𑌉𑌦𑍍𑌧𑌵𑌗𑍀𑌤𑌾 – 𑌨𑌵𑌮𑍋𑌽𑌧𑍍𑌯𑌾𑌯𑌃

𑌅𑌥 𑌨𑌵𑌮𑍋𑌽𑌧𑍍𑌯𑌾𑌯𑌃 ।

𑌬𑍍𑌰𑌾𑌹𑍍𑌮𑌣𑌃 𑌉𑌵𑌾𑌚 ।
𑌪𑌰𑌿𑌗𑍍𑌰𑌹𑌃 𑌹𑌿 𑌦𑍁𑌃𑌖𑌾𑌯 𑌯𑌤𑍍 𑌯𑌤𑍍 𑌪𑍍𑌰𑌿𑌯𑌤𑌮𑌂 𑌨𑍃𑌣𑌾𑌮𑍍 ।
𑌅𑌨𑌂𑌤𑌂 𑌸𑍁𑌖𑌂 𑌆𑌪𑍍𑌨𑍋𑌤𑌿 𑌤𑌤𑍍 𑌵𑌿𑌦𑍍𑌵𑌾𑌨𑍍 𑌯𑌃 𑌤𑍁 𑌅𑌕𑌿𑌂𑌚𑌨𑌃 ॥ 1॥

𑌸𑌾𑌮𑌿𑌷𑌂 𑌕𑍁𑌰𑌰𑌂 𑌜𑌘𑍍𑌨𑍁𑌃 𑌬𑌲𑌿𑌨𑌃 𑌯𑍇 𑌨𑌿𑌰𑌾𑌮𑌿𑌷𑌾𑌃 ।
𑌤𑌤𑍍 𑌆𑌮𑌿𑌷𑌂 𑌪𑌰𑌿𑌤𑍍𑌯𑌜𑍍𑌯 𑌸𑌃 𑌸𑍁𑌖𑌂 𑌸𑌮𑌵𑌿𑌂𑌦𑌤 ॥ 2॥

𑌨 𑌮𑍇 𑌮𑌾𑌨𑌾𑌵𑌮𑌾𑌨𑍌 𑌸𑍍𑌤𑌃 𑌨 𑌚𑌿𑌂𑌤𑌾 𑌗𑍇𑌹𑌪𑍁𑌤𑍍𑌰𑌿𑌣𑌾𑌮𑍍 ।
𑌆𑌤𑍍𑌮𑌕𑍍𑌰𑍀𑌡𑌃 𑌆𑌤𑍍𑌮𑌰𑌤𑌿𑌃 𑌵𑌿𑌚𑌰𑌾𑌮𑌿 𑌇𑌹 𑌬𑌾𑌲𑌵𑌤𑍍 ॥ 3॥

𑌦𑍍𑌵𑍌 𑌏𑌵 𑌚𑌿𑌂𑌤𑌯𑌾 𑌮𑍁𑌕𑍍𑌤𑍌 𑌪𑌰𑌮 𑌆𑌨𑌂𑌦𑌃 𑌆𑌪𑍍𑌲𑍁𑌤𑍌 ।
𑌯𑌃 𑌵𑌿𑌮𑍁𑌗𑍍𑌧𑌃 𑌜𑌡𑌃 𑌬𑌾𑌲𑌃 𑌯𑌃 𑌗𑍁𑌣𑍇𑌭𑍍𑌯𑌃 𑌪𑌰𑌂 𑌗𑌤𑌃 ॥ 4॥

