𑌶𑍍𑌰𑍀 𑌸𑍍𑌵𑌰𑍍𑌣 𑌆𑌕𑌰𑍍𑌷𑌣 𑌭𑍈𑌰𑌵 𑌸𑍍𑌤𑍋𑌤𑍍𑌰𑌮𑍍

𑌓𑌂 𑌅𑌸𑍍𑌯 𑌶𑍍𑌰𑍀 𑌸𑍍𑌵𑌰𑍍𑌣𑌾𑌕𑌰𑍍𑌷𑌣 𑌭𑍈𑌰𑌵 𑌸𑍍𑌤𑍋𑌤𑍍𑌰 𑌮𑌹𑌾𑌮𑌂𑌤𑍍𑌰𑌸𑍍𑌯 𑌬𑍍𑌰𑌹𑍍𑌮 𑌋𑌷𑌿𑌃 𑌅𑌨𑍁𑌷𑍍𑌟𑍁𑌪𑍍 𑌛𑌂𑌦𑌃 𑌶𑍍𑌰𑍀 𑌸𑍍𑌵𑌰𑍍𑌣𑌾𑌕𑌰𑍍𑌷𑌣 𑌭𑍈𑌰𑌵𑍋 𑌦𑍇𑌵𑌤𑌾 𑌹𑍍𑌰𑍀𑌂 𑌬𑍀𑌜𑌂 𑌕𑍍𑌲𑍀𑌂 𑌶𑌕𑍍𑌤𑌿𑌃 𑌸𑌃 𑌕𑍀𑌲𑌕𑌂 𑌮𑌮 𑌦𑌾𑌰𑌿𑌦𑍍𑌰𑍍𑌯 𑌨𑌾𑌶𑌾𑌰𑍍𑌥𑍇 𑌪𑌾𑌠𑍇 𑌵𑌿𑌨𑌿𑌯𑍋𑌗𑌃 ॥

𑌋𑌷𑍍𑌯𑌾𑌦𑌿 𑌨𑍍𑌯𑌾𑌸𑌃 ।
𑌬𑍍𑌰𑌹𑍍𑌮𑌰𑍍𑌷𑌯𑍇 𑌨𑌮𑌃 𑌶𑌿𑌰𑌸𑌿 ।
𑌅𑌨𑍁𑌷𑍍𑌟𑍁𑌪𑍍 𑌛𑌂𑌦𑌸𑍇 𑌨𑌮𑌃 𑌮𑍁𑌖𑍇 ।
𑌸𑍍𑌵𑌰𑍍𑌣𑌾𑌕𑌰𑍍𑌷𑌣 𑌭𑍈𑌰𑌵𑌾𑌯 𑌨𑌮𑌃 𑌹𑍃𑌦𑌿 ।
𑌹𑍍𑌰𑍀𑌂 𑌬𑍀𑌜𑌾𑌯 𑌨𑌮𑌃 𑌗𑍁𑌹𑍍𑌯𑍇 ।
𑌕𑍍𑌲𑍀𑌂 𑌶𑌕𑍍𑌤𑌯𑍇 𑌨𑌮𑌃 𑌪𑌾𑌦𑌯𑍋𑌃 ।
𑌸𑌃 𑌕𑍀𑌲𑌕𑌾𑌯 𑌨𑌮𑌃 𑌨𑌾𑌭𑍌 ।
𑌵𑌿𑌨𑌿𑌯𑍋𑌗𑌾𑌯 𑌨𑌮𑌃 𑌸𑌰𑍍𑌵𑌾𑌂𑌗𑍇 ।
𑌹𑍍𑌰𑌾𑌂 𑌹𑍍𑌰𑍀𑌂 𑌹𑍍𑌰𑍂𑌂 𑌇𑌤𑌿 𑌕𑌰 𑌷𑌡𑌂𑌗𑌨𑍍𑌯𑌾𑌸𑌃 ॥

𑌧𑍍𑌯𑌾𑌨𑌮𑍍 ।
𑌪𑌾𑌰𑌿𑌜𑌾𑌤𑌦𑍍𑌰𑍁𑌮 𑌕𑌾𑌂𑌤𑌾𑌰𑍇 𑌸𑍍𑌥𑌿𑌤𑍇 𑌮𑌾𑌣𑌿𑌕𑍍𑌯𑌮𑌂𑌡𑌪𑍇 ।
𑌸𑌿𑌂𑌹𑌾𑌸𑌨𑌗𑌤𑌂 𑌵𑌂𑌦𑍇 𑌭𑍈𑌰𑌵𑌂 𑌸𑍍𑌵𑌰𑍍𑌣𑌦𑌾𑌯𑌕𑌮𑍍 ॥

