ശ്രീ ദുര്ഗാ സഹസ്ര നാമ സ്തോത്രമ്

॥ അഥ ശ്രീ ദുര്ഗാ സഹസ്രനാമസ്തോത്രമ് ॥

നാരദ ഉവാച –
കുമാര ഗുണഗംഭീര ദേവസേനാപതേ പ്രഭോ ।
സർവാഭീഷ്ടപ്രദം പുംസാം സർവപാപപ്രണാശനമ് ॥ 1॥

ഗുഹ്യാദ്ഗുഹ്യതരം സ്തോത്രം ഭക്തിവര്ധകമംജസാ ।
മംഗലം ഗ്രഹപീഡാദിശാംതിദം വക്തുമര്ഹസി ॥ 2॥

സ്കംദ ഉവാച –
ശൃണു നാരദ ദേവര്ഷേ ലോകാനുഗ്രഹകാമ്യയാ ।
യത്പൃച്ഛസി പരം പുണ്യം തത്തേ വക്ഷ്യാമി കൌതുകാത് ॥ 3॥

മാതാ മേ ലോകജനനീ ഹിമവന്നഗസത്തമാത് ।
മേനായാം ബ്രഹ്മവാദിന്യാം പ്രാദുര്ഭൂതാ ഹരപ്രിയാ ॥ 4॥

മഹതാ തപസാഽഽരാധ്യ ശംകരം ലോകശംകരമ് ।
സ്വമേവ വല്ലഭം ഭേജേ കലേവ ഹി കലാനിധിമ് ॥ 5॥

നഗാനാമധിരാജസ്തു ഹിമവാന് വിരഹാതുരഃ ।
സ്വസുതായാഃ പരിക്ഷീണേ വസിഷ്ഠേന പ്രബോധിതഃ ॥ 6॥

ത്രിലോകജനനീ സേയം പ്രസന്നാ ത്വയി പുണ്യതഃ ।
പ്രാദുര്ഭൂതാ സുതാത്വേന തദ്വിയോഗം ശുഭം ത്യജ ॥ 7॥

ബഹുരൂപാ ച ദുര്ഗേയം ബഹുനാമ്നീ സനാതനീ ।
സനാതനസ്യ ജായാ സാ പുത്രീമോഹം ത്യജാധുനാ ॥ 8॥

ഇതി പ്രബോധിതഃ ശൈലഃ താം തുഷ്ടാവ പരാം ശിവാമ് ।
തദാ പ്രസന്നാ സാ ദുര്ഗാ പിതരം പ്രാഹ നംദിനീ ॥ 9॥

മത്പ്രസാദാത്പരം സ്തോത്രം ഹൃദയേ പ്രതിഭാസതാമ് ।
തേന നാമ്നാം സഹസ്രേണ പൂജയന് കാമമാപ്നുഹി ॥ 10॥

ഇത്യുക്ത്വാംതര്ഹിതായാം തു ഹൃദയേ സ്ഫുരിതം തദാ ।
നാമ്നാം സഹസ്രം ദുര്ഗായാഃ പൃച്ഛതേ മേ യദുക്തവാന് ॥ 11॥

മംഗലാനാം മംഗലം തദ് ദുര്ഗാനാമ സഹസ്രകമ് ।
സർവാഭീഷ്ടപ്രദാം പുംസാം ബ്രവീമ്യഖിലകാമദമ് ॥ 12॥

ദുര്ഗാദേവീ സമാഖ്യാതാ ഹിമവാനൃഷിരുച്യതേ ।
ഛംദോനുഷ്ടുപ് ജപോ ദേവ്യാഃ പ്രീതയേ ക്രിയതേ സദാ ॥ 13॥

അസ്യ ശ്രീദുര്ഗാസ്തോത്രമഹാമംത്രസ്യ । ഹിമവാന് ഋഷിഃ । അനുഷ്ടുപ് ഛംദഃ ।
ദുര്ഗാഭഗവതീ ദേവതാ । ശ്രീദുര്ഗാപ്രസാദസിദ്ധ്യര്ഥേ ജപേ വിനിയോഗഃ । ।

ശ്രീഭഗവത്യൈ ദുര്ഗായൈ നമഃ ।

ദേവീധ്യാനമ്
ഓം ഹ്രീം കാലാഭ്രാഭാം കടാക്ഷൈരരികുലഭയദാം മൌലിബദ്ധേംദുരേഖാം
ശംഖം ചക്രം കൃപാണം ത്രിശിഖമപി കരൈരുദ്വഹംതീം ത്രിനേത്രാമ് ।
സിംഹസ്കംധാധിരൂഢാം ത്രിഭുവനമഖിലം തേജസാ പൂരയംതീം
ധ്യായേദ് ദുര്ഗാം ജയാഖ്യാം ത്രിദശപരിവൃതാം സേവിതാം സിദ്ധികാമൈഃ ॥

ശ്രീ ജയദുര്ഗായൈ നമഃ ।

ഓം ശിവാഥോമാ രമാ ശക്തിരനംതാ നിഷ്കലാഽമലാ ।
ശാംതാ മാഹേശ്വരീ നിത്യാ ശാശ്വതാ പരമാ ക്ഷമാ ॥ 1॥

അചിംത്യാ കേവലാനംതാ ശിവാത്മാ പരമാത്മികാ ।
അനാദിരവ്യയാ ശുദ്ധാ സർവജ്ഞാ സർവഗാഽചലാ ॥ 2॥

ഏകാനേകവിഭാഗസ്ഥാ മായാതീതാ സുനിര്മലാ ।
മഹാമാഹേശ്വരീ സത്യാ മഹാദേവീ നിരംജനാ ॥ 3॥

കാഷ്ഠാ സർവാംതരസ്ഥാഽപി ചിച്ഛക്തിശ്ചാത്രിലാലിതാ ।
സർവാ സർവാത്മികാ വിശ്വാ ജ്യോതീരൂപാക്ഷരാമൃതാ ॥ 4॥