𑌕𑍍𑌵𑌚𑌿𑌤𑍍 𑌕𑍁𑌮𑌾𑌰𑍀 𑌤𑍁 𑌆𑌤𑍍𑌮𑌾𑌨𑌂 𑌵𑍃𑌣𑌾𑌨𑌾𑌨𑍍 𑌗𑍃𑌹𑌂 𑌆𑌗𑌤𑌾𑌨𑍍 ।
𑌸𑍍𑌵𑌯𑌂 𑌤𑌾𑌨𑍍 𑌅𑌰𑍍𑌹𑌯𑌾𑌮𑌾𑌸 𑌕𑍍𑌵𑌾𑌪𑌿 𑌯𑌾𑌤𑍇𑌷𑍁 𑌬𑌂𑌧𑍁𑌷𑍁 ॥ 5॥

𑌤𑍇𑌷𑌂 𑌅𑌭𑍍𑌯𑌵𑌹𑌾𑌰𑌾𑌰𑍍𑌥𑌂 𑌶𑌾𑌲𑍀𑌨𑍍 𑌰𑌹𑌸𑌿 𑌪𑌾𑌰𑍍𑌥𑌿𑌵 ।
𑌅𑌵𑌘𑍍𑌨𑌂𑌤𑍍𑌯𑌾𑌃 𑌪𑍍𑌰𑌕𑍋𑌷𑍍𑌠𑌸𑍍𑌥𑌾𑌃 𑌚𑌕𑍍𑌰𑍁𑌃 𑌶𑌂𑌖𑌾𑌃 𑌸𑍍𑌵𑌨𑌂 𑌮𑌹𑌤𑍍 ॥

6॥

𑌸𑌾 𑌤𑌤𑍍 𑌜𑍁𑌗𑍁𑌪𑍍𑌸𑌿𑌤𑌂 𑌮𑌤𑍍𑌵𑌾 𑌮𑌹𑌤𑍀 𑌵𑍍𑌰𑍀𑌡𑌿𑌤𑌾 𑌤𑌤𑌃 ।
𑌬𑌭𑌂𑌜 𑌏𑌕𑍈𑌕𑌶𑌃 𑌶𑌂𑌖𑌾𑌨𑍍 𑌦𑍍𑌵𑍌 𑌦𑍍𑌵𑍌 𑌪𑌾𑌣𑍍𑌯𑍋𑌃 𑌅𑌶𑍇𑌷𑌯𑌤𑍍 ॥

𑍭॥

𑌉𑌭𑌯𑍋𑌃 𑌅𑌪𑌿 𑌅𑌭𑍂𑌤𑍍 𑌘𑍋𑌷𑌃 𑌹𑌿 𑌅𑌵𑌘𑍍𑌨𑌂𑌤𑍍𑌯𑌾𑌃 𑌸𑍍𑌮 𑌶𑌂𑌖𑌯𑍋𑌃 ।
𑌤𑌤𑍍𑌰 𑌅𑌪𑌿 𑌏𑌕𑌂 𑌨𑌿𑌰𑌭𑌿𑌦𑌤𑍍 𑌏𑌕𑌸𑍍𑌮𑌾𑌨𑍍 𑌨 𑌅𑌭𑌵𑌤𑍍 𑌧𑍍𑌵𑌨𑌿𑌃 ॥ 𑍮॥

𑌅𑌨𑍍𑌵𑌶𑌿𑌕𑍍𑌷𑌂 𑌇𑌮𑌂 𑌤𑌸𑍍𑌯𑌾𑌃 𑌉𑌪𑌦𑍇𑌶𑌂 𑌅𑌰𑌿𑌂𑌦𑌮 ।
𑌲𑍋𑌕𑌾𑌨𑍍 𑌅𑌨𑍁𑌚𑌰𑌨𑍍 𑌏𑌤𑌾𑌨𑍍 𑌲𑍋𑌕𑌤𑌤𑍍𑌤𑍍𑌵𑌵𑌿𑌵𑌿𑌤𑍍𑌸𑌯𑌾 ॥ 𑍯॥

