සරස්වතී කවචම්

(බ්රහ්මවෛවර්ත මහාපුරාණාංතර්ගතං)

භෘගුරුවාච ।
බ්රහ්මන්බ්රහ්මවිදාංශ්රේෂ්ඨ බ්රහ්මජ්ඤානවිශාරද ।
සර්වජ්ඤ සර්වජනක සර්වපූජකපූජිත ॥ 60

සරස්වත්යාශ්ච කවචං බ්රූහි විශ්වජයං ප්රභෝ ।
අයාතයාමමංත්රාණාං සමූහෝ යත්ර සංයුතඃ ॥ 61 ॥

බ්රහ්මෝවාච ।
ශෘණු වත්ස ප්රවක්ෂ්යාමි කවචං සර්වකාමදම් ।
ශ්රුතිසාරං ශ්රුතිසුඛං ශ්රුත්යුක්තං ශ්රුතිපූජිතම් ॥ 62 ॥

උක්තං කෘෂ්ණේන ගෝලෝකේ මහ්යං වෘංදාවනේ වනේ ।
රාසේශ්වරේණ විභුනා රාසේ වෛ රාසමංඩලේ ॥ 63 ॥

අතීව ගෝපනීයංච කල්පවෘක්ෂසමං පරම් ।
අශ්රුතාද්භුතමංත්රාණාං සමූහෛශ්ච සමන්විතම් ॥ 64 ॥

යද්ධෘත්වා පඨනාද්බ්රහ්මන්බුද්ධිමාංශ්ච බෘහස්පතිඃ ।
යද්ධෘත්වා භගවාංඡුක්රඃ සර්වදෛත්යේෂු පූජිතඃ ॥ 65 ॥

පඨනාද්ධාරණාද්වාග්මී කවීංද්රෝ වාල්මිකී මුනිඃ ।
ස්වායංභුවෝ මනුශ්චෛව යද්ධෘත්වා සර්වපූජිතාඃ ॥ 66 ॥

කණාදෝ ගෞතමඃ කණ්වඃ පාණිනිඃ ශාකටායනඃ ।
ග්රංථං චකාර යද්ධෘත්වා දක්ෂඃ කාත්යායනඃ ස්වයම් ॥ 67 ॥

ධෘත්වා වේදවිභාගංච පුරාණාන්යඛිලානි ච ।
චකාර ලීලාමාත්රේණ කෘෂ්ණද්වෛපායනඃ ස්වයම් ॥ 68 ॥

ශාතාතපශ්ච සංවර්තෝ වසිෂ්ඨශ්ච පරාශරඃ ।
යද්ධෘත්වා පඨනාද්ග්රංථං යාජ්ඤවල්ක්යශ්චකාර සඃ ॥ 69 ॥

ඍෂ්යශෘංගෝ භරද්වාජශ්චාස්තීකෝ දේවලස්තථා ।
ජෛගීෂව්යෝऽථ ජාබාලිර්යද්ධෘත්වා සර්වපූජිතඃ ॥ 70 ॥

කවචස්යාස්ය විප්රේංද්ර ඍෂිරේෂ ප්රජාපතිඃ ।
ස්වයං බෘහස්පතිශ්ඡංදෝ දේවෝ රාසේශ්වරඃ ප්රභුඃ ॥ 71 ॥

සර්වතත්ත්වපරිජ්ඤානේ සර්වාර්ථේऽපි ච සාධනේ ।
කවිතාසු ච සර්වාසු විනියෝගඃ ප්රකීර්තිතඃ ॥ 72 ॥

( කවචං )
ඕං හ්රීං සරස්වත්යෛ ස්වාහා ශිරෝ මේ පාතු සර්වතඃ ।
ශ්රීං වාග්දේවතායෛ ස්වාහා භාලං මේ සර්වදාऽවතු ॥ 73 ॥

ඕං හ්රීං සරස්වත්යෛ ස්වාහේති ශ්රෝත්රේ පාතු නිරංතරම් ।
ඕං ශ්රීං හ්රීං භගවත්යෛ සරස්වත්යෛ ස්වාහා නේත්රයුග්මං සදාऽවතු ॥ 74 ॥

ඓං හ්රීං වාග්වාදින්යෛ ස්වාහා නාසාං මේ සර්වදාऽවතු ।
හ්රීං විද්යාධිෂ්ඨාතෘදේව්යෛ ස්වාහා චෝංෂ්ඨ සදාऽවතු ॥ 75 ॥