ശാംതാ പ്രതിഷ്ഠാ സർവേശാ നിവൃത്തിരമൃതപ്രദാ ।
വ്യോമമൂര്തിർവ്യോമസംസ്ഥാ വ്യോമധാരാഽച്യുതാഽതുലാ ॥ 5॥

അനാദിനിധനാഽമോഘാ കാരണാത്മകലാകുലാ ।
ഋതുപ്രഥമജാഽനാഭിരമൃതാത്മസമാശ്രയാ ॥ 6॥

പ്രാണേശ്വരപ്രിയാ നമ്യാ മഹാമഹിഷഘാതിനീ ।
പ്രാണേശ്വരീ പ്രാണരൂപാ പ്രധാനപുരുഷേശ്വരീ ॥ 7॥

സർവശക്തികലാഽകാമാ മഹിഷേഷ്ടവിനാശിനീ ।
സർവകാര്യനിയംത്രീ ച സർവഭൂതേശ്വരേശ്വരീ ॥ 8॥

അംഗദാദിധരാ ചൈവ തഥാ മുകുടധാരിണീ ।
സനാതനീ മഹാനംദാഽഽകാശയോനിസ്തഥേച്യതേ ॥ 9॥

ചിത്പ്രകാശസ്വരൂപാ ച മഹായോഗേശ്വരേശ്വരീ ।
മഹാമായാ സദുഷ്പാരാ മൂലപ്രകൃതിരീശികാ ॥ 10॥

സംസാരയോനിഃ സകലാ സർവശക്തിസമുദ്ഭവാ ।
സംസാരപാരാ ദുർവാരാ ദുര്നിരീക്ഷാ ദുരാസദാ ॥ 11॥

പ്രാണശക്തിശ്ച സേവ്യാ ച യോഗിനീ പരമാകലാ ।
മഹാവിഭൂതിര്ദുര്ദര്ശാ മൂലപ്രകൃതിസംഭവാ ॥ 12॥

അനാദ്യനംതവിഭവാ പരാര്ഥാ പുരുഷാരണിഃ ।
സര്ഗസ്ഥിത്യംതകൃച്ചൈവ സുദുർവാച്യാ ദുരത്യയാ ॥ 13॥

ശബ്ദഗമ്യാ ശബ്ദമായാ ശബ്ദാഖ്യാനംദവിഗ്രഹാ ।
പ്രധാനപുരുഷാതീതാ പ്രധാനപുരുഷാത്മികാ ॥ 14॥

പുരാണീ ചിന്മയാ പുംസാമിഷ്ടദാ പുഷ്ടിരൂപിണീ ।
പൂതാംതരസ്ഥാ കൂടസ്ഥാ മഹാപുരുഷസംജ്ഞിതാ ॥ 15॥

ജന്മമൃത്യുജരാതീതാ സർവശക്തിസ്വരൂപിണീ ।
വാംഛാപ്രദാഽനവച്ഛിന്നപ്രധാനാനുപ്രവേശിനീ ॥ 16॥

ക്ഷേത്രജ്ഞാഽചിംത്യശക്തിസ്തു പ്രോച്യതേഽവ്യക്തലക്ഷണാ ।
മലാപവര്ജിതാഽഽനാദിമായാ ത്രിതയതത്ത്വികാ ॥ 17॥

പ്രീതിശ്ച പ്രകൃതിശ്ചൈവ ഗുഹാവാസാ തഥോച്യതേ ।
മഹാമായാ നഗോത്പന്നാ താമസീ ച ധ്രുവാ തഥാ ॥ 18॥

വ്യക്താഽവ്യക്താത്മികാ കൃഷ്ണാ രക്താ ശുക്ലാ ഹ്യകാരണാ ।
പ്രോച്യതേ കാര്യജനനീ നിത്യപ്രസവധര്മിണീ ॥ 19॥

സര്ഗപ്രലയമുക്താ ച സൃഷ്ടിസ്ഥിത്യംതധര്മിണീ ।
ബ്രഹ്മഗര്ഭാ ചതുർവിംശസ്വരൂപാ പദ്മവാസിനീ ॥ 20॥

അച്യുതാഹ്ലാദികാ വിദ്യുദ്ബ്രഹ്മയോനിര്മഹാലയാ ।
മഹാലക്ഷ്മീ സമുദ്ഭാവഭാവിതാത്മാമഹേശ്വരീ ॥ 21॥

മഹാവിമാനമധ്യസ്ഥാ മഹാനിദ്രാ സകൌതുകാ ।
സർവാര്ഥധാരിണീ സൂക്ഷ്മാ ഹ്യവിദ്ധാ പരമാര്ഥദാ ॥ 22॥

അനംതരൂപാഽനംതാര്ഥാ തഥാ പുരുഷമോഹിനീ ।
അനേകാനേകഹസ്താ ച കാലത്രയവിവര്ജിതാ ॥ 23॥

ബ്രഹ്മജന്മാ ഹരപ്രീതാ മതിര്ബ്രഹ്മശിവാത്മികാ ।
ബ്രഹ്മേശവിഷ്ണുസംപൂജ്യാ ബ്രഹ്മാഖ്യാ ബ്രഹ്മസംജ്ഞിതാ ॥ 24॥

വ്യക്താ പ്രഥമജാ ബ്രാഹ്മീ മഹാരാത്രീഃ പ്രകീര്തിതാ ।
ജ്ഞാനസ്വരൂപാ വൈരാഗ്യരൂപാ ഹ്യൈശ്വര്യരൂപിണീ ॥ 25॥

ധര്മാത്മികാ ബ്രഹ്മമൂര്തിഃ പ്രതിശ്രുതപുമര്ഥികാ ।
അപാംയോനിഃ സ്വയംഭൂതാ മാനസീ തത്ത്വസംഭവാ ॥ 26॥

