𑌉𑌦𑍍𑌧𑌵𑌗𑍀𑌤𑌾 – 𑌅𑌸𑍍𑌶𑍍𑌟𑌮𑍋𑌽𑌧𑍍𑌯𑌾𑌯𑌃

𑌅𑌥𑌾𑌸𑍍𑌶𑍍𑌟𑌮𑍋𑌽𑌧𑍍𑌯𑌾𑌯𑌃 ।

𑌸𑍁𑌖𑌂 𑌐𑌂𑌦𑍍𑌰𑌿𑌯𑌕𑌂 𑌰𑌾𑌜𑌨𑍍 𑌸𑍍𑌵𑌰𑍍𑌗𑍇 𑌨𑌰𑌕𑌃 𑌏𑌵 𑌚 ।
𑌦𑍇𑌹𑌿𑌨𑌃 𑌯𑌤𑍍 𑌯𑌥𑌾 𑌦𑍁𑌃𑌖𑌂 𑌤𑌸𑍍𑌮𑌾𑌤𑍍 𑌨 𑌇𑌚𑍍𑌛𑍇𑌤 𑌤𑌤𑍍 𑌬𑍁𑌧𑌾𑌃 ॥ 1॥

𑌗𑍍𑌰𑌾𑌸𑌂 𑌸𑍁𑌮𑍃𑌷𑍍𑌟𑌂 𑌵𑌿𑌰𑌸𑌂 𑌮𑌹𑌾𑌂𑌤𑌂 𑌸𑍍𑌤𑍋𑌕𑌂 𑌏𑌵 𑌵𑌾 ।
𑌯𑌦𑍃𑌚𑍍𑌛𑌯𑌾 𑌏𑌵 𑌅𑌪𑌤𑌿𑌤𑌂 𑌗𑍍𑌰𑌸𑍇𑌤𑍍 𑌆𑌜𑌗𑌰𑌃 𑌅𑌕𑍍𑌰𑌿𑌯𑌃 ॥ 2॥

𑌶𑌯𑍀𑌤 𑌅𑌹𑌾𑌨𑌿 𑌭𑍂𑌰𑍀𑌣𑌿 𑌨𑌿𑌰𑌾𑌹𑌾𑌰𑌃 𑌅𑌨𑍁𑌪𑌕𑍍𑌰𑌮𑌃 ।
𑌯𑌦𑌿 𑌨 𑌉𑌪𑌨𑌮𑍇𑌤𑍍 𑌗𑍍𑌰𑌾𑌸𑌃 𑌮𑌹𑌾𑌹𑌿𑌃 𑌇𑌵 𑌦𑌿𑌷𑍍𑌟𑌭𑍁𑌕𑍍 ॥ 3॥

𑌓𑌜𑌃 𑌸𑌹𑍋𑌬𑌲𑌯𑍁𑌤𑌂 𑌬𑌿𑌭𑍍𑌰𑌤𑍍 𑌦𑍇𑌹𑌂 𑌅𑌕𑌰𑍍𑌮𑌕𑌮𑍍 ।
𑌶𑌯𑌾𑌨𑌃 𑌵𑍀𑌤𑌨𑌿𑌦𑍍𑌰𑌃 𑌚 𑌨𑍇𑌹𑍇𑌤 𑌇𑌂𑌦𑍍𑌰𑌿𑌯𑌵𑌾𑌨𑍍 𑌅𑌪𑌿 ॥ 4॥

𑌮𑍁𑌨𑌿𑌃 𑌪𑍍𑌰𑌸𑌨𑍍𑌨𑌗𑌂𑌭𑍀𑌰𑌃 𑌦𑍁𑌰𑍍𑌵𑌿𑌗𑌾𑌹𑍍𑌯𑌃 𑌦𑍁𑌰𑌤𑍍𑌯𑌯𑌃 ।
𑌅𑌨𑌂𑌤𑌪𑌾𑌰𑌃 𑌹𑌿 𑌅𑌕𑍍𑌷𑍋𑌭𑍍𑌯𑌃 𑌸𑍍𑌤𑌿𑌮𑌿𑌤 𑌉𑌦𑌃 𑌇𑌵 𑌅𑌰𑍍𑌣𑌵𑌃 ॥ 5॥

𑌸𑌮𑍃𑌦𑍍𑌧𑌕𑌾𑌮𑌃 𑌹𑍀𑌨𑌃 𑌵𑌾 𑌨𑌾𑌰𑌾𑌯𑌣𑌪𑌰𑌃 𑌮𑍁𑌨𑌿𑌃 ।
𑌨 𑌉𑌤𑍍𑌸𑌰𑍍𑌪𑍇𑌤 𑌨 𑌶𑍁𑌷𑍍𑌯𑍇𑌤 𑌸𑌰𑌿𑌦𑍍𑌭𑌿𑌃 𑌇𑌵 𑌸𑌾𑌗𑌰𑌃 ॥ 6॥

