ଗଣପତି ନିତ୍ୟ ପୂଜା ଵିଧାନମ୍

ଆଵଶ୍ୟକାନି ଵସ୍ତୂନି
– ଆସନଂ
– ଦୀପଃ
– ଗଂଧଃ
– କୁଂକୁମଂ
– ଅକ୍ଷତାଃ
– ପୁଷ୍ପାଣି
– ଧୂପଃ
– ନୈଵେଦ୍ୟଂ
– ତାଂବୂଲଂ
– ଆଚମନୀୟଂ
– ପୂଜା ପାତ୍ରଂ
– କଲଶଃ
– ଶଂଖଃ [optional]
– ଗଣପତି ପ୍ରତିମା ଵା ଚିତ୍ରପଟଃ ଵା

ପୂର୍ଵାଂଗ ପୂଜା
ଶ୍ରୀମହାଗଣାଧିପତୟେ ନମଃ ।
ଶ୍ରୀ ଗୁରୁଭ୍ୟୋ ନମଃ ।
ହରିଃ ଓମ୍ ।

ଶୁଚିଃ
ଅପଵିତ୍ରଃ ପଵିତ୍ରୋ ଵା ସର୍ଵାଵସ୍ଥାଂ ଗତୋଽପି ଵା ।
ୟଃ ସ୍ମରେତ୍ ପୁଂଡରୀକାକ୍ଷଂ ସ ବାହ୍ୟାଭ୍ୟଂତରଃ ଶୁଚିଃ ॥
ପୁଂଡରୀକାକ୍ଷ ପୁଂଡରୀକାକ୍ଷ ପୁଂଡରୀକାକ୍ଷାୟ ନମଃ ॥

ପ୍ରାର୍ଥନା
ଶୁକ୍ଲାଂବରଧରଂ ଵିଷ୍ଣୁଂ ଶଶିଵର୍ଣଂ ଚତୁର୍ଭୁଜମ୍ ।
ପ୍ରସନ୍ନଵଦନଂ ଧ୍ୟାୟେତ୍ ସର୍ଵଵିଘ୍ନୋପଶାଂତୟେ ॥

ଅଗଜାନନ ପଦ୍ମାର୍କଂ ଗଜାନନମହର୍ନିଶମ୍ ।
ଅନେକଦଂ ତଂ ଭକ୍ତାନାଂ ଏକଦଂତମୁପାସ୍ମହେ ॥

ତଦେଵ ଲଗ୍ନଂ ସୁଦିନଂ ତଦେଵ
ତାରାବଲଂ ଚଂଦ୍ରବଲଂ ତଦେଵ ।
ଵିଦ୍ୟାବଲଂ ଦୈଵବଲଂ ତଦେଵ
ଲକ୍ଷ୍ମୀପତେ ତେଽଂଘ୍ରିୟୁଗଂ ସ୍ମରାମି ॥

ଗୁରୁର୍ବ୍ରହ୍ମା ଗୁରୁର୍ଵିଷ୍ଣୁଃ ଗୁରୁର୍ଦେଵୋ ମହେଶ୍ଵରଃ ।
ଗୁରୁଃ ସାକ୍ଷାତ୍ ପରବ୍ରହ୍ମ ତସ୍ମୈ ଶ୍ରୀଗୁରଵେ ନମଃ ॥

ସର୍ଵମଂଗଳ ମାଂଗଳ୍ୟେ ଶିଵେ ସର୍ଵାର୍ଥସାଧିକେ ।
ଶରଣ୍ୟେ ତ୍ର୍ୟଂବକେ ଗୌରୀ ନାରାୟଣି ନମୋଽସ୍ତୁ ତେ ॥

ଶ୍ରୀଲକ୍ଷ୍ମୀନାରାୟଣାଭ୍ୟାଂ ନମଃ ।
ଉମାମହେଶ୍ଵରାଭ୍ୟାଂ ନମଃ ।
ଵାଣୀହିରଣ୍ୟଗର୍ଭାଭ୍ୟାଂ ନମଃ ।
ଶଚୀପୁରଂଦରାଭ୍ୟାଂ ନମଃ ।
ଅରୁଂଧତୀଵସିଷ୍ଠାଭ୍ୟାଂ ନମଃ ।
ଶ୍ରୀସୀତାରାମାଭ୍ୟାଂ ନମଃ ।
ମାତାପିତୃଭ୍ୟୋ ନମଃ ।
ସର୍ଵେଭ୍ୟୋ ମହାଜନେଭ୍ୟୋ ନମଃ ।

