5.2 – 𑌵𑌿𑌷𑍍𑌣𑍁𑌮𑍁𑌖𑌾 𑌵𑍈 𑌦𑍇𑌵𑌾𑌃 – 𑌕𑍃𑌷𑍍𑌣 𑌯𑌜𑍁𑌰𑍍𑌵𑍇𑌦 𑌤𑍈𑌤𑍍𑌤𑌿𑌰𑍀𑌯 𑌸𑌂𑌹𑌿𑌤𑌾 𑌪𑌾𑌠𑌃

This Bhakti Granth document is presented in Grantha script, with the original script marks preserved.

𑌕𑍃𑌷𑍍𑌣 𑌯𑌜𑍁𑌰𑍍𑌵𑍇𑌦𑍀𑌯 𑌤𑍈𑌤𑍍𑌤𑌿𑌰𑍀𑌯 𑌸𑌂𑌹𑌿𑌤𑌾𑌯𑌾-𑌮𑍍𑌪𑌞𑍍𑌚𑌮𑌕𑌾𑌣𑍍𑌡𑍇 𑌦𑍍𑌵𑌿𑌤𑍀𑌯𑌃 𑌪𑍍𑌰𑌶𑍍𑌨𑌃 – 𑌚𑌿𑌤𑍍𑌯𑍁𑌪𑌕𑍍𑌰𑌮𑌾𑌭𑌿𑌧𑌾𑌨𑌂

𑌓-𑌨𑍍𑌨𑌮𑌃 𑌪𑌰𑌮𑌾𑌤𑍍𑌮𑌨𑍇, 𑌶𑍍𑌰𑍀 𑌮𑌹𑌾𑌗𑌣𑌪𑌤𑌯𑍇 𑌨𑌮𑌃,
𑌶𑍍𑌰𑍀 𑌗𑍁𑌰𑍁𑌭𑍍𑌯𑍋 𑌨𑌮𑌃 । 𑌹॒𑌰𑌿𑌃॒ 𑌓𑌮𑍍 ॥

𑌵𑌿𑌷𑍍𑌣𑍁॑𑌮𑍁𑌖𑌾॒ 𑌵𑍈 𑌦𑍇॒𑌵𑌾 𑌶𑍍𑌛𑌨𑍍𑌦𑍋॑𑌭𑌿𑌰𑌿॒𑌮𑌾𑌨𑍍 𑌁𑌲𑍋॒𑌕𑌾𑌨॑𑌨𑌪𑌜॒𑌯𑍍𑌯 𑌮॒𑌭𑍍𑌯॑𑌜𑌯॒𑌨𑍍॒.𑌯-𑌦𑍍𑌵𑌿॑𑌷𑍍𑌣𑍁𑌕𑍍𑌰॒𑌮𑌾𑌨𑍍 𑌕𑍍𑌰𑌮॑𑌤𑍇॒ 𑌵𑌿𑌷𑍍𑌣𑍁॑𑌰𑍇॒𑌵 𑌭𑍂॒𑌤𑍍𑌵𑌾 𑌯𑌜॑𑌮𑌾𑌨॒𑌶𑍍𑌛𑌨𑍍𑌦𑍋॑𑌭𑌿𑌰𑌿॒𑌮𑌾𑌨𑍍 𑌁𑌲𑍋॒𑌕𑌾𑌨॑𑌨𑌪𑌜॒𑌯𑍍𑌯𑌮॒𑌭𑌿 𑌜॑𑌯𑌤𑌿॒ 𑌵𑌿𑌷𑍍𑌣𑍋𑌃॒ 𑌕𑍍𑌰𑌮𑍋᳚-𑌽𑌸𑍍𑌯-𑌭𑌿𑌮𑌾𑌤𑌿॒𑌹𑍇𑌤𑍍𑌯𑌾॑𑌹 𑌗𑌾𑌯॒𑌤𑍍𑌰𑍀 𑌵𑍈 𑌪𑍃॑𑌥𑌿॒𑌵𑍀 𑌤𑍍𑌰𑍈𑌷𑍍𑌟𑍁॑𑌭𑌮॒𑌨𑍍𑌤𑌰𑌿॑𑌕𑍍𑌷॒-𑌞𑍍𑌜𑌾𑌗॑𑌤𑍀॒ 𑌦𑍍𑌯𑍌𑌰𑌾𑌨𑍁॑𑌷𑍍𑌟𑍁𑌭𑍀॒𑌰𑍍𑌦𑌿𑌶॒ 𑌶𑍍𑌛𑌨𑍍𑌦𑍋॑𑌭𑌿𑌰𑍇॒𑌵𑍇𑌮𑌾𑌨𑍍 𑌁𑌲𑍋॒𑌕𑌾𑌨𑍍. 𑌯॑𑌥𑌾 𑌪𑍂॒𑌰𑍍𑌵𑌮॒𑌭𑌿 𑌜॑𑌯𑌤𑌿 𑌪𑍍𑌰॒𑌜𑌾𑌪॑𑌤𑌿𑌰॒𑌗𑍍𑌨𑌿𑌮॑𑌸𑍃𑌜𑌤॒ 𑌸𑍋᳚-𑌽𑌸𑍍𑌮𑌾-𑌥𑍍𑌸𑍃॒𑌷𑍍𑌟𑌃 [𑌸𑍋᳚-𑌽𑌸𑍍𑌮𑌾-𑌥𑍍𑌸𑍃॒𑌷𑍍𑌟𑌃, 𑌪𑌰𑌾॑𑌙𑍈॒𑌤𑍍𑌤-] 1

𑌪𑌰𑌾॑𑌙𑍈॒𑌤𑍍𑌤-𑌮𑍇॒𑌤𑌯𑌾 𑌽𑌨𑍍𑌵𑍈॒𑌦𑌕𑍍𑌰॑𑌨𑍍𑌦॒𑌦𑌿𑌤𑌿॒ 𑌤𑌯𑌾॒ 𑌵𑍈 𑌸𑍋᳚-𑌽𑌗𑍍𑌨𑍇𑌃 𑌪𑍍𑌰𑌿॒𑌯-𑌨𑍍𑌧𑌾𑌮𑌾-𑌽𑌵𑌾॑𑌰𑍁𑌨𑍍𑌧॒ 𑌯𑌦𑍇॒𑌤𑌾𑌮॒𑌨𑍍𑌵𑌾𑌹𑌾॒-𑌗𑍍𑌨𑍇𑌰𑍇॒𑌵𑍈𑌤𑌯𑌾᳚ 𑌪𑍍𑌰𑌿॒𑌯-𑌨𑍍𑌧𑌾𑌮𑌾-𑌽𑌵॑ 𑌰𑍁𑌨𑍍𑌧 𑌈𑌶𑍍𑌵॒𑌰𑍋 𑌵𑌾 𑌏॒𑌷 𑌪𑌰𑌾᳚-𑌮𑍍𑌪𑍍𑌰॒𑌦𑌘𑍋॒ 𑌯𑍋 𑌵𑌿॑𑌷𑍍𑌣𑍁𑌕𑍍𑌰॒𑌮𑌾𑌨𑍍 𑌕𑍍𑌰𑌮॑𑌤𑍇 𑌚𑌤॒𑌸𑍃𑌭𑌿॒𑌰𑌾 𑌵॑𑌰𑍍𑌤𑌤𑍇 𑌚॒𑌤𑍍𑌵𑌾𑌰𑌿॒ 𑌛𑌨𑍍𑌦𑌾𑌗𑍍𑌮𑍍॑𑌸𑌿॒ 𑌛𑌨𑍍𑌦𑌾𑌗𑍍𑌮𑍍॑𑌸𑌿॒ 𑌖𑌲𑍁॒ 𑌵𑌾 𑌅॒𑌗𑍍𑌨𑍇𑌃 𑌪𑍍𑌰𑌿॒𑌯𑌾 𑌤॒𑌨𑍂𑌃 𑌪𑍍𑌰𑌿॒𑌯𑌾𑌮𑍇॒𑌵𑌾𑌸𑍍𑌯॑ 𑌤॒𑌨𑍁𑌵॑𑌮॒𑌭𑌿 [ ] 2
?
𑌪॒𑌰𑍍𑌯𑌾𑌵॑𑌰𑍍𑌤𑌤𑍇 𑌦𑌕𑍍𑌷𑌿॒𑌣𑌾 𑌪॒𑌰𑍍𑌯𑌾𑌵॑𑌰𑍍𑌤𑌤𑍇॒ 𑌸𑍍𑌵𑌮𑍇॒𑌵 𑌵𑍀॒𑌰𑍍𑌯॑𑌮𑌨𑍁॑ 𑌪॒𑌰𑍍𑌯𑌾𑌵॑𑌰𑍍𑌤𑌤𑍇॒ 𑌤𑌸𑍍𑌮𑌾॒-𑌦𑍍𑌦𑌕𑍍𑌷𑌿॒𑌣𑍋-𑌽𑌰𑍍𑌧॑ 𑌆॒𑌤𑍍𑌮𑌨𑍋॑ 𑌵𑍀॒𑌰𑍍𑌯𑌾॑𑌵𑌤𑍍𑌤॒𑌰𑍋-𑌽𑌥𑍋॑ 𑌆𑌦𑌿॒𑌤𑍍𑌯𑌸𑍍𑌯𑍈॒𑌵𑌾-𑌽𑌽𑌵𑍃𑌤॒𑌮𑌨𑍁॑ 𑌪॒𑌰𑍍𑌯𑌾𑌵॑𑌰𑍍𑌤𑌤𑍇॒ 𑌶𑍁𑌨॒𑌶𑍍𑌶𑍇𑌪॒𑌮𑌾𑌜𑍀॑𑌗𑌰𑍍𑌤𑌿𑌂॒-𑌵𑌁𑌰𑍁॑𑌣𑍋-𑌽𑌗𑍃𑌹𑍍𑌣𑌾॒-𑌥𑍍𑌸 𑌏॒𑌤𑌾𑌂-𑌵𑌾𑌁॑𑌰𑍁॒𑌣𑍀𑌮॑𑌪𑌶𑍍𑌯॒-𑌤𑍍𑌤𑌯𑌾॒ 𑌵𑍈 𑌸 𑌆॒𑌤𑍍𑌮𑌾𑌨𑌂॑-𑌵𑌁𑌰𑍁𑌣𑌪𑌾॒𑌶𑌾𑌦॑𑌮𑍁𑌞𑍍𑌚॒-𑌦𑍍𑌵𑌰𑍁॑𑌣𑍋॒ 𑌵𑌾 𑌏॒𑌤-𑌙𑍍𑌗𑍃॑𑌹𑍍𑌣𑌾𑌤𑌿॒ 𑌯 𑌉॒𑌖𑌾-𑌮𑍍𑌪𑍍𑌰॑𑌤𑌿𑌮𑍁॒𑌞𑍍𑌚𑌤॒ 𑌉𑌦𑍁॑𑌤𑍍𑌤॒𑌮𑌂-𑌵𑌁॑𑌰𑍁𑌣॒𑌪𑌾𑌶॑-𑌮॒𑌸𑍍𑌮𑌦𑌿𑌤𑍍𑌯𑌾॑𑌹𑌾॒-𑌽𑌽𑌤𑍍𑌮𑌾𑌨॑-𑌮𑍇॒𑌵𑍈𑌤𑌯𑌾॑ [-𑌮𑍇॒𑌵𑍈𑌤𑌯𑌾᳚, 𑌵॒𑌰𑍁॒𑌣॒𑌪𑌾॒𑌶𑌾-] 3

𑌵𑌰𑍁𑌣𑌪𑌾॒𑌶𑌾-𑌨𑍍𑌮𑍁॑𑌞𑍍𑌚॒𑌤𑍍𑌯𑌾 𑌤𑍍𑌵𑌾॑-𑌽𑌹𑌾𑌰𑍍𑌷॒𑌮𑌿𑌤𑍍𑌯𑌾॒𑌹𑌾 𑌽𑌽𑌹𑍍𑌯॑𑌨॒𑌗𑍍𑌮𑍍॒ 𑌹𑌰॑𑌤𑌿 𑌧𑍍𑌰𑍁॒𑌵𑌸𑍍𑌤𑌿॒𑌷𑍍𑌠𑌾 𑌽𑌵𑌿॑𑌚𑌾𑌚𑌲𑌿॒𑌰𑌿𑌤𑍍𑌯𑌾॑𑌹॒ 𑌪𑍍𑌰𑌤𑌿॑𑌷𑍍𑌠𑌿𑌤𑍍𑌯𑍈॒ 𑌵𑌿𑌶॑𑌸𑍍𑌤𑍍𑌵𑌾॒ 𑌸𑌰𑍍𑌵𑌾॑ 𑌵𑌾𑌞𑍍𑌛॒𑌨𑍍𑌤𑍍𑌵𑌿𑌤𑍍𑌯𑌾॑𑌹 𑌵𑌿॒𑌶𑍈𑌵𑍈𑌨॒𑌗𑍍𑌮𑍍॒ 𑌸𑌮॑𑌰𑍍𑌧𑌯𑌤𑍍𑌯॒𑌸𑍍𑌮𑌿-𑌨𑍍𑌰𑌾॒𑌷𑍍𑌟𑍍𑌰𑌮𑌧𑌿॑ 𑌶𑍍𑌰॒𑌯𑍇𑌤𑍍𑌯𑌾॑𑌹 𑌰𑌾॒𑌷𑍍𑌟𑍍𑌰𑌮𑍇॒𑌵𑌾𑌸𑍍𑌮𑌿॑-𑌨𑍍𑌧𑍍𑌰𑍁॒𑌵𑌮॑𑌕॒𑌰𑍍𑌯-𑌙𑍍𑌕𑌾॒𑌮𑌯𑍇॑𑌤 𑌰𑌾॒𑌷𑍍𑌟𑍍𑌰𑌗𑍍𑌗𑍍 𑌸𑍍𑌯𑌾॒𑌦𑌿𑌤𑌿॒ 𑌤-𑌮𑍍𑌮𑌨॑𑌸𑌾 𑌧𑍍𑌯𑌾𑌯𑍇-𑌦𑍍𑌰𑌾॒𑌷𑍍𑌟𑍍𑌰𑌮𑍇॒𑌵 𑌭॑𑌵॒- [𑌭॑𑌵𑌤𑌿, 𑌅𑌗𑍍𑌰𑍇॑] 4

-𑌤𑍍𑌯𑌗𑍍𑌰𑍇॑ 𑌬𑍃॒𑌹𑌨𑍍𑌨𑍁॒𑌷𑌸𑌾॑𑌮𑍂॒𑌰𑍍𑌧𑍍𑌵𑍋 𑌅॑𑌸𑍍𑌥𑌾॒𑌦𑌿𑌤𑍍𑌯𑌾॒𑌹𑌾-𑌽𑌗𑍍𑌰॑𑌮𑍇॒𑌵𑍈𑌨𑌗𑍍𑌮𑍍॑ 𑌸𑌮𑌾॒𑌨𑌾𑌨𑌾᳚-𑌙𑍍𑌕𑌰𑍋𑌤𑌿 𑌨𑌿𑌰𑍍𑌜𑌗𑍍𑌮𑌿॒𑌵𑌾-𑌨𑍍𑌤𑌮॑𑌸॒ 𑌇𑌤𑍍𑌯𑌾॑𑌹॒ 𑌤𑌮॑ 𑌏॒𑌵𑌾𑌸𑍍𑌮𑌾॒𑌦𑌪॑ 𑌹𑌨𑍍𑌤𑌿॒ 𑌜𑍍𑌯𑍋𑌤𑌿॒𑌷𑌾- 𑌽𑌽𑌗𑌾॒𑌦𑌿𑌤𑍍𑌯𑌾॑𑌹॒ 𑌜𑍍𑌯𑍋𑌤𑌿॑𑌰𑍇॒𑌵𑌾-𑌸𑍍𑌮𑌿॑-𑌨𑍍𑌦𑌧𑌾𑌤𑌿 𑌚𑌤॒𑌸𑍃𑌭𑌿॑-𑌸𑍍𑌸𑌾𑌦𑌯𑌤𑌿 𑌚॒𑌤𑍍𑌵𑌾𑌰𑌿॒ 𑌛𑌨𑍍𑌦𑌾𑌗𑍍𑌮𑍍॑𑌸𑌿॒ 𑌛𑌨𑍍𑌦𑍋॑𑌭𑌿𑌰𑍇॒𑌵𑌾-𑌽-𑌤𑌿॑𑌚𑍍𑌛𑌨𑍍𑌦𑌸𑍋𑌤𑍍𑌤॒𑌮𑌯𑌾॒ 𑌵𑌰𑍍𑌷𑍍𑌮॒ 𑌵𑌾 𑌏॒𑌷𑌾 𑌛𑌨𑍍𑌦॑𑌸𑌾𑌂॒-𑌯𑌁𑌦𑌤𑌿॑𑌚𑍍𑌛𑌨𑍍𑌦𑌾॒ 𑌵𑌰𑍍𑌷𑍍𑌮𑍈॒𑌵𑍈𑌨𑌗𑍍𑌮𑍍॑ 𑌸𑌮𑌾॒𑌨𑌾𑌨𑌾᳚-𑌙𑍍𑌕𑌰𑍋𑌤𑌿॒ 𑌸𑌦𑍍𑌵॑𑌤𑍀 [𑌸𑌦𑍍𑌵॑𑌤𑍀, 𑌭॒𑌵॒𑌤𑌿॒ 𑌸॒𑌤𑍍𑌤𑍍𑌵𑌮𑍇॒𑌵𑍈𑌨॑] 5

𑌭𑌵𑌤𑌿 𑌸॒𑌤𑍍𑌤𑍍𑌵𑌮𑍇॒𑌵𑍈𑌨॑-𑌙𑍍𑌗𑌮𑌯𑌤𑌿 𑌵𑌾𑌥𑍍𑌸॒𑌪𑍍𑌰𑍇𑌣𑍋𑌪॑ 𑌤𑌿𑌷𑍍𑌠𑌤 𑌏॒𑌤𑍇𑌨॒ 𑌵𑍈 𑌵॑𑌥𑍍𑌸॒𑌪𑍍𑌰𑍀𑌰𑍍𑌭𑌾॑𑌲𑌨𑍍𑌦॒𑌨𑍋᳚-𑌽𑌗𑍍𑌨𑍇𑌃 𑌪𑍍𑌰𑌿॒𑌯-𑌨𑍍𑌧𑌾𑌮𑌾-𑌽𑌵𑌾॑-𑌽𑌰𑍁𑌨𑍍𑌧𑌾॒-𑌽𑌗𑍍𑌨𑍇𑌰𑍇॒𑌵𑍈𑌤𑍇𑌨॑ 𑌪𑍍𑌰𑌿॒𑌯-𑌨𑍍𑌧𑌾𑌮𑌾-𑌽𑌵॑ 𑌰𑍁𑌨𑍍𑌧 𑌏𑌕𑌾𑌦॒𑌶-𑌮𑍍𑌭॑𑌵𑌤𑍍𑌯𑍇𑌕॒𑌧𑍈𑌵 𑌯𑌜॑𑌮𑌾𑌨𑍇 𑌵𑍀॒𑌰𑍍𑌯॑-𑌨𑍍𑌦𑌧𑌾𑌤𑌿॒ 𑌸𑍍𑌤𑍋𑌮𑍇॑𑌨॒ 𑌵𑍈 𑌦𑍇॒𑌵𑌾 𑌅॒𑌸𑍍𑌮𑌿𑌨𑍍 𑌁𑌲𑍋॒𑌕 𑌆᳚𑌰𑍍𑌧𑍍𑌨𑍁𑌵॒𑌨𑍍 𑌛𑌨𑍍𑌦𑍋॑𑌭𑌿𑌰॒𑌮𑍁𑌷𑍍𑌮𑌿॒𑌨𑍍-𑌥𑍍𑌸𑍍𑌤𑍋𑌮॑𑌸𑍍𑌯𑍇𑌵॒ 𑌖𑌲𑍁॒ 𑌵𑌾 𑌏॒𑌤-𑌦𑍍𑌰𑍂॒𑌪𑌂-𑌯𑌁-𑌦𑍍𑌵𑌾᳚𑌥𑍍𑌸॒𑌪𑍍𑌰𑌂-𑌯𑌁-𑌦𑍍𑌵𑌾᳚𑌥𑍍𑌸॒𑌪𑍍𑌰𑍇𑌣𑍋॑𑌪॒𑌤𑌿𑌷𑍍𑌠॑𑌤 [𑌁𑌯-𑌦𑍍𑌵𑌾᳚𑌥𑍍𑌸॒𑌪𑍍𑌰𑍇𑌣𑍋॑𑌪॒𑌤𑌿𑌷𑍍𑌠॑𑌤𑍇, 𑌇॒𑌮𑌮𑍇॒𑌵] 6

𑌇॒𑌮𑌮𑍇॒𑌵 𑌤𑍇𑌨॑ 𑌲𑍋॒𑌕𑌮॒𑌭𑌿 𑌜॑𑌯𑌤𑌿॒ 𑌯-𑌦𑍍𑌵𑌿॑𑌷𑍍𑌣𑍁𑌕𑍍𑌰॒𑌮𑌾𑌨𑍍 𑌕𑍍𑌰𑌮॑𑌤𑍇॒-𑌽𑌮𑍁𑌮𑍇॒𑌵 𑌤𑍈𑌰𑍍𑌲𑍋॒𑌕𑌮॒𑌭𑌿 𑌜॑𑌯𑌤𑌿 𑌪𑍂𑌰𑍍𑌵𑍇॒𑌦𑍍𑌯𑍁𑌃 𑌪𑍍𑌰𑌕𑍍𑌰𑌾॑𑌮𑌤𑍍𑌯𑍁𑌤𑍍𑌤𑌰𑍇॒𑌦𑍍𑌯𑍁-𑌹𑍍 𑌰𑍁𑌪॑ 𑌤𑌿𑌷𑍍𑌠𑌤𑍇॒ 𑌤𑌸𑍍𑌮𑌾॒-𑌦𑍍𑌯𑍋𑌗𑍇॒-𑌽𑌨𑍍𑌯𑌾𑌸𑌾᳚-𑌮𑍍𑌪𑍍𑌰॒𑌜𑌾𑌨𑌾॒-𑌮𑍍𑌮𑌨𑌃॒, 𑌕𑍍𑌷𑍇𑌮𑍇॒-𑌽𑌨𑍍𑌯𑌾𑌸𑌾॒-𑌨𑍍𑌤𑌸𑍍𑌮𑌾᳚-𑌦𑍍𑌯𑌾𑌯𑌾𑌵॒𑌰𑌃, 𑌕𑍍𑌷𑍇॒𑌮𑍍𑌯𑌸𑍍𑌯𑍇॑𑌶𑍇॒ 𑌤𑌸𑍍𑌮𑌾᳚-𑌦𑍍𑌯𑌾𑌯𑌾𑌵॒𑌰𑌃, 𑌕𑍍𑌷𑍇॒𑌮𑍍𑌯𑌮॒𑌦𑍍𑌧𑍍𑌯𑌵॑𑌸𑍍𑌯𑌤𑌿 𑌮𑍁॒𑌷𑍍𑌟𑍀 𑌕॑𑌰𑍋𑌤𑌿॒ 𑌵𑌾𑌚𑌂॑-𑌯𑌁𑌚𑍍𑌛𑌤𑌿 𑌯॒𑌜𑍍𑌞𑌸𑍍𑌯॒ 𑌧𑍃𑌤𑍍𑌯𑍈᳚ ॥ 𑍭 ॥
(𑌸𑍃॒𑌷𑍍𑌟𑍋᳚-𑌽 – (1॒) 𑌭𑍍𑌯𑍇॑ – 𑌤𑌯𑌾॑ – 𑌭𑌵𑌤𑌿॒ – 𑌸𑌦𑍍𑌵॑𑌤𑍍𑌯𑍁 – 𑌪॒𑌤𑌿𑌷𑍍𑌠॑𑌤𑍇॒ – 𑌦𑍍𑌵𑌿𑌚॑𑌤𑍍𑌵𑌾𑌰𑌿𑌗𑍍𑌮𑍍𑌶𑌚𑍍𑌚) (𑌅. 1)

𑌅𑌨𑍍𑌨॑𑌪॒𑌤𑍇-𑌽𑌨𑍍𑌨॑𑌸𑍍𑌯 𑌨𑍋 𑌦𑍇॒𑌹𑍀𑌤𑍍𑌯𑌾॑𑌹𑌾॒-𑌗𑍍𑌨𑌿𑌰𑍍𑌵𑌾 𑌅𑌨𑍍𑌨॑𑌪𑌤𑌿॒-𑌸𑍍𑌸 𑌏॒𑌵𑌾𑌸𑍍𑌮𑌾॒ 𑌅𑌨𑍍𑌨॒-𑌮𑍍𑌪𑍍𑌰𑌯॑𑌚𑍍𑌛𑌤𑍍𑌯𑌨𑌮𑍀॒𑌵𑌸𑍍𑌯॑ 𑌶𑍁॒𑌷𑍍𑌮𑌿𑌣॒ 𑌇𑌤𑍍𑌯𑌾॑𑌹𑌾-𑌯॒𑌕𑍍𑌷𑍍𑌮𑌸𑍍𑌯𑍇𑌤𑌿॒ 𑌵𑌾𑌵𑍈𑌤𑌦𑌾॑𑌹॒ 𑌪𑍍𑌰 𑌪𑍍𑌰॑𑌦𑌾॒𑌤𑌾𑌰॑-𑌨𑍍𑌤𑌾𑌰𑌿𑌷॒ 𑌊𑌰𑍍𑌜॑-𑌨𑍍𑌨𑍋 𑌧𑍇𑌹𑌿 𑌦𑍍𑌵𑌿॒𑌪𑌦𑍇॒ 𑌚𑌤𑍁॑𑌷𑍍𑌪𑌦॒ 𑌇𑌤𑍍𑌯𑌾॑𑌹𑌾॒-𑌽𑌽𑌶𑌿𑌷॑𑌮𑍇॒𑌵𑍈𑌤𑌾𑌮𑌾 𑌶𑌾᳚𑌸𑍍𑌤॒ 𑌉𑌦𑍁॑ 𑌤𑍍𑌵𑌾॒ 𑌵𑌿𑌶𑍍𑌵𑍇॑ 𑌦𑍇॒𑌵𑌾 𑌇𑌤𑍍𑌯𑌾॑𑌹 𑌪𑍍𑌰𑌾॒𑌣𑌾 𑌵𑍈 𑌵𑌿𑌶𑍍𑌵𑍇॑ 𑌦𑍇॒𑌵𑌾𑌃 [𑌦𑍇॒𑌵𑌾𑌃, 𑌪𑍍𑌰𑌾॒𑌣𑍈𑌰𑍇॒𑌵𑍈𑌨॒-] 𑍮