𑌗𑌾𑌂𑌗𑍇𑌯 𑌪𑌾𑌤𑍍𑌰𑌂 𑌡𑌮𑌰𑍂𑌂 𑌤𑍍𑌰𑌿𑌶𑍂𑌲𑌂
𑌵𑌰𑌂 𑌕𑌰𑌃 𑌸𑌂𑌦𑌧𑌤𑌂 𑌤𑍍𑌰𑌿𑌨𑍇𑌤𑍍𑌰𑌮𑍍 ।
𑌦𑍇𑌵𑍍𑌯𑌾𑌯𑍁𑌤𑌂 𑌤𑌪𑍍𑌤 𑌸𑍁𑌵𑌰𑍍𑌣𑌵𑌰𑍍𑌣
𑌸𑍍𑌵𑌰𑍍𑌣𑌾𑌕𑌰𑍍𑌷𑌣𑌭𑍈𑌰𑌵𑌮𑌾𑌶𑍍𑌰𑌯𑌾𑌮𑌿 ॥

𑌮𑌂𑌤𑍍𑌰𑌃 ।
𑌓𑌂 𑌐𑌂 𑌹𑍍𑌰𑍀𑌂 𑌶𑍍𑌰𑍀𑌂 𑌐𑌂 𑌶𑍍𑌰𑍀𑌂 𑌆𑌪𑌦𑍁𑌦𑍍𑌧𑌾𑌰𑌣𑌾𑌯 𑌹𑍍𑌰𑌾𑌂 𑌹𑍍𑌰𑍀𑌂 𑌹𑍍𑌰𑍂𑌂 𑌅𑌜𑌾𑌮𑌲𑌵𑌧𑍍𑌯𑌾𑌯 𑌲𑍋𑌕𑍇𑌶𑍍𑌵𑌰𑌾𑌯 𑌸𑍍𑌵𑌰𑍍𑌣𑌾𑌕𑌰𑍍𑌷𑌣𑌭𑍈𑌰𑌵𑌾𑌯 𑌮𑌮 𑌦𑌾𑌰𑌿𑌦𑍍𑌰𑍍𑌯 𑌵𑌿𑌦𑍍𑌵𑍇𑌷𑌣𑌾𑌯 𑌮𑌹𑌾𑌭𑍈𑌰𑌵𑌾𑌯 𑌨𑌮𑌃 𑌶𑍍𑌰𑍀𑌂 𑌹𑍍𑌰𑍀𑌂 𑌐𑌮𑍍 ।

𑌸𑍍𑌤𑍋𑌤𑍍𑌰𑌮𑍍 ।
𑌨𑌮𑌸𑍍𑌤𑍇𑌽𑌸𑍍𑌤𑍁 𑌭𑍈𑌰𑌵𑌾𑌯 𑌬𑍍𑌰𑌹𑍍𑌮𑌵𑌿𑌷𑍍𑌣𑍁𑌶𑌿𑌵𑌾𑌤𑍍𑌮𑌨𑍇 ।
𑌨𑌮𑌸𑍍𑌤𑍍𑌰𑍈𑌲𑍋𑌕𑍍𑌯𑌵𑌂𑌦𑍍𑌯𑌾𑌯 𑌵𑌰𑌦𑌾𑌯 𑌪𑌰𑌾𑌤𑍍𑌮𑌨𑍇 ॥ 1 ॥