ଆଚମନଂ
ଓଂ କେଶଵାୟ ସ୍ଵାହା ।
ଓଂ ନାରାୟଣାୟ ସ୍ଵାହା ।
ଓଂ ମାଧଵାୟ ସ୍ଵାହା ।
ଓଂ ଗୋଵିଂଦାୟ ନମଃ ।
ଓଂ ଵିଷ୍ଣଵେ ନମଃ ।
ଓଂ ମଧୁସୂଦନାୟ ନମଃ ।
ଓଂ ତ୍ରିଵିକ୍ରମାୟ ନମଃ ।
ଓଂ ଵାମନାୟ ନମଃ ।
ଓଂ ଶ୍ରୀଧରାୟ ନମଃ ।
ଓଂ ହୃଷୀକେଶାୟ ନମଃ ।
ଓଂ ପଦ୍ମନାଭାୟ ନମଃ ।
ଓଂ ଦାମୋଦରାୟ ନମଃ ।
ଓଂ ସଂକର୍ଷଣାୟ ନମଃ ।
ଓଂ ଵାସୁଦେଵାୟ ନମଃ ।
ଓଂ ପ୍ରଦ୍ୟୁମ୍ନାୟ ନମଃ ।
ଓଂ ଅନିରୁଦ୍ଧାୟ ନମଃ ।
ଓଂ ପୁରୁଷୋତ୍ତମାୟ ନମଃ ।
ଓଂ ଅଧୋକ୍ଷଜାୟ ନମଃ ।
ଓଂ ନାରସିଂହାୟ ନମଃ ।
ଓଂ ଅଚ୍ୟୁତାୟ ନମଃ ।
ଓଂ ଜନାର୍ଦନାୟ ନମଃ ।
ଓଂ ଉପେଂଦ୍ରାୟ ନମଃ ।
ଓଂ ହରୟେ ନମଃ ।
ଓଂ ଶ୍ରୀକୃଷ୍ଣାୟ ନମଃ ।

ଦୀପାରାଧନମ୍
ଦୀପସ୍ତ୍ଵଂ ବ୍ରହ୍ମରୂପୋଽସି ଜ୍ୟୋତିଷାଂ ପ୍ରଭୁରଵ୍ୟୟଃ ।
ସୌଭାଗ୍ୟଂ ଦେହି ପୁତ୍ରାଂଶ୍ଚ ସର୍ଵାନ୍କାମାଂଶ୍ଚ ଦେହି ମେ ॥
ଭୋ ଦୀପ ଦେଵି ରୂପସ୍ତ୍ଵଂ କର୍ମସାକ୍ଷୀ ହ୍ୟଵିଘ୍ନକୃତ୍ ।
ୟାଵତ୍ପୂଜାଂ କରିଷ୍ୟାମି ତାଵତ୍ତ୍ଵଂ ସୁସ୍ଥିରୋ ଭଵ ॥
ଦୀପାରାଧନ ମୁହୂର୍ତଃ ସୁମୁହୂର୍ତୋଽସ୍ତୁ ॥

ଭୂତୋଚ୍ଚାଟନମ୍
ଉତ୍ତିଷ୍ଠଂତୁ ଭୂତପିଶାଚାଃ ୟ ଏତେ ଭୂମିଭାରକାଃ ।
ଏତେଷାମଵିରୋଧେନ ବ୍ରହ୍ମକର୍ମ ସମାରଭେ ॥
ଅପସର୍ପଂତୁ ତେ ଭୂତା ୟେ ଭୂତା ଭୂମିସଂସ୍ଥିତାଃ ।
ୟେ ଭୂତା ଵିଘ୍ନକର୍ତାରସ୍ତେ ଗଚ୍ଛଂତୁ ଶିଵାଽଜ୍ଞୟା ॥

ପ୍ରାଣାୟାମଃ

ଓଂ ଭୂଃ । ଓଂ ଭୁଵଃ⁠॑ । ଓଗ୍​ମ୍ ସୁଵଃ⁠॑ । ଓଂ ମହଃ⁠॑ । ଓଂ ଜନଃ⁠॑ । ଓଂ ତପଃ⁠॑ । ଓଗ୍​ମ୍ ସତ୍ୟମ୍ ।
ଓଂ ତତ୍ସ⁠॑ଵି⁠॒ତୁର୍ଵରେ⁠᳚ଣ୍ୟଂ⁠॒ ଭର୍ଗୋ⁠॑ ଦେ⁠॒ଵସ୍ୟ⁠॑ ଧୀମହି ।
ଧିୟୋ⁠॒ ୟୋ ନଃ⁠॑ ପ୍ରଚୋ⁠॒ଦୟା⁠᳚ତ୍ ॥
ଓମାପୋ⁠॒ ଜ୍ୟୋତୀ⁠॒ ରସୋ⁠॒ଽମୃତଂ⁠॒ ବ୍ରହ୍ମ⁠॒ ଭୂର୍ଭୁଵ⁠॒ସ୍ସୁଵ⁠॒ରୋମ୍ ॥

ସଂକଲ୍ପଃ
ମମ ଉପାତ୍ତ ସମସ୍ତ ଦୁରିତକ୍ଷୟ ଦ୍ଵାରା ଶ୍ରୀପରମେଶ୍ଵର ପ୍ରୀତ୍ୟର୍ଥଂ, ମମ/ଅସ୍ମାକଂ ସହକୁଟୁଂବସ୍ୟ କ୍ଷେମ-ସ୍ଥୈର୍ୟ-ଧୈର୍ୟ-ଵୀର୍ୟ-ଵିଜୟ-ଅଭୟ-ଆୟୁଃ-ଆରୋଗ୍ୟ-ଐଶ୍ଵର୍ୟ-ଅଭିଵୃଦ୍ଧ୍ୟର୍ଥଂ, ଧର୍ମାର୍ଥ-କାମ-ମୋକ୍ଷ-ଚତୁର୍ଵିଧ-ପୁରୁଷାର୍ଥ-ଫଲ-ସିଦ୍ଧ୍ୟର୍ଥଂ, ସର୍ଵାଭୀଷ୍ଟ-ସିଦ୍ଧ୍ୟର୍ଥଂ, ଶ୍ରୀମହାଗଣପତି-ପ୍ରୀତ୍ୟର୍ଥଂ, ୟାଵଚ୍ଛକ୍ତି ଧ୍ୟାନ-ଆଵାହନାଦି-ଷୋଡଶୋପଚାର-ପୂଜାଂ କରିଷ୍ୟେ ॥

