𑌶𑍍𑌰𑍀 𑌵𑍇𑌂𑌕𑌟𑍇𑌶𑍍𑌵𑌰 𑌶𑌰𑌣𑌾𑌗𑌤𑌿 𑌗𑌦𑍍𑌯𑌮𑍍

This Bhakti Granth document is presented in Grantha script, with the original script marks preserved.

𑌯𑍋 𑌨𑌿𑌤𑍍𑌯𑌮𑌚𑍍𑌯𑍁𑌤𑌪𑌦𑌾𑌂𑌬𑍁𑌜𑌯𑍁𑌗𑍍𑌮𑌰𑍁𑌕𑍍𑌮
𑌵𑍍𑌯𑌾𑌮𑍋𑌹𑌤𑌸𑍍𑌤𑌦𑌿𑌤𑌰𑌾𑌣𑌿 𑌤𑍃𑌣𑌾𑌯 𑌮𑍇𑌨𑍇 ।
𑌅𑌸𑍍𑌮𑌦𑍍𑌗𑍁𑌰𑍋𑌰𑍍𑌭𑌗𑌵𑌤𑍋𑌽𑌸𑍍𑌯 𑌦𑌯𑍈𑌕𑌸𑌿𑌂𑌧𑍋𑌃
𑌰𑌾𑌮𑌾𑌨𑍁𑌜𑌸𑍍𑌯 𑌚𑌰𑌣𑍌 𑌶𑌰𑌣𑌂 𑌪𑍍𑌰𑌪𑌦𑍍𑌯𑍇 ॥

𑌵𑌂𑌦𑍇 𑌵𑍇𑌦𑌾𑌂𑌤𑌕𑌰𑍍𑌪𑍂𑌰𑌚𑌾𑌮𑍀𑌕𑌰 𑌕𑌰𑌂𑌡𑌕𑌮𑍍 ।
𑌰𑌾𑌮𑌾𑌨𑍁𑌜𑌾𑌰𑍍𑌯𑌮𑌾𑌰𑍍𑌯𑌾𑌣𑌾𑌂 𑌚𑍂𑌡𑌾𑌮𑌣𑌿𑌮𑌹𑌰𑍍𑌨𑌿𑌶𑌮𑍍 ॥

𑌓𑌮𑍍 ॥ 𑌭𑌗𑌵𑌨𑍍𑌨𑌾𑌰𑌾𑌯𑌣𑌾𑌭𑌿𑌮𑌤𑌾𑌨𑍁𑌰𑍂𑌪 𑌸𑍍𑌵𑌰𑍂𑌪𑌰𑍂𑌪 𑌗𑍁𑌣𑌵𑌿𑌭𑌵𑍈𑌶𑍍𑌵𑌰𑍍𑌯 𑌶𑍀𑌲𑌾𑌦𑍍𑌯𑌨𑌵𑌧𑌿𑌕𑌾𑌤𑌿𑌶𑌯 𑌅𑌸𑌂𑌖𑍍𑌯𑍇𑌯 𑌕𑌲𑍍𑌯𑌾𑌣𑌗𑍁𑌣𑌗𑌣𑌾𑌂 𑌪𑌦𑍍𑌮𑌵𑌨𑌾𑌲𑌯𑌾𑌂 𑌭𑌗𑌵𑌤𑍀𑌂 𑌶𑍍𑌰𑌿𑌯𑌂 𑌦𑍇𑌵𑍀𑌂 𑌨𑌿𑌤𑍍𑌯𑌾𑌨𑌪𑌾𑌯𑌿𑌨𑍀𑌂 𑌨𑌿𑌰𑌵𑌦𑍍𑌯𑌾𑌂 𑌦𑍇𑌵𑌦𑍇𑌵𑌦𑌿𑌵𑍍𑌯𑌮𑌹𑌿𑌷𑍀𑌂 𑌅𑌖𑌿𑌲𑌜𑌗𑌨𑍍𑌮𑌾𑌤𑌰𑌂 𑌅𑌸𑍍𑌮𑌨𑍍𑌮𑌾𑌤𑌰𑌂 𑌅𑌶𑌰𑌣𑍍𑌯𑌶𑌰𑌣𑍍𑌯𑌾𑌂 𑌅𑌨𑌨𑍍𑌯𑌶𑌰𑌣𑌃 𑌶𑌰𑌣𑌮𑌹𑌂 𑌪𑍍𑌰𑌪𑌦𑍍𑌯𑍇 ॥

𑌪𑌾𑌰𑌮𑌾𑌰𑍍𑌥𑌿𑌕 𑌭𑌗𑌵𑌚𑍍𑌚𑌰𑌣𑌾𑌰𑌵𑌿𑌂𑌦 𑌯𑍁𑌗𑌳𑍈𑌕𑌾𑌂𑌤𑌿𑌕𑌾𑌤𑍍𑌯𑌂𑌤𑌿𑌕 𑌪𑌰𑌭𑌕𑍍𑌤𑌿 𑌪𑌰𑌜𑍍𑌞𑌾𑌨 𑌪𑌰𑌮𑌭𑌕𑍍𑌤𑌿𑌕𑍃𑌤 𑌪𑌰𑌿𑌪𑍂𑌰𑍍𑌣𑌾𑌨𑌵𑌰𑌤 𑌨𑌿𑌤𑍍𑌯𑌵𑌿𑌶𑌦𑌤𑌮𑌾𑌨𑌨𑍍𑌯 𑌪𑍍𑌰𑌯𑍋𑌜𑌨𑌾𑌨𑌵𑌧𑌿𑌕𑌾𑌤𑌿𑌶𑌯 𑌪𑍍𑌰𑌿𑌯 𑌭𑌗𑌵𑌦𑌨𑍁𑌭𑌵𑌜𑌨𑌿𑌤𑌾𑌨𑌵𑌧𑌿𑌕𑌾𑌤𑌿𑌶𑌯 𑌪𑍍𑌰𑍀𑌤𑌿𑌕𑌾𑌰𑌿𑌤𑌾𑌶𑍇𑌷𑌾𑌵𑌸𑍍𑌥𑍋𑌚𑌿𑌤 𑌅𑌶𑍇𑌷𑌶𑍇𑌷𑌤𑍈𑌕𑌰𑌤𑌿𑌰𑍂𑌪 𑌨𑌿𑌤𑍍𑌯𑌕𑍈𑌂𑌕𑌰𑍍𑌯𑌪𑍍𑌰𑌾𑌪𑍍𑌤𑍍𑌯𑌪𑍇𑌕𑍍𑌷𑌯𑌾 𑌪𑌾𑌰𑌮𑌾𑌰𑍍𑌥𑌿𑌕𑍀 𑌭𑌗𑌵𑌚𑍍𑌚𑌰𑌣𑌾𑌰𑌵𑌿𑌂𑌦 𑌶𑌰𑌣𑌾𑌗𑌤𑌿𑌃 𑌯𑌥𑌾𑌵𑌸𑍍𑌥𑌿𑌤𑌾 𑌅𑌵𑌿𑌰𑌤𑌾𑌽𑌸𑍍𑌤𑍁 𑌮𑍇 ॥