𑌪𑍍𑌰𑌾॒𑌣𑍈𑌰𑍇॒𑌵𑍈𑌨॒-𑌮𑍁𑌦𑍍𑌯॑𑌚𑍍𑌛॒𑌤𑍇 𑌽𑌗𑍍𑌨𑍇॒ 𑌭𑌰॑𑌨𑍍𑌤𑍁॒ 𑌚𑌿𑌤𑍍𑌤𑌿॑𑌭𑌿॒𑌰𑌿𑌤𑍍𑌯𑌾॑𑌹॒ 𑌯𑌸𑍍𑌮𑌾॑ 𑌏॒𑌵𑍈𑌨॑-𑌞𑍍𑌚𑌿॒𑌤𑍍𑌤𑌾𑌯𑍋॒𑌦𑍍𑌯𑌚𑍍𑌛॑𑌤𑍇॒ 𑌤𑍇𑌨𑍈॒𑌵𑍈𑌨॒𑌗𑍍𑌮𑍍॒ 𑌸𑌮॑𑌰𑍍𑌧𑌯𑌤𑌿 𑌚𑌤॒𑌸𑍃𑌭𑌿॒𑌰𑌾 𑌸𑌾॑𑌦𑌯𑌤𑌿 𑌚॒𑌤𑍍𑌵𑌾𑌰𑌿॒ 𑌛𑌨𑍍𑌦𑌾𑌗𑍍𑌮𑍍॑𑌸𑌿॒ 𑌛𑌨𑍍𑌦𑍋॑𑌭𑌿𑌰𑍇॒𑌵𑌾-𑌤𑌿॑𑌚𑍍𑌛𑌨𑍍𑌦𑌸𑍋𑌤𑍍𑌤॒𑌮𑌯𑌾॒ 𑌵𑌰𑍍𑌷𑍍𑌮॒ 𑌵𑌾 𑌏॒𑌷𑌾 𑌛𑌨𑍍𑌦॑𑌸𑌾𑌂॒-𑌯𑌁𑌦𑌤𑌿॑𑌚𑍍𑌛𑌨𑍍𑌦𑌾॒ 𑌵𑌰𑍍𑌷𑍍𑌮𑍈॒𑌵𑍈𑌨𑌗𑍍𑌮𑍍॑ 𑌸𑌮𑌾॒𑌨𑌾𑌨𑌾᳚-𑌙𑍍𑌕𑌰𑍋𑌤𑌿॒ 𑌸𑌦𑍍𑌵॑𑌤𑍀 𑌭𑌵𑌤𑌿 𑌸॒𑌤𑍍𑌤𑍍𑌵𑌮𑍇॒𑌵𑍈𑌨॑-𑌙𑍍𑌗𑌮𑌯𑌤𑌿॒ 𑌪𑍍𑌰𑍇𑌦॑𑌗𑍍𑌨𑍇॒ 𑌜𑍍𑌯𑍋𑌤𑌿॑𑌷𑍍𑌮𑌾𑌨𑍍 [ ] 𑍯

𑌯𑌾॒𑌹𑍀𑌤𑍍𑌯𑌾॑𑌹॒ 𑌜𑍍𑌯𑍋𑌤𑌿॑𑌰𑍇॒𑌵𑌾𑌸𑍍𑌮𑌿॑-𑌨𑍍𑌦𑌧𑌾𑌤𑌿 𑌤॒𑌨𑍁𑌵𑌾॒ 𑌵𑌾 𑌏॒𑌷 𑌹𑌿॑𑌨𑌸𑍍𑌤𑌿॒ 𑌯𑌗𑍍𑌮𑍍 𑌹𑌿॒𑌨𑌸𑍍𑌤𑌿॒ 𑌮𑌾 𑌹𑌿𑌗𑍍𑌮𑍍॑𑌸𑍀𑌸𑍍𑌤॒𑌨𑍁𑌵𑌾᳚ 𑌪𑍍𑌰॒𑌜𑌾 𑌇𑌤𑍍𑌯𑌾॑𑌹 𑌪𑍍𑌰॒𑌜𑌾𑌭𑍍𑌯॑ 𑌏॒𑌵𑍈𑌨𑌗𑍍𑌮𑍍॑ 𑌶𑌮𑌯𑌤𑌿॒ 𑌰𑌕𑍍𑌷𑌾𑌗𑍍𑌮𑍍॑𑌸𑌿॒ 𑌵𑌾 𑌏॒𑌤-𑌦𑍍𑌯॒𑌜𑍍𑌞𑌗𑍍𑌮𑍍 𑌸॑𑌚𑌨𑍍𑌤𑍇॒ 𑌯𑌦𑌨॑ 𑌉॒𑌥𑍍𑌸𑌰𑍍𑌜॒-𑌤𑍍𑌯𑌕𑍍𑌰॑𑌨𑍍𑌦॒𑌦𑌿𑌤𑍍𑌯𑌨𑍍𑌵𑌾॑𑌹॒ 𑌰𑌕𑍍𑌷॑𑌸𑌾॒𑌮𑌪॑𑌹𑌤𑍍𑌯𑌾॒ 𑌅𑌨॑𑌸𑌾 𑌵𑌹॒𑌨𑍍-𑌤𑍍𑌯𑌪॑𑌚𑌿𑌤𑌿-𑌮𑍇॒𑌵𑌾𑌸𑍍𑌮𑌿॑-𑌨𑍍𑌦𑌧𑌾𑌤𑌿॒ 𑌤𑌸𑍍𑌮𑌾॑𑌦𑌨॒𑌸𑍍𑌵𑍀 𑌚॑ 𑌰॒𑌥𑍀 𑌚𑌾𑌤𑌿॑𑌥𑍀𑌨𑌾॒-𑌮𑌪॑𑌚𑌿𑌤𑌤𑌮𑌾॒- [-𑌮𑌪॑𑌚𑌿𑌤𑌤𑌮𑍌, 𑌅𑌪॑𑌚𑌿𑌤𑌿𑌮𑌾-𑌨𑍍𑌭𑌵𑌤𑌿॒] 10

-𑌵𑌪॑𑌚𑌿𑌤𑌿𑌮𑌾-𑌨𑍍𑌭𑌵𑌤𑌿॒ 𑌯 𑌏॒𑌵𑌂-𑌵𑍇𑌁𑌦॑ 𑌸॒𑌮𑌿𑌧𑌾॒-𑌽𑌗𑍍𑌨𑌿-𑌨𑍍𑌦𑍁॑𑌵𑌸𑍍𑌯॒𑌤𑍇𑌤𑌿॑ 𑌘𑍃𑌤𑌾𑌨𑍁𑌷𑌿॒𑌕𑍍𑌤𑌾𑌮𑌵॑𑌸𑌿𑌤𑍇 𑌸॒𑌮𑌿𑌧॒𑌮𑌾 𑌦॑𑌧𑌾𑌤𑌿॒ 𑌯𑌥𑌾-𑌽𑌤𑌿॑𑌥𑌯॒ 𑌆𑌗॑𑌤𑌾𑌯 𑌸॒𑌰𑍍𑌪𑌿𑌷𑍍𑌵॑𑌦𑌾𑌤𑌿॒𑌥𑍍𑌯-𑌙𑍍𑌕𑍍𑌰𑌿॒𑌯𑌤𑍇॑ 𑌤𑌾॒𑌦𑍃𑌗𑍇॒𑌵 𑌤-𑌦𑍍𑌗𑌾॑𑌯𑌤𑍍𑌰𑌿॒𑌯𑌾 𑌬𑍍𑌰𑌾᳚𑌹𑍍𑌮॒𑌣𑌸𑍍𑌯॑ 𑌗𑌾𑌯॒𑌤𑍍𑌰𑍋 𑌹𑌿 𑌬𑍍𑌰𑌾᳚𑌹𑍍𑌮॒𑌣𑌸𑍍𑌤𑍍𑌰𑌿॒𑌷𑍍𑌟𑍁𑌭𑌾॑ 𑌰𑌾𑌜॒𑌨𑍍𑌯॑𑌸𑍍𑌯॒ 𑌤𑍍𑌰𑍈𑌷𑍍𑌟𑍁॑𑌭𑍋॒ 𑌹𑌿 𑌰𑌾॑𑌜॒𑌨𑍍𑌯𑍋᳚ 𑌽𑌫𑍍𑌸𑍁 𑌭𑌸𑍍𑌮॒ 𑌪𑍍𑌰 𑌵𑍇॑𑌶𑌯𑌤𑍍𑌯॒𑌫𑍍𑌸𑍁𑌯𑍋॑𑌨𑌿॒𑌰𑍍𑌵𑌾 𑌅॒𑌗𑍍𑌨𑌿-𑌸𑍍𑌸𑍍𑌵𑌾𑌮𑍇॒𑌵𑍈𑌨𑌂॒-𑌯𑍋𑌁𑌨𑌿॑-𑌙𑍍𑌗𑌮𑌯𑌤𑌿 𑌤𑌿॒𑌸𑍃𑌭𑌿𑌃॒ 𑌪𑍍𑌰𑌵𑍇॑𑌶𑌯𑌤𑌿 𑌤𑍍𑌰𑌿॒𑌵𑍃𑌦𑍍𑌵𑌾 [𑌤𑍍𑌰𑌿॒𑌵𑍃𑌦𑍍𑌵𑍈, 𑌅॒𑌗𑍍𑌨𑌿-𑌰𑍍𑌯𑌾𑌵𑌾॑-] 11

𑌅॒𑌗𑍍𑌨𑌿-𑌰𑍍𑌯𑌾𑌵𑌾॑-𑌨𑍇॒𑌵𑌾-𑌽𑌗𑍍𑌨𑌿𑌸𑍍𑌤-𑌮𑍍𑌪𑍍𑌰॑𑌤𑌿॒𑌷𑍍𑌠𑌾-𑌙𑍍𑌗॑𑌮𑌯𑌤𑌿॒ 𑌪𑌰𑌾॒ 𑌵𑌾 𑌏॒𑌷𑍋᳚-𑌽𑌗𑍍𑌨𑌿𑌂-𑌵𑌁॑𑌪𑌤𑌿॒ 𑌯𑍋᳚-𑌽𑌫𑍍𑌸𑍁 𑌭𑌸𑍍𑌮॑ 𑌪𑍍𑌰𑌵𑍇॒𑌶𑌯॑𑌤𑌿॒ 𑌜𑍍𑌯𑍋𑌤𑌿॑𑌷𑍍𑌮𑌤𑍀𑌭𑍍𑌯𑌾॒-𑌮𑌵॑ 𑌦𑌧𑌾𑌤𑌿॒ 𑌜𑍍𑌯𑍋𑌤𑌿॑𑌰𑍇॒𑌵𑌾-𑌽𑌸𑍍𑌮𑌿॑-𑌨𑍍𑌦𑌧𑌾𑌤𑌿॒ 𑌦𑍍𑌵𑌾𑌭𑍍𑌯𑌾॒-𑌮𑍍𑌪𑍍𑌰𑌤𑌿॑𑌷𑍍𑌠𑌿𑌤𑍍𑌯𑍈॒ 𑌪𑌰𑌾॒ 𑌵𑌾 𑌏॒𑌷 𑌪𑍍𑌰॒𑌜𑌾-𑌮𑍍𑌪॒𑌶𑍂𑌨𑍍 𑌵॑𑌪𑌤𑌿॒ 𑌯𑍋᳚-𑌽𑌫𑍍𑌸𑍁 𑌭𑌸𑍍𑌮॑ 𑌪𑍍𑌰𑌵𑍇॒𑌶𑌯॑𑌤𑌿॒ 𑌪𑍁𑌨॑𑌰𑍂॒𑌰𑍍𑌜𑌾 𑌸॒𑌹 𑌰॒𑌯𑍍𑌯𑍇𑌤𑌿॒ 𑌪𑍁𑌨॑𑌰𑍁॒𑌦𑍈𑌤𑌿॑ 𑌪𑍍𑌰॒𑌜𑌾𑌮𑍇॒𑌵 𑌪॒𑌶𑍂𑌨𑌾॒𑌤𑍍𑌮-𑌨𑍍𑌧॑𑌤𑍍𑌤𑍇॒ 𑌪𑍁𑌨॑𑌸𑍍𑌤𑍍𑌵𑌾-𑌽𑌽𑌦𑌿॒𑌤𑍍𑌯𑌾 [𑌪𑍁𑌨॑𑌸𑍍𑌤𑍍𑌵𑌾-𑌽𑌽𑌦𑌿॒𑌤𑍍𑌯𑌾𑌃, 𑌰𑍁॒𑌦𑍍𑌰𑌾] 12

𑌰𑍁॒𑌦𑍍𑌰𑌾 𑌵𑌸॑𑌵॒-𑌸𑍍𑌸𑌮𑌿॑𑌨𑍍𑌧𑌤𑌾॒-𑌮𑌿𑌤𑍍𑌯𑌾॑𑌹𑍈॒𑌤𑌾 𑌵𑌾 𑌏॒𑌤-𑌨𑍍𑌦𑍇॒𑌵𑌤𑌾॒ 𑌅𑌗𑍍𑌰𑍇॒ 𑌸𑌮𑍈᳚𑌨𑍍𑌧𑌤॒ 𑌤𑌾𑌭𑌿॑𑌰𑍇॒𑌵𑍈𑌨॒𑌗𑍍𑌮𑍍॒ 𑌸𑌮𑌿॑𑌨𑍍𑌧𑍇॒ 𑌬𑍋𑌧𑌾॒ 𑌸 𑌬𑍋॒𑌧𑍀𑌤𑍍𑌯𑍁𑌪॑ 𑌤𑌿𑌷𑍍𑌠𑌤𑍇 𑌬𑍋॒𑌧𑌯॑𑌤𑍍𑌯𑍇॒𑌵𑍈𑌨॒-𑌨𑍍𑌤𑌸𑍍𑌮𑌾᳚-𑌥𑍍𑌸𑍁॒𑌪𑍍𑌤𑍍𑌵𑌾 𑌪𑍍𑌰॒𑌜𑌾𑌃 𑌪𑍍𑌰𑌬𑍁॑𑌦𑍍𑌧𑍍𑌯𑌨𑍍𑌤𑍇 𑌯𑌥𑌾𑌸𑍍𑌥𑌾॒𑌨𑌮𑍁𑌪॑ 𑌤𑌿𑌷𑍍𑌠𑌤𑍇॒ 𑌤𑌸𑍍𑌮𑌾᳚-𑌦𑍍𑌯𑌥𑌾𑌸𑍍𑌥𑌾॒𑌨-𑌮𑍍𑌪॒𑌶𑌵𑌃॒ 𑌪𑍁𑌨॒𑌰𑍇𑌤𑍍𑌯𑍋𑌪॑ 𑌤𑌿𑌷𑍍𑌠𑌨𑍍𑌤𑍇 ॥ 13 ॥
(𑌵𑍈 𑌵𑌿𑌶𑍍𑌵𑍇॑ 𑌦𑍇॒𑌵𑌾 – 𑌜𑍍𑌯𑍋𑌤𑌿॑𑌷𑍍𑌮𑌾॒ – 𑌨𑌪॑𑌚𑌿𑌤𑌤𑌮𑍌 – 𑌤𑍍𑌰𑌿॒𑌵𑍃𑌦𑍍𑌵𑌾 – 𑌆॑𑌦𑌿॒𑌤𑍍𑌯𑌾 – 𑌦𑍍𑌵𑌿𑌚॑𑌤𑍍𑌵𑌾𑌰𑌿𑌗𑍍𑌮𑍍𑌶𑌚𑍍𑌚) (𑌅. 2)

𑌯𑌾𑌵॑𑌤𑍀॒ 𑌵𑍈 𑌪𑍃॑𑌥𑌿॒𑌵𑍀 𑌤𑌸𑍍𑌯𑍈॑ 𑌯॒𑌮 𑌆𑌧𑌿॑𑌪𑌤𑍍𑌯॒-𑌮𑍍𑌪𑌰𑍀॑𑌯𑌾𑌯॒ 𑌯𑍋 𑌵𑍈 𑌯॒𑌮-𑌨𑍍𑌦𑍇॑𑌵॒𑌯𑌜॑𑌨𑌮॒𑌸𑍍𑌯𑌾 𑌅𑌨𑌿॑𑌰𑍍𑌯𑌾𑌚𑍍𑌯𑌾॒-𑌽𑌗𑍍𑌨𑌿-𑌞𑍍𑌚𑌿॑𑌨𑍁॒𑌤𑍇 𑌯॒𑌮𑌾𑌯𑍈॑𑌨॒𑌗𑍍𑌮𑍍॒ 𑌸 𑌚𑌿॑𑌨𑍁॒𑌤𑍇-𑌽𑌪𑍇॒𑌤𑍇-𑌤𑍍𑌯॒𑌦𑍍𑌧𑍍𑌯𑌵॑𑌸𑌾𑌯𑌯𑌤𑌿 𑌯॒𑌮𑌮𑍇॒𑌵 𑌦𑍇॑𑌵॒𑌯𑌜॑𑌨𑌮॒𑌸𑍍𑌯𑍈 𑌨𑌿॒𑌰𑍍𑌯𑌾𑌚𑍍𑌯𑌾॒- 𑌽𑌽𑌤𑍍𑌮𑌨𑍇॒-𑌽𑌗𑍍𑌨𑌿-𑌞𑍍𑌚𑌿॑𑌨𑍁𑌤 𑌇𑌷𑍍𑌵॒𑌗𑍍𑌰𑍇𑌣॒ 𑌵𑌾 𑌅॒𑌸𑍍𑌯𑌾 𑌅𑌨𑌾॑𑌮𑍃𑌤-𑌮𑌿॒𑌚𑍍𑌛𑌨𑍍𑌤𑍋॒ 𑌨𑌾𑌵𑌿॑𑌨𑍍𑌦॒-𑌨𑍍𑌤𑍇 𑌦𑍇॒𑌵𑌾 𑌏॒𑌤-𑌦𑍍𑌯𑌜𑍁॑𑌰𑌪𑌶𑍍𑌯॒𑌨𑍍𑌨𑌪𑍇॒𑌤𑍇𑌤𑌿॒ 𑌯𑌦𑍇॒𑌤𑍇𑌨𑌾᳚-𑌧𑍍𑌯𑌵𑌸𑌾॒𑌯𑌯॒- [-𑌧𑍍𑌯𑌵𑌸𑌾॒𑌯𑌯॑𑌤𑌿, 𑌅𑌨𑌾॑𑌮𑍃𑌤] 14

-𑌤𑍍𑌯𑌨𑌾॑𑌮𑍃𑌤 𑌏॒𑌵𑌾𑌗𑍍𑌨𑌿-𑌞𑍍𑌚𑌿॑𑌨𑍁𑌤॒ 𑌉𑌦𑍍𑌧॑𑌨𑍍𑌤𑌿॒ 𑌯𑌦𑍇॒𑌵𑌾𑌸𑍍𑌯𑌾॑ 𑌅𑌮𑍇॒𑌦𑍍𑌧𑍍𑌯-𑌨𑍍𑌤𑌦𑌪॑ 𑌹𑌨𑍍𑌤𑍍𑌯॒𑌪𑍋-𑌽𑌵𑍋᳚𑌕𑍍𑌷𑌤𑌿॒ 𑌶𑌾𑌨𑍍𑌤𑍍𑌯𑍈॒ 𑌸𑌿𑌕॑𑌤𑌾॒ 𑌨𑌿 𑌵॑𑌪𑌤𑍍𑌯𑍇॒𑌤𑌦𑍍𑌵𑌾 𑌅॒𑌗𑍍𑌨𑍇𑌰𑍍𑌵𑍈᳚𑌶𑍍𑌵𑌾𑌨॒𑌰𑌸𑍍𑌯॑ 𑌰𑍂॒𑌪𑌗𑍍𑌮𑍍 𑌰𑍂॒𑌪𑍇𑌣𑍈॒𑌵 𑌵𑍈᳚𑌶𑍍𑌵𑌾𑌨॒𑌰𑌮𑌵॑ 𑌰𑍁𑌨𑍍𑌧॒ 𑌊𑌷𑌾॒-𑌨𑍍𑌨𑌿𑌵॑𑌪𑌤𑌿॒ 𑌪𑍁𑌷𑍍𑌟𑌿॒𑌰𑍍𑌵𑌾 𑌏॒𑌷𑌾 𑌪𑍍𑌰॒𑌜𑌨॑𑌨𑌂॒-𑌯𑌁𑌦𑍂𑌷𑌾𑌃॒ 𑌪𑍁𑌷𑍍𑌟𑍍𑌯𑌾॑𑌮𑍇॒𑌵 𑌪𑍍𑌰॒𑌜𑌨॑𑌨𑍇॒-𑌽𑌗𑍍𑌨𑌿-𑌞𑍍𑌚𑌿॑𑌨𑍁॒𑌤𑍇-𑌽𑌥𑍋॑ 𑌸𑌂॒(2)𑌜𑍍𑌞𑌾𑌨𑍍𑌨॑ 𑌏॒𑌵 𑌸𑌂॒(2)𑌜𑍍𑌞𑌾𑌨𑍍𑌨॒𑌗𑍍𑌗𑍍॒ 𑌹𑍍𑌯𑍇॑𑌤- [𑌹𑍍𑌯𑍇॑𑌤𑌤𑍍, 𑌪॒𑌶𑍂॒𑌨𑌾𑌂-𑌯𑌁𑌦𑍂𑌷𑌾॒] 15

-𑌤𑍍𑌪॑𑌶𑍂॒𑌨𑌾𑌂-𑌯𑌁𑌦𑍂𑌷𑌾॒ 𑌦𑍍𑌯𑌾𑌵𑌾॑𑌪𑍃𑌥𑌿॒𑌵𑍀 𑌸॒𑌹𑌾-𑌽𑌽𑌸𑍍𑌤𑌾॒-𑌨𑍍𑌤𑍇 𑌵𑌿॑𑌯॒𑌤𑍀 𑌅॑𑌬𑍍𑌰𑍂𑌤𑌾॒𑌮𑌸𑍍𑌤𑍍𑌵𑍇॒𑌵 𑌨𑍌॑ 𑌸॒𑌹 𑌯॒𑌜𑍍𑌞𑌿𑌯॒𑌮𑌿𑌤𑌿॒ 𑌯𑌦॒𑌮𑍁𑌷𑍍𑌯𑌾॑ 𑌯॒𑌜𑍍𑌞𑌿𑌯॒𑌮𑌾𑌸𑍀॒-𑌤𑍍𑌤𑌦॒𑌸𑍍𑌯𑌾𑌮॑𑌦𑌧𑌾॒-𑌤𑍍𑌤 𑌊𑌷𑌾॑ 𑌅𑌭𑌵॒𑌨𑍍॒ 𑌯𑌦॒𑌸𑍍𑌯𑌾 𑌯॒𑌜𑍍𑌞𑌿𑌯॒𑌮𑌾𑌸𑍀॒-𑌤𑍍𑌤𑌦॒𑌮𑍁𑌷𑍍𑌯𑌾॑𑌮𑌦𑌧𑌾॒-𑌤𑍍𑌤𑌦॒𑌦𑌶𑍍𑌚॒𑌨𑍍𑌦𑍍𑌰𑌮॑𑌸𑌿 𑌕𑍃॒𑌷𑍍𑌣𑌮𑍂𑌷𑌾᳚-𑌨𑍍𑌨𑌿॒𑌵𑌪॑𑌨𑍍𑌨॒𑌦𑍋 𑌧𑍍𑌯𑌾॑𑌯𑍇॒-𑌦𑍍𑌦𑍍𑌯𑌾𑌵𑌾॑𑌪𑍃𑌥𑌿॒𑌵𑍍𑌯𑍋𑌰𑍇॒𑌵 𑌯॒𑌜𑍍𑌞𑌿𑌯𑍇॒-𑌽𑌗𑍍𑌨𑌿-𑌞𑍍𑌚𑌿॑𑌨𑍁𑌤𑍇॒ 𑌽𑌯𑌗𑍍𑌮𑍍 𑌸𑍋 𑌅॒𑌗𑍍𑌨𑌿𑌰𑌿𑌤𑌿॑ 𑌵𑌿॒𑌶𑍍𑌵𑌾𑌮𑌿॑𑌤𑍍𑌰𑌸𑍍𑌯 [ ] 16

𑌸𑍂॒𑌕𑍍𑌤-𑌮𑍍𑌭॑𑌵𑌤𑍍𑌯𑍇॒𑌤𑍇𑌨॒ 𑌵𑍈 𑌵𑌿॒𑌶𑍍𑌵𑌾𑌮𑌿॑𑌤𑍍𑌰𑍋॒-𑌽𑌗𑍍𑌨𑍇𑌃 𑌪𑍍𑌰𑌿॒𑌯-𑌨𑍍𑌧𑌾𑌮𑌾 𑌽𑌵𑌾॑𑌰𑍁𑌨𑍍𑌧𑌾॒𑌗𑍍𑌨𑍇𑌰𑍇॒𑌵𑍈𑌤𑍇𑌨॑ 𑌪𑍍𑌰𑌿॒𑌯-𑌨𑍍𑌧𑌾𑌮𑌾𑌵॑ 𑌰𑍁𑌨𑍍𑌧𑍇॒ 𑌛𑌨𑍍𑌦𑍋॑𑌭𑌿॒𑌰𑍍𑌵𑍈 𑌦𑍇॒𑌵𑌾-𑌸𑍍𑌸𑍁॑𑌵॒𑌰𑍍𑌗𑌂-𑌲𑍋𑌁॒𑌕𑌮𑌾॑𑌯॒𑌨𑍍 𑌚𑌤॑𑌸𑍍𑌰𑌃॒ 𑌪𑍍𑌰𑌾𑌚𑍀॒𑌰𑍁𑌪॑ 𑌦𑌧𑌾𑌤𑌿 𑌚॒𑌤𑍍𑌵𑌾𑌰𑌿॒ 𑌛𑌨𑍍𑌦𑌾𑌗𑍍𑌮𑍍॑𑌸𑌿॒ 𑌛𑌨𑍍𑌦𑍋॑𑌭𑌿𑌰𑍇॒𑌵 𑌤-𑌦𑍍𑌯𑌜॑𑌮𑌾𑌨-𑌸𑍍𑌸𑍁𑌵॒𑌰𑍍𑌗𑌂-𑌲𑍋𑌁॒𑌕𑌮𑍇॑𑌤𑌿॒ 𑌤𑍇𑌷𑌾𑌗𑍍𑌮𑍍॑ 𑌸𑍁𑌵॒𑌰𑍍𑌗𑌂-𑌲𑍋𑌁॒𑌕𑌂-𑌯𑌁॒𑌤𑌾-𑌨𑍍𑌦𑌿𑌶॒-𑌸𑍍𑌸𑌮॑𑌵𑍍𑌲𑍀𑌯𑌨𑍍𑌤॒ 𑌤𑍇 𑌦𑍍𑌵𑍇 𑌪𑍁॒𑌰𑌸𑍍𑌤𑌾᳚-𑌥𑍍𑌸॒𑌮𑍀𑌚𑍀॒ 𑌉𑌪𑌾॑𑌦𑌧𑌤॒ 𑌦𑍍𑌵𑍇 [ ] 1𑍭