ତଦଂଗ କଲଶାରାଧନଂ କରିଷ୍ୟେ ॥

କଲଶାରାଧନମ୍
କଲଶେ ଗଂଧ ପୁଷ୍ପାକ୍ଷତୈରଭ୍ୟର୍ଚ୍ୟ ।
କଲଶେ ଉଦକଂ ପୂରୟିତ୍ଵା ।
କଲଶସ୍ୟୋପରି ହସ୍ତଂ ନିଧାୟ ।

କଲଶସ୍ୟ ମୁଖେ ଵିଷ୍ଣୁଃ କଂଠେ ରୁଦ୍ରଃ ସମାଶ୍ରିତଃ ।
ମୂଲେ ତ୍ଵସ୍ୟ ସ୍ଥିତୋ ବ୍ରହ୍ମା ମଧ୍ୟେ ମାତୃଗଣାଃ ସ୍ମୃତାଃ ॥
କୁକ୍ଷୌ ତୁ ସାଗରାଃ ସର୍ଵେ ସପ୍ତଦ୍ଵୀପା ଵସୁଂଧରା ।
ଋଗ୍ଵେଦୋଽଥ ୟଜୁର୍ଵେଦୋ ସାମଵେଦୋ ହ୍ୟଥର୍ଵଣଃ ॥
ଅଂଗୈଶ୍ଚ ସହିତାଃ ସର୍ଵେ କଲଶାଂବୁ ସମାଶ୍ରିତାଃ ॥

ଗଂଗେ ଚ ୟମୁନେ ଚୈଵ ଗୋଦାଵରୀ ସରସ୍ଵତୀ ।
ନର୍ମଦେ ସିଂଧୁ କାଵେରୀ ଜଲେଽସ୍ମିନ୍ ସନ୍ନିଧିଂ କୁରୁ ॥
କାଵେରୀ ତୁଂଗଭଦ୍ରା ଚ କୃଷ୍ଣଵେଣୀ ଚ ଗୌତମୀ ।
ଭାଗୀରଥୀତି ଵିଖ୍ୟାତାଃ ପଂଚଗଂଗାଃ ପ୍ରକୀର୍ତିତାଃ ॥

ଆୟାଂତୁ ଦେଵପୂଜାର୍ଥଂ ମମ ଦୁରିତକ୍ଷୟକାରକାଃ ।
କଲଶୋଦକେନ ପୂଜା ଦ୍ରଵ୍ୟାଣି ସଂପ୍ରୋକ୍ଷ୍ୟ, ଦେଵଂ ସଂପ୍ରୋକ୍ଷ୍ୟ, ଆତ୍ମାନଂ ଚ ସଂପ୍ରୋକ୍ଷ୍ୟ ॥

ଶଂଖପୂଜା
ଶଂଖଂ ଚଂଦ୍ରାର୍କ ଦୈଵତଂ ମଧ୍ୟେ ଵରୁଣ ଦେଵତାମ୍ ।
ପୃଷ୍ଠେ ପ୍ରଜାପତିଂ ଵିଂଦ୍ୟାଦଗ୍ରେ ଗଂଗା ସରସ୍ଵତୀମ୍ ॥
ତ୍ରୈଲୋକ୍ୟେ ୟାନି ତୀର୍ଥାନି ଵାସୁଦେଵସ୍ୟ ଆଜ୍ଞୟା ।
ଶଂଖେ ତିଷ୍ଠଂତୁ ଵିପ୍ରେଂଦ୍ରାଃ ତସ୍ମାତ୍ ଶଂଖଂ ପ୍ରପୂଜୟେତ୍ ॥

ଓଂ ଶଂଖାୟ ନମଃ ।
ଓଂ ଧଵଳାୟ ନମଃ ।
ଓଂ ପାଂଚଜନ୍ୟାୟ ନମଃ ।
ଓଂ ଶଂଖଦେଵତାଭ୍ୟୋ ନମଃ ।
ସକଲପୂଜାର୍ଥେ ଅକ୍ଷତାନ୍ ସମର୍ପୟାମି ॥

ଘଂଟାନାଦଃ
ଆଗମାର୍ଥଂ ତୁ ଦେଵାନାଂ ଗମନାର୍ଥଂ ତୁ ରାକ୍ଷସାମ୍ ।
ଘଂଟାରଵଂ କରୋମ୍ୟାଦୌ ଦେଵତାହ୍ଵାନ ଲାଂଛନମ୍ ॥
ଓଂ ଘଂଟାଦେଵତାଭ୍ୟୋ ନମଃ ।
ସକଲୋପଚାର ପୂଜାର୍ଥେ ଅକ୍ଷତାନ୍ ସମର୍ପୟାମି ॥