ഈശ്വരസ്യ പ്രിയാ പ്രോക്താ ശംകരാര്ധശരീരിണീ ।
ഭവാനീ ചൈവ രുദ്രാണീ മഹാലക്ഷ്മീസ്തഥാഽംബികാ ॥ 27॥

മഹേശ്വരസമുത്പന്നാ ഭുക്തിമുക്തി പ്രദായിനീ ।
സർവേശ്വരീ സർവവംദ്യാ നിത്യമുക്താ സുമാനസാ ॥ 28॥

മഹേംദ്രോപേംദ്രനമിതാ ശാംകരീശാനുവര്തിനീ ।
ഈശ്വരാര്ധാസനഗതാ മാഹേശ്വരപതിവ്രതാ ॥ 29॥

സംസാരശോഷിണീ ചൈവ പാർവതീ ഹിമവത്സുതാ ।
പരമാനംദദാത്രീ ച ഗുണാഗ്ര്യാ യോഗദാ തഥാ ॥ 30॥

ജ്ഞാനമൂര്തിശ്ച സാവിത്രീ ലക്ഷ്മീഃ ശ്രീഃ കമലാ തഥാ ।
അനംതഗുണഗംഭീരാ ഹ്യുരോനീലമണിപ്രഭാ ॥ 31॥

സരോജനിലയാ ഗംഗാ യോഗിധ്യേയാഽസുരാര്ദിനീ ।
സരസ്വതീ സർവവിദ്യാ ജഗജ്ജ്യേഷ്ഠാ സുമംഗലാ ॥ 32॥

വാഗ്ദേവീ വരദാ വര്യാ കീര്തിഃ സർവാര്ഥസാധികാ ।
വാഗീശ്വരീ ബ്രഹ്മവിദ്യാ മഹാവിദ്യാ സുശോഭനാ ॥ 33॥

ഗ്രാഹ്യവിദ്യാ വേദവിദ്യാ ധര്മവിദ്യാഽഽത്മഭാവിതാ ।
സ്വാഹാ വിശ്വംഭരാ സിദ്ധിഃ സാധ്യാ മേധാ ധൃതിഃ കൃതിഃ ॥ 34॥

സുനീതിഃ സംകൃതിശ്ചൈവ കീര്തിതാ നരവാഹിനീ ।
പൂജാവിഭാവിനീ സൌമ്യാ ഭോഗ്യഭാഗ് ഭോഗദായിനീ ॥ 35॥

ശോഭാവതീ ശാംകരീ ച ലോലാ മാലാവിഭൂഷിതാ ।
പരമേഷ്ഠിപ്രിയാ ചൈവ ത്രിലോകീസുംദരീ മാതാ ॥ 36॥

നംദാ സംധ്യാ കാമധാത്രീ മഹാദേവീ സുസാത്ത്വികാ ।
മഹാമഹിഷദര്പഘ്നീ പദ്മമാലാഽഘഹാരിണീ ॥ 37॥

വിചിത്രമുകുടാ രാമാ കാമദാതാ പ്രകീര്തിതാ ।
പിതാംബരധരാ ദിവ്യവിഭൂഷണ വിഭൂഷിതാ ॥ 38॥

ദിവ്യാഖ്യാ സോമവദനാ ജഗത്സംസൃഷ്ടിവര്ജിതാ ।
നിര്യംത്രാ യംത്രവാഹസ്ഥാ നംദിനീ രുദ്രകാലികാ ॥ 39॥

ആദിത്യവര്ണാ കൌമാരീ മയൂരവരവാഹിനീ ।
പദ്മാസനഗതാ ഗൌരീ മഹാകാലീ സുരാര്ചിതാ ॥ 40॥

അദിതിര്നിയതാ രൌദ്രീ പദ്മഗര്ഭാ വിവാഹനാ ।
വിരൂപാക്ഷാ കേശിവാഹാ ഗുഹാപുരനിവാസിനീ ॥ 41॥

മഹാഫലാഽനവദ്യാംഗീ കാമരൂപാ സരിദ്വരാ ।
ഭാസ്വദ്രൂപാ മുക്തിദാത്രീ പ്രണതക്ലേശഭംജനാ ॥ 42॥

കൌശികീ ഗോമിനീ രാത്രിസ്ത്രിദശാരിവിനാശിനീ ।
ബഹുരൂപാ സുരൂപാ ച വിരൂപാ രൂപവര്ജിതാ ॥ 43॥

ഭക്താര്തിശമനാ ഭവ്യാ ഭവഭാവവിനാശിനീ ।
സർവജ്ഞാനപരീതാംഗീ സർവാസുരവിമര്ദികാ ॥ 44॥

പികസ്വനീ സാമഗീതാ ഭവാംകനിലയാ പ്രിയാ ।
ദീക്ഷാ വിദ്യാധരീ ദീപ്താ മഹേംദ്രാഹിതപാതിനീ ॥ 45॥

സർവദേവമയാ ദക്ഷാ സമുദ്രാംതരവാസിനീ ।
അകലംകാ നിരാധാരാ നിത്യസിദ്ധാ നിരാമയാ ॥ 46॥

കാമധേനുബൃഹദ്ഗര്ഭാ ധീമതീ മൌനനാശിനീ ।
നിഃസംകല്പാ നിരാതംകാ വിനയാ വിനയപ്രദാ ॥ 47॥

ജ്വാലാമാലാ സഹസ്രാഢ്യാ ദേവദേവീ മനോമയാ ।
സുഭഗാ സുവിശുദ്ധാ ച വസുദേവസമുദ്ഭവാ ॥ 48॥

മഹേംദ്രോപേംദ്രഭഗിനീ ഭക്തിഗമ്യാ പരാവരാ ।
ജ്ഞാനജ്ഞേയാ പരാതീതാ വേദാംതവിഷയാ മതിഃ ॥ 49॥

