ମହା ଗଣପତି ମୂଲ ମଂତ୍ରାଃ (ପାଦ ମାଲା ସ୍ତୋତ୍ରମ୍)
॥ ମୂଲମଂତ୍ରମ୍ ॥
॥ ଓଂ ହ୍ରୀଂ ଶ୍ରୀଂ କ୍ଲୀଂ ଗ୍ଲୌଂ ଗଂ ଗଣପତୟେ ଵରଵରଦ
ସର୍ଵଜନଂ ମେ ଵଶମାନୟ ସ୍ଵାହା ॥
॥ ଅଥ ସ୍ତୋତ୍ରମ୍॥
ଓଂ ଇତ୍ୟେତଦଜସ୍ୟ କଂଠଵିଵରଂ ଭିତ୍ଵା ବହିର୍ନିର୍ଗତଂ
ହ୍ୟୋମିତ୍ୟେଵ ସମସ୍ତକର୍ମ ଋଷିଭିଃ ପ୍ରାରଭ୍ୟତେ ମାନୁଷୈଃ ।
ଓମିତ୍ୟେଵ ସଦା ଜପଂତି ୟତୟଃ ସ୍ଵାତମୈକନିଷ୍ଠାଃ ପରଂ
ହ୍ୟୋଂକାରାକୃତିଵକ୍ତ୍ରମିଂଦୁନିଟିଲଂ ଵିଘ୍ନେଶ୍ଵରଂ ଭଵାୟେ ॥ 1॥
ଶ୍ରୀଂବୀଜଂ ଶ୍ରମଦୁଃଖଜନ୍ମମରଣଵ୍ୟାଧ୍ୟାଧିଭୀନାଶକଂ
ମୃତ୍ୟୁକ୍ରୋଧନଶାଂତିବିଂଦୁଵିଲସଦ୍ଵର୍ଣାକୃତିଶ୍ରୀପ୍ରଦମ୍ ।
ସ୍ଵାଂତଃସ୍ଵାତ୍ମଶରସ୍ୟ ଲକ୍ଷ୍ୟମଜରସ୍ଵାତ୍ମାଵବୋଧପ୍ରଦଂ
ଶ୍ରୀଶ୍ରୀନାୟକସେଵିତେ ଭଵଦନପ୍ରେମାସ୍ପଦଂ ଭାଵୟେ ॥ 2॥
ହ୍ରୀଂବୀଜଂ ହୃଦୟତ୍ରିକୋଣଵିଲସନ୍ମଧ୍ୟାସନସ୍ଥଂ ସଦା
ଚାକାଶାନଲଵାମଲୋଚନନିଶାନାଥାର୍ଧଵର୍ଣାତ୍ମକମ୍ ।
ମାୟାକାର୍ୟଜଗତ୍ପ୍ରକାଶକମୁମାରୂପଂ ସ୍ଵଶକ୍ତିପ୍ରଦଂ
ମାୟାତୀତପଦପ୍ରଦଂ ହୃଦି ଭଜେ ଲୋକେଶ୍ଵରାରାଧିତମ୍ ॥ 3॥
କ୍ଲୀଂବୀଜଂ କଲିଧାତୁଵତ୍କଲୟତାଂ ସର୍ଵେଷ୍ଟଦଂ ଦେହିନାଂ
ଧାତୃକ୍ଷ୍ମାୟୁତଶାଂତିବିଂଦୁଵିଲସଦ୍ଵର୍ଣାତ୍ମକଂ କାମଦମ୍ ।
ଶ୍ରୀକୃଷ୍ଣପ୍ରିୟମିଂଦିରାସୁତମନଃପ୍ରୀତ୍ୟେକହେତୁଂ ପରଂ
ହୃତ୍ପଦ୍ମେ କଲୟେ ସଦା କଲିହରଂ କାଲାରିପୁତ୍ରପ୍ରିୟମ୍ ॥ 4॥
ଗ୍ଲୌଂବୀଜଂ ଗୁଣରୂପନିର୍ଗୁଣପରବ୍ରହ୍ମାଦିଶକ୍ତେର୍ମହା-
ହଂକାରାକୃତିଦଂଡିନୀପ୍ରିୟମଜଶ୍ରୀନାଥରୁଦ୍ରେଷ୍ଟଦମ୍ ।
ସର୍ଵାକର୍ଷିଣିଦେଵରାଜଭୁଵନାର୍ଣେଂଦ୍ଵାତ୍ମକଂ ଶ୍ରୀକରଂ
ଚିତ୍ତେ ଵିଘ୍ନନିଵାରଣାୟ ଗିରିଜଜାତପ୍ରିୟଂ ଭାଵୟେ ॥ 5॥
ଗଂଗାସୁତଂ ଗଂଧମୁଖୋପଚାରପ୍ରିୟଂ ଖଗାରୋହଣଭାଗିନେୟମ୍ ।
ଗଂଗାସୁତାଦ୍ୟଂ ଵରଗଂଧତତ୍ତ୍ଵମୂଲାଂବୁଜସ୍ଥଂ ହୃଦି ଭାଵୟେଽହମ୍ ॥ 6॥
ଗଣପତୟେ ଵରଗୁଣନିଧୟେ ସୁରଗଣପତୟେ ନତଜନତତୟେ ।
ମଣିଗଣଭୂଷିତଚରଣୟୁଗାଶ୍ରିତମଲହରଣେ ଚଣ ତେ ନମଃ ॥ 7॥
ଵରାଭୟେ ମୋଦକମେକଦଂତଂ କରାଂବୁଜାତୈଃ ସତତଂ ଧରଂତମ୍ ।
ଵରାଂଗଚଂଦ୍ରଂ ପରଭକ୍ତିସାଂଦ୍ରୈର୍ଜନୈର୍ଭଜଂତଂ କଲୟେ ସଦାଽଂତଃ ॥ 8॥
ଵରଦ ନତଜନାନାଂ ସଂତତଂ ଵକ୍ରତୁଂଡ
ସ୍ଵରମୟନିଜଗାତ୍ର ସ୍ଵାତ୍ମବୋଧୈକହେତୋ ।
କରଲସଦମୃତାଂଭୋପୂର୍ଣପତ୍ରାଦ୍ୟ ମହ୍ୟଂ
ଗରଗଲସୁତ ଶୀଘ୍ରଂ ଦେହି ମଦ୍ବୋଧମୀଡ୍ୟମ୍ ॥ 9॥
ସର୍ଵଜନଂ ପରିପାଲୟ ଶର୍ଵଜ
ପର୍ଵସୁଧାକରଗର୍ଵହର ।
ପର୍ଵତନାଥସୁତାସୁତ ପାଲୟ
ଖର୍ଵଂ ମା କୁରୁ ଦୀନମିମମ୍ ॥ 10 ॥
ମେଦୋଽସ୍ଥିମାଂସରୁଧିରାଂତ୍ରମୟେ ଶରୀରେ
ମେଦିନ୍ୟବଗ୍ନିମରୁଦଂବରଲାସ୍ୟମାନେ ।
