1.2 – 𑌗𑌵𑌾𑌮𑌯𑌨𑌬𑍍𑌰𑌾𑌹𑍍𑌮𑌣𑌂 – 𑌕𑍃𑌷𑍍𑌣 𑌯𑌜𑍁𑌰𑍍𑌵𑍇𑌦 𑌤𑍈𑌤𑍍𑌤𑌿𑌰𑍀𑌯 𑌬𑍍𑌰𑌾𑌹𑍍𑌮𑌣 𑌪𑌾𑌠𑌃 – 𑌉𑌦𑍍𑌧𑌨𑍍𑌯𑌮𑌾𑌨-𑌮𑌸𑍍𑌯𑌾

This Bhakti Granth document is presented in Grantha script, with the original script marks preserved.

𑌕𑍃𑌷𑍍𑌣 𑌯𑌜𑍁𑌰𑍍𑌵𑍇𑌦𑍀𑌯 𑌤𑍈𑌤𑍍𑌤𑌿𑌰𑍀𑌯 𑌬𑍍𑌰𑌾𑌹𑍍𑌮𑌣𑍇 𑌪𑍍𑌰𑌥𑌮𑌾𑌷𑍍𑌟𑌕𑍇 𑌦𑍍𑌵𑌿𑌤𑍀𑌯𑌃 𑌪𑍍𑌰𑌪𑌾𑌠𑌕𑌃 – 𑌗𑌵𑌾𑌮𑌯𑌨𑌬𑍍𑌰𑌾𑌹𑍍𑌮𑌣𑌂

𑌓-𑌨𑍍𑌨𑌮𑌃 𑌪𑌰𑌮𑌾𑌤𑍍𑌮𑌨𑍇, 𑌶𑍍𑌰𑍀 𑌮𑌹𑌾𑌗𑌣𑌪𑌤𑌯𑍇 𑌨𑌮𑌃,
𑌶𑍍𑌰𑍀 𑌗𑍁𑌰𑍁𑌭𑍍𑌯𑍋 𑌨𑌮𑌃 । 𑌹॒𑌰𑌿𑌃॒ 𑌓𑌮𑍍 ॥

𑌅𑌨𑍁𑌵𑌾𑌕𑌂 1 – 𑌆𑌧𑌾𑌨𑌮𑌨𑍍𑌤𑍍𑌰𑌾𑌃 𑌪𑍂𑌰𑍍𑌵𑌪𑍍𑌰𑌪𑌾𑌠𑌕𑌶𑍇𑌷𑌭𑍂𑌤𑌾𑌃

𑌉॒𑌦𑍍𑌧॒𑌨𑍍𑌯𑌮𑌾॑𑌨-𑌮॒𑌸𑍍𑌯𑌾 𑌅॑𑌮𑍇॒𑌦𑍍𑌧𑍍𑌯𑌮𑍍 । 𑌅𑌪॑ 𑌪𑌾॒𑌪𑍍𑌮𑌾𑌨𑌂॒-𑌯𑌁𑌜॑𑌮𑌾𑌨𑌸𑍍𑌯 𑌹𑌨𑍍𑌤𑍁 । 𑌶𑌿॒𑌵𑌾 𑌨॑-𑌸𑍍𑌸𑌨𑍍𑌤𑍁 𑌪𑍍𑌰॒𑌦𑌿𑌶॒𑌶𑍍𑌚𑌤॑𑌸𑍍𑌰𑌃 । 𑌶-𑌨𑍍𑌨𑍋॑ 𑌮𑌾॒𑌤𑌾 𑌪𑍃॑𑌥𑌿॒𑌵𑍀 𑌤𑍋𑌕॑𑌸𑌾𑌤𑌾 ॥ 𑌶-𑌨𑍍𑌨𑍋॑ 𑌦𑍇॒𑌵𑍀𑌰॒𑌭𑌿𑌷𑍍𑌟॑𑌯𑍇 । 𑌆𑌪𑍋॑ 𑌭𑌵𑌨𑍍𑌤𑍁 𑌪𑍀॒𑌤𑌯𑍇᳚ । 𑌶𑌂-𑌯𑍋𑌁𑌰॒𑌭𑌿 𑌸𑍍𑌰॑𑌵𑌨𑍍𑌤𑍁 𑌨𑌃 ॥ 𑌵𑍈॒𑌶𑍍𑌵𑌾॒𑌨॒𑌰𑌸𑍍𑌯॑ 𑌰𑍂॒𑌪𑌮𑍍 । 𑌪𑍃॒𑌥𑌿॒𑌵𑍍𑌯𑌾-𑌮𑍍𑌪॑𑌰𑌿॒𑌸𑍍𑌰𑌸𑌾᳚ । 𑌸𑍍𑌯𑍋॒𑌨-𑌮𑌾𑌵𑌿॑𑌶𑌨𑍍𑌤𑍁 𑌨𑌃 ॥ 1 ॥

𑌯𑌦𑌿॒𑌦-𑌨𑍍𑌦𑌿॒𑌵𑍋 𑌯𑌦॒𑌦𑌃 𑌪𑍃॑𑌥𑌿॒𑌵𑍍𑌯𑌾𑌃 । 𑌸॒𑌜॒𑌞𑍍𑌜𑍍𑌞𑌾॒𑌨𑍇 𑌰𑍋𑌦॑𑌸𑍀 𑌸𑌮𑍍𑌬𑌭𑍂॒𑌵𑌤𑍁𑌃॑ । 𑌊𑌷𑌾᳚𑌨𑍍 𑌕𑍃॒𑌷𑍍𑌣𑌮॑𑌵𑌤𑍁 𑌕𑍃॒𑌷𑍍𑌣𑌮𑍂𑌷𑌾𑌃᳚ । 𑌇॒𑌹𑍋𑌭𑌯𑍋᳚-𑌰𑍍𑌯॒𑌜𑍍𑌞𑌿𑌯॒-𑌮𑌾𑌗॑𑌮𑌿𑌷𑍍𑌠𑌾𑌃 ॥ 𑌊॒𑌤𑍀𑌃 𑌕𑍁॑𑌰𑍍𑌵𑌾॒𑌣𑍋 𑌯-𑌤𑍍𑌪𑍃॑𑌥𑌿॒𑌵𑍀𑌮𑌚॑𑌰𑌃 । 𑌗𑍁॒𑌹𑌾॒𑌕𑌾𑌰॑-𑌮𑌾𑌖𑍁𑌰𑍂॒𑌪-𑌮𑍍𑌪𑍍𑌰॒𑌤𑍀𑌤𑍍𑌯॑ । 𑌤-𑌤𑍍𑌤𑍇॒ 𑌨𑍍𑌯॑𑌕𑍍𑌤𑌮𑌿॒𑌹 𑌸॒𑌭𑌂𑌰॑𑌨𑍍𑌤𑌃 । 𑌶॒𑌤-𑌞𑍍𑌜𑍀॑𑌵𑍇𑌮 𑌶॒𑌰𑌦॒-𑌸𑍍𑌸𑌵𑍀॑𑌰𑌾𑌃 ॥ 𑌊𑌰𑍍𑌜॑-𑌮𑍍𑌪𑍃𑌥𑌿॒𑌵𑍍𑌯𑌾 𑌰𑌸॑-𑌮𑌾॒𑌭𑌰॑𑌨𑍍𑌤𑌃 । 𑌶॒𑌤-𑌞𑍍𑌜𑍀॑𑌵𑍇𑌮 𑌶॒𑌰𑌦𑌃॑ 𑌪𑍁𑌰𑍂॒𑌚𑍀𑌃 ॥ 2 ॥

𑌵॒𑌮𑍍𑌰𑍀𑌭𑌿॒-𑌰𑌨𑍁॑𑌵𑌿𑌤𑍍𑌤॒-𑌙𑍍𑌗𑍁𑌹𑌾॑𑌸𑍁 । 𑌶𑍍𑌰𑍋𑌤𑍍𑌰॑-𑌨𑍍𑌤 𑌉॒𑌰𑍍𑌵𑍍𑌯𑌬॑𑌧𑌿𑌰𑌾 𑌭𑌵𑌾𑌮𑌃 ॥ 𑌪𑍍𑌰॒𑌜𑌾𑌪॑𑌤𑌿 𑌸𑍃𑌷𑍍𑌟𑌾𑌨𑌾-𑌮𑍍𑌪𑍍𑌰॒𑌜𑌾𑌨𑌾᳚𑌮𑍍 । 𑌕𑍍𑌷𑍁॒𑌧𑍋𑌪॑𑌹𑌤𑍍𑌯𑍈 𑌸𑍁𑌵𑌿॒𑌤-𑌨𑍍𑌨𑍋॑ 𑌅𑌸𑍍𑌤𑍁 । 𑌉𑌪॒𑌪𑍍𑌰𑌭𑌿॑𑌨𑍍𑌨॒𑌮𑌿𑌷॒-𑌮𑍂𑌰𑍍𑌜॑-𑌮𑍍𑌪𑍍𑌰॒𑌜𑌾𑌭𑍍𑌯𑌃॑ । 𑌸𑍂𑌦॑-𑌙𑍍𑌗𑍃॒𑌹𑍇𑌭𑍍𑌯𑍋॒ 𑌰𑌸॒𑌮𑌾𑌭॑𑌰𑌾𑌮𑌿 ॥ 𑌯𑌸𑍍𑌯॑ 𑌰𑍂॒𑌪-𑌮𑍍𑌬𑌿𑌭𑍍𑌰॑𑌦𑌿॒𑌮𑌾-𑌮𑌵𑌿॑𑌨𑍍𑌦𑌤𑍍 । 𑌗𑍁𑌹𑌾॒ 𑌪𑍍𑌰𑌵𑌿॑𑌷𑍍𑌟𑌾𑌗𑍍𑌮𑍍 𑌸𑌰𑌿॒𑌰𑌸𑍍𑌯॒ 𑌮𑌦𑍍𑌧𑍍𑌯𑍇᳚ । 𑌤𑌸𑍍𑌯𑍇॒𑌦𑌂-𑌵𑌿𑌁𑌹॑𑌤-𑌮𑌾॒𑌭𑌰॑𑌨𑍍𑌤𑌃 । 𑌅𑌛॑𑌮𑍍𑌬𑌟𑍍𑌕𑌾𑌰𑌮॒𑌸𑍍𑌯𑌾𑌂-𑌵𑌿𑌁॑𑌧𑍇𑌮 ॥ 3 ॥

𑌯-𑌤𑍍𑌪॒𑌰𑍍𑌯𑌪॑𑌶𑍍𑌯-𑌥𑍍𑌸𑌰𑌿॒𑌰𑌸𑍍𑌯॒ 𑌮𑌦𑍍𑌧𑍍𑌯𑍇᳚ । 𑌉॒𑌰𑍍𑌵𑍀𑌮𑌪॑𑌶𑍍𑌯॒-𑌜𑍍𑌜𑌗॑𑌤𑌃 𑌪𑍍𑌰𑌤𑌿॒𑌷𑍍𑌠𑌾𑌮𑍍 । 𑌤-𑌤𑍍𑌪𑍁𑌷𑍍𑌕॑𑌰𑌸𑍍𑌯𑌾॒𑌯𑌤॑𑌨𑌾॒𑌦𑍍𑌧𑌿 𑌜𑌾॒𑌤𑌮𑍍 । 𑌪॒𑌰𑍍𑌣-𑌮𑍍𑌪𑍃॑𑌥𑌿॒𑌵𑍍𑌯𑌾𑌃 𑌪𑍍𑌰𑌥॑𑌨𑌗𑍍𑌮𑍍 𑌹𑌰𑌾𑌮𑌿 ॥ 𑌯𑌾𑌭𑌿॒𑌰𑌦𑍃𑌗𑍍𑌮𑍍॑𑌹॒𑌜𑍍𑌜𑌗॑𑌤𑌃 𑌪𑍍𑌰𑌤𑌿॒𑌷𑍍𑌠𑌾𑌮𑍍 । 𑌉॒𑌰𑍍𑌵𑍀𑌮𑌿॒𑌮𑌾𑌂-𑌵𑌿𑌁॑𑌶𑍍𑌵𑌜॒𑌨𑌸𑍍𑌯॑ 𑌭॒𑌰𑍍𑌤𑍍𑌰𑍀𑌮𑍍 । 𑌤𑌾 𑌨॑-𑌶𑍍𑌶𑌿॒𑌵𑌾-𑌶𑍍𑌶𑌰𑍍𑌕॑𑌰𑌾-𑌸𑍍𑌸𑌨𑍍𑌤𑍁॒ 𑌸𑌰𑍍𑌵𑌾𑌃᳚ ॥ 𑌅॒𑌗𑍍𑌨𑍇 𑌰𑍇𑌤॑𑌶𑍍𑌚॒𑌨𑍍𑌦𑍍𑌰𑌗𑍍𑌮𑍍 𑌹𑌿𑌰॑𑌣𑍍𑌯𑌮𑍍 । 𑌅॒𑌦𑍍𑌭𑍍𑌯-𑌸𑍍𑌸𑌮𑍍𑌭𑍂॑𑌤-𑌮॒𑌮𑍃𑌤॑-𑌮𑍍𑌪𑍍𑌰॒𑌜𑌾𑌸𑍁॑ । 𑌤-𑌥𑍍𑌸॒𑌭𑌂𑌰॑𑌨𑍍𑌨𑍁𑌤𑍍𑌤𑌰॒𑌤𑍋 𑌨𑌿॒𑌧𑌾𑌯॑ ॥ 4 ॥

𑌅॒𑌤𑌿॒ 𑌪𑍍𑌰॒𑌯𑌚𑍍𑌛॒-𑌨𑍍𑌦𑍁𑌰𑌿॑𑌤𑌿-𑌨𑍍𑌤𑌰𑍇𑌯𑌮𑍍 ॥ 𑌅𑌶𑍍𑌵𑍋॑ 𑌰𑍂॒𑌪-𑌙𑍍𑌕𑍃॒𑌤𑍍𑌵𑌾 𑌯𑌦॑𑌶𑍍𑌵॒𑌤𑍍𑌥𑍇 𑌽𑌤𑌿॑𑌷𑍍𑌠𑌃 । 𑌸𑌂॒𑌵𑌁॒𑌥𑍍𑌸॒𑌰-𑌨𑍍𑌦𑍇॒𑌵𑍇𑌭𑍍𑌯𑍋॑ 𑌨𑌿॒𑌲𑌾𑌯॑ । 𑌤𑌤𑍍𑌤𑍇॒ 𑌨𑍍𑌯॑𑌕𑍍𑌤𑌮𑌿॒𑌹 𑌸॒𑌭𑌂𑌰॑𑌨𑍍𑌤𑌃 । 𑌶॒𑌤-𑌞𑍍𑌜𑍀॑𑌵𑍇𑌮 𑌶॒𑌰𑌦॒-𑌸𑍍𑌸𑌵𑍀॑𑌰𑌾𑌃 ॥ 𑌊॒𑌰𑍍𑌜𑌃 𑌪𑍃॑𑌥𑌿॒𑌵𑍍𑌯𑌾 𑌅𑌦𑍍𑌧𑍍𑌯𑍁𑌤𑍍𑌥𑌿॑𑌤𑍋-𑌽𑌸𑌿 । 𑌵𑌨॑𑌸𑍍𑌪𑌤𑍇 𑌶॒𑌤𑌵॑𑌲𑍍𑌶𑍋॒ 𑌵𑌿𑌰𑍋॑𑌹 । 𑌤𑍍𑌵𑌯𑌾॑ 𑌵॒𑌯𑌮𑌿𑌷॒𑌮𑍂𑌰𑍍𑌜॒-𑌮𑍍𑌮𑌦॑𑌨𑍍𑌤𑌃 । 𑌰𑌾॒𑌯𑌸𑍍𑌪𑍋𑌷𑍇॑𑌣॒ 𑌸𑌮𑌿॒𑌷𑌾 𑌮॑𑌦𑍇𑌮 ॥ 𑌗𑌾॒𑌯॒𑌤𑍍𑌰𑌿॒𑌯𑌾 𑌹𑍍𑌰𑌿॒𑌯𑌮𑌾॑𑌣𑌸𑍍𑌯॒ 𑌯𑌤𑍍𑌤𑍇᳚ ॥ 5 ॥

𑌪॒𑌰𑍍𑌣𑌮𑌪॑𑌤-𑌤𑍍𑌤𑍃॒𑌤𑍀𑌯॑𑌸𑍍𑌯𑍈 𑌦𑌿॒𑌵𑍋-𑌽𑌧𑌿॑ । 𑌸𑍋॑-𑌽𑌯-𑌮𑍍𑌪॒𑌰𑍍𑌣-𑌸𑍍𑌸𑍋॑𑌮𑌪॒𑌰𑍍𑌣𑌾𑌦𑍍𑌧𑌿 𑌜𑌾॒𑌤𑌃 । 𑌤𑌤𑍋॑ 𑌹𑌰𑌾𑌮𑌿 𑌸𑍋𑌮𑌪𑍀॒𑌥𑌸𑍍𑌯𑌾𑌵॑-𑌰𑍁𑌦𑍍𑌧𑍍𑌯𑍈 । 𑌦𑍇॒𑌵𑌾𑌨𑌾᳚-𑌮𑍍𑌬𑍍𑌰𑌹𑍍𑌮𑌵𑌾॒𑌦𑌂-𑌵𑌁𑌦॑𑌤𑌾𑌂॒-𑌯𑌁𑌤𑍍 । 𑌉॒𑌪𑌾𑌶𑍃॑𑌣𑍋-𑌸𑍍𑌸𑍁॒𑌶𑍍𑌰𑌵𑌾॒ 𑌵𑍈 𑌶𑍍𑌰𑍁॒𑌤𑍋॑-𑌽𑌸𑌿 । 𑌤𑌤𑍋॒ 𑌮𑌾𑌮𑌾𑌵𑌿॑𑌶𑌤𑍁 𑌬𑍍𑌰𑌹𑍍𑌮𑌵𑌰𑍍𑌚॒𑌸𑌮𑍍 । 𑌤-𑌥𑍍𑌸॒𑌭𑌂𑌰॒𑌗𑍍𑌗𑍍॒ 𑌸𑍍𑌤𑌦𑌵॑𑌰𑍁𑌨𑍍𑌧𑍀𑌯 𑌸𑌾॒𑌕𑍍𑌷𑌾𑌤𑍍 ॥ 𑌯𑌯𑌾॑ 𑌤𑍇 𑌸𑍃॒𑌷𑍍𑌟𑌸𑍍𑌯𑌾॒𑌗𑍍𑌨𑍇𑌃 । 𑌹𑍇॒𑌤𑌿𑌮𑌶॑𑌮𑌯-𑌤𑍍𑌪𑍍𑌰॒𑌜𑌾𑌪॑𑌤𑌿𑌃 । 𑌤𑌾𑌮𑌿॒𑌮𑌾𑌮 𑌪𑍍𑌰॑𑌦𑌾𑌹𑌾𑌯 ॥ 6 ॥