𑌵𑌾𑌸𑍇 𑌬𑌹𑍂𑌨𑌾𑌂 𑌕𑌲𑌹𑌃 𑌭𑌵𑍇𑌤𑍍 𑌵𑌾𑌰𑍍𑌤𑌾 𑌦𑍍𑌵𑌯𑍋𑌃 𑌅𑌪𑌿 ।
𑌏𑌕𑌃 𑌏𑌵 𑌚𑌰𑍇𑌤𑍍 𑌤𑌸𑍍𑌮𑌾𑌤𑍍 𑌕𑍁𑌮𑌾𑌰𑍍𑌯𑌾𑌃 𑌇𑌵 𑌕𑌂𑌕𑌣𑌃 ॥ 10॥

𑌮𑌨𑌃 𑌏𑌕𑌤𑍍𑌰 𑌸𑌂𑌯𑍁𑌜𑍍𑌯𑌾𑌤𑍍 𑌜𑌿𑌤𑌶𑍍𑌵𑌾𑌸𑌃 𑌜𑌿𑌤 𑌆𑌸𑌨𑌃 ।
𑌵𑍈𑌰𑌾𑌗𑍍𑌯𑌾𑌭𑍍𑌯𑌾𑌸𑌯𑍋𑌗𑍇𑌨 𑌧𑍍𑌰𑌿𑌯𑌮𑌾𑌣𑌂 𑌅𑌤𑌂𑌦𑍍𑌰𑌿𑌤𑌃 ॥ 11॥

𑌯𑌸𑍍𑌮𑌿𑌨𑍍 𑌮𑌨𑌃 𑌲𑌬𑍍𑌧𑌪𑌦𑌂 𑌯𑌤𑍍 𑌏𑌤𑌤𑍍
𑌶𑌨𑍈𑌃 𑌶𑌨𑍈𑌃 𑌮𑍁𑌂𑌚𑌤𑌿 𑌕𑌰𑍍𑌮𑌰𑍇𑌣𑍂𑌨𑍍 ।
𑌸𑌤𑍍𑌤𑍍𑌵𑍇𑌨 𑌵𑍃𑌦𑍍𑌧𑍇𑌨 𑌰𑌜𑌃 𑌤𑌮𑌃 𑌚
𑌵𑌿𑌧𑍂𑌯 𑌨𑌿𑌰𑍍𑌵𑌾𑌣𑌂 𑌉𑌪𑍈𑌤𑌿 𑌅𑌨𑌿𑌂𑌧𑌨𑌮𑍍 ॥ 12॥

𑌤𑌤𑍍 𑌏𑌵𑌂 𑌆𑌤𑍍𑌮𑌨𑌿 𑌅𑌵𑌰𑍁𑌦𑍍𑌧𑌚𑌿𑌤𑍍𑌤𑌃
𑌨 𑌵𑍇𑌦 𑌕𑌿𑌂𑌚𑌿𑌤𑍍 𑌬𑌹𑌿𑌃 𑌅𑌂𑌤𑌰𑌂 𑌵𑌾 ।
𑌯𑌥𑌾 𑌇𑌷𑍁𑌕𑌾𑌰𑌃 𑌨𑍃𑌪𑌤𑌿𑌂 𑌵𑍍𑌰𑌜𑌂𑌤𑌮𑍍
𑌇𑌷𑍌 𑌗𑌤𑌾𑌤𑍍𑌮𑌾 𑌨 𑌦𑌦𑌰𑍍𑌶 𑌪𑌾𑌰𑍍𑌶𑍍𑌵𑍇 ॥ 13॥

𑌏𑌕𑌚𑌾𑌰𑍍𑌯𑌨𑌿𑌕𑍇𑌤𑌃 𑌸𑍍𑌯𑌾𑌤𑍍 𑌅𑌪𑍍𑌰𑌮𑌤𑍍𑌤𑌃 𑌗𑍁𑌹𑌾𑌶𑌯𑌃 ।
𑌅𑌲𑌕𑍍𑌷𑍍𑌯𑌮𑌾𑌣𑌃 𑌆𑌚𑌾𑌰𑍈𑌃 𑌮𑍁𑌨𑌿𑌃 𑌏𑌕𑌃 𑌅𑌲𑍍𑌪𑌭𑌾𑌷𑌣𑌃 ॥ 14॥