𑌦𑍃𑌷𑍍𑌟𑍍𑌵𑌾 𑌸𑍍𑌤𑍍𑌰𑌿𑌯𑌂 𑌦𑍇𑌵𑌮𑌾𑌯𑌾𑌂 𑌤𑌤𑍍 𑌭𑌾𑌵𑍈𑌃 𑌅𑌜𑌿𑌤𑍇𑌂𑌦𑍍𑌰𑌿𑌯𑌃 ।
𑌪𑍍𑌰𑌲𑍋𑌭𑌿𑌤𑌃 𑌪𑌤𑌤𑌿 𑌅𑌂𑌧𑍇 𑌤𑌮𑌸𑌿 𑌅𑌗𑍍𑌨𑍌 𑌪𑌤𑌂𑌗𑌵𑌤𑍍 ॥ 𑍭॥

𑌯𑍋𑌷𑌿𑌤𑍍 𑌹𑌿𑌰𑌣𑍍𑌯 𑌆𑌭𑌰𑌣 𑌅𑌂𑌬𑌰𑌾𑌦𑌿
𑌦𑍍𑌰𑌵𑍍𑌯𑍇𑌷𑍁 𑌮𑌾𑌯𑌾𑌰𑌚𑌿𑌤𑍇𑌷𑍁 𑌮𑍂𑌢𑌃 ।
𑌪𑍍𑌰𑌲𑍋𑌭𑌿𑌤𑌾𑌤𑍍𑌮𑌾 𑌹𑌿 𑌉𑌪𑌭𑍋𑌗𑌬𑍁𑌦𑍍𑌧𑍍𑌯𑌾
𑌪𑌤𑌂𑌗𑌵𑌤𑍍 𑌨𑌶𑍍𑌯𑌤𑌿 𑌨𑌷𑍍𑌟𑌦𑍃𑌷𑍍𑌟𑌿𑌃 ॥ 𑍮॥

𑌸𑍍𑌤𑍋𑌕𑌂 𑌸𑍍𑌤𑍋𑌕𑌂 𑌗𑍍𑌰𑌸𑍇𑌤𑍍 𑌗𑍍𑌰𑌾𑌸𑌂 𑌦𑍇𑌹𑌃 𑌵𑌰𑍍𑌤𑍇𑌤 𑌯𑌾𑌵𑌤𑌾 ।
𑌗𑍃𑌹𑌾𑌨𑍍 𑌅𑌹𑌿𑌂𑌸𑌤𑍍 𑌨 𑌆𑌤𑌿𑌷𑍍𑌠𑍇𑌤𑍍 𑌵𑍃𑌤𑍍𑌤𑌿𑌂 𑌮𑌾𑌧𑍁𑌕𑌰𑍀𑌂 𑌮𑍁𑌨𑌿𑌃 ॥ 𑍯॥

𑌅𑌣𑍁𑌭𑍍𑌯𑌃 𑌚 𑌮𑌹𑌦𑍍𑌭𑍍𑌯𑌃 𑌚 𑌶𑌾𑌸𑍍𑌤𑍍𑌰𑍇𑌭𑍍𑌯𑌃 𑌕𑍁𑌶𑌲𑌃 𑌨𑌰𑌃 ।
𑌸𑌰𑍍𑌵𑌤𑌃 𑌸𑌾𑌰𑌂 𑌆𑌦𑌦𑍍𑌯𑌾𑌤𑍍 𑌪𑍁𑌷𑍍𑌪𑍇𑌭𑍍𑌯𑌃 𑌇𑌵 𑌷𑌟𑍍𑌪𑌦𑌃 ॥ 10॥

𑌸𑌾𑌯𑌂𑌤𑌨𑌂 𑌶𑍍𑌵𑌸𑍍𑌤𑌨𑌂 𑌵𑌾 𑌨 𑌸𑌂𑌗𑍃𑌹𑍍𑌣𑍀𑌤 𑌭𑌿𑌕𑍍𑌷𑌿𑌤𑌮𑍍 ।
𑌪𑌾𑌣𑌿𑌪𑌾𑌤𑍍𑌰 𑌉𑌦𑌰𑌾𑌮𑌤𑍍𑌰𑌃 𑌮𑌕𑍍𑌷𑌿𑌕𑌾 𑌇𑌵 𑌨 𑌸𑌂𑌗𑍍𑌰𑌹𑍀 ॥ 11॥