𑌶॒𑌮𑍀𑌗𑍍𑌮𑍍 𑌶𑌾𑌨𑍍𑌤𑍍𑌯𑍈॑ 𑌹𑌰𑌾𑌮𑍍𑌯॒𑌹𑌮𑍍 ॥ 𑌯𑌤𑍍𑌤𑍇॑ 𑌸𑍃॒𑌷𑍍𑌟𑌸𑍍𑌯॑ 𑌯॒𑌤𑌃 । 𑌵𑌿𑌕॑𑌙𑍍𑌕𑌤॒-𑌮𑍍𑌭𑌾 𑌆᳚𑌰𑍍𑌛𑌜𑍍𑌜𑌾𑌤𑌵𑍇𑌦𑌃 । 𑌤𑌯𑌾॑ 𑌭𑌾॒𑌸𑌾 𑌸𑌮𑍍𑌮𑌿॑𑌤𑌃 । 𑌉॒𑌰𑍁-𑌨𑍍𑌨𑍋॑ 𑌲𑍋॒𑌕𑌮𑌨𑍁॒ 𑌪𑍍𑌰𑌭𑌾॑𑌹𑌿 ॥ 𑌯𑌤𑍍𑌤𑍇॑ 𑌤𑌾॒𑌨𑍍𑌤𑌸𑍍𑌯॒ 𑌹𑍃𑌦॑𑌯॒𑌮𑌾𑌚𑍍𑌛𑌿॑𑌨𑍍𑌦𑌨𑍍 𑌜𑌾𑌤𑌵𑍇𑌦𑌃 । 𑌮॒𑌰𑍁𑌤𑍋॒-𑌽𑌦𑍍𑌭𑌿𑌸𑍍𑌤॑𑌮𑌯𑌿॒𑌤𑍍𑌵𑌾 । 𑌏॒𑌤𑌤𑍍𑌤𑍇॒ 𑌤𑌦॑𑌶॒𑌨𑍇-𑌸𑍍𑌸𑌮𑍍𑌭॑𑌰𑌾𑌮𑌿 । 𑌸𑌾𑌤𑍍𑌮𑌾॑ 𑌅𑌗𑍍𑌨𑍇॒ 𑌸𑌹𑍃॑𑌦𑌯𑍋 𑌭𑌵𑍇॒𑌹 ॥ 𑌚𑌿𑌤𑍍𑌰𑌿॑𑌯𑌾𑌦𑌶𑍍𑌵॒𑌤𑍍𑌥𑌾-𑌥𑍍𑌸𑌮𑍍𑌭𑍃॑𑌤𑌾 𑌬𑍃𑌹॒𑌤𑍍𑌯𑌃॑ ॥ 𑍭 ॥

𑌶𑌰𑍀॑𑌰𑌮॒𑌭𑌿 𑌸𑌗𑍍𑌗𑍍 𑌸𑍍𑌕𑍃॑𑌤𑌾-𑌸𑍍𑌸𑍍𑌥 । 𑌪𑍍𑌰॒𑌜𑌾𑌪॑𑌤𑌿𑌨𑌾 𑌯𑌜𑍍𑌞𑌮𑍁॒𑌖𑍇𑌨॒ 𑌸𑌮𑍍𑌮𑌿॑𑌤𑌾𑌃 । 𑌤𑌿॒𑌸𑍍𑌰𑌸𑍍 𑌤𑍍𑌰𑌿॒𑌵𑍃𑌦𑍍𑌭𑌿॑-𑌰𑍍𑌮𑌿𑌥𑍁॒𑌨𑌾𑌃 𑌪𑍍𑌰𑌜𑌾᳚𑌤𑍍𑌯𑍈 ॥ 𑌅॒𑌶𑍍𑌵॒𑌤𑍍𑌥𑌾-𑌦𑍍𑌧॑𑌵𑍍𑌯𑌵𑌾॒𑌹𑌾-𑌦𑍍𑌧𑌿 𑌜𑌾॒𑌤𑌾𑌮𑍍 । 𑌅॒𑌗𑍍𑌨𑍇 𑌸𑍍𑌤॒𑌨𑍂𑌂-𑌯𑌁॒𑌜𑍍𑌞𑌿𑌯𑌾॒𑌗𑍍𑌮𑍍॒ 𑌸𑌮𑍍𑌭॑𑌰𑌾𑌮𑌿 । 𑌶𑌾॒𑌨𑍍𑌤𑌯𑍋॑𑌨𑌿𑌗𑍍𑌮𑍍 𑌶𑌮𑍀𑌗॒𑌰𑍍𑌭𑌮𑍍 । 𑌅॒𑌗𑍍𑌨𑌯𑍇॒ 𑌪𑍍𑌰𑌜॑𑌨𑌯𑌿॒𑌤𑌵𑍇᳚ ॥ 𑌯𑍋 𑌅॑𑌶𑍍𑌵॒𑌤𑍍𑌥-𑌶𑍍𑌶॑𑌮𑍀𑌗॒𑌰𑍍𑌭𑌃 । 𑌆॒𑌰𑍁॒𑌰𑍋𑌹॒ 𑌤𑍍𑌵𑍇 𑌸𑌚𑌾᳚ । 𑌤-𑌨𑍍𑌤𑍇॑ 𑌹𑌰𑌾𑌮𑌿॒ 𑌬𑍍𑌰𑌹𑍍𑌮॑𑌣𑌾 ॥ 𑍮 ॥

𑌯॒𑌜𑍍𑌞𑌿𑌯𑍈𑌃᳚ 𑌕𑍇॒𑌤𑍁𑌭𑌿॑-𑌸𑍍𑌸॒𑌹 ॥ 𑌯-𑌨𑍍𑌤𑍍𑌵𑌾॑ 𑌸॒𑌮𑌭॑𑌰𑌨𑍍-𑌜𑌾𑌤𑌵𑍇𑌦𑌃 । 𑌯॒𑌥𑌾॒ 𑌶॒𑌰𑍀॒𑌰-𑌮𑍍𑌭𑍂॒𑌤𑍇𑌷𑍁॒ 𑌨𑍍𑌯॑𑌕𑍍𑌤𑌮𑍍 । 𑌸 𑌸𑌮𑍍𑌭𑍃॑𑌤-𑌸𑍍𑌸𑍀𑌦 𑌶𑌿॒𑌵𑌃 𑌪𑍍𑌰॒𑌜𑌾𑌭𑍍𑌯𑌃॑ । 𑌉॒𑌰𑍁-𑌨𑍍𑌨𑍋॑ 𑌲𑍋॒𑌕𑌮𑌨𑍁॑𑌨𑍇𑌷𑌿 𑌵𑌿॒𑌦𑍍𑌵𑌾𑌨𑍍 ॥ 𑌪𑍍𑌰 𑌵𑍇॒𑌧𑌸𑍇॑ 𑌕॒𑌵𑌯𑍇॒ 𑌮𑍇𑌦𑍍𑌧𑍍𑌯𑌾॑𑌯 । 𑌵𑌚𑍋॑ 𑌵॒𑌨𑍍𑌦𑌾𑌰𑍁॑ 𑌵𑍃𑌷॒𑌭𑌾𑌯॒ 𑌵𑍃𑌷𑍍𑌣𑍇᳚ । 𑌯𑌤𑍋॑ 𑌭॒𑌯𑌮𑌭॑𑌯॒-𑌨𑍍𑌤𑌨𑍍𑌨𑍋॑ 𑌅𑌸𑍍𑌤𑍁 । 𑌅𑌵॑ 𑌦𑍇॒𑌵𑌾𑌨𑍍. 𑌯॑𑌜𑍇॒ 𑌹𑍇𑌡𑍍𑌯𑌾𑌨𑍍॑ ॥ 𑌸॒𑌮𑌿𑌧𑌾॒-𑌽𑌗𑍍𑌨𑌿-𑌨𑍍𑌦𑍁॑𑌵𑌸𑍍𑌯𑌤 ॥ 𑍯 ॥

𑌘𑍃॒𑌤𑍈-𑌰𑍍𑌬𑍋॑𑌧𑌯॒𑌤𑌾𑌤𑌿॑𑌥𑌿𑌮𑍍 । 𑌆-𑌽𑌸𑍍𑌮𑌿॑𑌨𑍍. 𑌹॒𑌵𑍍𑌯𑌾 𑌜𑍁॑𑌹𑍋𑌤𑌨 ॥ 𑌉𑌪॑ 𑌤𑍍𑌵𑌾-𑌽𑌗𑍍𑌨𑍇 𑌹॒𑌵𑌿𑌷𑍍𑌮॑𑌤𑍀𑌃 । 𑌘𑍃॒𑌤𑌾𑌚𑍀᳚𑌰𑍍𑌯𑌨𑍍𑌤𑍁 𑌹𑌰𑍍𑌯𑌤 । 𑌜𑍁॒𑌷𑌸𑍍𑌵॑ 𑌸॒𑌮𑌿𑌧𑍋॒ 𑌮𑌮॑ ॥ 𑌤-𑌨𑍍𑌤𑍍𑌵𑌾॑ 𑌸॒𑌮𑌿𑌦𑍍𑌭𑌿॑𑌰𑌙𑍍𑌗𑌿𑌰𑌃 । 𑌘𑍃॒𑌤𑍇𑌨॑ 𑌵𑌰𑍍𑌧𑌯𑌾𑌮𑌸𑌿 । 𑌬𑍃॒𑌹𑌚𑍍𑌛𑍋॑𑌚𑌾 𑌯𑌵𑌿𑌷𑍍𑌠𑍍𑌯 ॥ 𑌸॒𑌮𑌿॒𑌦𑍍𑌧𑍍𑌯𑌮𑌾॑𑌨𑌃 𑌪𑍍𑌰𑌥॒𑌮𑍋 𑌨𑍁 𑌧𑌰𑍍𑌮𑌃॑ । 𑌸𑌮॒𑌕𑍍𑌤𑍁𑌭𑌿॑𑌰𑌜𑍍𑌯𑌤𑍇 𑌵𑌿॒𑌶𑍍𑌵𑌵𑌾॑𑌰𑌃 ॥ 10 ॥

𑌶𑍋॒𑌚𑌿𑌷𑍍𑌕𑍇॑𑌶𑍋 𑌘𑍃॒𑌤𑌨𑌿॑𑌰𑍍𑌣𑌿𑌕𑍍-𑌪𑌾𑌵॒𑌕𑌃 । 𑌸𑍁॒𑌯॒𑌜𑍍𑌞𑍋 𑌅॒𑌗𑍍𑌨𑌿-𑌰𑍍𑌯॒𑌜𑌥𑌾॑𑌯 𑌦𑍇॒𑌵𑌾𑌨𑍍 ॥ 𑌘𑍃॒𑌤𑌪𑍍𑌰॑𑌤𑍀𑌕𑍋 𑌘𑍃॒𑌤𑌯𑍋॑𑌨𑌿𑌰॒𑌗𑍍𑌨𑌿𑌃 । 𑌘𑍃॒𑌤𑍈-𑌸𑍍𑌸𑌮𑌿॑𑌦𑍍𑌧𑍋 𑌘𑍃॒𑌤𑌮॒𑌸𑍍𑌯𑌾𑌨𑍍𑌨᳚𑌮𑍍 । 𑌘𑍃॒𑌤॒𑌪𑍍𑌰𑍁𑌷॑𑌸𑍍𑌤𑍍𑌵𑌾 𑌸॒𑌰𑌿𑌤𑍋॑ 𑌵𑌹𑌨𑍍𑌤𑌿 । 𑌘𑍃॒𑌤-𑌮𑍍𑌪𑌿𑌬𑌨𑍍᳚-𑌥𑍍𑌸𑍁॒𑌯𑌜𑌾॑ 𑌯𑌕𑍍𑌷𑌿 𑌦𑍇॒𑌵𑌾𑌨𑍍 ॥ 𑌆॒𑌯𑍁॒𑌰𑍍𑌦𑌾 𑌅॑𑌗𑍍𑌨𑍇 𑌹॒𑌵𑌿𑌷𑍋॑ 𑌜𑍁𑌷𑌾॒𑌣𑌃 । 𑌘𑍃॒𑌤 𑌪𑍍𑌰॑𑌤𑍀𑌕𑍋 𑌘𑍃॒𑌤𑌯𑍋॑𑌨𑌿𑌰𑍇𑌧𑌿 । 𑌘𑍃॒𑌤-𑌮𑍍𑌪𑍀॒𑌤𑍍𑌵𑌾 𑌮𑌧𑍁॒𑌚𑌾𑌰𑍁॒ 𑌗𑌵𑍍𑌯᳚𑌮𑍍 । 𑌪𑌿॒𑌤𑍇𑌵॑ 𑌪𑍁॒𑌤𑍍𑌰𑌮॒𑌭𑌿 𑌰॑𑌕𑍍𑌷𑌤𑌾𑌦𑌿॒𑌮𑌮𑍍 ॥ 11 ॥

𑌤𑍍𑌵𑌾𑌮॑𑌗𑍍𑌨𑍇 𑌸𑌮𑌿𑌧𑌾॒𑌨𑌂-𑌯𑌁॑𑌵𑌿𑌷𑍍𑌠 । 𑌦𑍇॒𑌵𑌾 𑌦𑍂॒𑌤-𑌞𑍍𑌚॑𑌕𑍍𑌰𑌿𑌰𑍇 𑌹𑌵𑍍𑌯॒𑌵𑌾𑌹᳚𑌮𑍍 । 𑌉॒𑌰𑍁॒𑌜𑍍𑌰𑌯॑𑌸-𑌙𑍍𑌘𑍃॒𑌤𑌯𑍋॑𑌨𑌿॒-𑌮𑌾𑌹𑍁॑𑌤𑌮𑍍 । 𑌤𑍍𑌵𑍇॒𑌷-𑌞𑍍𑌚𑌕𑍍𑌷𑍁॑𑌰𑍍𑌦𑌧𑌿𑌰𑍇 𑌚𑍋𑌦॒𑌯𑌨𑍍𑌵॑𑌤𑌿 ॥ 𑌤𑍍𑌵𑌾𑌮॑𑌗𑍍𑌨𑍇 𑌪𑍍𑌰॒𑌦𑌿𑌵॒ 𑌆𑌹𑍁॑𑌤-𑌙𑍍𑌘𑍃॒𑌤𑍇𑌨॑ । 𑌸𑍁॒𑌮𑍍𑌨𑌾॒𑌯𑌵॑-𑌸𑍍𑌸𑍁𑌷॒𑌮𑌿𑌧𑌾॒ 𑌸𑌮𑍀॑𑌧𑌿𑌰𑍇 । 𑌸 𑌵𑌾॑𑌵𑍃𑌧𑌾॒𑌨 𑌓𑌷॑𑌧𑍀𑌭𑌿𑌰𑍁𑌕𑍍𑌷𑌿॒𑌤𑌃 । 𑌉॒𑌰𑍁𑌜𑍍𑌰𑌯𑌾𑌗𑍍𑌮𑍍॑𑌸𑌿॒ 𑌪𑌾𑌰𑍍𑌥𑌿॑𑌵𑌾॒ 𑌵𑌿𑌤𑌿॑𑌷𑍍𑌠𑌸𑍇 ॥ 𑌘𑍃॒𑌤 𑌪𑍍𑌰॑𑌤𑍀𑌕𑌂-𑌵𑌁 𑌋॒𑌤𑌸𑍍𑌯॑ 𑌧𑍂॒𑌰𑍍॒𑌷𑌦᳚𑌮𑍍 (𑌧𑍂𑌰𑍍॒𑌷𑌦᳚𑌮𑍍) । 𑌅॒𑌗𑍍𑌨𑌿-𑌮𑍍𑌮𑌿॒𑌤𑍍𑌰𑌨𑍍𑌨 𑌸॑𑌮𑌿𑌧𑌾॒𑌨 𑌋॑𑌞𑍍𑌜𑌤𑍇 ॥ 12 ॥

𑌇𑌨𑍍𑌧𑌾॑𑌨𑍋 𑌅॒𑌕𑍍𑌰𑍋 𑌵𑌿॒𑌦𑌥𑍇॑𑌷𑍁॒ 𑌦𑍀𑌦𑍍𑌯॑𑌤𑍍 । 𑌶𑍁॒𑌕𑍍𑌰𑌵॑𑌰𑍍𑌣𑌾॒𑌮𑍁𑌦𑍁॑ 𑌨𑍋 𑌯𑌗𑍍𑌮𑍍𑌸𑌤𑍇॒ 𑌧𑌿𑌯᳚𑌮𑍍 ॥ 𑌪𑍍𑌰॒𑌜𑌾 𑌅॑𑌗𑍍𑌨𑍇॒ 𑌸𑌂𑌵𑌾𑌁॑𑌸𑌯 । 𑌆𑌶𑌾᳚𑌶𑍍𑌚 𑌪॒𑌶𑍁𑌭𑌿॑-𑌸𑍍𑌸॒𑌹 । 𑌰𑌾॒𑌷𑍍𑌟𑍍𑌰𑌾𑌣𑍍𑌯॑𑌸𑍍𑌮𑌾॒ 𑌆𑌧𑍇॑𑌹𑌿 । 𑌯𑌾𑌨𑍍𑌯𑌾𑌸᳚𑌨𑍍-𑌥𑍍𑌸𑌵𑌿॒𑌤𑍁-𑌸𑍍𑌸॒𑌵𑍇 ॥ 𑌮॒𑌹𑍀 𑌵𑌿॒𑌶𑍍𑌪𑌤𑍍𑌨𑍀॒ 𑌸𑌦॑𑌨𑍇 𑌋॒𑌤𑌸𑍍𑌯॑ । 𑌅॒𑌰𑍍𑌵𑌾𑌚𑍀॒ 𑌏𑌤॑-𑌨𑍍𑌧𑌰𑍁𑌣𑍇 𑌰𑌯𑍀॒𑌣𑌾𑌮𑍍 । 𑌅॒𑌨𑍍𑌤𑌰𑍍𑌵॑𑌤𑍍𑌨𑍀॒ 𑌜𑌨𑍍𑌯॑-𑌞𑍍𑌜𑌾॒𑌤𑌵𑍇॑𑌦𑌸𑌮𑍍 । 𑌅॒𑌦𑍍𑌧𑍍𑌵॒𑌰𑌾𑌣𑌾᳚-𑌞𑍍𑌜𑌨𑌯𑌥𑌃 𑌪𑍁𑌰𑍋॒𑌗𑌾𑌮𑍍 ॥ 13 ॥