ദക്ഷിണാ ദാഹികാ ദഹ്യാ സർവഭൂതഹൃദിസ്ഥിതാ ।
യോഗമായാ വിഭാഗജ്ഞാ മഹാമോഹാ ഗരീയസീ ॥ 50॥

സംധ്യാ സർവസമുദ്ഭൂതാ ബ്രഹ്മവൃക്ഷാശ്രിയാദിതിഃ ।
ബീജാംകുരസമുദ്ഭൂതാ മഹാശക്തിര്മഹാമതിഃ ॥ 51॥

ഖ്യാതിഃ പ്രജ്ഞാവതീ സംജ്ഞാ മഹാഭോഗീംദ്രശായിനീ ।
ഹീംകൃതിഃ ശംകരീ ശാംതിര്ഗംധർവഗണസേവിതാ ॥ 52॥

വൈശ്വാനരീ മഹാശൂലാ ദേവസേനാ ഭവപ്രിയാ ।
മഹാരാത്രീ പരാനംദാ ശചീ ദുഃസ്വപ്നനാശിനീ ॥ 53॥

ഈഡ്യാ ജയാ ജഗദ്ധാത്രീ ദുർവിജ്ഞേയാ സുരൂപിണീ ।
ഗുഹാംബികാ ഗണോത്പന്നാ മഹാപീഠാ മരുത്സുതാ ॥ 54॥

ഹവ്യവാഹാ ഭവാനംദാ ജഗദ്യോനിഃ പ്രകീര്തിതാ ।
ജഗന്മാതാ ജഗന്മൃത്യുര്ജരാതീതാ ച ബുദ്ധിദാ ॥ 55॥

സിദ്ധിദാത്രീ രത്നഗര്ഭാ രത്നഗര്ഭാശ്രയാ പരാ ।
ദൈത്യഹംത്രീ സ്വേഷ്ടദാത്രീ മംഗലൈകസുവിഗ്രഹാ ॥ 56॥

പുരുഷാംതര്ഗതാ ചൈവ സമാധിസ്ഥാ തപസ്വിനീ ।
ദിവിസ്ഥിതാ ത്രിണേത്രാ ച സർവേംദ്രിയമനാധൃതിഃ ॥ 57॥

സർവഭൂതഹൃദിസ്ഥാ ച തഥാ സംസാരതാരിണീ ।
വേദ്യാ ബ്രഹ്മവിവേദ്യാ ച മഹാലീലാ പ്രകീര്തിതാ ॥ 58॥

ബ്രാഹ്മണിബൃഹതീ ബ്രാഹ്മീ ബ്രഹ്മഭൂതാഽഘഹാരിണീ ।
ഹിരണ്മയീ മഹാദാത്രീ സംസാരപരിവര്തികാ ॥ 59॥

സുമാലിനീ സുരൂപാ ച ഭാസ്വിനീ ധാരിണീ തഥാ ।
ഉന്മൂലിനീ സർവസഭാ സർവപ്രത്യയസാക്ഷിണീ ॥ 60॥

സുസൌമ്യാ ചംദ്രവദനാ താംഡവാസക്തമാനസാ ।
സത്ത്വശുദ്ധികരീ ശുദ്ധാ മലത്രയവിനാശിനീ ॥ 61॥

ജഗത്ത്ത്രയീ ജഗന്മൂര്തിസ്ത്രിമൂര്തിരമൃതാശ്രയാ ।
വിമാനസ്ഥാ വിശോകാ ച ശോകനാശിന്യനാഹതാ ॥ 62॥

ഹേമകുംഡലിനീ കാലീ പദ്മവാസാ സനാതനീ ।
സദാകീര്തിഃ സർവഭൂതശയാ ദേവീ സതാംപ്രിയാ ॥ 63॥

ബ്രഹ്മമൂര്തികലാ ചൈവ കൃത്തികാ കംജമാലിനീ ।
വ്യോമകേശാ ക്രിയാശക്തിരിച്ഛാശക്തിഃ പരാഗതിഃ ॥ 64॥

ക്ഷോഭികാ ഖംഡികാഭേദ്യാ ഭേദാഭേദവിവര്ജിതാ ।
അഭിന്നാ ഭിന്നസംസ്ഥാനാ വശിനീ വംശധാരിണീ ॥ 65॥

ഗുഹ്യശക്തിര്ഗുഹ്യതത്ത്വാ സർവദാ സർവതോമുഖീ ।
ഭഗിനീ ച നിരാധാരാ നിരാഹാരാ പ്രകീര്തിതാ ॥ 66॥

നിരംകുശപദോദ്ഭൂതാ ചക്രഹസ്താ വിശോധികാ ।
സ്രഗ്വിണീ പദ്മസംഭേദകാരിണീ പരികീര്തിതാ ॥ 67॥

പരാവരവിധാനജ്ഞാ മഹാപുരുഷപൂർവജാ ।
പരാവരജ്ഞാ വിദ്യാ ച വിദ്യുജ്ജിഹ്വാ ജിതാശ്രയാ ॥ 68॥

വിദ്യാമയീ സഹസ്രാക്ഷീ സഹസ്രവദനാത്മജാ ।
സഹസ്രരശ്മിഃസത്വസ്ഥാ മഹേശ്വരപദാശ്രയാ ॥ 69॥

ജ്വാലിനീ സന്മയാ വ്യാപ്താ ചിന്മയാ പദ്മഭേദികാ ।
മഹാശ്രയാ മഹാമംത്രാ മഹാദേവമനോരമാ ॥ 70॥

വ്യോമലക്ഷ്മീഃ സിംഹരഥാ ചേകിതാനാഽമിതപ്രഭാ ।
വിശ്വേശ്വരീ ഭഗവതീ സകലാ കാലഹാരിണീ ॥ 71॥

സർവവേദ്യാ സർവഭദ്രാ ഗുഹ്യാ ദൂഢാ ഗുഹാരണീ ।
പ്രലയാ യോഗധാത്രീ ച ഗംഗാ വിശ്വേശ്വരീ തഥാ ॥ 72॥