𑌗𑍃𑌹𑌾𑌰𑌂𑌭𑌃 𑌅𑌤𑌿𑌦𑍁𑌃𑌖𑌾𑌯 𑌵𑌿𑌫𑌲𑌃 𑌚 𑌅𑌧𑍍𑌰𑍁𑌵𑌾𑌤𑍍𑌮𑌨𑌃 ।
𑌸𑌰𑍍𑌪𑌃 𑌪𑌰𑌕𑍃𑌤𑌂 𑌵𑍇𑌶𑍍𑌮 𑌪𑍍𑌰𑌵𑌿𑌶𑍍𑌯 𑌸𑍁𑌖𑌂 𑌏𑌧𑌤𑍇 ॥ 15॥

𑌏𑌕𑍋 𑌨𑌾𑌰𑌾𑌯𑌣𑍋 𑌦𑍇𑌵𑌃 𑌪𑍂𑌰𑍍𑌵𑌸𑍃𑌷𑍍𑌟𑌂 𑌸𑍍𑌵𑌮𑌾𑌯𑌯𑌾 ।
𑌸𑌂𑌹𑍃𑌤𑍍𑌯 𑌕𑌾𑌲𑌕𑌲𑌯𑌾 𑌕𑌲𑍍𑌪𑌾𑌂𑌤 𑌇𑌦𑌮𑍀𑌶𑍍𑌵𑌰𑌃 ॥ 16॥

𑌏𑌕 𑌏𑌵𑌾𑌦𑍍𑌵𑌿𑌤𑍀𑌯𑍋𑌽𑌭𑍂𑌦𑌾𑌤𑍍𑌮𑌾𑌧𑌾𑌰𑍋𑌽𑌖𑌿𑌲𑌾𑌶𑍍𑌰𑌯𑌃 ।
𑌕𑌾𑌲𑍇𑌨𑌾𑌤𑍍𑌮𑌾𑌨𑍁𑌭𑌾𑌵𑍇𑌨 𑌸𑌾𑌮𑍍𑌯𑌂 𑌨𑍀𑌤𑌾𑌸𑍁 𑌶𑌕𑍍𑌤𑌿𑌷𑍁 ।
𑌸𑌤𑍍𑌤𑍍𑌵𑌾𑌦𑌿𑌷𑍍𑌵𑌾𑌦𑌿𑌪𑍁𑌏𑌰𑍁𑌷𑌃 𑌪𑍍𑌰𑌧𑌾𑌨𑌪𑍁𑌰𑍁𑌷𑍇𑌶𑍍𑌵𑌰𑌃 ॥ 1𑍭॥

𑌪𑌰𑌾𑌵𑌰𑌾𑌣𑌾𑌂 𑌪𑌰𑌮 𑌆𑌸𑍍𑌤𑍇 𑌕𑍈𑌵𑌲𑍍𑌯𑌸𑌂𑌜𑍍𑌞𑌿𑌤𑌃 ।
𑌕𑍇𑌵𑌲𑌾𑌨𑍁𑌭𑌵𑌾𑌨𑌂𑌦𑌸𑌂𑌦𑍋𑌹𑍋 𑌨𑌿𑌰𑍁𑌪𑌾𑌧𑌿𑌕𑌃 ॥ 1𑍮॥

𑌕𑍇𑌵𑌲𑌾𑌤𑍍𑌮𑌾𑌨𑍁𑌭𑌾𑌵𑍇𑌨 𑌸𑍍𑌵𑌮𑌾𑌯𑌾𑌂 𑌤𑍍𑌰𑌿𑌗𑍁𑌣𑌾𑌤𑍍𑌮𑌿𑌕𑌾𑌮𑍍 ।
𑌸𑌂𑌕𑍍𑌷𑍋𑌭𑌯𑌨𑍍𑌸𑍃𑌜𑌤𑍍𑌯𑌾𑌦𑍌 𑌤𑌯𑌾 𑌸𑍂𑌤𑍍𑌰𑌮𑌰𑌿𑌂𑌦𑌮 ॥ 1𑍯॥