𑌆𑌰𑍋॑𑌹𑌤-𑌨𑍍𑌦॒𑌶𑌤॒𑌗𑍍𑌮𑍍॒ 𑌶𑌕𑍍𑌵॑𑌰𑍀॒-𑌰𑍍𑌮𑌮॑ । 𑌋॒𑌤𑍇𑌨𑌾᳚𑌗𑍍𑌨॒ 𑌆𑌯𑍁॑𑌷𑌾॒ 𑌵𑌰𑍍𑌚॑𑌸𑌾 𑌸॒𑌹 । 𑌜𑍍𑌯𑍋𑌗𑍍 𑌜𑍀𑌵॑𑌨𑍍𑌤॒ 𑌉𑌤𑍍𑌤॑𑌰𑌾𑌮𑍁𑌤𑍍𑌤𑌰𑌾॒𑌗𑍍𑌮𑍍॒ 𑌸𑌮𑌾᳚𑌮𑍍 । 𑌦𑌰𑍍𑌶॑𑌮॒𑌹-𑌮𑍍𑌪𑍂॒𑌰𑍍𑌣𑌮𑌾॑𑌸𑌂-𑌯𑌁॒𑌜𑍍𑌞𑌂-𑌯𑌁𑌥𑌾॒ 𑌯𑌜𑍈᳚ ॥ 𑌋𑌤𑍍𑌵𑌿॑𑌯𑌵𑌤𑍀 𑌸𑍍𑌥𑍋 𑌅॒𑌗𑍍𑌨𑌿𑌰𑍇॑𑌤𑌸𑍌 । 𑌗𑌰𑍍𑌭॑-𑌨𑍍𑌦𑌧𑌾𑌥𑌾॒-𑌨𑍍𑌤𑍇 𑌵𑌾॑𑌮॒𑌹-𑌨𑍍𑌦॑𑌦𑍇 । 𑌤-𑌥𑍍𑌸॒𑌤𑍍𑌯𑌂-𑌯𑌁-𑌦𑍍𑌵𑍀॒𑌰-𑌮𑍍𑌬𑌿॑𑌭𑍃𑌥𑌃 । 𑌵𑍀॒𑌰-𑌞𑍍𑌜॑𑌨𑌯𑌿॒𑌷𑍍𑌯𑌥𑌃॑ । 𑌤𑍇 𑌮-𑌤𑍍𑌪𑍍𑌰𑌾॒𑌤𑌃 𑌪𑍍𑌰𑌜॑𑌨𑌿𑌷𑍍𑌯𑍇𑌥𑍇 । 𑌤𑍇 𑌮𑌾॒ 𑌪𑍍𑌰𑌜𑌾॑𑌤𑍇॒ 𑌪𑍍𑌰𑌜॑𑌨𑌯𑌿॒𑌷𑍍𑌯𑌥𑌃॑ ॥ 14 ॥

𑌪𑍍𑌰॒𑌜𑌯𑌾॑ 𑌪॒𑌶𑍁𑌭𑌿॑-𑌰𑍍𑌬𑍍𑌰𑌹𑍍𑌮𑌵𑌰𑍍𑌚॒𑌸𑍇𑌨॑ 𑌸𑍁𑌵॒𑌰𑍍𑌗𑍇 𑌲𑍋॒𑌕𑍇 ॥ 𑌅𑌨𑍃॑𑌤𑌾-𑌥𑍍𑌸॒𑌤𑍍𑌯𑌮𑍁𑌪𑍈॑𑌮𑌿 । 𑌮𑌾॒𑌨𑍁॒𑌷𑌾-𑌦𑍍𑌦𑍈𑌵𑍍𑌯॒-𑌮𑍁𑌪𑍈॑𑌮𑌿 । 𑌦𑍈𑌵𑍀𑌂॒-𑌵𑌾𑌁𑌚𑌂॑-𑌯𑌁𑌚𑍍𑌛𑌾𑌮𑌿 ॥ 𑌶𑌲𑍍𑌕𑍈॑𑌰॒𑌗𑍍𑌨𑌿𑌮𑌿॑𑌨𑍍𑌧𑌾॒𑌨𑌃 । 𑌉॒𑌭𑍌 𑌲𑍋॒𑌕𑍌 𑌸॑𑌨𑍇𑌮॒𑌹𑌮𑍍 । 𑌉॒𑌭𑌯𑍋᳚-𑌰𑍍𑌲𑍋॒𑌕𑌯𑍋𑌰𑍍॑. 𑌋॒𑌦𑍍𑌧𑍍𑌵𑌾 । 𑌅𑌤𑌿॑ 𑌮𑍃॒𑌤𑍍𑌯𑍁-𑌨𑍍𑌤॑𑌰𑌾𑌮𑍍𑌯॒𑌹𑌮𑍍 ॥ 𑌜𑌾𑌤॑𑌵𑍇𑌦𑍋॒ 𑌭𑍁𑌵॑𑌨𑌸𑍍𑌯॒ 𑌰𑍇𑌤𑌃॑ । 𑌇॒𑌹 𑌸𑌿॑𑌞𑍍𑌚॒ 𑌤𑌪॑𑌸𑍋॒ 𑌯𑌜𑍍𑌜॑𑌨𑌿॒𑌷𑍍𑌯𑌤𑍇᳚ ॥ 15 ॥

𑌅॒𑌗𑍍𑌨𑌿𑌮॑𑌶𑍍𑌵॒𑌤𑍍𑌥𑌾𑌦𑌧𑌿॑ 𑌹𑌵𑍍𑌯॒𑌵𑌾𑌹᳚𑌮𑍍 । 𑌶॒𑌮𑍀॒𑌗॒𑌰𑍍𑌭𑌾-𑌜𑍍𑌜॒𑌨𑌯॒𑌨॒.𑌯𑍋 𑌮॑𑌯𑍋॒ 𑌭𑍂𑌃 ॥ 𑌅॒𑌯-𑌨𑍍𑌤𑍇॒ 𑌯𑍋𑌨𑌿॑𑌰𑍍-𑌋॒𑌤𑍍𑌵𑌿𑌯𑌃॑ । 𑌯𑌤𑍋॑ 𑌜𑌾॒𑌤𑍋 𑌅𑌰𑍋॑𑌚𑌥𑌾𑌃 । 𑌤-𑌞𑍍𑌜𑌾॒𑌨𑌨𑍍𑌨॑𑌗𑍍𑌨॒ 𑌆𑌰𑍋॑𑌹 । 𑌅𑌥𑌾॑ 𑌨𑍋 𑌵𑌰𑍍𑌧𑌯𑌾 𑌰॒𑌯𑌿𑌮𑍍 ॥ 𑌅𑌪𑍇॑𑌤॒ 𑌵𑍀𑌤॒ 𑌵𑌿 𑌚॑ 𑌸𑌰𑍍𑌪॒𑌤𑌾𑌤𑌃॑ । 𑌯𑍇-𑌽𑌤𑍍𑌰॒ 𑌸𑍍𑌥 𑌪𑍁॑𑌰𑌾॒𑌣𑌾 𑌯𑍇 𑌚॒ 𑌨𑍂𑌤॑𑌨𑌾𑌃 । 𑌅𑌦𑌾॑𑌦𑌿॒𑌦𑌂-𑌯𑌁॒𑌮𑍋॑-𑌽𑌵॒𑌸𑌾𑌨॑-𑌮𑍍𑌪𑍃𑌥𑌿॒𑌵𑍍𑌯𑌾𑌃 । 𑌅𑌕𑍍𑌰॑𑌨𑍍𑌨𑌿॒𑌮-𑌮𑍍𑌪𑌿॒𑌤𑌰𑍋॑ 𑌲𑍋॒𑌕𑌮॑𑌸𑍍𑌮𑍈 ॥ 16 ॥

𑌅॒𑌗𑍍𑌨𑍇𑌰𑍍𑌭𑌸𑍍𑌮𑌾᳚𑌸𑍍𑌯॒𑌗𑍍𑌨𑍇𑌃 𑌪𑍁𑌰𑍀॑𑌷𑌮𑌸𑌿 ॥ 𑌸॒𑌜𑍍𑌞𑌾𑌨𑍍𑌨॑𑌮𑌸𑌿 𑌕𑌾𑌮॒𑌧𑌰॑𑌣𑌮𑍍 । 𑌮𑌯𑌿॑ 𑌤𑍇 𑌕𑌾𑌮॒𑌧𑌰॑𑌣-𑌮𑍍𑌭𑍂𑌯𑌾𑌤𑍍 ॥ 𑌸𑌂-𑌵𑌁॑-𑌸𑍍𑌸𑍃𑌜𑌾𑌮𑌿॒ 𑌹𑍃𑌦॑𑌯𑌾𑌨𑌿 । 𑌸𑌗𑍍𑌮𑍍 𑌸𑍃॑𑌷𑍍𑌟॒-𑌮𑍍𑌮𑌨𑍋॑ 𑌅𑌸𑍍𑌤𑍁 𑌵𑌃 । 𑌸𑌗𑍍𑌮𑍍 𑌸𑍃॑𑌷𑍍𑌟𑌃 𑌪𑍍𑌰𑌾॒𑌣𑍋 𑌅॑𑌸𑍍𑌤𑍁 𑌵𑌃 ॥ 𑌸𑌂-𑌯𑌾𑌁 𑌵𑌃॑ 𑌪𑍍𑌰𑌿॒𑌯𑌾𑌸𑍍𑌤॒𑌨𑍁𑌵𑌃॑ । 𑌸𑌮𑍍𑌪𑍍𑌰𑌿॒𑌯𑌾 𑌹𑍃𑌦॑𑌯𑌾𑌨𑌿 𑌵𑌃 । 𑌆॒𑌤𑍍𑌮𑌾 𑌵𑍋॑ 𑌅𑌸𑍍𑌤𑍁॒ 𑌸𑌮𑍍𑌪𑍍𑌰𑌿॑𑌯𑌃 । 𑌸𑌮𑍍𑌪𑍍𑌰𑌿॑𑌯𑌾-𑌸𑍍𑌤॒𑌨𑍁𑌵𑍋॒ 𑌮𑌮॑ ॥ 1𑍭 ॥

𑌕𑌲𑍍𑌪𑍇॑𑌤𑌾॒-𑌨𑍍𑌦𑍍𑌯𑌾𑌵𑌾॑𑌪𑍃𑌥𑌿॒𑌵𑍀 । 𑌕𑌲𑍍𑌪॑𑌨𑍍𑌤𑌾॒𑌮𑌾𑌪॒ 𑌓𑌷॑𑌧𑍀𑌃 । 𑌕𑌲𑍍𑌪॑𑌨𑍍𑌤𑌾𑌮॒𑌗𑍍𑌨𑌯𑌃॒ 𑌪𑍃𑌥॑𑌕𑍍 । 𑌮𑌮॒ 𑌜𑍍𑌯𑍈𑌷𑍍𑌠𑍍𑌯𑌾॑𑌯॒ 𑌸𑌵𑍍𑌰॑𑌤𑌾𑌃 ॥ 𑌯𑍇᳚-𑌽𑌗𑍍𑌨𑌯॒-𑌸𑍍𑌸𑌮॑𑌨𑌸𑌃 । 𑌅॒𑌨𑍍𑌤॒𑌰𑌾 𑌦𑍍𑌯𑌾𑌵𑌾॑𑌪𑍃𑌥𑌿॒𑌵𑍀 । 𑌵𑌾𑌸॑𑌨𑍍𑌤𑌿𑌕𑌾𑌵𑍃॒𑌤𑍂 𑌅॒𑌭𑌿 𑌕𑌲𑍍𑌪॑𑌮𑌾𑌨𑌾𑌃 । 𑌇𑌨𑍍𑌦𑍍𑌰॑𑌮𑌿𑌵 𑌦𑍇॒𑌵𑌾 𑌅॒𑌭𑌿 𑌸𑌂𑌵𑌿𑌁॑𑌶𑌨𑍍𑌤𑍁 ॥ 𑌦𑌿॒𑌵𑌸𑍍𑌤𑍍𑌵𑌾॑ 𑌵𑍀॒𑌰𑍍𑌯𑍇॑𑌣 । 𑌪𑍃॒𑌥𑌿॒𑌵𑍍𑌯𑍈-𑌮॑𑌹𑌿॒𑌮𑍍𑌨𑌾 ॥ 1𑍮 ॥

𑌅॒𑌨𑍍𑌤𑌰𑌿॑𑌕𑍍𑌷𑌸𑍍𑌯॒ 𑌪𑍋𑌷𑍇॑𑌣 । 𑌸॒𑌰𑍍𑌵𑌪॑𑌶𑍁॒-𑌮𑌾𑌦॑𑌧𑍇 ॥ 𑌅𑌜𑍀॑𑌜𑌨-𑌨𑍍𑌨॒𑌮𑍃𑌤॒-𑌮𑍍𑌮𑌰𑍍𑌤𑍍𑌯𑌾॑𑌸𑌃 । 𑌅॒𑌸𑍍𑌰𑍇॒𑌮𑌾𑌣॑-𑌨𑍍𑌤॒𑌰𑌣𑌿𑌂॑-𑌵𑍀𑌁॒𑌡𑍁𑌜॑𑌮𑍍𑌭𑌮𑍍 । 𑌦𑌶॒ 𑌸𑍍𑌵𑌸𑌾॑𑌰𑍋 𑌅॒𑌗𑍍𑌰𑍁𑌵॑-𑌸𑍍𑌸𑌮𑍀॒𑌚𑍀𑌃 । 𑌪𑍁𑌮𑌾𑌗𑍍𑌮𑍍॑𑌸-𑌞𑍍𑌜𑌾॒𑌤𑌮॒𑌭𑌿 𑌸𑌗𑍍𑌮𑍍𑌰॑𑌭𑌨𑍍𑌤𑌾𑌮𑍍 ॥ 𑌪𑍍𑌰॒𑌜𑌾𑌪॑𑌤𑍇𑌸𑍍𑌤𑍍𑌵𑌾 𑌪𑍍𑌰𑌾॒𑌣𑍇𑌨𑌾𑌭𑌿॒ 𑌪𑍍𑌰𑌾𑌣𑌿॑𑌮𑌿 । 𑌪𑍂॒𑌷𑍍𑌣𑌃 𑌪𑍋𑌷𑍇॑𑌣॒ 𑌮𑌹𑍍𑌯᳚𑌮𑍍 । 𑌦𑍀॒𑌰𑍍𑌘𑌾॒𑌯𑍁॒𑌤𑍍𑌵𑌾𑌯॑ 𑌶॒𑌤𑌶𑌾॑𑌰𑌦𑌾𑌯 । 𑌶॒𑌤𑌗𑍍𑌮𑍍 𑌶॒𑌰𑌦𑍍𑌭𑍍𑌯॒ 𑌆𑌯𑍁॑𑌷𑍇॒ 𑌵𑌰𑍍𑌚॑𑌸𑍇 ॥ 1𑍯 ॥

𑌜𑍀॒𑌵𑌾𑌤𑍍𑌵𑍈 𑌪𑍁𑌣𑍍𑌯𑌾॑𑌯 ॥ 𑌅॒𑌹-𑌨𑍍𑌤𑍍𑌵𑌦॑𑌸𑍍𑌮𑌿॒ 𑌮𑌦॑𑌸𑌿॒ 𑌤𑍍𑌵𑌮𑍇॒𑌤𑌤𑍍 । 𑌮𑌮𑌾॑𑌸𑌿॒ 𑌯𑍋𑌨𑌿॒𑌸𑍍𑌤𑌵॒ 𑌯𑍋𑌨𑌿॑𑌰𑌸𑍍𑌮𑌿 । 𑌮𑌮𑍈॒𑌵 𑌸𑌨𑍍𑌵𑌹॑ 𑌹॒𑌵𑍍𑌯𑌾𑌨𑍍𑌯॑𑌗𑍍𑌨𑍇 । 𑌪𑍁॒𑌤𑍍𑌰𑌃 𑌪𑌿॒𑌤𑍍𑌰𑍇 𑌲𑍋॑𑌕॒𑌕𑍃-𑌜𑍍𑌜𑌾॑𑌤𑌵𑍇𑌦𑌃 ॥ 𑌪𑍍𑌰𑌾॒𑌣𑍇 𑌤𑍍𑌵𑌾॒ 𑌽𑌮𑍃𑌤॒𑌮𑌾𑌦॑𑌧𑌾𑌮𑌿 । 𑌅॒𑌨𑍍𑌨𑌾॒𑌦𑌮॒𑌨𑍍𑌨𑌾𑌦𑍍𑌯𑌾॑𑌯 । 𑌗𑍋॒𑌪𑍍𑌤𑌾𑌰॒-𑌙𑍍𑌗𑍁𑌪𑍍𑌤𑍍𑌯𑍈᳚ ॥ 𑌸𑍁॒𑌗𑌾॒𑌰𑍍॒𑌹॒𑌪॒𑌤𑍍𑌯𑍋 𑌵𑌿॒𑌦𑌹॒𑌨𑍍𑌨𑌰𑌾॑𑌤𑍀𑌃 । 𑌉॒𑌷𑌸॒-𑌶𑍍𑌶𑍍𑌰𑍇𑌯॑𑌸𑍀-𑌶𑍍𑌶𑍍𑌰𑍇𑌯𑌸𑍀॒-𑌰𑍍𑌦𑌧॑𑌤𑍍 ॥ 20 ॥