കാമദാ കനകാ കാംതാ കംജഗര്ഭപ്രഭാ തഥാ ।
പുണ്യദാ കാലകേശാ ച ഭോക്ത്ത്രീ പുഷ്കരിണീ തഥാ ॥ 73॥

സുരേശ്വരീ ഭൂതിദാത്രീ ഭൂതിഭൂഷാ പ്രകീര്തിതാ ।
പംചബ്രഹ്മസമുത്പന്നാ പരമാര്ഥാഽര്ഥവിഗ്രഹാ ॥ 74॥

വര്ണോദയാ ഭാനുമൂര്തിർവാഗ്വിജ്ഞേയാ മനോജവാ ।
മനോഹരാ മഹോരസ്കാ താമസീ വേദരൂപിണീ ॥ 75॥

വേദശക്തിർവേദമാതാ വേദവിദ്യാപ്രകാശിനീ ।
യോഗേശ്വരേശ്വരീ മായാ മഹാശക്തിര്മഹാമയീ ॥ 76॥

വിശ്വാംതഃസ്ഥാ വിയന്മൂര്തിര്ഭാര്ഗവീ സുരസുംദരീ ।
സുരഭിര്നംദിനീ വിദ്യാ നംദഗോപതനൂദ്ഭവാ ॥ 77॥

ഭാരതീ പരമാനംദാ പരാവരവിഭേദികാ ।
സർവപ്രഹരണോപേതാ കാമ്യാ കാമേശ്വരേശ്വരീ ॥ 78॥

അനംതാനംദവിഭവാ ഹൃല്ലേഖാ കനകപ്രഭാ ।
കൂഷ്മാംഡാ ധനരത്നാഢ്യാ സുഗംധാ ഗംധദായിനീ ॥ 79॥

ത്രിവിക്രമപദോദ്ഭൂതാ ചതുരാസ്യാ ശിവോദയാ ।
സുദുര്ലഭാ ധനാധ്യക്ഷാ ധന്യാ പിംഗലലോചനാ ॥ 80॥

ശാംതാ പ്രഭാസ്വരൂപാ ച പംകജായതലോചനാ ।
ഇംദ്രാക്ഷീ ഹൃദയാംതഃസ്ഥാ ശിവാ മാതാ ച സത്ക്രിയാ ॥ 81॥

ഗിരിജാ ച സുഗൂഢാ ച നിത്യപുഷ്ടാ നിരംതരാ ।
ദുര്ഗാ കാത്യായനീ ചംഡീ ചംദ്രികാ കാംതവിഗ്രഹാ ॥ 82॥

ഹിരണ്യവര്ണാ ജഗതീ ജഗദ്യംത്രപ്രവര്തികാ ।
മംദരാദ്രിനിവാസാ ച ശാരദാ സ്വര്ണമാലിനീ ॥ 83॥

രത്നമാലാ രത്നഗര്ഭാ വ്യുഷ്ടിർവിശ്വപ്രമാഥിനീ ।
പദ്മാനംദാ പദ്മനിഭാ നിത്യപുഷ്ടാ കൃതോദ്ഭവാ ॥ 84॥

നാരായണീ ദുഷ്ടശിക്ഷാ സൂര്യമാതാ വൃഷപ്രിയാ ।
മഹേംദ്രഭഗിനീ സത്യാ സത്യഭാഷാ സുകോമലാ ॥ 85॥

വാമാ ച പംചതപസാം വരദാത്രീ പ്രകീര്തിതാ ।
വാച്യവര്ണേശ്വരീ വിദ്യാ ദുര്ജയാ ദുരതിക്രമാ ॥ 86॥

കാലരാത്രിര്മഹാവേഗാ വീരഭദ്രപ്രിയാ ഹിതാ ।
ഭദ്രകാലീ ജഗന്മാതാ ഭക്താനാം ഭദ്രദായിനീ ॥ 87॥

കരാലാ പിംഗലാകാരാ കാമഭേത്ത്രീ മഹാമനാഃ ।
യശസ്വിനീ യശോദാ ച ഷഡധ്വപരിവര്തികാ ॥ 88॥

ശംഖിനീ പദ്മിനീ സംഖ്യാ സാംഖ്യയോഗപ്രവര്തികാ ।
ചൈത്രാദിർവത്സരാരൂഢാ ജഗത്സംപൂരണീംദ്രജാ ॥ 89॥

ശുംഭഘ്നീ ഖേചരാരാധ്യാ കംബുഗ്രീവാ ബലീഡിതാ ।
ഖഗാരൂഢാ മഹൈശ്വര്യാ സുപദ്മനിലയാ തഥാ ॥ 90॥

വിരക്താ ഗരുഡസ്ഥാ ച ജഗതീഹൃദ്ഗുഹാശ്രയാ ।
ശുംഭാദിമഥനാ ഭക്തഹൃദ്ഗഹ്വരനിവാസിനീ ॥ 91॥

ജഗത്ത്ത്രയാരണീ സിദ്ധസംകല്പാ കാമദാ തഥാ ।
സർവവിജ്ഞാനദാത്രീ ചാനല്പകല്മഷഹാരിണീ ॥ 92॥

സകലോപനിഷദ്ഗമ്യാ ദുഷ്ടദുഷ്പ്രേക്ഷ്യസത്തമാ ।
സദ്വൃതാ ലോകസംവ്യാപ്താ തുഷ്ടിഃ പുഷ്ടിഃ ക്രിയാവതീ ॥ 93॥

വിശ്വാമരേശ്വരീ ചൈവ ഭുക്തിമുക്തിപ്രദായിനീ ।
ശിവാധൃതാ ലോഹിതാക്ഷീ സര്പമാലാവിഭൂഷണാ ॥ 94॥

