𑌉𑌦𑍍𑌧𑌵𑌗𑍀𑌤𑌾 – 𑌚𑌤𑍁𑌰𑍍𑌥𑍋𑌽𑌧𑍍𑌯𑌾𑌯𑌃

𑌅𑌥 𑌚𑌤𑍁𑌰𑍍𑌥𑍋𑌽𑌧𑍍𑌯𑌾𑌯𑌃 ।

𑌰𑌾𑌜𑌾 𑌉𑌵𑌾𑌚 ।
𑌯𑌾𑌨𑌿 𑌯𑌾𑌨𑌿 𑌇𑌹 𑌕𑌰𑍍𑌮𑌾𑌣𑌿 𑌯𑍈𑌃 𑌯𑍈𑌃 𑌸𑍍𑌵𑌚𑍍𑌛𑌂𑌦𑌜𑌨𑍍𑌮𑌭𑌿𑌃 ।
𑌚𑌕𑍍𑌰𑍇 𑌕𑌰𑍋𑌤𑌿 𑌕𑌰𑍍𑌤𑌾 𑌵𑌾 𑌹𑌰𑌿𑌃 𑌤𑌾𑌨𑌿 𑌬𑍍𑌰𑍁𑌵𑌂𑌤𑍁 𑌨𑌃 ॥ 1॥

𑌦𑍍𑌰𑍁𑌮𑌿𑌲𑌃 𑌉𑌵𑌾𑌚 ।
𑌯𑌃 𑌵𑌾 𑌅𑌨𑌂𑌤𑌸𑍍𑌯 𑌗𑍁𑌣𑌾𑌨𑍍 𑌅𑌨𑌂𑌤𑌾𑌨𑍍
𑌅𑌨𑍁𑌕𑍍𑌰𑌮𑌿𑌷𑍍𑌯𑌨𑍍 𑌸𑌃 𑌤𑍁 𑌬𑌾𑌲𑌬𑍁𑌦𑍍𑌧𑌿𑌃 ।
𑌰𑌜𑌾𑌂𑌸𑌿 𑌭𑍂𑌮𑍇𑌃 𑌗𑌣𑌯𑍇𑌤𑍍 𑌕𑌥𑌂𑌚𑌿𑌤𑍍
𑌕𑌾𑌲𑍇𑌨 𑌨 𑌏𑌵 𑌅𑌖𑌿𑌲𑌶𑌕𑍍𑌤𑌿𑌧𑌾𑌮𑍍𑌨𑌃 ॥ 2॥

𑌭𑍂𑌤𑍈𑌃 𑌯𑌦𑌾 𑌪𑌂𑌚𑌭𑌿𑌃 𑌆𑌤𑍍𑌮𑌸𑍃𑌷𑍍𑌟𑍈𑌃
𑌪𑍁𑌰𑌂 𑌵𑌿𑌰𑌾𑌜𑌂 𑌵𑌿𑌰𑌚𑌯𑍍𑌯 𑌤𑌸𑍍𑌮𑌿𑌨𑍍 ।
𑌸𑍍𑌵𑌾𑌂𑌶𑍇𑌨 𑌵𑌿𑌷𑍍𑌟𑌃 𑌪𑍁𑌰𑍁𑌷𑌾𑌭𑌿𑌧𑌾𑌨
𑌮𑌵𑌾𑌪 𑌨𑌾𑌰𑌾𑌯𑌣𑌃 𑌆𑌦𑌿𑌦𑍇𑌵𑌃 ॥ 3॥