𑌅𑌸𑍍𑌤𑍁 𑌤𑍇 । 𑌤𑌯𑍈𑌵 𑌸𑌰𑍍𑌵𑌂 𑌸𑌂𑌪𑌤𑍍𑌸𑍍𑌯𑌤𑍇 ॥

𑌅𑌖𑌿𑌲𑌹𑍇𑌯𑌪𑍍𑌰𑌤𑍍𑌯𑌨𑍀𑌕 𑌕𑌲𑍍𑌯𑌾𑌣𑍈𑌕𑌤𑌾𑌨, 𑌸𑍍𑌵𑍇𑌤𑌰 𑌸𑌮𑌸𑍍𑌤𑌵𑌸𑍍𑌤𑍁𑌵𑌿𑌲𑌕𑍍𑌷𑌣𑌾𑌨𑌂𑌤 𑌜𑍍𑌞𑌾𑌨𑌾𑌨𑌂𑌦𑍈𑌕𑌸𑍍𑌵𑌰𑍂𑌪, 𑌸𑍍𑌵𑌾𑌭𑌿𑌮𑌤𑌾𑌨𑍁𑌰𑍂𑌪𑍈𑌕𑌰𑍂𑌪𑌾𑌚𑌿𑌂𑌤𑍍𑌯 𑌦𑌿𑌵𑍍𑌯𑌾𑌦𑍍𑌭𑍁𑌤 𑌨𑌿𑌤𑍍𑌯𑌨𑌿𑌰𑌵𑌦𑍍𑌯 𑌨𑌿𑌰𑌤𑌿𑌶𑌯𑍌𑌜𑍍𑌜𑍍𑌵𑌲𑍍𑌯 𑌸𑍌𑌂𑌦𑌰𑍍𑌯 𑌸𑍌𑌗𑌂𑌧𑍍𑌯 𑌸𑍌𑌕𑍁𑌮𑌾𑌰𑍍𑌯 𑌲𑌾𑌵𑌣𑍍𑌯 𑌯𑍌𑌵𑌨𑌾𑌦𑍍𑌯𑌨𑌂𑌤𑌗𑍁𑌣𑌨𑌿𑌧𑌿 𑌦𑌿𑌵𑍍𑌯𑌰𑍂𑌪, 𑌸𑍍𑌵𑌾𑌭𑌾𑌵𑌿𑌕𑌾𑌨𑌵𑌧𑌿𑌕𑌾𑌤𑌿𑌶𑌯 𑌜𑍍𑌞𑌾𑌨 𑌬𑌲𑍈𑌶𑍍𑌵𑌰𑍍𑌯 𑌵𑍀𑌰𑍍𑌯 𑌶𑌕𑍍𑌤𑌿 𑌤𑍇𑌜𑌸𑍍𑌸𑍌𑌶𑍀𑌲𑍍𑌯 𑌵𑌾𑌤𑍍𑌸𑌲𑍍𑌯 𑌮𑌾𑌰𑍍𑌦𑌵𑌾𑌰𑍍𑌜𑌵 𑌸𑍌𑌹𑌾𑌰𑍍𑌦 𑌸𑌾𑌮𑍍𑌯 𑌕𑌾𑌰𑍁𑌣𑍍𑌯 𑌮𑌾𑌧𑍁𑌰𑍍𑌯 𑌗𑌾𑌂𑌭𑍀𑌰𑍍𑌯𑍌𑌦𑌾𑌰𑍍𑌯 𑌚𑌾𑌤𑍁𑌰𑍍𑌯 𑌸𑍍𑌥𑍈𑌰𑍍𑌯 𑌧𑍈𑌰𑍍𑌯 𑌶𑍌𑌰𑍍𑌯 𑌪𑌰𑌾𑌕𑍍𑌰𑌮 𑌸𑌤𑍍𑌯𑌕𑌾𑌮 𑌸𑌤𑍍𑌯𑌸𑌂𑌕𑌲𑍍𑌪 𑌕𑍃𑌤𑌿𑌤𑍍𑌵 𑌕𑍃𑌤𑌜𑍍𑌞𑌤𑌾𑌦𑍍𑌯𑌸𑌂𑌖𑍍𑌯𑍇𑌯 𑌕𑌲𑍍𑌯𑌾𑌣𑌗𑍁𑌣𑌗𑌣𑍌𑌘 𑌮𑌹𑌾𑌰𑍍𑌣𑌵,
𑌸𑍍𑌵𑍋𑌚𑌿𑌤 𑌵𑌿𑌵𑌿𑌧 𑌵𑌿𑌚𑌿𑌤𑍍𑌰𑌾𑌨𑌂𑌤𑌾𑌶𑍍𑌚𑌰𑍍𑌯 𑌨𑌿𑌤𑍍𑌯 𑌨𑌿𑌰𑌵𑌦𑍍𑌯 𑌨𑌿𑌰𑌤𑌿𑌶𑌯 𑌸𑍁𑌗𑌂𑌧 𑌨𑌿𑌰𑌤𑌿𑌶𑌯 𑌸𑍁𑌖𑌸𑍍𑌪𑌰𑍍𑌶 𑌨𑌿𑌰𑌤𑌿𑌶𑌯𑍌𑌜𑍍𑌜𑍍𑌵𑌲𑍍𑌯 𑌕𑌿𑌰𑍀𑌟 𑌮𑌕𑍁𑌟 𑌚𑍂𑌡𑌾𑌵𑌤𑌂𑌸 𑌮𑌕𑌰𑌕𑍁𑌂𑌡𑌲 𑌗𑍍𑌰𑍈𑌵𑍇𑌯𑌕 𑌹𑌾𑌰 𑌕𑍇𑌯𑍂𑌰 𑌕𑌟𑌕 𑌶𑍍𑌰𑍀𑌵𑌤𑍍𑌸 𑌕𑍌𑌸𑍍𑌤𑍁𑌭 𑌮𑍁𑌕𑍍𑌤𑌾𑌦𑌾𑌮𑍋𑌦𑌰𑌬𑌂𑌧𑌨 𑌪𑍀𑌤𑌾𑌂𑌬𑌰 𑌕𑌾𑌂𑌚𑍀𑌗𑍁𑌣 𑌨𑍂𑌪𑍁𑌰𑌾𑌦𑍍𑌯𑌪𑌰𑌿𑌮𑌿𑌤 𑌦𑌿𑌵𑍍𑌯𑌭𑍂𑌷𑌣, 𑌸𑍍𑌵𑌾𑌨𑍁𑌰𑍂𑌪𑌾𑌚𑌿𑌂𑌤𑍍𑌯𑌶𑌕𑍍𑌤𑌿 𑌶𑌂𑌖𑌚𑌕𑍍𑌰𑌗𑌦𑌾𑌽𑌸𑌿 𑌶𑌾𑌰𑌂𑌗𑌾𑌦𑍍𑌯𑌸𑌂𑌖𑍍𑌯𑍇𑌯
𑌨𑌿𑌤𑍍𑌯𑌨𑌿𑌰𑌵𑌦𑍍𑌯 𑌨𑌿𑌰𑌤𑌿𑌶𑌯 𑌕𑌲𑍍𑌯𑌾𑌣𑌦𑌿𑌵𑍍𑌯𑌾𑌯𑍁𑌧,
𑌸𑍍𑌵𑌾𑌭𑌿𑌮𑌤 𑌨𑌿𑌤𑍍𑌯𑌨𑌿𑌰𑌵𑌦𑍍𑌯𑌾𑌨𑍁𑌰𑍂𑌪 𑌸𑍍𑌵𑌰𑍂𑌪𑌰𑍂𑌪𑌗𑍁𑌣 𑌵𑌿𑌭𑌵𑍈𑌶𑍍𑌵𑌰𑍍𑌯 𑌶𑍀𑌲𑌾𑌦𑍍𑌯𑌨𑌵𑌧𑌿𑌕𑌾𑌤𑌿𑌶𑌯𑌾𑌸𑌂𑌖𑍍𑌯𑍇𑌯 𑌕𑌲𑍍𑌯𑌾𑌣𑌗𑍁𑌣𑌗𑌣𑌶𑍍𑌰𑍀𑌵𑌲𑍍𑌲𑌭, 𑌏𑌵𑌂𑌭𑍂𑌤 𑌭𑍂𑌮𑌿𑌨𑍀𑌳𑌾𑌨𑌾𑌯𑌕, 𑌸𑍍𑌵𑌚𑍍𑌛𑌂𑌦𑌾𑌨𑍁𑌵𑌰𑍍𑌤𑌿 𑌸𑍍𑌵𑌰𑍂𑌪𑌸𑍍𑌥𑌿𑌤𑌿 𑌪𑍍𑌰𑌵𑍃𑌤𑍍𑌤𑌿𑌭𑍇𑌦𑌾𑌶𑍇𑌷 𑌶𑍇𑌷𑌤𑍈𑌕𑌰𑌤𑌿𑌰𑍂𑌪
𑌨𑌿𑌤𑍍𑌯𑌨𑌿𑌰𑌵𑌦𑍍𑌯𑌨𑌿𑌰𑌤𑌿𑌶𑌯 𑌜𑍍𑌞𑌾𑌨 𑌕𑍍𑌰𑌿𑌯𑍈𑌶𑍍𑌵𑌰𑍍𑌯𑌾𑌦𑍍𑌯𑌨𑌂𑌤 𑌕𑌲𑍍𑌯𑌾𑌣𑌗𑍁𑌣𑌗𑌣 𑌶𑍇𑌷 𑌶𑍇𑌷𑌾𑌶𑌨
𑌗𑌰𑍁𑌡𑌪𑍍𑌰𑌮𑍁𑌖 𑌨𑌾𑌨𑌾𑌵𑌿𑌧𑌾𑌨𑌂𑌤 𑌪𑌰𑌿𑌜𑌨 𑌪𑌰𑌿𑌚𑌾𑌰𑌿𑌕𑌾 𑌪𑌰𑌿𑌚𑌰𑌿𑌤 𑌚𑌰𑌣𑌯𑍁𑌗𑌳, 𑌪𑌰𑌮𑌯𑍋𑌗𑌿 𑌵𑌾𑌙𑍍𑌮𑌨𑌸𑌾𑌽𑌪𑌰𑌿𑌚𑍍𑌛𑍇𑌦𑍍𑌯 𑌸𑍍𑌵𑌰𑍂𑌪 𑌸𑍍𑌵𑌭𑌾𑌵 𑌸𑍍𑌵𑌾𑌭𑌿𑌮𑌤 𑌵𑌿𑌵𑌿𑌧𑌵𑌿𑌚𑌿𑌤𑍍𑌰𑌾𑌨𑌂𑌤𑌭𑍋𑌗𑍍𑌯 𑌭𑍋𑌗𑍋𑌪𑌕𑌰𑌣 𑌭𑍋𑌗𑌸𑍍𑌥𑌾𑌨 𑌸𑌮𑍃𑌦𑍍𑌧𑌾𑌨𑌂𑌤𑌾𑌶𑍍𑌚𑌰𑍍𑌯𑌾𑌨𑌂𑌤 𑌮𑌹𑌾𑌵𑌿𑌭𑌵𑌾𑌨𑌂𑌤 𑌪𑌰𑌿𑌮𑌾𑌣 𑌨𑌿𑌤𑍍𑌯 𑌨𑌿𑌰𑌵𑌦𑍍𑌯 𑌨𑌿𑌰𑌤𑌿𑌶𑌯 𑌶𑍍𑌰𑍀𑌵𑍈𑌕𑍁𑌂𑌠𑌨𑌾𑌥, 𑌸𑍍𑌵𑌸𑌂𑌕𑌲𑍍𑌪𑌾𑌨𑍁𑌵𑌿𑌧𑌾𑌯𑌿 𑌸𑍍𑌵𑌰𑍂𑌪𑌸𑍍𑌥𑌿𑌤𑌿 𑌪𑍍𑌰𑌵𑍃𑌤𑍍𑌤𑌿 𑌸𑍍𑌵𑌶𑍇𑌷𑌤𑍈𑌕𑌸𑍍𑌵𑌭𑌾𑌵 𑌪𑍍𑌰𑌕𑍃𑌤𑌿 𑌪𑍁𑌰𑍁𑌷 𑌕𑌾𑌲𑌾𑌤𑍍𑌮𑌕 𑌵𑌿𑌵𑌿𑌧 𑌵𑌿𑌚𑌿𑌤𑍍𑌰𑌾𑌨𑌂𑌤 𑌭𑍋𑌗𑍍𑌯 𑌭𑍋𑌕𑍍𑌤𑍃𑌵𑌰𑍍𑌗 𑌭𑍋𑌗𑍋𑌪𑌕𑌰𑌣 𑌭𑍋𑌗𑌸𑍍𑌥𑌾𑌨𑌰𑍂𑌪
𑌨𑌿𑌖𑌿𑌲𑌜𑌗𑌦𑍁𑌦𑌯 𑌵𑌿𑌭𑌵 𑌲𑌯𑌲𑍀𑌲, 𑌸𑌤𑍍𑌯𑌕𑌾𑌮, 𑌸𑌤𑍍𑌯𑌸𑌂𑌕𑌲𑍍𑌪, 𑌪𑌰𑌬𑍍𑌰𑌹𑍍𑌮𑌭𑍂𑌤, 𑌪𑍁𑌰𑍁𑌷𑍋𑌤𑍍𑌤𑌮,𑌮𑌹𑌾𑌵𑌿𑌭𑍂𑌤𑍇,