𑌰𑌤𑍍𑌨𑌸𑌿𑌂𑌹𑌾𑌸𑌨𑌸𑍍𑌥𑌾𑌯 𑌦𑌿𑌵𑍍𑌯𑌾𑌭𑌰𑌣𑌶𑍋𑌭𑌿𑌨𑍇 ।
𑌦𑌿𑌵𑍍𑌯𑌮𑌾𑌲𑍍𑌯𑌵𑌿𑌭𑍂𑌷𑌾𑌯 𑌨𑌮𑌸𑍍𑌤𑍇 𑌦𑌿𑌵𑍍𑌯𑌮𑍂𑌰𑍍𑌤𑌯𑍇 ॥ 2 ॥

𑌨𑌮𑌸𑍍𑌤𑍇𑌽𑌨𑍇𑌕𑌹𑌸𑍍𑌤𑌾𑌯 𑌹𑍍𑌯𑌨𑍇𑌕𑌶𑌿𑌰𑌸𑍇 𑌨𑌮𑌃 ।
𑌨𑌮𑌸𑍍𑌤𑍇𑌽𑌨𑍇𑌕𑌨𑍇𑌤𑍍𑌰𑌾𑌯 𑌹𑍍𑌯𑌨𑍇𑌕𑌵𑌿𑌭𑌵𑍇 𑌨𑌮𑌃 ॥ 3 ॥

𑌨𑌮𑌸𑍍𑌤𑍇𑌽𑌨𑍇𑌕𑌕𑌂𑌠𑌾𑌯 𑌹𑍍𑌯𑌨𑍇𑌕𑌾𑌂𑌶𑌾𑌯 𑌤𑍇 𑌨𑌮𑌃 ।
𑌨𑌮𑍋𑌸𑍍𑌤𑍍𑌵𑌨𑍇𑌕𑍈𑌶𑍍𑌵𑌰𑍍𑌯𑌾𑌯 𑌹𑍍𑌯𑌨𑍇𑌕𑌦𑌿𑌵𑍍𑌯𑌤𑍇𑌜𑌸𑍇 ॥ 4 ॥

𑌅𑌨𑍇𑌕𑌾𑌯𑍁𑌧𑌯𑍁𑌕𑍍𑌤𑌾𑌯 𑌹𑍍𑌯𑌨𑍇𑌕𑌸𑍁𑌰𑌸𑍇𑌵𑌿𑌨𑍇 ।
𑌅𑌨𑍇𑌕𑌗𑍁𑌣𑌯𑍁𑌕𑍍𑌤𑌾𑌯 𑌮𑌹𑌾𑌦𑍇𑌵𑌾𑌯 𑌤𑍇 𑌨𑌮𑌃 ॥ 5 ॥

𑌨𑌮𑍋 𑌦𑌾𑌰𑌿𑌦𑍍𑌰𑍍𑌯𑌕𑌾𑌲𑌾𑌯 𑌮𑌹𑌾𑌸𑌂𑌪𑌤𑍍𑌪𑍍𑌰𑌦𑌾𑌯𑌿𑌨𑍇 ।
𑌶𑍍𑌰𑍀𑌭𑍈𑌰𑌵𑍀𑌪𑍍𑌰𑌯𑍁𑌕𑍍𑌤𑌾𑌯 𑌤𑍍𑌰𑌿𑌲𑍋𑌕𑍇𑌶𑌾𑌯 𑌤𑍇 𑌨𑌮𑌃 ॥ 6 ॥

𑌦𑌿𑌗𑌂𑌬𑌰 𑌨𑌮𑌸𑍍𑌤𑍁𑌭𑍍𑌯𑌂 𑌦𑌿𑌗𑍀𑌶𑌾𑌯 𑌨𑌮𑍋 𑌨𑌮𑌃 ।
𑌨𑌮𑍋𑌽𑌸𑍍𑌤𑍁 𑌦𑍈𑌤𑍍𑌯𑌕𑌾𑌲𑌾𑌯 𑌪𑌾𑌪𑌕𑌾𑌲𑌾𑌯 𑌤𑍇 𑌨𑌮𑌃 ॥ 𑍭 ॥

𑌸𑌰𑍍𑌵𑌜𑍍𑌞𑌾𑌯 𑌨𑌮𑌸𑍍𑌤𑍁𑌭𑍍𑌯𑌂 𑌨𑌮𑌸𑍍𑌤𑍇 𑌦𑌿𑌵𑍍𑌯𑌚𑌕𑍍𑌷𑍁𑌷𑍇 ।
𑌅𑌜𑌿𑌤𑌾𑌯 𑌨𑌮𑌸𑍍𑌤𑍁𑌭𑍍𑌯𑌂 𑌜𑌿𑌤𑌾𑌮𑌿𑌤𑍍𑌰𑌾𑌯 𑌤𑍇 𑌨𑌮𑌃 ॥ 𑍮 ॥