𑌸𑌾𑌯𑌂𑌤𑌨𑌂 𑌶𑍍𑌵𑌸𑍍𑌤𑌨𑌂 𑌵𑌾 𑌨 𑌸𑌂𑌗𑍃𑌹𑍍𑌣𑍀𑌤 𑌭𑌿𑌕𑍍𑌷𑍁𑌕𑌃 ।
𑌮𑌕𑍍𑌷𑌿𑌕𑌾𑌃 𑌇𑌵 𑌸𑌂𑌗𑍃𑌹𑍍𑌣𑌨𑍍 𑌸𑌹 𑌤𑍇𑌨 𑌵𑌿𑌨𑌶𑍍𑌯𑌤𑌿 ॥ 12॥

𑌪𑌦 𑌅𑌪𑌿 𑌯𑍁𑌵𑌤𑍀𑌂 𑌭𑌿𑌕𑍍𑌷𑍁𑌃 𑌨 𑌸𑍍𑌪𑍃𑌶𑍇𑌤𑍍 𑌦𑌾𑌰𑌵𑍀𑌂 𑌅𑌪𑌿 ।
𑌸𑍍𑌪𑍃𑌶𑌨𑍍 𑌕𑌰𑍀𑌵 𑌬𑌧𑍍𑌯𑍇𑌤 𑌕𑌰𑌿𑌣𑍍𑌯𑌾 𑌅𑌂𑌗𑌸𑌂𑌗𑌤𑌃 ॥ 13॥

𑌨 𑌅𑌧𑌿𑌗𑌚𑍍𑌛𑍇𑌤𑍍 𑌸𑍍𑌤𑍍𑌰𑌿𑌯𑌂 𑌪𑍍𑌰𑌾𑌜𑍍𑌞𑌃 𑌕𑌰𑍍𑌹𑌿𑌚𑌿𑌤𑍍 𑌮𑍃𑌤𑍍𑌯𑍁𑌂 𑌆𑌤𑍍𑌮𑌨𑌃 ।
𑌬𑌲 𑌅𑌧𑌿𑌕𑍈𑌃 𑌸 𑌹𑌨𑍍𑌯𑍇𑌤 𑌗𑌜𑍈𑌃 𑌅𑌨𑍍𑌯𑍈𑌃 𑌗𑌜𑌃 𑌯𑌥𑌾 ॥ 14॥

𑌨 𑌦𑍇𑌯𑌂 𑌨 𑌉𑌪𑌭𑍋𑌗𑍍𑌯𑌂 𑌚 𑌲𑍁𑌬𑍍𑌧𑍈𑌃 𑌯𑌤𑍍 𑌦𑍁𑌃𑌖 𑌸𑌂𑌚𑌿𑌤𑌮𑍍 ।
𑌭𑍁𑌂𑌕𑍍𑌤𑍇 𑌤𑌤𑍍 𑌅𑌪𑌿 𑌤𑌤𑍍 𑌚 𑌅𑌨𑍍𑌯𑌃 𑌮𑌧𑍁𑌹𑍇𑌵 𑌅𑌰𑍍𑌥𑌵𑌿𑌤𑍍 𑌮𑌧𑍁 ॥ 15॥

𑌸𑍁𑌖 𑌦𑍁𑌃𑌖 𑌉𑌪𑌾𑌰𑍍𑌜𑌿𑌤𑍈𑌃 𑌵𑌿𑌤𑍍𑌤𑍈𑌃 𑌆𑌶𑌾𑌸𑌾𑌨𑌾𑌂 𑌗𑍃𑌹 𑌆𑌶𑌿𑌷𑌃 ।
𑌮𑌧𑍁𑌹𑍇𑌵 𑌅𑌗𑍍𑌰𑌤𑌃 𑌭𑍁𑌂𑌕𑍍𑌤𑍇 𑌯𑌤𑌿𑌃 𑌵𑍈 𑌗𑍃𑌹𑌮𑍇𑌧𑌿𑌨𑌾𑌮𑍍 ॥ 16॥

𑌗𑍍𑌰𑌾𑌮𑍍𑌯𑌗𑍀𑌤𑌂 𑌨 𑌶𑍍𑌰𑍁𑌣𑍁𑌯𑌾𑌤𑍍 𑌯𑌤𑌿𑌃 𑌵𑌨𑌚𑌰𑌃 𑌕𑍍𑌵𑌚𑌿𑌤𑍍 ।
𑌶𑌿𑌖𑍇𑌤 𑌹𑌰𑌿𑌣𑌾𑌤𑍍 𑌵𑌦𑍍𑌧𑌾𑌤𑍍 𑌮𑍃𑌗𑌯𑍋𑌃 𑌗𑍀𑌤𑌮𑍋𑌹𑌿𑌤𑌾𑌤𑍍 ॥ 1𑍭॥

