ශ්රී දුර්ගා ආපදුද්ධාරක ස්තෝත්රම්

නමස්තේ ශරණ්යේ ශිවේ සානුකංපේ
නමස්තේ ජගද්ව්යාපිකේ විශ්වරූපේ ।
නමස්තේ ජගද්වංද්යපාදාරවිංදේ
නමස්තේ ජගත්තාරිණි ත්රාහි දුර්ගේ ॥ 1 ॥

නමස්තේ ජගච්චිංත්යමානස්වරූපේ
නමස්තේ මහායෝගිවිජ්ඤානරූපේ ।
නමස්තේ නමස්තේ සදානංදරූපේ
නමස්තේ ජගත්තාරිණි ත්රාහි දුර්ගේ ॥ 2 ॥

අනාථස්ය දීනස්ය තෘෂ්ණාතුරස්ය
භයාර්තස්ය භීතස්ය බද්ධස්ය ජංතෝඃ ।
ත්වමේකා ගතිර්දේවි නිස්තාරකර්ත්රී
නමස්තේ ජගත්තාරිණි ත්රාහි දුර්ගේ ॥ 3 ॥

අරණ්යේ රණේ දාරුණේ ශත්රුමධ්යේ-
ऽනලේ සාගරේ ප්රාංතරේ රාජගේහේ ।
ත්වමේකා ගතිර්දේවි නිස්තාරනෞකා
නමස්තේ ජගත්තාරිණි ත්රාහි දුර්ගේ ॥ 4 ॥

අපාරේ මහාදුස්තරේऽත්යංතඝෝරේ
විපත්සාගරේ මජ්ජතාං දේහභාජාම් ।
ත්වමේකා ගතිර්දේවි නිස්තාරහේතු-
ර්නමස්තේ ජගත්තාරිණි ත්රාහි දුර්ගේ ॥ 5 ॥

නමශ්චංඩිකේ චංඩදුර්දංඩලීලා-
සමුත්ඛංඩිතා ඛංඩිතාऽශේෂශත්රෝඃ ।
ත්වමේකා ගතිර්දේවි නිස්තාරබීජං
නමස්තේ ජගත්තාරිණි ත්රාහි දුර්ගේ ॥ 6 ॥

ත්වමේකා සදාරාධිතා සත්යවාදි-
න්යනේකාඛිලා ක්රෝධනා ක්රෝධනිෂ්ඨා ।
ඉඩා පිංගළා ත්වං සුෂුම්නා ච නාඩී
නමස්තේ ජගත්තාරිණි ත්රාහි දුර්ගේ ॥ 7 ॥

නමෝ දේවි දුර්ගේ ශිවේ භීමනාදේ
සදාසර්වසිද්ධිප්රදාතෘස්වරූපේ ।
විභූතිඃ ශචී කාලරාත්රිඃ සතී ත්වං
නමස්තේ ජගත්තාරිණි ත්රාහි දුර්ගේ ॥ 8 ॥

ශරණමසි සුරාණාං සිද්ධවිද්යාධරාණාං
මුනිමනුජපශූනාං දස්යුභිස්ත්රාසිතානාං
නෘපතිගෘහගතානාං ව්යාධිභිඃ පීඩිතානාම් ।
ත්වමසි ශරණමේකා දේවි දුර්ගේ ප්රසීද ॥ 9 ॥

ඉදං ස්තෝත්රං මයා ප්රෝක්තමාපදුද්ධාරහේතුකම් ।
ත්රිසංධ්යමේකසංධ්යං වා පඨනාද්ඝෝරසංකටාත් ॥ 10 ॥

මුච්යතේ නාත්ර සංදේහෝ භුවි ස්වර්ගේ රසාතලේ ।
සර්වං වා ශ්ලෝකමේකං වා යඃ පඨේද්භක්තිමාන්සදා ॥ 11 ॥

ස සර්වං දුෂ්කෘතං ත්යක්ත්වා ප්රාප්නෝති පරමං පදම් ।
පඨනාදස්ය දේවේශි කිං න සිද්ධ්යති භූතලේ ।
ස්තවරාජමිදං දේවි සංක්ෂේපාත්කථිතං මයා ॥ 12

ඉති ශ්රී සිද්ධේශ්වරීතංත්රේ පරමශිවෝක්ත ශ්රී දුර්ගා ආපදුද්ධාර ස්තෝත්රම් ।