𑌨𑌮𑌸𑍍𑌤𑍇 𑌰𑍁𑌦𑍍𑌰𑌪𑍁𑌤𑍍𑌰𑌾𑌯 𑌗𑌣𑌨𑌾𑌥𑌾𑌯 𑌤𑍇 𑌨𑌮𑌃 ।
𑌨𑌮𑌸𑍍𑌤𑍇 𑌵𑍀𑌰𑌵𑍀𑌰𑌾𑌯 𑌮𑌹𑌾𑌵𑍀𑌰𑌾𑌯 𑌤𑍇 𑌨𑌮𑌃 ॥ 𑍯 ॥

𑌨𑌮𑍋𑌽𑌸𑍍𑌤𑍍𑌵𑌨𑌂𑌤𑌵𑍀𑌰𑍍𑌯𑌾𑌯 𑌮𑌹𑌾𑌘𑍋𑌰𑌾𑌯 𑌤𑍇 𑌨𑌮𑌃 ।
𑌨𑌮𑌸𑍍𑌤𑍇 𑌘𑍋𑌰𑌘𑍋𑌰𑌾𑌯 𑌵𑌿𑌶𑍍𑌵𑌘𑍋𑌰𑌾𑌯 𑌤𑍇 𑌨𑌮𑌃 ॥ 10 ॥

𑌨𑌮𑌃 𑌉𑌗𑍍𑌰𑌾𑌯 𑌶𑌾𑌂𑌤𑌾𑌯 𑌭𑌕𑍍𑌤𑍇𑌭𑍍𑌯𑌃 𑌶𑌾𑌂𑌤𑌿𑌦𑌾𑌯𑌿𑌨𑍇 ।
𑌗𑍁𑌰𑌵𑍇 𑌸𑌰𑍍𑌵𑌲𑍋𑌕𑌾𑌨𑌾𑌂 𑌨𑌮𑌃 𑌪𑍍𑌰𑌣𑌵 𑌰𑍂𑌪𑌿𑌣𑍇 ॥ 11 ॥

𑌨𑌮𑌸𑍍𑌤𑍇 𑌵𑌾𑌗𑍍𑌭𑌵𑌾𑌖𑍍𑌯𑌾𑌯 𑌦𑍀𑌰𑍍𑌘𑌕𑌾𑌮𑌾𑌯 𑌤𑍇 𑌨𑌮𑌃 ।
𑌨𑌮𑌸𑍍𑌤𑍇 𑌕𑌾𑌮𑌰𑌾𑌜𑌾𑌯 𑌯𑍋𑌷𑌿𑌤𑍍𑌕𑌾𑌮𑌾𑌯 𑌤𑍇 𑌨𑌮𑌃 ॥ 12 ॥

𑌦𑍀𑌰𑍍𑌘𑌮𑌾𑌯𑌾𑌸𑍍𑌵𑌰𑍂𑌪𑌾𑌯 𑌮𑌹𑌾𑌮𑌾𑌯𑌾𑌪𑌤𑍇 𑌨𑌮𑌃 ।
𑌸𑍃𑌷𑍍𑌟𑌿𑌮𑌾𑌯𑌾𑌸𑍍𑌵𑌰𑍂𑌪𑌾𑌯 𑌵𑌿𑌸𑌰𑍍𑌗𑌾𑌯 𑌸𑌮𑍍𑌯𑌾𑌯𑌿𑌨𑍇 ॥ 13 ॥

𑌰𑍁𑌦𑍍𑌰𑌲𑍋𑌕𑍇𑌶𑌪𑍂𑌜𑍍𑌯𑌾𑌯 𑌹𑍍𑌯𑌾𑌪𑌦𑍁𑌦𑍍𑌧𑌾𑌰𑌣𑌾𑌯 𑌚 ।
𑌨𑌮𑍋𑌽𑌜𑌾𑌮𑌲𑌬𑌦𑍍𑌧𑌾𑌯 𑌸𑍁𑌵𑌰𑍍𑌣𑌾𑌕𑌰𑍍𑌷𑌣𑌾𑌯 𑌤𑍇 ॥ 14 ॥

𑌨𑌮𑍋 𑌨𑌮𑍋 𑌭𑍈𑌰𑌵𑌾𑌯 𑌮𑌹𑌾𑌦𑌾𑌰𑌿𑌦𑍍𑌰𑍍𑌯𑌨𑌾𑌶𑌿𑌨𑍇 ।
𑌉𑌨𑍍𑌮𑍂𑌲𑌨𑌕𑌰𑍍𑌮𑌠𑌾𑌯 𑌹𑍍𑌯𑌲𑌕𑍍𑌷𑍍𑌮𑍍𑌯𑌾 𑌸𑌰𑍍𑌵𑌦𑌾 𑌨𑌮𑌃 ॥ 15 ॥

