ශ්රී බගළාමුඛී කවචං

කෛලාසාචලමධ්යගං පුරවහං ශාංතං ත්රිනේත්රං ශිවං
වාමස්ථා කවචං ප්රණම්ය ගිරිජා භූතිප්රදං පෘච්ඡති ।
දේවී ශ්රීබගලාමුඛී රිපුකුලාරණ්යාග්නිරූපා ච යා
තස්යාශ්චාපවිමුක්ත මංත්රසහිතං ප්රීත්යාऽධුනා බ්රූහි මාම් ॥ 1 ॥

ශ්රීශංකර උවාච ।
දේවී ශ්රීභවවල්ලභේ ශෘණු මහාමංත්රං විභූතිප්රදං
දේව්යා වර්මයුතං සමස්තසුඛදං සාම්රාජ්යදං මුක්තිදම් ।
තාරං රුද්රවධූං විරිංචිමහිලා විෂ්ණුප්රියා කාමයු-
-ක්කාංතේ ශ්රීබගලානනේ මම රිපූන්නාශාය යුග්මංත්විති ॥ 2 ॥

ඓශ්වර්යාණි පදං ච දේහි යුගලං ශීඝ්රං මනෝවාංඡිතං
කාර්යං සාධය යුග්මයුක්ඡිවවධූ වහ්නිප්රියාංතෝ මනුඃ ।
කංසාරේස්තනයං ච බීජමපරාශක්තිශ්ච වාණී තථා
කීලං ශ්රීමිති භෛරවර්ෂිසහිතං ඡංදෝ විරාට් සංයුතම් ॥ 3 ॥

ස්වේෂ්ටාර්ථස්ය පරස්ය වේත්ති නිතරාං කාර්යස්ය සංප්රාප්තයේ
නානාසාධ්යමහාගදස්ය නියතන්නාශාය වීර්යාප්තයේ ।
ධ්යාත්වා ශ්රීබගලානනාමනුවරං ජප්ත්වා සහස්රාඛ්යකං
දීර්ඝෛඃ ෂට්කයුතෛශ්ච රුද්රමහිලාබීජෛර්වින්යාස්යාංගකේ ॥ 4 ॥

ධ්යානම් ।
සෞවර්ණාසනසංස්ථිතාං ත්රිනයනාං පීතාංශුකෝලාසිනීං
හේමාභාංගරුචිං ශශාංකමුකුටාං ස්රක්චංපකස්රග්යුතාම් ।
හස්තෛර්මද්ගරපාශබද්ධරසනාං සංබිභ්රතීං භූෂණ-
-ව්යාප්තාංගීං බගලාමුඛීං ත්රිජගතාං සංස්තංභිනීං චිංතයේ ॥ 5 ॥

විනියෝගඃ ।
ඕං අස්ය ශ්රීබගලාමුඛී බ්රහ්මාස්ත්රමංත්ර කවචස්ය භෛරව ඍෂිඃ විරාට් ඡංදඃ ශ්රීබගළාමුඛී දේවතා ක්ලීං බීජං ඓං ශක්තිඃ ශ්රීං කීලකං මම පරස්ය ච මනෝභිලෂිතේෂ්ටකාර්යසිද්ධයේ විනියෝගඃ ।

ඍෂ්යාදින්යාසඃ ।
භෛරව ඍෂයේ නමඃ ශිරසි ।
විරාට් ඡංදසේ නමඃ මුඛේ ।
ශ්රී බගලාමුඛී දේවතායෛ නමඃ හෘදි ।
ක්ලීං බීජාය නමඃ ගුහ්යේ ।
ඓං ශක්තයේ නමඃ පාදයෝඃ ।
ශ්රීං කීලකාය නමඃ සර්වාංගේ ।

කරන්යාසඃ ।
ඕං හ්රාං අංගුෂ්ඨාභ්යාං නමඃ ।
ඕං හ්රීං තර්ජනීභ්යාං නමඃ ।
ඕං හ්රූං මධ්යමාභ්යාං නමඃ ।
ඕං හ්රෛං අනාමිකාභ්යාං නමඃ ।
ඕං හ්රෞං කනිෂ්ඨිකාභ්යාං නමඃ ।
ඕං හ්රඃ කරතලකරපෘෂ්ඨාභ්යාං නමඃ ।

අංගන්යාසඃ ।
ඕං හ්රාං හෘදයාය නමඃ ।
ඕං හ්රීං ශිරසේ ස්වාහා ।
ඕං හ්රූං ශිඛායෛ වෂට් ।
ඕං හ්රෛං කවචාය හුම් ।
ඕං හ්රෞං නේත්රත්රයාය වෞෂට් ।
ඕං හ්රඃ අස්ත්රාය ඵට් ।
භූර්භුවස්සුවරෝමිති දිග්බංධඃ ।

