ශනි වජ්රපංජර කවචම්

නීලාංබරෝ නීලවපුඃ කිරීටී
ගෘධ්රස්ථිතාස්ත්රකරෝ ධනුෂ්මාන් ।
චතුර්භුජඃ සූර්යසුතඃ ප්රසන්නඃ
සදා මමස්යාද්වරදඃ ප්රශාංතඃ ॥

බ්රහ්මා උවාච ।

ශෘණුධ්වං ඍෂයඃ සර්වේ ශනි පීඩාහරං මහත් ।
කවචං ශනිරාජස්ය සෞරෛරිදමනුත්තමම් ॥

කවචං දේවතාවාසං වජ්ර පංජර සංංගකම් ।
ශනෛශ්චර ප්රීතිකරං සර්වසෞභාග්යදායකම් ॥

අථ ශ්රී ශනි වජ්ර පංජර කවචම් ।

ඕං ශ්රී ශනෛශ්චරඃ පාතු ඵාලං මේ සූර්යනංදනඃ । [භාලං]
නේත්රේ ඡායාත්මජඃ පාතු පාතු කර්ණෞ යමානුජඃ ॥ 1 ॥

නාසාං වෛවස්වතඃ පාතු මුඛං මේ භාස්කරඃ සදා ।
ස්නිග්ධකංඨශ්ච මේ කංඨං භුජෞ පාතු මහාභුජඃ ॥ 2 ॥

ස්කංධෞ පාතු ශනිශ්චෛව කරෞ පාතු ශුභප්රදඃ ।
වක්ෂඃ පාතු යමභ්රාතා කුක්ෂිං පාත්වසිතස්තථා ॥ 3 ॥

නාභිං ග්රහපතිඃ පාතු මංදඃ පාතු කටිං තථා ।
ඌරූ මමාංතකඃ පාතු යමෝ ජානුයුගං තථා ॥ 4 ॥

පාදෞ මංදගතිඃ පාතු සර්වාංගං පාතු පිප්පලඃ ।
අංගෝපාංගානි සර්වාණි රක්ෂේන් මේ සූර්යනංදනඃ ॥ 5 ॥

ඵලශ්රුතිඃ

ඉත්යේතත්කවචං දිව්යං පඨේත්සූර්යසුතස්ය යඃ ।
න තස්ය ජායතේ පීඩා ප්රීතෝ භවති සූර්යජඃ ॥

ව්යයජන්මද්විතීයස්ථෝ මෘත්යුස්ථානගතෝපිවා ।
කලත්රස්ථෝ ගතෝවාපි සුප්රීතස්තු සදා ශනිඃ ॥

අෂ්ටමස්ථෝ සූර්යසුතේ ව්යයේ ජන්මද්විතීයගේ ।
කවචං පඨතේ නිත්යං න පීඩා ජායතේ ක්වචිත් ॥

ඉත්යේතත්කවචං දිව්යං සෞරේර්යන්නිර්මිතං පුරා ।
ද්වාදශාෂ්ටමජන්මස්ථදෝෂාන්නාශයතේ සදා ।
ජන්මලග්නස්ථිතාන් දෝෂාන් සර්වාන්නාශයතේ ප්රභුඃ ॥

ඉති ශ්රී බ්රහ්මාංඩපුරාණේ බ්රහ්මනාරදසංවාදේ ශනිවජ්රපංජර කවචං සංපූර්ණම් ॥