𑌨𑌮𑍋 𑌲𑍋𑌕𑌤𑍍𑌰𑌯𑍇𑌶𑌾𑌯 𑌸𑍍𑌵𑌾𑌨𑌂𑌦𑌨𑌿𑌹𑌿𑌤𑌾𑌯 𑌤𑍇 ।
𑌨𑌮𑌃 𑌶𑍍𑌰𑍀𑌬𑍀𑌜𑌰𑍂𑌪𑌾𑌯 𑌸𑌰𑍍𑌵𑌕𑌾𑌮𑌪𑍍𑌰𑌦𑌾𑌯𑌿𑌨𑍇 ॥ 16 ॥

𑌨𑌮𑍋 𑌮𑌹𑌾𑌭𑍈𑌰𑌵𑌾𑌯 𑌶𑍍𑌰𑍀𑌰𑍂𑌪𑌾𑌯 𑌨𑌮𑍋 𑌨𑌮𑌃 ।
𑌧𑌨𑌾𑌧𑍍𑌯𑌕𑍍𑌷 𑌨𑌮𑌸𑍍𑌤𑍁𑌭𑍍𑌯𑌂 𑌶𑌰𑌣𑍍𑌯𑌾𑌯 𑌨𑌮𑍋 𑌨𑌮𑌃 ॥ 1𑍭 ॥

𑌨𑌮𑌃 𑌪𑍍𑌰𑌸𑌨𑍍𑌨𑌰𑍂𑌪𑌾𑌯 𑌹𑍍𑌯𑌾𑌦𑌿𑌦𑍇𑌵𑌾𑌯 𑌤𑍇 𑌨𑌮𑌃 ।
𑌨𑌮𑌸𑍍𑌤𑍇 𑌮𑌂𑌤𑍍𑌰𑌰𑍂𑌪𑌾𑌯 𑌨𑌮𑌸𑍍𑌤𑍇 𑌰𑌤𑍍𑌨𑌰𑍂𑌪𑌿𑌣𑍇 ॥ 1𑍮 ॥

𑌨𑌮𑌸𑍍𑌤𑍇 𑌸𑍍𑌵𑌰𑍍𑌣𑌰𑍂𑌪𑌾𑌯 𑌸𑍁𑌵𑌰𑍍𑌣𑌾𑌯 𑌨𑌮𑍋 𑌨𑌮𑌃 ।
𑌨𑌮𑌃 𑌸𑍁𑌵𑌰𑍍𑌣𑌵𑌰𑍍𑌣𑌾𑌯 𑌮𑌹𑌾𑌪𑍁𑌣𑍍𑌯𑌾𑌯 𑌤𑍇 𑌨𑌮𑌃 ॥ 1𑍯 ॥

𑌨𑌮𑌃 𑌶𑍁𑌦𑍍𑌧𑌾𑌯 𑌬𑍁𑌦𑍍𑌧𑌾𑌯 𑌨𑌮𑌃 𑌸𑌂𑌸𑌾𑌰𑌤𑌾𑌰𑌿𑌣𑍇 ।
𑌨𑌮𑍋 𑌦𑍇𑌵𑌾𑌯 𑌗𑍁𑌹𑍍𑌯𑌾𑌯 𑌪𑍍𑌰𑌬𑌲𑌾𑌯 𑌨𑌮𑍋 𑌨𑌮𑌃 ॥ 20 ॥

𑌨𑌮𑌸𑍍𑌤𑍇 𑌬𑌲𑌰𑍂𑌪𑌾𑌯 𑌪𑌰𑍇𑌷𑌾𑌂 𑌬𑌲𑌨𑌾𑌶𑌿𑌨𑍇 ।
𑌨𑌮𑌸𑍍𑌤𑍇 𑌸𑍍𑌵𑌰𑍍𑌗𑌸𑌂𑌸𑍍𑌥𑌾𑌯 𑌨𑌮𑍋 𑌭𑍂𑌰𑍍𑌲𑍋𑌕𑌵𑌾𑌸𑌿𑌨𑍇 ॥ 21 ॥

𑌨𑌮𑌃 𑌪𑌾𑌤𑌾𑌳𑌵𑌾𑌸𑌾𑌯 𑌨𑌿𑌰𑌾𑌧𑌾𑌰𑌾𑌯 𑌤𑍇 𑌨𑌮𑌃 ।
𑌨𑌮𑍋 𑌨𑌮𑌃 𑌸𑍍𑌵𑌤𑌂𑌤𑍍𑌰𑌾𑌯 𑌹𑍍𑌯𑌨𑌂𑌤𑌾𑌯 𑌨𑌮𑍋 𑌨𑌮𑌃 ॥ 22 ॥

𑌦𑍍𑌵𑌿𑌭𑍁𑌜𑌾𑌯 𑌨𑌮𑌸𑍍𑌤𑍁𑌭𑍍𑌯𑌂 𑌭𑍁𑌜𑌤𑍍𑌰𑌯𑌸𑍁𑌶𑍋𑌭𑌿𑌨𑍇 ।
𑌨𑌮𑍋𑌽𑌣𑌿𑌮𑌾𑌦𑌿𑌸𑌿𑌦𑍍𑌧𑌾𑌯 𑌸𑍍𑌵𑌰𑍍𑌣𑌹𑌸𑍍𑌤𑌾𑌯 𑌤𑍇 𑌨𑌮𑌃 ॥ 23 ॥