මංත්රෝද්ධාරඃ ।
ඕං හ්රීං ඓං ශ්රීං ක්ලීං ශ්රීබගලානනේ මම රිපූන්නාශය නාශය මමෛශ්වර්යාණි දේහි දේහි ශීඝ්රං මනෝවාංඡිතකාර්යං සාධයඃ සාධයඃ හ්රීං ස්වාහා ।

කවචම් ।
ශිරෝ මේ පාතු ඕං හ්රීං ඓං ශ්රීං ක්ලීං පාතු ලලාටකම් ।
සංබෝධනපදං පාතු නේත්රේ ශ්රීබගලානනේ ॥ 1 ॥

ශ්රුතෞ මම රිපුං පාතු නාසිකාන්නාශය ද්වයම් ।
පාතු ගංඩෞ සදා මාමෛශ්වර්යාණ්යං තං තු මස්තකම් ॥ 2 ॥

දේහි ද්වංද්වං සදා ජිහ්වාං පාතු ශීඝ්රං වචෝ මම ।
කංඨදේශං මනඃ පාතු වාංඡිතං බාහුමූලකම් ॥ 3 ॥

කාර්යං සාධය ද්වංද්වංතු කරෞ පාතු සදා මම ।
මායායුක්තා තථා ස්වාහා හෘදයං පාතු සර්වදා ॥ 4 ॥

අෂ්ටාධිකචත්වාරිංශද්දංඩාඪ්යා බගලාමුඛී ।
රක්ෂාං කරෝතු සර්වත්ර ගෘහේऽරණ්යේ සදා මම ॥ 5 ॥

බ්රහ්මාස්ත්රාඛ්යෝ මනුඃ පාතු සර්වාංගේ සර්වසංධිෂු ।
මංත්රරාජඃ සදා රක්ෂාං කරෝතු මම සර්වදා ॥ 6 ॥

ඕං හ්රීං පාතු නාභිදේශං කටිං මේ බගලාऽවතු ।
මුඛී වර්ණද්වයං පාතු ලිංගං මේ මුෂ්කයුග්මකම් ॥ 7 ॥

ජානුනී සර්වදුෂ්ටානාං පාතු මේ වර්ණපංචකම් ।
වාචං මුඛං තථා පදං ෂඩ්වර්ණා පරමේශ්වරී ॥ 8 ॥

ජංඝායුග්මේ සදා පාතු බගලා රිපුමෝහිනී ।
ස්තංභයේති පදං පෘෂ්ඨං පාතු වර්ණත්රයං මම ॥ 9 ॥

ජිහ්වාං වර්ණද්වයං පාතු ගුල්ඵෞ මේ කීලයේති ච ।
පාදෝර්ධ්වං සර්වදා පාතු බුද්ධිං පාදතලේ මම ॥ 10 ॥

විනාශය පදං පාතු පාදාංගුල්යෝර්නඛානි මේ ।
හ්රීං බීජං සර්වදා පාතු බුද්ධීංද්රියවචාංසි මේ ॥ 11 ॥

සර්වාංගං ප්රණවඃ පාතු ස්වාහා රෝමාණි මේऽවතු ।
බ්රාහ්මී පූර්වදලේ පාතු චාග්නේයාං විෂ්ණුවල්ලභා ॥ 12 ॥

මාහේශී දක්ෂිණේ පාතු චාමුංඩා රාක්ෂසේऽවතු ।
කෞමාරී පශ්චිමේ පාතු වායව්යේ චාපරාජිතා ॥ 13 ॥

වාරාහී චෝත්තරේ පාතු නාරසිංහී ශිවේऽවතු ।
ඌර්ධ්වං පාතු මහාලක්ෂ්මීඃ පාතාලේ ශාරදාऽවතු ॥ 14 ॥

ඉත්යෂ්ටෞ ශක්තයඃ පාංතු සායුධාශ්ච සවාහනාඃ ।
රාජද්වාරේ මහාදුර්ගේ පාතු මාං ගණනායකඃ ॥ 15 ॥

ශ්මශානේ ජලමධ්යේ ච භෛරවශ්ච සදාऽවතු ।
ද්විභුජා රක්තවසනාඃ සර්වාභරණභූෂිතාඃ ॥ 16 ॥

යෝගින්යඃ සර්වදා පාතු මහාරණ්යේ සදා මම ।
ඉති තේ කථිතං දේවි කවචං පරමාද්භුතම් ॥ 17 ॥

ශ්රීවිශ්වවිජයන්නාම කීර්තිශ්රීවිජයප්රදම් ।
අපුත්රෝ ලභතේ පුත්රං ධීරං ශූරං ශතායුෂම් ॥ 18 ॥

නිර්ධනෝ ධනමාප්නෝති කවචස්යාස්ය පාඨතඃ ।
ජපිත්වා මංත්රරාජං තු ධ්යාත්වා ශ්රීබගලාමුඛීම් ॥ 19 ॥

පඨේදිදං හි කවචං නිශායාං නියමාත්තු යඃ ।
යද්යත්කාමයතේ කාමං සාධ්යාසාධ්යේ මහීතලේ ॥ 20 ॥

