච ।
තේෂාං ත්වපරජන්මානි කථයාමි මුනීශ්වරාඃ ॥ 18॥

ශතානංදෝමහාප්රාජ්ඤඃසුදාමාබ්රාහ්මණෝ හ්යභූත් ।
තස්මිංජන්මනි ශ්රීකෘෂ්ණං ධ්යාත්වා මෝක්ෂමවාප හ ॥ 19॥

කාෂ්ඨභාරවහෝ භිල්ලෝ ගුහරාජෝ බභූව හ ।
තස්මිංජන්මනි ශ්රීරාමං සේව්ය මෝක්ෂං ජගාම වෛ ॥ 20॥

උල්කාමුඛෝ මහාරාජෝ නෘපෝ දශරථෝऽභවත් ।
ශ්රීරංගනාථං සංපූජ්ය ශ්රීවෛකුංඨං තදාගමත් ॥ 21॥ (ශ්රීරාමචංද්රසංප්රාප්ය)

ර්ධාමිකඃ සත්යසංධශ්ච සාධුර්මෝරධ්වජෝऽභවත් । (සාධුර්මෝරධ්වජෝභවත්)
දේහාර්ධං ක්රකචෛශ්ඡිත්ත්වා දත්වා මෝක්ෂමවාප හ ॥ 22॥

තුංගධ්වජෝ මහාරාජඃ ස්වායංභුවෝऽභවත් කිල । (ස්වායංභූරභවත්)
සර්වාන් භාගවතාන් කෘත්වා ශ්රීවෛකුංඨං තදාऽගමත් ॥ 23॥ (කෘත්ත්වා, තදාගමත්)

භූත්වා ගෝපාශ්ච තේ සර්වේ ව්රජමංඩලවාසිනඃ ।
නිහත්ය රාක්ෂසාන් සර්වාන් ගෝලෝකං තු තදා යයුඃ ॥ 24॥

॥ ඉති ශ්රීස්කාංදපුරාණේ රේවාඛංඩේ ශ්රීසත්යනාරායණ ව්රතකථායාං පංචමෝऽධ්යායඃ ॥ 5 ॥