𑌤𑌾𑌮𑌾𑌹𑍁𑌸𑍍𑌤𑍍𑌰𑌿𑌗𑍁𑌣𑌵𑍍𑌯𑌕𑍍𑌤𑌿𑌂 𑌸𑍃𑌜𑌂𑌤𑍀𑌂 𑌵𑌿𑌶𑍍𑌵𑌤𑍋𑌮𑍁𑌖𑌮𑍍 ।
𑌯𑌸𑍍𑌮𑌿𑌨𑍍𑌪𑍍𑌰𑍋𑌤𑌮𑌿𑌦𑌂 𑌵𑌿𑌶𑍍𑌵𑌂 𑌯𑍇𑌨 𑌸𑌂𑌸𑌰𑌤𑍇 𑌪𑍁𑌮𑌾𑌨𑍍 ॥ 20॥

𑌯𑌥𑌾 𑌊𑌰𑍍𑌣𑌨𑌾𑌭𑌿𑌃 𑌹𑍃𑌦𑌯𑌾𑌤𑍍 𑌊𑌰𑍍𑌣𑌾𑌂 𑌸𑌂𑌤𑌤𑍍𑌯 𑌵𑌕𑍍𑌤𑍍𑌰𑌤𑌃 ।
𑌤𑌯𑌾 𑌵𑌿𑌹𑍃𑌤𑍍𑌯 𑌭𑍂𑌯𑌸𑍍𑌤𑌾𑌂 𑌗𑍍𑌰𑌸𑌤𑌿 𑌏𑌵𑌂 𑌮𑌹𑍇𑌶𑍍𑌵𑌰𑌃 ॥ 21॥

𑌯𑌤𑍍𑌰 𑌯𑌤𑍍𑌰 𑌮𑌨𑌃 𑌦𑍇𑌹𑍀 𑌧𑌾𑌰𑌯𑍇𑌤𑍍 𑌸𑌕𑌲𑌂 𑌧𑌿𑌯𑌾 ।
𑌸𑍍𑌨𑍇𑌹𑌾𑌤𑍍 𑌦𑍍𑌵𑍇𑌷𑌾𑌤𑍍 𑌭𑌯𑌾𑌤𑍍 𑌵𑌾 𑌅𑌪𑌿 𑌯𑌾𑌤𑌿 𑌤𑌤𑍍 𑌤𑌤𑍍 𑌸𑌰𑍂𑌪𑌤𑌾𑌮𑍍 ॥ 22॥

𑌕𑍀𑌟𑌃 𑌪𑍇𑌶𑌸𑍍𑌕𑍃𑌤𑌂 𑌧𑍍𑌯𑌾𑌯𑌨𑍍 𑌕𑍁𑌡𑍍𑌯𑌾𑌂 𑌤𑍇𑌨 𑌪𑍍𑌰𑌵𑍇𑌶𑌿𑌤𑌃 ।
𑌯𑌾𑌤𑌿 𑌤𑌤𑍍 𑌸𑍍𑌸𑌤𑍍𑌮𑌤𑌾𑌂 𑌰𑌾𑌜𑌨𑍍 𑌪𑍂𑌰𑍍𑌵𑌰𑍂𑌪𑌂 𑌅𑌸𑌂𑌤𑍍𑌯𑌜𑌨𑍍 ॥ 23॥

