નવગ્રહ સૂક્તમ્ (નવગ્રહ નમસ્કારમ્)

ઓં શુક્લાંબરધરં-વિઁષ્ણું શશિવર્ણં ચતુર્ભુજમ્।
પ્રસન્નવદનં ધ્યાયેત્સર્વ વિઘ્નોપશાંતયે ॥

ઓં ભૂઃ ઓં ભુવઃ॑ ઓગ્​મ્॒ સુવઃ॑ ઓં મહઃ॑ ઓં જનઃ ઓં તપઃ॑ ઓગ્​મ્ સ॒ત્યં ઓં તત્સ॑વિ॒તુર્વરે᳚ણ્યં॒ ભર્ગો॑દે॒વસ્ય॑ ધીમહિ ધિયો॒ યો નઃ॑
પ્રચો॒દયા᳚ત્ ॥ ઓં આપો॒ જ્યોતી॒રસો॒ઽમૃતં॒ બ્રહ્મ॒ ભૂર્ભુવ॒સ્સુવ॒રોમ્ ॥

મમોપાત્ત-સમસ્ત-દુરિતક્ષયદ્વારા શ્રીપરમેશ્વર પ્રીત્યર્થં આદિત્યાદિ નવગ્રહ દેવતા પ્રસાદ સિદ્ધ્યર્થં આદિત્યાદિ નવગ્રહ નમસ્કારાન્ કરિષ્યે ॥

ઓં આસ॒ત્યેન॒ રજ॑સા॒ વર્ત॑માનો નિવે॒શય॑ન્ન॒મૃતં॒ મર્ત્યં॑ચ । હિ॒ર॒ણ્યયે॑ન સવિ॒તા રથે॒નાઽઽદે॒વો યા॑તિ॒ભુવ॑ના વિ॒પશ્યન્॑ ॥ અ॒ગ્નિં દૂ॒તં-વૃઁ॑ણીમહે॒ હોતા॑રં-વિઁ॒શ્વવે॑દસમ્ । અ॒સ્ય ય॒જ્ઞસ્ય॑ સુ॒ક્રતુમ્᳚ ॥ યેષા॒મીશે॑ પશુ॒પતિઃ॑ પશૂ॒નાં ચતુ॑ષ્પદામુ॒ત ચ॑ દ્વિ॒પદા᳚મ્ । નિષ્ક્રી॑તો॒ઽયં-યઁ॒જ્ઞિયં॑ ભા॒ગમે॑તુ રા॒યસ્પોષા॒ યજ॑માનસ્ય સંતુ ॥
ઓં અધિદેવતા પ્રત્યધિદેવતા સહિતાય આદિ॑ત્યાય॒ નમઃ॑ ॥ 1 ॥

ઓં આપ્યા॑યસ્વ॒ સમે॑તુ તે વિ॒શ્વત॑સ્સોમ॒ વૃષ્ણિ॑યમ્ । ભવા॒ વાજ॑સ્ય સંગ॒થે ॥ અ॒પ્સુમે॒ સોમો॑ અબ્રવીદં॒તર્વિશ્વા॑નિ ભેષ॒જા । અ॒ગ્નિંચ॑ વિ॒શ્વશં॑ભુવ॒માપ॑શ્ચ વિ॒શ્વભે॑ષજીઃ ॥ ગૌ॒રી મિ॑માય સલિ॒લાનિ॒ તક્ષ॒ત્યેક॑પદી દ્વિ॒પદી॒ સા ચતુ॑ષ્પદી । અ॒ષ્ટાપ॑દી॒ નવ॑પદી બભૂ॒વુષી॑ સ॒હસ્રા᳚ક્ષરા પર॒મે વ્યો॑મન્ન્ ॥
ઓં અધિદેવતા પ્રત્યધિદેવતા સહિતાય સોમા॑ય॒ નમઃ॑ ॥ 2 ॥

ઓં અ॒ગ્નિર્મૂ॒ર્ધા દિ॒વઃ ક॒કુત્પતિઃ॑ પૃથિ॒વ્યા અ॒યમ્ । અ॒પાગ્​મ્રેતાગ્​મ્॑સિ જિન્વતિ ॥ સ્યો॒ના પૃ॑થિવિ॒ ભવા॑ઽનૃક્ષ॒રા નિ॒વેશ॑ની । યચ્છા॑ન॒શ્શર્મ॑ સ॒પ્રથાઃ᳚ ॥ ક્ષેત્ર॑સ્ય॒ પતિ॑ના વ॒યગ્​મ્હિ॒તે ને॑વ જયામસિ । ગામશ્વં॑ પોષયિ॒ત્.ંવા સ નો॑ મૃડાતી॒દૃશે᳚ ॥
ઓં અધિદેવતા પ્રત્યધિદેવતા સહિતાય અંગા॑રકાય॒ નમઃ॑ ॥ 3 ॥

