𑌶𑍍𑌰𑍀 𑌵𑌿𑌨𑌾𑌯𑌕 𑌸𑍍𑌤𑌵𑌰𑌾𑌜𑌃

𑌬𑍀𑌜𑌾𑌪𑍂𑌰𑌗𑌦𑍇𑌕𑍍𑌷𑍁𑌕𑌾𑌰𑍍𑌮𑍁𑌕𑌰𑍁𑌜𑌾 𑌚𑌕𑍍𑌰𑌾𑌬𑍍𑌜𑌪𑌾𑌶𑍋𑌤𑍍𑌪𑌲-
-𑌵𑍍𑌰𑍀𑌹𑍍𑌯𑌗𑍍𑌰𑌸𑍍𑌵𑌵𑌿𑌷𑌾𑌣𑌰𑌤𑍍𑌨𑌕𑌲𑌶𑌪𑍍𑌰𑍋𑌦𑍍𑌯𑌤𑍍𑌕𑌰𑌾𑌂𑌭𑍋𑌰𑍁𑌹𑌃 ।
𑌧𑍍𑌯𑍇𑌯𑍋 𑌵𑌲𑍍𑌲𑌭𑌯𑌾 𑌸𑌪𑌦𑍍𑌮𑌕𑌰𑌯𑌾𑌶𑍍𑌲𑌿𑌷𑍍𑌟𑍋𑌜𑍍𑌜𑍍𑌵𑌲𑌦𑍍𑌭𑍂𑌷𑌯𑌾
𑌵𑌿𑌶𑍍𑌵𑍋𑌤𑍍𑌪𑌤𑍍𑌤𑌿𑌵𑌿𑌪𑌤𑍍𑌤𑌿𑌸𑌂𑌸𑍍𑌥𑌿𑌤𑌿𑌕𑌰𑍋 𑌵𑌿𑌘𑍍𑌨𑍇𑌶 𑌇𑌷𑍍𑌟𑌾𑌰𑍍𑌥𑌦𑌃 ॥ 1 ॥

𑌨𑌮𑌸𑍍𑌤𑍇 𑌸𑌿𑌦𑍍𑌧𑌿𑌲𑌕𑍍𑌷𑍍𑌮𑍀𑌶 𑌗𑌣𑌾𑌧𑌿𑌪 𑌮𑌹𑌾𑌪𑍍𑌰𑌭𑍋 ।
𑌵𑌿𑌘𑍍𑌨𑍇𑌶𑍍𑌵𑌰 𑌜𑌗𑌨𑍍𑌨𑌾𑌥 𑌗𑍌𑌰𑍀𑌪𑍁𑌤𑍍𑌰 𑌜𑌗𑌤𑍍𑌪𑍍𑌰𑌭𑍋 ॥ 2 ॥