𑌅𑌗𑍍𑌨𑍇॑ 𑌸॒𑌪𑌤𑍍𑌨𑌾𑌗𑍍𑌮𑍍॑ 𑌅𑌪॒ 𑌬𑌾𑌧॑𑌮𑌾𑌨𑌃 । 𑌰𑌾॒𑌯𑌸𑍍𑌪𑍋𑌷॒-𑌮𑌿𑌷॒𑌮𑍂𑌰𑍍𑌜॑-𑌮॒𑌸𑍍𑌮𑌾𑌸𑍁॑ 𑌧𑍇𑌹𑌿 ॥ 𑌇॒𑌮𑌾 𑌉॒ 𑌮𑌾𑌮𑍁𑌪॑𑌤𑌿𑌷𑍍𑌠𑌨𑍍𑌤𑍁॒ 𑌰𑌾𑌯𑌃॑ । 𑌆॒𑌭𑌿𑌃 𑌪𑍍𑌰॒𑌜𑌾𑌭𑌿॑𑌰𑌿॒𑌹 𑌸𑌂-𑌵𑌁॑𑌸𑍇𑌯 । 𑌇॒𑌹𑍋 𑌇𑌡𑌾॑ 𑌤𑌿𑌷𑍍𑌠𑌤𑍁 𑌵𑌿𑌶𑍍𑌵𑌰𑍂॒𑌪𑍀 । 𑌮𑌦𑍍𑌧𑍍𑌯𑍇॒ 𑌵𑌸𑍋᳚-𑌰𑍍𑌦𑍀𑌦𑌿𑌹𑌿 𑌜𑌾𑌤𑌵𑍇𑌦𑌃 ॥ 𑌓𑌜॑𑌸𑍇॒ 𑌬𑌲𑌾॑𑌯॒ 𑌤𑍍𑌵𑍋𑌦𑍍𑌯॑𑌚𑍍𑌛𑍇 । 𑌵𑍃𑌷॑𑌣𑍇॒ 𑌶𑍁𑌷𑍍𑌮𑌾॒𑌯𑌾𑌯𑍁॑𑌷𑍇॒ 𑌵𑌰𑍍𑌚॑𑌸𑍇 । 𑌸॒𑌪॒𑌤𑍍𑌨॒𑌤𑍂𑌰॑𑌸𑌿 𑌵𑍃𑌤𑍍𑌰॒𑌤𑍂𑌃 । 𑌯𑌸𑍍𑌤𑍇॑ 𑌦𑍇॒𑌵𑍇𑌷𑍁॑ 𑌮𑌹𑌿॒𑌮𑌾 𑌸𑍁॑𑌵॒𑌰𑍍𑌗𑌃 ॥ 21 ॥

𑌯𑌸𑍍𑌤॑ 𑌆॒𑌤𑍍𑌮𑌾 𑌪॒𑌶𑍁𑌷𑍁॒ 𑌪𑍍𑌰𑌵𑌿॑𑌷𑍍𑌟𑌃 । 𑌪𑍁𑌷𑍍𑌟𑌿॒𑌰𑍍𑌯𑌾 𑌤𑍇॑ 𑌮𑌨𑍁॒𑌷𑍍𑌯𑍇॑𑌷𑍁 𑌪𑌪𑍍𑌰॒𑌥𑍇 । 𑌤𑌯𑌾॑ 𑌨𑍋 𑌅𑌗𑍍𑌨𑍇 𑌜𑍁॒𑌷𑌮𑌾॑𑌣॒ 𑌏𑌹𑌿॑ ॥ 𑌦𑌿॒𑌵𑌃 𑌪𑍃॑𑌥𑌿॒𑌵𑍍𑌯𑌾𑌃 𑌪𑌰𑍍𑌯॒𑌨𑍍𑌤𑌰𑌿॑𑌕𑍍𑌷𑌾𑌤𑍍 । 𑌵𑌾𑌤𑌾᳚-𑌤𑍍𑌪॒𑌶𑍁𑌭𑍍𑌯𑍋॒ 𑌅𑌦𑍍𑌧𑍍𑌯𑍋𑌷॑𑌧𑍀𑌭𑍍𑌯𑌃 । 𑌯𑌤𑍍𑌰॑𑌯𑌤𑍍𑌰 𑌜𑌾𑌤𑌵𑍇𑌦-𑌸𑍍𑌸-𑌮𑍍𑌬॒𑌭𑍂𑌥॑ । 𑌤𑌤𑍋॑ 𑌨𑍋 𑌅𑌗𑍍𑌨𑍇 𑌜𑍁॒𑌷𑌮𑌾॑𑌣॒ 𑌏𑌹𑌿॑ ॥ 𑌪𑍍𑌰𑌾𑌚𑍀॒𑌮𑌨𑍁॑ 𑌪𑍍𑌰॒𑌦𑌿𑌶॒-𑌮𑍍𑌪𑍍𑌰𑍇𑌹𑌿॑ 𑌵𑌿॒𑌦𑍍𑌵𑌾𑌨𑍍 । 𑌅॒𑌗𑍍𑌨𑍇𑌰॑𑌗𑍍𑌨𑍇 𑌪𑍁॒𑌰𑍋 𑌅॑𑌗𑍍𑌨𑌿-𑌰𑍍𑌭𑌵𑍇॒𑌹 । 𑌵𑌿𑌶𑍍𑌵𑌾॒ 𑌆𑌶𑌾॒ 𑌦𑍀𑌦𑍍𑌯𑌾॑𑌨𑍋॒ 𑌵𑌿 𑌭𑌾॑𑌹𑌿 ॥ 22 ॥

𑌊𑌰𑍍𑌜॑-𑌨𑍍𑌨𑍋 𑌧𑍇𑌹𑌿 𑌦𑍍𑌵𑌿॒𑌪𑌦𑍇॒ 𑌚𑌤𑍁॑𑌷𑍍𑌪𑌦𑍇 ॥ 𑌅𑌨𑍍𑌵॒𑌗𑍍𑌨𑌿𑌰𑍁॒𑌷𑌸𑌾॒-𑌮𑌗𑍍𑌰॑-𑌮𑌖𑍍𑌯𑌤𑍍 । 𑌅𑌨𑍍𑌵𑌹𑌾॑𑌨𑌿 𑌪𑍍𑌰𑌥॒𑌮𑍋 𑌜𑌾॒𑌤𑌵𑍇॑𑌦𑌾𑌃 । 𑌅𑌨𑍁॒ 𑌸𑍂𑌰𑍍𑌯॑𑌸𑍍𑌯 𑌪𑍁𑌰𑍁॒𑌤𑍍𑌰𑌾 𑌚॑ 𑌰॒𑌶𑍍𑌮𑍀𑌨𑍍 । 𑌅𑌨𑍁॒ 𑌦𑍍𑌯𑌾𑌵𑌾॑𑌪𑍃𑌥𑌿॒𑌵𑍀 𑌆𑌤॑𑌤𑌾𑌨 ॥ 𑌵𑌿𑌕𑍍𑌰॑𑌮𑌸𑍍𑌵 𑌮॒𑌹𑌾𑌗𑍍𑌮𑍍 𑌅॑𑌸𑌿 । 𑌵𑍇॒𑌦𑌿॒𑌷-𑌨𑍍𑌮𑌾𑌨𑍁॑𑌷𑍇𑌭𑍍𑌯𑌃 । 𑌤𑍍𑌰𑌿॒𑌷𑍁 𑌲𑍋॒𑌕𑍇𑌷𑍁॑ 𑌜𑌾𑌗𑍃𑌹𑌿 ॥ 𑌯𑌦𑌿॒𑌦-𑌨𑍍𑌦𑌿॒𑌵𑍋 𑌯𑌦॒𑌦𑌃 𑌪𑍃॑𑌥𑌿॒𑌵𑍍𑌯𑌾𑌃 । 𑌸𑌂॒-𑌵𑌿𑌁॒𑌦𑌾॒𑌨𑍇 𑌰𑍋𑌦॑𑌸𑍀 𑌸-𑌮𑍍𑌬𑌭𑍂॒𑌵𑌤𑍁𑌃॑ ॥ 23 ॥

𑌤𑌯𑍋𑌃᳚ 𑌪𑍃॒𑌷𑍍𑌠𑍇 𑌸𑍀॑𑌦𑌤𑍁 𑌜𑌾॒𑌤𑌵𑍇॑𑌦𑌾𑌃 । 𑌶॒𑌭𑍂𑌂𑌃 𑌪𑍍𑌰॒𑌜𑌾𑌭𑍍𑌯॑-𑌸𑍍𑌤॒𑌨𑍁𑌵𑍇᳚ 𑌸𑍍𑌯𑍋॒𑌨𑌃 ॥ 𑌪𑍍𑌰𑌾॒𑌣-𑌨𑍍𑌤𑍍𑌵𑌾॒-𑌽𑌮𑍃𑌤॒ 𑌆𑌦॑𑌧𑌾𑌮𑌿 । 𑌅॒𑌨𑍍𑌨𑌾॒𑌦𑌮॒𑌨𑍍𑌨𑌾𑌦𑍍𑌯𑌾॑𑌯 । 𑌗𑍋॒𑌪𑍍𑌤𑌾𑌰॒-𑌙𑍍𑌗𑍁𑌪𑍍𑌤𑍍𑌯𑍈᳚ । 𑌯𑌤𑍍𑌤𑍇॑ 𑌶𑍁𑌕𑍍𑌰 𑌶𑍁॒𑌕𑍍𑌰𑌂-𑌵𑌁𑌰𑍍𑌚॑-𑌶𑍍𑌶𑍁॒𑌕𑍍𑌰𑌾 𑌤॒𑌨𑍂𑌃 । 𑌶𑍁॒𑌕𑍍𑌰-𑌞𑍍𑌜𑍍𑌯𑍋𑌤𑌿॒-𑌰𑌜॑𑌸𑍍𑌰𑌮𑍍 । 𑌤𑍇𑌨॑ 𑌮𑍇 𑌦𑍀𑌦𑌿𑌹𑌿॒ 𑌤𑍇𑌨॒ 𑌤𑍍𑌵𑌾-𑌽𑌽𑌦॑𑌧𑍇 । 𑌅॒𑌗𑍍𑌨𑌿𑌨𑌾᳚-𑌽𑌽𑌗𑍍𑌨𑍇॒ 𑌬𑍍𑌰𑌹𑍍𑌮॑𑌣𑌾 । 𑌆॒𑌨॒𑌶𑍇 𑌵𑍍𑌯𑌾॑𑌨𑌶𑍇॒ 𑌸𑌰𑍍𑌵॒𑌮𑌾𑌯𑍁॒-𑌰𑍍𑌵𑍍𑌯𑌾॑𑌨𑌶𑍇 ॥ 24 ॥

𑌨𑌰𑍍𑌯॑ 𑌪𑍍𑌰॒𑌜𑌾-𑌮𑍍𑌮𑍇॑ 𑌗𑍋𑌪𑌾𑌯 । 𑌅॒𑌮𑍃॒𑌤॒𑌤𑍍𑌵𑌾𑌯॑ 𑌜𑍀॒𑌵𑌸𑍇᳚ । 𑌜𑌾॒𑌤𑌾-𑌞𑍍𑌜॑𑌨𑌿॒𑌷𑍍𑌯𑌮𑌾॑𑌣𑌾-𑌞𑍍𑌚 । 𑌅॒𑌮𑍃𑌤𑍇॑ 𑌸॒𑌤𑍍𑌯𑍇 𑌪𑍍𑌰𑌤𑌿॑𑌷𑍍𑌠𑌿𑌤𑌾𑌮𑍍 ॥ 𑌅𑌥॑𑌰𑍍𑌵 𑌪𑌿॒𑌤𑍁-𑌮𑍍𑌮𑍇॑ 𑌗𑍋𑌪𑌾𑌯 । 𑌰𑌸॒𑌮𑌨𑍍𑌨॑𑌮𑌿॒𑌹𑌾𑌯𑍁॑𑌷𑍇 । 𑌅𑌦॑𑌬𑍍𑌧𑌾॒𑌯𑍋-𑌽𑌶𑍀॑𑌤𑌤𑌨𑍋 । 𑌅𑌵𑌿॑𑌷-𑌨𑍍𑌨𑌃 𑌪𑌿॒𑌤𑍁-𑌙𑍍𑌕𑍃॑𑌣𑍁 ॥ 𑌶𑌗𑍍𑌗𑍍𑌸𑍍𑌯॑ 𑌪॒𑌶𑍂-𑌨𑍍𑌮𑍇॑ 𑌗𑍋𑌪𑌾𑌯 । 𑌦𑍍𑌵𑌿॒𑌪𑌾𑌦𑍋॒ 𑌯𑍇 𑌚𑌤𑍁॑𑌷𑍍𑌪𑌦𑌃 ॥ 25 ॥

𑌅॒𑌷𑍍𑌟𑌾𑌶॑𑌫𑌾𑌶𑍍𑌚॒ 𑌯 𑌇॒𑌹𑌾𑌗𑍍𑌨𑍇᳚ । 𑌯𑍇 𑌚𑍈𑌕॑𑌶𑌫𑌾 𑌆𑌶𑍁॒𑌗𑌾𑌃 ॥ 𑌸𑌪𑍍𑌰॑𑌥 𑌸॒𑌭𑌾-𑌮𑍍𑌮𑍇॑ 𑌗𑍋𑌪𑌾𑌯 । 𑌯𑍇 𑌚॒ 𑌸𑌭𑍍𑌯𑌾᳚-𑌸𑍍𑌸𑌭𑌾॒𑌸𑌦𑌃॑ । 𑌤𑌾𑌨𑌿॑𑌨𑍍𑌦𑍍𑌰𑌿॒𑌯𑌾𑌵॑𑌤𑌃 𑌕𑍁𑌰𑍁 । 𑌸𑌰𑍍𑌵॒𑌮𑌾𑌯𑍁॒-𑌰𑍁𑌪𑌾॑𑌸𑌤𑌾𑌮𑍍 ॥ 𑌅𑌹𑍇॑𑌬𑍁𑌦𑍍𑌧𑍍𑌨𑌿𑌯॒ 𑌮𑌨𑍍𑌤𑍍𑌰॑-𑌮𑍍𑌮𑍇 𑌗𑍋𑌪𑌾𑌯 । 𑌯𑌮𑍃𑌷॑𑌯𑌸𑍍𑌤𑍍𑌰𑍈𑌵𑌿॒𑌦𑌾 𑌵𑌿॒𑌦𑍁𑌃 । 𑌋𑌚॒-𑌸𑍍𑌸𑌾𑌮𑌾॑𑌨𑌿॒ 𑌯𑌜𑍂𑌗𑍍𑌮𑍍॑𑌷𑌿 । 𑌸𑌾 𑌹𑌿 𑌶𑍍𑌰𑍀𑌰॒𑌮𑍃𑌤𑌾॑ 𑌸॒𑌤𑌾𑌮𑍍 ॥ 26 ॥

𑌚𑌤𑍁॑-𑌶𑍍𑌶𑌿𑌖𑌣𑍍𑌡𑌾 𑌯𑍁𑌵॒𑌤𑌿-𑌸𑍍𑌸𑍁॒𑌪𑍇𑌶𑌾𑌃᳚ । 𑌘𑍃॒𑌤𑌪𑍍𑌰॑𑌤𑍀𑌕𑌾॒ 𑌭𑍁𑌵॑𑌨𑌸𑍍𑌯॒ 𑌮𑌦𑍍𑌧𑍍𑌯𑍇᳚ । 𑌮॒𑌰𑍍𑌮𑍃॒𑌜𑍍𑌯𑌮𑌾॑𑌨𑌾 𑌮𑌹॒𑌤𑍇 𑌸𑍌𑌭॑𑌗𑌾𑌯 । 𑌮𑌹𑍍𑌯॑-𑌨𑍍𑌧𑍁𑌕𑍍𑌷𑍍𑌵॒ 𑌯𑌜॑𑌮𑌾𑌨𑌾𑌯॒ 𑌕𑌾𑌮𑌾𑌨𑍍॑ ॥ 𑌇॒𑌹𑍈𑌵 𑌸𑌨𑍍𑌤𑌤𑍍𑌰॑ 𑌸॒𑌤𑍋 𑌵𑍋॑ 𑌅𑌗𑍍𑌨𑌯𑌃 । 𑌪𑍍𑌰𑌾॒𑌣𑍇𑌨॑ 𑌵𑌾॒𑌚𑌾 𑌮𑌨॑𑌸𑌾 𑌬𑌿𑌭𑌰𑍍𑌮𑌿 । 𑌤𑌿॒𑌰𑍋 𑌮𑌾॒ 𑌸𑌨𑍍𑌤॒𑌮𑌾𑌯𑍁॒𑌰𑍍𑌮𑌾 𑌪𑍍𑌰𑌹𑌾॑𑌸𑍀𑌤𑍍 । 𑌜𑍍𑌯𑍋𑌤𑌿॑𑌷𑌾 𑌵𑍋 𑌵𑍈𑌶𑍍𑌵𑌾𑌨॒𑌰𑍇-𑌣𑍋𑌪॑𑌤𑌿𑌷𑍍𑌠𑍇 ॥ 𑌪॒𑌞𑍍𑌚॒𑌧𑌾-𑌽𑌗𑍍𑌨𑍀𑌨𑍍-𑌵𑍍𑌯॑𑌕𑍍𑌰𑌾𑌮𑌤𑍍 । 𑌵𑌿॒𑌰𑌾𑌟𑍍-𑌥𑍍𑌸𑍃॒𑌷𑍍𑌟𑌾 𑌪𑍍𑌰॒𑌜𑌾𑌪॑𑌤𑍇𑌃 । 𑌊॒𑌰𑍍𑌧𑍍𑌵𑌾-𑌽𑌽𑌰𑍋॑𑌹-𑌦𑍍𑌰𑍋𑌹𑌿॒𑌣𑍀 । 𑌯𑍋𑌨𑌿॑𑌰॒𑌗𑍍𑌨𑍇𑌃 𑌪𑍍𑌰𑌤𑌿॑𑌷𑍍𑌠𑌿𑌤𑌿𑌃 ॥ 2𑍭 ॥
(𑌵𑌿॒𑌶॒𑌨𑍍𑌤𑍁॒ 𑌨𑌃॒ – 𑌪𑍁॒𑌰𑍁॒𑌚𑍀–𑌰𑍍 𑌵𑌿॑𑌧𑍇𑌮 – 𑌨𑌿॒𑌧𑌾𑌯॒ – 𑌯-𑌤𑍍𑌤𑍇 – 𑌽𑌪𑍍𑌰॑𑌦𑌾𑌹𑌾𑌯 – 𑌬𑍃𑌹॒𑌤𑍍𑌯𑍋᳚ – 𑌬𑍍𑌰𑌹𑍍𑌮॑𑌣𑌾 – 𑌦𑍁𑌵𑌸𑍍𑌯𑌤 – 𑌵𑌿॒𑌶𑍍𑌵𑌵𑌾॑𑌰 – 𑌇॒𑌮 – 𑌮𑍃॑𑌞𑍍𑌜𑌤𑍇 – 𑌪𑍁𑌰𑍋॒𑌗𑌾𑌂 – 𑌪𑍍𑌰𑌜॑𑌨𑌯𑌿॒𑌷𑍍𑌯𑌥𑍋॑ – 𑌜𑌨𑌿॒𑌷𑍍𑌯𑌤𑍇᳚-𑌽 – 𑌸𑍍𑌮𑍈॒ – 𑌮𑌮॑ – 𑌮𑌹𑌿॒𑌮𑍍𑌨𑌾 – 𑌵𑌰𑍍𑌚॑𑌸𑍇॒ – 𑌦𑌧॑𑌥𑍍 – 𑌸𑍁𑌵॒𑌰𑍍𑌗𑌾 – 𑌭𑌾॑𑌹𑌿 – 𑌸𑌮𑍍𑌬𑌭𑍂॒𑌵𑌤𑍁॒ – 𑌰𑌾𑌯𑍁॒-𑌰𑍍𑌵𑍍𑌯𑌾॑𑌨𑌶𑍇॒ – 𑌚𑌤𑍁॑𑌷𑍍𑌪𑌦𑌃 – 𑌸॒𑌤𑌾𑌂 – 𑌪𑍍𑌰॒𑌜𑌾𑌪॑𑌤𑍇॒-𑌰𑍍𑌦𑍍𑌵𑍇 𑌚॑) (𑌅. 1)