𑌪॒𑌶𑍍𑌚𑌾-𑌥𑍍𑌸॒𑌮𑍀𑌚𑍀॒ 𑌤𑌾𑌭𑌿॒𑌰𑍍𑌵𑍈 𑌤𑍇𑌦𑌿𑌶𑍋॑-𑌽𑌦𑍃𑌗𑍍𑌮𑍍𑌹॒𑌨𑍍॒ 𑌯𑌦𑍍𑌦𑍍𑌵𑍇 𑌪𑍁॒𑌰𑌸𑍍𑌤𑌾᳚-𑌥𑍍𑌸॒𑌮𑍀𑌚𑍀॑ 𑌉𑌪॒𑌦𑌧𑌾॑𑌤𑌿॒ 𑌦𑍍𑌵𑍇 𑌪॒𑌶𑍍𑌚𑌾-𑌥𑍍𑌸॒𑌮𑍀𑌚𑍀॑ 𑌦𑌿॒𑌶𑌾𑌂-𑌵𑌿𑌁𑌧𑍃॑𑌤𑍍𑌯𑌾॒ 𑌅𑌥𑍋॑ 𑌪॒𑌶𑌵𑍋॒ 𑌵𑍈 𑌛𑌨𑍍𑌦𑌾𑌗𑍍𑌮𑍍॑𑌸𑌿 𑌪॒𑌶𑍂𑌨𑍇॒𑌵𑌾𑌸𑍍𑌮𑍈॑ 𑌸॒𑌮𑍀𑌚𑍋॑ 𑌦𑌧𑌾𑌤𑍍𑌯॒𑌷𑍍𑌟𑌾𑌵𑍁𑌪॑ 𑌦𑌧𑌾𑌤𑍍𑌯॒𑌷𑍍𑌟𑌾𑌕𑍍𑌷॑𑌰𑌾 𑌗𑌾𑌯॒𑌤𑍍𑌰𑍀 𑌗𑌾॑𑌯॒𑌤𑍍𑌰𑍋᳚-𑌽𑌗𑍍𑌨𑌿-𑌰𑍍𑌯𑌾𑌵𑌾॑𑌨𑍇॒𑌵𑌾𑌗𑍍𑌨𑌿𑌸𑍍𑌤-𑌞𑍍𑌚𑌿॑𑌨𑍁𑌤𑍇॒-𑌽𑌷𑍍𑌟𑌾𑌵𑍁𑌪॑ 𑌦𑌧𑌾𑌤𑍍𑌯॒𑌷𑍍𑌟𑌾𑌕𑍍𑌷॑𑌰𑌾 𑌗𑌾𑌯॒𑌤𑍍𑌰𑍀 𑌗𑌾॑𑌯॒𑌤𑍍𑌰𑍀 𑌸𑍁॑𑌵॒𑌰𑍍𑌗𑌂-𑌲𑍋𑌁॒𑌕𑌮𑌞𑍍𑌜॑𑌸𑌾 𑌵𑍇𑌦 𑌸𑍁𑌵॒𑌰𑍍𑌗𑌸𑍍𑌯॑ 𑌲𑍋॒𑌕𑌸𑍍𑌯॒ [𑌲𑍋॒𑌕𑌸𑍍𑌯॑, 𑌪𑍍𑌰𑌜𑍍𑌞𑌾᳚𑌤𑍍𑌯𑍈॒] 1𑍮

𑌪𑍍𑌰𑌜𑍍𑌞𑌾᳚𑌤𑍍𑌯𑍈॒ 𑌤𑍍𑌰𑌯𑍋॑𑌦𑌶 𑌲𑍋𑌕𑌮𑍍𑌪𑍃॒𑌣𑌾 𑌉𑌪॑ 𑌦𑌧𑌾॒𑌤𑍍𑌯𑍇𑌕॑𑌵𑌿𑌗𑍍𑌮𑍍𑌶𑌤𑌿॒-𑌸𑍍𑌸𑌮𑍍𑌪॑𑌦𑍍𑌯𑌨𑍍𑌤𑍇 𑌪𑍍𑌰𑌤𑌿॒𑌷𑍍𑌠𑌾 𑌵𑌾 𑌏॑𑌕𑌵𑌿॒𑌗𑍍𑌮𑍍॒𑌶𑌃 𑌪𑍍𑌰॑𑌤𑌿॒𑌷𑍍𑌠𑌾 𑌗𑌾𑌰𑍍𑌹॑𑌪𑌤𑍍𑌯 𑌏𑌕𑌵𑌿॒𑌗𑍍𑌮𑍍॒𑌶𑌸𑍍𑌯𑍈॒𑌵 𑌪𑍍𑌰॑𑌤𑌿॒𑌷𑍍𑌠𑌾-𑌙𑍍𑌗𑌾𑌰𑍍𑌹॑𑌪𑌤𑍍𑌯॒𑌮𑌨𑍁॒ 𑌪𑍍𑌰𑌤𑌿॑ 𑌤𑌿𑌷𑍍𑌠𑌤𑌿॒ 𑌪𑍍𑌰𑌤𑍍𑌯॒𑌗𑍍𑌨𑌿-𑌞𑍍𑌚𑌿॑𑌕𑍍𑌯𑌾॒𑌨𑌸𑍍𑌤𑌿॑𑌷𑍍𑌠𑌤𑌿॒ 𑌯 𑌏॒𑌵𑌂-𑌵𑍇𑌁𑌦॒ 𑌪𑌞𑍍𑌚॑𑌚𑌿𑌤𑍀𑌕-𑌞𑍍𑌚𑌿𑌨𑍍𑌵𑍀𑌤 𑌪𑍍𑌰𑌥॒𑌮-𑌞𑍍𑌚𑌿॑𑌨𑍍𑌵𑌾॒𑌨𑌃 𑌪𑌾𑌙𑍍𑌕𑍍𑌤𑍋॑ 𑌯॒𑌜𑍍𑌞𑌃 𑌪𑌾𑌙𑍍𑌕𑍍𑌤𑌾𑌃᳚ 𑌪॒𑌶𑌵𑍋॑ 𑌯॒𑌜𑍍𑌞𑌮𑍇॒𑌵 𑌪॒𑌶𑍂𑌨𑌵॑ 𑌰𑍁𑌨𑍍𑌧𑍇॒ 𑌤𑍍𑌰𑌿𑌚𑌿॑𑌤𑍀𑌕-𑌞𑍍𑌚𑌿𑌨𑍍𑌵𑍀𑌤 𑌦𑍍𑌵𑌿॒𑌤𑍀𑌯॑-𑌞𑍍𑌚𑌿𑌨𑍍𑌵𑌾॒𑌨𑌸𑍍𑌤𑍍𑌰𑌯॑ 𑌇॒𑌮𑍇 𑌲𑍋॒𑌕𑌾 𑌏॒𑌷𑍍𑌵𑍇॑𑌵 𑌲𑍋॒𑌕𑍇𑌷𑍁॒ [𑌲𑍋॒𑌕𑍇𑌷𑍁॑, 𑌪𑍍𑌰𑌤𑌿॑𑌤𑌿𑌷𑍍𑌠॒-] 1𑍯

𑌪𑍍𑌰𑌤𑌿॑𑌤𑌿𑌷𑍍𑌠॒-𑌤𑍍𑌯𑍇𑌕॑𑌚𑌿𑌤𑍀𑌕-𑌞𑍍𑌚𑌿𑌨𑍍𑌵𑍀𑌤 𑌤𑍃॒𑌤𑍀𑌯॑-𑌞𑍍𑌚𑌿𑌨𑍍𑌵𑌾॒𑌨 𑌏॑𑌕॒𑌧𑌾 𑌵𑍈 𑌸𑍁॑𑌵॒𑌰𑍍𑌗𑍋 𑌲𑍋॒𑌕 𑌏॑𑌕॒𑌵𑍃𑌤𑍈॒𑌵 𑌸𑍁॑𑌵॒𑌰𑍍𑌗𑌂-𑌲𑍋𑌁॒𑌕𑌮𑍇॑𑌤𑌿॒ 𑌪𑍁𑌰𑍀॑𑌷𑍇𑌣𑌾॒𑌭𑍍𑌯𑍂॑𑌹𑌤𑌿॒ 𑌤𑌸𑍍𑌮𑌾᳚𑌨𑍍𑌮𑌾॒𑌗𑍍𑌮𑍍॒ 𑌸𑍇𑌨𑌾𑌸𑍍𑌥𑌿॑ 𑌛॒𑌨𑍍𑌨-𑌨𑍍𑌨 𑌦𑍁॒𑌶𑍍𑌚𑌰𑍍𑌮𑌾॑ 𑌭𑌵𑌤𑌿॒ 𑌯 𑌏॒𑌵𑌂-𑌵𑍇𑌁𑌦॒ 𑌪𑌞𑍍𑌚॒ 𑌚𑌿𑌤॑𑌯𑍋 𑌭𑌵𑌨𑍍𑌤𑌿 𑌪॒𑌞𑍍𑌚𑌭𑌿𑌃॒ 𑌪𑍁𑌰𑍀॑𑌷𑍈𑌰॒𑌭𑍍𑌯𑍂॑𑌹𑌤𑌿॒ 𑌦𑌶॒ 𑌸𑌮𑍍𑌪॑𑌦𑍍𑌯𑌨𑍍𑌤𑍇॒ 𑌦𑌶𑌾᳚𑌕𑍍𑌷𑌰𑌾 𑌵𑌿॒𑌰𑌾𑌡𑌨𑍍𑌨𑌂॑-𑌵𑌿𑌁॒𑌰𑌾-𑌡𑍍𑌵𑌿॒𑌰𑌾𑌜𑍍𑌯𑍇॒𑌵𑌾-𑌽𑌨𑍍𑌨𑌾𑌦𑍍𑌯𑍇॒ 𑌪𑍍𑌰𑌤𑌿॑𑌤𑌿𑌷𑍍𑌠𑌤𑌿 ॥ 20 ॥
(𑌅॒𑌧𑍍𑌯॒𑌵॒𑌸𑌾॒𑌯𑌯॑𑌤𑌿॒ – 𑌹𑍍𑌯𑍇॑𑌤 – 𑌦𑍍𑌵𑌿॒𑌶𑍍𑌵𑌾𑌮𑌿॑𑌤𑍍𑌰𑌸𑍍𑌯𑌾 – 𑌦𑌧𑌤॒ 𑌦𑍍𑌵𑍇 – 𑌲𑍋॒𑌕𑌸𑍍𑌯॑ – 𑌲𑍋॒𑌕𑍇𑌷𑍁॑ -𑌸॒𑌪𑍍𑌤𑌚॑𑌤𑍍𑌵𑌾𑌰𑌿𑌗𑍍𑌮𑍍𑌶𑌚𑍍𑌚) (𑌅. 3)

𑌵𑌿 𑌵𑌾 𑌏॒𑌤𑍌 𑌦𑍍𑌵𑌿॑𑌷𑌾𑌤𑍇॒ 𑌯𑌶𑍍𑌚॑ 𑌪𑍁॒𑌰𑌾-𑌽𑌗𑍍𑌨𑌿𑌰𑍍𑌯𑌶𑍍𑌚𑍋॒𑌖𑌾𑌯𑌾॒𑌗𑍍𑌮𑍍॒ 𑌸𑌮𑌿॑𑌤॒𑌮𑌿𑌤𑌿॑ 𑌚𑌤॒𑌸𑍃𑌭𑌿॒-𑌸𑍍𑌸-𑌨𑍍𑌨𑌿𑌵॑𑌪𑌤𑌿 𑌚॒𑌤𑍍𑌵𑌾𑌰𑌿॒ 𑌛𑌨𑍍𑌦𑌾𑌗𑍍𑌮𑍍॑𑌸𑌿॒ 𑌛𑌨𑍍𑌦𑌾𑌗𑍍𑌮𑍍॑𑌸𑌿॒ 𑌖𑌲𑍁॒ 𑌵𑌾 𑌅॒𑌗𑍍𑌨𑍇𑌃 𑌪𑍍𑌰𑌿॒𑌯𑌾 𑌤॒𑌨𑍂𑌃 𑌪𑍍𑌰𑌿॒𑌯𑌯𑍈॒𑌵𑍈𑌨𑍌॑ 𑌤॒𑌨𑍁𑌵𑌾॒ 𑌸𑌗𑍍𑌮𑍍 𑌶𑌾᳚𑌸𑍍𑌤𑌿॒ 𑌸𑌮𑌿॑𑌤॒𑌮𑌿𑌤𑍍𑌯𑌾॑𑌹॒ 𑌤𑌸𑍍𑌮𑌾॒𑌦𑍍𑌬𑍍𑌰𑌹𑍍𑌮॑𑌣𑌾 𑌕𑍍𑌷॒𑌤𑍍𑌰𑌗𑍍𑌮𑍍 𑌸𑌮𑍇॑𑌤𑌿॒ 𑌯𑌥𑍍𑌸॒-𑌨𑍍𑌨𑍍𑌯𑍁𑌪𑍍𑌯॑ 𑌵𑌿॒𑌹𑌰॑𑌤𑌿॒ 𑌤𑌸𑍍𑌮𑌾॒-𑌦𑍍𑌬𑍍𑌰𑌹𑍍𑌮॑𑌣𑌾 𑌕𑍍𑌷॒𑌤𑍍𑌰𑌂-𑌵𑍍𑌯𑍇𑌁᳚𑌤𑍍𑌯𑍃॒𑌤𑍁𑌭𑌿॒- [𑌕𑍍𑌷॒𑌤𑍍𑌰𑌂-𑌵𑍍𑌯𑍇𑌁᳚𑌤𑍍𑌯𑍃॒𑌤𑍁𑌭𑌿𑌃॑, 𑌵𑌾 𑌏॒𑌤-𑌨𑍍𑌦𑍀᳚𑌕𑍍𑌷𑌯𑌨𑍍𑌤𑌿॒] 21

-𑌰𑍍𑌵𑌾 𑌏॒𑌤-𑌨𑍍𑌦𑍀᳚𑌕𑍍𑌷𑌯𑌨𑍍𑌤𑌿॒ 𑌸 𑌋॒𑌤𑍁𑌭𑌿॑𑌰𑍇॒𑌵 𑌵𑌿॒𑌮𑍁𑌚𑍍𑌯𑍋॑ 𑌮𑌾॒𑌤𑍇𑌵॑ 𑌪𑍁॒𑌤𑍍𑌰-𑌮𑍍𑌪𑍃॑𑌥𑌿॒𑌵𑍀 𑌪𑍁॑𑌰𑍀॒𑌷𑍍𑌯॑𑌮𑌿𑌤𑍍𑌯𑌾॑𑌹॒-𑌰𑍍𑌤𑍁𑌭𑌿॑𑌰𑍇॒𑌵𑍈𑌨॑-𑌨𑍍𑌦𑍀𑌕𑍍𑌷𑌯𑌿॒𑌤𑍍𑌵𑌰𑍍𑌤𑍁𑌭𑌿॒𑌰𑍍𑌵𑌿 𑌮𑍁॑𑌞𑍍𑌚𑌤𑌿 𑌵𑍈𑌶𑍍𑌵𑌾𑌨॒𑌰𑍍𑌯𑌾 𑌶𑌿॒𑌕𑍍𑌯॑𑌮𑌾 𑌦॑𑌤𑍍𑌤𑍇 𑌸𑍍𑌵॒𑌦𑌯॑𑌤𑍍𑌯𑍇॒𑌵𑍈𑌨॑-𑌨𑍍𑌨𑍈𑌰𑍍-𑌋॒𑌤𑍀𑌃 𑌕𑍃॒𑌷𑍍𑌣𑌾-𑌸𑍍𑌤𑌿॒𑌸𑍍𑌰-𑌸𑍍𑌤𑍁𑌷॑𑌪𑌕𑍍𑌵𑌾 𑌭𑌵𑌨𑍍𑌤𑌿॒ 𑌨𑌿𑌰𑍍-𑌋॑𑌤𑍍𑌯𑍈॒ 𑌵𑌾 𑌏॒𑌤-𑌦𑍍𑌭𑌾॑𑌗॒𑌧𑍇𑌯𑌂॒-𑌯𑌁-𑌤𑍍𑌤𑍁𑌷𑌾॒ 𑌨𑌿𑌰𑍍-𑌋॑𑌤𑍍𑌯𑍈 𑌰𑍂॒𑌪-𑌙𑍍𑌕𑍃॒𑌷𑍍𑌣𑌗𑍍𑌮𑍍 𑌰𑍂॒𑌪𑍇𑌣𑍈॒𑌵 𑌨𑌿𑌰𑍍-𑌋॑𑌤𑌿-𑌨𑍍𑌨𑌿॒𑌰𑌵॑𑌦𑌯𑌤 𑌇॒𑌮𑌾-𑌨𑍍𑌦𑌿𑌶𑌂॑-𑌯𑌁𑌨𑍍𑌤𑍍𑌯𑍇॒𑌷𑌾 [ ] 22

𑌵𑍈 𑌨𑌿𑌰𑍍-𑌋॑𑌤𑍍𑌯𑍈॒ 𑌦𑌿𑌕𑍍 𑌸𑍍𑌵𑌾𑌯𑌾॑𑌮𑍇॒𑌵 𑌦𑌿॒𑌶𑌿 𑌨𑌿𑌰𑍍-𑌋॑𑌤𑌿-𑌨𑍍𑌨𑌿॒𑌰𑌵॑𑌦𑌯𑌤𑍇॒ 𑌸𑍍𑌵𑌕𑍃॑𑌤॒ 𑌇𑌰𑌿॑𑌣॒ 𑌉𑌪॑ 𑌦𑌧𑌾𑌤𑌿 𑌪𑍍𑌰𑌦॒𑌰𑍇 𑌵𑍈॒𑌤𑌦𑍍𑌵𑍈 𑌨𑌿𑌰𑍍-𑌋॑𑌤𑍍𑌯𑌾 𑌆॒𑌯𑌤॑𑌨॒𑌗𑍍𑌗𑍍॒ 𑌸𑍍𑌵 𑌏॒𑌵𑌾-𑌽𑌽𑌯𑌤॑𑌨𑍇॒ 𑌨𑌿𑌰𑍍-𑌋॑𑌤𑌿-𑌨𑍍𑌨𑌿॒𑌰𑌵॑𑌦𑌯𑌤𑍇 𑌶𑌿॒𑌕𑍍𑌯॑𑌮॒𑌭𑍍𑌯𑍁𑌪॑ 𑌦𑌧𑌾𑌤𑌿 𑌨𑍈𑌰𑍍-𑌋॒𑌤𑍋 𑌵𑍈 𑌪𑌾𑌶॑-𑌸𑍍𑌸𑌾॒𑌕𑍍𑌷𑌾𑌦𑍇॒𑌵𑍈𑌨॑-𑌨𑍍𑌨𑌿𑌰𑍍-𑌋𑌤𑌿𑌪𑌾॒𑌶𑌾-𑌨𑍍𑌮𑍁॑𑌞𑍍𑌚𑌤𑌿 𑌤𑌿॒𑌸𑍍𑌰 𑌉𑌪॑ 𑌦𑌧𑌾𑌤𑌿 𑌤𑍍𑌰𑍇𑌧𑌾𑌵𑌿𑌹𑌿॒𑌤𑍋 𑌵𑍈 𑌪𑍁𑌰𑍁॑𑌷𑍋॒ 𑌯𑌾𑌵𑌾॑𑌨𑍇॒𑌵 𑌪𑍁𑌰𑍁॑𑌷॒𑌸𑍍𑌤𑌸𑍍𑌮𑌾॒-𑌨𑍍𑌨𑌿𑌰𑍍-𑌋॑𑌤𑌿॒𑌮𑌵॑ 𑌯𑌜𑌤𑍇॒ 𑌪𑌰𑌾॑𑌚𑍀॒𑌰𑍁𑌪॑ [𑌪𑌰𑌾॑𑌚𑍀॒𑌰𑍁𑌪॑, 𑌦॒𑌧𑌾॒𑌤𑌿॒ 𑌪𑌰𑌾॑𑌚𑍀-] 23

𑌦𑌧𑌾𑌤𑌿॒ 𑌪𑌰𑌾॑𑌚𑍀-𑌮𑍇॒𑌵𑌾𑌸𑍍𑌮𑌾॒-𑌨𑍍𑌨𑌿𑌰𑍍-𑌋॑𑌤𑌿॒-𑌮𑍍𑌪𑍍𑌰𑌣𑍁॑𑌦॒𑌤𑍇 𑌽𑌪𑍍𑌰॑𑌤𑍀𑌕𑍍𑌷॒𑌮𑌾 𑌯॑𑌨𑍍𑌤𑌿॒ 𑌨𑌿𑌰𑍍-𑌋॑𑌤𑍍𑌯𑌾 𑌅॒𑌨𑍍𑌤𑌰𑍍𑌹𑌿॑𑌤𑍍𑌯𑍈 𑌮𑌾𑌰𑍍𑌜𑌯𑌿॒𑌤𑍍𑌵𑍋𑌪॑ 𑌤𑌿𑌷𑍍𑌠𑌨𑍍𑌤𑍇 𑌮𑍇𑌦𑍍𑌧𑍍𑌯॒𑌤𑍍𑌵𑌾𑌯॒ 𑌗𑌾𑌰𑍍𑌹॑𑌪𑌤𑍍𑌯॒𑌮𑍁𑌪॑ 𑌤𑌿𑌷𑍍𑌠𑌨𑍍𑌤𑍇 𑌨𑌿𑌰𑍍-𑌋𑌤𑌿 𑌲𑍋॒𑌕 𑌏॒𑌵 𑌚॑𑌰𑌿॒𑌤𑍍𑌵𑌾 𑌪𑍂॒𑌤𑌾 𑌦𑍇॑𑌵𑌲𑍋॒𑌕𑌮𑍁॒𑌪𑌾𑌵॑𑌰𑍍𑌤𑌨𑍍𑌤॒ 𑌏𑌕॒𑌯𑍋𑌪॑ 𑌤𑌿𑌷𑍍𑌠𑌨𑍍𑌤 𑌏𑌕॒𑌧𑍈𑌵 𑌯𑌜॑𑌮𑌾𑌨𑍇 𑌵𑍀॒𑌰𑍍𑌯॑-𑌨𑍍𑌦𑌧𑌤𑌿 𑌨𑌿॒𑌵𑍇𑌶॑𑌨-𑌸𑍍𑌸॒𑌙𑍍𑌗𑌮॑𑌨𑍋॒ 𑌵𑌸𑍂॑𑌨𑌾॒𑌮𑌿𑌤𑍍𑌯𑌾॑𑌹 𑌪𑍍𑌰॒𑌜𑌾 𑌵𑍈 𑌪॒𑌶𑌵𑍋॒ 𑌵𑌸𑍁॑ 𑌪𑍍𑌰॒𑌜𑌯𑍈॒𑌵𑍈𑌨॑-𑌮𑍍𑌪॒𑌶𑍁𑌭𑌿॒-𑌸𑍍𑌸𑌮॑𑌰𑍍𑌧𑌯𑌨𑍍𑌤𑌿 ॥ 24 ॥
(𑌋॒𑌤𑍁𑌭𑌿॑ – 𑌰𑍇॒𑌷𑌾- 𑌪𑌰𑌾॑𑌚𑍀॒𑌰𑍁𑌪𑌾॒ – 𑌷𑍍𑌟𑌾𑌚॑𑌤𑍍𑌵𑌾𑌰𑌿𑌗𑍍𑌮𑍍𑌶𑌚𑍍𑌚) (𑌅. 4)

𑌪𑍁॒𑌰𑍁॒𑌷॒𑌮𑌾॒𑌤𑍍𑌰𑍇𑌣॒ 𑌵𑌿 𑌮𑌿॑𑌮𑍀𑌤𑍇 𑌯॒𑌜𑍍𑌞𑍇𑌨॒ 𑌵𑍈 𑌪𑍁𑌰𑍁॑𑌷॒-𑌸𑍍𑌸𑌮𑍍𑌮𑌿॑𑌤𑍋 𑌯𑌜𑍍𑌞𑌪॒𑌰𑍁𑌷𑍈॒𑌵𑍈𑌨𑌂॒-𑌵𑌿𑌁𑌮𑌿॑𑌮𑍀𑌤𑍇॒ 𑌯𑌾𑌵𑌾॒-𑌨𑍍𑌪𑍁𑌰𑍁॑𑌷 𑌊॒𑌰𑍍𑌧𑍍𑌵𑌬𑌾॑𑌹𑍁॒𑌸𑍍𑌤𑌾𑌵𑌾᳚-𑌨𑍍𑌭𑌵𑌤𑍍𑌯𑍇॒𑌤𑌾𑌵॒𑌦𑍍𑌵𑍈 𑌪𑍁𑌰𑍁॑𑌷𑍇 𑌵𑍀॒𑌰𑍍𑌯𑌂॑-𑌵𑍀𑌁॒𑌰𑍍𑌯𑍇॑𑌣𑍈॒𑌵𑍈𑌨𑌂॒-𑌵𑌿𑌁 𑌮𑌿॑𑌮𑍀𑌤𑍇 𑌪॒𑌕𑍍𑌷𑍀 𑌭॑𑌵𑌤𑌿॒ 𑌨 𑌹𑍍𑌯॑𑌪॒𑌕𑍍𑌷𑌃 𑌪𑌤𑌿॑𑌤𑍁॒-𑌮𑌰𑍍𑌹॑𑌤𑍍𑌯𑌰॒𑌤𑍍𑌨𑌿𑌨𑌾॑ 𑌪॒𑌕𑍍𑌷𑍌 𑌦𑍍𑌰𑌾𑌘𑍀॑𑌯𑌾𑌗𑍍𑌮𑍍𑌸𑍌 𑌭𑌵𑌤॒𑌸𑍍𑌤𑌸𑍍𑌮𑌾᳚-𑌤𑍍𑌪॒𑌕𑍍𑌷𑌪𑍍𑌰॑𑌵𑌯𑌾𑌗𑍍𑌮𑍍𑌸𑌿॒ 𑌵𑌯𑌾𑌗𑍍𑌮𑍍॑𑌸𑌿 𑌵𑍍𑌯𑌾𑌮𑌮𑌾॒𑌤𑍍𑌰𑍌 𑌪॒𑌕𑍍𑌷𑍌 𑌚॒ 𑌪𑍁𑌚𑍍𑌛॑-𑌞𑍍𑌚 𑌭𑌵𑌤𑍍𑌯𑍇॒𑌤𑌾𑌵॒𑌦𑍍𑌵𑍈 𑌪𑍁𑌰𑍁॑𑌷𑍇 𑌵𑍀॒𑌰𑍍𑌯𑌂॑- [𑌵𑍀॒𑌰𑍍𑌯᳚𑌮𑍍, 𑌵𑍀॒𑌰𑍍𑌯॑𑌸𑌮𑍍𑌮𑌿𑌤𑍋॒] 25