നിരാനംദാ ത്രിശൂലാസിധനുര്ബാണാദിധാരിണീ ।
അശേഷധ്യേയമൂര്തിശ്ച ദേവതാനാം ച ദേവതാ ॥ 95॥

വരാംബികാ ഗിരേഃ പുത്രീ നിശുംഭവിനിപാതിനീ ।
സുവര്ണാ സ്വര്ണലസിതാഽനംതവര്ണാ സദാധൃതാ ॥ 96॥

ശാംകരീ ശാംതഹൃദയാ അഹോരാത്രവിധായികാ ।
വിശ്വഗോപ്ത്രീ ഗൂഢരൂപാ ഗുണപൂര്ണാ ച ഗാര്ഗ്യജാ ॥ 97॥

ഗൌരീ ശാകംഭരീ സത്യസംധാ സംധ്യാത്രയീധൃതാ ।
സർവപാപവിനിര്മുക്താ സർവബംധവിവര്ജിതാ ॥ 98॥

സാംഖ്യയോഗസമാഖ്യാതാ അപ്രമേയാ മുനീഡിതാ ।
വിശുദ്ധസുകുലോദ്ഭൂതാ ബിംദുനാദസമാദൃതാ ॥ 99॥

ശംഭുവാമാംകഗാ ചൈവ ശശിതുല്യനിഭാനനാ ।
വനമാലാവിരാജംതീ അനംതശയനാദൃതാ ॥ 100॥

നരനാരായണോദ്ഭൂതാ നാരസിംഹീ പ്രകീര്തിതാ ।
ദൈത്യപ്രമാഥിനീ ശംഖചക്രപദ്മഗദാധരാ ॥ 101॥

സംകര്ഷണസമുത്പന്നാ അംബികാ സജ്ജനാശ്രയാ ।
സുവൃതാ സുംദരീ ചൈവ ധര്മകാമാര്ഥദായിനീ ॥ 102॥

മോക്ഷദാ ഭക്തിനിലയാ പുരാണപുരുഷാദൃതാ ।
മഹാവിഭൂതിദാഽഽരാധ്യാ സരോജനിലയാഽസമാ ॥ 103॥

അഷ്ടാദശഭുജാഽനാദിര്നീലോത്പലദലാക്ഷിണീ ।
സർവശക്തിസമാരൂഢാ ധര്മാധര്മവിവര്ജിതാ ॥ 104॥

വൈരാഗ്യജ്ഞാനനിരതാ നിരാലോകാ നിരിംദ്രിയാ ।
വിചിത്രഗഹനാധാരാ ശാശ്വതസ്ഥാനവാസിനീ ॥ 105॥

ജ്ഞാനേശ്വരീ പീതചേലാ വേദവേദാംഗപാരഗാ ।
മനസ്വിനീ മന്യുമാതാ മഹാമന്യുസമുദ്ഭവാ ॥ 106॥

അമന്യുരമൃതാസ്വാദാ പുരംദരപരിഷ്ടുതാ ।
അശോച്യാ ഭിന്നവിഷയാ ഹിരണ്യരജതപ്രിയാ ॥ 107॥

ഹിരണ്യജനനീ ഭീമാ ഹേമാഭരണഭൂഷിതാ ।
വിഭ്രാജമാനാ ദുര്ജ്ഞേയാ ജ്യോതിഷ്ടോമഫലപ്രദാ ॥ 108॥

മഹാനിദ്രാസമുത്പത്തിരനിദ്രാ സത്യദേവതാ ।
ദീര്ഘാ കകുദ്മിനീ പിംഗജടാധാരാ മനോജ്ഞധീഃ ॥ 109॥

മഹാശ്രയാ രമോത്പന്നാ തമഃപാരേ പ്രതിഷ്ഠിതാ ।
ത്രിതത്ത്വമാതാ ത്രിവിധാ സുസൂക്ഷ്മാ പദ്മസംശ്രയാ ॥ 110॥

ശാംത്യതീതകലാഽതീതവികാരാ ശ്വേതചേലികാ ।
ചിത്രമായാ ശിവജ്ഞാനസ്വരൂപാ ദൈത്യമാഥിനീ ॥ 111॥

കാശ്യപീ കാലസര്പാഭവേണികാ ശാസ്ത്രയോനികാ ।
ത്രയീമൂര്തിഃ ക്രിയാമൂര്തിശ്ചതുർവര്ഗാ ച ദര്ശിനീ ॥ 112॥

നാരായണീ നരോത്പന്നാ കൌമുദീ കാംതിധാരിണീ ।
കൌശികീ ലലിതാ ലീലാ പരാവരവിഭാവിനീ ॥ 113॥

വരേണ്യാഽദ്ഭുതമഹാത്മ്യാ വഡവാ വാമലോചനാ ।
സുഭദ്രാ ചേതനാരാധ്യാ ശാംതിദാ ശാംതിവര്ധിനീ ॥ 114॥

ജയാദിശക്തിജനനീ ശക്തിചക്രപ്രവര്തികാ ।
ത്രിശക്തിജനനീ ജന്യാ ഷട്സൂത്രപരിവര്ണിതാ ॥ 115॥

സുധൌതകര്മണാഽഽരാധ്യാ യുഗാംതദഹനാത്മികാ ।
സംകര്ഷിണീ ജഗദ്ധാത്രീ കാമയോനിഃ കിരീടിനീ ॥ 116॥

ഐംദ്രീ ത്രൈലോക്യനമിതാ വൈഷ്ണവീ പരമേശ്വരീ ।
പ്രദ്യുമ്നജനനീ ബിംബസമോഷ്ഠീ പദ്മലോചനാ ॥ 117॥

മദോത്കടാ ഹംസഗതിഃ പ്രചംഡാ ചംഡവിക്രമാ ।
വൃഷാധീശാ പരാത്മാ ച വിംധ്യാ പർവതവാസിനീ ॥ 118॥