𑌅𑌨𑍁𑌵𑌾𑌕𑌂 2 – 𑌵𑌿𑌷𑍂𑌵𑌨𑍍𑌨𑌾𑌮𑌕-𑌮𑍍𑌮𑍁𑌖𑍍𑌯𑌮𑌹, 𑌤𑌦𑍁𑌭𑌯𑌪𑌾𑌰𑍍𑌶𑍍𑌵𑌵𑌰𑍍𑌤𑍀𑌨𑌿 𑌚𑌤𑍍𑌵𑌾𑌰𑍍𑌯𑌹𑌾𑌨𑌿 𑌚𑍋𑌚𑍍𑌯𑌨𑍍𑌤𑍇
𑌨𑌵𑍈॒𑌤𑌾𑌨𑍍𑌯𑌹𑌾॑𑌨𑌿 𑌭𑌵𑌨𑍍𑌤𑌿 । 𑌨𑌵॒ 𑌵𑍈 𑌸𑍁॑𑌵॒𑌰𑍍𑌗𑌾 𑌲𑍋॒𑌕𑌾𑌃 । 𑌯𑌦𑍇॒𑌤𑌾𑌨𑍍𑌯𑌹𑌾᳚-𑌨𑍍𑌯𑍁𑌪॒𑌯𑌨𑍍𑌤𑌿॑ । 𑌨॒𑌵𑌸𑍍𑌵𑍇॒𑌵 𑌤-𑌥𑍍𑌸𑍁॑𑌵॒𑌰𑍍𑌗𑍇𑌷𑍁॑ 𑌲𑍋॒𑌕𑍇𑌷𑍁॑ 𑌸॒𑌤𑍍𑌰𑌿𑌣𑌃॑ 𑌪𑍍𑌰𑌤𑌿॒𑌤𑌿𑌷𑍍𑌠॑𑌨𑍍𑌤𑍋 𑌯𑌨𑍍𑌤𑌿 ॥ 𑌅॒𑌗𑍍𑌨𑌿॒𑌷𑍍𑌟𑍋॒𑌮𑌾𑌃 𑌪𑌰॑-𑌸𑍍𑌸𑌾𑌮𑌾𑌨𑌃 𑌕𑌾॒𑌰𑍍𑌯𑌾॑ 𑌇𑌤𑍍𑌯𑌾॑𑌹𑍁𑌃 । 𑌅॒𑌗𑍍𑌨𑌿॒𑌷𑍍𑌟𑍋॒𑌮𑌸॑𑌮𑌿𑌨𑍍𑌤-𑌸𑍍𑌸𑍁𑌵॒𑌰𑍍𑌗𑍋 𑌲𑍋॒𑌕 𑌇𑌤𑌿॑ । 𑌦𑍍𑌵𑌾𑌦॑𑌶𑌾-𑌗𑍍𑌨𑌿𑌷𑍍𑌟𑍋॒𑌮𑌸𑍍𑌯॑ 𑌸𑍍𑌤𑍋॒𑌤𑍍𑌰𑌾𑌣𑌿॑ । 𑌦𑍍𑌵𑌾𑌦॑𑌶॒ 𑌮𑌾𑌸𑌾᳚-𑌸𑍍𑌸𑌂𑌵𑌁𑌥𑍍𑌸॒𑌰𑌃 ॥ 𑌤-𑌤𑍍𑌤𑌨𑍍𑌨 𑌸𑍂𑌰𑍍𑌕𑍍𑌷𑍍𑌯᳚𑌮𑍍 । 𑌉॒𑌕𑍍𑌥𑍍𑌯𑌾॑ 𑌏॒𑌵 𑌸॑𑌪𑍍𑌤𑌦॒𑌶𑌾𑌃 𑌪𑌰॑-𑌸𑍍𑌸𑌾𑌮𑌾𑌨𑌃 𑌕𑌾॒𑌰𑍍𑌯𑌾𑌃᳚ ॥ 2𑍮 ॥

𑌪॒𑌶𑌵𑍋॒ 𑌵𑌾 𑌉॒𑌕𑍍𑌥𑌾𑌨𑌿॑ । 𑌪॒𑌶𑍂॒𑌨𑌾𑌮𑌵॑-𑌰𑍁𑌦𑍍𑌧𑍍𑌯𑍈 ॥ 𑌵𑌿॒𑌶𑍍𑌵॒𑌜𑌿॒𑌦॒𑌭𑌿॒𑌜𑌿𑌤𑌾॑-𑌵𑌗𑍍𑌨𑌿𑌷𑍍𑌟𑍋॒𑌮𑍌 ॥ 𑌉॒𑌕𑍍𑌥𑍍𑌯𑌾᳚-𑌸𑍍𑌸𑌪𑍍𑌤𑌦॒𑌶𑌾𑌃 𑌪𑌰॑-𑌸𑍍𑌸𑌾𑌮𑌾𑌨𑌃 । 𑌤𑍇 𑌸𑌗𑍍𑌗𑍍𑌸𑍍𑌤𑍁॑𑌤𑌾 𑌵𑌿॒𑌰𑌾𑌜॑𑌮॒𑌭𑌿 𑌸𑌮𑍍𑌪॑𑌦𑍍𑌯𑌨𑍍𑌤𑍇 । 𑌦𑍍𑌵𑍇 𑌚𑌰𑍍𑌚𑌾॒𑌵𑌤𑌿॑ 𑌰𑌿𑌚𑍍𑌯𑍇𑌤𑍇 । 𑌏𑌕॑𑌯𑌾॒ 𑌗𑍌𑌰𑌤𑌿॑𑌰𑌿𑌕𑍍𑌤𑌃 । 𑌏𑌕॒𑌯𑌾-𑌽𑌽𑌯𑍁॑𑌰𑍂॒𑌨𑌃 । 𑌸𑍁॒𑌵॒𑌰𑍍𑌗𑍋 𑌵𑍈 𑌲𑍋॒𑌕𑍋 𑌜𑍍𑌯𑍋𑌤𑌿𑌃॑ । 𑌊𑌰𑍍𑌗𑍍 𑌵𑌿॒𑌰𑌾𑌟𑍍 ॥ 2𑍯 ॥

𑌸𑍁॒𑌵॒𑌰𑍍𑌗𑌮𑍇॒𑌵 𑌤𑍇𑌨॑ 𑌲𑍋॒𑌕𑌮॒𑌭𑌿 𑌜॑𑌯𑌨𑍍𑌤𑌿 ॥ 𑌯-𑌤𑍍𑌪𑌰॒𑌗𑍍𑌮𑍍॒ 𑌰𑌾𑌥॑𑌨𑍍𑌤𑌰𑌮𑍍 । 𑌤-𑌤𑍍𑌪𑍍𑌰॑𑌥॒𑌮𑍇-𑌽𑌹॑𑌨𑍍-𑌕𑌾॒𑌰𑍍𑌯᳚𑌮𑍍 । 𑌬𑍃॒𑌹-𑌦𑍍𑌦𑍍𑌵𑌿॒𑌤𑍀𑌯𑍇᳚ । 𑌵𑍈॒𑌰𑍂॒𑌪-𑌨𑍍𑌤𑍃॒𑌤𑍀𑌯𑍇᳚ । 𑌵𑍈॒𑌰𑌾॒𑌜-𑌞𑍍𑌚॑𑌤𑍁॒𑌰𑍍𑌥𑍇 । 𑌶𑌾॒𑌕𑍍𑌵॒𑌰-𑌮𑍍𑌪॑𑌞𑍍𑌚॒𑌮𑍇 । 𑌰𑍈॒𑌵॒𑌤𑌗𑍍𑌮𑍍 𑌷॒𑌷𑍍𑌠𑍇 । 𑌤𑌦𑍁॑ 𑌪𑍃॒𑌷𑍍𑌠𑍇𑌭𑍍𑌯𑍋॒ 𑌨𑌯॑𑌨𑍍𑌤𑌿 ॥ 𑌸॒𑌤𑌨𑍍𑌨॑𑌯 𑌏॒𑌤𑍇 𑌗𑍍𑌰𑌹𑌾॑ 𑌗𑍃𑌹𑍍𑌯𑌨𑍍𑌤𑍇 ॥ 30 ॥

𑌅॒𑌤𑌿॒𑌗𑍍𑌰𑌾॒𑌹𑍍𑌯𑌾𑌃᳚ 𑌪𑌰॑-𑌸𑍍𑌸𑌾𑌮𑌸𑍁 । 𑌇॒𑌮𑌾𑌨𑍇॒𑌵𑍈𑌤𑍈-𑌰𑍍𑌲𑍋॒𑌕𑌾𑌨𑍍-𑌥𑍍𑌸𑌨𑍍𑌤॑𑌨𑍍𑌵𑌨𑍍𑌤𑌿 ॥ 𑌮𑌿॒𑌥𑍁॒𑌨𑌾 𑌏॒𑌤𑍇 𑌗𑍍𑌰𑌹𑌾॑ 𑌗𑍃𑌹𑍍𑌯𑌨𑍍𑌤𑍇 । 𑌅॒𑌤𑌿॒𑌗𑍍𑌰𑌾॒𑌹𑍍𑌯𑌾𑌃᳚ 𑌪𑌰॑-𑌸𑍍𑌸𑌾𑌮𑌸𑍁 । 𑌮𑌿॒𑌥𑍁॒𑌨𑌮𑍇॒𑌵 𑌤𑍈-𑌰𑍍𑌯𑌜॑𑌮𑌾𑌨𑌾॒ 𑌅𑌵॑𑌰𑍁𑌨𑍍𑌧𑌤𑍇 ॥ 𑌬𑍃॒𑌹-𑌤𑍍𑌪𑍃॒𑌷𑍍𑌠-𑌮𑍍𑌭॑𑌵𑌤𑌿 । 𑌬𑍃॒𑌹-𑌦𑍍𑌵𑍈 𑌸𑍁॑𑌵॒𑌰𑍍𑌗𑍋 𑌲𑍋॒𑌕𑌃 । 𑌬𑍃॒𑌹॒𑌤𑍈𑌵 𑌸𑍁॑𑌵॒𑌰𑍍𑌗𑌂-𑌲𑍋𑌁॒𑌕𑌂-𑌯𑌁॑𑌨𑍍𑌤𑌿 ॥ 𑌤𑍍𑌰॒𑌯॒𑌸𑍍𑌤𑍍𑌰𑌿॒𑌗𑍍𑌮𑍍॒𑌶𑌿 𑌨𑌾𑌮॒ 𑌸𑌾𑌮॑ । 𑌮𑌾𑌦𑍍𑌧𑍍𑌯॑𑌨𑍍𑌦𑌿𑌨𑍇॒ 𑌪𑌵॑𑌮𑌾𑌨𑍇 𑌭𑌵𑌤𑌿 ॥ 31 ॥

𑌤𑍍𑌰𑌯॑𑌸𑍍𑌤𑍍𑌰𑌿𑌗𑍍𑌮𑍍𑌶॒𑌦𑍍𑌵𑍈 𑌦𑍇॒𑌵𑌤𑌾𑌃᳚ । 𑌦𑍇॒𑌵𑌤𑌾॑ 𑌏॒𑌵𑌾𑌵॑𑌰𑍁𑌨𑍍𑌧𑌤𑍇 ॥ 𑌯𑍇 𑌵𑌾 𑌇॒𑌤𑌃 𑌪𑌰𑌾᳚𑌞𑍍𑌚𑌗𑍍𑌮𑍍 𑌸𑌂𑌵𑌁𑌥𑍍𑌸॒𑌰-𑌮𑍁॑𑌪॒ 𑌯𑌨𑍍𑌤𑌿॑ । 𑌨 𑌹𑍈॑𑌨॒-𑌨𑍍𑌤𑍇 𑌸𑍍𑌵॒𑌸𑍍𑌤𑌿 𑌸𑌮॑𑌶𑍍𑌞𑍁𑌵𑌤𑍇 । 𑌅𑌥॒ 𑌯𑍇॑-𑌽𑌮𑍁𑌤𑍋॒-𑌽𑌰𑍍𑌵𑌾𑌞𑍍𑌚॑𑌮𑍁𑌪॒ 𑌯𑌨𑍍𑌤𑌿॑ । 𑌤𑍇 𑌹𑍈॑𑌨𑌗𑍍𑌗𑍍 𑌸𑍍𑌵॒𑌸𑍍𑌤𑌿 𑌸𑌮॑𑌶𑍍𑌞𑍁𑌵𑌤𑍇 । 𑌏॒𑌤𑌦𑍍𑌵𑌾 𑌅॒𑌮𑍁𑌤𑍋॒-𑌽𑌰𑍍𑌵𑌾𑌞𑍍𑌚॒𑌮𑍁𑌪॑ 𑌯𑌨𑍍𑌤𑌿 । 𑌯𑌦𑍇॒𑌵𑌮𑍍 । 𑌯𑍋 𑌹॒ 𑌖𑌲𑍁॒ 𑌵𑌾𑌵 𑌪𑍍𑌰॒𑌜𑌾𑌪॑𑌤𑌿𑌃 । 𑌸 𑌉॑ 𑌵𑍇॒𑌵𑍇𑌨𑍍𑌦𑍍𑌰𑌃॑ । 𑌤𑌦𑍁॑ 𑌦𑍇॒𑌵𑍇𑌭𑍍𑌯𑍋॒ 𑌨𑌯॑𑌨𑍍𑌤𑌿 ॥ 32 ॥
(𑌕𑌾॒𑌰𑍍𑌯𑌾॑-𑌵𑌿॒𑌰𑌾𑌡𑍍 – 𑌗𑍃॑𑌹𑍍𑌯𑌨𑍍𑌤𑍇॒ – 𑌪𑌵॑𑌮𑌾𑌨𑍇 𑌭𑌵॒𑌤𑍀 – 𑌨𑍍𑌦𑍍𑌰॒ 𑌏𑌕𑌂॑ 𑌚) (𑌅. 2)

𑌅𑌨𑍁𑌵𑌾𑌕𑌂 3 – 𑌵𑌿𑌷𑍁𑌵𑌦𑍍𑌦𑌿𑌨𑍇-𑌽𑌤𑌿𑌗𑍍𑌰𑌾𑌹𑍍𑌯𑌵𑌿𑌶𑍇𑌷𑌾𑌃
𑌸𑌨𑍍𑌤॑𑌤𑌿॒𑌰𑍍𑌵𑌾 𑌏॒𑌤𑍇 𑌗𑍍𑌰𑌹𑌾𑌃᳚ । 𑌯-𑌤𑍍𑌪𑌰॑-𑌸𑍍𑌸𑌾𑌮𑌾𑌨𑌃 । 𑌵𑌿॒𑌷𑍂॒𑌵𑌾𑌨𑍍-𑌦𑌿॑𑌵𑌾𑌕𑍀॒𑌰𑍍𑌤𑍍𑌯᳚𑌮𑍍 । 𑌯𑌥𑌾॒ 𑌶𑌾𑌲𑌾॑𑌯𑍈॒ 𑌪𑌕𑍍𑌷॑𑌸𑍀 । 𑌏॒𑌵𑌗𑍍𑌮𑍍 𑌸𑌂॑𑌵𑌁𑌥𑍍𑌸॒𑌰𑌸𑍍𑌯॒ 𑌪𑌕𑍍𑌷॑𑌸𑍀 । 𑌯𑌦𑍇॒𑌤𑍇𑌨 𑌗𑍃॒𑌹𑍍𑌯𑍇𑌰𑌨𑍍𑌨𑍍॑ । 𑌵𑌿𑌷𑍂॑𑌚𑍀 𑌸𑌂𑌵𑌁𑌥𑍍𑌸॒𑌰𑌸𑍍𑌯॒ 𑌪𑌕𑍍𑌷॑𑌸𑍀॒ 𑌵𑍍𑌯𑌵॑𑌸𑍍𑌰𑌗𑍍𑌮𑍍 𑌸𑍇𑌯𑌾𑌤𑌾𑌮𑍍 । 𑌆𑌰𑍍𑌤𑌿॒𑌮𑌾𑌰𑍍𑌚𑍍𑌛𑍇॑𑌯𑍁𑌃 । 𑌯𑌦𑍇॒𑌤𑍇 𑌗𑍃॒𑌹𑍍𑌯𑌨𑍍𑌤𑍇᳚ । 𑌯𑌥𑌾॒ 𑌶𑌾𑌲𑌾॑𑌯𑍈॒ 𑌪𑌕𑍍𑌷॑𑌸𑍀 𑌮𑌦𑍍𑌧𑍍𑌯॒𑌮𑌂𑌵𑌁॒𑌗𑍍𑌮𑍍॒𑌶𑌮॒𑌭𑌿 𑌸॑𑌮𑌾॒𑌯𑌚𑍍𑌛॑𑌤𑌿 ॥ 33 ॥