𑌨𑍃𑌤𑍍𑌯𑌵𑌾𑌦𑌿𑌤𑍍𑌰𑌗𑍀𑌤𑌾𑌨𑌿 𑌜𑍁𑌷𑌨𑍍 𑌗𑍍𑌰𑌾𑌮𑍍𑌯𑌾𑌣𑌿 𑌯𑍋𑌷𑌿𑌤𑌾𑌮𑍍 ।
𑌆𑌸𑌾𑌂 𑌕𑍍𑌰𑍀𑌡𑌨𑌕𑌃 𑌵𑌶𑍍𑌯𑌃 𑌋𑌷𑍍𑌯𑌶‍𑌋𑌂𑌗𑌃 𑌮𑍃𑌗𑍀𑌸𑍁𑌤𑌃 ॥ 1𑍮॥

𑌜𑌿𑌹𑍍𑌵𑌯𑌾 𑌅𑌤𑌿𑌪𑍍𑌰𑌮𑌾𑌥𑌿𑌨𑍍𑌯𑌾 𑌜𑌨𑌃 𑌰𑌸𑌵𑌿𑌮𑍋𑌹𑌿𑌤𑌃 ।
𑌮𑍃𑌤𑍍𑌯𑍁𑌂 𑌋𑌚𑍍𑌛𑌤𑌿 𑌅𑌸𑌤𑍍 𑌬𑍁𑌦𑍍𑌧𑌿𑌃 𑌮𑍀𑌨𑌃 𑌤𑍁 𑌬𑌡𑌿𑌶𑍈𑌃 𑌯𑌥𑌾 ॥ 1𑍯॥

𑌇𑌂𑌦𑍍𑌰𑌿𑌯𑌾𑌣𑌿 𑌜𑌯𑌂𑌤𑌿 𑌆𑌶𑍁𑌃 𑌨𑌿𑌰𑌾𑌹𑌾𑌰𑌾𑌃 𑌮𑌨𑍀𑌷𑌿𑌣𑌃 ।
𑌵𑌰𑍍𑌜𑌯𑌿𑌤𑍍𑌵𑌾 𑌤𑍁 𑌰𑌸𑌨𑌂 𑌤𑌤𑍍 𑌨𑌿𑌰𑌨𑍍𑌨𑌸𑍍𑌯 𑌵𑌰𑍍𑌧𑌤𑍇 ॥ 20॥

𑌤𑌾𑌵𑌤𑍍 𑌜𑌿𑌤𑍇𑌂𑌦𑍍𑌰𑌿𑌯𑌃 𑌨 𑌸𑍍𑌯𑌾𑌤𑍍 𑌵𑌿𑌜𑌿𑌤𑌾𑌨𑌿 𑌇𑌂𑌦𑍍𑌰𑌿𑌯𑌃 𑌪𑍁𑌮𑌾𑌨𑍍 ।
𑌨 𑌜𑌯𑍇𑌤𑍍 𑌰𑌸𑌨𑌂 𑌯𑌾𑌵𑌤𑍍 𑌜𑌿𑌤𑌂 𑌸𑌰𑍍𑌵𑌂 𑌜𑌿𑌤𑍇 𑌰𑌸𑍇 ॥ 21॥

𑌪𑌿𑌂𑌗𑌲𑌾 𑌨𑌾𑌮 𑌵𑍇𑌶𑍍𑌯𑌾 𑌆𑌸𑍀𑌤𑍍 𑌵𑌿𑌦𑍇𑌹𑌨𑌗𑌰𑍇 𑌪𑍁𑌰𑌾 ।
𑌤𑌸𑍍𑌯𑌾 𑌮𑍇 𑌶𑌿𑌕𑍍𑌷𑌿𑌤𑌂 𑌕𑌿𑌂𑌚𑌿𑌤𑍍 𑌨𑌿𑌬𑍋𑌧 𑌨𑍃𑌪𑌨𑌂𑌦𑌨 ॥ 22॥

𑌸𑌾 𑌸𑍍𑌵𑍈𑌰𑌿𑌣𑍍𑌯𑍇𑌕𑌦𑌾 𑌕𑌾𑌂𑌤𑌂 𑌸𑌂𑌕𑍇𑌤 𑌉𑌪𑌨𑍇𑌷𑍍𑌯𑌤𑍀 ।
𑌅𑌭𑍂𑌤𑍍𑌕𑌾𑌲𑍇 𑌬𑌹𑌿𑌰𑍍𑌦𑍍𑌵𑌾𑌰𑌿 𑌬𑌿𑌭𑍍𑌰𑌤𑍀 𑌰𑍂𑌪𑌮𑍁𑌤𑍍𑌤𑌮𑌮𑍍 ॥ 23॥