ഹിമവന്മേരുനിലയാ കൈലാസപുരവാസിനീ ।
ചാണൂരഹംത്രീ നീതിജ്ഞാ കാമരൂപാ ത്രയീതനുഃ ॥ 119॥

വ്രതസ്നാതാ ധര്മശീലാ സിംഹാസനനിവാസിനീ ।
വീരഭദ്രാദൃതാ വീരാ മഹാകാലസമുദ്ഭവാ ॥ 120॥

വിദ്യാധരാര്ചിതാ സിദ്ധസാധ്യാരാധിതപാദുകാ ।
ശ്രദ്ധാത്മികാ പാവനീ ച മോഹിനീ അചലാത്മികാ ॥ 121॥

മഹാദ്ഭുതാ വാരിജാക്ഷീ സിംഹവാഹനഗാമിനീ ।
മനീഷിണീ സുധാവാണീ വീണാവാദനതത്പരാ ॥ 122॥

ശ്വേതവാഹനിഷേവ്യാ ച ലസന്മതിരരുംധതീ ।
ഹിരണ്യാക്ഷീ തഥാ ചൈവ മഹാനംദപ്രദായിനീ ॥ 123॥

വസുപ്രഭാ സുമാല്യാപ്തകംധരാ പംകജാനനാ ।
പരാവരാ വരാരോഹാ സഹസ്രനയനാര്ചിതാ ॥ 124॥

ശ്രീരൂപാ ശ്രീമതീ ശ്രേഷ്ഠാ ശിവനാമ്നീ ശിവപ്രിയാ ।
ശ്രീപ്രദാ ശ്രിതകല്യാണാ ശ്രീധരാര്ധശരീരിണീ ॥ 125॥

ശ്രീകലാഽനംതദൃഷ്ടിശ്ച ഹ്യക്ഷുദ്രാരാതിസൂദനീ ।
രക്തബീജനിഹംത്രീ ച ദൈത്യസംഗവിമര്ദിനീ ॥ 126॥

സിംഹാരൂഢാ സിംഹികാസ്യാ ദൈത്യശോണിതപായിനീ ।
സുകീര്തിസഹിതാച്ഛിന്നസംശയാ രസവേദിനീ ॥ 127॥

ഗുണാഭിരാമാ നാഗാരിവാഹനാ നിര്ജരാര്ചിതാ ।
നിത്യോദിതാ സ്വയംജ്യോതിഃ സ്വര്ണകായാ പ്രകീര്തിതാ ॥ 128॥

വജ്രദംഡാംകിതാ ചൈവ തഥാമൃതസംജീവിനീ ।
വജ്രച്ഛന്നാ ദേവദേവീ വരവജ്രസ്വവിഗ്രഹാ ॥ 129॥

മാംഗല്യാ മംഗലാത്മാ ച മാലിനീ മാല്യധാരിണീ ।
ഗംധർവീ തരുണീ ചാംദ്രീ ഖഡ്ഗായുധധരാ തഥാ ॥ 130॥

സൌദാമിനീ പ്രജാനംദാ തഥാ പ്രോക്താ ഭൃഗൂദ്ഭവാ ।
ഏകാനംഗാ ച ശാസ്ത്രാര്ഥകുശലാ ധര്മചാരിണീ ॥ 131॥

ധര്മസർവസ്വവാഹാ ച ധര്മാധര്മവിനിശ്ചയാ ।
ധര്മശക്തിര്ധര്മമയാ ധാര്മികാനാം ശിവപ്രദാ ॥ 132॥

വിധര്മാ വിശ്വധര്മജ്ഞാ ധര്മാര്ഥാംതരവിഗ്രഹാ ।
ധര്മവര്ഷ്മാ ധര്മപൂർവാ ധര്മപാരംഗതാംതരാ ॥ 133॥

ധര്മോപദേഷ്ട്രീ ധര്മാത്മാ ധര്മഗമ്യാ ധരാധരാ ।
കപാലിനീ ശാകലിനീ കലാകലിതവിഗ്രഹാ ॥ 134॥

സർവശക്തിവിമുക്താ ച കര്ണികാരധരാഽക്ഷരാ।
കംസപ്രാണഹരാ ചൈവ യുഗധര്മധരാ തഥാ ॥ 135॥

യുഗപ്രവര്തികാ പ്രോക്താ ത്രിസംധ്യാ ധ്യേയവിഗ്രഹാ ।
സ്വര്ഗാപവര്ഗദാത്രീ ച തഥാ പ്രത്യക്ഷദേവതാ ॥ 136॥

ആദിത്യാ ദിവ്യഗംധാ ച ദിവാകരനിഭപ്രഭാ ।
പദ്മാസനഗതാ പ്രോക്താ ഖഡ്ഗബാണശരാസനാ ॥ 137॥

ശിഷ്ടാ വിശിഷ്ടാ ശിഷ്ടേഷ്ടാ ശിഷ്ടശ്രേഷ്ഠപ്രപൂജിതാ ।
ശതരൂപാ ശതാവര്താ വിതതാ രാസമോദിനീ ॥ 138॥

സൂര്യേംദുനേത്രാ പ്രദ്യുമ്നജനനീ സുഷ്ഠുമായിനീ ।
സൂര്യാംതരസ്ഥിതാ ചൈവ സത്പ്രതിഷ്ഠതവിഗ്രഹാ ॥ 139॥

നിവൃത്താ പ്രോച്യതേ ജ്ഞാനപാരഗാ പർവതാത്മജാ ।
കാത്യായനീ ചംഡികാ ച ചംഡീ ഹൈമവതീ തഥാ ॥ 140॥