-𑌁𑌵𑍀॒𑌰𑍍𑌯॑𑌸𑌮𑍍𑌮𑌿𑌤𑍋॒ 𑌵𑍇𑌣𑍁॑𑌨𑌾॒ 𑌵𑌿 𑌮𑌿॑𑌮𑍀𑌤 𑌆𑌗𑍍𑌨𑍇॒𑌯𑍋 𑌵𑍈 𑌵𑍇𑌣𑍁॑-𑌸𑍍𑌸𑌯𑍋𑌨𑌿॒𑌤𑍍𑌵𑌾𑌯॒ 𑌯𑌜𑍁॑𑌷𑌾 𑌯𑍁𑌨𑌕𑍍𑌤𑌿॒ 𑌯𑌜𑍁॑𑌷𑌾 𑌕𑍃𑌷𑌤𑌿॒ 𑌵𑍍𑌯𑌾𑌵𑍃॑𑌤𑍍𑌤𑍍𑌯𑍈 𑌷𑌡𑍍𑌗॒𑌵𑍇𑌨॑ 𑌕𑍃𑌷𑌤𑌿॒ 𑌷-𑌡𑍍𑌵𑌾 𑌋॒𑌤𑌵॑ 𑌋॒𑌤𑍁𑌭𑌿॑𑌰𑍇॒𑌵𑍈𑌨॑-𑌙𑍍𑌕𑍃𑌷𑌤𑌿॒ 𑌯-𑌦𑍍𑌦𑍍𑌵𑌾॑𑌦𑌶𑌗॒𑌵𑍇𑌨॑ 𑌸𑌂𑌵𑌁𑌥𑍍𑌸॒𑌰𑍇𑌣𑍈॒𑌵𑍇 𑌯𑌂-𑌵𑌾𑌁 𑌅॒𑌗𑍍𑌨𑍇-𑌰॑𑌤𑌿𑌦𑌾॒𑌹𑌾𑌦॑𑌬𑌿𑌭𑍇॒-𑌥𑍍𑌸𑍈𑌤-𑌦𑍍𑌦𑍍𑌵𑌿॑𑌗𑍁॒𑌣𑌮॑𑌪𑌶𑍍𑌯-𑌤𑍍𑌕𑍃॒𑌷𑍍𑌟-𑌞𑍍𑌚𑌾𑌕𑍃॑𑌷𑍍𑌟-𑌞𑍍𑌚॒ 𑌤𑌤𑍋॒ 𑌵𑌾 𑌇॒𑌮𑌾-𑌨𑍍𑌨𑌾-𑌽𑌤𑍍𑌯॑𑌦𑌹॒𑌦𑍍𑌯-𑌤𑍍𑌕𑍃॒𑌷𑍍𑌟-𑌞𑍍𑌚𑌾𑌕𑍃॑𑌷𑍍𑌟-𑌞𑍍𑌚॒ [𑌇॒𑌮𑌾-𑌨𑍍𑌨𑌾-𑌽𑌤𑍍𑌯॑𑌦𑌹॒𑌦𑍍𑌯-𑌤𑍍𑌕𑍃॒𑌷𑍍𑌟-𑌞𑍍𑌚𑌾𑌕𑍃॑𑌷𑍍𑌟-𑌞𑍍𑌚, 𑌭𑌵॑𑌤𑍍𑌯॒𑌸𑍍𑌯𑌾 𑌅𑌨॑𑌤𑌿𑌦𑌾𑌹𑌾𑌯] 26

𑌭𑌵॑𑌤𑍍𑌯॒𑌸𑍍𑌯𑌾 𑌅𑌨॑𑌤𑌿𑌦𑌾𑌹𑌾𑌯 𑌦𑍍𑌵𑌿𑌗𑍁॒𑌣-𑌨𑍍𑌤𑍍𑌵𑌾 𑌅॒𑌗𑍍𑌨𑌿-𑌮𑍁𑌦𑍍𑌯॑𑌨𑍍𑌤𑍁-𑌮𑌰𑍍𑌹॒𑌤𑍀𑌤𑍍𑌯𑌾॑𑌹𑍁॒𑌰𑍍𑌯-𑌤𑍍𑌕𑍃॒𑌷𑍍𑌟-𑌞𑍍𑌚𑌾𑌕𑍃॑𑌷𑍍𑌟-𑌞𑍍𑌚॒ 𑌭𑌵॑𑌤𑍍𑌯॒𑌗𑍍𑌨𑍇𑌰𑍁𑌦𑍍𑌯॑𑌤𑍍𑌯𑌾 𑌏॒𑌤𑌾𑌵॑𑌨𑍍𑌤𑍋॒ 𑌵𑍈 𑌪॒𑌶𑌵𑍋᳚ 𑌦𑍍𑌵𑌿॒𑌪𑌾𑌦॑𑌶𑍍𑌚॒ 𑌚𑌤𑍁॑𑌷𑍍𑌪𑌾𑌦𑌶𑍍𑌚॒ 𑌤𑌾𑌨𑍍. 𑌯-𑌤𑍍𑌪𑍍𑌰𑌾𑌚॑ 𑌉𑌥𑍍𑌸𑍃॒𑌜𑍇-𑌦𑍍𑌰𑍁॒𑌦𑍍𑌰𑌾𑌯𑌾𑌪𑌿॑ 𑌦𑌦𑍍𑌧𑍍𑌯𑌾॒-𑌦𑍍𑌯-𑌦𑍍𑌦॑𑌕𑍍𑌷𑌿॒𑌣𑌾 𑌪𑌿॒𑌤𑍃𑌭𑍍𑌯𑍋॒ 𑌨𑌿𑌧𑍁॑𑌵𑍇॒𑌦𑍍𑌯-𑌤𑍍𑌪𑍍𑌰॒𑌤𑍀𑌚𑍋॒ 𑌰𑌕𑍍𑌷𑌾𑌗𑍍𑌮𑍍॑𑌸𑌿 𑌹𑌨𑍍𑌯𑍁॒𑌰𑍁𑌦𑍀॑𑌚॒ 𑌉𑌥𑍍𑌸𑍃॑𑌜𑌤𑍍𑌯𑍇॒𑌷𑌾 𑌵𑍈 𑌦𑍇॑𑌵𑌮𑌨𑍁॒𑌷𑍍𑌯𑌾𑌣𑌾𑌗𑍍𑌮𑍍॑ 𑌶𑌾॒𑌨𑍍𑌤𑌾 𑌦𑌿- [𑌶𑌾॒𑌨𑍍𑌤𑌾 𑌦𑌿𑌕𑍍, 𑌤𑌾𑌮𑍇॒𑌵𑍈𑌨𑌾॒-] 2𑍭

-𑌕𑍍𑌤𑌾𑌮𑍇॒𑌵𑍈𑌨𑌾॒-𑌨𑌨𑍂-𑌥𑍍𑌸𑍃॑𑌜॒𑌤𑍍𑌯𑌥𑍋॒ 𑌖𑌲𑍍𑌵𑌿॒𑌮𑌾-𑌨𑍍𑌦𑌿𑌶॒𑌮𑍁-𑌥𑍍𑌸𑍃॑𑌜𑌤𑍍𑌯॒𑌸𑍌 𑌵𑌾 𑌆॑𑌦𑌿॒𑌤𑍍𑌯𑌃 𑌪𑍍𑌰𑌾॒𑌣𑌃 𑌪𑍍𑌰𑌾॒𑌣𑌮𑍇॒𑌵𑍈𑌨𑌾॒-𑌨𑌨𑍂𑌥𑍍𑌸𑍃॑𑌜𑌤𑌿 𑌦𑌕𑍍𑌷𑌿॒𑌣𑌾 𑌪॒𑌰𑍍𑌯𑌾𑌵॑𑌰𑍍𑌤𑌨𑍍𑌤𑍇॒ 𑌸𑍍𑌵𑌮𑍇॒𑌵 𑌵𑍀॒𑌰𑍍𑌯॑𑌮𑌨𑍁॑ 𑌪॒𑌰𑍍𑌯𑌾𑌵॑𑌰𑍍𑌤𑌨𑍍𑌤𑍇॒ 𑌤𑌸𑍍𑌮𑌾॒-𑌦𑍍𑌦𑌕𑍍𑌷𑌿॒𑌣𑍋-𑌽𑌰𑍍𑌧॑ 𑌆॒𑌤𑍍𑌮𑌨𑍋॑ 𑌵𑍀॒𑌰𑍍𑌯𑌾॑𑌵𑌤𑍍𑌤॒𑌰𑍋-𑌽𑌥𑍋॑ 𑌆𑌦𑌿॒𑌤𑍍𑌯𑌸𑍍𑌯𑍈॒𑌵𑌾-𑌽𑌽𑌵𑍃𑌤॒𑌮𑌨𑍁॑ 𑌪॒𑌰𑍍𑌯𑌾𑌵॑𑌰𑍍𑌤𑌨𑍍𑌤𑍇॒ 𑌤𑌸𑍍𑌮𑌾॒-𑌤𑍍𑌪𑌰𑌾᳚𑌞𑍍𑌚𑌃 𑌪॒𑌶𑌵𑍋॒ 𑌵𑌿 𑌤𑌿॑𑌷𑍍𑌠𑌨𑍍𑌤𑍇 𑌪𑍍𑌰॒𑌤𑍍𑌯𑌞𑍍𑌚॒ 𑌆 𑌵॑𑌰𑍍𑌤𑌨𑍍𑌤𑍇 𑌤𑌿॒𑌸𑍍𑌰𑌸𑍍𑌤𑌿॑𑌸𑍍𑌰॒-𑌸𑍍𑌸𑍀𑌤𑌾𑌃᳚ [𑌤𑌿॒𑌸𑍍𑌰𑌸𑍍𑌤𑌿॑𑌸𑍍𑌰॒-𑌸𑍍𑌸𑍀𑌤𑌾𑌃᳚, 𑌕𑍃॒𑌷॒𑌤𑌿॒ 𑌤𑍍𑌰𑌿॒𑌵𑍃𑌤॑𑌮𑍇॒𑌵] 2𑍮

𑌕𑍃𑌷𑌤𑌿 𑌤𑍍𑌰𑌿॒𑌵𑍃𑌤॑𑌮𑍇॒𑌵 𑌯॑𑌜𑍍𑌞𑌮𑍁॒𑌖𑍇 𑌵𑌿 𑌯𑌾॑𑌤𑌯॒𑌤𑍍𑌯𑍋𑌷॑𑌧𑍀𑌰𑍍𑌵𑌪𑌤𑌿॒ 𑌬𑍍𑌰𑌹𑍍𑌮॒𑌣𑌾-𑌽𑌨𑍍𑌨॒𑌮𑌵॑ 𑌰𑍁𑌨𑍍𑌧𑍇॒ 𑌽𑌰𑍍𑌕𑍇᳚-𑌽𑌰𑍍𑌕𑌶𑍍𑌚𑍀॑𑌯𑌤𑍇 𑌚𑌤𑍁𑌰𑍍𑌦॒𑌶𑌭𑌿॑𑌰𑍍𑌵𑌪𑌤𑌿 𑌸॒𑌪𑍍𑌤 𑌗𑍍𑌰𑌾॒𑌮𑍍𑌯𑌾 𑌓𑌷॑𑌧𑌯-𑌸𑍍𑌸॒𑌪𑍍𑌤𑌾-𑌽𑌽𑌰॒𑌣𑍍𑌯𑌾 𑌉॒𑌭𑌯𑍀॑𑌷𑌾॒𑌮𑌵॑𑌰𑍁𑌦𑍍𑌧𑍍𑌯𑌾॒ 𑌅𑌨𑍍𑌨॑𑌸𑍍𑌯𑌾𑌨𑍍𑌨𑌸𑍍𑌯 𑌵𑌪॒𑌤𑍍𑌯𑌨𑍍𑌨॑𑌸𑍍𑌯𑌾-𑌨𑍍𑌨॒𑌸𑍍𑌯𑌾𑌵॑𑌰𑍁𑌦𑍍𑌧𑍍𑌯𑍈 𑌕𑍃॒𑌷𑍍𑌟𑍇 𑌵॑𑌪𑌤𑌿 𑌕𑍃॒𑌷𑍍𑌟𑍇 𑌹𑍍𑌯𑍋𑌷॑𑌧𑌯𑌃 𑌪𑍍𑌰𑌤𑌿॒𑌤𑌿𑌷𑍍𑌠॑𑌨𑍍𑌤𑍍𑌯𑌨𑍁𑌸𑍀॒𑌤𑌂-𑌵𑌁॑𑌪𑌤𑌿॒ 𑌪𑍍𑌰𑌜𑌾᳚𑌤𑍍𑌯𑍈 𑌦𑍍𑌵𑌾𑌦॒𑌶𑌸𑍁॒ 𑌸𑍀𑌤𑌾॑𑌸𑍁 𑌵𑌪𑌤𑌿॒ 𑌦𑍍𑌵𑌾𑌦॑𑌶॒ 𑌮𑌾𑌸𑌾᳚-𑌸𑍍𑌸𑌂𑌵𑌁𑌥𑍍𑌸॒𑌰-𑌸𑍍𑌸𑌂॑𑌵𑌁𑌥𑍍𑌸॒𑌰𑍇𑌣𑍈॒𑌵𑌾𑌸𑍍𑌮𑌾॒ 𑌅𑌨𑍍𑌨॑-𑌮𑍍𑌪𑌚𑌤𑌿॒ 𑌯𑌦॑𑌗𑍍𑌨𑌿॒𑌚𑌿- [𑌯𑌦॑𑌗𑍍𑌨𑌿॒𑌚𑌿𑌤𑍍, 𑌅𑌨॑𑌵𑌰𑍁𑌦𑍍𑌧𑌸𑍍𑌯𑌾-] 2𑍯

-𑌦𑌨॑𑌵𑌰𑍁𑌦𑍍𑌧𑌸𑍍𑌯𑌾-𑌽𑌶𑍍𑌞𑍀॒𑌯𑌾𑌦𑌵॑-𑌰𑍁𑌦𑍍𑌧𑍇𑌨॒ 𑌵𑍍𑌯𑍃॑𑌦𑍍𑌧𑍍𑌯𑍇𑌤॒ 𑌯𑍇 𑌵𑌨॒𑌸𑍍𑌪𑌤𑍀॑𑌨𑌾-𑌮𑍍𑌫𑌲॒𑌗𑍍𑌰𑌹॑𑌯॒-𑌸𑍍𑌤𑌾𑌨𑌿॒𑌦𑍍𑌧𑍍𑌮𑍇-𑌽𑌪𑌿॒ 𑌪𑍍𑌰𑍋𑌕𑍍𑌷𑍇॒-𑌦𑌨॑𑌵𑌰𑍁𑌦𑍍𑌧॒𑌸𑍍𑌯𑌾-𑌵॑𑌰𑍁𑌦𑍍𑌧𑍍𑌯𑍈 𑌦𑌿॒𑌗𑍍𑌭𑍍𑌯𑍋 𑌲𑍋॒𑌷𑍍𑌟𑌾𑌨𑍍-𑌥𑍍𑌸𑌮॑𑌸𑍍𑌯𑌤𑌿 𑌦𑌿॒𑌶𑌾𑌮𑍇॒𑌵 𑌵𑍀॒𑌰𑍍𑌯॑𑌮𑌵॒𑌰𑍁𑌦𑍍𑌧𑍍𑌯॑ 𑌦𑌿॒𑌶𑌾𑌂-𑌵𑍀𑌁॒𑌰𑍍𑌯𑍇᳚-𑌽𑌗𑍍𑌨𑌿-𑌞𑍍𑌚𑌿॑𑌨𑍁𑌤𑍇॒ 𑌯-𑌨𑍍𑌦𑍍𑌵𑌿॒𑌷𑍍𑌯𑌾-𑌦𑍍𑌯𑌤𑍍𑌰॒ 𑌸 𑌸𑍍𑌯𑌾-𑌤𑍍𑌤𑌸𑍍𑌯𑍈॑ 𑌦𑌿॒𑌶𑍋 𑌲𑍋॒𑌷𑍍𑌟𑌮𑌾 𑌹॑𑌰𑍇॒𑌦𑌿𑌷॒-𑌮𑍂𑌰𑍍𑌜॑𑌮॒𑌹𑌮𑌿॒𑌤 𑌆 𑌦॑𑌦॒ 𑌇𑌤𑍀𑌷॑𑌮𑍇॒𑌵𑍋𑌰𑍍𑌜॒-𑌨𑍍𑌤𑌸𑍍𑌯𑍈॑ 𑌦𑌿॒𑌶𑍋-𑌽𑌵॑ 𑌰𑍁𑌨𑍍𑌧𑍇॒ 𑌕𑍍𑌷𑍋𑌧𑍁॑𑌕𑍋 𑌭𑌵𑌤𑌿॒ 𑌯𑌸𑍍𑌤𑌸𑍍𑌯𑌾᳚-𑌨𑍍𑌦𑌿॒𑌶𑌿 𑌭𑌵॑𑌤𑍍𑌯𑍁𑌤𑍍𑌤𑌰𑌵𑍇॒𑌦𑌿𑌮𑍁𑌪॑ 𑌵𑌪𑌤𑍍𑌯𑍁𑌤𑍍𑌤𑌰𑌵𑍇॒𑌦𑍍𑌯𑌾𑌗𑍍 𑌹𑍍𑌯॑𑌗𑍍𑌨𑌿𑌶𑍍𑌚𑍀॒𑌯𑌤𑍇 𑌽𑌥𑍋॑ 𑌪॒𑌶𑌵𑍋॒ 𑌵𑌾 𑌉॑𑌤𑍍𑌤𑌰𑌵𑍇॒𑌦𑌿𑌃 𑌪॒𑌶𑍂𑌨𑍇॒𑌵𑌾𑌵॑ 𑌰𑍁॒𑌨𑍍𑌧𑍇-𑌽𑌥𑍋॑ 𑌯𑌜𑍍𑌞𑌪॒𑌰𑍁𑌷𑍋-𑌽𑌨॑𑌨𑍍𑌤𑌰𑌿𑌤𑍍𑌯𑍈 ॥ 30 ॥
(𑌚॒ 𑌭॒𑌵॒𑌤𑍍𑌯𑍇॒𑌤𑌾𑌵॒𑌦𑍍𑌵𑍈 𑌪𑍁𑌰𑍁॑𑌷𑍇 𑌵𑍀॒𑌰𑍍𑌯𑌂॑ – 𑌁𑌯𑌤𑍍𑌕𑍃॒𑌷𑍍𑌟𑌞𑍍𑌚𑌾-𑌽𑌕𑍃॑𑌷𑍍𑌟𑌞𑍍𑌚॒ – 𑌦𑌿𑌖𑍍- 𑌸𑍀𑌤𑌾॑ – 𑌅𑌗𑍍𑌨𑌿॒𑌚𑌿 – 𑌦𑌵॒ – 𑌪𑌞𑍍𑌚॑𑌵𑌿𑌗𑍍𑌮𑍍𑌶𑌤𑌿𑌶𑍍𑌚) (𑌅. 5)

𑌅𑌗𑍍𑌨𑍇॒ 𑌤𑌵॒ 𑌶𑍍𑌰𑌵𑍋॒ 𑌵𑌯॒ 𑌇𑌤𑌿॒ 𑌸𑌿𑌕॑𑌤𑌾॒ 𑌨𑌿 𑌵॑𑌪𑌤𑍍𑌯𑍇॒𑌤𑌦𑍍𑌵𑌾 𑌅॒𑌗𑍍𑌨𑍇𑌰𑍍𑌵𑍈᳚𑌶𑍍𑌵𑌾𑌨॒𑌰𑌸𑍍𑌯॑ 𑌸𑍂॒𑌕𑍍𑌤𑌗𑍍𑌮𑍍 𑌸𑍂॒𑌕𑍍𑌤𑍇𑌨𑍈॒𑌵 𑌵𑍈᳚𑌶𑍍𑌵𑌾𑌨॒𑌰𑌮𑌵॑ 𑌰𑍁𑌨𑍍𑌧𑍇 𑌷॒𑌡𑍍𑌭𑌿𑌰𑍍𑌨𑌿 𑌵॑𑌪𑌤𑌿॒ 𑌷𑌡𑍍𑌵𑌾 𑌋॒𑌤𑌵॑-𑌸𑍍𑌸𑌂𑌵𑌁𑌥𑍍𑌸॒𑌰-𑌸𑍍𑌸𑌂॑𑌵𑌁𑌥𑍍𑌸॒𑌰𑍋᳚-𑌽𑌗𑍍𑌨𑌿𑌰𑍍𑌵𑍈᳚𑌶𑍍𑌵𑌾𑌨॒𑌰-𑌸𑍍𑌸𑌾॒𑌕𑍍𑌷𑌾𑌦𑍇॒𑌵 𑌵𑍈᳚𑌶𑍍𑌵𑌾𑌨॒𑌰𑌮𑌵॑ 𑌰𑍁𑌨𑍍𑌧𑍇 𑌸𑌮𑍁॒𑌦𑍍𑌰𑌂-𑌵𑍈𑌁 𑌨𑌾𑌮𑍈॒𑌤𑌚𑍍𑌛𑌨𑍍𑌦॑-𑌸𑍍𑌸𑌮𑍁॒𑌦𑍍𑌰𑌮𑌨𑍁॑ 𑌪𑍍𑌰॒𑌜𑌾𑌃 𑌪𑍍𑌰𑌜𑌾॑𑌯𑌨𑍍𑌤𑍇॒ 𑌯𑌦𑍇॒𑌤𑍇𑌨॒ 𑌸𑌿𑌕॑𑌤𑌾 𑌨𑌿॒ 𑌵𑌪॑𑌤𑌿 𑌪𑍍𑌰॒𑌜𑌾𑌨𑌾𑌂᳚ 𑌪𑍍𑌰॒𑌜𑌨॑𑌨𑌾॒𑌯𑍇𑌨𑍍𑌦𑍍𑌰𑍋॑ [𑌪𑍍𑌰॒𑌜𑌾𑌨𑌾𑌂᳚ 𑌪𑍍𑌰॒𑌜𑌨॑𑌨𑌾॒𑌯𑍇𑌨𑍍𑌦𑍍𑌰𑌃॑, 𑌵𑍃॒𑌤𑍍𑌰𑌾𑌯॒] 31

𑌵𑍃॒𑌤𑍍𑌰𑌾𑌯॒ 𑌵𑌜𑍍𑌰॒-𑌮𑍍𑌪𑍍𑌰𑌾𑌹॑𑌰॒-𑌥𑍍𑌸 𑌤𑍍𑌰𑍇॒𑌧𑌾 𑌵𑍍𑌯॑𑌭𑌵॒-𑌥𑍍𑌸𑍍𑌫𑍍𑌯𑌸𑍍𑌤𑍃𑌤𑍀॑𑌯॒𑌗𑍍𑌮𑍍॒ 𑌰𑌥॒𑌸𑍍𑌤𑍃𑌤𑍀॑𑌯𑌂॒-𑌯𑍂𑌁𑌪॒𑌸𑍍𑌤𑍃𑌤𑍀॑𑌯𑌂॒-𑌯𑍇𑌁᳚-𑌽𑌨𑍍𑌤𑌶𑍍𑌶॒𑌰𑌾 𑌅𑌶𑍀᳚𑌰𑍍𑌯𑌨𑍍𑌤॒ 𑌤𑌾-𑌶𑍍𑌶𑌰𑍍𑌕॑𑌰𑌾 𑌅𑌭𑌵॒-𑌨𑍍𑌤𑌚𑍍𑌛𑌰𑍍𑌕॑𑌰𑌾𑌣𑌾𑌗𑍍𑌮𑍍 𑌶𑌰𑍍𑌕𑌰॒𑌤𑍍𑌵𑌂-𑌵𑌁𑌜𑍍𑌰𑍋॒ 𑌵𑍈 𑌶𑌰𑍍𑌕॑𑌰𑌾𑌃 𑌪॒𑌶𑍁𑌰॒𑌗𑍍𑌨𑌿-𑌰𑍍𑌯𑌚𑍍𑌛𑌰𑍍𑌕॑𑌰𑌾𑌭𑌿𑌰॒𑌗𑍍𑌨𑌿-𑌮𑍍𑌪॑𑌰𑌿𑌮𑌿॒𑌨𑍋𑌤𑌿॒ 𑌵𑌜𑍍𑌰𑍇॑𑌣𑍈॒𑌵𑌾𑌸𑍍𑌮𑍈॑ 𑌪॒𑌶𑍂-𑌨𑍍𑌪𑌰𑌿॑ 𑌗𑍃𑌹𑍍𑌣𑌾𑌤𑌿॒ 𑌤𑌸𑍍𑌮𑌾॒-𑌦𑍍𑌵𑌜𑍍𑌰𑍇॑𑌣 𑌪॒𑌶𑌵𑌃॒ 𑌪𑌰𑌿॑𑌗𑍃𑌹𑍀𑌤𑌾॒𑌸𑍍𑌤𑌸𑍍𑌮𑌾॒-𑌥𑍍𑌸𑍍𑌥𑍇𑌯𑌾॒𑌨𑌸𑍍𑌥𑍇॑𑌯𑌸𑍋॒ 𑌨𑍋𑌪॑ 𑌹𑌰𑌤𑍇 𑌤𑍍𑌰𑌿𑌸॒𑌪𑍍𑌤𑌾𑌭𑌿𑌃॑ 𑌪॒𑌶𑍁𑌕𑌾॑𑌮𑌸𑍍𑌯॒ [𑌪॒𑌶𑍁𑌕𑌾॑𑌮𑌸𑍍𑌯, 𑌪𑌰𑌿॑] 32

𑌪𑌰𑌿॑ 𑌮𑌿𑌨𑍁𑌯𑌾-𑌥𑍍𑌸॒𑌪𑍍𑌤 𑌵𑍈 𑌶𑍀॑𑌰𑍍𑌷॒𑌣𑍍𑌯𑌾𑌃᳚ 𑌪𑍍𑌰𑌾॒𑌣𑌾𑌃 𑌪𑍍𑌰𑌾॒𑌣𑌾𑌃 𑌪॒𑌶𑌵𑌃॑ 𑌪𑍍𑌰𑌾॒𑌣𑍈𑌰𑍇॒𑌵𑌾𑌸𑍍𑌮𑍈॑ 𑌪॒𑌶𑍂𑌨𑌵॑ 𑌰𑍁𑌨𑍍𑌧𑍇 𑌤𑍍𑌰𑌿𑌣॒𑌵𑌾𑌭𑌿॒-𑌰𑍍𑌭𑍍𑌰𑌾𑌤𑍃॑𑌵𑍍𑌯𑌵𑌤-𑌸𑍍𑌤𑍍𑌰𑌿॒𑌵𑍃𑌤॑𑌮𑍇॒𑌵 𑌵𑌜𑍍𑌰𑌗𑍍𑌮𑍍॑ 𑌸॒𑌮𑍍𑌭𑍃𑌤𑍍𑌯॒ 𑌭𑍍𑌰𑌾𑌤𑍃॑𑌵𑍍𑌯𑌾𑌯॒ 𑌪𑍍𑌰𑌹॑𑌰𑌤𑌿॒ 𑌸𑍍𑌤𑍃𑌤𑍍𑌯𑌾॒ 𑌅𑌪॑𑌰𑌿𑌮𑌿𑌤𑌾𑌭𑌿𑌃॒ 𑌪𑌰𑌿॑ 𑌮𑌿𑌨𑍁𑌯𑌾॒-𑌦𑌪॑𑌰𑌿𑌮𑌿𑌤॒𑌸𑍍𑌯𑌾-𑌵॑𑌰𑍁𑌦𑍍𑌧𑍍𑌯𑍈॒ 𑌯-𑌙𑍍𑌕𑌾॒𑌮𑌯𑍇॑𑌤𑌾𑌪॒𑌶𑍁-𑌸𑍍𑌸𑍍𑌯𑌾॒𑌦𑌿𑌤𑍍𑌯𑌪॑𑌰𑌿𑌮𑌿𑌤𑍍𑌯॒ 𑌤𑌸𑍍𑌯॒ 𑌶𑌰𑍍𑌕॑𑌰𑌾॒-𑌸𑍍𑌸𑌿𑌕॑𑌤𑌾॒ 𑌵𑍍𑌯𑍂॑𑌹𑍇॒𑌦𑌪॑𑌰𑌿𑌗𑍃𑌹𑍀𑌤 𑌏॒𑌵𑌾𑌸𑍍𑌯॑ 𑌵𑌿𑌷𑍂॒𑌚𑍀𑌨॒𑌗𑍍𑌮𑍍॒ 𑌰𑍇𑌤𑌃॒ 𑌪𑌰𑌾॑ 𑌸𑌿𑌞𑍍𑌚𑌤𑍍𑌯𑌪॒𑌶𑍁𑌰𑍇॒𑌵 𑌭॑𑌵𑌤𑌿॒ [𑌭॑𑌵𑌤𑌿, 𑌯-𑌙𑍍𑌕𑌾॒𑌮𑌯𑍇॑𑌤] 33