𑌏𑌵𑌂 𑌗𑍁𑌰𑍁𑌭𑍍𑌯𑌃 𑌏𑌤𑍇𑌭𑍍𑌯𑌃 𑌏𑌷 𑌮𑍇 𑌶𑌿𑌕𑍍𑌷𑌿𑌤𑌾 𑌮𑌤𑌿𑌃 ।
𑌸𑍍𑌵𑌾𑌤𑍍𑌮𑌾 𑌉𑌪𑌶𑌿𑌕𑍍𑌷𑌿𑌤𑌾𑌂 𑌬𑍁𑌦𑍍𑌧𑌿𑌂 𑌶𑍍𑌰𑍁𑌣𑍁 𑌮𑍇 𑌵𑌦𑌤𑌃 𑌪𑍍𑌰𑌭𑍋 ॥ 24॥

𑌦𑍇𑌹𑌃 𑌗𑍁𑌰𑍁𑌃 𑌮𑌮 𑌵𑌿𑌰𑌕𑍍𑌤𑌿𑌵𑌿𑌵𑍇𑌕𑌹𑍇𑌤𑍁𑌃
𑌬𑌿𑌭𑍍𑌰𑌤𑍍 𑌸𑍍𑌮 𑌸𑌤𑍍𑌤𑍍𑌵𑌨𑌿𑌧𑌨𑌂 𑌸𑌤𑌤 𑌅𑌰𑍍𑌤𑍍𑌯𑍁𑌤𑍍 𑌅𑌰𑍍𑌕𑌮𑍍 ।
𑌤𑌤𑍍𑌤𑍍𑌵𑌾𑌨𑌿 𑌅𑌨𑍇𑌨 𑌵𑌿𑌮𑍃𑌶𑌾𑌮𑌿 𑌯𑌥𑌾 𑌤𑌥𑌾 𑌅𑌪𑌿
𑌪𑌾𑌰𑌕𑍍𑌯𑌂 𑌇𑌤𑌿 𑌅𑌵𑌸𑌿𑌤𑌃 𑌵𑌿𑌚𑌰𑌾𑌮𑌿 𑌅𑌸𑌂𑌗𑌃 ॥ 25॥

