ദുര്ഗാ നിത്യ പൂജാ വിധാനമ്

ആവശ്യകാനി വസ്തൂനി
– ആസനം
– ദീപഃ
– ഗംധഃ
– കുംകുമം
– അക്ഷതാഃ
– പുഷ്പാണി
– ധൂപഃ
– നൈവേദ്യം
– താംബൂലം
– ആചമനീയം
– പൂജാ പാത്രം
– കലശഃ
– ശംഖഃ [optional]
– ദുര്ഗാ ദേവീ പ്രതിമാ വാ ചിത്രപടഃ വാ

പൂർവാംഗ പൂജാ
ശ്രീമഹാഗണാധിപതയേ നമഃ ।
ശ്രീ ഗുരുഭ്യോ നമഃ ।
ഹരിഃ ഓമ് ।

ശുചിഃ
അപവിത്രഃ പവിത്രോ വാ സർവാവസ്ഥാം ഗതോഽപി വാ ।
യഃ സ്മരേത് പുംഡരീകാക്ഷം സ ബാഹ്യാഭ്യംതരഃ ശുചിഃ ॥
പുംഡരീകാക്ഷ പുംഡരീകാക്ഷ പുംഡരീകാക്ഷായ നമഃ ॥

പ്രാര്ഥനാ
ശുക്ലാംബരധരം വിഷ്ണും ശശിവര്ണം ചതുര്ഭുജമ് ।
പ്രസന്നവദനം ധ്യായേത് സർവവിഘ്നോപശാംതയേ ॥

അഗജാനന പദ്മാര്കം ഗജാനനമഹര്നിശമ് ।
അനേകദം തം ഭക്താനാം ഏകദംതമുപാസ്മഹേ ॥

തദേവ ലഗ്നം സുദിനം തദേവ
താരാബലം ചംദ്രബലം തദേവ ।
വിദ്യാബലം ദൈവബലം തദേവ
ലക്ഷ്മീപതേ തേഽംഘ്രിയുഗം സ്മരാമി ॥

ഗുരുര്ബ്രഹ്മാ ഗുരുർവിഷ്ണുഃ ഗുരുര്ദേവോ മഹേശ്വരഃ ।
ഗുരുഃ സാക്ഷാത് പരബ്രഹ്മ തസ്മൈ ശ്രീഗുരവേ നമഃ ॥

സർവമംഗള മാംഗള്യേ ശിവേ സർവാര്ഥസാധികേ ।
ശരണ്യേ ത്ര്യംബകേ ഗൌരീ നാരായണി നമോഽസ്തു തേ ॥

ശ്രീലക്ഷ്മീനാരായണാഭ്യാം നമഃ ।
ഉമാമഹേശ്വരാഭ്യാം നമഃ ।
വാണീഹിരണ്യഗര്ഭാഭ്യാം നമഃ ।
ശചീപുരംദരാഭ്യാം നമഃ ।
അരുംധതീവസിഷ്ഠാഭ്യാം നമഃ ।
ശ്രീസീതാരാമാഭ്യാം നമഃ ।
മാതാപിതൃഭ്യോ നമഃ ।
സർവേഭ്യോ മഹാജനേഭ്യോ നമഃ ।

ആചമനം
ഓം കേശവായ സ്വാഹാ ।
ഓം നാരായണായ സ്വാഹാ ।
ഓം മാധവായ സ്വാഹാ ।
ഓം ഗോവിംദായ നമഃ ।
ഓം വിഷ്ണവേ നമഃ ।
ഓം മധുസൂദനായ നമഃ ।
ഓം ത്രിവിക്രമായ നമഃ ।
ഓം വാമനായ നമഃ ।
ഓം ശ്രീധരായ നമഃ ।
ഓം ഹൃഷീകേശായ നമഃ ।
ഓം പദ്മനാഭായ നമഃ ।
ഓം ദാമോദരായ നമഃ ।
ഓം സംകര്ഷണായ നമഃ ।
ഓം വാസുദേവായ നമഃ ।
ഓം പ്രദ്യുമ്നായ നമഃ ।
ഓം അനിരുദ്ധായ നമഃ ।
ഓം പുരുഷോത്തമായ നമഃ ।
ഓം അധോക്ഷജായ നമഃ ।
ഓം നാരസിംഹായ നമഃ ।
ഓം അച്യുതായ നമഃ ।
ഓം ജനാര്ദനായ നമഃ ।
ഓം ഉപേംദ്രായ നമഃ ।
ഓം ഹരയേ നമഃ ।
ഓം ശ്രീകൃഷ്ണായ നമഃ ।

