ගෝදා දේවී අෂ්ටෝත්තර ශත ස්තෝත්රම්

ධ්යානම් ।
ශතමඛමණි නීලා චාරුකල්හාරහස්තා
ස්තනභරනමිතාංගී සාංද්රවාත්සල්යසිංධුඃ ।
අලකවිනිහිතාභිඃ ස්රග්භිරාකෘෂ්ටනාථා
විලසතු හෘදි ගෝදා විෂ්ණුචිත්තාත්මජා නඃ ॥

අථ ස්තෝත්රම් ।
ශ්රීරංගනායකී ගෝදා විෂ්ණුචිත්තාත්මජා සතී ।
ගෝපීවේෂධරා දේවී භූසුතා භෝගශාලිනී ॥ 1 ॥

තුලසීකානනෝද්භූතා ශ්රීධන්විපුරවාසිනී ।
භට්ටනාථප්රියකරී ශ්රීකෘෂ්ණහිතභෝගිනී ॥ 2 ॥

ආමුක්තමාල්යදා බාලා රංගනාථප්රියා පරා ।
විශ්වංභරා කලාලාපා යතිරාජසහෝදරී ॥ 3 ॥

කෘෂ්ණානුරක්තා සුභගා සුලභශ්රීඃ සුලක්ෂණා ।
ලක්ෂ්මීප්රියසඛී ශ්යාමා දයාංචිතදෘගංචලා ॥ 4 ॥

ඵල්ගුන්යාවිර්භවා රම්යා ධනුර්මාසකෘතව්රතා ।
චංපකාශෝකපුන්නාගමාලතීවිලසත්කචා ॥ 5 ॥

ආකාරත්රයසංපන්නා නාරායණපදාශ්රිතා ।
ශ්රීමදෂ්ටාක්ෂරීමංත්රරාජස්ථිතමනෝරථා ॥ 6 ॥

මෝක්ෂප්රදානනිපුණා මනුරත්නාධිදේවතා ।
බ්රහ්මණ්යා ලෝකජනනී ලීලාමානුෂරූපිණී ॥ 7 ॥

බ්රහ්මජ්ඤානප්රදා මායා සච්චිදානංදවිග්රහා ।
මහාපතිව්රතා විෂ්ණුගුණකීර්තනලෝලුපා ॥ 8 ॥

ප්රපන්නාර්තිහරා නිත්යා වේදසෞධවිහාරිණී ।
ශ්රීරංගනාථමාණික්යමංජරී මංජුභාෂිණී ॥ 9 ॥

පද්මප්රියා පද්මහස්තා වේදාංතද්වයබෝධිනී ।
සුප්රසන්නා භගවතී ශ්රීජනාර්දනදීපිකා ॥ 10 ॥

සුගංධාවයවා චාරුරංගමංගලදීපිකා ।
ධ්වජවජ්රාංකුශාබ්ජාංකමෘදුපාදලතාංචිතා ॥ 11 ॥

තාරකාකාරනඛරා ප්රවාලමෘදුලාංගුළී ।
කූර්මෝපමේයපාදෝර්ධ්වභාගා ශෝභනපාර්ෂ්ණිකා ॥ 12 ॥

වේදාර්ථභාවතත්ත්වජ්ඤා ලෝකාරාධ්යාංඝ්රිපංකජා ।
ආනංදබුද්බුදාකාරසුගුල්ඵා පරමාණුකා ॥ 13 ॥

තේජඃශ්රියෝජ්ජ්වලධෘතපාදාංගුළිසුභූෂිතා ।
මීනකේතනතූණීරචාරුජංඝාවිරාජිතා ॥ 14 ॥

කකුද්වජ්ජානුයුග්මාඪ්යා ස්වර්ණරංභාභසක්ථිකා ।
විශාලජඝනා පීනසුශ්රෝණී මණිමේඛලා ॥ 15 ॥

ආනංදසාගරාවර්තගංභීරාංභෝජනාභිකා ।
භාස්වද්වලිත්රිකා චාරුජගත්පූර්ණමහෝදරී ॥ 16 ॥

නවවල්ලීරෝමරාජී සුධාකුංභායිතස්තනී ।
කල්පමාලානිභභුජා චංද්රඛංඩනඛාංචිතා ॥ 17 ॥

සුප්රවාශාංගුළීන්යස්තමහාරත්නාංගුලීයකා ।
නවාරුණප්රවාලාභපාණිදේශසමංචිතා ॥ 18 ॥

කංබුකංඨී සුචුබුකා බිංබෝෂ්ඨී කුංදදංතයුක් ।
කාරුණ්යරසනිෂ්යංදනේත්රද්වයසුශෝභිතා ॥ 19 ॥

මුක්තාශුචිස්මිතා චාරුචාංපේයනිභනාසිකා ।
දර්පණාකාරවිපුලකපෝලද්විතයාංචිතා ॥ 20 ॥

අනංතාර්කප්රකාශෝද්යන්මණිතාටංකශෝභිතා ।
කෝටිසූර්යාග්නිසංකාශනානාභූෂණභූෂිතා ॥ 21 ॥

සුගංධවදනා සුභ්රූ අර්ධචංද්රලලාටිකා ।
පූර්ණචංද්රානනා නීලකුටිලාලකශෝභිතා ॥ 22 ॥

සෞංදර්යසීමා විලසත්කස්තූරීතිලකෝජ්ජ්වලා ।
ධගද්ධගායමානෝද්යන්මණිසීමංතභූෂණා ॥ 23 ॥

ජාජ්වල්යමානසද්රත්නදිව්යචූඩාවතංසකා ।
සූර්යාර්ධචංද්රවිලසත් භූෂණාංචිතවේණිකා ॥ 24 ॥

අත්යර්කානලතේජෝධිමණිකංචුකධාරිණී ।
සද්රත්නාංචිතවිද්යෝතවිද්යුත්කුංජාභශාටිකා ॥ 25 ॥

නානාමණිගණාකීර්ණහේමාංගදසුභූෂිතා ।
කුංකුමාගරුකස්තූරීදිව්යචංදනචර්චිතා ॥ 26 ॥

ස්වෝචිතෞජ්ජ්වල්යවිවිධවිචිත්රමණිහාරිණී ।
අසංඛ්යේයසුඛස්පර්ශසර්වාතිශයභූෂණා ॥ 27 ॥

මල්ලිකාපාරිජාතාදිදිව්යපුෂ්පස්රගංචිතා ।
ශ්රීරංගනිලයා පූජ්යා දිව්යදේශසුශෝභිතා ॥ 28 ॥

ඉති ශ්රීගෝදාෂ්ටෝත්තරශතනාමස්තෝත්රම් ।