𑌜𑌯 𑌵𑌿𑌘𑍍𑌨𑍇𑌶𑍍𑌵𑌰 𑌵𑌿𑌭𑍋 𑌵𑌿𑌨𑌾𑌯𑌕 𑌮𑌹𑍇𑌶𑍍𑌵𑌰 ।
𑌲𑌂𑌬𑍋𑌦𑌰 𑌮𑌹𑌾𑌬𑌾𑌹𑍋 𑌸𑌰𑍍𑌵𑌦𑌾 𑌤𑍍𑌵𑌂 𑌪𑍍𑌰𑌸𑍀𑌦 𑌮𑍇 ॥ 3 ॥

𑌮𑌹𑌾𑌦𑍇𑌵 𑌜𑌗𑌤𑍍𑌸𑍍𑌵𑌾𑌮𑌿𑌨𑍍 𑌮𑍂𑌷𑌿𑌕𑌾𑌰𑍂𑌢 𑌶𑌂𑌕𑌰 ।
𑌵𑌿𑌶𑌾𑌲𑌾𑌕𑍍𑌷 𑌮𑌹𑌾𑌕𑌾𑌯 𑌮𑌾𑌂 𑌤𑍍𑌰𑌾𑌹𑌿 𑌪𑌰𑌮𑍇𑌶𑍍𑌵𑌰 ॥ 4 ॥

𑌕𑍁𑌂𑌜𑌰𑌾𑌸𑍍𑌯 𑌸𑍁𑌰𑌾𑌧𑍀𑌶 𑌮𑌹𑍇𑌶 𑌕𑌰𑍁𑌣𑌾𑌨𑌿𑌧𑍇 ।
𑌮𑌾𑌤𑍁𑌲𑍁𑌂𑌗𑌧𑌰 𑌸𑍍𑌵𑌾𑌮𑌿𑌨𑍍 𑌗𑌦𑌾𑌚𑌕𑍍𑌰𑌸𑌮𑌨𑍍𑌵𑌿𑌤 ॥ 5 ॥

𑌦𑌶𑌬𑌾𑌹𑍋 𑌮𑌹𑌾𑌰𑌾𑌜 𑌗𑌜𑌵𑌕𑍍𑌤𑍍𑌰 𑌚𑌤𑍁𑌰𑍍𑌭𑍁𑌜 ।
𑌶𑍂𑌰𑍍𑌪𑌕𑌰𑍍𑌣 𑌮𑌹𑌾𑌕𑌰𑍍𑌣 𑌗𑌣𑌨𑌾𑌥 𑌪𑍍𑌰𑌸𑍀𑌦 𑌮𑍇 ॥ 6 ॥

𑌶𑌂𑌖𑌶𑍂𑌲𑌸𑌮𑌾𑌯𑍁𑌕𑍍𑌤 𑌬𑍀𑌜𑌾𑌪𑍂𑌰𑌸𑌮𑌨𑍍𑌵𑌿𑌤 ।
𑌇𑌕𑍍𑌷𑍁𑌕𑌾𑌰𑍍𑌮𑍁𑌕𑌸𑌂𑌯𑍁𑌕𑍍𑌤 𑌪𑌦𑍍𑌮𑌹𑌸𑍍𑌤 𑌪𑍍𑌰𑌸𑍀𑌦 𑌮𑍇 ॥ 𑍭 ॥

𑌨𑌾𑌨𑌾𑌭𑌰𑌣𑌸𑌂𑌯𑍁𑌕𑍍𑌤 𑌰𑌤𑍍𑌨𑌕𑍁𑌂𑌭𑌕𑌰 𑌪𑍍𑌰𑌭𑍋 ।
𑌸𑌰𑍍𑌗𑌸𑍍𑌥𑌿𑌤𑌿𑌲𑌯𑌾𑌧𑍀𑌶 𑌪𑌰𑌮𑌾𑌤𑍍𑌮𑌨𑍍 𑌜𑌯 𑌪𑍍𑌰𑌭𑍋 ॥ 𑍮 ॥

𑌅𑌨𑌾𑌥𑌨𑌾𑌥 𑌵𑌿𑌶𑍍𑌵𑍇𑌶 𑌵𑌿𑌘𑍍𑌨𑌸𑌂𑌘𑌵𑌿𑌨𑌾𑌶𑌨 ।
𑌤𑍍𑌰𑌯𑍀𑌮𑍂𑌰𑍍𑌤𑍇 𑌸𑍁𑌰𑌪𑌤𑍇 𑌬𑍍𑌰𑌹𑍍𑌮𑌵𑌿𑌷𑍍𑌣𑍁𑌶𑌿𑌵𑌾𑌤𑍍𑌮𑌕 ॥ 𑍯 ॥