𑌏॒𑌵𑌗𑍍𑌮𑍍 𑌸𑌂॑𑌵𑌁𑌥𑍍𑌸॒𑌰𑌸𑍍𑌯॒ 𑌪𑌕𑍍𑌷॑𑌸𑍀 𑌦𑌿𑌵𑌾𑌕𑍀॒𑌰𑍍𑌤𑍍𑌯॑𑌮॒𑌭𑌿 𑌸𑌨𑍍𑌤॑𑌨𑍍𑌵𑌨𑍍𑌤𑌿 । 𑌨𑌾𑌰𑍍𑌤𑌿॒𑌮𑌾𑌰𑍍𑌚𑍍𑌛॑𑌨𑍍𑌤𑌿 ॥ 𑌏॒𑌕॒𑌵𑌿॒𑌗𑍍𑌮𑍍॒𑌶-𑌮𑌹॑𑌰𑍍𑌭𑌵𑌤𑌿 । 𑌶𑍁॒𑌕𑍍𑌰𑌾𑌗𑍍𑌰𑌾॒ 𑌗𑍍𑌰𑌹𑌾॑ 𑌗𑍃𑌹𑍍𑌯𑌨𑍍𑌤𑍇 । 𑌪𑍍𑌰𑌤𑍍𑌯𑍁𑌤𑍍𑌤॑𑌬𑍍𑌧𑍍𑌯𑍈 𑌸𑌯॒𑌤𑍍𑌵𑌾𑌯॑ ॥ 𑌸𑍌॒𑌰𑍍𑌯॑ 𑌏॒𑌤𑌦𑌹𑌃॑ 𑌪॒𑌶𑍁𑌰𑌾𑌲॑𑌭𑍍𑌯𑌤𑍇 । 𑌸𑍌॒𑌰𑍍𑌯𑍋॑-𑌽𑌤𑌿𑌗𑍍𑌰𑌾॒𑌹𑍍𑌯𑍋॑ 𑌗𑍃𑌹𑍍𑌯𑌤𑍇 । 𑌅𑌹॑𑌰𑍇॒𑌵 𑌰𑍂॒𑌪𑍇𑌣॒ 𑌸𑌮॑𑌰𑍍𑌧𑌯𑌨𑍍𑌤𑌿 । 𑌅𑌥𑍋॒ 𑌅𑌹𑍍𑌨॑ 𑌏॒𑌵𑍈𑌷 𑌬॒𑌲𑌿𑌰𑍍-𑌹𑍍𑌰𑌿॑𑌯𑌤𑍇 ॥ 𑌸॒𑌪𑍍𑌤𑍈-𑌤𑌦𑌹॑𑌰𑌤𑌿-𑌗𑍍𑌰𑌾॒𑌹𑍍𑌯𑌾॑ 𑌗𑍃𑌹𑍍𑌯𑌨𑍍𑌤𑍇 ॥ 34 ॥

𑌸॒𑌪𑍍𑌤 𑌵𑍈 𑌶𑍀॑𑌰𑍍𑌷॒𑌣𑍍𑌯𑌾𑌃᳚ 𑌪𑍍𑌰𑌾॒𑌣𑌾𑌃 । 𑌅॒𑌸𑌾𑌵𑌾॑𑌦𑌿॒𑌤𑍍𑌯-𑌶𑍍𑌶𑌿𑌰𑌃॑ 𑌪𑍍𑌰॒𑌜𑌾𑌨𑌾᳚𑌮𑍍 । 𑌶𑍀॒𑌰𑍍॒𑌷𑌨𑍍𑌨𑍇॒𑌵 𑌪𑍍𑌰॒𑌜𑌾𑌨𑌾᳚-𑌮𑍍𑌪𑍍𑌰𑌾॒𑌣𑌾-𑌨𑍍𑌦॑𑌧𑌾𑌤𑌿 । 𑌤𑌸𑍍𑌮𑌾᳚𑌥𑍍𑌸॒𑌪𑍍𑌤 𑌶𑍀॒𑌰𑍍॒𑌷-𑌨𑍍𑌪𑍍𑌰𑌾॒𑌣𑌾𑌃 ॥ 𑌇𑌨𑍍𑌦𑍍𑌰𑍋॑ 𑌵𑍃॒𑌤𑍍𑌰𑌗𑍍𑌮𑍍 𑌹॒𑌤𑍍𑌵𑌾 । 𑌅𑌸𑍁॑𑌰𑌾-𑌨𑍍𑌪𑌰𑌾॒𑌭𑌾𑌵𑍍𑌯॑ । 𑌸 𑌇॒𑌮𑌾𑌁𑌲𑍍𑌲𑍋॒𑌕𑌾-𑌨॒𑌭𑍍𑌯॑𑌜𑌯𑌤𑍍 । 𑌤𑌸𑍍𑌯𑌾॒𑌸𑍌 𑌲𑍋॒𑌕𑍋-𑌽𑌨॑𑌭𑌿𑌜𑌿𑌤 𑌆𑌸𑍀𑌤𑍍 । 𑌤𑌂-𑌵𑌿𑌁॒𑌶𑍍𑌵𑌕॑𑌰𑍍𑌮𑌾 𑌭𑍂॒𑌤𑍍𑌵𑌾-𑌽𑌭𑍍𑌯॑𑌜𑌯𑌤𑍍 । 𑌯-𑌦𑍍𑌵𑍈᳚𑌶𑍍𑌵𑌕𑌰𑍍𑌮॒𑌣𑍋 𑌗𑍃॒𑌹𑍍𑌯𑌤𑍇᳚ ॥ 35 ॥

𑌸𑍁॒𑌵॒𑌰𑍍𑌗𑌸𑍍𑌯॑ 𑌲𑍋॒𑌕𑌸𑍍𑌯𑌾॒-𑌭𑌿𑌜𑌿॑𑌤𑍍𑌯𑍈 ॥ 𑌪𑍍𑌰 𑌵𑌾 𑌏॒𑌤𑍇᳚-𑌽𑌸𑍍𑌮𑌾-𑌲𑍍𑌲𑍋॒𑌕𑌾-𑌚𑍍𑌚𑍍𑌯॑𑌵𑌨𑍍𑌤𑍇 । 𑌯𑍇 𑌵𑍈᳚𑌶𑍍𑌵𑌕𑌰𑍍𑌮॒𑌣-𑌙𑍍𑌗𑍃॒𑌹𑍍𑌣𑌤𑍇᳚ । 𑌆॒𑌦𑌿॒𑌤𑍍𑌯𑌶𑍍𑌶𑍍𑌵𑍋 𑌗𑍃॑𑌹𑍍𑌯𑌤𑍇 । 𑌇॒𑌯𑌂-𑌵𑌾𑌁 𑌅𑌦𑌿॑𑌤𑌿𑌃 । 𑌅॒𑌸𑍍𑌯𑌾𑌮𑍇॒𑌵 𑌪𑍍𑌰𑌤𑌿॑𑌤𑌿𑌷𑍍𑌠𑌨𑍍𑌤𑌿 ॥ 𑌅॒𑌨𑍍𑌯𑍋᳚𑌨𑍍𑌯𑍋 𑌗𑍃𑌹𑍍𑌯𑍇𑌤𑍇 । 𑌵𑌿𑌶𑍍𑌵𑌾᳚𑌨𑍍𑌯𑍇॒𑌵𑌾𑌨𑍍𑌯𑍇𑌨॒ 𑌕𑌰𑍍𑌮𑌾॑𑌣𑌿 𑌕𑍁𑌰𑍍𑌵𑌾॒𑌣𑌾 𑌯॑𑌨𑍍𑌤𑌿 । 𑌅॒𑌸𑍍𑌯𑌾𑌮॒𑌨𑍍𑌯𑍇𑌨॒ 𑌪𑍍𑌰𑌤𑌿॑ 𑌤𑌿𑌷𑍍𑌠𑌨𑍍𑌤𑌿 ॥ 𑌤𑌾𑌵𑌾-𑌽𑌪॑𑌰𑌾॒𑌰𑍍𑌧𑌾-𑌥𑍍𑌸𑌂॑𑌵𑌁𑌥𑍍𑌸॒𑌰𑌸𑍍𑌯𑌾॒-𑌨𑍍𑌯𑍋᳚𑌨𑍍𑌯𑍋 𑌗𑍃𑌹𑍍𑌯𑍇𑌤𑍇 ॥ 𑌤𑌾𑌵𑍁॒𑌭𑍌 𑌸॒𑌹 𑌮॑𑌹𑌾𑌵𑍍𑌰॒𑌤𑍇 𑌗𑍃॑𑌹𑍍𑌯𑍇𑌤𑍇 । 𑌯॒𑌜𑍍𑌞𑌸𑍍𑌯𑍈॒𑌵𑌾𑌨𑍍𑌤॑-𑌙𑍍𑌗॒𑌤𑍍𑌵𑌾 । 𑌉॒𑌭𑌯𑍋᳚-𑌰𑍍𑌲𑍋॒𑌕𑌯𑍋𑌃॒ 𑌪𑍍𑌰𑌤𑌿॑ 𑌤𑌿𑌷𑍍𑌠𑌨𑍍𑌤𑌿 ॥ 𑌅॒𑌰𑍍𑌕𑍍𑌯॑𑌮𑍁॒𑌕𑍍𑌥-𑌮𑍍𑌭॑𑌵𑌤𑌿 ।
𑌅॒𑌨𑍍𑌨𑌾𑌦𑍍𑌯॒𑌸𑍍𑌯𑌾-𑌵॑𑌰𑍁𑌦𑍍𑌧𑍍𑌯𑍈 ॥ 36 ॥
(𑌸॒𑌮𑌾॒𑌯𑌚𑍍𑌛॑ – 𑌤𑍍𑌯𑌤𑌿𑌗𑍍𑌰𑌾॒𑌹𑍍𑌯𑌾॑ 𑌗𑍃𑌹𑍍𑌯𑌨𑍍𑌤𑍇 – 𑌗𑍃॒𑌹𑍍𑌯𑌤𑍇॑ – 𑌸𑌂𑌵𑌁𑌥𑍍𑌸॒𑌰𑌸𑍍𑌥𑌾॒𑌨𑍍𑌯𑍋᳚𑌨𑍍𑌯𑍋 𑌗𑍃𑌹𑍍𑌯𑍇𑌤𑍇॒ 𑌪𑌞𑍍𑌚॑ 𑌚 ) (𑌅. 3)

𑌅𑌨𑍁𑌵𑌾𑌕𑌂 4 – 𑌤𑌸𑍍𑌮𑌿𑌨𑍍𑌨𑍇𑌵 𑌦𑌿𑌨𑍇 𑌦𑌿𑌵𑌾𑌕𑍀𑌰𑍍𑌤𑍍𑌯𑌨𑌾𑌮𑌾𑌨𑌿 𑌸𑌾𑌮𑌾𑌨𑌿
𑌏॒𑌕॒𑌵𑌿॒𑌗𑍍𑌮𑍍॒𑌶 𑌏॒𑌷 𑌭॑𑌵𑌤𑌿 । 𑌏॒𑌤𑍇𑌨॒ 𑌵𑍈 𑌦𑍇॒𑌵𑌾 𑌏॑𑌕𑌵𑌿॒𑌗𑍍𑌮𑍍॒𑌶𑍇𑌨॑ । 𑌆॒𑌦𑌿॒𑌤𑍍𑌯𑌮𑌿॒𑌤 𑌉॑𑌤𑍍𑌤॒𑌮𑌗𑍍𑌮𑍍 𑌸𑍁॑𑌵॒𑌰𑍍𑌗𑌂-𑌲𑍋𑌁॒𑌕-𑌮𑌾𑌰𑍋॑𑌹𑌯𑌨𑍍𑌨𑍍 । 𑌸 𑌵𑌾 𑌏॒𑌷 𑌇॒𑌤 𑌏॑𑌕𑌵𑌿॒𑌗𑍍𑌮𑍍॒𑌶𑌃 । 𑌤𑌸𑍍𑌯॒ 𑌦𑌶𑌾॒𑌵𑌸𑍍𑌤𑌾॒𑌦𑌹𑌾॑𑌨𑌿 । 𑌦𑌶॑ 𑌪॒𑌰𑌸𑍍𑌤𑌾᳚𑌤𑍍 । 𑌸 𑌵𑌾 𑌏॒𑌷 𑌵𑌿॒𑌰𑌾𑌜𑍍𑌯𑍁॑𑌭॒𑌯𑌤𑌃॒ 𑌪𑍍𑌰𑌤𑌿॑𑌷𑍍𑌠𑌿𑌤𑌃 । 𑌵𑌿॒𑌰𑌾𑌜𑌿॒ 𑌹𑌿 𑌵𑌾 𑌏॒𑌷 𑌉॑𑌭॒𑌯𑌤𑌃॒ 𑌪𑍍𑌰𑌤𑌿॑𑌷𑍍𑌠𑌿𑌤𑌃 । 𑌤𑌸𑍍𑌮𑌾॑𑌦𑌨𑍍𑌤॒𑌰𑍇𑌮𑍌 𑌲𑍋॒𑌕𑍌 𑌯𑌨𑍍𑌨𑍍 । 𑌸𑌰𑍍𑌵𑍇॑𑌷𑍁 𑌸𑍁𑌵॒𑌰𑍍𑌗𑍇𑌷𑍁॑ 𑌲𑍋॒𑌕𑍇-𑌷𑍍𑌵॑𑌭𑌿॒𑌤𑌪॑𑌨𑍍𑌨𑍇𑌤𑌿 ॥ 3𑍭 ॥

𑌦𑍇॒𑌵𑌾 𑌵𑌾 𑌆॑𑌦𑌿॒𑌤𑍍𑌯𑌸𑍍𑌯॑ 𑌸𑍁𑌵॒𑌰𑍍𑌗𑌸𑍍𑌯॑ 𑌲𑍋॒𑌕𑌸𑍍𑌯॑ । 𑌪𑌰𑌾॑𑌚𑍋-𑌽𑌤𑌿𑌪𑌾॒𑌦𑌾𑌦॑𑌬𑌿𑌭𑌯𑍁𑌃 । 𑌤-𑌞𑍍𑌛𑌨𑍍𑌦𑍋॑𑌭𑌿𑌰𑌦𑍃𑌗𑍍𑌮𑍍 𑌹॒𑌨𑍍𑌧𑍃𑌤𑍍𑌯𑍈᳚ । 𑌦𑍇॒𑌵𑌾 𑌵𑌾 𑌆॑𑌦𑌿॒𑌤𑍍𑌯𑌸𑍍𑌯॑ 𑌸𑍁𑌵॒𑌰𑍍𑌗𑌸𑍍𑌯॑ 𑌲𑍋॒𑌕𑌸𑍍𑌯॑ । 𑌅𑌵𑌾॑𑌚𑍋-𑌽𑌵𑌪𑌾॒𑌦𑌾𑌦॑𑌬𑌿𑌭𑌯𑍁𑌃 । 𑌤-𑌮𑍍𑌪॒𑌞𑍍𑌚𑌭𑍀॑ 𑌰॒𑌶𑍍𑌮𑌿𑌭𑌿॒-𑌰𑍁𑌦॑𑌵𑌯𑌨𑍍𑌨𑍍 । 𑌤𑌸𑍍𑌮𑌾॑𑌦𑍇𑌕𑌵𑌿॒𑌗𑍍𑌮𑍍॒𑌶𑍇 𑌽𑌹॒-𑌨𑍍𑌪𑌞𑍍𑌚॑ 𑌦𑌿𑌵𑌾𑌕𑍀॒𑌰𑍍𑌤𑍍𑌯𑌾॑𑌨𑌿 𑌕𑍍𑌰𑌿𑌯𑌨𑍍𑌤𑍇 । 𑌰॒𑌶𑍍𑌮𑌯𑍋॒ 𑌵𑍈 𑌦𑌿॑𑌵𑌾𑌕𑍀॒𑌰𑍍𑌤𑍍𑌯𑌾॑𑌨𑌿 ॥ 𑌯𑍇 𑌗𑌾॑𑌯॒𑌤𑍍𑌰𑍇 । 𑌤𑍇 𑌗𑌾॑𑌯॒𑌤𑍍𑌰𑍀𑌷𑍂𑌤𑍍𑌤॑𑌰𑌯𑍋𑌃॒ 𑌪𑌵॑𑌮𑌾𑌨𑌯𑍋𑌃 ॥ 3𑍮 ॥

𑌮॒𑌹𑌾𑌦𑌿॑𑌵𑌾𑌕𑍀𑌰𑍍𑌤𑍍𑌯॒𑌗𑍍𑌮𑍍॒ 𑌹𑍋𑌤𑍁𑌃॑ 𑌪𑍃॒𑌷𑍍𑌠𑌮𑍍 । 𑌵𑌿॒𑌕॒𑌰𑍍𑌣-𑌮𑍍𑌬𑍍𑌰॑𑌹𑍍𑌮𑌸𑌾॒𑌮𑌮𑍍 । 𑌭𑌾॒𑌸𑍋᳚-𑌽𑌗𑍍𑌨𑌿𑌷𑍍𑌟𑍋॒𑌮𑌃 ॥ 𑌅𑌥𑍈॒𑌤𑌾𑌨𑌿॒ 𑌪𑌰𑌾॑𑌣𑌿 । 𑌪𑌰𑍈॒𑌰𑍍𑌵𑍈 𑌦𑍇॒𑌵𑌾 𑌆॑𑌦𑌿॒𑌤𑍍𑌯𑌗𑍍𑌮𑍍 𑌸𑍁॑𑌵॒𑌰𑍍𑌗𑌂-𑌲𑍋𑌁॒𑌕𑌮॑𑌪𑌾𑌰𑌯𑌨𑍍𑌨𑍍 । 𑌯𑌦𑌪𑌾॑𑌰𑌯𑌨𑍍𑌨𑍍 । 𑌤-𑌤𑍍𑌪𑌰𑌾॑𑌣𑌾-𑌮𑍍𑌪𑌰॒𑌤𑍍𑌵𑌮𑍍 । 𑌪𑌾॒𑌰𑌯॑𑌨𑍍𑌤𑍍𑌯𑍇𑌨॒-𑌮𑍍𑌪𑌰𑌾॑𑌣𑌿 । 𑌯 𑌏॒𑌵𑌂-𑌵𑍇𑌁𑌦॑ । 𑌅𑌥𑍈॒𑌤𑌾𑌨𑌿॒ 𑌸𑍍𑌪𑌰𑌾॑𑌣𑌿 । 𑌸𑍍𑌪𑌰𑍈॒𑌰𑍍𑌵𑍈 𑌦𑍇॒𑌵𑌾 𑌆॑𑌦𑌿॒𑌤𑍍𑌯𑌗𑍍𑌮𑍍 𑌸𑍁॑𑌵॒𑌰𑍍𑌗𑌂-𑌲𑍋𑌁॒𑌕𑌮॑𑌸𑍍𑌪𑌾𑌰𑌯𑌨𑍍𑌨𑍍 । 𑌯𑌦𑌸𑍍𑌪𑌾॑𑌰𑌯𑌨𑍍𑌨𑍍 । 𑌤-𑌥𑍍𑌸𑍍𑌪𑌰𑌾॑𑌣𑌾𑌗𑍍 𑌸𑍍𑌪𑌰॒𑌤𑍍𑌵𑌮𑍍 । 𑌸𑍍𑌪𑌾॒𑌰𑌯॑𑌨𑍍𑌤𑍍𑌯𑍇𑌨॒𑌗𑍍𑌗𑍍॒ 𑌸𑍍𑌪𑌰𑌾॑𑌣𑌿 । 𑌯 𑌏॒𑌵𑌂-𑌵𑍇𑌁𑌦॑ ॥ 3𑍯 ॥
(𑌏॒𑌤𑌿॒-𑌪𑌵॑𑌮𑌾𑌨𑌯𑍋𑌃॒-𑌸𑍍𑌪𑌰𑌾॑𑌣𑍀॒ 𑌪𑌞𑍍𑌚॑ 𑌚) (𑌅. 4)