𑌶𑍍𑌰𑍀𑌮𑌨𑍍 𑌨𑌾𑌰𑌾𑌯𑌣, 𑌵𑍈𑌕𑍁𑌂𑌠𑌨𑌾𑌥, 𑌅𑌪𑌾𑌰 𑌕𑌾𑌰𑍁𑌣𑍍𑌯 𑌸𑍌𑌶𑍀𑌲𑍍𑌯 𑌵𑌾𑌤𑍍𑌸𑌲𑍍𑌯𑍌𑌦𑌾𑌰𑍍𑌯𑍈𑌶𑍍𑌵𑌰𑍍𑌯 𑌸𑍌𑌂𑌦𑌰𑍍𑌯 𑌮𑌹𑍋𑌦𑌧𑍇, 𑌅𑌨𑌾𑌲𑍋𑌚𑌿𑌤𑌵𑌿𑌶𑍇𑌷𑌾𑌶𑍇𑌷𑌲𑍋𑌕 𑌶𑌰𑌣𑍍𑌯, 𑌪𑍍𑌰𑌣𑌤𑌾𑌰𑍍𑌤𑌿𑌹𑌰, 𑌆𑌶𑍍𑌰𑌿𑌤 𑌵𑌾𑌤𑍍𑌸𑌲𑍍𑌯𑍈𑌕𑌜𑌲𑌧𑍇, 𑌅𑌨𑌵𑌰𑌤𑌵𑌿𑌦𑌿𑌤 𑌨𑌿𑌖𑌿𑌲𑌭𑍂𑌤𑌜𑌾𑌤𑌯𑌾𑌥𑌾𑌤𑍍𑌮𑍍𑌯, 𑌅𑌶𑍇𑌷𑌚𑌰𑌾𑌚𑌰𑌭𑍂𑌤 𑌨𑌿𑌖𑌿𑌲𑌨𑌿𑌯𑌮𑌨 𑌨𑌿𑌰𑌤, 𑌅𑌶𑍇𑌷𑌚𑌿𑌦𑌚𑌿𑌦𑍍𑌵𑌸𑍍𑌤𑍁 𑌶𑍇𑌷𑌿𑌭𑍂𑌤, 𑌨𑌿𑌖𑌿𑌲𑌜𑌗𑌦𑌾𑌧𑌾𑌰, 𑌅𑌖𑌿𑌲𑌜𑌗𑌤𑍍𑌸𑍍𑌵𑌾𑌮𑌿𑌨𑍍, 𑌅𑌸𑍍𑌮𑌤𑍍𑌸𑍍𑌵𑌾𑌮𑌿𑌨𑍍, 𑌸𑌤𑍍𑌯𑌕𑌾𑌮,
𑌸𑌤𑍍𑌯𑌸𑌂𑌕𑌲𑍍𑌪, 𑌸𑌕𑌲𑍇𑌤𑌰𑌵𑌿𑌲𑌕𑍍𑌷𑌣, 𑌅𑌰𑍍𑌥𑌿𑌕𑌲𑍍𑌪𑌕, 𑌆𑌪𑌤𑍍𑌸𑌖, 𑌶𑍍𑌰𑍀𑌮𑌨𑍍, 𑌨𑌾𑌰𑌾𑌯𑌣, 𑌅𑌶𑌰𑌣𑍍𑌯𑌶𑌰𑌣𑍍𑌯, 𑌅𑌨𑌨𑍍𑌯𑌶𑌰𑌣𑌸𑍍𑌤𑍍𑌵𑌤𑍍𑌪𑌾𑌦𑌾𑌰𑌵𑌿𑌂𑌦 𑌯𑍁𑌗𑌳𑌂 𑌶𑌰𑌣𑌮𑌹𑌂 𑌪𑍍𑌰𑌪𑌦𑍍𑌯𑍇 ॥