ઓં ઉદ્બુ॑ધ્યસ્વાગ્ને॒ પ્રતિ॑જાગૃહ્યેનમિષ્ટાપૂ॒ર્તે સગ્​મ્સૃ॑જેથામ॒યંચ॑ । પુનઃ॑ કૃ॒ણ્વગ્ગ્‍સ્ત્વા॑ પિ॒તરં॒-યુઁવા॑નમ॒ન્વાતાગ્​મ્॑સી॒ત્ત્વયિ॒ તંતુ॑મે॒તમ્ ॥ ઇ॒દં-વિઁષ્ણુ॒ર્વિચ॑ક્રમે ત્રે॒ધા નિદ॑ધે પ॒દમ્ । સમૂ॑ઢમસ્યપાગ્​મ્ સુ॒રે ॥ વિષ્ણો॑ ર॒રાટ॑મસિ॒ વિષ્ણોઃ᳚ પૃ॒ષ્ઠમ॑સિ॒ વિષ્ણો॒શ્શ્નપ્ત્રે᳚સ્થો॒ વિષ્ણો॒સ્સ્યૂર॑સિ॒ વિષ્ણો᳚ર્ધ્રુ॒વમ॑સિ વૈષ્ણ॒વમ॑સિ॒ વિષ્ણ॑વે ત્વા ॥
ઓં અધિદેવતા પ્રત્યધિદેવતા સહિતાય બુધા॑ય॒ નમઃ॑ ॥ 4 ॥

ઓં બૃહ॑સ્પતે॒ અતિ॒યદ॒ર્યો અર્​હા᳚દ્દ્યુ॒મદ્વિ॒ભાતિ॒ ક્રતુ॑મ॒જ્જને॑ષુ ।યદ્દી॒દય॒ચ્ચવ॑સર્તપ્રજાત॒ તદ॒સ્માસુ॒ દ્રવિ॑ણંધેહિ ચિ॒ત્રમ્ ॥ ઇંદ્ર॑મરુત્વ ઇ॒હ પા॑હિ॒ સોમં॒-યઁથા॑ શાર્યા॒તે અપિ॑બસ્સુ॒તસ્ય॑ । તવ॒ પ્રણી॑તી॒ તવ॑ શૂર॒શર્મ॒ન્નાવિ॑વાસંતિ ક॒વય॑સ્સુય॒જ્ઞાઃ ॥ બ્રહ્મ॑જજ્ઞા॒નં પ્ર॑થ॒મં પુ॒રસ્તા॒દ્વિસી॑મ॒તસ્સુ॒રુચો॑ વે॒ન આ॑વઃ । સબુ॒ધ્નિયા॑ ઉપ॒મા અ॑સ્ય વિ॒ષ્ઠાસ્સ॒તશ્ચ॒ યોનિ॒મસ॑તશ્ચ॒ વિવઃ॑ ॥
ઓં અધિદેવતા પ્રત્યધિદેવતા સહિતાય બૃહ॒સ્પત॑યે॒ નમઃ॑ ॥ 5 ॥

ઓં પ્રવ॑શ્શુ॒ક્રાય॑ ભા॒નવે॑ ભરધ્વમ્ । હ॒વ્યં મ॒તિં ચા॒ગ્નયે॒ સુપૂ॑તમ્ । યો દૈવ્યા॑નિ॒ માનુ॑ષા જ॒નૂગ્​મ્ષિ॑ અં॒તર્વિશ્વા॑નિ વિ॒દ્મ ના॒ જિગા॑તિ ॥ ઇં॒દ્રા॒ણીમા॒સુ નારિ॑ષુ સુ॒પત્.ંઈ॑મ॒હમ॑શ્રવમ્ । ન હ્ય॑સ્યા અપ॒રંચ॒ન જ॒રસા॒ મર॑તે॒ પતિઃ॑ ॥ ઇંદ્રં॑-વોઁ વિ॒શ્વત॒સ્પરિ॒ હવા॑મહે॒ જને᳚ભ્યઃ । અ॒સ્માક॑મસ્તુ॒ કેવ॑લઃ॥
ઓં અધિદેવતા પ્રત્યધિદેવતા સહિતાય શુક્રા॑ય॒ નમઃ॑ ॥ 6 ॥