ଶ୍ରୀ ମହାଗଣପତି ପୂଜା

ଓଂ ଗ⁠॒ଣାନାଂ⁠᳚ ତ୍ଵା ଗ⁠॒ଣପ⁠॑ତିଗ୍​ମ୍ ହଵାମହେ କ⁠॒ଵିଂ କ⁠॑ଵୀ⁠॒ନାଂ ଉପ⁠॒ମଶ୍ର⁠॑ଵସ୍ତଵମ୍ ।
ଜ୍ୟେ⁠॒ଷ୍ଠ⁠॒ରାଜଂ⁠॒ ବ୍ରହ୍ମ⁠॑ଣାଂ ବ୍ରହ୍ମଣସ୍ପତ⁠॒ ଆ ନଃ⁠॑ ଶୃ⁠॒ଣ୍ଵନ୍ନୂ⁠॒ତିଭି⁠॑ସ୍ସୀଦ⁠॒ ସାଦ⁠॑ନମ୍ ॥

ସୁମୁଖଶ୍ଚୈକଦଂତଶ୍ଚ କପିଲୋ ଗଜକର୍ଣକଃ ।
ଲଂବୋଦରଶ୍ଚ ଵିକଟୋ ଵିଘ୍ନରାଜୋ ଗଣାଧିପଃ ॥
ଧୂମକେତୁର୍ଗଣାଧ୍ୟକ୍ଷଃ ଫାଲଚଂଦ୍ରୋ ଗଜାନନଃ ।
ଵକ୍ରତୁଂଡଃ ଶୂର୍ପକର୍ଣୋ ହେରଂବଃ ସ୍କଂଦପୂର୍ଵଜଃ ॥

ଓଂ ଶ୍ରୀମହାଗଣପତୟେ ନମଃ ।
ଧ୍ୟାୟାମି । ଆଵାହୟାମି । ଆସନଂ ସମର୍ପୟାମି ।
ପାଦ୍ୟଂ ସମର୍ପୟାମି । ଅର୍ଘ୍ୟଂ ସମର୍ପୟାମି । ଆଚମନୀୟଂ ସମର୍ପୟାମି ।
ସ୍ନାନଂ ସମର୍ପୟାମି । ଵସ୍ତ୍ରଂ ସମର୍ପୟାମି । ୟଜ୍ଞୋପଵୀତଂ ସମର୍ପୟାମି ।
ଗଂଧଂ ସମର୍ପୟାମି । ପୁଷ୍ପାଣି ସମର୍ପୟାମି ।
ଧୂପମାଘ୍ରାପୟାମି । ଦୀପଂ ଦର୍ଶୟାମି ।
ନୈଵେଦ୍ୟଂ ସମର୍ପୟାମି । ତାଂବୂଲଂ ସମର୍ପୟାମି ।
ନୀରାଜନଂ ସମର୍ପୟାମି । ମଂତ୍ରପୁଷ୍ପଂ ସମର୍ପୟାମି ।
ପ୍ରଦକ୍ଷିଣ ନମସ୍କାରାନ୍ ସମର୍ପୟାମି ॥

ଷୋଡଶୋପଚାର ପୂଜା
ଗଣପତି ଧ୍ୟାନମ୍

ଓଂ ଗ⁠॒ଣାନାଂ⁠᳚ ତ୍ଵା ଗ⁠॒ଣପ⁠॑ତିଗ୍​ମ୍ ହଵାମହେ କ⁠॒ଵିଂ କ⁠॑ଵୀ⁠॒ନାଂ ଉପ⁠॒ମଶ୍ର⁠॑ଵସ୍ତଵମ୍ ।
ଜ୍ୟେ⁠॒ଷ୍ଠ⁠॒ରାଜଂ⁠॒ ବ୍ରହ୍ମ⁠॑ଣାଂ ବ୍ରହ୍ମଣସ୍ପତ⁠॒ ଆ ନଃ⁠॑ ଶୃ⁠॒ଣ୍ଵନ୍ନୂ⁠॒ତିଭି⁠॑ସ୍ସୀଦ⁠॒ ସାଦ⁠॑ନମ୍ ॥


ଏକଦଂ⁠॒ତାୟ⁠॑ ଵି⁠॒ଦ୍ମହେ⁠॑ ଵକ୍ରତୁଂ⁠॒ଡାୟ⁠॑ ଧୀମହି ।
ତନ୍ନୋ⁠॑ ଦଂତିଃ ପ୍ରଚୋ⁠॒ଦୟା⁠᳚ତ୍ ॥

ଏକଦଂତଂ ଚତୁର୍ହସ୍ତଂ ପାଶମଂକୁଶଧାରିଣମ୍ ।
ରଦଂ ଚ ଵରଦଂ ହସ୍ତୈର୍ବିଭ୍ରାଣଂ ମୂଷକଧ୍ଵଜମ୍ ॥
ରକ୍ତଂ ଲଂବୋଦରଂ ଶୂର୍ପକର୍ଣକଂ ରକ୍ତଵାସସମ୍ ।
ରକ୍ତଗଂଧାନୁଲିପ୍ତାଂଗଂ ରକ୍ତପୁଷ୍ପୈଃ ସୁପୂଜିତମ୍ ॥
ଭକ୍ତାନୁକଂପିନଂ ଦେଵଂ ଜଗତ୍କାରଣମଚ୍ୟୁତମ୍ ।
ଆଵିର୍ଭୂତଂ ଚ ସୃଷ୍ଟ୍ୟାଦୌ ପ୍ରକୃତେଃ ପୁରୁଷାତ୍ପରମ୍ ॥
ଏଵଂ ଧ୍ୟାୟତି ୟୋ ନିତ୍ୟଂ ସ ୟୋଗୀ ୟୋଗିନାଂ ଵରଃ ॥