𑌅𑌤𑍍𑌰 𑌦𑍍𑌵𑌯𑌮𑍍 ।

𑌪𑌿𑌤𑌰𑌂 𑌮𑌾𑌤𑌰𑌂 𑌦𑌾𑌰𑌾𑌨𑍍 𑌪𑍁𑌤𑍍𑌰𑌾𑌨𑍍 𑌬𑌂𑌧𑍂𑌨𑍍 𑌸𑌖𑍀𑌨𑍍 𑌗𑍁𑌰𑍂𑌨𑍍 ।
𑌰𑌤𑍍𑌨𑌾𑌨𑌿 𑌧𑌨𑌧𑌾𑌨𑍍𑌯𑌾𑌨𑌿 𑌕𑍍𑌷𑍇𑌤𑍍𑌰𑌾𑌣𑌿 𑌚 𑌗𑍃𑌹𑌾𑌣𑌿 𑌚 ॥ 1

𑌸𑌰𑍍𑌵𑌧𑌰𑍍𑌮𑌾𑌂𑌶𑍍𑌚 𑌸𑌂𑌤𑍍𑌯𑌜𑍍𑌯 𑌸𑌰𑍍𑌵𑌕𑌾𑌮𑌾𑌂𑌶𑍍𑌚 𑌸𑌾𑌕𑍍𑌷𑌰𑌾𑌨𑍍 ।
𑌲𑍋𑌕𑌵𑌿𑌕𑍍𑌰𑌾𑌂𑌤𑌚𑌰𑌣𑍌 𑌶𑌰𑌣𑌂 𑌤𑍇𑌽𑌵𑍍𑌰𑌜𑌂 𑌵𑌿𑌭𑍋 ॥ 2

𑌤𑍍𑌵𑌮𑍇𑌵 𑌮𑌾𑌤𑌾 𑌚 𑌪𑌿𑌤𑌾 𑌤𑍍𑌵𑌮𑍇𑌵
𑌤𑍍𑌵𑌮𑍇𑌵 𑌬𑌂𑌧𑍁𑌶𑍍𑌚 𑌗𑍁𑌰𑍁𑌸𑍍𑌤𑍍𑌵𑌮𑍇𑌵 ।
𑌤𑍍𑌵𑌮𑍇𑌵 𑌵𑌿𑌦𑍍𑌯𑌾 𑌦𑍍𑌰𑌵𑌿𑌣𑌂 𑌤𑍍𑌵𑌮𑍇𑌵
𑌤𑍍𑌵𑌮𑍇𑌵 𑌸𑌰𑍍𑌵𑌂 𑌮𑌮 𑌦𑍇𑌵𑌦𑍇𑌵 ॥ 3

𑌪𑌿𑌤𑌾𑌽𑌸𑌿 𑌲𑍋𑌕𑌸𑍍𑌯 𑌚𑌰𑌾𑌚𑌰𑌸𑍍𑌯
𑌤𑍍𑌵𑌮𑌸𑍍𑌯 𑌪𑍂𑌜𑍍𑌯𑌶𑍍𑌚 𑌗𑍁𑌰𑍁𑌰𑍍𑌗𑌰𑍀𑌯𑌾𑌨𑍍 ।
𑌨 𑌤𑍍𑌵𑌤𑍍𑌸𑌮𑍋𑌽𑌸𑍍𑌤𑍍𑌯𑌭𑍍𑌯𑌧𑌿𑌕𑌃 𑌕𑍁𑌤𑍋𑌽𑌨𑍍𑌯𑍋
𑌲𑍋𑌕𑌤𑍍𑌰𑌯𑍇𑌽𑌪𑍍𑌯𑌪𑍍𑌰𑌤𑌿𑌮𑌪𑍍𑌰𑌭𑌾𑌵 ॥ 4

𑌤𑌸𑍍𑌮𑌾𑌤𑍍𑌪𑍍𑌰𑌣𑌮𑍍𑌯 𑌪𑍍𑌰𑌣𑌿𑌧𑌾𑌯 𑌕𑌾𑌯𑌂
𑌪𑍍𑌰𑌸𑌾𑌦𑌯𑍇 𑌤𑍍𑌵𑌾𑌮𑌹𑌮𑍀𑌶𑌮𑍀𑌡𑍍𑌯𑌮𑍍 ।
𑌪𑌿𑌤𑍇𑌵 𑌪𑍁𑌤𑍍𑌰𑌸𑍍𑌯 𑌸𑌖𑍇𑌵 𑌸𑌖𑍍𑌯𑍁𑌃
𑌪𑍍𑌰𑌿𑌯𑌃 𑌪𑍍𑌰𑌿𑌯𑌾𑌯𑌾𑌰𑍍𑌹𑌸𑌿 𑌦𑍇𑌵 𑌸𑍋𑌢𑍁𑌮𑍍 ॥

𑌮𑌨𑍋𑌵𑌾𑌕𑍍𑌕𑌾𑌯𑍈𑌰𑌨𑌾𑌦𑌿𑌕𑌾𑌲 𑌪𑍍𑌰𑌵𑍃𑌤𑍍𑌤𑌾𑌨𑌂𑌤𑌾𑌕𑍃𑌤𑍍𑌯𑌕𑌰𑌣 𑌕𑍃𑌤𑍍𑌯𑌾𑌕𑌰𑌣 𑌭𑌗𑌵𑌦𑌪𑌚𑌾𑌰 𑌭𑌾𑌗𑌵𑌤𑌾𑌪𑌚𑌾𑌰𑌾𑌸𑌹𑍍𑌯𑌾𑌪𑌚𑌾𑌰𑌰𑍂𑌪 𑌨𑌾𑌨𑌾𑌵𑌿𑌧𑌾𑌨𑌂𑌤𑌾𑌪𑌚𑌾𑌰𑌾𑌨𑍍 𑌆𑌰𑌬𑍍𑌧𑌕𑌾𑌰𑍍𑌯𑌾𑌨𑍍 𑌅𑌨𑌾𑌰𑌬𑍍𑌧𑌕𑌾𑌰𑍍𑌯𑌾𑌨𑍍 𑌕𑍃𑌤𑌾𑌨𑍍 𑌕𑍍𑌰𑌿𑌯𑌮𑌾𑌣𑌾𑌨𑍍 𑌕𑌰𑌿𑌷𑍍𑌯𑌮𑌾𑌣𑌾𑌂𑌶𑍍𑌚 𑌸𑌰𑍍𑌵𑌾𑌨𑌶𑍇𑌷𑌤𑌃 𑌕𑍍𑌷𑌮𑌸𑍍𑌵 ।