𑌯𑌤𑍍 𑌕𑌾𑌯𑌃 𑌏𑌷𑌃 𑌭𑍁𑌵𑌨𑌤𑍍𑌰𑌯𑌸𑌂𑌨𑌿𑌵𑍇𑌶𑌃
𑌯𑌸𑍍𑌯 𑌇𑌂𑌦𑍍𑌰𑌿𑌯𑍈𑌃 𑌤𑌨𑍁𑌭𑍃𑌤𑌾𑌂 𑌉𑌭𑌯𑍈𑌂𑌦𑍍𑌰𑌿𑌯𑌾𑌣𑌿 ।
𑌜𑍍𑌞𑌾𑌨𑌂 𑌸𑍍𑌵𑌤𑌃 𑌶𑍍𑌵𑌸𑌨𑌤𑌃 𑌬𑌲𑌂 𑌓𑌜𑌃 𑌈𑌹𑌾
𑌸𑌤𑍍𑌤𑍍𑌵𑌾𑌦𑌿𑌭𑌿𑌃 𑌸𑍍𑌥𑌿𑌤𑌿𑌲𑌯𑍌𑌦𑍍𑌭𑌵𑌃 𑌆𑌦𑌿𑌕𑌰𑍍𑌤𑌾 ॥ 4॥

𑌆𑌦𑍌 𑌅𑌭𑍂𑌤𑍍 𑌶𑌤𑌧𑍃𑌤𑍀 𑌰𑌜𑌸 𑌅𑌸𑍍𑌯 𑌸𑌰𑍍𑌗𑍇
𑌵𑌿𑌷𑍍𑌣𑍁 𑌸𑍍𑌥𑌿𑌤𑍌 𑌕𑍍𑌰𑌤𑍁𑌪𑌤𑌿𑌃 𑌦𑍍𑌵𑌿𑌜𑌧𑌰𑍍𑌮𑌸𑍇𑌤𑍁𑌃 ।
𑌰𑍁𑌦𑍍𑌰𑌃 𑌅𑌪𑌿 𑌅𑌯𑌾𑌯 𑌤𑌮𑌸𑌾 𑌪𑍁𑌰𑍁𑌷𑌃 𑌸𑌃 𑌆𑌦𑍍𑌯𑌃
𑌇𑌤𑌿 𑌉𑌦𑍍𑌭𑌵𑌸𑍍𑌥𑌿𑌤𑌿𑌲𑌯𑌾𑌃 𑌸𑌤𑌤𑌂 𑌪𑍍𑌰𑌜𑌾𑌸𑍁 ॥ 5॥

𑌧𑌰𑍍𑌮𑌸𑍍𑌯 𑌦𑌕𑍍𑌷𑌦𑍁𑌹𑌿𑌤𑌰𑍍𑌯𑌜𑌨𑌿𑌷𑍍𑌟𑌃 𑌮𑍂𑌰𑍍𑌤𑍍𑌯𑌾
𑌨𑌾𑌰𑌾𑌯𑌣𑌃 𑌨𑌰𑌃 𑌋𑌷𑌿𑌪𑍍𑌰𑌵𑌰𑌃 𑌪𑍍𑌰𑌶𑌾𑌂𑌤𑌃 ।
𑌨𑍈𑌷𑍍𑌕𑌰𑍍𑌮𑍍𑌯𑌲𑌕𑍍𑌷𑌣𑌂 𑌉𑌵𑌾𑌚 𑌚𑌚𑌾𑌰 𑌕𑌰𑍍𑌮
𑌯𑌃 𑌅𑌦𑍍𑌯 𑌅𑌪𑌿 𑌚 𑌆𑌸𑍍𑌤 𑌋𑌷𑌿𑌵𑌰𑍍𑌯𑌨𑌿𑌷𑍇𑌵𑌿𑌤𑌾𑌂𑌘𑍍𑌰𑌿𑌃 ॥ 6॥