𑌮𑌾𑌰𑍍𑌗 𑌆𑌗𑌚𑍍𑌛𑌤𑍋 𑌵𑍀𑌕𑍍𑌷𑍍𑌯 𑌪𑍁𑌰𑍁𑌷𑌾𑌨𑍍𑌪𑍁𑌰𑍁𑌷𑌰𑍍𑌷𑌭 ।
𑌤𑌾𑌨𑍍 𑌶𑍁𑌲𑍍𑌕𑌦𑌾𑌨𑍍𑌵𑌿𑌤𑍍𑌤𑌵𑌤𑌃 𑌕𑌾𑌂𑌤𑌾𑌨𑍍𑌮𑍇𑌨𑍇𑌽𑌰𑍍𑌥𑌕𑌾𑌮𑍁𑌕𑌾 ॥ 24॥

𑌆𑌗𑌤𑍇𑌷𑍍𑌵𑌪𑌯𑌾𑌤𑍇𑌷𑍁 𑌸𑌾 𑌸𑌂𑌕𑍇𑌤𑍋𑌪𑌜𑍀𑌵𑌨𑍀 ।
𑌅𑌪𑍍𑌯𑌨𑍍𑌯𑍋 𑌵𑌿𑌤𑍍𑌤𑌵𑌾𑌨𑍍𑌕𑍋𑌽𑌪𑌿 𑌮𑌾𑌮𑍁𑌪𑍈𑌷𑍍𑌯𑌤𑌿 𑌭𑍂𑌰𑌿𑌦𑌃 ॥ 25॥

𑌏𑌅𑌵𑌂 𑌦𑍁𑌰𑌾𑌶𑌯𑌾 𑌧𑍍𑌵𑌸𑍍𑌤𑌨𑌿𑌦𑍍𑌰𑌾 𑌦𑍍𑌵𑌾𑌰𑍍𑌯𑌵𑌲𑌂𑌬𑌤𑍀 ।
𑌨𑌿𑌰𑍍𑌗𑌚𑍍𑌛𑌂𑌤𑍀 𑌪𑍍𑌰𑌵𑌿𑌶𑌤𑍀 𑌨𑌿𑌶𑍀𑌥𑌂 𑌸𑌮𑌪𑌦𑍍𑌯𑌤 ॥ 26॥

𑌤𑌸𑍍𑌯𑌾 𑌵𑌿𑌤𑍍𑌤𑌾𑌶𑌯𑌾 𑌶𑍁𑌷𑍍𑌯𑌦𑍍𑌵𑌕𑍍𑌤𑍍𑌰𑌾𑌯𑌾 𑌦𑍀𑌨𑌚𑍇𑌤𑌸𑌃 ।
𑌨𑌿𑌰𑍍𑌵𑍇𑌦𑌃 𑌪𑌰𑌮𑍋 𑌜𑌜𑍍𑌞𑍇 𑌚𑌿𑌂𑌤𑌾𑌹𑍇𑌤𑍁𑌃 𑌸𑍁𑌖𑌾𑌵𑌹𑌃 ॥ 2𑍭॥

𑌤𑌸𑍍𑌯𑌾 𑌨𑌿𑌰𑍍𑌵𑌿𑌣𑍍𑌣𑌚𑌿𑌤𑍍𑌤𑌾𑌯𑌾 𑌗𑍀𑌤𑌂 𑌶𑍍𑌰𑍁𑌣𑍁 𑌯𑌥𑌾 𑌮𑌮 ।
𑌨𑌿𑌰𑍍𑌵𑍇𑌦 𑌆𑌶𑌾𑌪𑌾𑌶𑌾𑌨𑌾𑌂 𑌪𑍁𑌰𑍁𑌷𑌸𑍍𑌯 𑌯𑌥𑌾 𑌹𑍍𑌯𑌸𑌿𑌃 ॥ 2𑍮॥