ദീപാരാധനമ്
ദീപസ്ത്വം ബ്രഹ്മരൂപോഽസി ജ്യോതിഷാം പ്രഭുരവ്യയഃ ।
സൌഭാഗ്യം ദേഹി പുത്രാംശ്ച സർവാന്കാമാംശ്ച ദേഹി മേ ॥
ഭോ ദീപ ദേവി രൂപസ്ത്വം കര്മസാക്ഷീ ഹ്യവിഘ്നകൃത് ।
യാവത്പൂജാം കരിഷ്യാമി താവത്ത്വം സുസ്ഥിരോ ഭവ ॥
ദീപാരാധന മുഹൂര്തഃ സുമുഹൂര്തോഽസ്തു ॥

ഭൂതോച്ചാടനമ്
ഉത്തിഷ്ഠംതു ഭൂതപിശാചാഃ യ ഏതേ ഭൂമിഭാരകാഃ ।
ഏതേഷാമവിരോധേന ബ്രഹ്മകര്മ സമാരഭേ ॥
അപസര്പംതു തേ ഭൂതാ യേ ഭൂതാ ഭൂമിസംസ്ഥിതാഃ ।
യേ ഭൂതാ വിഘ്നകര്താരസ്തേ ഗച്ഛംതു ശിവാഽജ്ഞയാ ॥

പ്രാണായാമഃ

ഓം ഭൂഃ । ഓം ഭുവഃ॑ । ഓഗ്​മ് സുവഃ॑ । ഓം മഹഃ॑ । ഓം ജനഃ॑ । ഓം തപഃ॑ । ഓഗ്​മ് സത്യമ് ।
ഓം തത്സ॑വി॒തുർവരേ᳚ണ്യം॒ ഭര്ഗോ॑ ദേ॒വസ്യ॑ ധീമഹി ।
ധിയോ॒ യോ നഃ॑ പ്രചോ॒ദയാ᳚ത് ॥
ഓമാപോ॒ ജ്യോതീ॒ രസോ॒ഽമൃതം॒ ബ്രഹ്മ॒ ഭൂര്ഭുവ॒സ്സുവ॒രോമ് ॥

സംകല്പഃ
മമ ഉപാത്ത സമസ്ത ദുരിതക്ഷയ ദ്വാരാ ശ്രീപരമേശ്വര പ്രീത്യര്ഥം, മമ/അസ്മാകം സഹകുടുംബസ്യ ക്ഷേമ-സ്ഥൈര്യ-ധൈര്യ-വീര്യ-വിജയ-അഭയ-ആയുഃ-ആരോഗ്യ-ഐശ്വര്യ-അഭിവൃദ്ധ്യര്ഥം, ധര്മാര്ഥ-കാമ-മോക്ഷ-ചതുർവിധ-പുരുഷാര്ഥ-ഫല-സിദ്ധ്യര്ഥം, സർവാഭീഷ്ട-സിദ്ധ്യര്ഥം, ശ്രീദുര്ഗാ ദേവീ-പ്രീത്യര്ഥം, യാവച്ഛക്തി ധ്യാന-ആവാഹനാദി-ഷോഡശോപചാര-പൂജാം കരിഷ്യേ ॥

തദംഗ കലശാരാധനം കരിഷ്യേ ॥

കലശാരാധനമ്
കലശേ ഗംധ പുഷ്പാക്ഷതൈരഭ്യര്ച്യ ।
കലശേ ഉദകം പൂരയിത്വാ ।
കലശസ്യോപരി ഹസ്തം നിധായ ।

കലശസ്യ മുഖേ വിഷ്ണുഃ കംഠേ രുദ്രഃ സമാശ്രിതഃ ।
മൂലേ ത്വസ്യ സ്ഥിതോ ബ്രഹ്മാ മധ്യേ മാതൃഗണാഃ സ്മൃതാഃ ॥
കുക്ഷൌ തു സാഗരാഃ സർവേ സപ്തദ്വീപാ വസുംധരാ ।
ഋഗ്വേദോഽഥ യജുർവേദോ സാമവേദോ ഹ്യഥർവണഃ ॥
അംഗൈശ്ച സഹിതാഃ സർവേ കലശാംബു സമാശ്രിതാഃ ॥

