මහා ගණපති මූල මංත්රාඃ (පාද මාලා ස්තෝත්රම්)

॥ මූලමංත්රම් ॥
॥ ඕං හ්රීං ශ්රීං ක්ලීං ග්ලෞං ගං ගණපතයේ වරවරද
සර්වජනං මේ වශමානය ස්වාහා ॥

॥ අථ ස්තෝත්රම්॥
ඕං ඉත්යේතදජස්ය කංඨවිවරං භිත්වා බහිර්නිර්ගතං
හ්යෝමිත්යේව සමස්තකර්ම ඍෂිභිඃ ප්රාරභ්යතේ මානුෂෛඃ ।
ඕමිත්යේව සදා ජපංති යතයඃ ස්වාතමෛකනිෂ්ඨාඃ පරං
හ්යෝංකාරාකෘතිවක්ත්රමිංදුනිටිලං විඝ්නේශ්වරං භවායේ ॥ 1॥

ශ්රීංබීජං ශ්රමදුඃඛජන්මමරණව්යාධ්යාධිභීනාශකං
මෘත්යුක්රෝධනශාංතිබිංදුවිලසද්වර්ණාකෘතිශ්රීප්රදම් ।
ස්වාංතඃස්වාත්මශරස්ය ලක්ෂ්යමජරස්වාත්මාවබෝධප්රදං
ශ්රීශ්රීනායකසේවිතේ භවදනප්රේමාස්පදං භාවයේ ॥ 2॥

හ්රීංබීජං හෘදයත්රිකෝණවිලසන්මධ්යාසනස්ථං සදා
චාකාශානලවාමලෝචනනිශානාථාර්ධවර්ණාත්මකම් ।
මායාකාර්යජගත්ප්රකාශකමුමාරූපං ස්වශක්තිප්රදං
මායාතීතපදප්රදං හෘදි භජේ ලෝකේශ්වරාරාධිතම් ॥ 3॥

ක්ලීංබීජං කලිධාතුවත්කලයතාං සර්වේෂ්ටදං දේහිනාං
ධාතෘක්ෂ්මායුතශාංතිබිංදුවිලසද්වර්ණාත්මකං කාමදම් ।
ශ්රීකෘෂ්ණප්රියමිංදිරාසුතමනඃප්රීත්යේකහේතුං පරං
හෘත්පද්මේ කලයේ සදා කලිහරං කාලාරිපුත්රප්රියම් ॥ 4॥

ග්ලෞංබීජං ගුණරූපනිර්ගුණපරබ්රහ්මාදිශක්තේර්මහා-
හංකාරාකෘතිදංඩිනීප්රියමජශ්රීනාථරුද්රේෂ්ටදම් ।
සර්වාකර්ෂිණිදේවරාජභුවනාර්ණේංද්වාත්මකං ශ්රීකරං
චිත්තේ විඝ්නනිවාරණාය ගිරිජජාතප්රියං භාවයේ ॥ 5॥

ගංගාසුතං ගංධමුඛෝපචාරප්රියං ඛගාරෝහණභාගිනේයම් ।
ගංගාසුතාද්යං වරගංධතත්ත්වමූලාංබුජස්ථං හෘදි භාවයේऽහම් ॥ 6॥

ගණපතයේ වරගුණනිධයේ සුරගණපතයේ නතජනතතයේ ।
මණිගණභූෂිතචරණයුගාශ්රිතමලහරණේ චණ තේ නමඃ ॥ 7॥

වරාභයේ මෝදකමේකදංතං කරාංබුජාතෛඃ සතතං ධරංතම් ।
වරාංගචංද්රං පරභක්තිසාංද්රෛර්ජනෛර්භජංතං කලයේ සදාऽංතඃ ॥ 8॥

වරද නතජනානාං සංතතං වක්රතුංඩ
ස්වරමයනිජගාත්ර ස්වාත්මබෝධෛකහේතෝ ।
කරලසදමෘතාංභෝපූර්ණපත්රාද්ය මහ්යං
ගරගලසුත ශීඝ්රං දේහි මද්බෝධමීඩ්යම් ॥ 9॥

සර්වජනං පරිපාලය ශර්වජ
පර්වසුධාකරගර්වහර ।
පර්වතනාථසුතාසුත පාලය
ඛර්වං මා කුරු දීනමිමම් ॥ 10 ॥

මේදෝऽස්ථිමාංසරුධිරාංත්රමයේ ශරීරේ
මේදින්යබග්නිමරුදංබරලාස්යමානේ ।
මේ දාරුණං මදමුඛාඝමුමාජ හෘත්වා
මේධාහ්වයාසනවරේ වස දංතිවක්ත්ර ॥ 11॥

වශං කුරු ත්වං ශිවජාත මාං තේ වශීකෘතාශේෂසමස්තලෝක ।
වසාර්ණසංශෝභිතමූලපද්මලසච්ඡ්රියාऽලිඞ්තවාරණාස්ය ॥ 12॥

ආනයාශුපදවාරිජාංතිකං මාං නයාදිගුණවර්ජිතං තව ।
හානිහීනපදජාමෘතස්ය තේ පානයෝග්යමිභවක්ත්ර මාං කුරු ॥ 13॥

ස්වාහාස්වරූපේණ විරාජසේ ත්වං සුධාශනානාං ප්රියකර්මණීඩ්යම් ।
ස්වධාස්වරූපේණ තු පිත්ර්යකර්මණ්යුමාසුතේජ්යාමයවිශ්වමූර්තේ ॥ 14॥

අෂ්ටාවිංශතිවර්ණපත්රලසිතං හාරං ගණේශප්රියං
කෂ්ටාऽනිෂ්ටහරං චතුර්දශපදෛඃ පුෂ්පෛර්මනෝහාරකම් ।
තුෂ්ට්යාදිප්රදසද්ගුරුත්තමපදාංභෝජේ චිදානංදදං
ශිෂ්ටේෂ්ටෝऽහමනංතසූත්රහෘදයාऽऽබද්ධං සුභක්ත්යාऽර්පයේ ॥ 15॥

॥ ඉති ශ්රීඅනංතානංදකෘතං ශ්රීගුරුචිදානංදනාථසමර්පිතං
ශ්රීමහාගණපතිමූලමංත්රමාලාස්තෝත්රම් ॥