𑌨 𑌹𑌿 𑌅𑌂𑌗𑌾𑌜𑌾𑌤𑌨𑌿𑌰𑍍𑌵𑍇𑌦𑌃 𑌦𑍇𑌹𑌬𑌂𑌧𑌂 𑌜𑌿𑌹𑌾𑌸𑌤𑌿 ।
𑌯𑌥𑌾 𑌵𑌿𑌜𑍍𑌞𑌾𑌨𑌰𑌹𑌿𑌤𑌃 𑌮𑌨𑍁𑌜𑌃 𑌮𑌮𑌤𑌾𑌂 𑌨𑍃𑌪 ॥ 2𑍯॥

𑌪𑌿𑌂𑌗𑌲𑌾 𑌉𑌵𑌾𑌚 ।
𑌅𑌹𑍋 𑌮𑍇 𑌮𑍋𑌹𑌵𑌿𑌤𑌤𑌿𑌂 𑌪𑌶𑍍𑌯𑌤 𑌅𑌵𑌿𑌜𑌿𑌤 𑌆𑌤𑍍𑌮𑌨𑌃 ।
𑌯𑌾 𑌕𑌾𑌂𑌤𑌾𑌤𑍍 𑌅𑌸𑌤𑌃 𑌕𑌾𑌮𑌂 𑌕𑌾𑌮𑌯𑍇 𑌯𑍇𑌨 𑌬𑌾𑌲𑌿𑌶𑌾 ॥ 30॥

𑌸𑌂𑌤𑌂 𑌸𑌮𑍀𑌪𑍇 𑌰𑌮𑌣𑌂 𑌰𑌤𑌿𑌪𑍍𑌰𑌦𑌂
𑌵𑌿𑌤𑍍𑌤𑌪𑍍𑌰𑌦𑌂 𑌨𑌿𑌤𑍍𑌯𑌂 𑌇𑌮𑌂 𑌵𑌿𑌹𑌾𑌯 ।
𑌅𑌕𑌾𑌮𑌦𑌂 𑌦𑍁𑌃𑌖𑌭𑌯 𑌆𑌦𑌿 𑌶𑍋𑌕
𑌮𑍋𑌹𑌪𑍍𑌰𑌦𑌂 𑌤𑍁𑌚𑍍𑌛𑌂 𑌅𑌹𑌂 𑌭𑌜𑍇 𑌅𑌜𑍍𑌞𑌾 ॥ 31॥

𑌅𑌹𑍋 𑌮𑌯𑌾𑌤𑍍𑌮𑌾 𑌪𑌰𑌿𑌤𑌾𑌪𑌿𑌤𑍋 𑌵𑍃𑌥𑌾
𑌸𑌾𑌂𑌕𑍇𑌤𑍍𑌯𑌵𑍃𑌤𑍍𑌤𑍍𑌯𑌾𑌽𑌤𑌿𑌵𑌿𑌗𑌰𑍍𑌹𑍍𑌯𑌵𑌾𑌰𑍍𑌤𑌯𑌾 ।
𑌸𑍍𑌤𑍍𑌰𑍈𑌣𑌾𑌨𑍍𑌨𑌰𑌾𑌦𑍍𑌯𑌾𑌽𑌰𑍍𑌥𑌤𑍃𑌷𑍋𑌽𑌨𑍁𑌶𑍋𑌚𑍍𑌯𑌾
𑌤𑍍𑌕𑍍𑌰𑍀𑌤𑍇𑌨 𑌵𑌿𑌤𑍍𑌤𑌂 𑌰𑌤𑌿𑌮𑌾𑌤𑍍𑌮𑌨𑍇𑌚𑍍𑌛𑌤𑍀 ॥ 32॥

𑌯𑌦𑌸𑍍𑌥𑌿𑌭𑌿𑌰𑍍𑌨𑌿𑌰𑍍𑌮𑌿𑌤𑌵𑌂𑌶𑌵𑌂𑌶𑍍𑌯
𑌸𑍍𑌥𑍂𑌣𑌂 𑌤𑍍𑌵𑌚𑌾 𑌰𑍋𑌮𑌨𑌖𑍈𑌃 𑌪𑌿𑌨𑌦𑍍𑌧𑌮𑍍 ।
𑌕𑍍𑌷𑌰𑌨𑍍𑌨𑌵𑌦𑍍𑌵𑌾𑌰𑌮𑌗𑌾𑌰𑌮𑍇𑌤𑌦𑍍
𑌵𑌿𑌣𑍍𑌮𑍂𑌤𑍍𑌰𑌪𑍂𑌰𑍍𑌣𑌂 𑌮𑌦𑍁𑌪𑍈𑌤𑌿 𑌕𑌾𑌨𑍍𑌯𑌾 ॥ 33॥