𑌇𑌂𑌦𑍍𑌰𑌃 𑌵𑌿𑌶𑌂𑌕𑍍𑌯 𑌮𑌮 𑌧𑌾𑌮 𑌜𑌿𑌘𑍃𑌕𑍍𑌷𑌤𑌿 𑌇𑌤𑌿
𑌕𑌾𑌮𑌂 𑌨𑍍𑌯𑌯𑍁𑌂𑌕𑍍𑌤 𑌸𑌗𑌣𑌂 𑌸𑌃 𑌬𑌦𑌰𑌿𑌉𑌪𑌾𑌖𑍍𑌯𑌮𑍍 ।
𑌗𑌤𑍍𑌵𑌾 𑌅𑌪𑍍𑌸𑌰𑍋𑌗𑌣𑌵𑌸𑌂𑌤𑌸𑍁𑌮𑌂𑌦𑌵𑌾𑌤𑍈𑌃
𑌸𑍍𑌤𑍍𑌰𑍀𑌪𑍍𑌰𑍇𑌕𑍍𑌷𑌣 𑌇𑌷𑍁𑌭𑌿𑌃 𑌅𑌵𑌿𑌧𑍍𑌯𑌤𑌤𑍍 𑌮𑌹𑌿𑌜𑍍𑌞𑌃 ॥ 𑍭॥

𑌵𑌿𑌜𑍍𑌞𑌾𑌯 𑌶𑌕𑍍𑌰𑌕𑍃𑌤𑌂 𑌅𑌕𑍍𑌰𑌮𑌂 𑌆𑌦𑌿𑌦𑍇𑌵𑌃
𑌪𑍍𑌰𑌾𑌹 𑌪𑍍𑌰𑌹𑌸𑍍𑌯 𑌗𑌤𑌵𑌿𑌸𑍍𑌮𑌯𑌃 𑌏𑌜𑌮𑌾𑌨𑌾𑌨𑍍 ।
𑌮𑌾 𑌭𑍈𑌷𑍍𑌟 𑌭𑍋 𑌮𑌦𑌨 𑌮𑌾𑌰𑍁𑌤 𑌦𑍇𑌵𑌵𑌧𑍍𑌵𑌃
𑌗𑍃𑌹𑍍𑌣𑍀𑌤 𑌨𑌃 𑌬𑌲𑌿𑌂 𑌅𑌶𑍂𑌨𑍍𑌯𑌂 𑌇𑌮𑌂 𑌕𑍁𑌰𑍁𑌧𑍍𑌵𑌮𑍍 ॥ 𑍮॥

𑌇𑌤𑍍𑌥𑌂 𑌬𑍍𑌰𑍁𑌵𑌤𑌿 𑌅𑌭𑌯𑌦𑍇 𑌨𑌰𑌦𑍇𑌵 𑌦𑍇𑌵𑌾𑌃
𑌸𑌵𑍍𑌰𑍀𑌡𑌨𑌮𑍍𑌰𑌶𑌿𑌰𑌸𑌃 𑌸𑌘𑍃𑌣𑌂 𑌤𑌂 𑌊𑌚𑍁𑌃 ।
𑌨 𑌏𑌤𑌤𑍍 𑌵𑌿𑌭𑍋 𑌤𑍍𑌵𑌯𑌿 𑌪𑌰𑍇 𑌅𑌵𑌿𑌕𑍃𑌤𑍇 𑌵𑌿𑌚𑌿𑌤𑍍𑌰𑌮𑍍
𑌸𑍍𑌵𑌾𑌰𑌾𑌮𑌧𑍀𑌃 𑌅𑌨𑌿𑌕𑌰𑌾𑌨𑌤𑌪𑌾𑌦𑌪𑌦𑍍𑌮𑍇 ॥ 𑍯॥