ഗംഗേ ച യമുനേ ചൈവ ഗോദാവരീ സരസ്വതീ ।
നര്മദേ സിംധു കാവേരീ ജലേഽസ്മിന് സന്നിധിം കുരു ॥
കാവേരീ തുംഗഭദ്രാ ച കൃഷ്ണവേണീ ച ഗൌതമീ ।
ഭാഗീരഥീതി വിഖ്യാതാഃ പംചഗംഗാഃ പ്രകീര്തിതാഃ ॥

ആയാംതു ദേവപൂജാര്ഥം മമ ദുരിതക്ഷയകാരകാഃ ।
കലശോദകേന പൂജാ ദ്രവ്യാണി സംപ്രോക്ഷ്യ, ദേവം സംപ്രോക്ഷ്യ, ആത്മാനം ച സംപ്രോക്ഷ്യ ॥

ശംഖപൂജാ
ശംഖം ചംദ്രാര്ക ദൈവതം മധ്യേ വരുണ ദേവതാമ് ।
പൃഷ്ഠേ പ്രജാപതിം വിംദ്യാദഗ്രേ ഗംഗാ സരസ്വതീമ് ॥
ത്രൈലോക്യേ യാനി തീര്ഥാനി വാസുദേവസ്യ ആജ്ഞയാ ।
ശംഖേ തിഷ്ഠംതു വിപ്രേംദ്രാഃ തസ്മാത് ശംഖം പ്രപൂജയേത് ॥

ഓം ശംഖായ നമഃ ।
ഓം ധവളായ നമഃ ।
ഓം പാംചജന്യായ നമഃ ।
ഓം ശംഖദേവതാഭ്യോ നമഃ ।
സകലപൂജാര്ഥേ അക്ഷതാന് സമര്പയാമി ॥

ഘംടാനാദഃ
ആഗമാര്ഥം തു ദേവാനാം ഗമനാര്ഥം തു രാക്ഷസാമ് ।
ഘംടാരവം കരോമ്യാദൌ ദേവതാഹ്വാന ലാംഛനമ് ॥
ഓം ഘംടാദേവതാഭ്യോ നമഃ ।
സകലോപചാര പൂജാര്ഥേ അക്ഷതാന് സമര്പയാമി ॥

ശ്രീ മഹാഗണപതി പൂജാ

ഓം ഗ॒ണാനാം᳚ ത്വാ ഗ॒ണപ॑തിഗ്​മ് ഹവാമഹേ ക॒വിം ക॑വീ॒നാം ഉപ॒മശ്ര॑വസ്തവമ് ।
ജ്യേ॒ഷ്ഠ॒രാജം॒ ബ്രഹ്മ॑ണാം ബ്രഹ്മണസ്പത॒ ആ നഃ॑ ശൃ॒ണ്വന്നൂ॒തിഭി॑സ്സീദ॒ സാദ॑നമ് ॥

സുമുഖശ്ചൈകദംതശ്ച കപിലോ ഗജകര്ണകഃ ।
ലംബോദരശ്ച വികടോ വിഘ്നരാജോ ഗണാധിപഃ ॥
ധൂമകേതുര്ഗണാധ്യക്ഷഃ ഫാലചംദ്രോ ഗജാനനഃ ।
വക്രതുംഡഃ ശൂര്പകര്ണോ ഹേരംബഃ സ്കംദപൂർവജഃ ॥

ഓം ശ്രീമഹാഗണപതയേ നമഃ ।
ധ്യായാമി । ആവാഹയാമി । ആസനം സമര്പയാമി ।
പാദ്യം സമര്പയാമി । അര്ഘ്യം സമര്പയാമി । ആചമനീയം സമര്പയാമി ।
സ്നാനം സമര്പയാമി । വസ്ത്രം സമര്പയാമി । യജ്ഞോപവീതം സമര്പയാമി ।
ഗംധം സമര്പയാമി । പുഷ്പാണി സമര്പയാമി ।
ധൂപമാഘ്രാപയാമി । ദീപം ദര്ശയാമി ।
നൈവേദ്യം സമര്പയാമി । താംബൂലം സമര്പയാമി ।
നീരാജനം സമര്പയാമി । മംത്രപുഷ്പം സമര്പയാമി ।
പ്രദക്ഷിണ നമസ്കാരാന് സമര്പയാമി ॥