𑌪𑍂𑌰𑍍𑌣𑌚𑌂𑌦𑍍𑌰𑌪𑍍𑌰𑌤𑍀𑌕𑌾𑌶𑌵𑌦𑌨𑌾𑌂𑌭𑍋𑌜𑌶𑍋𑌭𑌿𑌨𑍇 ।
𑌨𑌮𑌸𑍍𑌤𑍇 𑌸𑍍𑌵𑌰𑍍𑌣𑌰𑍂𑌪𑌾𑌯 𑌸𑍍𑌵𑌰𑍍𑌣𑌾𑌲𑌂𑌕𑌾𑌰𑌶𑍋𑌭𑌿𑌨𑍇 ॥ 24 ॥

𑌨𑌮𑌃 𑌸𑍍𑌵𑌰𑍍𑌣𑌾𑌕𑌰𑍍𑌷𑌣𑌾𑌯 𑌸𑍍𑌵𑌰𑍍𑌣𑌾𑌭𑌾𑌯 𑌚 𑌤𑍇 𑌨𑌮𑌃 ।
𑌨𑌮𑌸𑍍𑌤𑍇 𑌸𑍍𑌵𑌰𑍍𑌣𑌕𑌂𑌠𑌾𑌯 𑌸𑍍𑌵𑌰𑍍𑌣𑌾𑌲𑌂𑌕𑌾𑌰𑌧𑌾𑌰𑌿𑌣𑍇 ॥ 25 ॥

𑌸𑍍𑌵𑌰𑍍𑌣𑌸𑌿𑌂𑌹𑌾𑌸𑌨𑌸𑍍𑌥𑌾𑌯 𑌸𑍍𑌵𑌰𑍍𑌣𑌪𑌾𑌦𑌾𑌯 𑌤𑍇 𑌨𑌮𑌃 ।
𑌨𑌮𑌃 𑌸𑍍𑌵𑌰𑍍𑌣𑌾𑌭𑌪𑌾𑌰𑌾𑌯 𑌸𑍍𑌵𑌰𑍍𑌣𑌕𑌾𑌂𑌚𑍀𑌸𑍁𑌶𑍋𑌭𑌿𑌨𑍇 ॥ 26 ॥

𑌨𑌮𑌸𑍍𑌤𑍇 𑌸𑍍𑌵𑌰𑍍𑌣𑌜𑌂𑌘𑌾𑌯 𑌭𑌕𑍍𑌤𑌕𑌾𑌮𑌦𑍁𑌘𑌾𑌤𑍍𑌮𑌨𑍇 ।
𑌨𑌮𑌸𑍍𑌤𑍇 𑌸𑍍𑌵𑌰𑍍𑌣𑌭𑌕𑍍𑌤𑌾𑌨𑌾𑌂 𑌕𑌲𑍍𑌪𑌵𑍃𑌕𑍍𑌷𑌸𑍍𑌵𑌰𑍂𑌪𑌿𑌣𑍇 ॥ 2𑍭 ॥

𑌚𑌿𑌂𑌤𑌾𑌮𑌣𑌿𑌸𑍍𑌵𑌰𑍂𑌪𑌾𑌯 𑌨𑌮𑍋 𑌬𑍍𑌰𑌹𑍍𑌮𑌾𑌦𑌿𑌸𑍇𑌵𑌿𑌨𑍇 ।
𑌕𑌲𑍍𑌪𑌦𑍍𑌰𑍁𑌮𑌾𑌧𑌃𑌸𑌂𑌸𑍍𑌥𑌾𑌯 𑌬𑌹𑍁𑌸𑍍𑌵𑌰𑍍𑌣𑌪𑍍𑌰𑌦𑌾𑌯𑌿𑌨𑍇 ॥ 2𑍮 ॥