𑌤𑍍𑌵𑌾𑌂 𑌸𑍇𑌵𑌤𑌾𑌂 𑌸𑍁𑌰𑌕𑍃𑌤𑌾 𑌬𑌹𑌵𑌃 𑌅𑌂𑌤𑌰𑌾𑌯𑌾𑌃
𑌸𑍍𑌵𑍌𑌕𑍋 𑌵𑌿𑌲𑌂𑌘𑍍𑌯 𑌪𑌰𑌮𑌂 𑌵𑍍𑌰𑌜𑌤𑌾𑌂 𑌪𑌦𑌂 𑌤𑍇 ।
𑌨 𑌅𑌨𑍍𑌯𑌸𑍍𑌯 𑌬𑌰𑍍𑌹𑌿𑌷𑌿 𑌬𑌲𑍀𑌨𑍍 𑌦𑌦𑌤𑌃 𑌸𑍍𑌵𑌭𑌾𑌗𑌾𑌨𑍍
𑌧𑌤𑍍𑌤𑍇 𑌪𑌦𑌂 𑌤𑍍𑌵𑌂 𑌅𑌵𑌿𑌤𑌾 𑌯𑌦𑌿 𑌵𑌿𑌘𑍍𑌨𑌮𑍂𑌰𑍍𑌧𑍍𑌨𑌿 ॥ 10॥

𑌕𑍍𑌷𑍁𑌤𑍍 𑌤𑍃𑌟𑍍𑌤𑍍𑌰𑌿𑌕𑌾𑌲𑌗𑍁𑌣𑌮𑌾𑌰𑍁𑌤𑌜𑍈𑌵𑍍𑌹𑍍𑌯𑌶𑍈𑌶𑍍𑌨𑍍𑌯𑌾𑌨𑍍
𑌅𑌸𑍍𑌮𑌾𑌨𑍍 𑌅𑌪𑌾𑌰𑌜𑌲𑌧𑍀𑌨𑍍 𑌅𑌤𑌿𑌤𑍀𑌰𑍍𑌯 𑌕𑍇𑌚𑌿𑌤𑍍 ।
𑌕𑍍𑌰𑍋𑌧𑌸𑍍𑌯 𑌯𑌾𑌂𑌤𑌿 𑌵𑌿𑌫𑌲𑌸𑍍𑌯 𑌵𑌶 𑌪𑌦𑍇 𑌗𑍋𑌃
𑌮𑌜𑍍𑌜𑌂𑌤𑌿 𑌦𑍁𑌶𑍍𑌚𑌰𑌤𑌪𑌃 𑌚 𑌵𑍃𑌥𑌾 𑌉𑌤𑍍𑌸𑍃𑌜𑌂𑌤𑌿 ॥ 11॥

𑌇𑌤𑌿 𑌪𑍍𑌰𑌗𑍃𑌣𑌤𑌾𑌂 𑌤𑍇𑌷𑌾𑌂 𑌸𑍍𑌤𑍍𑌰𑌿𑌯𑌃 𑌅𑌤𑌿 𑌅𑌦𑍍𑌭𑍁𑌤𑌦𑌰𑍍𑌶𑌨𑌾𑌃 ।
𑌦𑌰𑍍𑌶𑌯𑌾𑌮𑌾𑌸 𑌶𑍁𑌶𑍍𑌰𑍂𑌷𑌾𑌂 𑌸𑍍𑌵𑌰𑍍𑌚𑌿𑌤𑌾𑌃 𑌕𑍁𑌰𑍍𑌵𑌤𑍀𑌃 𑌵𑌿𑌭𑍁𑌃 ॥ 12॥

𑌤𑍇 𑌦𑍇𑌵 𑌅𑌨𑍁𑌚𑌰𑌾𑌃 𑌦𑍃𑌷𑍍𑌟𑍍𑌵𑌾 𑌸𑍍𑌤𑍍𑌰𑌿𑌯𑌃 𑌶𑍍𑌰𑍀𑌃 𑌇𑌵 𑌰𑍂𑌪𑌿𑌣𑍀𑌃 ।
𑌗𑌂𑌧𑍇𑌨 𑌮𑍁𑌮𑍁𑌹𑍁𑌃 𑌤𑌾𑌸𑌾𑌂 𑌰𑍂𑌪 𑌔𑌦𑌾𑌰𑍍𑌯𑌹𑌤𑌶𑍍𑌰𑌿𑌯𑌃 ॥ 13॥