𑌅𑌨𑌾𑌦𑌿𑌕𑌾𑌲𑌪𑍍𑌰𑌵𑍃𑌤𑍍𑌤𑌵𑌿𑌪𑌰𑍀𑌤 𑌜𑍍𑌞𑌾𑌨𑌮𑌾𑌤𑍍𑌮𑌵𑌿𑌷𑌯𑌂 𑌕𑍃𑌤𑍍𑌸𑍍𑌨 𑌜𑌗𑌦𑍍𑌵𑌿𑌷𑌯𑌂 𑌚 𑌵𑌿𑌪𑌰𑍀𑌤𑌵𑍃𑌤𑍍𑌤𑌂 𑌚𑌾𑌶𑍇𑌷𑌵𑌿𑌷𑌯𑌮𑌦𑍍𑌯𑌾𑌪𑌿 𑌵𑌰𑍍𑌤𑌮𑌾𑌨𑌂 𑌵𑌰𑍍𑌤𑌿𑌷𑍍𑌯𑌮𑌾𑌣𑌂 𑌚 𑌸𑌰𑍍𑌵𑌂 𑌕𑍍𑌷𑌮𑌸𑍍𑌵 ।

𑌮𑌦𑍀𑌯𑌾𑌨𑌾𑌦𑌿𑌕𑌰𑍍𑌮 𑌪𑍍𑌰𑌵𑌾𑌹𑌪𑍍𑌰𑌵𑍃𑌤𑍍𑌤𑌾𑌂 𑌭𑌗𑌵𑌤𑍍𑌸𑍍𑌵𑌰𑍂𑌪 𑌤𑌿𑌰𑍋𑌧𑌾𑌨𑌕𑌰𑍀𑌂 𑌵𑌿𑌪𑌰𑍀𑌤𑌜𑍍𑌞𑌾𑌨𑌜𑌨𑌨𑍀𑌂 𑌸𑍍𑌵𑌵𑌿𑌷𑌯𑌾𑌯𑌾𑌶𑍍𑌚 𑌭𑍋𑌗𑍍𑌯𑌬𑍁𑌦𑍍𑌧𑍇𑌰𑍍𑌜𑌨𑌨𑍀𑌂 𑌦𑍇𑌹𑍇𑌂𑌦𑍍𑌰𑌿𑌯𑌤𑍍𑌵𑍇𑌨 𑌭𑍋𑌗𑍍𑌯𑌤𑍍𑌵𑍇𑌨 𑌸𑍂𑌕𑍍𑌷𑍍𑌮𑌰𑍂𑌪𑍇𑌣 𑌚𑌾𑌵𑌸𑍍𑌥𑌿𑌤𑌾𑌂 𑌦𑍈𑌵𑍀𑌂 𑌗𑍁𑌣𑌮𑌯𑍀𑌂 𑌮𑌾𑌯𑌾𑌂 𑌦𑌾𑌸𑌭𑍂𑌤𑌂 𑌶𑌰𑌣𑌾𑌗𑌤𑍋𑌽𑌸𑍍𑌮𑌿 𑌤𑌵𑌾𑌸𑍍𑌮𑌿 𑌦𑌾𑌸𑌃 𑌇𑌤𑌿 𑌵𑌕𑍍𑌤𑌾𑌰𑌂 𑌮𑌾𑌂 𑌤𑌾𑌰𑌯 ।

𑌤𑍇𑌷𑌾𑌂 𑌜𑍍𑌞𑌾𑌨𑍀 𑌨𑌿𑌤𑍍𑌯𑌯𑍁𑌕𑍍𑌤𑌃 𑌏𑌕𑌭𑌕𑍍𑌤𑌿𑌰𑍍𑌵𑌿𑌶𑌿𑌷𑍍𑌯𑌤𑍇 ।
𑌪𑍍𑌰𑌿𑌯𑍋 𑌹𑌿 𑌜𑍍𑌞𑌾𑌨𑌿𑌨𑍋𑌽𑌤𑍍𑌯𑌰𑍍𑌥𑌮𑌹𑌂 𑌸 𑌚 𑌮𑌮 𑌪𑍍𑌰𑌿𑌯𑌃 ॥

𑌉𑌦𑌾𑌰𑌾𑌃 𑌸𑌰𑍍𑌵 𑌏𑌵𑍈𑌤𑍇 𑌜𑍍𑌞𑌾𑌨𑍀 𑌤𑍍𑌵𑌾𑌤𑍍𑌮𑍈𑌵 𑌮𑍇 𑌮𑌤𑌮𑍍 ।
𑌆𑌸𑍍𑌥𑌿𑌤𑌃 𑌸 𑌹𑌿 𑌯𑍁𑌕𑍍𑌤𑌾𑌤𑍍𑌮𑌾 𑌮𑌾𑌮𑍇𑌵𑌾𑌨𑍁𑌤𑍍𑌤𑌮𑌾𑌂 𑌗𑌤𑌿𑌮𑍍 ॥

𑌬𑌹𑍂𑌨𑌾𑌂 𑌜𑌨𑍍𑌮𑌨𑌾𑌮𑌂𑌤𑍇 𑌜𑍍𑌞𑌾𑌨𑌵𑌾𑌨𑍍𑌮𑌾𑌂 𑌪𑍍𑌰𑌪𑌦𑍍𑌯𑌤𑍇 ।
𑌵𑌾𑌸𑍁𑌦𑍇𑌵𑌃 𑌸𑌰𑍍𑌵𑌮𑌿𑌤𑌿 𑌸 𑌮𑌹𑌾𑌤𑍍𑌮𑌾 𑌸𑍁𑌦𑍁𑌰𑍍𑌲𑌭𑌃 ॥

𑌇𑌤𑌿 𑌶𑍍𑌲𑍋𑌕𑌤𑍍𑌰𑌯𑍋𑌦𑌿𑌤𑌜𑍍𑌞𑌾𑌨𑌿𑌨𑌂 𑌮𑌾𑌂 𑌕𑍁𑌰𑍁𑌷𑍍𑌵 ।

𑌪𑍁𑌰𑍁𑌷𑌃 𑌸 𑌪𑌰𑌃 𑌪𑌾𑌰𑍍𑌥 𑌭𑌕𑍍𑌤𑍍𑌯𑌾 𑌲𑌭𑍍𑌯𑌸𑍍𑌤𑍍𑌵𑌨𑌨𑍍𑌯𑌯𑌾 ।
𑌭𑌕𑍍𑌤𑍍𑌯𑌾 𑌤𑍍𑌵𑌨𑌨𑍍𑌯𑌯𑌾 𑌶𑌕𑍍𑌯𑌃 𑌮𑌦𑍍𑌭𑌕𑍍𑌤𑌿𑌂 𑌲𑌭𑌤𑍇 𑌪𑌰𑌾𑌮𑍍 ।
𑌇𑌤𑌿 𑌸𑍍𑌥𑌾𑌨𑌤𑍍𑌰𑌯𑍋𑌦𑌿𑌤 𑌪𑌰𑌭𑌕𑍍𑌤𑌿𑌯𑍁𑌕𑍍𑌤𑌂 𑌮𑌾𑌂 𑌕𑍁𑌰𑍁𑌷𑍍𑌵 ।