𑌤𑍍𑌰𑌯𑍀𑌗𑍁𑌣 𑌮𑌹𑌾𑌦𑍇𑌵 𑌪𑌾𑌹𑌿 𑌮𑌾𑌂 𑌸𑌰𑍍𑌵𑌪𑌾𑌲𑌕 ।
𑌅𑌣𑌿𑌮𑌾𑌦𑌿𑌗𑍁𑌣𑌾𑌧𑌾𑌰 𑌲𑌕𑍍𑌷𑍍𑌮𑍀𑌶𑍍𑌰𑍀𑌵𑌿𑌷𑍍𑌣𑍁𑌪𑍂𑌜𑌿𑌤 ॥ 10 ॥

𑌗𑍌𑌰𑍀𑌶𑌂𑌕𑌰𑌸𑌂𑌪𑍂𑌜𑍍𑌯 𑌜𑌯 𑌤𑍍𑌵𑌂 𑌗𑌣𑌨𑌾𑌯𑌕 ।
𑌰𑌤𑌿𑌮𑌨𑍍𑌮𑌥𑌸𑌂𑌸𑍇𑌵𑍍𑌯 𑌮𑌹𑍀𑌭𑍂𑌦𑌾𑌰𑌸𑌂𑌸𑍍𑌤𑍁𑌤 ॥ 11 ॥

𑌋𑌦𑍍𑌧𑍍𑌯𑌾𑌮𑍋𑌦𑌾𑌦𑌿𑌸𑌂𑌸𑍇𑌵𑍍𑌯 𑌮𑌹𑌾𑌗𑌣𑌪𑌤𑍇 𑌜𑌯 ।
𑌶𑌂𑌖𑌪𑌦𑍍𑌮𑌾𑌦𑌿𑌸𑌂𑌸𑍇𑌵𑍍𑌯 𑌨𑌿𑌰𑌾𑌲𑌂𑌬 𑌨𑌿𑌰𑍀𑌶𑍍𑌵𑌰 ॥ 12 ॥

𑌨𑌿𑌷𑍍𑌕𑌲𑌂𑌕 𑌨𑌿𑌰𑌾𑌧𑌾𑌰 𑌪𑌾𑌹𑌿 𑌮𑌾𑌂 𑌨𑌿𑌤𑍍𑌯𑌮𑌵𑍍𑌯𑌯 ।
𑌅𑌨𑌾𑌦𑍍𑌯 𑌜𑌗𑌤𑌾𑌮𑌾𑌦𑍍𑌯 𑌪𑌿𑌤𑌾𑌮𑌹𑌸𑍁𑌪𑍂𑌜𑌿𑌤 ॥ 13 ॥

𑌧𑍂𑌮𑌕𑍇𑌤𑍋 𑌗𑌣𑌾𑌧𑍍𑌯𑌕𑍍𑌷 𑌮𑌹𑌾𑌮𑍂𑌷𑌕𑌵𑌾𑌹𑌨 ।
𑌅𑌨𑌂𑌤𑌪𑌰𑌮𑌾𑌨𑌂𑌦 𑌜𑌯 𑌵𑌿𑌘𑍍𑌨𑍇𑌶𑍍𑌵𑌰𑍇𑌶𑍍𑌵𑌰 ॥ 14 ॥

𑌰𑌤𑍍𑌨𑌸𑌿𑌂𑌹𑌾𑌸𑌨𑌾𑌸𑍀𑌨 𑌕𑌿𑌰𑍀𑌟𑍇𑌨 𑌸𑍁𑌶𑍋𑌭𑌿𑌤 ।
𑌪𑌰𑌾𑌤𑍍𑌪𑌰 𑌪𑌰𑍇𑌶𑌾𑌨 𑌪𑌰𑌪𑍂𑌰𑍁𑌷 𑌪𑌾𑌹𑌿 𑌮𑌾𑌮𑍍 ॥ 15 ॥

𑌨𑌿𑌰𑍍𑌦𑍍𑌵𑌂𑌦𑍍𑌵 𑌨𑌿𑌰𑍍𑌗𑍁𑌣𑌾𑌭𑌾𑌸 𑌜𑌪𑌾𑌪𑍁𑌷𑍍𑌪𑌸𑌮𑌪𑍍𑌰𑌭 ।
𑌸𑌰𑍍𑌵𑌪𑍍𑌰𑌮𑌥𑌸𑌂𑌸𑍍𑌤𑍁𑌤𑍍𑌯 𑌤𑍍𑌰𑌾𑌹𑌿 𑌮𑌾𑌂 𑌵𑌿𑌘𑍍𑌨𑌨𑌾𑌯𑌕 ॥ 16 ॥