ഷോഡശോപചാര പൂജാ
ദുര്ഗാ ദേവീ ധ്യാനമ്

ഓമ് ॥ ജാ॒തവേ॑ദസേ സുനവാമ॒ സോമ॑ മരാതീയ॒തോ നിദ॑ഹാതി॒ വേദഃ॑ ।
സ നഃ॑ പര്-ഷ॒ദതി॑ ദു॒ര്ഗാണി॒ വിശ്വാ॑ നാ॒വേവ॒ സിംധും॑ ദുരി॒താഽത്യ॒ഗ്നിഃ ॥


ഓം കാ॒ത്യാ॒യ॒നായ॑ വി॒ദ്മഹേ॑ കന്യകു॒മാരി॑ ധീമഹി ।
തന്നോ॑ ദുര്ഗിഃ പ്രചോ॒ദയാ᳚ത് ॥

സിംഹസ്ഥാ ശശിശേഖരാ മരകതപ്രഖ്യൈശ്ചതുര്ഭിര്ഭുജൈഃ ।
ശംഖം ചക്ര ധനുഃ ശരാംശ്ച ദധതീ നേത്രൈസ്ത്രിഭിഃ ശോഭിതാ ॥
ആമുക്താംഗദ ഹാര കംകണരണത്കാംചീരണന്നൂപുരാ ।
ദുര്ഗാ ദുര്ഗതിഹാരിണീ ഭവതു നോ രത്നോല്ലസത്കുംഡലാ ॥

സർവമംഗള മാംഗള്യേ ശിവേ സർവാര്ഥസാധികേ ।
ശരണ്യേ ത്ര്യംബകേ ഗൌരീ നാരായണി നമോഽസ്തു തേ ॥

ഓം ശ്രീ ദുര്ഗായൈ നമഃ ।
ധ്യായാമി । ധ്യാനം സമര്പയാമി ॥

ആവാഹനമ്
ആഗച്ഛ വരദേ ദേവി ദൈത്യദര്പവിനാശിനി ।
പൂജാം ഗൃഹാണ സുമുഖി നമസ്തേ ശംകരപ്രിയേ ॥
ഓം ശ്രീ ദുര്ഗായൈ നമഃ ।
ആവാഹയാമി । സ്ഥാപയാമി । പൂജയാമി ॥

ആസനമ്
അനേകരത്ന സംയുക്തം നാനാമണിഗണാന്വിതമ് ।
ഇദം ഹേമമയം ദിവ്യമാസനം പ്രതിഗൃഹ്യതാമ് ॥
ഓം ശ്രീ ദുര്ഗായൈ നമഃ ।
ആസനം സമര്പയാമി ॥

പാദ്യമ്
ഗംഗാദി സർവതീര്ഥേഭ്യോ നീതം തോയമുത്തമമ് ।
പാദ്യാര്ഥം തേ പ്രദാസ്യാമി ഗൃഹാണ പരമേശ്വരി ॥
ഓം ശ്രീ ദുര്ഗായൈ നമഃ ।
പാദയോഃ പാദ്യം സമര്പയാമി ॥

അര്ഘ്യമ്
ഗംധ പുഷ്പാക്ഷതൈര്യുക്തം അര്ഘ്യം സംപാദിതം മയാ ।
ഗൃഹാണ ത്വം മഹാദേവി പ്രസന്നാ ഭവ സർവദാ ॥
ഓം ശ്രീ ദുര്ഗായൈ നമഃ ।
ഹസ്തയോഃ അര്ഘ്യം സമര്പയാമി ॥

ആചമനീയമ്
കര്പൂരേണ സുഗംധേന വാസിതം സ്വാദു ശീതലമ് ।
തോയമാചമനീയാര്ഥം ഗൃഹാണ പരമേശ്വരി ॥
ഓം ശ്രീ ദുര്ഗായൈ നമഃ ।
മുഖേ ആചമനീയം സമര്പയാമി ॥