𑌤𑌾𑌨𑍍 𑌆𑌹 𑌦𑍇𑌵𑌦𑍇𑌵 𑌈𑌶𑌃 𑌪𑍍𑌰𑌣𑌤𑌾𑌨𑍍 𑌪𑍍𑌰𑌹𑌸𑌨𑍍 𑌇𑌵 ।
𑌆𑌸𑌾𑌂 𑌏𑌕𑌤𑌮𑌾𑌂 𑌵𑍃𑌂𑌗𑍍𑌧𑍍𑌵𑌂 𑌸𑌵𑌰𑍍𑌣𑌾𑌂 𑌸𑍍𑌵𑌰𑍍𑌗𑌭𑍂𑌷𑌣𑌾𑌮𑍍 ॥

14॥

𑌓𑌂 𑌇𑌤𑌿 𑌆𑌦𑍇𑌶𑌂 𑌆𑌦𑌾𑌯 𑌨𑌤𑍍𑌵𑌾 𑌤𑌂 𑌸𑍁𑌰𑌵𑌂𑌦𑌿𑌨𑌃 ।
𑌉𑌰𑍍𑌵𑌶𑍀𑌂 𑌅𑌪𑍍𑌸𑌰𑌃𑌶𑍍𑌰𑍇𑌷𑍍𑌠𑌾𑌂 𑌪𑍁𑌰𑌸𑍍𑌕𑍃𑌤𑍍𑌯 𑌦𑌿𑌵𑌂 𑌯𑌯𑍁𑌃 ॥ 15॥

𑌇𑌂𑌦𑍍𑌰𑌾𑌯 𑌆𑌨𑌮𑍍𑌯 𑌸𑌦𑌸𑌿 𑌶𑍍𑌰𑍁𑌣𑍍𑌵𑌤𑌾𑌂 𑌤𑍍𑌰𑌿𑌦𑌿𑌵𑍌𑌕𑌸𑌾𑌮𑍍 ।
𑌊𑌚𑍁𑌃 𑌨𑌾𑌰𑌾𑌯𑌣𑌬𑌲𑌂 𑌶𑌕𑍍𑌰𑌃 𑌤𑌤𑍍𑌰 𑌆𑌸 𑌵𑌿𑌸𑍍𑌮𑌿𑌤𑌃 ॥ 16॥

𑌹𑌂𑌸𑌸𑍍𑌵𑌰𑍂𑌪𑍀 𑌅𑌵𑌦𑌦𑌤𑍍 𑌅𑌚𑍍𑌯𑍁𑌤𑌃 𑌆𑌤𑍍𑌮𑌯𑍋𑌗𑌮𑍍
𑌦𑌤𑍍𑌤𑌃 𑌕𑍁𑌮𑌾𑌰 𑌋𑌷𑌭𑌃 𑌭𑌗𑌵𑌾𑌨𑍍 𑌪𑌿𑌤𑌾 𑌨𑌃 ।
𑌵𑌿𑌷𑍍𑌣𑍁𑌃 𑌶𑌿𑌵𑌾𑌯 𑌜𑌗𑌤𑌾𑌂 𑌕𑌲𑌯𑌾 𑌅𑌵𑌤𑍀𑌰𑍍𑌣𑌃
𑌤𑍇𑌨 𑌆𑌹𑍃𑌤𑌾𑌃 𑌮𑌧𑍁𑌭𑌿𑌦𑌾 𑌶𑍍𑌰𑍁𑌤𑌯𑌃 𑌹𑌯𑌾𑌸𑍍𑌯𑍇 ॥ 1𑍭॥