𑌕𑍁𑌮𑌾𑌰𑌸𑍍𑌯 𑌗𑍁𑌰𑍋 𑌦𑍇𑌵 𑌸𑌰𑍍𑌵𑍈𑌶𑍍𑌵𑌰𑍍𑌯𑌪𑍍𑌰𑌦𑌾𑌯𑌕 ।
𑌸𑌰𑍍𑌵𑌾𑌭𑍀𑌷𑍍𑌟𑌪𑍍𑌰𑌦 𑌸𑍍𑌵𑌾𑌮𑌿𑌨𑍍 𑌸𑌰𑍍𑌵𑌪𑍍𑌰𑌤𑍍𑌯𑍂𑌹𑌨𑌾𑌶𑌕 ॥ 1𑍭 ॥

𑌶𑌰𑌣𑍍𑌯 𑌸𑌰𑍍𑌵𑌲𑍋𑌕𑌾𑌨𑌾𑌂 𑌶𑌰𑌣𑌾𑌗𑌤𑌵𑌤𑍍𑌸𑌲 ।
𑌮𑌹𑌾𑌗𑌣𑌪𑌤𑍇 𑌨𑌿𑌤𑍍𑌯𑌂 𑌮𑌾𑌂 𑌪𑌾𑌲𑌯 𑌕𑍃𑌪𑌾𑌨𑌿𑌧𑍇 ॥ 1𑍮 ॥

𑌏𑌵𑌂 𑌶𑍍𑌰𑍀𑌗𑌣𑌨𑌾𑌥𑌸𑍍𑌯 𑌸𑍍𑌤𑌵𑌰𑌾𑌜𑌮𑌨𑍁𑌤𑍍𑌤𑌮𑌮𑍍 ।
𑌯𑌃 𑌪𑌠𑍇𑌚𑍍𑌛𑍃𑌣𑍁𑌯𑌾𑌨𑍍𑌨𑌿𑌤𑍍𑌯𑌂 𑌪𑍍𑌰𑌤𑍍𑌯𑍂𑌹𑍈𑌃 𑌸 𑌵𑌿𑌮𑍁𑌚𑍍𑌯𑌤𑍇 ॥ 1𑍯 ॥

𑌅𑌶𑍍𑌵𑌮𑍇𑌧𑌸𑌮𑌂 𑌪𑍁𑌣𑍍𑌯𑌫𑌲𑌂 𑌪𑍍𑌰𑌾𑌪𑍍𑌨𑍋𑌤𑍍𑌯𑌨𑍁𑌤𑍍𑌤𑌮𑌮𑍍 ।
𑌵𑌶𑍀𑌕𑌰𑍋𑌤𑌿 𑌤𑍍𑌰𑍈𑌲𑍋𑌕𑍍𑌯𑌂 𑌪𑍍𑌰𑌾𑌪𑍍𑌯 𑌸𑍌𑌭𑌾𑌗𑍍𑌯𑌮𑍁𑌤𑍍𑌤𑌮𑌮𑍍 ॥ 20 ॥

𑌸𑌰𑍍𑌵𑌾𑌭𑍀𑌷𑍍𑌟𑌮𑌵𑌾𑌪𑍍𑌨𑍋𑌤𑌿 𑌶𑍀𑌘𑍍𑌰𑌮𑍇𑌵 𑌸𑍁𑌦𑍁𑌰𑍍𑌲𑌭𑌮𑍍 ।
𑌮𑌹𑌾𑌗𑌣𑍇𑌶𑌸𑌾𑌨𑍍𑌨𑌿𑌧𑍍𑌯𑌂 𑌪𑍍𑌰𑌾𑌪𑍍𑌨𑍋𑌤𑍍𑌯𑍇𑌵 𑌨 𑌸𑌂𑌶𑌯𑌃 ॥ 21 ॥

𑌇𑌤𑌿 𑌶𑍍𑌰𑍀𑌰𑍁𑌦𑍍𑌰𑌯𑌾𑌮𑌲𑍇 𑌶𑍍𑌰𑍀𑌵𑌿𑌨𑌾𑌯𑌕𑌸𑍍𑌤𑌵𑌰𑌾𑌜𑌃 𑌸𑌂𑌪𑍂𑌰𑍍𑌣𑌮𑍍 ।