𑌶𑍍𑌰𑍀 𑌵𑍇𑌂𑌕𑌟𑍇𑌶𑍍𑌵𑌰 𑌵𑌿𑌜𑌯𑌾𑌰𑍍𑌯𑌾 𑌸𑌪𑍍𑌤 𑌵𑌿𑌭𑌕𑍍𑌤𑌿 𑌸𑍍𑌤𑍋𑌤𑍍𑌰𑌮𑍍

𑌶𑍍𑌰𑍀𑌵𑍇𑌂𑌕𑌟𑌾𑌦𑍍𑌰𑌿𑌧𑌾𑌮𑌾 𑌭𑍂𑌮𑌾 𑌭𑍂𑌮𑌾𑌪𑍍𑌰𑌿𑌯𑌃 𑌕𑍃𑌪𑌾𑌸𑍀𑌮𑌾 ।
𑌨𑌿𑌰𑌵𑌧𑌿𑌕𑌨𑌿𑌤𑍍𑌯𑌮𑌹𑌿𑌮𑌾 𑌭𑌵𑌤𑍁 𑌜𑌯𑍀 𑌪𑍍𑌰𑌣𑌤𑌦𑌰𑍍𑌶𑌿𑌤𑌪𑍍𑌰𑍇𑌮𑌾 ॥ 1 ॥

𑌜𑌯 𑌜𑌨𑌤𑌾 𑌵𑌿𑌮𑌲𑍀𑌕𑍃𑌤𑌿𑌸𑌫𑌲𑍀𑌕𑍃𑌤𑌸𑌕𑌲𑌮𑌂𑌗𑌳𑌾𑌕𑌾𑌰 ।
𑌵𑌿𑌜𑌯𑍀 𑌭𑌵 𑌵𑌿𑌜𑌯𑍀 𑌭𑌵 𑌵𑌿𑌜𑌯𑍀 𑌭𑌵 𑌵𑍇𑌂𑌕𑌟𑌾𑌚𑌲𑌾𑌧𑍀𑌶 ॥ 2 ॥

𑌕𑌮𑌨𑍀𑌯𑌮𑌂𑌦𑌹𑌸𑌿𑌤𑌂 𑌕𑌂𑌚𑌨 𑌕𑌂𑌦𑌰𑍍𑌪𑌕𑍋𑌟𑌿𑌲𑌾𑌵𑌣𑍍𑌯𑌮𑍍 ।
𑌪𑌶𑍍𑌯𑍇𑌯𑌮𑌂𑌜𑌨𑌾𑌦𑍍𑌰𑍌 𑌪𑍁𑌂𑌸𑌾𑌂 𑌪𑍂𑌰𑍍𑌵𑌤𑌨𑌪𑍁𑌣𑍍𑌯𑌪𑌰𑌿𑌪𑌾𑌕𑌮𑍍 ॥ 3 ॥

𑌮𑌰𑌤𑌕𑌮𑍇𑌚𑌕𑌰𑍁𑌚𑌿𑌨𑌾 𑌮𑌦𑌨𑌾𑌜𑍍𑌞𑌾𑌗𑌂𑌧𑌿𑌮𑌧𑍍𑌯𑌹𑍃𑌦𑌯𑍇𑌨 ।
𑌵𑍃𑌷𑌶𑍈𑌲𑌮𑍌𑌲𑌿𑌸𑍁𑌹𑍃𑌦𑌾 𑌮𑌹𑌸𑌾 𑌕𑍇𑌨𑌾𑌪𑌿 𑌵𑌾𑌸𑌿𑌤𑌂 𑌜𑍍𑌞𑍇𑌯𑌮𑍍 ॥ 4 ॥

𑌪𑌤𑍍𑌯𑍈 𑌨𑌮𑍋 𑌵𑍃𑌷𑌾𑌦𑍍𑌰𑍇𑌃 𑌕𑌰𑌯𑍁𑌗𑌪𑌰𑌿𑌕𑌰𑍍𑌮𑌶𑌂𑌖𑌚𑌕𑍍𑌰𑌾𑌯 ।
𑌇𑌤𑌰𑌕𑌰𑌕𑌮𑌲𑌯𑍁𑌗𑌳𑍀𑌦𑌰𑍍𑌶𑌿𑌤-𑌕𑌟𑌿𑌬𑌂𑌧𑌦𑌾𑌨𑌮𑍁𑌦𑍍𑌰𑌾𑌯 ॥ 5 ॥