𑌅𑌨𑍁𑌵𑌾𑌕𑌂 5 – 𑌪𑌶𑌵𑌃 𑌵𑍈𑌷𑍍𑌣𑌵𑌾𑌦𑍍𑌯𑌾 𑌨𑌵
𑌅𑌪𑍍𑌰॑𑌤𑌿𑌷𑍍𑌠𑌾𑌂॒-𑌵𑌾𑌁 𑌏॒𑌤𑍇 𑌗॑𑌚𑍍𑌛𑌨𑍍𑌤𑌿 । 𑌯𑍇𑌷𑌾𑌗𑍍𑌮𑍍॑ 𑌸𑌂𑌵𑌁𑌥𑍍𑌸॒𑌰𑍇-𑌽𑌨𑌾॒𑌪𑍍𑌤𑍇-𑌽𑌥॑ । 𑌏॒𑌕𑌾॒𑌦॒𑌶𑌿𑌨𑍍𑌯𑌾॒𑌪𑍍𑌯𑌤𑍇᳚ ॥ 𑌵𑍈॒𑌷𑍍𑌣॒𑌵𑌂-𑌵𑌾𑌁॑𑌮॒𑌨-𑌮𑌾𑌲॑𑌭𑌨𑍍𑌤𑍇 । 𑌯॒𑌜𑍍𑌞𑍋 𑌵𑍈 𑌵𑌿𑌷𑍍𑌣𑍁𑌃॑ । 𑌯॒𑌜𑍍𑌞𑌮𑍇॒𑌵𑌾𑌲॑𑌭𑌨𑍍𑌤𑍇॒ 𑌪𑍍𑌰𑌤𑌿॑𑌷𑍍𑌠𑌿𑌤𑍍𑌯𑍈 । 𑌐॒𑌨𑍍𑌦𑍍𑌰𑌾॒𑌗𑍍𑌨-𑌮𑌾𑌲॑𑌭𑌨𑍍𑌤𑍇 । 𑌇॒𑌨𑍍𑌦𑍍𑌰𑌾॒𑌗𑍍𑌨𑍀 𑌵𑍈 𑌦𑍇॒𑌵𑌾𑌨𑌾॒-𑌮𑌯𑌾॑𑌤𑌯𑌾𑌮𑌾𑌨𑍌 । 𑌯𑍇 𑌏॒𑌵 𑌦𑍇॒𑌵𑌤𑍇॒ 𑌅𑌯𑌾॑𑌤𑌯𑌾𑌮𑍍𑌨𑍀 । 𑌤𑍇 𑌏॒𑌵𑌾𑌲॑𑌭𑌨𑍍𑌤𑍇 ॥ 40 ॥

𑌵𑍈॒𑌶𑍍𑌵॒𑌦𑍇॒𑌵-𑌮𑌾𑌲॑𑌭𑌨𑍍𑌤𑍇 । 𑌦𑍇॒𑌵𑌤𑌾॑ 𑌏॒𑌵𑌾𑌵॑-𑌰𑍁𑌨𑍍𑌧𑌤𑍇 । 𑌦𑍍𑌯𑌾॒𑌵𑌾॒𑌪𑍃॒𑌥𑌿॒𑌵𑍍𑌯𑌾᳚-𑌨𑍍𑌧𑍇॒𑌨𑍁-𑌮𑌾𑌲॑𑌭𑌨𑍍𑌤𑍇 । 𑌦𑍍𑌯𑌾𑌵𑌾॑𑌪𑍃𑌥𑌿॒𑌵𑍍𑌯𑍋𑌰𑍇॒𑌵 𑌪𑍍𑌰𑌤𑌿॑ 𑌤𑌿𑌷𑍍𑌠𑌨𑍍𑌤𑌿 । 𑌵𑌾॒𑌯॒𑌵𑍍𑌯𑌂॑-𑌵𑌁॒𑌥𑍍𑌸𑌮𑌾𑌲॑𑌭𑌨𑍍𑌤𑍇 । 𑌵𑌾॒𑌯𑍁𑌰𑍇॒𑌵𑍈𑌭𑍍𑌯𑍋॑ 𑌯𑌥𑌾-𑌽𑌽𑌯𑌤॒𑌨𑌾-𑌦𑍍𑌦𑍇॒𑌵𑌤𑌾॒ 𑌅𑌵॑𑌰𑍁𑌨𑍍𑌧𑍇 । 𑌆॒𑌦𑌿॒𑌤𑍍𑌯𑌾𑌮𑌵𑌿𑌂॑-𑌵𑌁॒𑌶𑌾-𑌮𑌾𑌲॑𑌭𑌨𑍍𑌤𑍇 । 𑌇॒𑌯𑌂-𑌵𑌾𑌁 𑌅𑌦𑌿॑𑌤𑌿𑌃 । 𑌅॒𑌸𑍍𑌯𑌾𑌮𑍇॒𑌵 𑌪𑍍𑌰𑌤𑌿॑ 𑌤𑌿𑌷𑍍𑌠𑌨𑍍𑌤𑌿 । 𑌮𑍈॒𑌤𑍍𑌰𑌾॒𑌵॒𑌰𑍁॒𑌣𑍀-𑌮𑌾𑌲॑𑌭𑌨𑍍𑌤𑍇 ॥ 41 ॥

𑌮𑌿॒𑌤𑍍𑌰𑍇𑌣𑍈॒𑌵 𑌯॒𑌜𑍍𑌞𑌸𑍍𑌯॒ 𑌸𑍍𑌵𑌿॑𑌷𑍍𑌟𑌗𑍍𑌮𑍍 𑌶𑌮𑌯𑌨𑍍𑌤𑌿 । 𑌵𑌰𑍁॑𑌣𑍇𑌨॒ 𑌦𑍁𑌰𑌿॑𑌷𑍍𑌟𑌮𑍍 । 𑌪𑍍𑌰𑌾॒𑌜𑌾॒𑌪॒𑌤𑍍𑌯-𑌨𑍍𑌤𑍂॑𑌪॒𑌰-𑌮𑍍𑌮॑𑌹𑌾𑌵𑍍𑌰॒𑌤 𑌆𑌲॑𑌭𑌨𑍍𑌤𑍇 । 𑌪𑍍𑌰𑌾॒𑌜𑌾॒𑌪॒𑌤𑍍𑌯𑍋॑-𑌽𑌤𑌿𑌗𑍍𑌰𑌾॒𑌹𑍍𑌯𑍋॑ 𑌗𑍃𑌹𑍍𑌯𑌤𑍇 । 𑌅𑌹॑𑌰𑍇॒𑌵 𑌰𑍂॒𑌪𑍇𑌣॒ 𑌸𑌮॑𑌰𑍍𑌧𑌯𑌨𑍍𑌤𑌿 । 𑌅𑌥𑍋॒ 𑌅𑌹𑍍𑌨॑ 𑌏॒𑌵𑍈𑌷 𑌬॒𑌲𑌿𑌰𑍍-𑌹𑍍𑌰𑌿॑𑌯𑌤𑍇 । 𑌆॒𑌗𑍍𑌨𑍇॒𑌯𑌮𑌾𑌲॑𑌭𑌨𑍍𑌤𑍇॒ 𑌪𑍍𑌰𑌤𑌿॒ 𑌪𑍍𑌰𑌜𑍍𑌞𑌾᳚𑌤𑍍𑌯𑍈 ॥ 𑌅॒𑌜॒𑌪𑍇॒𑌤𑍍𑌵𑌾𑌨𑍍. 𑌵𑌾 𑌏॒𑌤𑍇 𑌪𑍂𑌰𑍍𑌵𑍈॒𑌰𑍍𑌮𑌾𑌸𑍈॒𑌰-𑌵॑𑌰𑍁𑌨𑍍𑌧𑌤𑍇 । 𑌯𑌦𑍇॒𑌤𑍇 𑌗॒𑌵𑍍𑌯𑌾𑌃 𑌪॒𑌶𑌵॑ 𑌆𑌲॒𑌭𑍍𑌯𑌨𑍍𑌤𑍇᳚ । 𑌉॒𑌭𑌯𑍇॑𑌷𑌾-𑌮𑍍𑌪𑌶𑍂॒𑌨𑌾-𑌮𑌵॑𑌰𑍁𑌦𑍍𑌧𑍍𑌯𑍈 ॥ 42 ॥

𑌯𑌦𑌤𑌿॑𑌰𑌿𑌕𑍍𑌤𑌾-𑌮𑍇𑌕𑌾𑌦॒𑌶𑌿𑌨𑍀॑-𑌮𑌾॒𑌲𑌭𑍇॑𑌰𑌨𑍍𑌨𑍍 । 𑌅𑌪𑍍𑌰𑌿॑𑌯॒-𑌮𑍍𑌭𑍍𑌰𑌾𑌤𑍃॑𑌵𑍍𑌯-𑌮॒𑌭𑍍𑌯𑌤𑌿॑𑌰𑌿𑌚𑍍𑌯𑍇𑌤 । 𑌯-𑌦𑍍𑌦𑍍𑌵𑍌𑌦𑍍𑌵𑍌॑ 𑌪॒𑌶𑍂 𑌸॒𑌮𑌸𑍍𑌯𑍇॑𑌯𑍁𑌃 । 𑌕𑌨𑍀॑𑌯॒ 𑌆𑌯𑍁𑌃॑ 𑌕𑍁𑌰𑍍𑌵𑍀𑌰𑌨𑍍𑌨𑍍 । 𑌯𑌦𑍇॒𑌤𑍇 𑌬𑍍𑌰𑌾𑌹𑍍𑌮॑𑌣𑌵𑌨𑍍𑌤𑌃 𑌪॒𑌶𑌵॑ 𑌆𑌲॒𑌭𑍍𑌯𑌨𑍍𑌤𑍇᳚ । 𑌨𑌾𑌪𑍍𑌰𑌿॑𑌯॒-𑌮𑍍𑌭𑍍𑌰𑌾𑌤𑍃॑𑌵𑍍𑌯-𑌮॒𑌭𑍍𑌯॑𑌤𑌿॒𑌰𑌿𑌚𑍍𑌯॑𑌤𑍇 । 𑌨 𑌕𑌨𑍀॑𑌯॒ 𑌆𑌯𑍁𑌃॑ 𑌕𑍁𑌰𑍍𑌵𑌤𑍇 ॥ 43 ॥
(𑌤𑍇-𑌏॒𑌵𑌾𑌲॑𑌭𑌨𑍍𑌤𑍇-𑌮𑍈𑌤𑍍𑌰𑌾𑌵𑌰𑍁॒𑌣𑍀𑌮𑌾𑌲॑𑌭॒𑌨𑍍𑌤𑍇-𑌽𑌵॑𑌰𑍁𑌦𑍍𑌧𑍍𑌯𑍈-+𑌸॒𑌪𑍍𑌤 𑌚॑) (𑌅. 5)

𑌅𑌨𑍁𑌵𑌾𑌕𑌂 6 – 𑌮𑌹𑌾𑌵𑍍𑌰𑌤𑌮𑍍
𑌪𑍍𑌰॒𑌜𑌾𑌪॑𑌤𑌿𑌃 𑌪𑍍𑌰॒𑌜𑌾-𑌸𑍍𑌸𑍃॒𑌷𑍍𑌟𑍍𑌵𑌾 𑌵𑍃॒𑌤𑍍𑌤𑍋॑-𑌽𑌶𑌯𑌤𑍍 । 𑌤-𑌨𑍍𑌦𑍇॒𑌵𑌾 𑌭𑍂॒𑌤𑌾𑌨𑌾॒𑌗𑍍𑌮𑍍॒ 𑌰𑌸॒-𑌨𑍍𑌤𑍇𑌜॑-𑌸𑍍𑌸॒𑌭𑍃𑌨𑍍𑌤𑍍𑌯॑ । 𑌤𑍇𑌨𑍈॑𑌨𑌮𑌭𑌿𑌷𑌜𑍍𑌯𑌨𑍍𑌨𑍍 । 𑌮॒𑌹𑌾𑌨॑𑌵𑌵॒𑌰𑍍𑌤𑍀𑌤𑌿॑ । 𑌤-𑌨𑍍𑌮॑𑌹𑌾𑌵𑍍𑌰॒𑌤𑌸𑍍𑌯॑ 𑌮𑌹𑌾𑌵𑍍𑌰𑌤॒𑌤𑍍𑌵𑌮𑍍 । 𑌮॒𑌹-𑌦𑍍𑌵𑍍𑌰॒𑌤𑌮𑌿𑌤𑌿॑ । 𑌤-𑌨𑍍𑌮॑𑌹𑌾𑌵𑍍𑌰॒𑌤𑌸𑍍𑌯॑ 𑌮𑌹𑌾𑌵𑍍𑌰𑌤॒𑌤𑍍𑌵𑌮𑍍 । 𑌮॒𑌹॒𑌤𑍋 𑌵𑍍𑌰॒𑌤𑌮𑌿𑌤𑌿॑ । 𑌤-𑌨𑍍𑌮॑𑌹𑌾𑌵𑍍𑌰॒𑌤𑌸𑍍𑌯॑ 𑌮𑌹𑌾𑌵𑍍𑌰𑌤॒𑌤𑍍𑌵𑌮𑍍 ॥ 𑌪॒𑌞𑍍𑌚॒𑌵𑌿॒𑌗𑍍𑌮𑍍॒𑌶-𑌸𑍍𑌸𑍍𑌤𑍋𑌮𑍋॑ 𑌭𑌵𑌤𑌿 ॥ 44 ॥

𑌚𑌤𑍁॑𑌰𑍍𑌵𑌿𑌗𑍍𑌮𑍍𑌶-𑌤𑍍𑌯𑌰𑍍𑌧𑌮𑌾𑌸-𑌸𑍍𑌸𑌂𑌵𑌁𑌥𑍍𑌸॒𑌰𑌃 । 𑌯-𑌦𑍍𑌵𑌾 𑌏॒𑌤𑌸𑍍𑌮𑌿𑌨𑍍᳚-𑌥𑍍𑌸𑌂𑌵𑌁𑌥𑍍𑌸॒𑌰𑍇 𑌽𑌧𑌿॒𑌪𑍍𑌰𑌾𑌜𑌾॑𑌯𑌤 । 𑌤𑌦𑌨𑍍𑌨॑-𑌮𑍍𑌪𑌞𑍍𑌚𑌵𑌿॒𑌗𑍍𑌮𑍍॒𑌶-𑌮॑𑌭𑌵𑌤𑍍 ॥ 𑌮॒𑌦𑍍𑌧𑍍𑌯॒𑌤𑌃 𑌕𑍍𑌰𑌿॑𑌯𑌤𑍇 । 𑌮॒𑌦𑍍𑌧𑍍𑌯॒𑌤𑍋 𑌹𑍍𑌯𑌨𑍍𑌨॑𑌮𑌶𑌿॒𑌤-𑌨𑍍𑌧𑌿॒𑌨𑍋𑌤𑌿॑ । 𑌅𑌥𑍋॑ 𑌮𑌦𑍍𑌧𑍍𑌯॒𑌤 𑌏॒𑌵 𑌪𑍍𑌰॒𑌜𑌾𑌨𑌾॒𑌮𑍂𑌰𑍍𑌗𑍍𑌧𑍀॑𑌯𑌤𑍇 ॥ 𑌅𑌥॒ 𑌯𑌦𑍍𑌵𑌾 𑌇॒𑌦𑌮॑𑌨𑍍𑌤॒𑌤𑌃 𑌕𑍍𑌰𑌿॒𑌯𑌤𑍇᳚ । 𑌤𑌸𑍍𑌮𑌾॑𑌦𑍁𑌦॒𑌨𑍍𑌤𑍇 𑌪𑍍𑌰॒𑌜𑌾-𑌸𑍍𑌸𑌮𑍇॑𑌧𑌨𑍍𑌤𑍇 । 𑌅॒𑌨𑍍𑌤॒𑌤𑌃 𑌕𑍍𑌰𑌿॑𑌯𑌤𑍇 𑌪𑍍𑌰॒𑌜𑌨॑𑌨𑌾𑌯𑍈॒𑌵 ॥ 𑌤𑍍𑌰𑌿॒𑌵𑍃𑌚𑍍𑌛𑌿𑌰𑍋॑ 𑌭𑌵𑌤𑌿 ॥ 45 ॥

𑌤𑍍𑌰𑍇॒𑌧𑌾॒ 𑌵𑌿॒𑌹𑌿॒𑌤𑌗𑍍𑌮𑍍 𑌹𑌿 𑌶𑌿𑌰𑌃॑ । 𑌲𑍋𑌮॑ 𑌛॒𑌵𑍀𑌰𑌸𑍍𑌥𑌿॑ ॥ 𑌪𑌰𑌾॑𑌚𑌾 𑌸𑍍𑌤𑍁𑌵𑌨𑍍𑌤𑌿 । 𑌤𑌸𑍍𑌮𑌾॒-𑌤𑍍𑌤-𑌥𑍍𑌸॒𑌦𑍃𑌗𑍇॒𑌵 । 𑌨 𑌮𑍇𑌦𑍍𑌯॒𑌤𑍋-𑌽𑌨𑍁॑ 𑌮𑍇𑌦𑍍𑌯𑌤𑌿 । 𑌨 𑌕𑍃𑌶𑍍𑌯॒𑌤𑍋-𑌽𑌨𑍁॑ 𑌕𑍃𑌶𑍍𑌯𑌤𑌿 ॥ 𑌪॒𑌞𑍍𑌚॒𑌦॒𑌶𑍋᳚-𑌽𑌨𑍍𑌯𑌃 𑌪॒𑌕𑍍𑌷𑍋 𑌭॑𑌵𑌤𑌿 । 𑌸॒𑌪𑍍𑌤॒𑌦॒𑌶𑍋᳚-𑌽𑌨𑍍𑌯𑌃 । 𑌤𑌸𑍍𑌮𑌾॒-𑌦𑍍𑌵𑌯𑌾𑌗𑍍॑𑌸𑍍𑌯-𑌨𑍍𑌯𑌤॒𑌰𑌮॒𑌰𑍍𑌧𑌮॒𑌭𑌿 𑌪॒𑌰𑍍𑌯𑌾𑌵॑𑌰𑍍𑌤𑌨𑍍𑌤𑍇 । 𑌅॒𑌨𑍍𑌯॒𑌤॒𑌰𑌤𑍋॒ 𑌹𑌿 𑌤-𑌦𑍍𑌗𑌰𑍀॑𑌯𑌃 𑌕𑍍𑌰𑌿॒𑌯𑌤𑍇᳚ ॥ 46 ॥