𑌜𑌾𑌯𑌾𑌤𑍍𑌮𑌜𑌾𑌰𑍍𑌥𑌪𑌶𑍁𑌭𑍃𑌤𑍍𑌯𑌗𑍃𑌹𑌾𑌪𑍍𑌤𑌵𑌰𑍍𑌗𑌾𑌨𑍍
𑌪𑍁𑌷𑍍𑌣𑌾𑌤𑌿 𑌯𑌤𑍍 𑌪𑍍𑌰𑌿𑌯𑌚𑌿𑌕𑍀𑌰𑍍𑌷𑌯𑌾 𑌵𑌿𑌤𑌨𑍍𑌵𑌨𑍍 ॥

𑌸𑍍𑌵𑌾𑌂𑌤𑍇 𑌸𑌕𑍃𑌚𑍍𑌛𑍍𑌰𑌂 𑌅𑌵𑌰𑍁𑌦𑍍𑌧𑌧𑌨𑌃 𑌸𑌃 𑌦𑍇𑌹𑌃
𑌸𑍃𑌷𑍍𑌟𑍍𑌵𑌾 𑌅𑌸𑍍𑌯 𑌬𑍀𑌜𑌂 𑌅𑌵𑌸𑍀𑌦𑌤𑌿 𑌵𑍃𑌕𑍍𑌷𑌧𑌰𑍍𑌮𑌾 ॥ 26॥

𑌜𑌿𑌹𑍍𑌵𑌾 𑌏𑌕𑌤𑌃 𑌅𑌮𑍁𑌂 𑌅𑌵𑌕𑌰𑍍𑌷𑌤𑌿 𑌕𑌰𑍍𑌹𑌿 𑌤𑌰𑍍𑌷𑌾
𑌶𑌿𑌶𑍍𑌨𑌃 𑌅𑌨𑍍𑌯𑌤𑌃 𑌤𑍍𑌵𑌕𑍍 𑌉𑌦𑌰𑌂 𑌶𑍍𑌰𑌵𑌣𑌂 𑌕𑍁𑌤𑌶𑍍𑌚𑌿𑌤𑍍 ।
𑌗𑍍𑌰𑌾𑌣𑌃 𑌅𑌨𑍍𑌯𑌤𑌃 𑌚𑌪𑌲𑌦𑍃𑌕𑍍 𑌕𑍍𑌵 𑌚 𑌕𑌰𑍍𑌮𑌶𑌕𑍍𑌤𑌿𑌃
𑌬𑌹𑍍𑌵𑍍𑌯𑌃 𑌸𑌪𑌤𑍍𑌨𑍍𑌯𑌃 𑌇𑌵 𑌗𑍇𑌹𑌪𑌤𑌿𑌂 𑌲𑍁𑌨𑌂𑌤𑌿 ॥ 2𑍭॥

𑌸𑍃𑌷𑍍𑌟𑍍𑌵𑌾 𑌪𑍁𑌰𑌾𑌣𑌿 𑌵𑌿𑌵𑌿𑌧𑌾𑌨𑌿 𑌅𑌜𑌯𑌾 𑌆𑌤𑍍𑌮𑌶𑌕𑍍𑌤𑍍𑌯𑌾
𑌵𑍃𑌕𑍍𑌷𑌾𑌨𑍍 𑌸𑌰𑍀𑌸𑍃𑌪𑌪𑌶𑍂𑌨𑍍𑌖𑌗𑌦𑌂𑌶𑌮𑌤𑍍𑌸𑍍𑌯𑌾𑌨𑍍 ।
𑌤𑍈𑌃 𑌤𑍈𑌃 𑌅𑌤𑍁𑌷𑍍𑌟𑌹𑍃𑌦𑌯𑌃 𑌪𑍁𑌰𑍁𑌷𑌂 𑌵𑌿𑌧𑌾𑌯
𑌬𑍍𑌰𑌹𑍍𑌮𑌾𑌵𑌲𑍋𑌕𑌧𑌿𑌷𑌣𑌂 𑌮𑍁𑌦𑌮𑌾𑌪 𑌦𑍇𑌵𑌃 ॥ 2𑍮॥

𑌲𑌬𑍍𑌧𑍍𑌵𑌾 𑌸𑍁𑌦𑍁𑌰𑍍𑌲𑌭𑌂 𑌇𑌦𑌂 𑌬𑌹𑍁𑌸𑌂𑌭𑌵𑌾𑌂𑌤𑍇
𑌮𑌾𑌨𑍁𑌷𑍍𑌯𑌮𑌰𑍍𑌥𑌦𑌮𑌨𑌿𑌤𑍍𑌯𑌮𑌪𑍀𑌹 𑌧𑍀𑌰𑌃 ।
𑌤𑍂𑌰𑍍𑌣𑌂 𑌯𑌤𑍇𑌤 𑌨 𑌪𑌤𑍇𑌤𑍍 𑌅𑌨𑍁𑌮𑍃𑌤𑍍𑌯𑍁𑌃 𑌯𑌾𑌵𑌤𑍍
𑌨𑌿𑌃𑌶𑍍𑌰𑍇𑌯𑌸𑌾𑌯 𑌵𑌿𑌷𑌯𑌃 𑌖𑌲𑍁 𑌸𑌰𑍍𑌵𑌤𑌃 𑌸𑍍𑌯𑌾𑌤𑍍 ॥ 2𑍯॥

𑌏𑌵𑌂 𑌸𑌂𑌜𑌾𑌤𑌵𑍈𑌰𑌾𑌗𑍍𑌯𑌃 𑌵𑌿𑌜𑍍𑌞𑌾𑌨𑌲𑍋𑌕 𑌆𑌤𑍍𑌮𑌨𑌿 ।
𑌵𑌿𑌚𑌰𑌾𑌮𑌿 𑌮𑌹𑍀𑌂 𑌏𑌤𑌾𑌂 𑌮𑍁𑌕𑍍𑌤𑌸𑌂𑌗𑌃 𑌅𑌨𑌹𑌂𑌕𑍃𑌤𑌿𑌃 ॥ 30॥