𑌵𑌿𑌦𑍇𑌹𑌾𑌨𑌾𑌂 𑌪𑍁𑌰𑍇 𑌹𑍍𑌯𑌸𑍍𑌮𑌿𑌨𑍍𑌨𑌹𑌮𑍇𑌕𑍈𑌵 𑌮𑍂𑌢𑌧𑍀𑌃 ।
𑌯𑌾𑌽𑌨𑍍𑌯𑌸𑍍𑌮𑌿𑌚𑍍𑌛𑌂𑌤𑍍𑌯𑌸𑌤𑍍𑌯𑌸𑍍𑌮𑌾𑌦𑌾𑌤𑍍𑌮𑌦𑌾𑌤𑍍𑌕𑌾𑌮𑌮𑌚𑍍𑌯𑍁𑌤𑌾𑌤𑍍 ॥ 34॥

𑌸𑍁𑌹𑍃𑌤𑍍𑌪𑍍𑌰𑍇𑌷𑍍𑌠𑌤𑌮𑍋 𑌨𑌾𑌥 𑌆𑌤𑍍𑌮𑌾 𑌚𑌾𑌯𑌂 𑌶𑌰𑍀𑌰𑌿𑌣𑌾𑌮𑍍 ।
𑌤𑌂 𑌵𑌿𑌕𑍍𑌰𑍀𑌯𑌾𑌤𑍍𑌮𑌨𑍈𑌵𑌾𑌹𑌂 𑌰𑌮𑍇𑌽𑌨𑍇𑌨 𑌯𑌥𑌾 𑌰𑌮𑌾 ॥ 35॥

𑌕𑌿𑌯𑌤𑍍𑌪𑍍𑌰𑌿𑌯𑌂 𑌤𑍇 𑌵𑍍𑌯𑌭𑌜𑌨𑍍𑌕𑌾𑌮𑌾 𑌯𑍇 𑌕𑌾𑌮𑌦𑌾 𑌨𑌰𑌾𑌃 ।
𑌆𑌦𑍍𑌯𑌂𑌤𑌵𑌂𑌤𑍋 𑌭𑌾𑌰𑍍𑌯𑌾𑌯𑌾 𑌦𑍇𑌵𑌾 𑌵𑌾 𑌕𑌾𑌲𑌵𑌿𑌦𑍍𑌰𑍁𑌤𑌾𑌃 ॥ 36॥

𑌨𑍂𑌨𑌂 𑌮𑍇 𑌭𑌗𑌵𑌾𑌨𑍍 𑌪𑍍𑌰𑍀𑌤𑌃 𑌵𑌿𑌷𑍍𑌣𑍁𑌃 𑌕𑍇𑌨 𑌅𑌪𑌿 𑌕𑌰𑍍𑌮𑌣𑌾 ।
𑌨𑌿𑌰𑍍𑌵𑍇𑌦𑌃 𑌅𑌯𑌂 𑌦𑍁𑌰𑌾𑌶𑌾𑌯𑌾 𑌯𑌤𑍍 𑌮𑍇 𑌜𑌾𑌤𑌃 𑌸𑍁𑌖𑌾𑌵𑌹𑌃 ॥ 3𑍭॥

𑌮𑍈𑌵𑌂 𑌸𑍍𑌯𑍁𑌰𑍍𑌮𑌂𑌦𑌭𑌗𑍍𑌯𑌾𑌯𑌾𑌃 𑌕𑍍𑌲𑍇𑌶𑌾 𑌨𑌿𑌰𑍍𑌵𑍇𑌦𑌹𑍇𑌤𑌵𑌃 ।
𑌯𑍇𑌨𑌾𑌨𑍁𑌬𑌂𑌧𑌂 𑌨𑌿𑌹𑍃𑌤𑍍𑌯 𑌪𑍁𑌰𑍁𑌷𑌃 𑌶𑌮𑌮𑍃𑌚𑍍𑌛𑌤𑌿 ॥ 3𑍮॥

𑌤𑍇𑌨 𑌉𑌪𑌕𑍃𑌤𑌂 𑌆𑌦𑌾𑌯 𑌶𑌿𑌰𑌸𑌾 𑌗𑍍𑌰𑌾𑌮𑍍𑌯𑌸𑌂𑌗𑌤𑌾𑌃 ।
𑌤𑍍𑌯𑌕𑍍𑌤𑍍𑌵𑌾 𑌦𑍁𑌰𑌾𑌶𑌾𑌃 𑌶𑌰𑌣𑌂 𑌵𑍍𑌰𑌜𑌾𑌮𑌿 𑌤𑌂 𑌅𑌧𑍀𑌶𑍍𑌵𑌰𑌮𑍍 ॥ 3𑍯॥