𑌯-𑌙𑍍𑌕𑌾॒𑌮𑌯𑍇॑𑌤 𑌪𑌶𑍁॒𑌮𑌾𑌨𑍍-𑌥𑍍𑌸𑍍𑌯𑌾॒𑌦𑌿𑌤𑌿॑ 𑌪𑌰𑌿॒𑌮𑌿𑌤𑍍𑌯॒ 𑌤𑌸𑍍𑌯॒ 𑌶𑌰𑍍𑌕॑𑌰𑌾॒-𑌸𑍍𑌸𑌿𑌕॑𑌤𑌾॒ 𑌵𑍍𑌯𑍂॑𑌹𑍇॒-𑌤𑍍𑌪𑌰𑌿॑𑌗𑍃𑌹𑍀𑌤 𑌏॒𑌵𑌾𑌸𑍍𑌮𑍈॑ 𑌸𑌮𑍀॒𑌚𑍀𑌨॒𑌗𑍍𑌮𑍍॒ 𑌰𑍇𑌤॑-𑌸𑍍𑌸𑌿𑌞𑍍𑌚𑌤𑌿 𑌪𑌶𑍁॒𑌮𑌾𑌨𑍇॒𑌵 𑌭॑𑌵𑌤𑌿 𑌸𑍌॒𑌮𑍍𑌯𑌾 𑌵𑍍𑌯𑍂॑𑌹𑌤𑌿॒ 𑌸𑍋𑌮𑍋॒ 𑌵𑍈 𑌰𑍇॑𑌤𑍋॒𑌧𑌾 𑌰𑍇𑌤॑ 𑌏॒𑌵 𑌤-𑌦𑍍𑌦॑𑌧𑌾𑌤𑌿 𑌗𑌾𑌯𑌤𑍍𑌰𑌿॒𑌯𑌾 𑌬𑍍𑌰𑌾᳚𑌹𑍍𑌮॒𑌣𑌸𑍍𑌯॑ 𑌗𑌾𑌯॒𑌤𑍍𑌰𑍋 𑌹𑌿 𑌬𑍍𑌰𑌾᳚𑌹𑍍𑌮॒𑌣-𑌸𑍍𑌤𑍍𑌰𑌿॒𑌷𑍍𑌟𑍁𑌭𑌾॑ 𑌰𑌾𑌜॒𑌨𑍍𑌯॑𑌸𑍍𑌯॒ 𑌤𑍍𑌰𑍈𑌷𑍍𑌟𑍁॑𑌭𑍋॒ 𑌹𑌿 𑌰𑌾॑𑌜॒𑌨𑍍𑌯॑-𑌶𑍍𑌶𑌂॒𑌯𑍁-𑌮𑍍𑌬𑌾॑𑌰𑍍𑌹𑌸𑍍𑌪॒𑌤𑍍𑌯-𑌮𑍍𑌮𑍇𑌧𑍋॒ 𑌨𑍋𑌪𑌾॑𑌨𑌮॒-𑌥𑍍𑌸𑍋᳚-𑌽𑌗𑍍𑌨𑌿-𑌮𑍍𑌪𑍍𑌰𑌾-𑌽𑌵𑌿॑𑌶॒- [𑌨𑍋𑌪𑌾॑𑌨𑌮॒-𑌥𑍍𑌸𑍋᳚-𑌽𑌗𑍍𑌨𑌿-𑌮𑍍𑌪𑍍𑌰𑌾-𑌽𑌵𑌿॑𑌶𑌤𑍍, 𑌸𑍋᳚-𑌽𑌗𑍍𑌨𑍇𑌃] 34

-𑌥𑍍𑌸𑍋᳚-𑌽𑌗𑍍𑌨𑍇𑌃 𑌕𑍃𑌷𑍍𑌣𑍋॑ 𑌰𑍂॒𑌪-𑌙𑍍𑌕𑍃॒𑌤𑍍𑌵𑍋𑌦𑌾॑𑌯𑌤॒ 𑌸𑍋-𑌽𑌶𑍍𑌵॒-𑌮𑍍𑌪𑍍𑌰𑌾-𑌽𑌵𑌿॑𑌶॒-𑌥𑍍𑌸𑍋-𑌽𑌶𑍍𑌵॑𑌸𑍍𑌯𑌾-𑌵𑌾𑌨𑍍𑌤𑌰𑌶॒𑌫𑍋॑-𑌭𑌵॒-𑌦𑍍𑌯𑌦𑌶𑍍𑌵॑𑌮𑌾𑌕𑍍𑌰॒𑌮𑌯॑𑌤𑌿॒ 𑌯 𑌏॒𑌵 𑌮𑍇𑌧𑍋-𑌽𑌶𑍍𑌵॒-𑌮𑍍𑌪𑍍𑌰𑌾-𑌽𑌵𑌿॑𑌶॒-𑌤𑍍𑌤𑌮𑍇॒𑌵𑌾𑌵॑ 𑌰𑍁𑌨𑍍𑌧𑍇 𑌪𑍍𑌰॒𑌜𑌾𑌪॑𑌤𑌿𑌨𑌾॒-𑌽𑌗𑍍𑌨𑌿𑌶𑍍𑌚𑍇॑𑌤॒𑌵𑍍𑌯॑ 𑌇𑌤𑍍𑌯𑌾॑𑌹𑍁𑌃 𑌪𑍍𑌰𑌾𑌜𑌾𑌪॒𑌤𑍍𑌯𑍋-𑌽𑌶𑍍𑌵𑍋॒ 𑌯𑌦𑌶𑍍𑌵॑𑌮𑌾𑌕𑍍𑌰॒𑌮𑌯॑𑌤𑌿 𑌪𑍍𑌰॒𑌜𑌾𑌪॑𑌤𑌿𑌨𑍈॒𑌵𑌾-𑌽𑌗𑍍𑌨𑌿-𑌞𑍍𑌚𑌿॑𑌨𑍁𑌤𑍇 𑌪𑍁𑌷𑍍𑌕𑌰𑌪॒𑌰𑍍𑌣𑌮𑍁𑌪॑ 𑌦𑌧𑌾𑌤𑌿॒ 𑌯𑍋𑌨𑌿॒𑌰𑍍𑌵𑌾 𑌅॒𑌗𑍍𑌨𑍇𑌃 𑌪𑍁॑𑌷𑍍𑌕𑌰𑌪॒𑌰𑍍𑌣𑌗𑍍𑌮𑍍 𑌸𑌯𑍋॑𑌨𑌿- -𑌮𑍇॒𑌵𑌾𑌗𑍍𑌨𑌿-𑌞𑍍𑌚𑌿॑𑌨𑍁𑌤𑍇॒ 𑌽𑌪𑌾-𑌮𑍍𑌪𑍃॒𑌷𑍍𑌠𑌮॒𑌸𑍀𑌤𑍍𑌯𑍁𑌪॑ 𑌦𑌧𑌾𑌤𑍍𑌯॒𑌪𑌾𑌂-𑌵𑌾𑌁 𑌏॒𑌤-𑌤𑍍𑌪𑍃॒𑌷𑍍𑌠𑌂-𑌯𑌁-𑌤𑍍𑌪𑍁॑𑌷𑍍𑌕𑌰𑌪॒𑌰𑍍𑌣𑌗𑍍𑌮𑍍 𑌰𑍂॒𑌪𑍇𑌣𑍈॒𑌵𑍈𑌨॒𑌦𑍁𑌪॑ 𑌦𑌧𑌾𑌤𑌿 ॥ 35 ॥
(𑌇𑌨𑍍𑌦𑍍𑌰𑌃॑ – 𑌪॒𑌶𑍁𑌕𑌾॑𑌮𑌸𑍍𑌯 – 𑌭𑌵𑌤𑍍𑌯 – 𑌵𑌿𑌶॒𑌥𑍍 – 𑌸𑌯𑍋॑𑌨𑌿𑌂 – 𑌁𑌵𑌿𑌗𑍍𑌮𑍍𑌶॒𑌤𑌿𑌶𑍍𑌚॑) (𑌅. 6)

𑌬𑍍𑌰𑌹𑍍𑌮॑ 𑌜𑌜𑍍𑌞𑌾॒𑌨𑌮𑌿𑌤𑌿॑ 𑌰𑍁॒𑌕𑍍𑌮𑌮𑍁𑌪॑ 𑌦𑌧𑌾𑌤𑌿॒ 𑌬𑍍𑌰𑌹𑍍𑌮॑𑌮𑍁𑌖𑌾॒ 𑌵𑍈 𑌪𑍍𑌰॒𑌜𑌾𑌪॑𑌤𑌿𑌃 𑌪𑍍𑌰॒𑌜𑌾 𑌅॑𑌸𑍃𑌜𑌤॒ 𑌬𑍍𑌰𑌹𑍍𑌮॑𑌮𑍁𑌖𑌾 𑌏॒𑌵 𑌤-𑌤𑍍𑌪𑍍𑌰॒𑌜𑌾 𑌯𑌜॑𑌮𑌾𑌨-𑌸𑍍𑌸𑍃𑌜𑌤𑍇॒ 𑌬𑍍𑌰𑌹𑍍𑌮॑ 𑌜𑌜𑍍𑌞𑌾॒𑌨𑌮𑌿𑌤𑍍𑌯𑌾॑𑌹॒ 𑌤𑌸𑍍𑌮𑌾᳚𑌦𑍍𑌬𑍍𑌰𑌾𑌹𑍍𑌮॒𑌣𑍋 𑌮𑍁𑌖𑍍𑌯𑍋॒ 𑌮𑍁𑌖𑍍𑌯𑍋॑ 𑌭𑌵𑌤𑌿॒ 𑌯 𑌏॒𑌵𑌂-𑌵𑍇𑌁𑌦॑ 𑌬𑍍𑌰𑌹𑍍𑌮𑌵𑌾॒𑌦𑌿𑌨𑍋॑ 𑌵𑌦𑌨𑍍𑌤𑌿॒ 𑌨 𑌪𑍃॑𑌥𑌿॒𑌵𑍍𑌯𑌾-𑌨𑍍𑌨𑌾𑌨𑍍𑌤𑌰𑌿॑𑌕𑍍𑌷𑍇॒ 𑌨 𑌦𑌿॒𑌵𑍍𑌯॑𑌗𑍍𑌨𑌿𑌶𑍍𑌚𑍇॑𑌤॒𑌵𑍍𑌯॑ 𑌇𑌤𑌿॒ 𑌯-𑌤𑍍𑌪𑍃॑𑌥𑌿॒𑌵𑍍𑌯𑌾-𑌞𑍍𑌚𑌿॑𑌨𑍍𑌵𑍀॒𑌤 𑌪𑍃॑𑌥𑌿॒𑌵𑍀𑌗𑍍𑌮𑍍 𑌶𑍁॒𑌚𑌾-𑌽𑌰𑍍𑌪॑𑌯𑍇॒𑌨𑍍𑌨𑍌𑌷॑𑌧𑌯𑍋॒ 𑌨 𑌵𑌨॒𑌸𑍍𑌪𑌤॑𑌯𑌃॒ [𑌵𑌨॒𑌸𑍍𑌪𑌤॑𑌯𑌃, 𑌪𑍍𑌰 𑌜𑌾॑𑌯𑍇𑌰॒𑌨𑍍॒.] 36

𑌪𑍍𑌰 𑌜𑌾॑𑌯𑍇𑌰॒𑌨𑍍॒. 𑌯𑌦॒𑌨𑍍𑌤𑌰𑌿॑𑌕𑍍𑌷𑍇 𑌚𑌿𑌨𑍍𑌵𑍀॒𑌤𑌾𑌨𑍍𑌤𑌰𑌿॑𑌕𑍍𑌷𑌗𑍍𑌮𑍍 𑌶𑍁॒𑌚𑌾-𑌽𑌰𑍍𑌪॑𑌯𑍇॒𑌨𑍍𑌨 𑌵𑌯𑌾𑌗𑍍𑌮𑍍॑𑌸𑌿॒ 𑌪𑍍𑌰 𑌜𑌾॑𑌯𑍇𑌰॒𑌨𑍍॒. 𑌯-𑌦𑍍𑌦𑌿॒𑌵𑌿 𑌚𑌿॑𑌨𑍍𑌵𑍀॒𑌤 𑌦𑌿𑌵𑌗𑍍𑌮𑍍॑ 𑌶𑍁॒𑌚𑌾-𑌽𑌰𑍍𑌪॑𑌯𑍇॒𑌨𑍍𑌨 𑌪॒𑌰𑍍𑌜𑌨𑍍𑌯𑍋॑ 𑌵𑌰𑍍𑌷𑍇𑌦𑍍𑌰𑍁॒𑌕𑍍𑌮𑌮𑍁𑌪॑ 𑌦𑌧𑌾𑌤𑍍𑌯॒𑌮𑍃𑌤𑌂॒-𑌵𑍈𑌁 𑌹𑌿𑌰॑𑌣𑍍𑌯𑌮॒𑌮𑍃𑌤॑ 𑌏॒𑌵𑌾𑌗𑍍𑌨𑌿-𑌞𑍍𑌚𑌿॑𑌨𑍁𑌤𑍇॒ 𑌪𑍍𑌰𑌜𑌾᳚𑌤𑍍𑌯𑍈 𑌹𑌿𑌰॒𑌣𑍍𑌮𑌯॒-𑌮𑍍𑌪𑍁𑌰𑍁॑𑌷॒𑌮𑍁𑌪॑ 𑌦𑌧𑌾𑌤𑌿 𑌯𑌜𑌮𑌾𑌨𑌲𑍋॒𑌕𑌸𑍍𑌯॒ 𑌵𑌿𑌧𑍃॑𑌤𑍍𑌯𑍈॒ 𑌯𑌦𑌿𑌷𑍍𑌟॑𑌕𑌾𑌯𑌾॒ 𑌆𑌤𑍃॑𑌣𑍍𑌣𑌮𑌨𑍂𑌪𑌦॒𑌦𑍍𑌧𑍍𑌯𑌾-𑌤𑍍𑌪॑𑌶𑍂॒𑌨𑌾-𑌞𑍍𑌚॒ 𑌯𑌜॑𑌮𑌾𑌨𑌸𑍍𑌯 𑌚 𑌪𑍍𑌰𑌾॒𑌣𑌮𑌪𑌿॑ 𑌦𑌦𑍍𑌧𑍍𑌯𑌾-𑌦𑍍𑌦𑌕𑍍𑌷𑌿𑌣॒𑌤𑌃 [𑌦𑌦𑍍𑌧𑍍𑌯𑌾-𑌦𑍍𑌦𑌕𑍍𑌷𑌿𑌣॒𑌤𑌃, 𑌪𑍍𑌰𑌾𑌞𑍍𑌚॒𑌮𑍁𑌪॑ 𑌦𑌧𑌾𑌤𑌿] 3𑍭

𑌪𑍍𑌰𑌾𑌞𑍍𑌚॒𑌮𑍁𑌪॑ 𑌦𑌧𑌾𑌤𑌿 𑌦𑌾॒𑌧𑌾𑌰॑ 𑌯𑌜𑌮𑌾𑌨𑌲𑍋॒𑌕-𑌨𑍍𑌨 𑌪॑𑌶𑍂॒𑌨𑌾-𑌞𑍍𑌚॒ 𑌯𑌜॑𑌮𑌾𑌨𑌸𑍍𑌯 𑌚 𑌪𑍍𑌰𑌾॒𑌣𑌮𑌪𑌿॑ 𑌦𑌧𑌾॒𑌤𑍍𑌯𑌥𑍋॒ 𑌖𑌲𑍍𑌵𑌿𑌷𑍍𑌟॑𑌕𑌾𑌯𑌾॒ 𑌆𑌤𑍃॑𑌣𑍍𑌣॒𑌮𑌨𑍂𑌪॑ 𑌦𑌧𑌾𑌤𑌿 𑌪𑍍𑌰𑌾॒𑌣𑌾𑌨𑌾॒𑌮𑍁𑌥𑍍𑌸𑍃॑𑌷𑍍𑌟𑍍𑌯𑍈 𑌦𑍍𑌰॒𑌫𑍍𑌸𑌶𑍍𑌚॑𑌸𑍍𑌕॒𑌨𑍍𑌦𑍇𑌤𑍍𑌯॒𑌭𑌿 𑌮𑍃॑𑌶𑌤𑌿॒ 𑌹𑍋𑌤𑍍𑌰𑌾᳚𑌸𑍍𑌵𑍇॒𑌵𑍈𑌨॒-𑌮𑍍𑌪𑍍𑌰𑌤𑌿॑𑌷𑍍𑌠𑌾𑌪𑌯𑌤𑌿॒ 𑌸𑍍𑌰𑍁𑌚𑌾॒𑌵𑍁𑌪॑ 𑌦𑌧𑌾॒𑌤𑍍𑌯𑌾𑌜𑍍𑌯॑𑌸𑍍𑌯 𑌪𑍂॒𑌰𑍍𑌣𑌾-𑌙𑍍𑌕𑌾᳚𑌰𑍍𑌷𑍍𑌮𑌰𑍍𑌯॒𑌮𑌯𑍀᳚-𑌨𑍍𑌦॒𑌦𑍍𑌧𑍍𑌨𑌃 𑌪𑍂॒𑌰𑍍𑌣𑌾-𑌮𑍌𑌦𑍁॑𑌬𑌂𑌰𑍀𑌮𑌿॒𑌯𑌂-𑌵𑍈𑌁 𑌕𑌾᳚𑌰𑍍𑌷𑍍𑌮𑌰𑍍𑌯॒𑌮𑌯𑍍𑌯॒𑌸𑌾𑌵𑍌-𑌦𑍁॑𑌬𑌂𑌰𑍀॒𑌮𑍇 𑌏॒𑌵𑍋𑌪॑ 𑌧𑌤𑍍𑌤𑍇 [ ] 3𑍮

𑌤𑍂॒𑌷𑍍𑌣𑍀𑌮𑍁𑌪॑ 𑌦𑌧𑌾𑌤𑌿॒ 𑌨 𑌹𑍀𑌮𑍇 𑌯𑌜𑍁॒𑌷𑌾-𑌽𑌽𑌪𑍍𑌤𑍁॒𑌮𑌰𑍍𑌹॑𑌤𑌿॒ 𑌦𑌕𑍍𑌷𑌿॑𑌣𑌾-𑌙𑍍𑌕𑌾𑌰𑍍𑌷𑍍𑌮𑌰𑍍𑌯॒𑌮𑌯𑍀॒-𑌮𑍁𑌤𑍍𑌤॑𑌰𑌾॒𑌮𑍌-𑌦𑍁॑𑌮𑍍𑌬𑌰𑍀॒-𑌨𑍍𑌤𑌸𑍍𑌮𑌾॑𑌦॒𑌸𑍍𑌯𑌾 𑌅॒𑌸𑌾𑌵𑍁𑌤𑍍𑌤॒𑌰𑌾 𑌽𑌽𑌜𑍍𑌯॑𑌸𑍍𑌯 𑌪𑍂॒𑌰𑍍𑌣𑌾-𑌙𑍍𑌕𑌾᳚𑌰𑍍𑌷𑍍𑌮𑌰𑍍𑌯॒𑌮𑌯𑍀𑌂॒-𑌵𑌁𑌜𑍍𑌰𑍋॒ 𑌵𑌾 𑌆𑌜𑍍𑌯𑌂॒-𑌵𑌁𑌜𑍍𑌰𑌃॑ 𑌕𑌾𑌰𑍍𑌷𑍍𑌮॒𑌰𑍍𑌯𑍋॑ 𑌵𑌜𑍍𑌰𑍇॑𑌣𑍈॒𑌵 𑌯॒𑌜𑍍𑌞𑌸𑍍𑌯॑ 𑌦𑌕𑍍𑌷𑌿𑌣॒𑌤𑍋 𑌰𑌕𑍍𑌷𑌾॒𑌗𑍍॒𑌸𑍍𑌯𑌪॑ 𑌹𑌨𑍍𑌤𑌿 𑌦॒𑌦𑍍𑌧𑍍𑌨𑌃 𑌪𑍂॒𑌰𑍍𑌣𑌾𑌮𑍌𑌦𑍁॑𑌮𑍍𑌬𑌰𑍀-𑌮𑍍𑌪॒𑌶𑌵𑍋॒ 𑌵𑍈 𑌦𑌦𑍍𑌧𑍍𑌯𑍂𑌰𑍍𑌗𑍁॑𑌦𑍁॒𑌮𑍍𑌬𑌰𑌃॑ 𑌪॒𑌶𑍁𑌷𑍍𑌵𑍇॒𑌵𑍋𑌰𑍍𑌜॑-𑌨𑍍𑌦𑌧𑌾𑌤𑌿 𑌪𑍂॒𑌰𑍍𑌣𑍇 𑌉𑌪॑ 𑌦𑌧𑌾𑌤𑌿 𑌪𑍂॒𑌰𑍍𑌣𑍇 𑌏॒𑌵𑍈𑌨॑- [𑌪𑍂॒𑌰𑍍𑌣𑍇 𑌏॒𑌵𑍈𑌨᳚𑌮𑍍, 𑌅॒𑌮𑍁𑌷𑍍𑌮𑌿॑𑌨𑍍 𑌁𑌲𑍋॒𑌕] 3𑍯

𑌮॒𑌮𑍁𑌷𑍍𑌮𑌿॑𑌨𑍍 𑌁𑌲𑍋॒𑌕 𑌉𑌪॑𑌤𑌿𑌷𑍍𑌠𑍇𑌤𑍇 𑌵𑌿॒𑌰𑌾𑌜𑍍𑌯॒𑌗𑍍𑌨𑌿𑌶𑍍𑌚𑍇॑𑌤॒𑌵𑍍𑌯॑ 𑌇𑌤𑍍𑌯𑌾॑𑌹𑍁॒-𑌸𑍍𑌸𑍍𑌰𑍁𑌗𑍍𑌵𑍈 𑌵𑌿॒𑌰𑌾𑌡𑍍𑌯-𑌥𑍍𑌸𑍍𑌰𑍁𑌚𑌾॑𑌵𑍁𑌪॒𑌦𑌧𑌾॑𑌤𑌿 𑌵𑌿॒𑌰𑌾𑌜𑍍𑌯𑍇॒𑌵𑌾𑌗𑍍𑌨𑌿-𑌞𑍍𑌚𑌿॑𑌨𑍁𑌤𑍇 𑌯𑌜𑍍𑌞𑌮𑍁॒𑌖𑍇𑌯॑𑌜𑍍𑌞𑌮𑍁𑌖𑍇॒ 𑌵𑍈 𑌕𑍍𑌰𑌿॒𑌯𑌮𑌾॑𑌣𑍇 𑌯॒𑌜𑍍𑌞𑌗𑍍𑌮𑍍 𑌰𑌕𑍍𑌷𑌾𑌗𑍍𑌮𑍍॑𑌸𑌿 𑌜𑌿𑌘𑌾𑌗𑍍𑌮𑍍𑌸𑌨𑍍𑌤𑌿 𑌯𑌜𑍍𑌞𑌮𑍁॒𑌖𑌗𑍍𑌮𑍍 𑌰𑍁॒𑌕𑍍𑌮𑍋 𑌯-𑌦𑍍𑌰𑍁॒𑌕𑍍𑌮𑌂-𑌵𑍍𑌯𑌾𑌁॑𑌘𑌾॒𑌰𑌯॑𑌤𑌿 𑌯𑌜𑍍𑌞𑌮𑍁॒𑌖𑌾𑌦𑍇॒𑌵 𑌰𑌕𑍍𑌷𑌾॒𑌗𑍍॒𑌸𑍍𑌯𑌪॑ 𑌹𑌨𑍍𑌤𑌿 𑌪॒𑌞𑍍𑌚𑌭𑌿॒-𑌰𑍍𑌵𑍍𑌯𑌾𑌘𑌾॑𑌰𑌯𑌤𑌿॒ 𑌪𑌾𑌙𑍍𑌕𑍍𑌤𑍋॑ 𑌯॒𑌜𑍍𑌞𑍋 𑌯𑌾𑌵𑌾॑𑌨𑍇॒𑌵 𑌯॒𑌜𑍍𑌞𑌸𑍍𑌤𑌸𑍍𑌮𑌾॒-𑌦𑍍𑌰𑌕𑍍𑌷𑌾॒𑌗𑍍॒𑌸𑍍𑌯𑌪॑ 𑌹𑌨𑍍𑌤𑍍𑌯𑌕𑍍𑌷𑍍𑌣॒𑌯𑌾𑌵𑍍𑌯𑌾 𑌘𑌾॑𑌰𑌯𑌤𑌿॒ 𑌤𑌸𑍍𑌮𑌾॑𑌦𑌕𑍍𑌷𑍍𑌣॒𑌯𑌾 𑌪॒𑌶𑌵𑍋-𑌽𑌙𑍍𑌗𑌾॑𑌨𑌿॒ 𑌪𑍍𑌰 𑌹॑𑌰𑌨𑍍𑌤𑌿॒ 𑌪𑍍𑌰𑌤𑌿॑𑌷𑍍𑌠𑌿𑌤𑍍𑌯𑍈 ॥ 40 ॥
(𑌵𑌨॒𑌸𑍍𑌪𑌤॑𑌯𑍋- 𑌦𑌕𑍍𑌷𑌿𑌣॒𑌤𑍋- 𑌧॑𑌤𑍍𑌤- 𑌏𑌨𑌂॒- 𑌤𑌸𑍍𑌮𑌾॑ 𑌦𑌕𑍍𑌷𑍍𑌣॒𑌯𑌾-𑌪𑌞𑍍𑌚॑ 𑌚) (𑌅. 𑍭)