ඕං ශ්රීං හ්රීං බ්රාහ්ම්යෛ ස්වාහේති දංතපංක්තිං සදාऽවතු ।
ඓමිත්යේකාක්ෂරෝ මංත්රෝ මම කංඨං සදාऽවතු ॥ 76 ॥

ඕං ශ්රීං හ්රීං පාතු මේ ග්රීවාං ස්කංධං මේ ශ්රීං සදාऽවතු ।
ඕං හ්රීං විද්යාධිෂ්ඨාතෘදේව්යෛ ස්වාහා වක්ෂඃ සදාऽවතු ॥ 77 ॥

ඕං හ්රීං විද්යාස්වරූපායෛ ස්වාහා මේ පාතු නාභිකාම් ।
ඕං හ්රීං ක්ලීං වාණ්යෛ ස්වාහේති මම පෘෂ්ඨං සදාऽවතු ॥ 78 ॥

ඕං සර්වවර්ණාත්මිකායෛ පාදයුග්මං සදාऽවතු ।
ඕං රාගාධිෂ්ඨාතෘදේව්යෛ සර්වාංගං මේ සදාऽවතු ॥ 79 ॥

ඕං සර්වකංඨවාසින්යෛ ස්වාහා ප්රච්යාං සදාऽවතු ।
ඕං හ්රීං ජිහ්වාග්රවාසින්යෛ ස්වාහාऽග්නිදිශි රක්ෂතු ॥ 80 ॥

ඕං ඓං හ්රීං ශ්රීං සරස්වත්යෛ බුධජනන්යෛ ස්වාහා ।
සතතං මංත්රරාජෝऽයං දක්ෂිණේ මාං සදාऽවතු ॥ 81 ॥

ඕං හ්රීං ශ්රීං ත්ර්යක්ෂරෝ මංත්රෝ නෛරෘත්යාං මේ සදාऽවතු ।
කවිජිහ්වාග්රවාසින්යෛ ස්වාහා මාං වාරුණේऽවතු ॥ 82 ॥

ඕං සදංබිකායෛ ස්වාහා වායව්යේ මාං සදාऽවතු ।
ඕං ගද්යපද්යවාසින්යෛ ස්වාහා මාමුත්තරේऽවතු ॥ 83 ॥

ඕං සර්වශාස්ත්රවාසින්යෛ ස්වාහෛශාන්යාං සදාऽවතු ।
ඕං හ්රීං සර්වපූජිතායෛ ස්වාහා චෝර්ධ්වං සදාऽවතු ॥ 84 ॥

ඓං හ්රීං පුස්තකවාසින්යෛ ස්වාහාऽධෝ මාං සදාවතු ।
ඕං ග්රංථබීජරූපායෛ ස්වාහා මාං සර්වතෝऽවතු ॥ 85 ॥

ඉති තේ කථිතං විප්ර සර්වමංත්රෞඝවිග්රහම් ।
ඉදං විශ්වජයං නාම කවචං බ්රහ්මාරූපකම් ॥ 86 ॥

පුරා ශ්රුතං ධර්මවක්ත්රාත්පර්වතේ ගංධමාදනේ ।
තව ස්නේහාන්මයාऽऽඛ්යාතං ප්රවක්තව්යං න කස්යචිත් ॥ 87 ॥

ගුරුමභ්යර්ච්ය විධිවද්වස්ත්රාලංකාරචංදනෛඃ ।
ප්රණම්ය දංඩවද්භූමෞ කවචං ධාරයේත්සුධීඃ ॥ 88 ॥

පංචලක්ෂජපේනෛව සිද්ධං තු කවචං භවේත් ।
යදි ස්යාත්සිද්ධකවචෝ බෘහස්පති සමෝ භවේත් ॥ 89 ॥

මහාවාග්මී කවීංද්රශ්ච ත්රෛලෝක්යවිජයී භවේත් ।
ශක්නෝති සර්වං ජේතුං ස කවචස්ය ප්රභාවතඃ ॥ 90 ॥

ඉදං තේ කාණ්වශාඛෝක්තං කථිතං කවචං මුනේ ।
ස්තෝත්රං පූජාවිධානං ච ධ්යානං වෛ වංදනං තථා ॥ 91 ॥

ඉති ශ්රී බ්රහ්මවෛවර්තේ මහාපුරාණේ ප්රකෘතිඛංඩේ නාරදනාරායණසංවාදේ සරස්වතීකවචං නාම චතුර්ථෝऽධ්යායඃ ।