ദാക്ഷായണീ സതീ ചൈവ ഭവാനീ സർവമംഗലാ ।
ധൂമ്രലോചനഹംത്രീ ച ചംഡമുംഡവിനാശിനീ ॥ 141॥

യോഗനിദ്രാ യോഗഭദ്രാ സമുദ്രതനയാ തഥാ ।
ദേവപ്രിയംകരീ ശുദ്ധാ ഭക്തഭക്തിപ്രവര്ധിനീ ॥ 142॥

ത്രിണേത്രാ ചംദ്രമുകുടാ പ്രമഥാര്ചിതപാദുകാ ।
അര്ജുനാഭീഷ്ടദാത്രീ ച പാംഡവപ്രിയകാരിണീ ॥ 143॥

കുമാരലാലനാസക്താ ഹരബാഹൂപധാനികാ ।
വിഘ്നേശജനനീ ഭക്തവിഘ്നസ്തോമപ്രഹാരിണീ ॥ 144॥

സുസ്മിതേംദുമുഖീ നമ്യാ ജയാപ്രിയസഖീ തഥാ ।
അനാദിനിധനാ പ്രേഷ്ഠാ ചിത്രമാല്യാനുലേപനാ ॥ 145॥

കോടിചംദ്രപ്രതീകാശാ കൂടജാലപ്രമാഥിനീ ।
കൃത്യാപ്രഹാരിണീ ചൈവ മാരണോച്ചാടനീ തഥാ ॥ 146॥

സുരാസുരപ്രവംദ്യാംഘ്രിര്മോഹഘ്നീ ജ്ഞാനദായിനീ ।
ഷഡ്വൈരിനിഗ്രഹകരീ വൈരിവിദ്രാവിണീ തഥാ ॥ 147॥

ഭൂതസേവ്യാ ഭൂതദാത്രീ ഭൂതപീഡാവിമര്ദികാ ।
നാരദസ്തുതചാരിത്രാ വരദേശാ വരപ്രദാ ॥ 148॥

വാമദേവസ്തുതാ ചൈവ കാമദാ സോമശേഖരാ ।
ദിക്പാലസേവിതാ ഭവ്യാ ഭാമിനീ ഭാവദായിനീ ॥ 149॥

സ്ത്രീസൌഭാഗ്യപ്രദാത്രീ ച ഭോഗദാ രോഗനാശിനീ ।
വ്യോമഗാ ഭൂമിഗാ ചൈവ മുനിപൂജ്യപദാംബുജാ ।
വനദുര്ഗാ ച ദുര്ബോധാ മഹാദുര്ഗാ പ്രകീര്തിതാ ॥ 150॥

ഫലശ്രുതിഃ

ഇതീദം കീര്തിദം ഭദ്ര ദുര്ഗാനാമസഹസ്രകമ് ।
ത്രിസംധ്യം യഃ പഠേന്നിത്യം തസ്യ ലക്ഷ്മീഃ സ്ഥിരാ ഭവേത് ॥ 1॥

ഗ്രഹഭൂതപിശാചാദിപീഡാ നശ്യത്യസംശയമ് ।
ബാലഗ്രഹാദിപീഡായാഃ ശാംതിര്ഭവതി കീര്തനാത് ॥ 2॥

മാരികാദിമഹാരോഗേ പഠതാം സൌഖ്യദം നൃണാമ് ।
വ്യവഹാരേ ച ജയദം ശത്രുബാധാനിവാരകമ് ॥ 3॥

ദംപത്യോഃ കലഹേ പ്രാപ്തേ മിഥഃ പ്രേമാഭിവര്ധകമ് ।
ആയുരാരോഗ്യദം പുംസാം സർവസംപത്പ്രദായകമ് ॥ 4॥

വിദ്യാഭിവര്ധകം നിത്യം പഠതാമര്ഥസാധകമ് ।
ശുഭദം ശുഭകാര്യേഷു പഠതാം ശൃണുതാമപി ॥ 5॥

യഃ പൂജയതി ദുര്ഗാം താം ദുര്ഗാനാമസഹസ്രകൈഃ ।
പുഷ്പൈഃ കുംകുമസമ്മിശ്രൈഃ സ തു യത്കാംക്ഷതേ ഹൃദി ॥ 6॥

തത്സർവം സമവാപ്നോതി നാസ്തി നാസ്ത്യത്ര സംശയഃ ।
യന്മുഖേ ധ്രിയതേ നിത്യം ദുര്ഗാനാമസഹസ്രകമ് ॥ 7॥

കിം തസ്യേതരമംത്രൌഘൈഃ കാര്യം ധന്യതമസ്യ ഹി ।
ദുര്ഗാനാമസഹസ്രസ്യ പുസ്തകം യദ്ഗൃഹേ ഭവേത് ॥ 8॥

ന തത്ര ഗ്രഹഭൂതാദിബാധാ സ്യാന്മംഗലാസ്പദേ ।
തദ്ഗൃഹം പുണ്യദം ക്ഷേത്രം ദേവീസാന്നിധ്യകാരകമ് ॥ 9॥

ഏതസ്യ സ്തോത്രമുഖ്യസ്യ പാഠകഃ ശ്രേഷ്ഠമംത്രവിത് ।
ദേവതായാഃ പ്രസാദേന സർവപൂജ്യഃ സുഖീ ഭവേത് ॥ 10॥

ഇത്യേതന്നഗരാജേന കീര്തിതം മുനിസത്തമ ।
ഗുഹ്യാദ്ഗുഹ്യതരം സ്തോത്രം ത്വയി സ്നേഹാത് പ്രകീര്തിതമ് ॥ 11॥

ഭക്തായ ശ്രദ്ധധാനായ കേവലം കീര്ത്യതാമിദമ് ।
ഹൃദി ധാരയ നിത്യം ത്വം ദേവ്യനുഗ്രഹസാധകമ് ॥ 12॥ ॥

ഇതി ശ്രീസ്കാംദപുരാണേ സ്കംദനാരദസംവാദേ ദുര്ഗാസഹസ്രനാമസ്തോത്രം സംപൂര്ണമ് ॥