𑌪𑌰𑌭𑌕𑍍𑌤𑌿 𑌪𑌰𑌜𑍍𑌞𑌾𑌨 𑌪𑌰𑌮𑌭𑌕𑍍𑌤𑍍𑌯𑍇𑌕𑌸𑍍𑌵𑌭𑌾𑌵𑌂 𑌮𑌾𑌂 𑌕𑍁𑌰𑍁𑌷𑍍𑌵 ।
𑌪𑌰𑌭𑌕𑍍𑌤𑌿 𑌪𑌰𑌜𑍍𑌞𑌾𑌨 𑌪𑌰𑌮𑌭𑌕𑍍𑌤𑌿𑌕𑍃𑌤 𑌪𑌰𑌿𑌪𑍂𑌰𑍍𑌣𑌾𑌨𑌵𑌰𑌤 𑌨𑌿𑌤𑍍𑌯𑌵𑌿𑌶𑌦𑌤𑌮𑌾𑌨𑌨𑍍𑌯 𑌪𑍍𑌰𑌯𑍋𑌜𑌨𑌾𑌨𑌵𑌧𑌿𑌕𑌾𑌤𑌿𑌶𑌯 𑌪𑍍𑌰𑌿𑌯 𑌭𑌗𑌵𑌦𑌨𑍁𑌭𑌵𑍋𑌽𑌹𑌂 𑌤𑌥𑌾𑌵𑌿𑌧 𑌭𑌗𑌵𑌦𑌨𑍁𑌭𑌵 𑌜𑌨𑌿𑌤𑌾𑌨𑌵𑌧𑌿𑌕𑌾𑌤𑌿𑌶𑌯 𑌪𑍍𑌰𑍀𑌤𑌿𑌕𑌾𑌰𑌿𑌤𑌾𑌶𑍇𑌷𑌾𑌵𑌸𑍍𑌥𑍋𑌚𑌿𑌤𑌾𑌶𑍇𑌷 𑌶𑍇𑌷𑌤𑍈𑌕𑌰𑌤𑌿𑌰𑍂𑌪 𑌨𑌿𑌤𑍍𑌯𑌕𑌿𑌂𑌕𑌰𑍋 𑌭𑌵𑌾𑌨𑌿 ।

𑌏𑌵𑌂𑌭𑍂𑌤 𑌮𑌤𑍍𑌕𑍈𑌂𑌕𑌰𑍍𑌯𑌪𑍍𑌰𑌾𑌪𑍍𑌤𑍍𑌯𑍁𑌪𑌾𑌯𑌤𑌯𑌾𑌽𑌵𑌕𑍍𑌲𑍁𑌪𑍍𑌤𑌸𑌮𑌸𑍍𑌤 𑌵𑌸𑍍𑌤𑍁𑌵𑌿𑌹𑍀𑌨𑍋𑌽𑌪𑌿, 𑌅𑌨𑌂𑌤 𑌤𑌦𑍍𑌵𑌿𑌰𑍋𑌧𑌿𑌪𑌾𑌪𑌾𑌕𑍍𑌰𑌾𑌂𑌤𑍋𑌽𑌪𑌿, 𑌅𑌨𑌂𑌤 𑌮𑌦𑌪𑌚𑌾𑌰𑌯𑍁𑌕𑍍𑌤𑍋𑌽𑌪𑌿, 𑌅𑌨𑌂𑌤 𑌮𑌦𑍀𑌯𑌾𑌪𑌚𑌾𑌰𑌯𑍁𑌕𑍍𑌤𑍋𑌽𑌪𑌿, 𑌅𑌨𑌂𑌤𑌾𑌸𑌹𑍍𑌯𑌾𑌪𑌚𑌾𑌰 𑌯𑍁𑌕𑍍𑌤𑍋𑌽𑌪𑌿, 𑌏𑌤𑌤𑍍𑌕𑌾𑌰𑍍𑌯𑌕𑌾𑌰𑌣 𑌭𑍂𑌤𑌾𑌨𑌾𑌦𑌿 𑌵𑌿𑌪𑌰𑍀𑌤𑌾𑌹𑌂𑌕𑌾𑌰 𑌵𑌿𑌮𑍂𑌢𑌾𑌤𑍍𑌮 𑌸𑍍𑌵𑌭𑌾𑌵𑍋𑌽𑌪𑌿, 𑌏𑌤𑌦𑍁𑌭𑌯𑌕𑌾𑌰𑍍𑌯𑌕𑌾𑌰𑌣𑌭𑍂𑌤𑌾𑌨𑌾𑌦𑌿 𑌵𑌿𑌪𑌰𑍀𑌤𑌵𑌾𑌸𑌨𑌾 𑌸𑌂𑌬𑌦𑍍𑌧𑍋𑌽𑌪𑌿, 𑌏𑌤𑌦𑌨𑍁𑌗𑍁𑌣 𑌪𑍍𑌰𑌕𑍃𑌤𑌿 𑌵𑌿𑌶𑍇𑌷𑌸𑌂𑌬𑌦𑍍𑌧𑍋𑌽𑌪𑌿, 𑌏𑌤𑌨𑍍𑌮𑍂𑌲𑌾𑌧𑍍𑌯𑌾𑌤𑍍𑌮𑌿𑌕𑌾𑌧𑌿𑌭𑍌𑌤𑌿𑌕𑌾𑌧𑌿𑌦𑍈𑌵𑌿𑌕 𑌸𑍁𑌖𑌦𑍁𑌃𑌖 𑌤𑌦𑍍𑌧𑍇𑌤𑍁
𑌤𑌦𑌿𑌤𑌰𑍋𑌪𑍇𑌕𑍍𑌷𑌣𑍀𑌯 𑌵𑌿𑌷𑌯𑌾𑌨𑍁𑌭𑌵 𑌜𑍍𑌞𑌾𑌨𑌸𑌂𑌕𑍋𑌚𑌰𑍂𑌪 𑌮𑌚𑍍𑌚𑌰𑌣𑌾𑌰𑌵𑌿𑌂𑌦𑌯𑍁𑌗𑌳𑍈𑌕𑌾𑌂𑌤𑌿𑌕𑌾𑌤𑍍𑌯𑌂𑌤𑌿𑌕 𑌪𑌰𑌭𑌕𑍍𑌤𑌿 𑌪𑌰𑌜𑍍𑌞𑌾𑌨 𑌪𑌰𑌮𑌭𑌕𑍍𑌤𑌿 𑌵𑌿𑌘𑍍𑌨𑌪𑍍𑌰𑌤𑌿𑌹𑌤𑍋𑌽𑌪𑌿, 𑌯𑍇𑌨 𑌕𑍇𑌨𑌾𑌪𑌿 𑌪𑍍𑌰𑌕𑌾𑌰𑍇𑌣 𑌦𑍍𑌵𑌯𑌵𑌕𑍍𑌤𑌾 𑌤𑍍𑌵𑌂 𑌕𑍇𑌵𑌲𑌂 𑌮𑌦𑍀𑌯𑌯𑍈𑌵 𑌦𑌯𑌯𑌾 𑌨𑌿𑌶𑍍𑌶𑍇𑌷𑌵𑌿𑌨𑌷𑍍𑌟 𑌸𑌹𑍇𑌤𑍁𑌕 𑌮𑌚𑍍𑌚𑌰𑌣𑌾𑌰𑌵𑌿𑌂𑌦𑌯𑍁𑌗𑌳𑍈𑌕𑌾𑌂𑌤𑌿𑌕𑌾𑌤𑍍𑌯𑌂𑌤𑌿𑌕 𑌪𑌰𑌭𑌕𑍍𑌤𑌿 𑌪𑌰𑌜𑍍𑌞𑌾𑌨 𑌪𑌰𑌮𑌭𑌕𑍍𑌤𑌿𑌵𑌿𑌘𑍍𑌨𑌃 𑌮𑌤𑍍𑌪𑍍𑌰𑌸𑌾𑌦𑌲𑌬𑍍𑌧 𑌮𑌚𑍍𑌚𑌰𑌣𑌾𑌰𑌵𑌿𑌂𑌦𑌯𑍁𑌗𑌳𑍈𑌕𑌾𑌂𑌤𑌿𑌕𑌾𑌤𑍍𑌯𑌂𑌤𑌿𑌕 𑌪𑌰𑌭𑌕𑍍𑌤𑌿 𑌪𑌰𑌜𑍍𑌞𑌾𑌨 𑌪𑌰𑌮𑌭𑌕𑍍𑌤𑌿𑌃 𑌮𑌤𑍍𑌪𑍍𑌰𑌸𑌾𑌦𑌾𑌦𑍇𑌵 𑌸𑌾𑌕𑍍𑌷𑌾𑌤𑍍𑌕𑍃𑌤 𑌯𑌥𑌾𑌵𑌸𑍍𑌥𑌿𑌤 𑌮𑌤𑍍𑌸𑍍𑌵𑌰𑍂𑌪𑌰𑍂𑌪𑌗𑍁𑌣𑌵𑌿𑌭𑍂𑌤𑌿 𑌲𑍀𑌲𑍋𑌪𑌕𑌰𑌣𑌵𑌿𑌸𑍍𑌤𑌾𑌰𑌃 𑌅𑌪𑌰𑍋𑌕𑍍𑌷𑌸𑌿𑌦𑍍𑌧 𑌮𑌨𑍍𑌨𑌿𑌯𑌾𑌮𑍍𑌯𑌤𑌾 𑌮𑌦𑍍𑌦𑌾𑌸𑍍𑌯𑍈𑌕 𑌸𑍍𑌵𑌭𑌾𑌵𑌾𑌤𑍍𑌮 𑌸𑍍𑌵𑌰𑍂𑌪𑌃 𑌮𑌦𑍇𑌕𑌾𑌨𑍁𑌭𑌵𑌃 𑌮𑌦𑍍𑌦𑌾𑌸𑍍𑌯𑍈𑌕𑌪𑍍𑌰𑌿𑌯𑌃 𑌪𑌰𑌿𑌪𑍂𑌰𑍍𑌣𑌾𑌨𑌵𑌰𑌤 𑌨𑌿𑌤𑍍𑌯𑌵𑌿𑌶𑌦𑌤𑌮𑌾𑌨𑌨𑍍𑌯 𑌪𑍍𑌰𑌯𑍋𑌜𑌨𑌾𑌨𑌵𑌧𑌿𑌕𑌾𑌤𑌿𑌶𑌯𑌪𑍍𑌰𑌿𑌯 𑌮𑌦𑌨𑍁𑌭𑌵𑌸𑍍𑌤𑍍𑌵𑌂 𑌤𑌥𑌾𑌵𑌿𑌧 𑌮𑌦𑌨𑍁𑌭𑌵 𑌜𑌨𑌿𑌤𑌾𑌨𑌵𑌧𑌿𑌕𑌾𑌤𑌿𑌶𑌯 𑌪𑍍𑌰𑍀𑌤𑌿𑌕𑌾𑌰𑌿𑌤𑌾𑌶𑍇𑌷𑌾𑌵𑌸𑍍𑌥𑍋𑌚𑌿𑌤𑌾𑌶𑍇𑌷 𑌶𑍇𑌷𑌤𑍈𑌕𑌰𑌤𑌿𑌰𑍂𑌪 𑌨𑌿𑌤𑍍𑌯𑌕𑌿𑌂𑌕𑌰𑍋 𑌭𑌵 ।