ମେ ଦାରୁଣଂ ମଦମୁଖାଘମୁମାଜ ହୃତ୍ଵା
ମେଧାହ୍ଵୟାସନଵରେ ଵସ ଦଂତିଵକ୍ତ୍ର ॥ 11॥
ଵଶଂ କୁରୁ ତ୍ଵଂ ଶିଵଜାତ ମାଂ ତେ ଵଶୀକୃତାଶେଷସମସ୍ତଲୋକ ।
ଵସାର୍ଣସଂଶୋଭିତମୂଲପଦ୍ମଲସଚ୍ଛ୍ରିୟାଽଲିଙ୍ତଵାରଣାସ୍ୟ ॥ 12॥
ଆନୟାଶୁପଦଵାରିଜାଂତିକଂ ମାଂ ନୟାଦିଗୁଣଵର୍ଜିତଂ ତଵ ।
ହାନିହୀନପଦଜାମୃତସ୍ୟ ତେ ପାନୟୋଗ୍ୟମିଭଵକ୍ତ୍ର ମାଂ କୁରୁ ॥ 13॥
ସ୍ଵାହାସ୍ଵରୂପେଣ ଵିରାଜସେ ତ୍ଵଂ ସୁଧାଶନାନାଂ ପ୍ରିୟକର୍ମଣୀଡ୍ୟମ୍ ।
ସ୍ଵଧାସ୍ଵରୂପେଣ ତୁ ପିତ୍ର୍ୟକର୍ମଣ୍ୟୁମାସୁତେଜ୍ୟାମୟଵିଶ୍ଵମୂର୍ତେ ॥ 14॥
ଅଷ୍ଟାଵିଂଶତିଵର୍ଣପତ୍ରଲସିତଂ ହାରଂ ଗଣେଶପ୍ରିୟଂ
କଷ୍ଟାଽନିଷ୍ଟହରଂ ଚତୁର୍ଦଶପଦୈଃ ପୁଷ୍ପୈର୍ମନୋହାରକମ୍ ।
ତୁଷ୍ଟ୍ୟାଦିପ୍ରଦସଦ୍ଗୁରୁତ୍ତମପଦାଂଭୋଜେ ଚିଦାନଂଦଦଂ
ଶିଷ୍ଟେଷ୍ଟୋଽହମନଂତସୂତ୍ରହୃଦୟାଽଽବଦ୍ଧଂ ସୁଭକ୍ତ୍ୟାଽର୍ପୟେ ॥ 15॥
॥ ଇତି ଶ୍ରୀଅନଂତାନଂଦକୃତଂ ଶ୍ରୀଗୁରୁଚିଦାନଂଦନାଥସମର୍ପିତଂ
ଶ୍ରୀମହାଗଣପତିମୂଲମଂତ୍ରମାଲାସ୍ତୋତ୍ରମ୍ ॥
ବାରମ୍ବାର ପଚରାଯାଉଥିବା ପ୍ରଶ୍ନ
What is ମହା ଗଣପତି ମୂଲ ମଂତ୍ରାଃ (ପାଦ ମାଲା ସ୍ତୋତ୍ରମ୍)?
ମହା ଗଣପତି ମୂଲ ମଂତ୍ରାଃ (ପାଦ ମାଲା ସ୍ତୋତ୍ରମ୍) is a Ganesha Stotrams available on Bhakti Granth in the selected language or script.
Which language or script is this version in?
This edition is published in Odia. Use the language selector to view another available edition.
Can I read ମହା ଗଣପତି ମୂଲ ମଂତ୍ରାଃ (ପାଦ ମାଲା ସ୍ତୋତ୍ରମ୍) online?
Yes. The imported text is available directly on this page for online reading and recitation.
Can I download ମହା ଗଣପତି ମୂଲ ମଂତ୍ରାଃ (ପାଦ ମାଲା ସ୍ତୋତ୍ରମ୍) as a PDF?
If a verified PDF resource was found on the source page, a PDF download button is automatically connected to this page.
How can I share this page?
Use Copy Link, WhatsApp or Facebook in the sticky sharing bar provided by the Bhakti Granth theme.
Are there related devotional texts on Bhakti Granth?
Yes. The Bhakti Granth theme automatically connects texts through language and topic relationships to strengthen navigation and topical coverage.