സ്നാനമ്

ആപോ॒ ഹിഷ്ഠാ മ॑യോ॒ഭുവ॒സ്താ ന॑ ഊ॒ര്ജേ ദ॑ധാതന ।
മ॒ഹേ രണാ॑യ॒ ചക്ഷ॑സേ ॥
യോ വഃ॑ ശി॒വത॑മോ രസ॒സ്തസ്യ॑ ഭാജയതേ॒ഹ നഃ॑ ।
ഉ॒ശ॒തീരി॑വ മാ॒ത॑രഃ ॥
തസ്മാ॒ അരം॑ ഗമാമ വോ॒ യസ്യ॒ ക്ഷയാ॑യ॒ ജിന്വ॑ഥ ।
ആപോ॑ ജ॒നയ॑ഥാ ച നഃ ॥

ഓം ശ്രീ ദുര്ഗായൈ നമഃ ।
ശുദ്ധോദക സ്നാനം സമര്പയാമി ॥
സ്നാനാനംതരം ആചമനീയം സമര്പയാമി ॥

വസ്ത്രമ്
വസ്ത്രയുഗ്മം ച ദിവ്യം ച ശോഭനം പ്രീതി വര്ധനമ് ।
ഓം ശ്രീ ദുര്ഗായൈ നമഃ ।
വസ്ത്രം സമര്പയാമി ॥

യജ്ഞോപവീതമ്
യജ്ഞോപവീതം പരമം പവിത്രം പ്രജാപതേര്യത്സഹജം പുരസ്താത് ।
ആയുഷ്യമഗ്ര്യം പ്രതിമുംച ശുഭ്രം യജ്ഞോപവീതം ബലമസ്തു തേജഃ ॥
ഓം ശ്രീ ദുര്ഗായൈ നമഃ ।
യജ്ഞോപവീതം സമര്പയാമി ॥

ഗംധമ്
ശ്രീഖംഡം ചംദനം ദിവ്യം ഗംധാഢ്യം സുമനോഹരമ് ।
വിലേപനം സുരശ്രേഷ്ഠേ ചംദനം പ്രതിഗൃഹ്യതാമ് ॥
ഓം ശ്രീ ദുര്ഗായൈ നമഃ ।
ഗംധം സമര്പയാമി ॥

അര്ചന
അക്ഷതാന് ധവളാന് ദിവ്യാന് പുഷ്പാണി ച സുഗംധീനി ।
ഭക്ത്യാ ദത്താനി ഗൃഹ്യംതാം സർവദേവാഃ പ്രസീദത ॥

അംഗ പൂജാ
ഓം ദുര്ഗായൈ നമഃ – പാദൌ പൂജയാമി ।
ഓം ഗിരിജായൈ നമഃ – ഗുല്ഫൌ പൂജയാമി ।
ഓം അപര്ണായൈ നമഃ – ജാനുനീ പൂജയാമി ।
ഓം ഹരപ്രിയായൈ നമഃ – ഊരൂ പൂജയാമി ।
ഓം പാർവത്യൈ നമഃ – കടിം പൂജയാമി ।
ഓം ആര്യായൈ നമഃ – നാഭിം പൂജയാമി ।
ഓം ജഗന്മാത്രേ നമഃ – ഉദരം പൂജയാമി ।
ഓം മംഗളായൈ നമഃ – ഹൃദയം പൂജയാമി ।
ഓം ശിവായൈ നമഃ – കംഠം പൂജയാമി ।
ഓം മഹേശ്വര്യൈ നമഃ – സ്കംധൌ പൂജയാമി ।
ഓം വിശ്വവംദ്യായൈ നമഃ – ബാഹൂ പൂജയാമി ।
ഓം കാള്യൈ നമഃ – ഹസ്തൌ പൂജയാമി ।
ഓം ആദ്യായൈ നമഃ – മുഖം പൂജയാമി ।
ഓം വരദായൈ നമഃ – നേത്രേ പൂജയാമി ।
ഓം അംബികായൈ നമഃ – ശിരഃ പൂജയാമി ।
ഓം പരാദേവ്യൈ നമഃ – സർവാണ്യംഗാനി പൂജയാമി ॥

[Recite the durgA aShTOttara Sata nAmAvaLI, or at least a few known names of Durga. Offer flowers or akshatas with each name.]