ଚତୁର୍ବାହୁଂ ତ୍ରିନେତ୍ରଂ ଚ ଗଜାସ୍ୟଂ ରକ୍ତଵର୍ଣକମ୍ ।
ପାଶାଂକୁଶାଦି ସଂୟୁକ୍ତଂ ମାୟାୟୁକ୍ତଂ ପ୍ରଚିଂତୟେତ୍ ॥

ଓଂ ଶ୍ରୀମହାଗଣପତୟେ ନମଃ ।
ଧ୍ୟାୟାମି । ଧ୍ୟାନଂ ସମର୍ପୟାମି ॥

ଆଵାହନମ୍
ଆଗଚ୍ଛ ବ୍ରହ୍ମଣାଂ ନାଥ ସୁରାସୁରଵରାର୍ଚିତ ।
ସିଦ୍ଧିବୁଦ୍ଧ୍ୟାଦି ସଂୟୁକ୍ତ ଭକ୍ତିଗ୍ରହଣ ଲାଲସ ॥
ଓଂ ଶ୍ରୀମହାଗଣପତୟେ ନମଃ ।
ଆଵାହୟାମି । ସ୍ଥାପୟାମି । ପୂଜୟାମି ॥

ଆସନମ୍
ରତ୍ନସିଂହାସନଂ ସ୍ଵାମିନ୍ ଗୃହାଣ ଗଣନାୟକ ।
ତତ୍ରୋପଵିଶ୍ୟ ଵିଘ୍ନେଶ ରକ୍ଷ ଭକ୍ତାନ୍ଵିଶେଷତଃ ॥
ଓଂ ଶ୍ରୀମହାଗଣପତୟେ ନମଃ ।
ଆସନଂ ସମର୍ପୟାମି ॥

ପାଦ୍ୟମ୍
ସୁଵାସିତାଭିରଦ୍ଭିଶ୍ଚ ପାଦପ୍ରକ୍ଷାଲନଂ ପ୍ରଭୋ ।
ଶୀତୋଷ୍ଣାଂଭଃ କରୋମି ତେ ଗୃହାଣ ପାଦ୍ୟମୁତ୍ତମମ୍ ॥
ଓଂ ଶ୍ରୀମହାଗଣପତୟେ ନମଃ ।
ପାଦୟୋଃ ପାଦ୍ୟଂ ସମର୍ପୟାମି ॥

ଅର୍ଘ୍ୟମ୍
ରତ୍ନପ୍ରଵାଲମୁକ୍ତାଦ୍ୟୈରନର୍ଘ୍ୟୈଃ ସଂସ୍କୃତଂ ପ୍ରଭୋ ।
ଅର୍ଘ୍ୟଂ ଗୃହାଣ ହେରଂବ ଦ୍ଵିରଦାନନ ତୋଷକମ୍ ॥
ଓଂ ଶ୍ରୀମହାଗଣପତୟେ ନମଃ ।
ହସ୍ତୟୋଃ ଅର୍ଘ୍ୟଂ ସମର୍ପୟାମି ॥

ଆଚମନୀୟମ୍
ସର୍ଵତୀର୍ଥାହୃତଂ ତୋୟଂ ସୁଵାସିତଂ ସୁଵସ୍ତୁଭିଃ ।
ଆଚମନଂ ଚ ତେନୈଵ କୁରୁଷ୍ଵ ଗଣନାୟକ ॥
ଓଂ ଶ୍ରୀମହାଗଣପତୟେ ନମଃ ।
ମୁଖେ ଆଚମନୀୟଂ ସମର୍ପୟାମି ॥

ସ୍ନାନମ୍

ଆପୋ⁠॒ ହିଷ୍ଠା ମ⁠॑ୟୋ⁠॒ଭୁଵ⁠॒ସ୍ତା ନ⁠॑ ଊ⁠॒ର୍ଜେ ଦ⁠॑ଧାତନ ।
ମ⁠॒ହେ ରଣା⁠॑ୟ⁠॒ ଚକ୍ଷ⁠॑ସେ ॥
ୟୋ ଵଃ⁠॑ ଶି⁠॒ଵତ⁠॑ମୋ ରସ⁠॒ସ୍ତସ୍ୟ⁠॑ ଭାଜୟତେ⁠॒ହ ନଃ⁠॑ ।
ଉ⁠॒ଶ⁠॒ତୀରି⁠॑ଵ ମା⁠॒ତ⁠॑ରଃ ॥
ତସ୍ମା⁠॒ ଅରଂ⁠॑ ଗମାମ ଵୋ⁠॒ ୟସ୍ୟ⁠॒ କ୍ଷୟା⁠॑ୟ⁠॒ ଜିନ୍ଵ⁠॑ଥ ।
ଆପୋ⁠॑ ଜ⁠॒ନୟ⁠॑ଥା ଚ ନଃ ॥