𑌗𑍁𑌪𑍍𑌤𑌃 𑌅𑌪𑌿 𑌅𑌯𑍇 𑌮𑌨𑍁𑌃 𑌇𑌲𑌾 𑌓𑌷𑌧𑌯𑌃 𑌚 𑌮𑌾𑌤𑍍𑌸𑍍𑌯𑍇
𑌕𑍍𑌰𑍌𑌡𑍇 𑌹𑌤𑌃 𑌦𑌿𑌤𑌿𑌜𑌃 𑌉𑌦𑍍𑌧𑌰𑌤𑌾 𑌅𑌂𑌭𑌸𑌃 𑌕𑍍𑌷𑍍𑌮𑌾𑌮𑍍 ।
𑌕𑍌𑌰𑍍𑌮𑍇 𑌧𑍃𑌤𑌃 𑌅𑌦𑍍𑌰𑌿𑌃 𑌅𑌮𑍃𑌤 𑌉𑌨𑍍𑌮𑌥𑌨𑍇 𑌸𑍍𑌵𑌪𑍃𑌷𑍍𑌠𑍇
𑌗𑍍𑌰𑌾𑌹𑌾𑌤𑍍 𑌪𑍍𑌰𑌪𑌨𑍍𑌨𑌮𑌿𑌭𑌰𑌾𑌜𑌂 𑌅𑌮𑍁𑌂𑌚𑌤𑍍 𑌆𑌰𑍍𑌤𑌮𑍍 ॥ 1𑍮॥

𑌸𑌂𑌸𑍍𑌤𑍁𑌨𑍍𑌵𑌤𑌃 𑌅𑌬𑍍𑌧𑌿𑌪𑌤𑌿𑌤𑌾𑌨𑍍 𑌶𑍍𑌰𑌮𑌣𑌾𑌨𑍍 𑌋𑌷𑍀𑌂 𑌚
𑌶𑌕𑍍𑌰𑌂 𑌚 𑌵𑍃𑌤𑍍𑌰𑌵𑌧𑌤𑌃 𑌤𑌮𑌸𑌿 𑌪𑍍𑌰𑌵𑌿𑌷𑍍𑌟𑌮𑍍 ।
𑌦𑍇𑌵𑌸𑍍𑌤𑍍𑌰𑌿𑌯𑌃 𑌅𑌸𑍁𑌰𑌗𑍃𑌹𑍇 𑌪𑌿𑌹𑌿𑌤𑌾𑌃 𑌅𑌨𑌾𑌥𑌾𑌃
𑌜𑌘𑍍𑌨𑍇 𑌅𑌸𑍁𑌰𑍇𑌂𑌦𑍍𑌰𑌂 𑌅𑌭𑌯𑌾𑌯 𑌸𑌤𑌾𑌂 𑌨𑍃𑌸𑌿𑌂𑌹𑍇 ॥ 1𑍯॥

𑌦𑍇𑌵 𑌅𑌸𑍁𑌰𑍇 𑌯𑍁𑌧𑌿 𑌚 𑌦𑍈𑌤𑍍𑌯𑌪𑌤𑍀𑌨𑍍 𑌸𑍁𑌰𑌾𑌰𑍍𑌥𑍇
𑌹𑌤𑍍𑌵𑌾 𑌅𑌂𑌤𑌰𑍇𑌷𑍁 𑌭𑍁𑌵𑌨𑌾𑌨𑌿 𑌅𑌦𑌧𑌾𑌤𑍍 𑌕𑌲𑌾𑌭𑌿𑌃 ।
𑌭𑍂𑌤𑍍𑌵𑌾 𑌅𑌥 𑌵𑌾𑌮𑌨𑌃 𑌇𑌮𑌾𑌂 𑌅𑌹𑌰𑌤𑍍 𑌬𑌲𑍇𑌃 𑌕𑍍𑌷𑍍𑌮𑌾𑌮𑍍
𑌯𑌾𑌂𑌚𑌾𑌚𑍍𑌛𑌲𑍇𑌨 𑌸𑌮𑌦𑌾𑌤𑍍 𑌅𑌦𑌿𑌤𑍇𑌃 𑌸𑍁𑌤𑍇𑌭𑍍𑌯𑌃 ॥ 20॥