𑌏𑌵𑌂𑌭𑍂𑌤𑍋𑌽𑌸𑌿 । 𑌆𑌧𑍍𑌯𑌾𑌤𑍍𑌮𑌿𑌕𑌾𑌧𑌿𑌭𑍌𑌤𑌿𑌕𑌾𑌧𑌿𑌦𑍈𑌵𑌿𑌕 𑌦𑍁𑌃𑌖𑌵𑌿𑌘𑍍𑌨𑌗𑌂𑌧𑌰𑌹𑌿𑌤𑌸𑍍𑌤𑍍𑌵𑌂 𑌦𑍍𑌵𑌯𑌮𑌰𑍍𑌥𑌾𑌨𑍁𑌸𑌂𑌧𑌾𑌨𑍇𑌨 𑌸𑌹 𑌸𑌦𑍈𑌵𑌂 𑌵𑌕𑍍𑌤𑌾 𑌯𑌾𑌵𑌚𑍍𑌛𑌰𑍀𑌰𑌪𑌾𑌤𑌮𑌤𑍍𑌰𑍈𑌵 𑌶𑍍𑌰𑍀𑌰𑌂𑌗𑍇 𑌸𑍁𑌖𑌮𑌾𑌸𑍍𑌵 ॥

𑌶𑌰𑍀𑌰𑌪𑌾𑌤𑌸𑌮𑌯𑍇 𑌤𑍁 𑌕𑍇𑌵𑌲𑌂 𑌮𑌦𑍀𑌯𑌯𑍈𑌵 𑌦𑌯𑌯𑌾𑌽𑌤𑌿𑌪𑍍𑌰𑌬𑍁𑌦𑍍𑌧𑌃 𑌮𑌾𑌮𑍇𑌵𑌾𑌵𑌲𑍋𑌕𑌯𑌨𑍍 𑌅𑌪𑍍𑌰𑌚𑍍𑌯𑍁𑌤 𑌪𑍂𑌰𑍍𑌵𑌸𑌂𑌸𑍍𑌕𑌾𑌰𑌮𑌨𑍋𑌰𑌥𑌃 𑌜𑍀𑌰𑍍𑌣𑌮𑌿𑌵 𑌵𑌸𑍍𑌤𑍍𑌰𑌂 𑌸𑍁𑌖𑍇𑌨𑍇𑌮𑌾𑌂 𑌪𑍍𑌰𑌕𑍃𑌤𑌿𑌂 𑌸𑍍𑌥𑍂𑌲𑌸𑍂𑌕𑍍𑌷𑍍𑌮𑌰𑍂𑌪𑌾𑌂 𑌵𑌿𑌸𑍃𑌜𑍍𑌯 𑌤𑌦𑌾𑌨𑍀𑌮𑍇𑌵 𑌮𑌤𑍍𑌪𑍍𑌰𑌸𑌾𑌦𑌲𑌬𑍍𑌧 𑌮𑌚𑍍𑌚𑌰𑌣𑌾𑌰𑌵𑌿𑌂𑌦 𑌯𑍁𑌗𑌳𑍈𑌕𑌾𑌂𑌤𑌿𑌕𑌾𑌤𑍍𑌯𑌂𑌤𑌿𑌕 𑌪𑌰𑌭𑌕𑍍𑌤𑌿 𑌪𑌰𑌜𑍍𑌞𑌾𑌨 𑌪𑌰𑌮𑌭𑌕𑍍𑌤𑌿𑌕𑍃𑌤 𑌪𑌰𑌿𑌪𑍂𑌰𑍍𑌣𑌾𑌨𑌵𑌰𑌤 𑌨𑌿𑌤𑍍𑌯𑌵𑌿𑌶𑌦𑌤𑌮𑌾𑌨𑌨𑍍𑌯 𑌪𑍍𑌰𑌯𑍋𑌜𑌨𑌾𑌨𑌵𑌧𑌿𑌕𑌾𑌤𑌿𑌶𑌯 𑌪𑍍𑌰𑌿𑌯 𑌮𑌦𑌨𑍁𑌭𑌵𑌸𑍍𑌤𑍍𑌵𑌂 𑌤𑌥𑌾𑌵𑌿𑌧 𑌮𑌦𑌨𑍁𑌭𑌵𑌜𑌨𑌿𑌤𑌾𑌨𑌵𑌧𑌿𑌕𑌾𑌤𑌿𑌶𑌯 𑌪𑍍𑌰𑍀𑌤𑌿𑌕𑌾𑌰𑌿𑌤𑌾𑌶𑍇𑌷𑌾𑌵𑌸𑍍𑌥𑍋𑌚𑌿𑌤𑌾𑌶𑍇𑌷𑌶𑍇𑌷𑌤𑍈𑌕 𑌰𑌤𑌿𑌰𑍂𑌪 𑌨𑌿𑌤𑍍𑌯𑌕𑌿𑌂𑌕𑌰𑍋 𑌭𑌵𑌿𑌷𑍍𑌯𑌸𑌿 । 𑌮𑌾𑌤𑍇𑌽𑌭𑍂𑌦𑌤𑍍𑌰 𑌸𑌂𑌶𑌯𑌃 ।