𑌨𑌮𑍋 𑌹𑍇𑌮𑌾𑌦𑌿𑌕𑌰𑍍𑌷𑌾𑌯 𑌭𑍈𑌰𑌵𑌾𑌯 𑌨𑌮𑍋 𑌨𑌮𑌃 ।
𑌸𑍍𑌤𑌵𑍇𑌨𑌾𑌨𑍇𑌨 𑌸𑌂𑌤𑍁𑌷𑍍𑌟𑍋 𑌭𑌵 𑌲𑍋𑌕𑍇𑌶𑌭𑍈𑌰𑌵 ॥ 2𑍯 ॥

𑌪𑌶𑍍𑌯 𑌮𑌾𑌂 𑌕𑌰𑍁𑌣𑌾𑌵𑌿𑌷𑍍𑌟 𑌶𑌰𑌣𑌾𑌗𑌤𑌵𑌤𑍍𑌸𑌲 ।
𑌶𑍍𑌰𑍀𑌭𑍈𑌰𑌵 𑌧𑌨𑌾𑌧𑍍𑌯𑌕𑍍𑌷 𑌶𑌰𑌣𑌂 𑌤𑍍𑌵𑌾𑌂 𑌭𑌜𑌾𑌮𑍍𑌯𑌹𑌮𑍍 ।
𑌪𑍍𑌰𑌸𑍀𑌦 𑌸𑌕𑌲𑌾𑌨𑍍 𑌕𑌾𑌮𑌾𑌨𑍍 𑌪𑍍𑌰𑌯𑌚𑍍𑌛 𑌮𑌮 𑌸𑌰𑍍𑌵𑌦𑌾 ॥ 30 ॥

𑌫𑌲𑌶𑍍𑌰𑍁𑌤𑌿𑌃
𑌶𑍍𑌰𑍀𑌮𑌹𑌾𑌭𑍈𑌰𑌵𑌸𑍍𑌯𑍇𑌦𑌂 𑌸𑍍𑌤𑍋𑌤𑍍𑌰𑌸𑍂𑌕𑍍𑌤𑌂 𑌸𑍁𑌦𑍁𑌰𑍍𑌲𑌭𑌮𑍍 ।
𑌮𑌂𑌤𑍍𑌰𑌾𑌤𑍍𑌮𑌕𑌂 𑌮𑌹𑌾𑌪𑍁𑌣𑍍𑌯𑌂 𑌸𑌰𑍍𑌵𑍈𑌶𑍍𑌵𑌰𑍍𑌯𑌪𑍍𑌰𑌦𑌾𑌯𑌕𑌮𑍍 ॥ 31 ॥

𑌯𑌃 𑌪𑌠𑍇𑌨𑍍𑌨𑌿𑌤𑍍𑌯𑌮𑍇𑌕𑌾𑌗𑍍𑌰𑌂 𑌪𑌾𑌤𑌕𑍈𑌃 𑌸 𑌵𑌿𑌮𑍁𑌚𑍍𑌯𑌤𑍇 ।
𑌲𑌭𑌤𑍇 𑌚𑌾𑌮𑌲𑌾𑌲𑌕𑍍𑌷𑍍𑌮𑍀𑌮𑌷𑍍𑌟𑍈𑌶𑍍𑌵𑌰𑍍𑌯𑌮𑌵𑌾𑌪𑍍𑌨𑍁𑌯𑌾𑌤𑍍 ॥ 32 ॥

𑌚𑌿𑌂𑌤𑌾𑌮𑌣𑌿𑌮𑌵𑌾𑌪𑍍𑌨𑍋𑌤𑌿 𑌧𑍇𑌨𑍁 𑌕𑌲𑍍𑌪𑌤𑌰𑍁𑌂 𑌧𑍃𑌵𑌮𑍍 ।
𑌸𑍍𑌵𑌰𑍍𑌣𑌰𑌾𑌶𑌿𑌮𑌵𑌾𑌪𑍍𑌨𑍋𑌤𑌿 𑌸𑌿𑌦𑍍𑌧𑌿𑌮𑍇𑌵 𑌸 𑌮𑌾𑌨𑌵𑌃 ॥ 33 ॥

𑌸𑌂𑌧𑍍𑌯𑌾𑌯𑌾𑌂 𑌯𑌃 𑌪𑌠𑍇𑌤𑍍 𑌸𑍍𑌤𑍋𑌤𑍍𑌰𑌂 𑌦𑌶𑌾𑌵𑍃𑌤𑍍𑌯𑌾 𑌨𑌰𑍋𑌤𑍍𑌤𑌮𑍈𑌃 ।
𑌸𑍍𑌵𑌪𑍍𑌨𑍇 𑌶𑍍𑌰𑍀𑌭𑍈𑌰𑌵𑌸𑍍𑌤𑌸𑍍𑌯 𑌸𑌾𑌕𑍍𑌷𑌾𑌦𑍍𑌭𑍂𑌤𑍍𑌵𑌾 𑌜𑌗𑌦𑍍𑌗𑍁𑌰𑍁𑌃 ॥ 34 ॥