𑌸𑍍𑌵॒𑌯॒𑌮𑌾॒𑌤𑍃॒𑌣𑍍𑌣𑌾𑌮𑍁𑌪॑ 𑌦𑌧𑌾𑌤𑍀॒𑌯𑌂-𑌵𑍈𑌁 𑌸𑍍𑌵॑𑌯𑌮𑌾𑌤𑍃॒𑌣𑍍𑌣𑍇𑌮𑌾𑌮𑍇॒𑌵𑍋𑌪॑ 𑌧॒𑌤𑍍𑌤𑍇 𑌽𑌶𑍍𑌵॒𑌮𑍁𑌪॑ 𑌘𑍍𑌰𑌾𑌪𑌯𑌤𑌿 𑌪𑍍𑌰𑌾॒𑌣𑌮𑍇॒𑌵𑌾𑌸𑍍𑌯𑌾᳚-𑌨𑍍𑌦𑌧𑌾॒𑌤𑍍𑌯𑌥𑍋᳚ 𑌪𑍍𑌰𑌾𑌜𑌾𑌪॒𑌤𑍍𑌯𑍋 𑌵𑌾 𑌅𑌶𑍍𑌵𑌃॑ 𑌪𑍍𑌰॒𑌜𑌾𑌪॑𑌤𑌿𑌨𑍈॒𑌵𑌾-𑌽𑌗𑍍𑌨𑌿-𑌞𑍍𑌚𑌿॑𑌨𑍁𑌤𑍇 𑌪𑍍𑌰𑌥॒𑌮𑍇𑌷𑍍𑌟॑𑌕𑍋𑌪𑌧𑍀॒𑌯𑌮𑌾॑𑌨𑌾 𑌪𑌶𑍂॒𑌨𑌾-𑌞𑍍𑌚॒ 𑌯𑌜॑𑌮𑌾𑌨𑌸𑍍𑌯 𑌚 𑌪𑍍𑌰𑌾॒𑌣𑌮𑌪𑌿॑ 𑌦𑌧𑌾𑌤𑌿 𑌸𑍍𑌵𑌯𑌮𑌾𑌤𑍃॒𑌣𑍍𑌣𑌾 𑌭॑𑌵𑌤𑌿 𑌪𑍍𑌰𑌾॒𑌣𑌾𑌨𑌾॒𑌮𑍁𑌥𑍍𑌸𑍃॑𑌷𑍍𑌟𑍍𑌯𑌾॒ 𑌅𑌥𑍋॑ 𑌸𑍁𑌵॒𑌰𑍍𑌗𑌸𑍍𑌯॑ 𑌲𑍋॒𑌕𑌸𑍍𑌯𑌾𑌨𑍁॑𑌖𑍍𑌯𑌾𑌤𑍍𑌯𑌾 𑌅॒𑌗𑍍𑌨𑌾𑌵॒𑌗𑍍𑌨𑌿𑌶𑍍𑌚𑍇॑𑌤॒𑌵𑍍𑌯॑ 𑌇𑌤𑍍𑌯𑌾॑𑌹𑍁𑌰𑍇॒𑌷 𑌵𑌾 [𑌇𑌤𑍍𑌯𑌾॑𑌹𑍁𑌰𑍇॒𑌷 𑌵𑍈, 𑌅॒𑌗𑍍𑌨𑌿𑌰𑍍𑌵𑍈᳚𑌶𑍍𑌵𑌾𑌨॒𑌰𑍋] 41

𑌅॒𑌗𑍍𑌨𑌿𑌰𑍍𑌵𑍈᳚𑌶𑍍𑌵𑌾𑌨॒𑌰𑍋 𑌯𑌦𑍍𑌬𑍍𑌰𑌾᳚𑌹𑍍𑌮॒𑌣𑌸𑍍𑌤𑌸𑍍𑌮𑍈᳚ 𑌪𑍍𑌰𑌥॒𑌮𑌾𑌮𑌿𑌷𑍍𑌟॑𑌕𑌾𑌂॒-𑌯𑌁𑌜𑍁॑𑌷𑍍𑌕𑍃𑌤𑌾॒-𑌮𑍍𑌪𑍍𑌰𑌯॑𑌚𑍍𑌛𑍇॒-𑌤𑍍𑌤𑌾-𑌮𑍍𑌬𑍍𑌰𑌾᳚𑌹𑍍𑌮॒𑌣𑌶𑍍𑌚𑍋𑌪॑ 𑌦𑌦𑍍𑌧𑍍𑌯𑌾𑌤𑌾-𑌮॒𑌗𑍍𑌨𑌾𑌵𑍇॒𑌵 𑌤𑌦॒𑌗𑍍𑌨𑌿-𑌞𑍍𑌚𑌿॑𑌨𑍁𑌤 𑌈𑌶𑍍𑌵॒𑌰𑍋 𑌵𑌾 𑌏॒𑌷 𑌆𑌰𑍍𑌤𑌿॒𑌮𑌾𑌰𑍍𑌤𑍋॒𑌰𑍍𑌯𑍋-𑌽𑌵𑌿॑𑌦𑍍𑌵𑌾॒𑌨𑌿𑌷𑍍𑌟॑𑌕𑌾-𑌮𑍁𑌪॒𑌦𑌧𑌾॑𑌤𑌿॒ 𑌤𑍍𑌰𑍀𑌨𑍍. 𑌵𑌰𑌾᳚-𑌨𑍍𑌦𑌦𑍍𑌯𑌾॒-𑌤𑍍𑌤𑍍𑌰𑌯𑍋॒ 𑌵𑍈 𑌪𑍍𑌰𑌾॒𑌣𑌾𑌃 𑌪𑍍𑌰𑌾॒𑌣𑌾𑌨𑌾॒𑌗𑍍॒ 𑌸𑍍𑌪𑍃𑌤𑍍𑌯𑍈॒ 𑌦𑍍𑌵𑌾𑌵𑍇॒𑌵 𑌦𑍇𑌯𑍌॒ 𑌦𑍍𑌵𑍌 𑌹𑌿 𑌪𑍍𑌰𑌾॒𑌣𑌾𑌵𑍇𑌕॑ 𑌏॒𑌵 𑌦𑍇𑌯॒ 𑌏𑌕𑍋॒ 𑌹𑌿 𑌪𑍍𑌰𑌾॒𑌣𑌃 𑌪॒𑌶𑍁- [𑌪𑍍𑌰𑌾॒𑌣𑌃 𑌪॒𑌶𑍁𑌃, 𑌵𑌾 𑌏॒𑌷 𑌯𑌦॒𑌗𑍍𑌨𑌿𑌰𑍍𑌨] 42

-𑌰𑍍𑌵𑌾 𑌏॒𑌷 𑌯𑌦॒𑌗𑍍𑌨𑌿𑌰𑍍𑌨 𑌖𑌲𑍁॒ 𑌵𑍈 𑌪॒𑌶𑌵॒ 𑌆𑌯॑𑌵𑌸𑍇 𑌰𑌮𑌨𑍍𑌤𑍇 𑌦𑍂𑌰𑍍𑌵𑍇𑌷𑍍𑌟॒𑌕𑌾𑌮𑍁𑌪॑ 𑌦𑌧𑌾𑌤𑌿 𑌪𑌶𑍂॒𑌨𑌾-𑌨𑍍𑌧𑍃𑌤𑍍𑌯𑍈॒ 𑌦𑍍𑌵𑌾𑌭𑍍𑌯𑌾॒-𑌮𑍍𑌪𑍍𑌰𑌤𑌿॑𑌷𑍍𑌠𑌿𑌤𑍍𑌯𑍈॒ 𑌕𑌾𑌣𑍍𑌡𑌾᳚-𑌤𑍍𑌕𑌾𑌣𑍍𑌡𑌾-𑌤𑍍𑌪𑍍𑌰॒𑌰𑍋𑌹॒𑌨𑍍𑌤𑍀𑌤𑍍𑌯𑌾॑𑌹॒ 𑌕𑌾𑌣𑍍𑌡𑍇॑𑌨𑌕𑌾𑌣𑍍𑌡𑍇𑌨॒ 𑌹𑍍𑌯𑍇॑𑌷𑌾 𑌪𑍍𑌰॑𑌤𑌿॒𑌤𑌿𑌷𑍍𑌠॑𑌤𑍍𑌯𑍇॒𑌵𑌾 𑌨𑍋॑ 𑌦𑍂𑌰𑍍𑌵𑍇॒ 𑌪𑍍𑌰𑌤॑𑌨𑍁 𑌸॒𑌹𑌸𑍍𑌰𑍇॑𑌣 𑌶॒𑌤𑍇𑌨॒ 𑌚𑍇𑌤𑍍𑌯𑌾॑𑌹 𑌸𑌾𑌹॒𑌸𑍍𑌰𑌃 𑌪𑍍𑌰॒𑌜𑌾𑌪॑𑌤𑌿𑌃 𑌪𑍍𑌰॒𑌜𑌾𑌪॑𑌤𑍇॒𑌰𑌾𑌪𑍍𑌤𑍍𑌯𑍈॑ 𑌦𑍇𑌵𑌲॒𑌕𑍍𑌷𑍍𑌮𑌂-𑌵𑍈𑌁 𑌤𑍍𑌰𑍍𑌯𑌾॑𑌲𑌿𑌖𑌿॒𑌤𑌾 𑌤𑌾𑌮𑍁𑌤𑍍𑌤॑𑌰𑌲𑌕𑍍𑌷𑍍𑌮𑌾𑌣-𑌨𑍍𑌦𑍇॒𑌵𑌾 𑌉𑌪𑌾॑𑌦𑌧॒𑌤𑌾-𑌧॑𑌰𑌲𑌕𑍍𑌷𑍍𑌮𑌾𑌣॒-𑌮𑌸𑍁॑𑌰𑌾॒ 𑌯- [𑌯𑌮𑍍, 𑌕𑌾॒𑌮𑌯𑍇॑𑌤॒] 43

-𑌙𑍍𑌕𑌾॒𑌮𑌯𑍇॑𑌤॒ 𑌵𑌸𑍀॑𑌯𑌾𑌨𑍍-𑌥𑍍𑌸𑍍𑌯𑌾॒𑌦𑌿𑌤𑍍𑌯𑍁𑌤𑍍𑌤॑𑌰𑌲𑌕𑍍𑌷𑍍𑌮𑌾𑌣॒-𑌨𑍍𑌤𑌸𑍍𑌯𑍋𑌪॑ 𑌦𑌦𑍍𑌧𑍍𑌯𑌾॒-𑌦𑍍𑌵𑌸𑍀॑𑌯𑌾𑌨𑍇॒𑌵 𑌭॑𑌵𑌤𑌿॒ 𑌯-𑌙𑍍𑌕𑌾॒𑌮𑌯𑍇॑𑌤॒ 𑌪𑌾𑌪𑍀॑𑌯𑌾𑌨𑍍-𑌥𑍍𑌸𑍍𑌯𑌾॒𑌦𑌿𑌤𑍍𑌯𑌧॑𑌰𑌲𑌕𑍍𑌷𑍍𑌮𑌾𑌣॒-𑌨𑍍𑌤𑌸𑍍𑌯𑍋𑌪॑ 𑌦𑌦𑍍𑌧𑍍𑌯𑌾𑌦𑌸𑍁𑌰𑌯𑍋॒𑌨𑌿-𑌮𑍇॒𑌵𑍈𑌨॒𑌮𑌨𑍁॒ 𑌪𑌰𑌾॑ 𑌭𑌾𑌵𑌯𑌤𑌿॒ 𑌪𑌾𑌪𑍀॑𑌯𑌾-𑌨𑍍𑌭𑌵𑌤𑌿 𑌤𑍍𑌰𑍍𑌯𑌾𑌲𑌿𑌖𑌿॒𑌤𑌾 𑌭॑𑌵𑌤𑍀॒𑌮𑍇 𑌵𑍈 𑌲𑍋॒𑌕𑌾𑌸𑍍𑌤𑍍𑌰𑍍𑌯𑌾॑𑌲𑌿𑌖𑌿॒𑌤𑍈𑌭𑍍𑌯 𑌏॒𑌵 𑌲𑍋॒𑌕𑍇𑌭𑍍𑌯𑍋॒ 𑌭𑍍𑌰𑌾𑌤𑍃॑𑌵𑍍𑌯𑌮॒𑌨𑍍𑌤𑌰𑍇॒𑌤𑍍𑌯𑌙𑍍𑌗𑌿॑𑌰𑌸-𑌸𑍍𑌸𑍁𑌵॒𑌰𑍍𑌗𑌂-𑌲𑍋𑌁॒𑌕𑌂-𑌯𑌁॒𑌤𑌃 𑌪𑍁॑𑌰𑍋॒𑌡𑌾𑌶𑌃॑ 𑌕𑍂॒𑌰𑍍𑌮𑍋 𑌭𑍂॒𑌤𑍍𑌵𑌾-𑌽𑌨𑍁॒ 𑌪𑍍𑌰𑌾𑌸॑𑌰𑍍𑌪॒- [𑌪𑍍𑌰𑌾𑌸॑𑌰𑍍𑌪𑌤𑍍, 𑌯-𑌤𑍍𑌕𑍂॒𑌰𑍍𑌮𑌮𑍁॑𑌪॒𑌦𑌧𑌾॑𑌤𑌿॒] 44

-𑌦𑍍𑌯-𑌤𑍍𑌕𑍂॒𑌰𑍍𑌮𑌮𑍁॑𑌪॒𑌦𑌧𑌾॑𑌤𑌿॒ 𑌯𑌥𑌾᳚ 𑌕𑍍𑌷𑍇𑌤𑍍𑌰॒𑌵𑌿𑌦𑌞𑍍𑌜॑𑌸𑌾॒ 𑌨𑌯॑𑌤𑍍𑌯𑍇॒𑌵𑌮𑍇॒𑌵𑍈𑌨॑-𑌙𑍍𑌕𑍂॒𑌰𑍍𑌮-𑌸𑍍𑌸𑍁॑𑌵॒𑌰𑍍𑌗𑌂-𑌲𑍋𑌁॒𑌕𑌮𑌞𑍍𑌜॑𑌸𑌾 𑌨𑌯𑌤𑌿॒ 𑌮𑍇𑌧𑍋॒ 𑌵𑌾 𑌏॒𑌷 𑌪॑𑌶𑍂॒𑌨𑌾𑌂-𑌯𑌁-𑌤𑍍𑌕𑍂॒𑌰𑍍𑌮𑍋 𑌯-𑌤𑍍𑌕𑍂॒𑌰𑍍𑌮𑌮𑍁॑𑌪॒ 𑌦𑌧𑌾॑𑌤𑌿॒ 𑌸𑍍𑌵𑌮𑍇॒𑌵 𑌮𑍇𑌧॒-𑌮𑍍𑌪𑌶𑍍𑌯॑𑌨𑍍𑌤𑌃 𑌪॒𑌶𑌵॒ 𑌉𑌪॑ 𑌤𑌿𑌷𑍍𑌠𑌨𑍍𑌤𑍇 𑌶𑍍𑌮𑌶𑌾॒𑌨𑌂-𑌵𑌾𑌁 𑌏॒𑌤-𑌤𑍍𑌕𑍍𑌰𑌿॑𑌯𑌤𑍇॒ 𑌯𑌨𑍍𑌮𑍃॒𑌤𑌾𑌨𑌾᳚-𑌮𑍍𑌪𑌶𑍂॒𑌨𑌾𑌗𑍍𑌮𑍍 𑌶𑍀॒𑌰𑍍॒𑌷𑌾𑌣𑍍𑌯𑍁॑𑌪𑌧𑍀॒𑌯𑌨𑍍𑌤𑍇॒ 𑌯𑌜𑍍𑌜𑍀𑌵॑𑌨𑍍𑌤-𑌙𑍍𑌕𑍂॒𑌰𑍍𑌮𑌮𑍁॑𑌪॒ 𑌦𑌧𑌾॑𑌤𑌿॒ 𑌤𑍇𑌨𑌾𑌶𑍍𑌮॑𑌶𑌾𑌨𑌚𑌿𑌦𑍍𑌵𑌾𑌸𑍍𑌤॒𑌵𑍍𑌯𑍋॑ 𑌵𑌾 𑌏॒𑌷 𑌯- [𑌏॒𑌷 𑌯𑌤𑍍, 𑌕𑍂॒𑌰𑍍𑌮𑍋 𑌮𑌧𑍁॒] 45

-𑌤𑍍𑌕𑍂॒𑌰𑍍𑌮𑍋 𑌮𑌧𑍁॒ 𑌵𑌾𑌤𑌾॑ 𑌋𑌤𑌾𑌯॒𑌤 𑌇𑌤𑌿॑ 𑌦॒𑌦𑍍𑌧𑍍𑌨𑌾 𑌮॑𑌧𑍁𑌮𑌿॒𑌶𑍍𑌰𑍇𑌣𑌾॒𑌭𑍍𑌯॑𑌨𑌕𑍍𑌤𑌿 𑌸𑍍𑌵॒𑌦𑌯॑𑌤𑍍𑌯𑍇॒𑌵𑍈𑌨॑-𑌙𑍍𑌗𑍍𑌰𑌾॒𑌮𑍍𑌯𑌂-𑌵𑌾𑌁 𑌏॒𑌤𑌦𑌨𑍍𑌨𑌂॒-𑌯𑌁-𑌦𑍍𑌦𑌦𑍍𑌧𑍍𑌯𑌾॑𑌰॒𑌣𑍍𑌯-𑌮𑍍𑌮𑌧𑍁॒ 𑌯𑌦𑍍𑌦॒𑌦𑍍𑌧𑍍𑌨𑌾 𑌮॑𑌧𑍁𑌮𑌿॒𑌶𑍍𑌰𑍇𑌣𑌾᳚ 𑌭𑍍𑌯॒𑌨𑌕𑍍𑌤𑍍𑌯𑍁॒𑌭𑌯॒𑌸𑍍𑌯𑌾 𑌽𑌵॑𑌰𑍁𑌦𑍍𑌧𑍍𑌯𑍈 𑌮॒𑌹𑍀 𑌦𑍍𑌯𑍌𑌃 𑌪𑍃॑𑌥𑌿॒𑌵𑍀 𑌚॑ 𑌨॒ 𑌇𑌤𑍍𑌯𑌾॑𑌹𑌾॒ 𑌽𑌽𑌭𑍍𑌯𑌾𑌮𑍇॒𑌵𑍈𑌨॑𑌮𑍁𑌭॒𑌯𑌤𑌃॒ 𑌪𑌰𑌿॑𑌗𑍃𑌹𑍍𑌣𑌾𑌤𑌿॒ 𑌪𑍍𑌰𑌾𑌞𑍍𑌚॒𑌮𑍁𑌪॑ 𑌦𑌧𑌾𑌤𑌿 𑌸𑍁𑌵॒𑌰𑍍𑌗𑌸𑍍𑌯॑ 𑌲𑍋॒𑌕𑌸𑍍𑌯॒ 𑌸𑌮॑𑌷𑍍𑌟𑍍𑌯𑍈 𑌪𑍁॒𑌰𑌸𑍍𑌤𑌾᳚-𑌤𑍍𑌪𑍍𑌰॒𑌤𑍍𑌯𑌞𑍍𑌚॒𑌮𑍁𑌪॑ 𑌦𑌧𑌾𑌤𑌿॒ 𑌤𑌸𑍍𑌮𑌾᳚- [𑌤𑌸𑍍𑌮𑌾᳚𑌤𑍍, 𑌪𑍁॒𑌰𑌸𑍍𑌤𑌾᳚-] 46

-𑌤𑍍𑌪𑍁॒𑌰𑌸𑍍𑌤𑌾᳚-𑌤𑍍𑌪𑍍𑌰॒𑌤𑍍𑌯𑌞𑍍𑌚𑌃॑ 𑌪॒𑌶𑌵𑍋॒ 𑌮𑍇𑌧॒𑌮𑍁𑌪॑ 𑌤𑌿𑌷𑍍𑌠𑌨𑍍𑌤𑍇॒ 𑌯𑍋 𑌵𑌾 𑌅𑌪॑𑌨𑌾𑌭𑌿𑌮॒𑌗𑍍𑌨𑌿-𑌞𑍍𑌚𑌿॑𑌨𑍁॒𑌤𑍇 𑌯𑌜॑𑌮𑌾𑌨𑌸𑍍𑌯॒ 𑌨𑌾𑌭𑌿॒𑌮𑌨𑍁॒ 𑌪𑍍𑌰𑌵𑌿॑𑌶𑌤𑌿॒ 𑌸 𑌏॑𑌨𑌮𑍀𑌶𑍍𑌵॒𑌰𑍋 𑌹𑌿𑌗𑍍𑌮𑍍𑌸𑌿॑𑌤𑍋𑌰𑍁॒𑌲𑍂𑌖॑𑌲॒𑌮𑍁𑌪॑ 𑌦𑌧𑌾𑌤𑍍𑌯𑍇॒𑌷𑌾 𑌵𑌾 𑌅॒𑌗𑍍𑌨𑍇𑌰𑍍𑌨𑌾𑌭𑌿॒-𑌸𑍍𑌸𑌨𑌾॑𑌭𑌿𑌮𑍇॒𑌵𑌾-𑌽𑌗𑍍𑌨𑌿-𑌞𑍍𑌚𑌿॑𑌨𑍁॒𑌤𑍇 𑌹𑌿𑌗𑍍𑌮𑍍॑𑌸𑌾𑌯𑌾॒ 𑌔𑌦𑍁॑𑌮𑍍𑌬𑌰-𑌮𑍍𑌭𑌵॒𑌤𑍍𑌯𑍂𑌰𑍍𑌗𑍍𑌵𑌾 𑌉॑𑌦𑍁॒𑌮𑍍𑌬𑌰॒ 𑌊𑌰𑍍𑌜॑𑌮𑍇॒𑌵𑌾𑌵॑ 𑌰𑍁𑌨𑍍𑌧𑍇 𑌮𑌦𑍍𑌧𑍍𑌯॒𑌤 𑌉𑌪॑ 𑌦𑌧𑌾𑌤𑌿 𑌮𑌦𑍍𑌧𑍍𑌯॒𑌤 𑌏॒𑌵𑌾𑌸𑍍𑌮𑌾॒ 𑌊𑌰𑍍𑌜॑-𑌨𑍍𑌦𑌧𑌾𑌤𑌿॒ 𑌤𑌸𑍍𑌮𑌾᳚-𑌨𑍍𑌮𑌦𑍍𑌧𑍍𑌯॒𑌤 𑌊॒𑌰𑍍𑌜𑌾 𑌭𑍁॑𑌞𑍍𑌜𑌤॒ 𑌇𑌯॑-𑌦𑍍𑌭𑌵𑌤𑌿 𑌪𑍍𑌰॒𑌜𑌾𑌪॑𑌤𑌿𑌨𑌾 𑌯𑌜𑍍𑌞𑌮𑍁॒𑌖𑍇𑌨॒ 𑌸𑌮𑍍𑌮𑌿॑𑌤॒𑌮𑌵॑ 𑌹॒𑌨𑍍𑌤𑍍𑌯𑌨𑍍𑌨॑𑌮𑍇॒𑌵𑌾𑌕॑-𑌰𑍍𑌵𑍈𑌷𑍍𑌣॒𑌵𑍍𑌯𑌰𑍍𑌚𑍋𑌪॑ 𑌦𑌧𑌾𑌤𑌿॒ 𑌵𑌿𑌷𑍍𑌣𑍁॒𑌰𑍍𑌵𑍈 𑌯॒𑌜𑍍𑌞𑍋 𑌵𑍈᳚𑌷𑍍𑌣॒𑌵𑌾 𑌵𑌨॒𑌸𑍍𑌪𑌤॑𑌯𑍋 𑌯॒𑌜𑍍𑌞 𑌏॒𑌵 𑌯॒𑌜𑍍𑌞-𑌮𑍍𑌪𑍍𑌰𑌤𑌿॑𑌷𑍍𑌠𑌾𑌪𑌯𑌤𑌿 ॥ 4𑍭 ॥
(𑌏॒𑌷 𑌵𑍈 – 𑌪॒𑌶𑍁 – 𑌰𑍍𑌯 – 𑌮॑𑌸𑌰𑍍𑌪 – 𑌦𑍇॒𑌷 𑌯𑌤𑍍 – 𑌤𑌸𑍍𑌮𑌾॒𑌤𑍍 – 𑌤𑌸𑍍𑌮𑌾᳚𑌥𑍍 – 𑌸॒𑌪𑍍𑌤𑌵𑌿𑌗𑍍𑌮𑍍॑𑌶𑌤𑌿𑌶𑍍𑌚) (𑌅. 𑍮)

𑌏॒𑌷𑌾𑌂-𑌵𑌾𑌁 𑌏॒𑌤𑌲𑍍𑌲𑍋॒𑌕𑌾𑌨𑌾॒-𑌞𑍍𑌜𑍍𑌯𑍋𑌤𑌿॒-𑌸𑍍𑌸𑌮𑍍𑌭𑍃॑𑌤𑌂॒-𑌯𑌁𑌦𑍁॒𑌖𑌾 𑌯𑌦𑍁॒𑌖𑌾-𑌮𑍁॑𑌪॒𑌦𑌧𑌾᳚𑌤𑍍𑌯𑍇॒𑌭𑍍𑌯 𑌏॒𑌵 𑌲𑍋॒𑌕𑍇𑌭𑍍𑌯𑍋॒ 𑌜𑍍𑌯𑍋𑌤𑌿॒𑌰𑌵॑ 𑌰𑍁𑌨𑍍𑌧𑍇 𑌮𑌦𑍍𑌧𑍍𑌯॒𑌤 𑌉𑌪॑ 𑌦𑌧𑌾𑌤𑌿 𑌮𑌦𑍍𑌧𑍍𑌯॒𑌤 𑌏॒𑌵𑌾𑌸𑍍𑌮𑍈॒ 𑌜𑍍𑌯𑍋𑌤𑌿॑𑌰𑍍𑌦𑌧𑌾𑌤𑌿॒ 𑌤𑌸𑍍𑌮𑌾᳚𑌨𑍍𑌮𑌦𑍍𑌧𑍍𑌯॒𑌤𑍋 𑌜𑍍𑌯𑍋𑌤𑌿॒𑌰𑍁𑌪𑌾᳚-𑌽𑌽𑌸𑍍𑌮𑌹𑍇॒ 𑌸𑌿𑌕॑𑌤𑌾𑌭𑌿𑌃 𑌪𑍂𑌰𑌯𑌤𑍍𑌯𑍇॒𑌤𑌦𑍍𑌵𑌾 𑌅॒𑌗𑍍𑌨𑍇𑌰𑍍𑌵𑍈᳚𑌶𑍍𑌵𑌾𑌨॒𑌰𑌸𑍍𑌯॑ 𑌰𑍂॒𑌪𑌗𑍍𑌮𑍍 𑌰𑍂॒𑌪𑍇𑌣𑍈॒𑌵 𑌵𑍈᳚𑌶𑍍𑌵𑌾𑌨॒𑌰𑌮𑌵॑ 𑌰𑍁𑌨𑍍𑌧𑍇॒ 𑌯-𑌙𑍍𑌕𑌾॒𑌮𑌯𑍇॑𑌤॒ 𑌕𑍍𑌷𑍋𑌧𑍁॑𑌕-𑌸𑍍𑌸𑍍𑌯𑌾॒-𑌦𑌿𑌤𑍍𑌯𑍂॒𑌨𑌾-𑌨𑍍𑌤𑌸𑍍𑌯𑍋𑌪॑ [-𑌦𑌿𑌤𑍍𑌯𑍂॒𑌨𑌾-𑌨𑍍𑌤𑌸𑍍𑌯𑍋𑌪॑, 𑌦॒𑌦𑍍𑌧𑍍𑌯𑌾॒-𑌤𑍍𑌕𑍍𑌷𑍋𑌧𑍁॑𑌕] 4𑍮