ଓଂ ଶ୍ରୀମହାଗଣପତୟେ ନମଃ ।
ଶୁଦ୍ଧୋଦକ ସ୍ନାନଂ ସମର୍ପୟାମି ॥
ସ୍ନାନାନଂତରଂ ଆଚମନୀୟଂ ସମର୍ପୟାମି ॥

ଵସ୍ତ୍ରମ୍
ଵସ୍ତ୍ରୟୁଗ୍ମଂ ଗୃହାଣ ତ୍ଵମନର୍ଘଂ ରକ୍ତଵର୍ଣକମ୍ ।
ଲୋକଲଜ୍ଜାହରଂ ଚୈଵ ଵିଘ୍ନନାଥ ନମୋଽସ୍ତୁ ତେ ॥
ଓଂ ଶ୍ରୀମହାଗଣପତୟେ ନମଃ ।
ଵସ୍ତ୍ରଂ ସମର୍ପୟାମି ॥

ୟଜ୍ଞୋପଵୀତମ୍
ୟଜ୍ଞୋପଵୀତଂ ପରମଂ ପଵିତ୍ରଂ ପ୍ରଜାପତେର୍ୟତ୍ସହଜଂ ପୁରସ୍ତାତ୍ ।
ଆୟୁଷ୍ୟମଗ୍ର୍ୟଂ ପ୍ରତିମୁଂଚ ଶୁଭ୍ରଂ ୟଜ୍ଞୋପଵୀତଂ ବଲମସ୍ତୁ ତେଜଃ ॥
ଓଂ ଶ୍ରୀମହାଗଣପତୟେ ନମଃ ।
ୟଜ୍ଞୋପଵୀତଂ ସମର୍ପୟାମି ॥

ଗଂଧମ୍
ରକ୍ତ ଚଂଦନ ସଂୟୁକ୍ତଂ ଗଂଧଂ ଗଣେସ ଗୃହ୍ୟତାମ୍ ।
ଭକ୍ତ୍ୟା ସମର୍ପିତଂ ତୁଭ୍ୟଂ ସର୍ଵସଂପତ୍ତିପ୍ରଦାୟକମ୍ ॥
ଓଂ ଶ୍ରୀମହାଗଣପତୟେ ନମଃ ।
ଗଂଧଂ ସମର୍ପୟାମି ॥

ଅର୍ଚନ
ଅକ୍ଷତାନ୍ ଧଵଳାନ୍ ଦିଵ୍ୟାନ୍ ପୁଷ୍ପାଣି ଚ ସୁଗଂଧୀନି ।
ଭକ୍ତ୍ୟା ଦତ୍ତାନି ଗୃହ୍ୟଂତାଂ ସର୍ଵଦେଵାଃ ପ୍ରସୀଦତ ॥

ଅଂଗ ପୂଜା
ଓଂ ସୁମୁଖାୟ ନମଃ – ପାଦୌ ପୂଜୟାମି ।
ଓଂ ଏକଦଂତାୟ ନମଃ – ଗୁଲ୍ଫୌ ପୂଜୟାମି ।
ଓଂ କପିଲାୟ ନମଃ – ଜାନୁନୀ ପୂଜୟାମି ।
ଓଂ ଗଜକର୍ଣକାୟ ନମଃ – ଊରୂ ପୂଜୟାମି ।
ଓଂ ଲଂବୋଦରାୟ ନମଃ – ଉଦରଂ ପୂଜୟାମି ।
ଓଂ ଵିକଟାୟ ନମଃ – ହୃଦୟଂ ପୂଜୟାମି ।
ଓଂ ଵିଘ୍ନରାଜାୟ ନମଃ – କଂଠଂ ପୂଜୟାମି ।
ଓଂ ଗଣାଧିପାୟ ନମଃ – ସ୍କଂଧୌ ପୂଜୟାମି ।
ଓଂ ଧୂମକେତଵେ ନମଃ – ମୁଖଂ ପୂଜୟାମି ।
ଓଂ ଗଣାଧ୍ୟକ୍ଷାୟ ନମଃ – ନେତ୍ରେ ପୂଜୟାମି ।
ଓଂ ଫାଲଚଂଦ୍ରାୟ ନମଃ – ଲଲାଟଂ ପୂଜୟାମି ।
ଓଂ ଗଜାନନାୟ ନମଃ – ଶିରଃ ପୂଜୟାମି ।
ଓଂ ଵକ୍ରତୁଂଡାୟ ନମଃ – ସର୍ଵାଣ୍ୟଂଗାନି ପୂଜୟାମି ॥

[Recite the gaNESa aShTOttara Sata nAmAvaLI, or at least a few known names of Ganapati. Offer flowers or akshatas with each name.]