ઓં શન્નો॑ દે॒વીર॒ભિષ્ટ॑ય॒ આપો॑ ભવંતુ પી॒તયે᳚ । શં​યોઁર॒ભિસ્ર॑વંતુ નઃ ॥ પ્રજા॑પતે॒ ન ત્વદે॒તાન્ય॒ન્યો વિશ્વા॑ જા॒તાનિ॒ પરિ॒તા બ॑ભૂવ । યત્કા॑માસ્તે જુહુ॒મસ્તન્નો॑ અસ્તુ વ॒યગ્ગ્‍સ્યા॑મ॒ પત॑યો રયી॒ણામ્ ॥ ઇ॒મં-યઁ॑મપ્રસ્ત॒રમાહિ સીદાઽંગિ॑રોભિઃ પિ॒તૃભિ॑સ્સં​વિઁદા॒નઃ । આત્વા॒ મંત્રાઃ᳚ કવિશ॒સ્તા વ॑હંત્વે॒ના રા॑જન્, હ॒વિષા॑ માદયસ્વ ॥
ઓં અધિદેવતા પ્રત્યધિદેવતા સહિતાય શનૈશ્ચ॑રાય॒ નમઃ॑ ॥ 7 ॥

ઓં કયા॑ નશ્ચિ॒ત્ર આભુ॑વદૂ॒તી સ॒દાવૃ॑ધ॒સ્સખા᳚ । કયા॒ શચિ॑ષ્ઠયા વૃ॒તા ॥ આઽયંગૌઃ પૃશ્નિ॑રક્રમી॒દસ॑નન્મા॒તરં॒ પુનઃ॑ । પિ॒તરં॑ચ પ્ર॒યંત્સુવઃ॑ ॥ યત્તે॑ દે॒વી નિર્‍ઋ॑તિરાબ॒બંધ॒ દામ॑ ગ્રી॒વાસ્વ॑વિચ॒ર્ત્યમ્ । ઇ॒દંતે॒ તદ્વિષ્યા॒મ્યાયુ॑ષો॒ ન મધ્યા॒દથા॑જી॒વઃ પિ॒તુમ॑દ્ધિ॒ પ્રમુ॑ક્તઃ ॥
ઓં અધિદેવતા પ્રત્યધિદેવતા સહિતાય રાહ॑વે॒ નમઃ॑ ॥ 8 ॥

ઓં કે॒તુંકૃ॒ણ્વન્ન॑કે॒તવે॒ પેશો॑ મર્યા અપે॒શસે᳚ । સમુ॒ષદ્ભિ॑રજાયથાઃ ॥ બ્ર॒હ્મા દે॒વાનાં᳚ પદ॒વીઃ ક॑વી॒નામૃષિ॒ર્વિપ્રા॑ણાં મહિ॒ષો મૃ॒ગાણા᳚મ્ । શ્યે॒નોગૃધ્રા॑ણા॒ગ્॒સ્વધિ॑તિ॒ર્વના॑ના॒ગ્​મ્॒ સોમઃ॑ પ॒વિત્ર॒મત્યે॑તિ॒ રેભન્॑ ॥ સચિ॑ત્ર ચિ॒ત્રં ચિ॒તયન્᳚તમ॒સ્મે ચિત્ર॑ક્ષત્ર ચિ॒ત્રત॑મં-વઁયો॒ધામ્ । ચં॒દ્રં ર॒યિં પુ॑રુ॒વીરમ્᳚ બૃ॒હંતં॒ ચંદ્ર॑ચં॒દ્રાભિ॑ર્ગૃણ॒તે યુ॑વસ્વ ॥
ઓં અધિદેવતા પ્રત્યધિદેવતા સહિતેભ્યઃ કેતુ॑ભ્યો॒ નમઃ॑ ॥ 9 ॥

॥ ઓં આદિત્યાદિ નવગ્રહ દેવ॑તાભ્યો॒ નમો॒ નમઃ॑ ॥
॥ ઓં શાંતિઃ॒ શાંતિઃ॒ શાંતિઃ॑ ॥