𑌦𑌦𑍍𑌧𑍍𑌯𑌾॒-𑌤𑍍𑌕𑍍𑌷𑍋𑌧𑍁॑𑌕 𑌏॒𑌵 𑌭॑𑌵𑌤𑌿॒ 𑌯-𑌙𑍍𑌕𑌾॒𑌮𑌯𑍇॒𑌤𑌾-𑌨𑍁॑𑌪𑌦𑌸𑍍𑌯॒-𑌦𑌨𑍍𑌨॑𑌮𑌦𑍍𑌯𑌾॒𑌦𑌿𑌤𑌿॑ 𑌪𑍂॒𑌰𑍍𑌣𑌾-𑌨𑍍𑌤𑌸𑍍𑌯𑍋𑌪॑ 𑌦𑌦𑍍𑌧𑍍𑌯𑌾॒𑌦𑌨𑍁॑𑌪𑌦𑌸𑍍𑌯-𑌦𑍇॒𑌵𑌾𑌨𑍍𑌨॑𑌮𑌤𑍍𑌤𑌿 𑌸॒𑌹𑌸𑍍𑌰𑌂॒-𑌵𑍈𑌁 𑌪𑍍𑌰𑌤𑌿॒ 𑌪𑍁𑌰𑍁॑𑌷𑌃 𑌪𑌶𑍂॒𑌨𑌾𑌂-𑌯𑌁॑𑌚𑍍𑌛𑌤𑌿 𑌸॒𑌹𑌸𑍍𑌰॑𑌮॒𑌨𑍍𑌯𑍇 𑌪॒𑌶𑌵𑍋॒ 𑌮𑌦𑍍𑌧𑍍𑌯𑍇॑ 𑌪𑍁𑌰𑍁𑌷𑌶𑍀॒𑌰𑍍॒𑌷𑌮𑍁𑌪॑ 𑌦𑌧𑌾𑌤𑌿 𑌸𑌵𑍀𑌰𑍍𑌯॒𑌤𑍍𑌵𑌾𑌯𑍋॒-𑌖𑌾𑌯𑌾॒𑌮𑌪𑌿॑ 𑌦𑌧𑌾𑌤𑌿 𑌪𑍍𑌰𑌤𑌿॒𑌷𑍍𑌠𑌾𑌮𑍇॒𑌵𑍈𑌨॑-𑌦𑍍𑌗𑌮𑌯𑌤𑌿॒ 𑌵𑍍𑌯𑍃॑𑌦𑍍𑌧𑌂॒-𑌵𑌾𑌁 𑌏॒𑌤-𑌤𑍍𑌪𑍍𑌰𑌾॒𑌣𑍈𑌰॑𑌮𑍇॒𑌦𑍍𑌧𑍍𑌯𑌂-𑌯𑌁-𑌤𑍍𑌪𑍁॑𑌰𑍁𑌷𑌶𑍀॒𑌰𑍍॒𑌷𑌮॒𑌮𑍃𑌤॒-𑌙𑍍𑌖𑌲𑍁॒ 𑌵𑍈 𑌪𑍍𑌰𑌾॒𑌣𑌾 [𑌵𑍈 𑌪𑍍𑌰𑌾॒𑌣𑌾𑌃, 𑌅॒𑌮𑍃𑌤॒𑌗𑍍𑌮𑍍॒] 4𑍯

𑌅॒𑌮𑍃𑌤॒𑌗𑍍𑌮𑍍॒ 𑌹𑌿𑌰॑𑌣𑍍𑌯-𑌮𑍍𑌪𑍍𑌰𑌾॒𑌣𑍇𑌷𑍁॑ 𑌹𑌿𑌰𑌣𑍍𑌯𑌶॒𑌲𑍍𑌕𑌾-𑌨𑍍𑌪𑍍𑌰𑌤𑍍𑌯॑𑌸𑍍𑌯𑌤𑌿 𑌪𑍍𑌰𑌤𑌿॒𑌷𑍍𑌠𑌾𑌮𑍇॒𑌵𑍈𑌨॑-𑌦𑍍𑌗𑌮𑌯𑌿॒𑌤𑍍𑌵𑌾 𑌪𑍍𑌰𑌾॒𑌣𑍈-𑌸𑍍𑌸𑌮॑𑌰𑍍𑌧𑌯𑌤𑌿 𑌦॒𑌦𑍍𑌧𑍍𑌨𑌾 𑌮॑𑌧𑍁𑌮𑌿॒𑌶𑍍𑌰𑍇𑌣॑ 𑌪𑍂𑌰𑌯𑌤𑌿 𑌮𑌧॒𑌵𑍍𑌯𑍋॑-𑌽𑌸𑌾॒𑌨𑍀𑌤𑌿॑ 𑌶𑍃𑌤𑌾𑌤॒𑌙𑍍𑌕𑍍𑌯𑍇॑𑌨 𑌮𑍇𑌦𑍍𑌧𑍍𑌯॒𑌤𑍍𑌵𑌾𑌯॑ 𑌗𑍍𑌰𑌾॒𑌮𑍍𑌯𑌂-𑌵𑌾𑌁 𑌏॒𑌤𑌦𑌨𑍍𑌨𑌂॒-𑌯𑌁-𑌦𑍍𑌦𑌦𑍍𑌧𑍍𑌯𑌾॑𑌰॒𑌣𑍍𑌯-𑌮𑍍𑌮𑌧𑍁॒ 𑌯𑌦𑍍𑌦॒𑌦𑍍𑌧𑍍𑌨𑌾 𑌮॑𑌧𑍁𑌮𑌿॒𑌶𑍍𑌰𑍇𑌣॑ 𑌪𑍂॒𑌰𑌯॑𑌤𑍍𑌯𑍁॒𑌭𑌯॒𑌸𑍍𑌯𑌾-𑌵॑𑌰𑍁𑌦𑍍𑌧𑍍𑌯𑍈 𑌪𑌶𑍁𑌶𑍀॒𑌰𑍍॒𑌷𑌾𑌣𑍍𑌯𑍁𑌪॑ 𑌦𑌧𑌾𑌤𑌿 𑌪॒𑌶𑌵𑍋॒ 𑌵𑍈 𑌪॑𑌶𑍁𑌶𑍀॒𑌰𑍍॒𑌷𑌾𑌣𑌿॑ 𑌪॒𑌶𑍂𑌨𑍇॒𑌵𑌾𑌵॑ 𑌰𑍁𑌨𑍍𑌧𑍇॒ 𑌯-𑌙𑍍𑌕𑌾॒𑌮𑌯𑍇॑𑌤𑌾-𑌽𑌪॒𑌶𑍁-𑌸𑍍𑌸𑍍𑌯𑌾॒𑌦𑌿𑌤𑌿॑ [-𑌽𑌪॒𑌶𑍁-𑌸𑍍𑌸𑍍𑌯𑌾॒𑌦𑌿𑌤𑌿॑, 𑌵𑌿॒𑌷𑍂॒𑌚𑍀𑌨𑌾॑𑌨𑌿॒] 50

𑌵𑌿𑌷𑍂॒𑌚𑍀𑌨𑌾॑𑌨𑌿॒ 𑌤𑌸𑍍𑌯𑍋𑌪॑ 𑌦𑌦𑍍𑌧𑍍𑌯𑌾॒-𑌦𑍍𑌵𑌿𑌷𑍂॑𑌚 𑌏॒𑌵𑌾𑌸𑍍𑌮𑌾᳚-𑌤𑍍𑌪॒𑌶𑍂-𑌨𑍍𑌦॑𑌧𑌾𑌤𑍍𑌯𑌪॒𑌶𑍁𑌰𑍇॒𑌵 𑌭॑𑌵𑌤𑌿॒ 𑌯-𑌙𑍍𑌕𑌾॒𑌮𑌯𑍇॑𑌤 𑌪𑌶𑍁॒𑌮𑌾𑌨𑍍-𑌥𑍍𑌸𑍍𑌯𑌾॒𑌦𑌿𑌤𑌿॑ 𑌸𑌮𑍀॒𑌚𑍀𑌨𑌾॑𑌨𑌿॒ 𑌤𑌸𑍍𑌯𑍋𑌪॑ 𑌦𑌦𑍍𑌧𑍍𑌯𑌾-𑌥𑍍𑌸॒𑌮𑍀𑌚॑ 𑌏॒𑌵𑌾𑌸𑍍𑌮𑍈॑ 𑌪॒𑌶𑍂-𑌨𑍍𑌦॑𑌧𑌾𑌤𑌿 𑌪𑌶𑍁॒𑌮𑌾𑌨𑍇॒𑌵 𑌭॑𑌵𑌤𑌿 𑌪𑍁॒𑌰𑌸𑍍𑌤𑌾᳚-𑌤𑍍𑌪𑍍𑌰𑌤𑍀॒𑌚𑍀𑌨॒𑌮𑌶𑍍𑌵॒𑌸𑍍𑌯𑍋𑌪॑ 𑌦𑌧𑌾𑌤𑌿 𑌪॒𑌶𑍍𑌚𑌾-𑌤𑍍𑌪𑍍𑌰𑌾॒𑌚𑍀𑌨॑𑌮𑍃𑌷॒𑌭𑌸𑍍𑌯𑌾-𑌪॑𑌶𑌵𑍋॒ 𑌵𑌾 𑌅॒𑌨𑍍𑌯𑍇 𑌗𑍋॑ 𑌅॒𑌶𑍍𑌵𑍇𑌭𑍍𑌯𑌃॑ 𑌪॒𑌶𑌵𑍋॑ 𑌗𑍋 𑌅॒𑌶𑍍𑌵𑌾𑌨𑍇॒𑌵𑌾𑌸𑍍𑌮𑍈॑ 𑌸॒𑌮𑍀𑌚𑍋॑ 𑌦𑌧𑌾𑌤𑍍𑌯𑍇॒-𑌤𑌾𑌵॑𑌨𑍍𑌤𑍋॒ 𑌵𑍈 𑌪॒𑌶𑌵𑍋᳚ [𑌪॒𑌶𑌵𑌃॑, 𑌦𑍍𑌵𑌿॒𑌪𑌾𑌦॑𑌶𑍍𑌚॒] 51

𑌦𑍍𑌵𑌿॒𑌪𑌾𑌦॑𑌶𑍍𑌚॒ 𑌚𑌤𑍁॑𑌷𑍍𑌪𑌾𑌦𑌶𑍍𑌚॒ 𑌤𑌾𑌨𑍍. 𑌵𑌾 𑌏॒𑌤𑌦॒𑌗𑍍𑌨𑍌 𑌪𑍍𑌰𑌦॑𑌧𑌾𑌤𑌿॒ 𑌯-𑌤𑍍𑌪॑𑌶𑍁𑌶𑍀॒𑌰𑍍॒𑌷𑌾𑌣𑍍𑌯𑍁॑𑌪॒-𑌦𑌧𑌾᳚𑌤𑍍𑌯॒-𑌮𑍁𑌮𑌾॑𑌰॒𑌣𑍍𑌯𑌮𑌨𑍁॑ 𑌤𑍇 𑌦𑌿𑌶𑌾॒𑌮𑍀𑌤𑍍𑌯𑌾॑𑌹 𑌗𑍍𑌰𑌾॒𑌮𑍍𑌯𑍇𑌭𑍍𑌯॑ 𑌏॒𑌵 𑌪॒𑌶𑍁𑌭𑍍𑌯॑ 𑌆𑌰॒𑌣𑍍𑌯𑌾-𑌨𑍍𑌪॒𑌶𑍂𑌞𑍍𑌛𑍁𑌚॒𑌮𑌨𑍂𑌥𑍍𑌸𑍃॑𑌜𑌤𑌿॒ 𑌤𑌸𑍍𑌮𑌾᳚-𑌥𑍍𑌸॒𑌮𑌾𑌵॑-𑌤𑍍𑌪𑌶𑍂॒𑌨𑌾-𑌮𑍍𑌪𑍍𑌰॒𑌜𑌾𑌯॑𑌮𑌾𑌨𑌾𑌨𑌾-𑌮𑌾𑌰॒𑌣𑍍𑌯𑌾𑌃 𑌪॒𑌶𑌵𑌃॒ 𑌕𑌨𑍀॑𑌯𑌾𑌗𑍍𑌮𑍍𑌸-𑌶𑍍𑌶𑍁॒𑌚𑌾 𑌹𑍍𑌯𑍃॑𑌤𑌾-𑌸𑍍𑌸॑𑌰𑍍𑌪𑌶𑍀॒𑌰𑍍॒𑌷𑌮𑍁𑌪॑ 𑌦𑌧𑌾𑌤𑌿॒ 𑌯𑍈𑌵 𑌸॒𑌰𑍍𑌪𑍇 𑌤𑍍𑌵𑌿𑌷𑌿॒𑌸𑍍𑌤𑌾𑌮𑍇॒𑌵𑌾-𑌽𑌵॑ 𑌰𑍁𑌨𑍍𑌧𑍇॒ [-𑌽𑌵॑ 𑌰𑍁𑌨𑍍𑌧𑍇, 𑌯-𑌥𑍍𑌸॑𑌮𑍀॒𑌚𑍀𑌨॑-] 52

𑌯-𑌥𑍍𑌸॑𑌮𑍀॒𑌚𑍀𑌨॑–𑌮𑍍𑌪𑌶𑍁𑌶𑍀॒𑌰𑍍॒𑌷𑍈𑌰𑍁॑𑌪 𑌦॒𑌦𑍍𑌧𑍍𑌯𑌾-𑌦𑍍𑌗𑍍𑌰𑌾॒𑌮𑍍𑌯𑌾-𑌨𑍍𑌪॒𑌶𑍂-𑌨𑍍𑌦𑌗𑍍𑌮𑍍𑌶𑍁॑𑌕𑌾-𑌸𑍍𑌸𑍍𑌯𑍁॒𑌰𑍍𑌯-𑌦𑍍𑌵𑌿॑𑌷𑍂॒𑌚𑍀𑌨॑-𑌮𑌾𑌰॒𑌣𑍍𑌯𑌾𑌨𑍍. 𑌯𑌜𑍁॑𑌰𑍇॒𑌵 𑌵॑𑌦𑍇॒𑌦𑌵॒ 𑌤𑌾-𑌨𑍍𑌤𑍍𑌵𑌿𑌷𑌿𑌗𑍍𑌮𑍍॑ 𑌰𑍁𑌨𑍍𑌧𑍇॒ 𑌯𑌾 𑌸॒𑌰𑍍𑌪𑍇 𑌨 𑌗𑍍𑌰𑌾॒𑌮𑍍𑌯𑌾-𑌨𑍍𑌪॒𑌶𑍂𑌨𑍍. 𑌹𑌿॒𑌨𑌸𑍍𑌤𑌿॒ 𑌨𑌾-𑌽𑌽𑌰॒𑌣𑍍𑌯𑌾𑌨𑌥𑍋॒ 𑌖𑌲𑍂॑𑌪॒𑌧𑍇𑌯॑𑌮𑍇॒𑌵 𑌯𑌦𑍁॑𑌪॒𑌦𑌧𑌾॑𑌤𑌿॒ 𑌤𑍇𑌨॒ 𑌤𑌾-𑌨𑍍𑌤𑍍𑌵𑌿𑌷𑌿॒𑌮𑌵॑ 𑌰𑍁𑌨𑍍𑌧𑍇॒ 𑌯𑌾 𑌸॒𑌰𑍍𑌪𑍇 𑌯-𑌦𑍍𑌯𑌜𑍁॒𑌰𑍍𑌵𑌦॑𑌤𑌿॒ 𑌤𑍇𑌨॑ 𑌶𑌾॒𑌨𑍍𑌤𑌮𑍍 ॥ 53 ॥
(𑌊॒𑌨𑌾𑌨𑍍𑌤𑌸𑍍𑌯𑍋𑌪॑ – 𑌪𑍍𑌰𑌾॒𑌣𑌾𑌃 – 𑌸𑍍𑌯𑌾॒𑌦𑌿𑌤𑌿॒ – 𑌵𑍈 𑌪॒𑌶𑌵𑍋॑ – 𑌰𑍁𑌨𑍍𑌧𑍇॒ – 𑌚𑌤𑍁॑𑌶𑍍𑌚𑌤𑍍𑌵𑌾𑌰𑌿𑌗𑍍𑌮𑍍𑌶𑌚𑍍𑌚) (𑌅. 𑍯)

𑌪॒𑌶𑍁𑌰𑍍𑌵𑌾 𑌏॒𑌷 𑌯𑌦॒𑌗𑍍𑌨𑌿𑌰𑍍𑌯𑍋𑌨𑌿𑌃॒ 𑌖𑌲𑍁॒ 𑌵𑌾 𑌏॒𑌷𑌾 𑌪॒𑌶𑍋𑌰𑍍𑌵𑌿 𑌕𑍍𑌰𑌿॑𑌯𑌤𑍇॒ 𑌯-𑌤𑍍𑌪𑍍𑌰𑌾॒𑌚𑍀𑌨॑𑌮𑍈𑌷𑍍𑌟॒𑌕𑌾-𑌦𑍍𑌯𑌜𑍁𑌃॑ 𑌕𑍍𑌰𑌿॒𑌯𑌤𑍇॒ 𑌰𑍇𑌤𑍋॑-𑌽𑌪॒𑌸𑍍𑌯𑌾॑ 𑌅𑌪॒𑌸𑍍𑌯𑌾॑ 𑌉𑌪॑ 𑌦𑌧𑌾𑌤𑌿॒ 𑌯𑍋𑌨𑌾॑𑌵𑍇॒𑌵 𑌰𑍇𑌤𑍋॑ 𑌦𑌧𑌾𑌤𑌿॒ 𑌪𑌞𑍍𑌚𑍋𑌪॑ 𑌦𑌧𑌾𑌤𑌿॒ 𑌪𑌾𑌙𑍍𑌕𑍍𑌤𑌾𑌃᳚ 𑌪॒𑌶𑌵𑌃॑ 𑌪॒𑌶𑍂𑌨𑍇॒𑌵𑌾𑌸𑍍𑌮𑍈॒ 𑌪𑍍𑌰𑌜॑𑌨𑌯𑌤𑌿॒ 𑌪𑌞𑍍𑌚॑ 𑌦𑌕𑍍𑌷𑌿𑌣॒𑌤𑍋 𑌵𑌜𑍍𑌰𑍋॒ 𑌵𑌾 𑌅॑𑌪॒𑌸𑍍𑌯𑌾॑ 𑌵𑌜𑍍𑌰𑍇॑𑌣𑍈॒𑌵 𑌯॒𑌜𑍍𑌞𑌸𑍍𑌯॑ 𑌦𑌕𑍍𑌷𑌿𑌣॒𑌤𑍋 𑌰𑌕𑍍𑌷𑌾॒𑌗𑍍॒𑌸𑍍𑌯𑌪॑ 𑌹𑌨𑍍𑌤𑌿॒ 𑌪𑌞𑍍𑌚॑ 𑌪॒𑌶𑍍𑌚𑌾- [𑌪𑌞𑍍𑌚॑ 𑌪॒𑌶𑍍𑌚𑌾𑌤𑍍, 𑌪𑍍𑌰𑌾𑌚𑍀॒𑌰𑍁𑌪॑ 𑌦𑌧𑌾𑌤𑌿] 54

-𑌤𑍍𑌪𑍍𑌰𑌾𑌚𑍀॒𑌰𑍁𑌪॑ 𑌦𑌧𑌾𑌤𑌿 𑌪॒𑌶𑍍𑌚𑌾𑌦𑍍𑌵𑍈 𑌪𑍍𑌰𑌾॒𑌚𑍀𑌨॒𑌗𑍍𑌮𑍍॒ 𑌰𑍇𑌤𑍋॑ 𑌧𑍀𑌯𑌤𑍇 𑌪॒𑌶𑍍𑌚𑌾𑌦𑍇॒𑌵𑌾𑌸𑍍𑌮𑍈᳚ 𑌪𑍍𑌰𑌾॒𑌚𑍀𑌨॒𑌗𑍍𑌮𑍍॒ 𑌰𑍇𑌤𑍋॑ 𑌦𑌧𑌾𑌤𑌿॒ 𑌪𑌞𑍍𑌚॑ 𑌪𑍁॒𑌰𑌸𑍍𑌤𑌾᳚-𑌤𑍍𑌪𑍍𑌰॒𑌤𑍀𑌚𑍀॒𑌰𑍁𑌪॑ 𑌦𑌧𑌾𑌤𑌿॒ 𑌪𑌞𑍍𑌚॑ 𑌪॒𑌶𑍍𑌚𑌾-𑌤𑍍𑌪𑍍𑌰𑌾𑌚𑍀॒𑌸𑍍𑌤𑌸𑍍𑌮𑌾᳚-𑌤𑍍𑌪𑍍𑌰𑌾॒𑌚𑍀𑌨॒𑌗𑍍𑌮𑍍॒ 𑌰𑍇𑌤𑍋॑ 𑌧𑍀𑌯𑌤𑍇 𑌪𑍍𑌰॒𑌤𑍀𑌚𑍀𑌃᳚ 𑌪𑍍𑌰॒𑌜𑌾 𑌜𑌾॑𑌯𑌨𑍍𑌤𑍇॒ 𑌪𑌞𑍍𑌚𑍋᳚𑌤𑍍𑌤𑌰॒𑌤 𑌶𑍍𑌛॑𑌨𑍍𑌦॒𑌸𑍍𑌯𑌾𑌃᳚ 𑌪॒𑌶𑌵𑍋॒ 𑌵𑍈 𑌛॑𑌨𑍍𑌦॒𑌸𑍍𑌯𑌾𑌃᳚ 𑌪॒𑌶𑍂𑌨𑍇॒𑌵 𑌪𑍍𑌰𑌜𑌾॑𑌤𑌾॒𑌨𑍍-𑌥𑍍𑌸𑍍𑌵𑌮𑌾॒𑌯𑌤॑𑌨𑌮॒𑌭𑌿 𑌪𑌰𑍍𑌯𑍂॑𑌹𑌤 𑌇॒𑌯𑌂-𑌵𑌾𑌁 𑌅॒𑌗𑍍𑌨𑍇-𑌰॑𑌤𑌿𑌦𑌾॒𑌹𑌾-𑌦॑𑌬𑌿𑌭𑍇॒-𑌥𑍍𑌸𑍈𑌤𑌾 [-𑌦॑𑌬𑌿𑌭𑍇॒-𑌥𑍍𑌸𑍈𑌤𑌾𑌃, 𑌅॒𑌪॒𑌸𑍍𑌯𑌾॑ 𑌅𑌪𑌶𑍍𑌯॒-𑌤𑍍𑌤𑌾] 55

𑌅॑𑌪॒𑌸𑍍𑌯𑌾॑ 𑌅𑌪𑌶𑍍𑌯॒-𑌤𑍍𑌤𑌾 𑌉𑌪𑌾॑𑌧𑌤𑍍𑌤॒ 𑌤𑌤𑍋॒ 𑌵𑌾 𑌇॒𑌮𑌾-𑌨𑍍𑌨𑌾𑌤𑍍𑌯॑𑌦𑌹॒-𑌦𑍍𑌯𑌦॑𑌪॒𑌸𑍍𑌯𑌾॑ 𑌉𑌪॒𑌦𑌧𑌾᳚𑌤𑍍𑌯॒𑌸𑍍𑌯𑌾 𑌅𑌨॑𑌤𑌿𑌦𑌾𑌹𑌾𑌯𑍋॒𑌵𑌾𑌚॑ 𑌹𑍇॒𑌯𑌮𑌦॒𑌦𑌿-𑌥𑍍𑌸 𑌬𑍍𑌰𑌹𑍍𑌮॒𑌣𑌾-𑌽𑌨𑍍𑌨𑌂॒-𑌯𑌁𑌸𑍍𑌯𑍈॒𑌤𑌾 𑌉॑𑌪𑌧𑍀॒𑌯𑌾𑌨𑍍𑌤𑍈॒ 𑌯 𑌉॑ 𑌚𑍈𑌨𑌾 𑌏॒𑌵𑌂𑌵𑍇𑌁 𑌦॒𑌦𑌿𑌤𑌿॑ 𑌪𑍍𑌰𑌾𑌣॒𑌭𑍃𑌤॒ 𑌉𑌪॑ 𑌦𑌧𑌾𑌤𑌿॒ 𑌰𑍇𑌤॑𑌸𑍍𑌯𑍇॒𑌵 𑌪𑍍𑌰𑌾॒𑌣𑌾-𑌨𑍍𑌦॑𑌧𑌾𑌤𑌿॒ 𑌤𑌸𑍍𑌮𑌾॒-𑌦𑍍𑌵𑌦॑-𑌨𑍍𑌪𑍍𑌰𑌾॒𑌣-𑌨𑍍𑌪𑌶𑍍𑌯॑𑌞𑍍𑌛𑍃॒𑌣𑍍𑌵-𑌨𑍍𑌪॒𑌶𑍁𑌰𑍍𑌜𑌾॑𑌯𑌤𑍇॒ 𑌽𑌯-𑌮𑍍𑌪𑍁॒𑌰𑍋 [-𑌽𑌯-𑌮𑍍𑌪𑍁॒𑌰𑌃, 𑌭𑍁𑌵॒ 𑌇𑌤𑌿॑] 56

𑌭𑍁𑌵॒ 𑌇𑌤𑌿॑ 𑌪𑍁॒𑌰𑌸𑍍𑌤𑌾॒𑌦𑍁𑌪॑ 𑌦𑌧𑌾𑌤𑌿 𑌪𑍍𑌰𑌾॒𑌣𑌮𑍇॒𑌵𑍈𑌤𑌾𑌭𑌿॑-𑌰𑍍𑌦𑌾𑌧𑌾𑌰𑌾॒-𑌽𑌯-𑌨𑍍𑌦॑𑌕𑍍𑌷𑌿॒𑌣𑌾 𑌵𑌿॒𑌶𑍍𑌵𑌕॒𑌰𑍍𑌮𑍇𑌤𑌿॑ 𑌦𑌕𑍍𑌷𑌿𑌣॒𑌤𑍋 𑌮𑌨॑ 𑌏॒𑌵𑍈𑌤𑌾𑌭𑌿॑𑌰𑍍𑌦𑌾𑌧𑌾𑌰𑌾॒𑌯-𑌮𑍍𑌪॒𑌶𑍍𑌚𑌾-𑌦𑍍𑌵𑌿॒𑌶𑍍𑌵𑌵𑍍𑌯॑𑌚𑌾॒ 𑌇𑌤𑌿॑ 𑌪॒𑌶𑍍𑌚𑌾-𑌚𑍍𑌚𑌕𑍍𑌷𑍁॑𑌰𑍇॒𑌵𑍈𑌤𑌾𑌭𑌿॑-𑌰𑍍𑌦𑌾𑌧𑌾𑌰𑍇॒𑌦-𑌮𑍁॑𑌤𑍍𑌤॒𑌰𑌾-𑌥𑍍𑌸𑍁𑌵॒𑌰𑌿𑌤𑍍𑌯𑍁॑𑌤𑍍𑌤𑌰॒𑌤-𑌶𑍍𑌶𑍍𑌰𑍋𑌤𑍍𑌰॑𑌮𑍇॒𑌵𑍈𑌤𑌾𑌭𑌿॑-𑌰𑍍𑌦𑌾𑌧𑌾𑌰𑍇॒𑌯𑌮𑍁॒𑌪𑌰𑌿॑ 𑌮॒𑌤𑌿𑌰𑌿𑌤𑍍𑌯𑍁॒𑌪𑌰𑌿॑𑌷𑍍𑌟𑌾॒-𑌦𑍍𑌵𑌾𑌚॑𑌮𑍇॒𑌵𑍈𑌤𑌾𑌭𑌿॑-𑌰𑍍𑌦𑌾𑌧𑌾𑌰॒ 𑌦𑌶॑𑌦॒𑌶𑍋𑌪॑ 𑌦𑌧𑌾𑌤𑌿 𑌸𑌵𑍀𑌰𑍍𑌯॒𑌤𑍍𑌵𑌾𑌯𑌾᳚𑌕𑍍𑌷𑍍𑌣॒𑌯𑍋 [𑌸𑌵𑍀𑌰𑍍𑌯॒𑌤𑍍𑌵𑌾𑌯𑌾᳚𑌕𑍍𑌷𑍍𑌣॒𑌯𑌾, 𑌉𑌪॑ 𑌦𑌧𑌾𑌤𑌿॒] 5𑍭