𑌸𑍍𑌵𑌰𑍍𑌣𑌰𑌾𑌶𑌿 𑌦𑌦𑌾𑌤𑍍𑌯𑍇𑌵 𑌤𑌤𑍍‍𑌕𑍍𑌷𑌣𑌾𑌨𑍍𑌨𑌾𑌸𑍍𑌤𑌿 𑌸𑌂𑌶𑌯𑌃 ।
𑌸𑌰𑍍𑌵𑌦𑌾 𑌯𑌃 𑌪𑌠𑍇𑌤𑍍 𑌸𑍍𑌤𑍋𑌤𑍍𑌰𑌂 𑌭𑍈𑌰𑌵𑌸𑍍𑌯 𑌮𑌹𑌾𑌤𑍍𑌮𑌨𑌃 ॥ 35 ॥

𑌲𑍋𑌕𑌤𑍍𑌰𑌯𑌂 𑌵𑌶𑍀𑌕𑍁𑌰𑍍𑌯𑌾𑌦𑌚𑌲𑌾𑌂 𑌶𑍍𑌰𑌿𑌯𑌮𑌵𑌾𑌪𑍍𑌨𑍁𑌯𑌾𑌤𑍍 ।
𑌨 𑌭𑌯𑌂 𑌲𑌭𑌤𑍇 𑌕𑍍𑌵𑌾𑌪𑌿 𑌵𑌿𑌘𑍍𑌨𑌭𑍂𑌤𑌾𑌦𑌿𑌸𑌂𑌭𑌵 ॥ 36 ॥

𑌮𑍍𑌰𑌿𑌯𑌂𑌤𑍇 𑌶𑌤𑍍𑌰𑌵𑍋𑌽𑌵𑌶𑍍𑌯𑌮𑌲𑌕𑍍𑌷𑍍𑌮𑍀𑌨𑌾𑌶𑌮𑌾𑌪𑍍𑌨𑍁𑌯𑌾𑌤𑍍 ।
𑌅𑌕𑍍𑌷𑌯𑌂 𑌲𑌭𑌤𑍇 𑌸𑍌𑌖𑍍𑌯𑌂 𑌸𑌰𑍍𑌵𑌦𑌾 𑌮𑌾𑌨𑌵𑍋𑌤𑍍𑌤𑌮𑌃 ॥ 3𑍭 ॥

𑌅𑌷𑍍𑌟𑌪𑌂𑌚𑌾𑌶𑌤𑌾𑌣𑌢𑍍𑌯𑍋 𑌮𑌂𑌤𑍍𑌰𑌰𑌾𑌜𑌃 𑌪𑍍𑌰𑌕𑍀𑌰𑍍𑌤𑌿𑌤𑌃 ।
𑌦𑌾𑌰𑌿𑌦𑍍𑌰𑍍𑌯𑌦𑍁𑌃𑌖𑌶𑌮𑌨𑌂 𑌸𑍍𑌵𑌰𑍍𑌣𑌾𑌕𑌰𑍍𑌷𑌣𑌕𑌾𑌰𑌕𑌃 ॥ 3𑍮 ॥

𑌯 𑌯𑍇𑌨 𑌸𑌂𑌜𑌪𑍇𑌤𑍍 𑌧𑍀𑌮𑌾𑌨𑍍 𑌸𑍍𑌤𑍋𑌤𑍍𑌰𑌂 𑌵𑌾 𑌪𑍍𑌰𑌪𑌠𑍇𑌤𑍍 𑌸𑌦𑌾 ।
𑌮𑌹𑌾𑌭𑍈𑌰𑌵𑌸𑌾𑌯𑍁𑌜𑍍𑌯𑌂 𑌸𑍍𑌵𑌾𑌂𑌤𑌕𑌾𑌲𑍇 𑌭𑌵𑍇𑌦𑍍𑌧𑍍𑌰𑍁𑌵𑌮𑍍 ॥ 3𑍯 ॥

𑌇𑌤𑌿 𑌰𑍁𑌦𑍍𑌰𑌯𑌾𑌮𑌲 𑌤𑌂𑌤𑍍𑌰𑍇 𑌸𑍍𑌵𑌰𑍍𑌣𑌾𑌕𑌰𑍍𑌷𑌣 𑌭𑍈𑌰𑌵 𑌸𑍍𑌤𑍋𑌤𑍍𑌰𑌮𑍍 ॥