තත්තත්කාමමවාප්නෝති සප්තරාත්රේණ ශංකරී ।
ගුරුං ධ්යාත්වා සුරාං පීත්වා රාත්රෞ ශක්තිසමන්විතඃ ॥ 21 ॥

කවචං යඃ පඨේද්දේවි තස්යාऽසාධ්යං න කිංචන ।
යං ධ්යාත්වා ප්රජපේන්මංත්රං සහස්රං කවචං පඨේත් ॥ 22 ॥

ත්රිරාත්රේණ වශං යාති මෘත්යුං තං නාත්ර සංශයඃ ।
ලිඛිත්වා ප්රතිමාං ශත්රෝඃ සතාලේන හරිද්රයා ॥ 23 ॥

ලිඛිත්වා හ්යදි තං නාම තං ධ්යාත්වා ප්රජපේන්මනුම් ।
ඒකවිංශද්දිනං යාවත්ප්රත්යහං ච සහස්රකම් ॥ 24 ॥

ජප්ත්වා පඨේත්තු කවචං චතුර්විංශතිවාරකම් ।
සංස්තංභං ජායතේ ශත්රෝර්නාත්ර කාර්යා විචාරණා ॥ 25 ॥

විවාදේ විජයං තස්ය සංග්රාමේ ජයමාප්නුයාත් ।
ශ්මශානේ ච භයං නාස්ති කවචස්ය ප්රභාවතඃ ॥ 26 ॥

නවනීතං චාභිමංත්ර්ය ස්ත්රීණාං දද්යාන්මහේශ්වරි ।
වංධ්යායාං ජායතේ පුත්රෝ විද්යාබලසමන්විතඃ ॥ 27 ॥

ශ්මශානාංගාරමාදාය භෞමේ රාත්රෞ ශනාවථ ।
පාදෝදකේන ස්පෘෂ්ට්වා ච ලිඛේල්ලෝහශලාකයා ॥ 28 ॥

භූමෞ ශත්රෝඃ ස්වරූපං ච හෘදි නාම සමාලිඛේත් ।
හස්තං තද්ධෘදයේ දත්වා කවචං තිථිවාරකම් ॥ 29 ॥

ධ්යාත්වා ජපේන්මංත්රරාජං නවරාත්රං ප්රයත්නතඃ ।
ම්රියතේ ජ්වරදාහේන දශමේऽහ්නි න සංශයඃ ॥ 30 ॥

භූර්ජපත්රේෂ්විදං ස්තෝත්රමෂ්ටගංධේන සංලිඛේත් ।
ධාරයේද්දක්ෂිණේ බාහෞ නාරී වාමභුජේ තථා ॥ 31 ॥

සංග්රාමේ ජයමාප්නෝති නාරී පුත්රවතී භවේත් ।
බ්රහ්මාස්ත්රාදීනි ශස්ත්රාණි නෛව කෘංතංති තං ජනම් ॥ 32 ॥

සංපූජ්ය කවචං නිත්යං පූජායාඃ ඵලමාලභේත් ।
බෘහස්පතිසමෝ වාපි විභවේ ධනදෝපමඃ ॥ 33 ॥

කාමතුල්යශ්ච නාරීණාං ශත්රූණාං ච යමෝපමඃ ।
කවිතාලහරී තස්ය භවේද්ගංගාප්රවාහවත් ॥ 34 ॥

ගද්යපද්යමයී වාණී භවේද්දේවීප්රසාදතඃ ।
ඒකාදශශතං යාවත්පුරශ්චරණමුච්යතේ ॥ 35 ॥

පුරශ්චර්යාවිහීනං තු න චේදං ඵලදායකම් ।
න දේයං පරශිෂ්යේභ්යෝ දුෂ්ටේභ්යශ්ච විශේෂතඃ ॥ 36 ॥

දේයං ශිෂ්යාය භක්තාය පංචත්වං චාऽන්යථාප්නුයාත් ।
ඉදං කවචමජ්ඤාත්වා භජේද්යෝ බගලාමුඛීම් ।
ශතකෝටි ජපිත්වා තු තස්ය සිද්ධිර්න ජායතේ ॥ 37 ॥

දාරාඪ්යෝ මනුජෝස්ය ලක්ෂජපතඃ ප්රාප්නෝති සිද්ධිං පරාං
විද්යාං ශ්රීවිජයං තථා සුනියතං ධීරං ච වීරං වරම් ।
බ්රහ්මාස්ත්රාඛ්යමනුං විලිඛ්ය නිතරාං භූර්ජේෂ්ටගංධේන වෛ
ධෘත්වා රාජපුරං ව්රජංති ඛලු යේ දාසෝऽස්ති තේෂාං නෘපඃ ॥ 38 ॥

ඉති විශ්වසාරෝද්ධාරතංත්රේ පාර්වතීශ්වරසංවාදේ බගළාමුඛීකවචං සංපූර්ණම් ।