അഥവാ ദുര്ഗാ നാമാവളീ പഠനമ് ॥

ഓം ശ്രീ ദുര്ഗായൈ നമഃ ।
അഷ്ടോത്തര ശത നാമാവളീ പൂജാം സമര്പയാമി ।
അക്ഷതാന് പുഷ്പാണി ച സമര്പയാമി ॥

ധൂപമ്
വനസ്പത്യുദ്ഭവൈര്ദിവ്യൈഃ നാനാഗംധൈഃ സുസംയുതഃ ।
ആഘ്രേയഃ സർവദേവാനാം ധൂപോഽയം പ്രതിഗൃഹ്യതാമ് ॥
ഓം ശ്രീ ദുര്ഗായൈ നമഃ ।
ധൂപമാഘ്രാപയാമി ॥

ദീപമ്
സാജ്യം ത്രിവര്തി സംയുക്തം വഹ്നിനാ യോജിതം പ്രിയമ് ।
ഗൃഹാണ മംഗളം ദീപം ത്രൈലോക്യ തിമിരാപഹമ് ॥
ഓം ശ്രീ ദുര്ഗായൈ നമഃ ।
ദീപം ദര്ശയാമി ॥

നൈവേദ്യമ്
നൈവേദ്യം ഗൃഹ്യതാം ദേവി ഭക്ത്യാ സംപാദിതം മയാ ।
ഇദം ഫലം ച പാനീയം സർവോപചാര സംയുതമ് ॥

ഓം ഭൂര്ഭുവ॒സ്സുവഃ॒ । തത്സ॑വി॒തുർവരേ᳚ണ്യം॒ ഭര്ഗോ॑ ദേ॒വസ്യ॑ ധീമഹി ।
ധി॒യോ യോ നഃ॑ പ്രചോ॒ദയാ᳚ത് ॥

സത്യം ത്വാ ഋതേന പരിഷിംചാമി ।
അമൃതമസ്തു । അമൃതോപസ്തരണമസി ।
ഓം പ്രാണായ സ്വാഹാ । ഓം അപാനായ സ്വാഹാ । ഓം വ്യാനായ സ്വാഹാ ।
ഓം ഉദാനായ സ്വാഹാ । ഓം സമാനായ സ്വാഹാ ।
മധ്യേ മധ്യേ പാനീയം സമര്പയാമി ।
അമൃതാപിധാനമസി ।
ഉത്തരാപോശനം സമര്പയാമി ।
ഹസ്തൌ പ്രക്ഷാളയാമി । പാദൌ പ്രക്ഷാളയാമി ।
ശുദ്ധാചമനീയം സമര്പയാമി ॥

ഓം ശ്രീ ദുര്ഗായൈ നമഃ ।
നൈവേദ്യം സമര്പയാമി ॥

താംബൂലമ്
പൂഗീഫലശ്ച കര്പൂരൈഃ നാഗവല്ലീദലൈര്യുതമ് ।
മുക്താചൂര്ണ സംയുക്തം താംബൂലം പ്രതിഗൃഹ്യതാമ് ॥
ഓം ശ്രീ ദുര്ഗായൈ നമഃ ।
താംബൂലം സമര്പയാമി ॥

നീരാജനമ്
നാനാദീപസമായുക്തം നീരാജനം മനോഹരമ് ।
അജ്ഞാന തിമിര ധ്വംസി ഗൃഹ്യതാം ഭക്തിപൂർവകമ് ॥
ഓം ശ്രീ ദുര്ഗായൈ നമഃ ।
നീരാജനം സമര്പയാമി ॥

മംത്രപുഷ്പമ്

ഓം കാ॒ത്യാ॒യ॒നായ॑ വി॒ദ്മഹേ॑ കന്യകു॒മാരി॑ ധീമഹി ।
തന്നോ॑ ദുര്ഗിഃ പ്രചോ॒ദയാ᳚ത് ॥

ശ്രദ്ധയാ സിക്തയാ ഭക്ത്യാ ഹ്യാര്ദ്ര പ്രേമ്ണാ സമര്പിതഃ ।
മംത്രപുഷ്പാംജലിശ്ചായം കൃപയാ പ്രതിഗൃഹ്യതാമ് ॥
ഓം ശ്രീ ദുര്ഗായൈ നമഃ ।
മംത്രപുഷ്പം സമര്പയാമി ॥