𑌨 𑌹𑌿 𑌏𑌕𑌸𑍍𑌮𑌾𑌤𑍍 𑌗𑍁𑌰𑍋𑌃 𑌜𑍍𑌞𑌾𑌨𑌂 𑌸𑍁𑌸𑍍𑌥𑌿𑌰𑌂 𑌸𑍍𑌯𑌾𑌤𑍍 𑌸𑍁𑌪𑍁𑌷𑍍𑌕𑌲𑌮𑍍 ।
𑌬𑍍𑌰𑌹𑍍𑌮 𑌏𑌤𑌤𑍍 𑌅𑌦𑍍𑌵𑌿𑌤𑍀𑌯𑌂 𑌵𑍈 𑌗𑍀𑌯𑌤𑍇 𑌬𑌹𑍁𑌧𑌾 𑌋𑌷𑌿𑌭𑌿𑌃 ॥ 31॥

𑌶𑍍𑌰𑍀𑌭𑌗𑌵𑌾𑌨𑍁𑌵𑌾𑌚 ।
𑌇𑌤𑍍𑌯𑍁𑌕𑍍𑌤𑍍𑌵𑌾 𑌸 𑌯𑌦𑍁𑌂 𑌵𑌿𑌪𑍍𑌰𑌸𑍍𑌤𑌮𑌾𑌮𑌂𑌤𑍍𑌰𑌯 𑌗𑌭𑍀𑌰𑌧𑍀𑌃 ।
𑌵𑌂𑌦𑌿𑌤𑍋।𑌆𑌭𑍍𑌯𑌰𑍍𑌥𑌿𑌤𑍋 𑌰𑌾𑌜𑍍𑌞𑌾 𑌯𑌯𑍌 𑌪𑍍𑌰𑍀𑌤𑍋 𑌯𑌥𑌾𑌗𑌤𑌮𑍍 ॥ 32॥

𑌅𑌵𑌧𑍂𑌤𑌵𑌚𑌃 𑌶𑍍𑌰𑍁𑌤𑍍𑌵𑌾 𑌪𑍂𑌰𑍍𑌵𑍇𑌷𑌾𑌂 𑌨𑌃 𑌸 𑌪𑍂𑌰𑍍𑌵𑌜𑌃 ।
𑌸𑌰𑍍𑌵𑌸𑌂𑌗𑌵𑌿𑌨𑌿𑌰𑍍𑌮𑍁𑌕𑍍𑌤𑌃 𑌸𑌮𑌚𑌿𑌤𑍍𑌤𑍋 𑌬𑌭𑍂𑌵 𑌹 ॥ 33॥

(𑌇𑌤𑌿 𑌅𑌵𑌧𑍂𑌤𑌗𑍀𑌤𑌮𑍍 ।)

𑌇𑌤𑌿 𑌶𑍍𑌰𑍀𑌮𑌦𑍍𑌭𑌾𑌗𑌵𑌤𑍇 𑌮𑌹𑌾𑌪𑍁𑌰𑌾𑌣𑍇 𑌪𑌾𑌰𑌮𑌹𑌂𑌸𑍍𑌯𑌾𑌂
𑌸𑌂𑌹𑌿𑌤𑌾𑌯𑌾𑌮𑍇𑌕𑌾𑌦𑌶𑌸𑍍𑌕𑌂𑌧𑍇 𑌭𑌗𑌵𑌦𑍁𑌦𑍍𑌧𑌵𑌸𑌂𑌵𑌾𑌦𑍇
𑌨𑌵𑌮𑍋𑌽𑌧𑍍𑌯𑌾𑌯𑌃 ॥