ශ්රී දුර්ගා චංද්රකළා ස්තුති

ධ්යානම්
උමාකාංතේ රමාකාංතේ ඒෂාමාසී-න්මතිස්සමා ।
නමාමි දීක්ෂිතේංද්රාං ස්තාන් නයෂට්ක-විශාරදාම් ॥

වේධෝහරීශ්වරස්තුත්යාං විහර්ත්රීං විංධ්යභූධරේ ।
හරප්රාණේශ්වරීං වංදේ හංත්රීං විබුධවිද්විෂාම් ॥ 1 ॥

අභ්යර්ථනේන සරසීරුහසංභවස්ය
ත්යක්ත්වෝදිතා භගවදක්ෂිපිධානලීලාම් ।
විශ්වේශ්වරී විපදපාකමනේ පුරස්තාත්
මාතා මමාස්තු මධුකෛටභයෝර්නිහංත්රී ॥ 2 ॥

ප්රාඞ්නිර්ජරේෂු නිහතෛර්නිජශක්තිලේශෛඃ
ඒකීභවද්භිරුදිතාऽඛිලලෝකගුප්ත්යෛ ।
සංපන්නශස්ත්රනිකරා ච තදායුධස්ථෛඃ
මාතා මමාස්තු මහිෂාංතකරී පුරස්තාත් ॥ 3 ॥

ප්රාලේයශෛලතනයා තනුකාංතිසංපත්
කෝශෝදිතා කුවලයච්ඡවිචාරුදේහා ।
නාරායණී නමදභීප්සිතකල්පවල්ලී
සුප්රීතිමාවහතු ශුංභනිශුංභහංත්රී ॥ 4 ॥

විශ්වේශ්වරීති මහිෂාංතකරීති යස්යාඃ
නාරායණීත්යපි ච නාමභිරංකිතානි ।
සූක්තානි පංකජභුවා ච සුරර්ෂිභිශ්ච
දෘෂ්ටානි පාවකමුඛෛශ්ච ශිවාං භජේ තාම් ॥ 5 ॥

උත්පත්තිදෛත්යහනනස්තවනාත්මකානි
සංරක්ෂකාණ්යඛිලභූතහිතාය යස්යාඃ ।
සූක්තාන්යශේෂනිගමාංතවිදඃ පඨංති
තාං විශ්වමාතරමජස්රමභිෂ්ටවීමි ॥ 6 ॥

යේ වෛප්රචිත්තපුනරුත්ථිතශුංභමුඛ්යෛඃ
දුර්භික්ෂඝෝරසමයේන ච කාරිතාසු ।
ආවිෂ්කෘතාස්ත්රිජගදාර්තිෂු රූපභේදාඃ
තෛරංබිකා සමභිරක්ෂතු මාං විපද්භ්යඃ ॥ 7 ॥

සූක්තං යදීයමරවිංදභවාදි දෘෂ්ටං
ආවර්ත්ය දේව්යනුපදං සුරථඃ සමාධිඃ ।
ද්වාවප්යවාපතුරභීෂ්ටමනන්යලභ්යං
තාමාදිදේවතරුණීං ප්රණමාමි මූර්ධ්නා ॥ 8 ॥

මාහිෂ්මතීතනුභවං ච රුරුං ච හංතුං
ආවිෂ්කෘතෛර්නිජරසාදවතාරභේදෛඃ ।
අෂ්ටාදශාහතනවාහතකෝටිසංඛ්යෛඃ
අංබා සදා සමභිරක්ෂතු මාං විපද්භ්යඃ ॥ 9 ॥

ඒතච්චරිත්රමඛිලං ලිඛිතං හි යස්යාඃ
සංපූජිතං සදන ඒව නිවේශිතං වා ।
දුර්ගං ච තාරයති දුස්තරමප්යශේෂං
ශ්රේයඃ ප්රයච්ඡති ච සර්වමුමාං භජේ තාම් ॥ 10 ॥

යත්පූජනස්තුතිනමස්කෘතිභිර්භවංති
ප්රීතාඃ පිතාමහරමේශහරාස්ත්රයෝऽපි ।
තේෂාමපි ස්වකගුණෛර්දදතී වපූංෂි
තාමීශ්වරස්ය තරුණීං ශරණං ප්රපද්යේ ॥ 11 ॥

කාංතාරමධ්යදෘඪලග්නතයාऽවසන්නාඃ
මග්නාශ්ච වාරිධිජලේ රිපුභිශ්ච රුද්ධාඃ ।
යස්යාඃ ප්රපද්ය චරණෞ විපදස්තරංති
සා මේ සදාऽස්තු හෘදි සර්වජගත්සවිත්රී ॥ 12 ॥

බංධේ වධේ මහති මෘත්යුභයේ ප්රසක්තේ
විත්තක්ෂයේ ච විවිධේ ය මහෝපතාපේ ।
යත්පාදපූජනමිහ ප්රතිකාරමාහුඃ
සා මේ සමස්තජනනී ශරණං භවානී ॥ 13 ॥

බාණාසුරප්රහිතපන්නගබංධමෝක්ෂඃ
තද්බාහුදර්පදලනාදුෂයා ච යෝගඃ ।
ප්රාද්යුම්නිනා ද්රුතමලභ්යත යත්ප්රසාදාත්
සා මේ ශිවා සකලමප්යශුභං ක්ෂිණෝතු ॥ 14 ॥

පාපඃ පුලස්ත්යතනයඃ පුනරුත්ථිතෝ මාං
අද්යාපි හර්තුමයමාගත ඉත්යුදීතම් ।
යත්සේවනේන භයමිංදිරයාऽවධූතං
තාමාදිදේවතරුණීං ශරණං ගතෝऽස්මි ॥ 15 ॥

යද්ධ්යානජං සුඛමවාප්යමනංතපුණ්යෛඃ
සාක්ෂාත්තමච්යුත පරිග්රහමාශ්වවාපුඃ ।
ගෝපාංගනාඃ කිල යදර්චනපුණ්යමාත්රාඃ
සා මේ සදා භගවතී භවතු ප්රසන්නා ॥ 16 ॥

රාත්රිං ප්රපද්ය ඉති මංත්රවිදඃ ප්රපන්නාන්
උද්බෝධ්ය මෘත්යුවධිමන්යඵලෛඃ ප්රලෝභ්ය ।
බුද්ධ්වා ච තද්විමුඛතාං ප්රතනං නයංතීං
ආකාශමාදිජනනීං ජගතාං භජේ තාම් ॥ 17 ॥

දේශකාලේෂු දුෂ්ටේෂු දුර්ගාචංද්රකලාස්තුතිඃ ।
සංධ්යයෝරනුසංධේයා සර්වාපද්විනිවෘත්තයේ ॥ 18 ॥

ඉති ශ්රීමදපය්යදීක්ෂිතවිරචිතා දුර්ගාචංද්රකළාස්තුතිඃ ॥