𑌸𑌾𑌮𑍍𑌰𑌾𑌜𑍍𑌯𑌪𑌿𑌶𑍁𑌨𑌮𑌕𑍁𑌟𑍀𑌸𑍁𑌘𑌟𑌲𑌲𑌾𑌟𑌾𑌤𑍍 𑌸𑍁𑌮𑌂𑌗𑌲𑌾 𑌪𑌾𑌂𑌗𑌾𑌤𑍍 ।
𑌸𑍍𑌮𑌿𑌤𑌰𑍁𑌚𑌿𑌫𑍁𑌲𑍍𑌲𑌕𑌪𑍋𑌲𑌾𑌦𑌪𑌰𑍋 𑌨 𑌪𑌰𑍋𑌽𑌸𑍍𑌤𑌿 𑌵𑍇𑌂𑌕𑌟𑌾𑌦𑍍𑌰𑍀𑌶𑌾𑌤𑍍 ॥ 6 ॥

𑌸𑌰𑍍𑌵𑌾𑌭𑌰𑌣𑌵𑌿𑌭𑍂𑌷𑌿𑌤𑌦𑌿𑌵𑍍𑌯𑌾𑌵𑌯𑌵𑌸𑍍𑌯 𑌵𑍇𑌂𑌕𑌟𑌾𑌦𑍍𑌰𑌿𑌪𑌤𑍇𑌃 ।
𑌪𑌲𑍍𑌲𑌵𑌪𑍁𑌷𑍍𑌪𑌵𑌿𑌭𑍂𑌷𑌿𑌤𑌕𑌲𑍍𑌪𑌤𑌰𑍋𑌶𑍍𑌚𑌾𑌪𑌿 𑌕𑌾 𑌭𑌿𑌦𑌾 𑌦𑍃𑌷𑍍𑌟𑌾 ॥ 𑍭 ॥

𑌲𑌕𑍍𑌷𑍍𑌮𑍀𑌲𑌲𑌿𑌤𑌪𑌦𑌾𑌂𑌬𑍁𑌜𑌲𑌾𑌕𑍍𑌷𑌾𑌰𑌸𑌰𑌂𑌜𑌿𑌤𑌾𑌯𑌤𑍋𑌰𑌸𑍍𑌕𑍇 ।
𑌶𑍍𑌰𑍀𑌵𑍇𑌂𑌕𑌟𑌾𑌦𑍍𑌰𑌿𑌨𑌾𑌥𑍇 𑌨𑌾𑌥𑍇 𑌮𑌮 𑌨𑌿𑌤𑍍𑌯𑌮𑌰𑍍𑌪𑌿𑌤𑍋 𑌭𑌾𑌰𑌃 ॥ 𑍮 ॥

𑌆𑌰𑍍𑌯𑌾𑌵𑍃𑌤𑍍𑌤𑌸𑌮𑍇𑌤𑌾 𑌸𑌪𑍍𑌤𑌵𑌿𑌭𑌕𑍍𑌤𑌿𑌰𑍍𑌵𑍃𑌷𑌾𑌦𑍍𑌰𑌿𑌨𑌾𑌥𑌸𑍍𑌯 ।
𑌵𑌾𑌦𑍀𑌂𑌦𑍍𑌰𑌭𑍀𑌕𑍃𑌦𑌾𑌖𑍍𑌯𑍈𑌰𑌾𑌰𑍍𑌯𑍈 𑌰𑌚𑌿𑌤𑌾 𑌜𑌯𑌤𑍍𑌵𑌿𑌯𑌂 𑌸𑌤𑌤𑌮𑍍 ॥ 𑍯 ॥

𑌇𑌤𑌿 𑌶𑍍𑌰𑍀𑌵𑍇𑌂𑌕𑌟𑍇𑌶𑌵𑌿𑌜𑌯𑌾𑌰𑍍𑌯𑌾𑌸𑌪𑍍𑌤𑌵𑌿𑌭𑌕𑍍𑌤𑌿 𑌸𑍍𑌤𑍋𑌤𑍍𑌰𑌂 𑌸𑌂𑌪𑍂𑌰𑍍𑌣𑌮𑍍 ।