-𑌪॑ 𑌦𑌧𑌾𑌤𑌿॒ 𑌤𑌸𑍍𑌮𑌾॑𑌦𑌕𑍍𑌷𑍍𑌣॒𑌯𑌾 𑌪॒𑌶𑌵𑍋-𑌽𑌙𑍍𑌗𑌾॑𑌨𑌿॒ 𑌪𑍍𑌰𑌹॑𑌰𑌨𑍍𑌤𑌿॒ 𑌪𑍍𑌰𑌤𑌿॑𑌷𑍍𑌠𑌿𑌤𑍍𑌯𑍈॒ 𑌯𑌾𑌃 𑌪𑍍𑌰𑌾𑌚𑍀॒𑌸𑍍𑌤𑌾𑌭𑌿॒-𑌰𑍍𑌵𑌸𑌿॑𑌷𑍍𑌠 𑌆𑌰𑍍𑌧𑍍𑌨𑍋॒𑌦𑍍𑌯𑌾 𑌦॑𑌕𑍍𑌷𑌿॒𑌣𑌾 𑌤𑌾𑌭𑌿॑𑌰𑍍𑌭॒𑌰𑌦𑍍𑌵𑌾॑𑌜𑍋॒ 𑌯𑌾𑌃 𑌪𑍍𑌰॒𑌤𑍀𑌚𑍀॒𑌸𑍍𑌤𑌾𑌭𑌿॑ 𑌰𑍍𑌵𑌿॒𑌶𑍍𑌵𑌾𑌮𑌿॑𑌤𑍍𑌰𑍋॒ 𑌯𑌾 𑌉𑌦𑍀॑𑌚𑍀॒𑌸𑍍𑌤𑌾𑌭𑌿॑-𑌰𑍍𑌜॒𑌮𑌦॑𑌗𑍍𑌨𑌿॒𑌰𑍍𑌯𑌾 𑌊॒𑌰𑍍𑌧𑍍𑌵𑌾𑌸𑍍𑌤𑌾𑌭𑌿॑-𑌰𑍍𑌵𑌿॒𑌶𑍍𑌵𑌕॑𑌰𑍍𑌮𑌾॒ 𑌯 𑌏॒𑌵𑌮𑍇॒𑌤𑌾𑌸𑌾॒𑌮𑍃𑌦𑍍𑌧𑌿𑌂॒-𑌵𑍇𑌁𑌦॒𑌰𑍍𑌧𑍍𑌨𑍋𑌤𑍍𑌯𑍇॒𑌵 𑌯 𑌆॑𑌸𑌾𑌮𑍇॒𑌵-𑌮𑍍𑌬॒𑌨𑍍𑌧𑍁𑌤𑌾𑌂॒-𑌵𑍇𑌁𑌦॒ 𑌬𑌨𑍍𑌧𑍁॑𑌮𑌾-𑌨𑍍𑌭𑌵𑌤𑌿॒ 𑌯 𑌆॑𑌸𑌾𑌮𑍇॒𑌵-𑌙𑍍𑌕𑍢𑌪𑍍𑌤𑌿𑌂॒-𑌵𑍇𑌁𑌦॒ 𑌕𑌲𑍍𑌪॑𑌤𑍇- [𑌕𑌲𑍍𑌪॑𑌤𑍇, 𑌅॒𑌸𑍍𑌮𑍈॒ 𑌯 𑌆॑𑌸𑌾𑌮𑍇॒𑌵-] 5𑍮

-𑌽𑌸𑍍𑌮𑍈॒ 𑌯 𑌆॑𑌸𑌾𑌮𑍇॒𑌵-𑌮𑌾॒𑌯𑌤॑𑌨𑌂॒-𑌵𑍇𑌁𑌦𑌾॒-𑌽𑌽𑌯𑌤॑𑌨𑌵𑌾-𑌨𑍍𑌭𑌵𑌤𑌿॒ 𑌯 𑌆॑𑌸𑌾𑌮𑍇॒𑌵-𑌮𑍍𑌪𑍍𑌰॑𑌤𑌿॒𑌷𑍍𑌠𑌾𑌂-𑌵𑍇𑌁𑌦॒ 𑌪𑍍𑌰𑌤𑍍𑌯𑍇॒𑌵 𑌤𑌿॑𑌷𑍍𑌠𑌤𑌿 𑌪𑍍𑌰𑌾𑌣॒𑌭𑍃𑌤॑ 𑌉𑌪॒𑌧𑌾𑌯॑ 𑌸𑌂॒𑌯𑌁𑌤॒ 𑌉𑌪॑ 𑌦𑌧𑌾𑌤𑌿 𑌪𑍍𑌰𑌾॒𑌣𑌾𑌨𑍇॒𑌵𑌾 𑌽𑌸𑍍𑌮𑌿॑-𑌨𑍍𑌧𑌿॒𑌤𑍍𑌵𑌾 𑌸𑌂॒𑌯𑌁𑌦𑍍𑌭𑌿॒-𑌸𑍍𑌸𑌂𑌯𑌁॑𑌚𑍍𑌛𑌤𑌿॒ 𑌤-𑌥𑍍𑌸𑌂॒𑌯𑌁𑌤𑌾𑌗𑍍𑌮𑍍॑ 𑌸𑌂𑌯𑌁॒𑌤𑍍𑌤𑍍𑌵𑌮𑌥𑍋᳚ 𑌪𑍍𑌰𑌾॒𑌣 𑌏॒𑌵𑌾𑌪𑌾॒𑌨-𑌨𑍍𑌦॑𑌧𑌾𑌤𑌿॒ 𑌤𑌸𑍍𑌮𑌾᳚-𑌤𑍍𑌪𑍍𑌰𑌾𑌣𑌾𑌪𑌾॒𑌨𑍌 𑌸-𑌞𑍍𑌚॑𑌰𑌤𑍋॒ 𑌵𑌿𑌷𑍂॑𑌚𑍀॒𑌰𑍁𑌪॑ 𑌦𑌧𑌾𑌤𑌿॒ 𑌤𑌸𑍍𑌮𑌾॒-𑌦𑍍𑌵𑌿𑌷𑍍𑌵॑𑌞𑍍𑌚𑍌 𑌪𑍍𑌰𑌾𑌣𑌾𑌪𑌾॒𑌨𑍌 𑌯𑌦𑍍𑌵𑌾 𑌅॒𑌗𑍍𑌨𑍇𑌰𑌸𑌂॑𑌯𑌁𑌤॒- [𑌅॒𑌗𑍍𑌨𑍇𑌰𑌸𑌂॑𑌯𑌁𑌤𑌮𑍍, 𑌅𑌸𑍁॑𑌵𑌰𑍍𑌗𑍍𑌯𑌮𑌸𑍍𑌯॒] 5𑍯

-𑌮𑌸𑍁॑𑌵𑌰𑍍𑌗𑍍𑌯𑌮𑌸𑍍𑌯॒ 𑌤-𑌥𑍍𑌸𑍁॑𑌵॒𑌰𑍍𑌗𑍍𑌯𑍋᳚-𑌽𑌗𑍍𑌨𑌿𑌰𑍍𑌯-𑌥𑍍𑌸𑌂॒𑌯𑌁𑌤॑ 𑌉𑌪॒ 𑌦𑌧𑌾॑𑌤𑌿॒ 𑌸𑌮𑍇॒𑌵𑍈𑌨𑌂॑-𑌯𑌁𑌚𑍍𑌛𑌤𑌿 𑌉𑌵॒𑌰𑍍𑌗𑍍𑌯॑𑌮𑍇॒𑌵𑌾𑌕॒ -𑌸𑍍𑌤𑍍𑌰𑍍𑌯𑌵𑌿॒𑌰𑍍𑌵𑌯𑌃॑ 𑌕𑍃॒𑌤𑌮𑌯𑌾॑𑌨𑌾॒𑌮𑌿𑌤𑍍𑌯𑌾॑𑌹॒ 𑌵𑌯𑍋॑𑌭𑌿𑌰𑍇॒𑌵𑌾𑌯𑌾॒𑌨𑌵॑ 𑌰𑍁॒𑌨𑍍𑌧𑍇 𑌽𑌯𑍈॒𑌰𑍍𑌵𑌯𑌾𑌗𑍍𑌮𑍍॑𑌸𑌿 𑌸॒𑌰𑍍𑌵𑌤𑍋॑ 𑌵𑌾𑌯𑍁॒𑌮𑌤𑍀᳚𑌰𑍍𑌭𑌵𑌨𑍍𑌤𑌿॒ 𑌤𑌸𑍍𑌮𑌾॑𑌦॒𑌯𑌗𑍍𑌮𑍍 𑌸॒𑌰𑍍𑌵𑌤𑌃॑ 𑌪𑌵𑌤𑍇 ॥ 60 ॥
(𑌪॒𑌶𑍍𑌚𑌾 – 𑌦𑍇॒𑌤𑌾𑌃 – 𑌪𑍁॒𑌰𑍋᳚ – 𑌽𑌕𑍍𑌷𑍍𑌣॒𑌯𑌾 – 𑌕𑌲𑍍𑌪॒𑌤𑍇 – 𑌽𑌸𑌂॑-𑌯𑌁𑌤𑌂॒ – 𑌪𑌞𑍍𑌚॑𑌤𑍍𑌰𑌿𑌗𑍍𑌮𑍍𑌶𑌚𑍍𑌚) (𑌅. 10)

𑌗𑌾॒𑌯॒𑌤𑍍𑌰𑍀 𑌤𑍍𑌰𑌿॒𑌷𑍍𑌟𑍁-𑌬𑍍𑌜𑌗॑𑌤𑍍𑌯𑌨𑍁॒𑌷𑍍𑌟𑍁-𑌕𑍍𑌪॒𑌙𑍍𑌕𑍍𑌤𑍍𑌯𑌾॑ 𑌸॒𑌹 । 𑌬𑍃॒𑌹॒𑌤𑍍𑌯𑍁॑𑌷𑍍𑌣𑌿𑌹𑌾॑ 𑌕॒𑌕𑍁-𑌥𑍍𑌸𑍂॒𑌚𑍀𑌭𑌿॑-𑌶𑍍𑌶𑌿𑌮𑍍𑌯𑌨𑍍𑌤𑍁 𑌤𑍍𑌵𑌾 ॥ 𑌦𑍍𑌵𑌿॒𑌪𑌦𑌾॒ 𑌯𑌾 𑌚𑌤𑍁॑𑌷𑍍𑌪𑌦𑌾 𑌤𑍍𑌰𑌿॒𑌪𑌦𑌾॒ 𑌯𑌾𑌚॒ 𑌷𑌟𑍍𑌪॑𑌦𑌾 । 𑌸𑌛॑𑌨𑍍𑌦𑌾॒ 𑌯𑌾 𑌚॒ 𑌵𑌿𑌚𑍍𑌛॑𑌨𑍍𑌦𑌾-𑌸𑍍𑌸𑍂॒𑌚𑍀𑌭𑌿॑-𑌶𑍍𑌶𑌿𑌮𑍍𑌯𑌨𑍍𑌤𑍁 𑌤𑍍𑌵𑌾 ॥ 𑌮॒𑌹𑌾𑌨𑌾᳚𑌮𑍍𑌨𑍀 𑌰𑍇॒𑌵𑌤॑𑌯𑍋॒ 𑌵𑌿𑌶𑍍𑌵𑌾॒ 𑌆𑌶𑌾𑌃᳚ 𑌪𑍍𑌰॒𑌸𑍂𑌵॑𑌰𑍀𑌃 । 𑌮𑍇𑌘𑍍𑌯𑌾॑ 𑌵𑌿॒𑌦𑍍𑌯𑍁𑌤𑍋॒ 𑌵𑌾𑌚॑-𑌸𑍍𑌸𑍂॒𑌚𑍀𑌭𑌿॑-𑌶𑍍𑌶𑌿𑌮𑍍𑌯𑌨𑍍𑌤𑍁 𑌤𑍍𑌵𑌾 ॥ 𑌰॒𑌜॒𑌤𑌾 𑌹𑌰𑌿॑𑌣𑍀॒-𑌸𑍍𑌸𑍀𑌸𑌾॒ 𑌯𑍁𑌜𑍋॑ 𑌯𑍁𑌜𑍍𑌯𑌨𑍍𑌤𑍇॒ 𑌕𑌰𑍍𑌮॑𑌭𑌿𑌃 । 𑌅𑌶𑍍𑌵॑𑌸𑍍𑌯 𑌵𑌾॒𑌜𑌿𑌨॑𑌸𑍍𑌤𑍍𑌵॒𑌚𑌿 𑌸𑍂॒𑌚𑍀𑌭𑌿॑-𑌶𑍍𑌶𑌿𑌮𑍍𑌯𑌨𑍍𑌤𑍁 𑌤𑍍𑌵𑌾 ॥ 𑌨𑌾𑌰𑍀᳚- [𑌨𑌾𑌰𑍀𑌃᳚, 𑌤𑍇॒ 𑌪𑌤𑍍𑌨॑𑌯𑍋॒ 𑌲𑍋𑌮॒] 61

-𑌸𑍍𑌤𑍇॒ 𑌪𑌤𑍍𑌨॑𑌯𑍋॒ 𑌲𑍋𑌮॒ 𑌵𑌿𑌚𑌿॑𑌨𑍍𑌵𑌨𑍍𑌤𑍁 𑌮𑌨𑍀॒𑌷𑌯𑌾᳚ । 𑌦𑍇॒𑌵𑌾𑌨𑌾॒-𑌮𑍍𑌪𑌤𑍍𑌨𑍀॒𑌰𑍍𑌦𑌿𑌶॑-𑌸𑍍𑌸𑍂॒𑌚𑍀𑌭𑌿॑-𑌶𑍍𑌶𑌿𑌮𑍍𑌯𑌨𑍍𑌤𑍁 𑌤𑍍𑌵𑌾 ॥ 𑌕𑍁॒𑌵𑌿𑌦॒𑌙𑍍𑌗 𑌯𑌵॑𑌮𑌨𑍍𑌤𑍋॒ 𑌯𑌵॑-𑌞𑍍𑌚𑌿॒𑌦𑍍𑌯𑌥𑌾॒ 𑌦𑌾𑌨𑍍𑌤𑍍𑌯॑𑌨𑍁𑌪𑍂॒𑌰𑍍𑌵𑌂-𑌵𑌿𑌁॒𑌯𑍂𑌯॑ । 𑌇॒𑌹𑍇𑌹𑍈॑𑌷𑌾-𑌙𑍍𑌕𑍃𑌣𑍁𑌤॒ 𑌭𑍋𑌜॑𑌨𑌾𑌨𑌿॒ 𑌯𑍇 𑌬॒𑌰𑍍॒𑌹𑌿𑌷𑍋॒ 𑌨𑌮𑍋॑𑌵𑍃𑌕𑍍𑌤𑌿॒-𑌨𑍍𑌨𑌜॒𑌗𑍍𑌮𑍁𑌃 ॥ 62 ॥
(𑌨𑌾𑌰𑍀᳚ – 𑌸𑍍𑌤𑍍𑌰𑌿॒𑌗𑍍𑌮𑍍॒𑌶𑌚𑍍𑌚॑) (𑌅. 11)

𑌕𑌸𑍍𑌤𑍍𑌵𑌾᳚ 𑌚𑍍𑌛𑍍𑌯𑌤𑌿॒ 𑌕𑌸𑍍𑌤𑍍𑌵𑌾॒ 𑌵𑌿 𑌶𑌾᳚𑌸𑍍𑌤𑌿॒ 𑌕𑌸𑍍𑌤𑍇॒ 𑌗𑌾𑌤𑍍𑌰𑌾॑𑌣𑌿 𑌶𑌿𑌮𑍍𑌯𑌤𑌿 । 𑌕 𑌉॑ 𑌤𑍇 𑌶𑌮𑌿॒𑌤𑌾 𑌕॒𑌵𑌿𑌃 ॥ 𑌋॒𑌤𑌵॑𑌸𑍍𑌤 𑌋𑌤𑍁॒𑌧𑌾 𑌪𑌰𑍁॑-𑌶𑍍𑌶𑌮𑌿॒𑌤𑌾𑌰𑍋॒ 𑌵𑌿𑌶𑌾॑𑌸𑌤𑍁 । 𑌸𑌂॒𑌵𑌁॒𑌥𑍍𑌸॒𑌰𑌸𑍍𑌯॒ 𑌧𑌾𑌯॑𑌸𑌾॒ 𑌶𑌿𑌮𑍀॑𑌭𑌿-𑌶𑍍𑌶𑌿𑌮𑍍𑌯𑌨𑍍𑌤𑍁 𑌤𑍍𑌵𑌾 ॥ 𑌦𑍈𑌵𑍍𑌯𑌾॑ 𑌅𑌦𑍍𑌧𑍍𑌵॒𑌰𑍍𑌯𑌵॑𑌸𑍍𑌤𑍍𑌵𑌾॒ 𑌚𑍍𑌛𑍍𑌯𑌨𑍍𑌤𑍁॒ 𑌵𑌿 𑌚॑ 𑌶𑌾𑌸𑌤𑍁 । 𑌗𑌾𑌤𑍍𑌰𑌾॑𑌣𑌿 𑌪𑌰𑍍𑌵॒𑌶𑌸𑍍𑌤𑍇॒ 𑌶𑌿𑌮𑌾𑌃᳚ 𑌕𑍃𑌣𑍍𑌵𑌨𑍍𑌤𑍁॒ 𑌶𑌿𑌮𑍍𑌯॑𑌨𑍍𑌤𑌃 ॥ 𑌅॒𑌰𑍍𑌧॒𑌮𑌾॒𑌸𑌾𑌃 𑌪𑌰𑍂𑌗𑍍𑌮𑍍॑𑌷𑌿 𑌤𑍇॒ 𑌮𑌾𑌸𑌾᳚-𑌶𑍍𑌛𑍍𑌯𑌨𑍍𑌤𑍁॒ 𑌶𑌿𑌮𑍍𑌯॑𑌨𑍍𑌤𑌃 । 𑌅॒𑌹𑍋॒𑌰𑌾॒𑌤𑍍𑌰𑌾𑌣𑌿॑ 𑌮॒𑌰𑍁𑌤𑍋॒ 𑌵𑌿𑌲𑌿॑𑌷𑍍𑌟𑌗𑍍𑌮𑍍 [𑌮॒𑌰𑍁𑌤𑍋॒ 𑌵𑌿𑌲𑌿॑𑌷𑍍𑌟𑌮𑍍, 𑌸𑍂॒𑌦॒𑌯॒𑌨𑍍𑌤𑍁॒ 𑌤𑍇॒ ।] 63

𑌸𑍂𑌦𑌯𑌨𑍍𑌤𑍁 𑌤𑍇 ॥ 𑌪𑍃॒𑌥𑌿॒𑌵𑍀 𑌤𑍇॒ 𑌽𑌨𑍍𑌤𑌰𑌿॑𑌕𑍍𑌷𑍇𑌣 𑌵𑌾॒𑌯𑍁𑌶𑍍𑌛𑌿॒𑌦𑍍𑌰-𑌮𑍍𑌭𑌿॑𑌷𑌜𑍍𑌯𑌤𑍁 । 𑌦𑍍𑌯𑍌𑌸𑍍𑌤𑍇॒ 𑌨𑌕𑍍𑌷॑𑌤𑍍𑌰𑍈-𑌸𑍍𑌸॒𑌹 𑌰𑍂॒𑌪-𑌙𑍍𑌕𑍃॑𑌣𑍋𑌤𑍁 𑌸𑌾𑌧𑍁॒𑌯𑌾 ॥ 𑌶-𑌨𑍍𑌤𑍇॒ 𑌪𑌰𑍇᳚𑌭𑍍𑌯𑍋॒ 𑌗𑌾𑌤𑍍𑌰𑍇᳚𑌭𑍍𑌯॒-𑌶𑍍𑌶𑌮॒𑌸𑍍𑌤𑍍𑌵𑌵॑𑌰𑍇𑌭𑍍𑌯𑌃 । 𑌶𑌮॒𑌸𑍍𑌥𑌭𑍍𑌯𑍋॑ 𑌮॒𑌜𑍍𑌜𑌭𑍍𑌯॒-𑌶𑍍𑌶𑌮𑍁॑ 𑌤𑍇 𑌤॒𑌨𑍁𑌵𑍇॑ 𑌭𑍁𑌵𑌤𑍍 ॥ 64 ॥
(𑌵𑌿𑌲𑌿॑𑌷𑍍𑌟𑌂 – 𑌤𑍍𑌰𑌿॒𑌗𑍍𑌮𑍍॒𑌶𑌚𑍍𑌚॑) (𑌅. 12)

(𑌵𑌿𑌷𑍍𑌣𑍁॑𑌮𑍁𑌖𑌾॒ – 𑌅𑌨𑍍𑌨॑𑌪𑌤𑍇॒ – 𑌯𑌾𑌵॑𑌤𑍀॒ – 𑌵𑌿 𑌵𑍈 – 𑌪𑍁॑𑌰𑍁𑌷𑌮𑌾॒𑌤𑍍𑌰𑍇𑌣𑌾 – 𑌽𑌗𑍍𑌨𑍇॒ 𑌤𑌵॒ 𑌶𑍍𑌰𑌵𑍋॒ 𑌵𑌯𑍋॒ – 𑌬𑍍𑌰𑌹𑍍𑌮॑ 𑌜𑌜𑍍𑌞𑌾॒𑌨𑌗𑍍𑌗𑍍 – 𑌸𑍍𑌵॑𑌯𑌮𑌾𑌤𑍃॒𑌣𑍍𑌣𑌾 – 𑌮𑍇॒𑌷𑌾𑌂-𑌵𑍈𑌁 – 𑌪॒𑌶𑍁 – 𑌰𑍍𑌗𑌾॑𑌯॒𑌤𑍍𑌰𑍀 – 𑌕𑌸𑍍𑌤𑍍𑌵𑌾॒ – 𑌦𑍍𑌵𑌾𑌦॑𑌶 )

(𑌵𑌿𑌷𑍍𑌣𑍁॑𑌮𑍁𑌖𑌾॒ – 𑌅𑌪॑𑌚𑌿𑌤𑌿𑌮𑌾॒𑌨𑍍॒ – 𑌵𑌿 𑌵𑌾 𑌏॒𑌤𑌾 – 𑌵𑌗𑍍𑌨𑍇॒ 𑌤𑌵॑ – 𑌸𑍍𑌵𑌯𑌮𑌾𑌤𑍃॒𑌣𑍍𑌣𑌾𑌂 – 𑌁𑌵𑌿॑𑌷𑍂॒𑌚𑍀𑌨𑌾॑𑌨𑌿 – 𑌗𑌾𑌯॒𑌤𑍍𑌰𑍀 – 𑌚𑌤𑍁॑𑌷𑍍𑌷𑌷𑍍𑌟𑌿𑌃)

(𑌵𑌿𑌷𑍍𑌣𑍁॑𑌮𑍁𑌖𑌾, 𑌸𑍍𑌤॒𑌨𑍁𑌵𑍇॑ 𑌭𑍁𑌵𑌤𑍍)

॥ 𑌹𑌰𑌿𑌃॑ 𑌓𑌮𑍍 ॥
॥ 𑌕𑍃𑌷𑍍𑌣 𑌯𑌜𑍁𑌰𑍍𑌵𑍇𑌦𑍀𑌯 𑌤𑍈𑌤𑍍𑌤𑌿𑌰𑍀𑌯 𑌸𑌂𑌹𑌿𑌤𑌾𑌯𑌾-𑌮𑍍𑌪𑌞𑍍𑌚𑌮𑌕𑌾𑌣𑍍𑌡𑍇 𑌦𑍍𑌵𑌿𑌤𑍀𑌯𑌃 𑌪𑍍𑌰𑌶𑍍𑌨-𑌸𑍍𑌸𑌮𑌾𑌪𑍍𑌤𑌃 ॥

प्रायः पृष्टाः प्रश्नाः

What is 5.2 - 𑌵𑌿𑌷𑍍𑌣𑍁𑌮𑍁𑌖𑌾 𑌵𑍈 𑌦𑍇𑌵𑌾𑌃 - 𑌕𑍃𑌷𑍍𑌣 𑌯𑌜𑍁𑌰𑍍𑌵𑍇𑌦 𑌤𑍈𑌤𑍍𑌤𑌿𑌰𑍀𑌯 𑌸𑌂𑌹𑌿𑌤𑌾 𑌪𑌾𑌠𑌃?

5.2 - 𑌵𑌿𑌷𑍍𑌣𑍁𑌮𑍁𑌖𑌾 𑌵𑍈 𑌦𑍇𑌵𑌾𑌃 - 𑌕𑍃𑌷𑍍𑌣 𑌯𑌜𑍁𑌰𑍍𑌵𑍇𑌦 𑌤𑍈𑌤𑍍𑌤𑌿𑌰𑍀𑌯 𑌸𑌂𑌹𑌿𑌤𑌾 𑌪𑌾𑌠𑌃 is a Vishnu Stotrams available on Bhakti Granth in the selected language or script.

Which language or script is this version in?

This edition is published in Grantha. Use the language selector to view another available edition.

Can I read 5.2 - 𑌵𑌿𑌷𑍍𑌣𑍁𑌮𑍁𑌖𑌾 𑌵𑍈 𑌦𑍇𑌵𑌾𑌃 - 𑌕𑍃𑌷𑍍𑌣 𑌯𑌜𑍁𑌰𑍍𑌵𑍇𑌦 𑌤𑍈𑌤𑍍𑌤𑌿𑌰𑍀𑌯 𑌸𑌂𑌹𑌿𑌤𑌾 𑌪𑌾𑌠𑌃 online?

Yes. The imported text is available directly on this page for online reading and recitation.

Can I download 5.2 - 𑌵𑌿𑌷𑍍𑌣𑍁𑌮𑍁𑌖𑌾 𑌵𑍈 𑌦𑍇𑌵𑌾𑌃 - 𑌕𑍃𑌷𑍍𑌣 𑌯𑌜𑍁𑌰𑍍𑌵𑍇𑌦 𑌤𑍈𑌤𑍍𑌤𑌿𑌰𑍀𑌯 𑌸𑌂𑌹𑌿𑌤𑌾 𑌪𑌾𑌠𑌃 as a PDF?

If a verified PDF resource was found on the source page, a PDF download button is automatically connected to this page.

How can I share this page?

Use Copy Link, WhatsApp or Facebook in the sticky sharing bar provided by the Bhakti Granth theme.

Are there related devotional texts on Bhakti Granth?

Yes. The Bhakti Granth theme automatically connects texts through language and topic relationships to strengthen navigation and topical coverage.

प्रायः पृष्टाः प्रश्नाः

भक्तिग्रन्थं पश्यतु