ଅଥଵା ଗଣପତି ନାମାଵଳୀ ପଠନମ୍ ॥

ଓଂ ଶ୍ରୀମହାଗଣପତୟେ ନମଃ ।
ଅଷ୍ଟୋତ୍ତର ଶତ ନାମାଵଳୀ ପୂଜାଂ ସମର୍ପୟାମି ।
ଅକ୍ଷତାନ୍ ପୁଷ୍ପାଣି ଚ ସମର୍ପୟାମି ॥

ଧୂପମ୍
ଦଶାଂଗଂ ଗୁଗ୍ଗୁଲୂପେତଂ ସୁଗଂଧଂ ସୁମନୋହରମ୍ ।
ଉମାସୁତ ନମସ୍ତୁଭ୍ୟଂ ଧୂପୋଽୟଂ ପ୍ରତିଗୃହ୍ୟତାମ୍ ॥
ଓଂ ଶ୍ରୀମହାଗଣପତୟେ ନମଃ ।
ଧୂପମାଘ୍ରାପୟାମି ॥

ଦୀପମ୍
ସାଜ୍ୟଂ ତ୍ରିଵର୍ତି ସଂୟୁକ୍ତଂ ଵହ୍ନିନା ୟୋଜିତଂ ପ୍ରିୟମ୍ ।
ଗୃହାଣ ମଂଗଳଂ ଦୀପଂ ଵିଘ୍ନରାଜ ନମୋଽସ୍ତୁ ତେ ॥
ଓଂ ଶ୍ରୀମହାଗଣପତୟେ ନମଃ ।
ଦୀପଂ ଦର୍ଶୟାମି ॥

ନୈଵେଦ୍ୟମ୍
ନୈଵେଦ୍ୟଂ ଗୃହ୍ୟତାଂ ଦେଵ ଭକ୍ତ୍ୟା ସଂପାଦିତଂ ମୟା ।
ଇଦଂ ଫଲଂ ଚ ପାନୀୟଂ ସର୍ଵୋପଚାର ସଂୟୁତମ୍ ॥

ଓଂ ଭୂର୍ଭୁଵ⁠॒ସ୍ସୁଵଃ⁠॒ । ତତ୍ସ⁠॑ଵି⁠॒ତୁର୍ଵରେ⁠᳚ଣ୍ୟଂ⁠॒ ଭର୍ଗୋ⁠॑ ଦେ⁠॒ଵସ୍ୟ⁠॑ ଧୀମହି ।
ଧି⁠॒ୟୋ ୟୋ ନଃ⁠॑ ପ୍ରଚୋ⁠॒ଦୟା⁠᳚ତ୍ ॥

ସତ୍ୟଂ ତ୍ଵା ଋତେନ ପରିଷିଂଚାମି ।
ଅମୃତମସ୍ତୁ । ଅମୃତୋପସ୍ତରଣମସି ।
ଓଂ ପ୍ରାଣାୟ ସ୍ଵାହା । ଓଂ ଅପାନାୟ ସ୍ଵାହା । ଓଂ ଵ୍ୟାନାୟ ସ୍ଵାହା ।
ଓଂ ଉଦାନାୟ ସ୍ଵାହା । ଓଂ ସମାନାୟ ସ୍ଵାହା ।
ମଧ୍ୟେ ମଧ୍ୟେ ପାନୀୟଂ ସମର୍ପୟାମି ।
ଅମୃତାପିଧାନମସି ।
ଉତ୍ତରାପୋଶନଂ ସମର୍ପୟାମି ।
ହସ୍ତୌ ପ୍ରକ୍ଷାଳୟାମି । ପାଦୌ ପ୍ରକ୍ଷାଳୟାମି ।
ଶୁଦ୍ଧାଚମନୀୟଂ ସମର୍ପୟାମି ॥

ଓଂ ଶ୍ରୀମହାଗଣପତୟେ ନମଃ ।
ନୈଵେଦ୍ୟଂ ସମର୍ପୟାମି ॥

ତାଂବୂଲମ୍
ଅଷ୍ଟାଂଗଂ ଦେଵ ତାଂବୂଲଂ ଗୃହାଣ ମୁଖଵାସନମ୍ ।
ଅସକୃଦ୍ଵିଘ୍ନରାଜ ତ୍ଵଂ ମୟା ଦତ୍ତଂ ଵିଶେଷତଃ ॥
ଓଂ ଶ୍ରୀମହାଗଣପତୟେ ନମଃ ।
ତାଂବୂଲଂ ସମର୍ପୟାମି ॥

ନୀରାଜନମ୍
ନାନାଦୀପସମାୟୁକ୍ତଂ ନୀରାଜନଂ ଗଜାନନ ।
ଗୃହାଣ ଭାଵ ସଂୟୁକ୍ତଂ ସର୍ଵାଜ୍ଞାନଵିନାଶନ ॥
ଓଂ ଶ୍ରୀମହାଗଣପତୟେ ନମଃ ।
ନୀରାଜନଂ ସମର୍ପୟାମି ॥

ମଂତ୍ରପୁଷ୍ପମ୍

ଓଂ ଗ⁠॒ଣାନାଂ⁠᳚ ତ୍ଵା ଗ⁠॒ଣପ⁠॑ତିଗ୍​ମ୍ ହଵାମହେ କ⁠॒ଵିଂ କ⁠॑ଵୀ⁠॒ନାଂ ଉପ⁠॒ମଶ୍ର⁠॑ଵସ୍ତଵମ୍ ।
ଜ୍ୟେ⁠॒ଷ୍ଠ⁠॒ରାଜଂ⁠॒ ବ୍ରହ୍ମ⁠॑ଣାଂ ବ୍ରହ୍ମଣସ୍ପତ⁠॒ ଆ ନଃ⁠॑ ଶୃ⁠॒ଣ୍ଵନ୍ନୂ⁠॒ତିଭି⁠॑ସ୍ସୀଦ⁠॒ ସାଦ⁠॑ନମ୍ ॥