𑌅𑌨𑍃𑌤𑌂 𑌨𑍋𑌕𑍍𑌤𑌪𑍂𑌰𑍍𑌵𑌂 𑌮𑍇 𑌨 𑌚 𑌵𑌕𑍍𑌷𑍍𑌯𑍇 𑌕𑌦𑌾𑌚𑌨 ।
𑌰𑌾𑌮𑍋 𑌦𑍍𑌵𑌿𑌰𑍍𑌨𑌾𑌭𑌿𑌭𑌾𑌷𑌤𑍇 ।
𑌸𑌕𑍃𑌦𑍇𑌵 𑌪𑍍𑌰𑌪𑌨𑍍𑌨𑌾𑌯 𑌤𑌵𑌾𑌸𑍍𑌮𑍀𑌤𑌿 𑌚 𑌯𑌾𑌚𑌤𑍇 ।
𑌅𑌭𑌯𑌂 𑌸𑌰𑍍𑌵𑌭𑍂𑌤𑍇𑌭𑍍𑌯𑍋 𑌦𑌦𑌾𑌮𑍍𑌯𑍇𑌤𑌦𑍍𑌵𑍍𑌰𑌤𑌂 𑌮𑌮 ॥
𑌸𑌰𑍍𑌵𑌧𑌰𑍍𑌮𑌾𑌨𑍍 𑌪𑌰𑌿𑌤𑍍𑌯𑌜𑍍𑌯 𑌮𑌾𑌮𑍇𑌕𑌂 𑌶𑌰𑌣𑌂 𑌵𑍍𑌰𑌜 ।
𑌅𑌹𑌂 𑌤𑍍𑌵𑌾 𑌸𑌰𑍍𑌵𑌪𑌾𑌪𑍇𑌭𑍍𑌯𑍋 𑌮𑍋𑌕𑍍𑌷𑌯𑌿𑌷𑍍𑌯𑌾𑌮𑌿 𑌮𑌾 𑌶𑍁𑌚𑌃 ॥
𑌇𑌤𑌿 𑌮𑌯𑍈𑌵 𑌹𑍍𑌯𑍁𑌕𑍍𑌤𑌮𑍍 ।

𑌅𑌤𑌸𑍍𑌤𑍍𑌵𑌂 𑌤𑌵 𑌤𑌤𑍍𑌤𑍍𑌵𑌤𑍋 𑌮𑌤𑍍 𑌜𑍍𑌞𑌾𑌨𑌦𑌰𑍍𑌶𑌨 𑌪𑍍𑌰𑌾𑌪𑍍𑌤𑌿𑌷𑍁 𑌨𑌿𑌸𑍍𑌸𑌂𑌶𑌯𑌃 𑌸𑍁𑌖𑌮𑌾𑌸𑍍𑌵 ॥

𑌅𑌂𑌤𑍍𑌯𑌕𑌾𑌲𑍇 𑌸𑍍𑌮𑍃𑌤𑌿𑌰𑍍𑌯𑌾𑌤𑍁 𑌤𑌵 𑌕𑍈𑌂𑌕𑌰𑍍𑌯𑌕𑌾𑌰𑌿𑌤𑌾 ।
𑌤𑌾𑌮𑍇𑌨𑌾𑌂 𑌭𑌗𑌵𑌨𑍍𑌨𑌦𑍍𑌯 𑌕𑍍𑌰𑌿𑌯𑌮𑌾𑌣𑌾𑌂 𑌕𑍁𑌰𑍁𑌷𑍍𑌵 𑌮𑍇 ॥

𑌇𑌤𑌿 𑌶𑍍𑌰𑍀𑌭𑌗𑌵𑌦𑍍𑌰𑌾𑌮𑌾𑌨𑍁𑌜 𑌵𑌿𑌰𑌚𑌿𑌤𑌂 𑌶𑌰𑌣𑌾𑌗𑌤𑌿 𑌗𑌦𑍍𑌯𑌮𑍍 ।

प्रायः पृष्टाः प्रश्नाः

What is 𑌶𑍍𑌰𑍀 𑌵𑍇𑌂𑌕𑌟𑍇𑌶𑍍𑌵𑌰 𑌶𑌰𑌣𑌾𑌗𑌤𑌿 𑌗𑌦𑍍𑌯𑌮𑍍?

𑌶𑍍𑌰𑍀 𑌵𑍇𑌂𑌕𑌟𑍇𑌶𑍍𑌵𑌰 𑌶𑌰𑌣𑌾𑌗𑌤𑌿 𑌗𑌦𑍍𑌯𑌮𑍍 is a Vishnu Stotrams available on Bhakti Granth in the selected language or script.

Which language or script is this version in?

This edition is published in Grantha. Use the language selector to view another available edition.

Can I read 𑌶𑍍𑌰𑍀 𑌵𑍇𑌂𑌕𑌟𑍇𑌶𑍍𑌵𑌰 𑌶𑌰𑌣𑌾𑌗𑌤𑌿 𑌗𑌦𑍍𑌯𑌮𑍍 online?

Yes. The imported text is available directly on this page for online reading and recitation.

Can I download 𑌶𑍍𑌰𑍀 𑌵𑍇𑌂𑌕𑌟𑍇𑌶𑍍𑌵𑌰 𑌶𑌰𑌣𑌾𑌗𑌤𑌿 𑌗𑌦𑍍𑌯𑌮𑍍 as a PDF?

If a verified PDF resource was found on the source page, a PDF download button is automatically connected to this page.

How can I share this page?

Use Copy Link, WhatsApp or Facebook in the sticky sharing bar provided by the Bhakti Granth theme.

Are there related devotional texts on Bhakti Granth?

Yes. The Bhakti Granth theme automatically connects texts through language and topic relationships to strengthen navigation and topical coverage.

प्रायः पृष्टाः प्रश्नाः

भक्तिग्रन्थं पश्यतु