പ്രദക്ഷിണമ്
യാനി കാനി ച പാപാനി ജന്മാംതര കൃതാനി ച ।
താനി താനി പ്രണശ്യംതി പ്രദക്ഷിണ പദേ പദേ ॥
പാപോഽഹം പാപകര്മാഽഹം പാപാത്മാ പാപസംഭവ ।
ത്രാഹി മാം കൃപയാ ദേവി ശരണാഗതവത്സലേ ॥
അന്യഥാ ശരണം നാസ്തി ത്വമേവ ശരണം മമ ।
തസ്മാത്കാരുണ്യ ഭാവേന രക്ഷ രക്ഷ മഹേശ്വരി ॥
ഓം ശ്രീ ദുര്ഗായൈ നമഃ ।
പ്രദക്ഷിണ നമസ്കാരാന് സമര്പയാമി ॥

നമസ്കാരഃ
ഉരസാ ശിരസാ ദൃഷ്ട്യാ മനസാ വചസാ തഥാ ।
പദ്ഭ്യാം കരാഭ്യാം കര്ണാഭ്യാം പ്രണാമോഽഷ്ടാംഗ ഉച്യതേ ॥
ഓം ശ്രീ ദുര്ഗായൈ നമഃ ।
നമസ്കാരാന് സമര്പയാമി ॥

സർവോപചാരാഃ
ഓം ശ്രീ ദുര്ഗായൈ നമഃ ।
ഛത്രം സമര്പയാമി ।
ചാമരം സമര്പയാമി ।
ഗീതം ശ്രാവയാമി ।
നൃത്യം ദര്ശയാമി ।
സമസ്ത രാജോപചാരാന് ദേവോപചാരാന് സമര്പയാമി ॥

സ്തോത്ര/സൂക്ത പഠനമ്

ക്ഷമാപ്രാര്ഥനാ
അപരാധസഹസ്രാണി ക്രിയംതേഽഹര്നിശം മയാ ।
ദാസോഽയമിതി മാം മത്വാ ക്ഷമസ്വ പരമേശ്വരി ॥
ആവാഹനം ന ജാനാമി ന ജാനാമി വിസര്ജനമ് ।
പൂജാം ചൈവ ന ജാനാമി ക്ഷമ്യതാം പരമേശ്വരി ॥
മംത്രഹീനം ക്രിയാഹീനം ഭക്തിഹീനം സുരേശ്വരി ।
യത്പൂജിതം മയാ ദേവി പരിപൂര്ണം തദസ്തു തേ ॥

കായേന വാചാ മനസേംദ്രിയൈർവാ
ബുദ്ധ്യാത്മനാ വാ പ്രകൃതേഃ സ്വഭാവാത് ।
കരോമി യദ്യത് സകലം പരസ്മൈ
നാരായണായേതി സമര്പയാമി ॥

അനയാ ധ്യാന-ആവാഹനാദി-ഷോഡശോപചാര പൂജയാ ശ്രീദുര്ഗാ ദേവീ സുപ്രീതാ സുപ്രസന്നാ വരദാ ഭവതു ॥

ഉദ്വാസനമ്
ഓം ശ്രീ ദുര്ഗായൈ നമഃ ।
യഥാസ്ഥാനം ഉദ്വാസയാമി ।
ശോഭനാര്ഥേ ക്ഷേമായ പുനരാഗമനായ ച ॥

പ്രസാദ ഗ്രഹണമ്
അകാലമൃത്യുഹരണം സർവവ്യാധിനിവാരണമ് ।
സമസ്തപാപക്ഷയകരം ദേവതാ പാദോദകം ശുഭമ് ॥

ശ്രീദുര്ഗാ ദേവീ പ്രസാദം ശിരസാ ഗൃഹ്ണാമി ॥

ഓം ശാംതിഃ ശാംതിഃ ശാംതിഃ ॥

ഓം തത്സത് ബ്രഹ്മാര്പണമസ്തു ॥