𑌪॒𑌞𑍍𑌚॒𑌵𑌿॒𑌗𑍍𑌮𑍍॒𑌶 𑌆॒𑌤𑍍𑌮𑌾 𑌭॑𑌵𑌤𑌿 । 𑌤𑌸𑍍𑌮𑌾᳚-𑌨𑍍𑌮𑌦𑍍𑌧𑍍𑌯॒𑌤𑌃 𑌪॒𑌶𑌵𑍋॒ 𑌵𑌰𑌿॑𑌷𑍍𑌠𑌾𑌃 ॥ 𑌏॒𑌕॒𑌵𑌿॒𑌗𑍍𑌮𑍍॒𑌶-𑌮𑍍𑌪𑍁𑌚𑍍𑌛᳚𑌮𑍍 । 𑌦𑍍𑌵𑌿॒𑌪𑌦𑌾॑𑌸𑍁 𑌸𑍍𑌤𑍁𑌵𑌨𑍍𑌤𑌿॒ 𑌪𑍍𑌰𑌤𑌿॑𑌷𑍍𑌠𑌿𑌤𑍍𑌯𑍈 ॥ 𑌸𑌰𑍍𑌵𑍇॑𑌣 𑌸॒𑌹 𑌸𑍍𑌤𑍁॑𑌵𑌨𑍍𑌤𑌿 । 𑌸𑌰𑍍𑌵𑍇॑𑌣॒ 𑌹𑍍𑌯𑌾᳚𑌤𑍍𑌮𑌨𑌾᳚-𑌽𑌽𑌤𑍍𑌮॒𑌨𑍍𑌵𑍀 । 𑌸॒𑌹𑍋𑌤𑍍𑌪𑌤॑𑌨𑍍𑌤𑌿 ॥ 𑌏𑌕𑍈॑𑌕𑌾॒-𑌮𑍁𑌚𑍍𑌛𑌿𑌗𑍍𑌮𑍍॑𑌷𑌨𑍍𑌤𑌿 । 𑌆॒𑌤𑍍𑌮𑌨𑍍𑌨𑍍. 𑌹𑍍𑌯𑌙𑍍𑌗𑌾॑𑌨𑌿 𑌬॒𑌦𑍍𑌧𑌾𑌨𑌿॑ ॥ 𑌨 𑌵𑌾 𑌏॒𑌤𑍇𑌨॒ 𑌸𑌰𑍍𑌵𑌃॒ 𑌪𑍁𑌰𑍁॑𑌷𑌃 ॥ 4𑍭 ॥

𑌯𑌦𑌿॒𑌤 𑌇॑𑌤𑍋॒ 𑌲𑍋𑌮𑌾॑𑌨𑌿 𑌦॒𑌤𑍋 𑌨॒𑌖𑌾𑌨𑍍 । 𑌪॒𑌰𑌿॒𑌮𑌾𑌦𑌃॑ 𑌕𑍍𑌰𑌿𑌯𑌨𑍍𑌤𑍇 । 𑌤𑌾𑌨𑍍𑌯𑍇॒𑌵 𑌤𑍇𑌨॒ 𑌪𑍍𑌰𑌤𑍍𑌯𑍁॑𑌪𑍍𑌯𑌨𑍍𑌤𑍇 ॥ 𑌔𑌦𑍁॑𑌮𑍍𑌬𑌰॒𑌸𑍍𑌤𑌲𑍍𑌪𑍋॑ 𑌭𑌵𑌤𑌿 । 𑌊𑌰𑍍𑌗𑍍𑌵𑌾 𑌅𑌨𑍍𑌨॑𑌮𑍁𑌦𑍁॒𑌮𑍍𑌬𑌰𑌃॑ । 𑌊॒𑌰𑍍𑌜 𑌏॒𑌵𑌾𑌨𑍍𑌨𑌾𑌦𑍍𑌯॒𑌸𑍍𑌯𑌾-𑌵॑𑌰𑍁𑌦𑍍𑌧𑍍𑌯𑍈 ॥ 𑌯𑌸𑍍𑌯॑ 𑌤𑌲𑍍𑌪॒𑌸𑌦𑍍𑌯॒-𑌮𑌨॑𑌭𑌿𑌜𑌿𑌤॒𑌗𑍍𑌗𑍍॒ 𑌸𑍍𑌯𑌾𑌤𑍍 । 𑌸 𑌦𑍇॒𑌵𑌾𑌨𑌾॒𑌗𑍍𑌮𑍍॒ 𑌸𑌾𑌮𑍍𑌯॑𑌕𑍍𑌷𑍇 । 𑌤॒𑌲𑍍𑌪॒𑌸𑌦𑍍𑌯॑-𑌮॒𑌭𑌿𑌜॑𑌯𑌾॒𑌨𑍀𑌤𑌿॒ 𑌤𑌲𑍍𑌪॑𑌮𑌾॒-𑌰𑍁𑌹𑍍𑌯𑍋-𑌦𑍍𑌗𑌾॑𑌯𑍇𑌤𑍍 । 𑌤॒𑌲𑍍𑌪॒𑌸𑌦𑍍𑌯॑-𑌮𑍇॒𑌵𑌾𑌭𑌿𑌜॑𑌯𑌤𑌿 ॥ 4𑍮 ॥

𑌯𑌸𑍍𑌯॑ 𑌤𑌲𑍍𑌪॒𑌸𑌦𑍍𑌯॑-𑌮॒𑌭𑌿𑌜𑌿॑𑌤॒𑌗𑍍𑌗𑍍॒ 𑌸𑍍𑌯𑌾𑌤𑍍 । 𑌸 𑌦𑍇॒𑌵𑌾𑌨𑌾॒𑌗𑍍𑌮𑍍॒ 𑌸𑌾𑌮𑍍𑌯॑𑌕𑍍𑌷𑍇 । 𑌤॒𑌲𑍍𑌪॒𑌸𑌦𑍍𑌯॒-𑌮𑍍𑌮𑌾 𑌪𑌰𑌾॑𑌜𑍇॒𑌷𑍀𑌤𑌿॒ 𑌤𑌲𑍍𑌪॑-𑌮𑌾॒𑌰𑍁𑌹𑍍𑌯𑍋-𑌦𑍍𑌗𑌾॑𑌯𑍇𑌤𑍍 । 𑌨 𑌤॑𑌲𑍍𑌪॒𑌸𑌦𑍍𑌯॒-𑌮𑍍𑌪𑌰𑌾॑𑌜𑌯𑌤𑍇 ॥ 𑌪𑍍𑌲𑍇॒𑌙𑍍𑌖𑍇 𑌶𑌗𑍍𑌮𑍍॑𑌸𑌤𑌿 । 𑌮𑌹𑍋॒ 𑌵𑍈 𑌪𑍍𑌲𑍇॒𑌙𑍍𑌖𑌃 । 𑌮𑌹॑𑌸 𑌏॒𑌵𑌾𑌨𑍍𑌨𑌾𑌦𑍍𑌯॒𑌸𑍍𑌯𑌾-𑌵॑𑌰𑍁𑌦𑍍𑌧𑍍𑌯𑍈 ॥ 𑌦𑍇॒𑌵𑌾॒𑌸𑍁॒𑌰𑌾-𑌸𑍍𑌸𑌂𑌯𑌁॑𑌤𑍍𑌤𑌾 𑌆𑌸𑌨𑍍𑌨𑍍 । 𑌤 𑌆॑𑌦𑌿॒𑌤𑍍𑌯𑍇 𑌵𑍍𑌯𑌾𑌯॑𑌚𑍍𑌛𑌨𑍍𑌤 । 𑌤-𑌨𑍍𑌦𑍇॒𑌵𑌾-𑌸𑍍𑌸𑌮॑𑌜𑌯𑌨𑍍𑌨𑍍 ॥ 4𑍯 ॥

𑌬𑍍𑌰𑌾॒𑌹𑍍𑌮॒𑌣𑌶𑍍𑌚॑ 𑌶𑍂॒𑌦𑍍𑌰𑌶𑍍𑌚॑ 𑌚𑌰𑍍𑌮𑌕॒𑌰𑍍𑌤𑍇 𑌵𑍍𑌯𑌾𑌯॑𑌚𑍍𑌛𑍇𑌤𑍇 । 𑌦𑍈𑌵𑍍𑌯𑍋॒ 𑌵𑍈 𑌵𑌰𑍍𑌣𑍋᳚ 𑌬𑍍𑌰𑌾𑌹𑍍𑌮॒𑌣𑌃 । 𑌅॒𑌸॒𑌰𑍍𑌯॑-𑌶𑍍𑌶𑍂॒𑌦𑍍𑌰𑌃 । 𑌇॒𑌮𑍇॑-𑌽𑌰𑌾-𑌥𑍍𑌸𑍁𑌰𑌿॒𑌮𑍇 𑌸𑍁॑𑌭𑍂॒𑌤-𑌮॑𑌕𑍍𑌰॒-𑌨𑍍𑌨𑌿𑌤𑍍𑌯॑𑌨𑍍𑌯𑌤॒𑌰𑍋 𑌬𑍍𑌰𑍂॑𑌯𑌾𑌤𑍍 । 𑌇॒𑌮 𑌉॑𑌦𑍍𑌵𑌾𑌸𑍀𑌕𑌾॒𑌰𑌿𑌣॑ 𑌇॒𑌮𑍇 𑌦𑍁॑𑌰𑍍𑌭𑍂॒𑌤-𑌮॑𑌕𑍍𑌰॒𑌨𑍍𑌨𑌿𑌤𑍍𑌯॑𑌨𑍍𑌯𑌤॒𑌰𑌃 । 𑌯𑌦𑍇॒𑌵𑍈𑌷𑌾𑌗𑍍𑌮𑍍॑ 𑌸𑍁𑌕𑍃॒𑌤𑌂-𑌯𑌾𑌁 𑌰𑌾𑌦𑍍𑌧𑌿𑌃॑ । 𑌤𑌦॑𑌨𑍍𑌯𑌤॒𑌰𑍋॑-𑌽𑌭𑌿𑌶𑍍𑌰𑍀॑𑌣𑌾𑌤𑌿 । 𑌯𑌦𑍇॒𑌵𑍈𑌷𑌾᳚-𑌨𑍍𑌦𑍁𑌷𑍍𑌕𑍃॒𑌤𑌂-𑌯𑌾𑌁-𑌽𑌰𑌾᳚𑌦𑍍𑌧𑌿𑌃 । 𑌤𑌦॑𑌨𑍍𑌯𑌤॒𑌰𑍋-𑌽𑌪॑𑌹𑌨𑍍𑌤𑌿 । 𑌬𑍍𑌰𑌾॒𑌹𑍍𑌮॒𑌣-𑌸𑍍𑌸-𑌞𑍍𑌜॑𑌯𑌤𑌿 । 𑌅॒𑌮𑍁𑌮𑍇॒𑌵𑌾𑌦𑌿॒𑌤𑍍𑌯-𑌮𑍍𑌭𑍍𑌰𑌾𑌤𑍃॑𑌵𑍍𑌯𑌸𑍍𑌯॒ 𑌸𑌂𑌵𑌿𑌁॑𑌨𑍍𑌦𑌨𑍍𑌤𑍇 ॥ 50 ॥
(𑌭॒𑌵॒𑌤𑌿॒ – 𑌭॒𑌵॒𑌤𑌿॒ – 𑌕𑍍𑌰𑌿॒𑌯𑌤𑍇॒ – 𑌪𑍁𑌰𑍁॑𑌷𑍋 – 𑌜𑌯𑌤𑍍𑌯 – 𑌜𑌯 – 𑌞𑍍𑌜𑌯॒𑌤𑍍𑌯𑍇𑌕॑-𑌞𑍍𑌚) (𑌅. 6)

(𑌉॒𑌦𑍍𑌧𑍍𑌯॒𑌨𑍍𑌯𑌮𑌾॑𑌨𑌂॒ – 𑌨𑌵𑍈॒𑌤𑌾𑌨𑌿॒ – 𑌸𑌨𑍍𑌤॑𑌤𑌿 – 𑌰𑍇𑌕𑌵𑌿॒𑌗𑍍𑌮𑍍॒𑌶 𑌏॒𑌷𑍋 – 𑌽𑌪𑍍𑌰॑𑌤𑌿𑌷𑍍𑌠𑌾𑌂 – 𑌪𑍍𑌰॒𑌜𑌾𑌪॑𑌤𑌿-𑌰𑍍𑌵𑍃॒𑌤𑍍𑌤-𑌷𑍍𑌷𑌟𑍍 )

(𑌉॒𑌦𑍍𑌧॒𑌨𑍍𑌯𑌮𑌾॑𑌨𑌗𑍍𑌮𑍍 – 𑌶𑍋॒𑌚𑌿𑌷𑍍𑌕𑍇॒𑌶𑍋 – 𑌽𑌗𑍍𑌨𑍇॑ 𑌸॒𑌪𑌤𑍍𑌨𑌾॑ – 𑌨𑌤𑌿𑌗𑍍𑌰𑌾॒𑌹𑍍𑌯𑌾॑ – 𑌵𑍈𑌶𑍍𑌵𑌦𑍇॒𑌵𑌮𑌾𑌲॑𑌭𑌨𑍍𑌤𑍇 𑌪𑌞𑍍𑌚𑌾॒𑌶𑌤𑍍 )

(𑌉॒𑌦𑍍𑌧॒𑌨𑍍𑌯𑌮𑌾॑𑌨॒𑌗𑍍𑌮𑍍॒ – 𑌸𑌂𑌵𑌿𑌁॑𑌨𑍍𑌦𑌨𑍍𑌤𑍇 )

॥ 𑌹𑌰𑌿𑌃॑ 𑌓𑌮𑍍 ॥

॥ 𑌕𑍃𑌷𑍍𑌣 𑌯𑌜𑍁𑌰𑍍𑌵𑍇𑌦𑍀𑌯 𑌤𑍈𑌤𑍍𑌤𑌿𑌰𑍀𑌯 𑌬𑍍𑌰𑌾𑌹𑍍𑌮𑌣𑍇 𑌪𑍍𑌰𑌥𑌮𑌾𑌷𑍍𑌟𑌕𑍇 𑌦𑍍𑌵𑌿𑌦𑍀𑌯𑌃 𑌪𑍍𑌰𑌪𑌾𑌠𑌕-𑌸𑍍𑌸𑌮𑌾𑌪𑍍𑌤𑌃 ॥

प्रायः पृष्टाः प्रश्नाः

What is 1.2 - 𑌗𑌵𑌾𑌮𑌯𑌨𑌬𑍍𑌰𑌾𑌹𑍍𑌮𑌣𑌂 - 𑌕𑍃𑌷𑍍𑌣 𑌯𑌜𑍁𑌰𑍍𑌵𑍇𑌦 𑌤𑍈𑌤𑍍𑌤𑌿𑌰𑍀𑌯 𑌬𑍍𑌰𑌾𑌹𑍍𑌮𑌣 𑌪𑌾𑌠𑌃 - 𑌉𑌦𑍍𑌧𑌨𑍍𑌯𑌮𑌾𑌨-𑌮𑌸𑍍𑌯𑌾?

1.2 - 𑌗𑌵𑌾𑌮𑌯𑌨𑌬𑍍𑌰𑌾𑌹𑍍𑌮𑌣𑌂 - 𑌕𑍃𑌷𑍍𑌣 𑌯𑌜𑍁𑌰𑍍𑌵𑍇𑌦 𑌤𑍈𑌤𑍍𑌤𑌿𑌰𑍀𑌯 𑌬𑍍𑌰𑌾𑌹𑍍𑌮𑌣 𑌪𑌾𑌠𑌃 - 𑌉𑌦𑍍𑌧𑌨𑍍𑌯𑌮𑌾𑌨-𑌮𑌸𑍍𑌯𑌾 is a Sri Krishna Stotrams available on Bhakti Granth in the selected language or script.

Which language or script is this version in?

This edition is published in Grantha. Use the language selector to view another available edition.

Can I read 1.2 - 𑌗𑌵𑌾𑌮𑌯𑌨𑌬𑍍𑌰𑌾𑌹𑍍𑌮𑌣𑌂 - 𑌕𑍃𑌷𑍍𑌣 𑌯𑌜𑍁𑌰𑍍𑌵𑍇𑌦 𑌤𑍈𑌤𑍍𑌤𑌿𑌰𑍀𑌯 𑌬𑍍𑌰𑌾𑌹𑍍𑌮𑌣 𑌪𑌾𑌠𑌃 - 𑌉𑌦𑍍𑌧𑌨𑍍𑌯𑌮𑌾𑌨-𑌮𑌸𑍍𑌯𑌾 online?

Yes. The imported text is available directly on this page for online reading and recitation.

Can I download 1.2 - 𑌗𑌵𑌾𑌮𑌯𑌨𑌬𑍍𑌰𑌾𑌹𑍍𑌮𑌣𑌂 - 𑌕𑍃𑌷𑍍𑌣 𑌯𑌜𑍁𑌰𑍍𑌵𑍇𑌦 𑌤𑍈𑌤𑍍𑌤𑌿𑌰𑍀𑌯 𑌬𑍍𑌰𑌾𑌹𑍍𑌮𑌣 𑌪𑌾𑌠𑌃 - 𑌉𑌦𑍍𑌧𑌨𑍍𑌯𑌮𑌾𑌨-𑌮𑌸𑍍𑌯𑌾 as a PDF?

If a verified PDF resource was found on the source page, a PDF download button is automatically connected to this page.

How can I share this page?

Use Copy Link, WhatsApp or Facebook in the sticky sharing bar provided by the Bhakti Granth theme.

Are there related devotional texts on Bhakti Granth?

Yes. The Bhakti Granth theme automatically connects texts through language and topic relationships to strengthen navigation and topical coverage.

प्रायः पृष्टाः प्रश्नाः

भक्तिग्रन्थं पश्यतु