𑌸𑌂𑌤𑍁𑌷𑍍𑌟𑌾 𑌶𑍍𑌰𑌦𑍍𑌦𑌧𑌤𑍍𑌯𑍇𑌤𑌦𑍍𑌯𑌥𑌾𑌲𑌾𑌭𑍇𑌨 𑌜𑍀𑌵𑌤𑍀 ।
𑌵𑌿𑌹𑌰𑌾𑌮𑍍𑌯𑌮𑍁𑌨𑍈𑌵𑌾𑌹𑌮𑌾𑌤𑍍𑌮𑌨𑌾 𑌰𑌮𑌣𑍇𑌨 𑌵𑍈 ॥ 40॥

𑌸𑌂𑌸𑌾𑌰𑌕𑍂𑌪𑍇 𑌪𑌤𑌿𑌤𑌂 𑌵𑌿𑌷𑌯𑍈𑌰𑍍𑌮𑍁𑌷𑌿𑌤𑍇𑌕𑍍𑌷𑌣𑌮𑍍 ।
𑌗𑍍𑌰𑌸𑍍𑌤𑌂 𑌕𑌾𑌲𑌾𑌹𑌿𑌨𑌾𑌽𑌽𑌤𑍍𑌮𑌾𑌨𑌂 𑌕𑍋𑌽𑌨𑍍𑌯𑌸𑍍𑌤𑍍𑌰𑌾𑌤𑍁𑌮𑌧𑍀𑌶𑍍𑌵𑌰𑌃 ॥ 41॥

𑌆𑌤𑍍𑌮𑌾 𑌏𑌵 𑌹𑌿 𑌆𑌤𑍍𑌮𑌨𑌃 𑌗𑍋𑌪𑍍𑌤𑌾 𑌨𑌿𑌰𑍍𑌵𑌿𑌦𑍍𑌯𑍇𑌤 𑌯𑌦𑌾𑌖𑌿𑌲𑌾𑌤𑍍 ।
𑌅𑌪𑍍𑌰𑌮𑌤𑍍𑌤𑌃 𑌇𑌦𑌂 𑌪𑌶𑍍𑌯𑌤𑍍 𑌗𑍍𑌰𑌸𑍍𑌤𑌂 𑌕𑌾𑌲𑌾𑌹𑌿𑌨𑌾 𑌜𑌗𑌤𑍍 ॥ 42॥

𑌬𑍍𑌰𑌾𑌹𑍍𑌮𑌣 𑌉𑌵𑌾𑌚 ।
𑌏𑌅𑌵𑌂 𑌵𑍍𑌯𑌵𑌸𑌿𑌤𑌮𑌤𑌿𑌰𑍍𑌦𑍁𑌰𑌾𑌶𑌾𑌂 𑌕𑌾𑌂𑌤𑌤𑌰𑍍𑌷𑌜𑌾𑌮𑍍 ।
𑌛𑌿𑌤𑍍𑌵𑍋𑌪𑌶𑌮𑌮𑌾𑌸𑍍𑌥𑌾𑌯 𑌶𑌯𑍍𑌯𑌾𑌮𑍁𑌪𑌵𑌿𑌵𑍇𑌶 𑌸𑌾 ॥ 43॥

𑌆𑌶𑌾 𑌹𑌿 𑌪𑌰𑌮𑌂 𑌦𑍁𑌃𑌖𑌂 𑌨𑍈𑌰𑌾𑌶𑍍𑌯𑌂 𑌪𑌰𑌮𑌂 𑌸𑍁𑌖𑌮𑍍 ।
𑌯𑌥𑌾 𑌸𑌂𑌛𑌿𑌦𑍍𑌯 𑌕𑌾𑌂𑌤𑌾𑌶𑌾𑌂 𑌸𑍁𑌖𑌂 𑌸𑍁𑌷𑍍𑌵𑌾𑌪 𑌪𑌿𑌂𑌗𑌲𑌾 ॥ 44॥

𑌇𑌤𑌿 𑌶𑍍𑌰𑍀𑌮𑌦𑍍𑌭𑌾𑌗𑌵𑌤𑍇 𑌮𑌹𑌾𑌪𑍁𑌰𑌾𑌣𑍇 𑌪𑌾𑌰𑌮𑌹𑌂𑌸𑍍𑌯𑌾𑌂
𑌸𑌂𑌹𑌿𑌤𑌾𑌯𑌾𑌮𑍇𑌕𑌾𑌦𑌶𑌸𑍍𑌕𑌂𑌧𑍇 𑌪𑌿𑌂𑌗𑌲𑍋𑌪𑌾𑌖𑍍𑌯𑌾𑌽𑌨𑍇𑌷𑍍𑌟𑌮𑍋𑌽𑌧𑍍𑌯𑌾𑌯𑌃 ॥