𑌨𑌿𑌃𑌕𑍍𑌷𑌤𑍍𑌰𑌿𑌯𑌾𑌂 𑌅𑌕𑍃𑌤 𑌗𑌾𑌂 𑌚 𑌤𑍍𑌰𑌿𑌃𑌸𑌪𑍍𑌤𑌕𑍃𑌤𑍍𑌵𑌃
𑌰𑌾𑌮𑌃 𑌤𑍁 𑌹𑍈𑌹𑌯𑌕𑍁𑌲 𑌅𑌪𑌿 𑌅𑌯𑌭𑌾𑌰𑍍𑌗𑌵 𑌅𑌗𑍍𑌨𑌿𑌃 ।
𑌸𑌃 𑌅𑌬𑍍𑌧𑌿𑌂 𑌬𑌬𑌂𑌧 𑌦𑌶𑌵𑌕𑍍𑌤𑍍𑌰𑌂 𑌅𑌹𑌨𑍍 𑌸𑌲𑌂𑌕𑌮𑍍
𑌸𑍀𑌤𑌾𑌪𑌤𑌿𑌃 𑌜𑌯𑌤𑌿 𑌲𑍋𑌕𑌂 𑌅𑌲𑌘𑍍𑌨𑌕𑍀𑌰𑍍𑌤𑌿𑌃 ॥ 21॥

𑌭𑍂𑌮𑍇𑌃 𑌭𑌰 𑌅𑌵𑌤𑌰𑌣𑌾𑌯 𑌯𑌦𑍁𑌷𑌿 𑌅𑌜𑌨𑍍𑌮𑌾 𑌜𑌾𑌤𑌃
𑌕𑌰𑌿𑌷𑍍𑌯𑌤𑌿 𑌸𑍁𑌰𑍈𑌃 𑌅𑌪𑌿 𑌦𑍁𑌷𑍍𑌕𑌰𑌾𑌣𑌿 ।
𑌵𑌾𑌦𑍈𑌃 𑌵𑌿𑌮𑍋𑌹𑌯𑌤𑌿 𑌯𑌜𑍍𑌞𑌕𑍃𑌤𑌃 𑌅𑌤𑌦𑌰𑍍𑌹𑌾𑌨𑍍
𑌶𑍂𑌦𑍍𑌰𑌾𑌂 𑌕𑌲𑍌 𑌕𑍍𑌷𑌿𑌤𑌿𑌭𑍁𑌜𑌃 𑌨𑍍𑌯𑌹𑌨𑌿𑌷𑍍𑌯𑌦𑌂𑌤𑍇 ॥ 22॥

𑌏𑌵𑌂𑌵𑌿𑌧𑌾𑌨𑌿 𑌕𑌰𑍍𑌮𑌾𑌣𑌿 𑌜𑌨𑍍𑌮𑌾𑌨𑌿 𑌚 𑌜𑌗𑌤𑍍 𑌪𑌤𑍇𑌃 ।
𑌭𑍂𑌰𑍀𑌣𑌿 𑌭𑍂𑌰𑌿𑌯𑌶𑌸𑌃 𑌵𑌰𑍍𑌣𑌿𑌤𑌾𑌨𑌿 𑌮𑌹𑌾𑌭𑍁𑌜 ॥ 23॥

𑌇𑌤𑌿 𑌶𑍍𑌰𑍀𑌮𑌦𑍍𑌭𑌗𑌵𑌤𑍇 𑌮𑌹𑌾𑌪𑍁𑌰𑌾𑌣𑍇 𑌪𑌾𑌰𑌮𑌹𑌂𑌸𑍍𑌯𑌾𑌂
𑌸𑌂𑌹𑌿𑌤𑌾𑌯𑌾𑌮𑍇𑌕𑌾𑌦𑌶𑌸𑍍𑌕𑌂𑌧𑍇 𑌨𑌿𑌮𑌿𑌜𑌾𑌯𑌂𑌤𑌸𑌂𑌵𑌾𑌦𑍇
𑌚𑌤𑍁𑌰𑍍𑌥𑍋𑌽𑌧𑍍𑌯𑌾𑌯𑌃 ॥