රාහු අෂ්ටෝත්තර ශත නාම ස්තෝත්රම්

ශෘණු නාමානි රාහෝශ්ච සෛංහිකේයෝ විධුංතුදඃ ।
සුරශත්රුස්තමශ්චෛව ඵණී ගාර්ග්යායණස්තථා ॥ 1 ॥

සුරාගුර්නීලජීමූතසංකාශශ්ච චතුර්භුජඃ ।
ඛඩ්ගඛේටකධාරී ච වරදායකහස්තකඃ ॥ 2 ॥

ශූලායුධෝ මේඝවර්ණඃ කෘෂ්ණධ්වජපතාකවාන් ।
දක්ෂිණාශාමුඛරතඃ තීක්ෂ්ණදංෂ්ට්රධරාය ච ॥ 3 ॥

ශූර්පාකාරාසනස්ථශ්ච ගෝමේදාභරණප්රියඃ ।
මාෂප්රියඃ කශ්යපර්ෂිනංදනෝ භුජගේශ්වරඃ ॥ 4 ॥

උල්කාපාතජනිඃ ශූලී නිධිපඃ කෘෂ්ණසර්පරාට් ।
විෂජ්වලාවෘතාස්යෝऽර්ධශරීරෝ ජාද්යසංප්රදඃ ॥ 5 ॥

රවීංදුභීකරශ්ඡායාස්වරූපී කඨිනාංගකඃ ।
ද්විෂච්චක්රච්ඡේදකෝऽථ කරාළාස්යෝ භයංකරඃ ॥ 6 ॥

ක්රූරකර්මා තමෝරූපඃ ශ්යාමාත්මා නීලලෝහිතඃ ।
කිරීටී නීලවසනඃ ශනිසාමංතවර්ත්මගඃ ॥ 7 ॥

චාංඩාලවර්ණෝऽථාශ්ව්යර්ක්ෂභවෝ මේෂභවස්තථා ।
ශනිවත්ඵලදඃ ශූරෝऽපසව්යගතිරේව ච ॥ 8 ॥

උපරාගකරඃ සූර්යහිමාංශුච්ඡවිහාරකඃ ।
නීලපුෂ්පවිහාරශ්ච ග්රහශ්රේෂ්ඨෝऽෂ්ටමග්රහඃ ॥ 9 ॥

කබංධමාත්රදේහශ්ච යාතුධානකුලෝද්භවඃ ।
ගෝවිංදවරපාත්රං ච දේවජාතිප්රවිෂ්ටකඃ ॥ 10 ॥

ක්රූරෝ ඝෝරඃ ශනේර්මිත්රං ශුක්රමිත්රමගෝචරඃ ।
මානේගංගාස්නානදාතා ස්වගෘහේප්රබලාඪ්යකඃ ॥ 11 ॥

සද්ගෘහේऽන්යබලධෘච්චතුර්ථේ මාතෘනාශකඃ ।
චංද්රයුක්තේ තු චංඩාලජන්මසූචක ඒව තු ॥ 12 ॥

ජන්මසිංහේ රාජ්යදාතා මහාකායස්තථෛව ච ।
ජන්මකර්තා විධුරිපු මත්තකෝ ජ්ඤානදශ්ච සඃ ॥ 13 ॥

ජන්මකන්යාරාජ්යදාතා ජන්මහානිද ඒව ච ।
නවමේ පිතෘහංතා ච පංචමේ ශෝකදායකඃ ॥ 14 ॥

ද්යූනේ කළත්රහංතා ච සප්තමේ කලහප්රදඃ ।
ෂෂ්ඨේ තු විත්තදාතා ච චතුර්ථේ වෛරදායකඃ ॥ 15 ॥

නවමේ පාපදාතා ච දශමේ ශෝකදායකඃ ।
ආදෞ යශඃ ප්රදාතා ච අංතේ වෛරප්රදායකඃ ॥ 16 ॥

කාලාත්මා ගෝචරාචාරෝ ධනේ චාස්ය කකුත්ප්රදඃ ।
පංචමේ ධිෂණාශෘංගදඃ ස්වර්භානුර්බලී තථා ॥ 17 ॥

මහාසෞඛ්යප්රදායී ච චංද්රවෛරී ච ශාශ්වතඃ ।
සුරශත්රුඃ පාපග්රහඃ ශාංභවඃ පූජ්යකස්තථා ॥ 18 ॥

පාටීරපූරණශ්චාථ පෛඨීනසකුලෝද්භවඃ ।
දීර්ඝකෘෂ්ණෝऽතනුර්විෂ්ණුනේත්රාරිර්දේවදානවෞ ॥ 19 ॥

භක්තරක්ෂෝ රාහුමූර්තිඃ සර්වාභීෂ්ටඵලප්රදඃ ।
ඒතද්රාහුග්රහස්යෝක්තං නාම්නාමෂ්ටෝත්තරං ශතම් ॥ 20 ॥

ශ්රද්ධයා යෝ ජපේන්නිත්යං මුච්යතේ සර්වසංකටාත් ।
සර්වසංපත්කරස්තස්ය රාහුරිෂ්ටප්රදායකඃ ॥ 21 ॥

ඉති ශ්රී රාහු අෂ්ටෝත්තරශතනාම ස්තෝත්රම් ।