ଚତୁର୍ଵେଦଭଵୈର୍ମଂତ୍ରୈର୍ଗାଣପତ୍ୟୈର୍ଗଜାନନ ।
ମଂତ୍ରିତାନି ଗୃହାଣ ତ୍ଵଂ ପୁଷ୍ପପତ୍ରାଣି ଵିଘ୍ନପ ॥
ଓଂ ଶ୍ରୀମହାଗଣପତୟେ ନମଃ ।
ମଂତ୍ରପୁଷ୍ପଂ ସମର୍ପୟାମି ॥

ପ୍ରଦକ୍ଷିଣମ୍
ଏକଵିଂଶତିସଂଖ୍ୟଂ ଵା ତ୍ରିସଂଖ୍ୟଂ ଵା ଗଜାନନ ।
ପ୍ରାଦକ୍ଷିଣ୍ୟଂ ଗୃହାଣ ତ୍ଵଂ ବ୍ରହ୍ମନ୍ ବ୍ରହ୍ମେଶଭାଵନ ॥
ଓଂ ଶ୍ରୀମହାଗଣପତୟେ ନମଃ ।
ପ୍ରଦକ୍ଷିଣ ନମସ୍କାରାନ୍ ସମର୍ପୟାମି ॥

ନମସ୍କାରଃ
ଉରସା ଶିରସା ଦୃଷ୍ଟ୍ୟା ମନସା ଵଚସା ତଥା ।
ପଦ୍ଭ୍ୟାଂ କରାଭ୍ୟାଂ କର୍ଣାଭ୍ୟାଂ ପ୍ରଣାମୋଽଷ୍ଟାଂଗ ଉଚ୍ୟତେ ॥
ଓଂ ଶ୍ରୀମହାଗଣପତୟେ ନମଃ ।
ନମସ୍କାରାନ୍ ସମର୍ପୟାମି ॥

ସର୍ଵୋପଚାରାଃ
ଓଂ ଶ୍ରୀମହାଗଣପତୟେ ନମଃ ।
ଛତ୍ରଂ ସମର୍ପୟାମି ।
ଚାମରଂ ସମର୍ପୟାମି ।
ଗୀତଂ ଶ୍ରାଵୟାମି ।
ନୃତ୍ୟଂ ଦର୍ଶୟାମି ।
ସମସ୍ତ ରାଜୋପଚାରାନ୍ ଦେଵୋପଚାରାନ୍ ସମର୍ପୟାମି ॥

ସ୍ତୋତ୍ର/ସୂକ୍ତ ପଠନମ୍

କ୍ଷମାପ୍ରାର୍ଥନା
ଅପରାଧାନସଂଖ୍ୟାତାନ୍ କ୍ଷମସ୍ଵ ଗଣନାୟକ ।
ଭକ୍ତଂ କୁରୁ ଚ ମାଂ ଢୁଂଢେ ତଵ ପାଦପ୍ରିୟଂ ସଦା ॥

କାୟେନ ଵାଚା ମନସେଂଦ୍ରିୟୈର୍ଵା
ବୁଦ୍ଧ୍ୟାତ୍ମନା ଵା ପ୍ରକୃତେଃ ସ୍ଵଭାଵାତ୍ ।
କରୋମି ୟଦ୍ୟତ୍ ସକଲଂ ପରସ୍ମୈ
ନାରାୟଣାୟେତି ସମର୍ପୟାମି ॥

ଅନୟା ଧ୍ୟାନ-ଆଵାହନାଦି-ଷୋଡଶୋପଚାର ପୂଜୟା ଶ୍ରୀମହାଗଣପତିଃ ସୁପ୍ରୀତଃ ସୁପ୍ରସନ୍ନଃ ଵରଦୋ ଭଵତୁ ॥

ଉଦ୍ଵାସନମ୍
ଓଂ ଶ୍ରୀମହାଗଣପତୟେ ନମଃ ।
ୟଥାସ୍ଥାନଂ ଉଦ୍ଵାସୟାମି ।
ଶୋଭନାର୍ଥେ କ୍ଷେମାୟ ପୁନରାଗମନାୟ ଚ ॥

ପ୍ରସାଦ ଗ୍ରହଣମ୍
ଅକାଲମୃତ୍ୟୁହରଣଂ ସର୍ଵଵ୍ୟାଧିନିଵାରଣମ୍ ।
ସମସ୍ତପାପକ୍ଷୟକରଂ ଦେଵତା ପାଦୋଦକଂ ଶୁଭମ୍ ॥

ଶ୍ରୀମହାଗଣପତି ପ୍ରସାଦଂ ଶିରସା ଗୃହ୍ଣାମି ॥

ଓଂ ଶାଂତିଃ ଶାଂତିଃ ଶାଂତିଃ ॥

ଓଂ ତତ୍ସତ୍ ବ୍ରହ୍ମାର୍ପଣମସ୍ତୁ ॥